كشف نقيب الفنانين السوريين وعضو البرلمان صباح عبيد خلال استضافته في برنامج «ضد التيار» مع الاعلامية وفاء الكيلاني، عن ندمه لترشيح نفسه الى مجلس الشعب الذي يشغل أحد مقاعده حاليا، مؤكدا انه لن يرشح نفسه للدورة الجديدة من انتخابات مجلس الشعب السوري.
شهدت الحلقة التي يعاد عرضها يوم الاثنين المقبل على «روتانا موسيقى» في الساعة التاسعة مساء، الكثير من التصريحات النارية من جانب الفنان صباح عبيد الذي اصر على قراره منع بعض الفنانين والفنانات من الغناء في الحفلات العامة بسورية أمثال «هيفاء وهبي، جاد شويري، دانا، ماريا» وغيرهم ممن تضمنهم قرار المنع، مؤكدا انه اتخذ هذا القرار بحق الفنانين الذين لا يقدمون فنا يحترم الأذن، ووصفهم بأبشع النعوت والصفات لدرجة انه قال عن بعض الفنانات انهن لا يقدمن فنا انما افلاما اباحية.
وتحدث صباح عبيد عن عدة مواضيع حساسة كان ابرزها اعتذاره عن تأدية دور البطولة في الجزء الثالث من مسلسل «باب الحارة» معللا ذلك بعدم تقديره ماديا واتهم في هذا السياق مخرج العمل بسام الملا بانه لص، كما تناول الفنان صباح عبيد من موقعه كنقيب للفنانين شجون وشؤون الفن السوري وأبرز المشكلات التي تواجهها الدراما السورية وظروف الانتاج الدرامي واوضاع الفنانين السوريين لافتا الى أن الدراما السورية تمر بمرحلة انتقالية من التجريب الى الاحتراف.

ومن نفس الموقع أكد صباح عبيد صحة ما نقل عن نقابة الفنانين في سورية بأنه قام بتجميد عضوية عدد من الفنانين السوريين على رأسهم ميادة الحناوي وجورج وسوف وسامية الجزائري بسبب امتناعهم عن دفع رسوم النقابة لعدة سنوات، وبأن هذا التجميد مؤقت ريثما يقوم الفنانون بترتيب أوضاعهم مع النقابة وتسوية خلافاتهم المادية معها.
وفي الفقرة الاجتماعية عرض البرنامج حالة شاب سوري يعاني من البطالة وناقشت وفاء مع ضيفها هذه المشكلة وآثارها سواء في سوريا أو في الوطن العربي ووصف الفنان صباح عبيد البطالة بأنها تؤدي الى الاحباط.




منقول عن الراي
رايي الشخصي انو هيدا اسمو استعراض وفشخرة وهيدا غلط بالإدارة ما بيمشي الحال هيك :pos:

ظريف هالزلمي عفكرة كتير ها .... مين مفكر حالو يعني ؟؟ ما بعرف بس بحسو شايف حالو :?

ما بعرف حاسي انو عندو وضع معين بس شو هوي ما بعرف :dunno:

مع مين هوي .....؟؟ شو بدو .....؟؟

ظريف هالزلمي عفكرة كتير ها .... مين مفكر حالو يعني ؟؟ ما بعرف بس بحسو شايف حالو :?
اي من كتير مو ظريف مو عارف شو بدو ياخد قرارات تجيب أجلو :o

ما بعرف حاسي انو عندو وضع معين بس شو هوي ما بعرف :dunno:

مع مين هوي .....؟؟ شو بدو .....؟؟
ممكن تسأليه لو بتقدري ...
بستغرب من الي بيحرم شغلة وهوي عاملها وعلى راس القائمة كمان يعني فاقد الشيء لا يعطيه :p

لك هاد اساتو مفكر حالو الغضنفر بالجوارح
وما عم يقدر يصدق انو الغضنفر مجرد شخصية فانتازية لعبها من حوالي 12 او 15 سنة و خلصت

لك هاد اساتو مفكر حالو الغضنفر بالجوارح
وما عم يقدر يصدق انو الغضنفر مجرد شخصية فانتازية لعبها من حوالي 12 او 15 سنة و خلصت
قبل قبل هيك بكتير يمكن لساتو بايام الي فكر يمثل ويصير ممثل
ايام الزمن اللازوردي :?

اي واجاه دور الغضنفر و صدق حالو

صباح عبيد

إلى الأمام

حاسس حاله ببرنامج العراب
:lol:

اي واجاه دور الغضنفر و صدق حالو
انشاء الله يجيه دور الزعيم بس شو دخل هالبشر يعني ليش حتى يفش غضبو فيهن
ونازل قرارات وحكي شي بينسمع وشي بدو حقل قطن حتى ما ينسمع .. بعدين مطالعينو يحكي باسم هالفنانين خطي والله حرام في غيرو كتير مابيحكوا ليش ما حطوهن

انشاء الله يجيه دور الزعيم بس شو دخل هالبشر يعني ليش حتى يفش غضبو فيهن
ونازل قرارات وحكي شي بينسمع وشي بدو حقل قطن حتى ما ينسمع .. بعدين مطالعينو يحكي باسم هالفنانين خطي والله حرام في غيرو كتير مابيحكوا ليش ما حطوهن

يستر عرضك بلاهالحكي شو زعيم :cry: لك اذا غضنفر وماعاد اتهدى فكيف لوياخد دور زعيم

صباح عبيد

إلى الأمام

حاسس حاله ببرنامج العراب
:lol:
مو بعيد بعد هالتصريحات الساخنة من قبلