ما بنكر اني مريت بمنتديات بعدد شعر صلعتي الملساء، بس بصراحة مافي منتدى خلى نفسي تكبس للمشاركة فيه ، يمكن الحق على نفسي مو الحق على المنتديات، على العموم نفسي كبست للمشاركه بهالمنتدى العادي، ربما كبست نفسي للمشاركة لانه عادي لو كان رائع لما اشتركت فيه .. ربما.

اذا كان من حقي اني اعرفكم فمن باب اولى انه من حقكم تعرفوني - مثل ما انا بعرف حالي - قبل ما تعرفوني عليكم ، لذلك رح اقدم نفسي على حقيقتها:

يللي بيشوفني من بره باخد عقله بيقول ما احلى شبوبيه هلشب الحليوة، بس ما يقرب ويشوف يللي جوه بيلاقي مافي شي سليم على حاله، يعني بيلاقيني من جوه منبوش.. ما واضحة؟ بعطيكم صوره اقرب.. قلبي مركب عليه قفل ومسكره وما بعرف وين مفتاحه ضايع ، لذلك عم اضطر حول مجرى الدم للكبد ، والكبد عندي اتضخم مو لانه عم يقوم بدور القلب - لا والله شغال وما مقصر - بس لانه مر بظروف وشاف شوفات بتطق الكبد فازرق لونه واتضخم حتى ضغط على الرئتين والامعاء رابط فيهم المعدة والبنكرياس حاطيته اسفين للقرحة .. وقيس على ذلك..

وضعي العام انه خلقتني امي وانا محكوم بالاعدام .. بعمركم سمعتوا هيك سمعه ؟؟ والله العظيم اني من ولادتي لقيت حكم من القانون السوري ومصدق من مجلس الشعب السوري ونافذ باعدامي !! بتتعجبوا؟؟ وصدقوني انه نص الحكم بيحكم باعدام اولادي يللي من صلبي قبل ما يجوا للحياة ويطبق الحكم عليهم حال بلوغهم سن البلوغ والتكليف القانوني.. صدقوني عم احكي جد ما العب بالألفاظ.

بناء على ما سبق هربتني امي من سوريه لما كان عمري سبع سنين بهويه مزوره وسكنت ببيروت على امل يتم استثنائي من الحكم بواسطة .. وانا عم انتظر الفرج اجاني.. اجاني مو الفرج اجاني قوات الردع احتلوا لبنان وحاوطوا البيت يللي كنت فيه بـ 300 عنصر للقبض علي!!! وللطف الله ما كنت بالبيت لاني كنت مخلص الصف الثالث الابتدائي وناجح للرابع وطالع مشوار للجبل فزورولي جواز وهربت لابو ظبي.. القصه طويله اذا كان لي عمر بكلمها الكم

هلئ اضطريت اقطع كلامي لاني انشغلت - رفيقي بده وصله مشوار.. سامحوني اذا فيه اخطاء املائيه كتير .. وبتمنى اشوف ردود منكم مشان اتشجع اكمل معكم

هيئتك حموي يا اخونا:o

على العموم اهلا وسهلا فيك:D

بس الله يخليك ما تتقل العيار حاكم مو ناقصنا !!!!!!:p

يعني شي ظريف تجي تكتب عن المكان يلي ولدت فيه وترعرعت فيه في سوريا

لتجي وتذكر الماضي والسلبيات لاء .. ووين هون داخل المندتى العالمي هون

يا أخي انت حر بدك تحكي تعبر احكي عبر بس من دون ما تشوه الصورة يلي إلنا عصور وزمان

عم نرسمها ونكتبها ونغيرها ونطورها عن بلدنا الحبيب سوريا الله حاميها

و الله أول مرة بسمع هيك سمعة بس هيئتك خطير كتير :cry::cry:

أذا بتتذكر أنا قلت بعتبار أني خبير بالتلفزيون السوري و أسلوب المماطلة حفظانو رح أعدلك نفس العبارة لما بتنتهي القصة و بشوف أراء المشاركين رح أقراء القصة لما بتنتهي

و على فكرة ذاكرة حلبي ماشي حالها :lol:

هيئتك حموي يا اخونا:o

على العموم اهلا وسهلا فيك:D

بس الله يخليك ما تتقل العيار حاكم مو ناقصنا !!!!!!:p

شكرا zerocold hacker على الترحيب وما يبلوا الفهما،، على كل حال بس حسيت اني تقلت العيار طوطلي بزميرتك :lol:

شكرا zerocold hacker على الترحيب وما يبلوا الفهما،، على كل حال بس حسيت اني تقلت العيار طوطلي بزميرتك :lol:
يا عمي ان بنت مو شب:cry:

يعني طوطيلي مو طوطلي!!!:x

يعني شي ظريف تجي تكتب عن المكان يلي ولدت فيه وترعرعت فيه في سوريا

لتجي وتذكر الماضي والسلبيات لاء .. ووين هون داخل المندتى العالمي هون

يا أخي انت حر بدك تحكي تعبر احكي عبر بس من دون ما تشوه الصورة يلي إلنا عصور وزمان

عم نرسمها ونكتبها ونغيرها ونطورها عن بلدنا الحبيب سوريا الله حاميها

الراصد،، باين من ردك انك شي معبى ببنطلون (خزيت العين عنك ،، العين ترصدك الهي وسيدي) :shock:
لو كان بالمواطنه في اول وثاني لكان انا طلعت الاول وانته طلعت الطزيه .. :gem:
لاني بدي سورية عم تلمع لانها حرة :yahoo:أما انته بترضى تلمع صورة سورية بالكذب والدجل لذلك بتخاف من الحقيقة ،،
فلا تتمنفخ عليي لانه صورة سورية يللي بتلمع بتهمني قبل ما تهمك .. :sly:
واذا كنت انا من يللي ضحوا مشان سورية حرة ولسه مصرين عليها بينما في ناس رضيت بالذل واستطابته نفوسها وما عاد ترضى حدا يحكي الحقيقة..
ترى قول للي لجماعتك انه يضبوا غراضهم الحرية صارت على بواب الشام ،، قوم افتحلها الباب ،، شو ما عم تسمع صوت دقاتها؟؟؟؟؟:ss:
ونحنه وكل السوريين يللي بنعرف انه الله حامي سورية وبنعرف مين حراميها.:clap:

و الله أول مرة بسمع هيك سمعة بس هيئتك خطير كتير :cry::cry:

أبو عقيييد شكرا على المرور والتعليق،، صدقني انا مو خطير .. ولدت لقيت حالي هيك ،،، ولقيت حكم بالاعدام عليي وعلى ذريتي من بعدي!!! بس بلدنا هيه يللي بخطر،، الله يحميها من حراميها

أذا بتتذكر أنا قلت بعتبار أني خبير بالتلفزيون السوري و أسلوب المماطلة حفظانو رح أعدلك نفس العبارة لما بتنتهي القصة و بشوف أراء المشاركين رح أقراء القصة لما بتنتهي

و على فكرة ذاكرة حلبي ماشي حالها :lol:

شكرا على التعليق يا ابن الشهباء والله محيي حارتكم ومحيي حلب من اولها لاخرها،، ترى ما بنيتي طول السيرة عليكم ،، ولا بحب المماطله ولا بحب تابع التلفزيون السوري،، ولو بدي احكي التفاصيل لكنت ما خلصت،، القصة طويييييييييييييلة فيها اقسام وفصول.. بس بدي اعطي صوره موجزة عن عشرات الالوف امثالي عايشين بالمغترب القسري ،، وفوق هذا بيجبرونا ندفع مبلغ سنوي ضريبة اغتراب!!! بلاد العجائب .. يعني يا بترجع لبلدك مشان نحكمك بالاعدام ونخففه لـ12 سنة !!!! يا اما بتعيش بالغربة وبتدفع ضريبة اغتراب سنوية!!!! يا اما بتحل عنا وبتلاقيلك جنسية تانيه تحويك!!!

يا عمي ان بنت مو شب:cry:

يعني طوطيلي مو طوطلي!!!:x
لا تاخذيني .. بعتذر .. وبطلب منك السماح.. الخطأ مردود.. خطأ الجسم ولا خطأ الاسم،، فياما ناس بسبب خطأ بالاسم انقلبت حياتهم.
مع اني ما بحب (التنظيمات) ولا بقتنع فيها بس طوطيلي من (تنظيم) كفر سوسه ومباشرة رح تلاقيني عم جاوبك وين ما كنت.

اهلا ناعورة الحرية
انا متلك جديدة هون
بس الله يعينك
والله الواحد تعبت نفسيته من هيك قصص
الله يفرج همك

يا سيدي مو مشكلة :deal:

بس على فكرة ما تظن انو هاد تنظيم سياسي لاأ هاد تنظيم لبساتين كفرسوسة :lol:
يعني ئرنة جديدة وبتشهي القلب

قصدي بتعمي عالقلب :cry: لانو نص البنايات لسا ما خالصة والنص التاني لسا عم ينحفر :sick:

خلص مشان حلفانك مابقوم والله:lol:

اهلا ناعورة الحرية
انا متلك جديدة هون
بس الله يعينك
والله الواحد تعبت نفسيته من هيك قصص
الله يفرج همك

ميت هلا فيكي قرتي مسك،، الصدر الك والعتبة إلنا ،،، انا وياكي جدد على المصلحه بنونس بعض.

من ناحية الواحد تعبت نفسيته من هيك قصص فأنا معك بالميه ميه ،، بس هذا واقع لعشرات ألوف السوريين .. لايمت بدهم يظلوا ساكتين عن حقهم وحق ولادهم؟؟؟ مو الساكت عن الحق شيطان اخرس؟؟؟
بالنهاية لازم تعيش بلدنا بحرية مثل الناس ما بدها وما ترضى حدا يفرض عليها نظام معيشه معين.

الله يفرج همي وهمك وهم كل سوري حريص على حرية سورية.

يا سيدي مو مشكلة :deal:

بس على فكرة ما تظن انو هاد تنظيم سياسي لاأ هاد تنظيم لبساتين كفرسوسة :lol:
يعني ئرنة جديدة وبتشهي القلب

قصدي بتعمي عالقلب :cry: لانو نص البنايات لسا ما خالصة والنص التاني لسا عم ينحفر :sick:
يا ستي الحكي بيني وبينك ولاتقولي لحدا ،، ما يطلع الحكي من بيناتنا امانة.. بشتهي اقدر ارجع لشم تراب سورية واسمع الحكي الشامي عم يرندح بادني حتى لو عشت بسفل بناية على العظم بتنظيم كفرسوسة .. مشتاق مشتاق مشتاق

آمين
يا ريت تتدعي(الله يفرج هم كل العرب والمسلمين):deal:
لحتى ما أترك المنتدى:cry:

لا تزعل مني ناعورة الحرية
حاسة انه هالحكي فيه شوية مبالغة
الله يعينكم عندكم هيك قصص بسورية؟؟؟؟؟

يا ستي الحكي بيني وبينك ولاتقولي لحدا ،، ما يطلع الحكي من بيناتنا امانة.. بشتهي اقدر ارجع لشم تراب سورية واسمع الحكي الشامي عم يرندح بادني حتى لو عشت بسفل بناية على العظم بتنظيم كفرسوسة .. مشتاق مشتاق مشتاق
والله معك حق متل العيشة بالشام ما في الله يرزقك ياها عن قريب انشا الله

:D :D

خلص مشان حلفانك مابقوم والله:lol:

هلا بالطيب الغالي .. عزيز .. وقومتك حلوة :ss:

والله معك حق متل العيشة بالشام ما في الله يرزقك ياها عن قريب انشا الله

:D :D
الله يسمع منك يااااارب ويردني إلى حضن أمي وقهوة أمي .. لامسح بخدي دمعة أمي،، الله يرد كل طيور الحرية المهاجرة عن سورية يردها مرفوعة الراس ومجبورة الخاطر يارب .. نرجع نجتمع ويلم كل السوريين حضن واحد

هلا بالطيب الغالي .. عزيز .. وقومتك حلوة :ss:
ترى نا جا على بالي اشوف عيونك الحلوة:D

..... وضعي العام انه خلقتني امي وانا محكوم بالاعدام .. بعمركم سمعتوا هيك سمعه ؟؟ والله العظيم اني من ولادتي لقيت حكم من القانون السوري ومصدق من مجلس الشعب السوري ونافذ باعدامي !! بتتعجبوا؟؟ وصدقوني انه نص الحكم بيحكم باعدام اولادي يللي من صلبي قبل ما يجوا للحياة ويطبق الحكم عليهم حال بلوغهم سن البلوغ والتكليف القانوني.. صدقوني عم احكي جد ما العب بالألفاظ.

بناء على ما سبق هربتني امي من سوريه لما كان عمري سبع سنين بهويه مزوره وسكنت ببيروت على امل يتم استثنائي من الحكم بواسطة .. وانا عم انتظر الفرج اجاني.. اجاني مو الفرج اجاني قوات الردع احتلوا لبنان وحاوطوا البيت يللي كنت فيه بـ 300 عنصر للقبض علي!!! وللطف الله ما كنت بالبيت لاني كنت مخلص الصف الثالث الابتدائي وناجح للرابع وطالع مشوار للجبل فزورولي جواز وهربت لابو ظبي..[/quote]
.. طبعا خلال التنقلات كانت تروح علي سنين دراسة بس الحمد لله بعمري ما اخدتها الا الاول على الصف، ..بابوظبي اجتمعت العيلة كاملة وعشنا تيسرت أمورنا واشتغلنا والله فتح علينا كعائلة لحتى صرت انا بأول جامعة هندسة كهربا بعدا اجت حرب الخليج ضد صدام ((الله يرحمه)) الحرب الاولانيه تبع تحرير الكويت ،، وللي ما بيتذكر انه بهديك الحرب قاتل الجيش السوري مع الجيش الاميركي ضد المرحوم صدام حسين , ولانه قاتل مع الامريكان والخليجيين طلب من دولة الامارات انها تسلم كل واحد من المطلوبين فيها ( اعطتها قوائم بالاسماء) لسورية ( صاروا بحلف واحد وبيمونوا على بعض) . طبعا الامارات بتعرف قصتنا وانه نحنه مالنا اي جريمة بسورية حتى الاحداث يللي صارت بسوريه نحنه ما حضرناها.. لذلك اجوا لعنا قالوا ترى يا اما بتلاقولكم بلد تانيه يا اما بدنا نسلمكم للاعدام بسورية.. فاضطرينا نسافر كل واحد لبلد ،، انا قررت وقتها اكمل دراستي الجامعية بالعراق وبعدها لحقت بقية اهلي للغرب بعد ما عادت تقبل باستقبالنا ولا بلد عربي.
هاي قصتي بالمختصر المفيد.
طبعا طول عمري بلفى على السوريين وين ما كانوا وما حبيت من الشعوب العربية غير العراقيين بحسهم كتير قريبين للسوريين ، وناس فعلا بيتعاشروا الله يفرج همهم وهمنا.
دول المشرق العربي كلها عن بكرة ابيها يللي ما عايش فيها فترة طويلة زايرها وبعض دول المغرب العربي ايضا.. وهلئ اخدت الماجستير الحمد لله وعم اجهز رسالة الدكتوراه.. بركي الله بييسر بدعاءكم.

..... وضعي العام انه خلقتني امي وانا محكوم بالاعدام .. بعمركم سمعتوا هيك سمعه ؟؟ والله العظيم اني من ولادتي لقيت حكم من القانون السوري ومصدق من مجلس الشعب السوري ونافذ باعدامي !! بتتعجبوا؟؟ وصدقوني انه نص الحكم بيحكم باعدام اولادي يللي من صلبي قبل ما يجوا للحياة ويطبق الحكم عليهم حال بلوغهم سن البلوغ والتكليف القانوني.. صدقوني عم احكي جد ما العب بالألفاظ.

بناء على ما سبق هربتني امي من سوريه لما كان عمري سبع سنين بهويه مزوره وسكنت ببيروت على امل يتم استثنائي من الحكم بواسطة .. وانا عم انتظر الفرج اجاني.. اجاني مو الفرج اجاني قوات الردع احتلوا لبنان وحاوطوا البيت يللي كنت فيه بـ 300 عنصر للقبض علي!!! وللطف الله ما كنت بالبيت لاني كنت مخلص الصف الثالث الابتدائي وناجح للرابع وطالع مشوار للجبل فزورولي جواز وهربت لابو ظبي..
.. طبعا خلال التنقلات كانت تروح علي سنين دراسة بس الحمد لله بعمري ما اخدتها الا الاول على الصف، ..بابوظبي اجتمعت العيلة كاملة وعشنا تيسرت أمورنا واشتغلنا والله فتح علينا كعائلة لحتى صرت انا بأول جامعة هندسة كهربا بعدا اجت حرب الخليج ضد صدام ((الله يرحمه)) الحرب الاولانيه تبع تحرير الكويت ،، وللي ما بيتذكر انه بهديك الحرب قاتل الجيش السوري مع الجيش الاميركي ضد المرحوم صدام حسين , ولانه قاتل مع الامريكان والخليجيين طلب من دولة الامارات انها تسلم كل واحد من المطلوبين فيها ( اعطتها قوائم بالاسماء) لسورية ( صاروا بحلف واحد وبيمونوا على بعض) . طبعا الامارات بتعرف قصتنا وانه نحنه مالنا اي جريمة بسورية حتى الاحداث يللي صارت بسوريه نحنه ما حضرناها.. لذلك اجوا لعنا قالوا ترى يا اما بتلاقولكم بلد تانيه يا اما بدنا نسلمكم للاعدام بسورية.. فاضطرينا نسافر كل واحد لبلد ،، انا قررت وقتها اكمل دراستي الجامعية بالعراق وبعدها لحقت بقية اهلي للغرب بعد ما عادت تقبل باستقبالنا ولا بلد عربي.
هاي قصتي بالمختصر المفيد.
طبعا طول عمري بلفى على السوريين وين ما كانوا وما حبيت من الشعوب العربية غير العراقيين بحسهم كتير قريبين للسوريين ، وناس فعلا بيتعاشروا الله يفرج همهم وهمنا.
دول المشرق العربي كلها عن بكرة ابيها يللي ما عايش فيها فترة طويلة زايرها وبعض دول المغرب العربي ايضا.. وهلئ اخدت الماجستير الحمد لله وعم اجهز رسالة الدكتوراه.. بركي الله بييسر بدعاءكم.[/quote]



..............................
:shock: فلجتني

لا تزعل مني ناعورة الحرية
حاسة انه هالحكي فيه شوية مبالغة
الله يعينكم عندكم هيك قصص بسورية؟؟؟؟؟

تاكدي ما رح ازعل منك لو حسيتي انه بكلامي مبالغة،، ربما كنت ازعل لو ما حسيتي انه فيه مبالغة.. لانه ما حد بيرضى انه يكون وضع بلده بهذا المستوى

وبصراحه كان فيني اثبت كلامي بدون ما اخلي حدا يشك بكلامي، بس ما حابب اغمق كتير مثل ما وصوني باول تعليق على مداخلتي.. وكتير من السوريين فهمانين شو القصة ترى لانها قصة عشرات الالوف وربما تزيد عن مئة الف سوري مهاجر.

على كل حال مشان تعيشي جو القصه بقلك انه في قانون بسورية اسمه 49/80 بيحكم بالاعدام مباشرة على كل من ينتمي او يساند او يأوي أو أو أو.. الخ لتنظيم محدد ويطبق القرار باثر رجعي ،،
ولما كان ابوي بيوم من الايام منتمي لهذا التنظيم ورغم انه ابوي مغادر سورية من سنة 73 اي قبل 9 سنين من صدرو القرار فصار القرار ينطبق عليه ، طيب وانا شو دخلني؟؟؟؟
لانه قوانين هذا التنظيم بتقول انه اولاد اعضاء التنظيم يعتبروا جزءا من التنظيم حكما وبدون ان يقدموا طلب انتساب. وبذلك يطبق قانون الاعدام على كل ذرية واحد انتمى بيوم من الايام لهذا التنظيم .. طبعا في شباب رجعوا لسوريه لانهم بعمرهم ما انتسبوا لهذا التنظيم مثل ابن الحريري يللي لسه مسجون وواحد ابن الطبشي انحكم 12 سنه وخلص محكوميته وطلع. وغيرهم كتييير مو هون مجال لعدلك اياهم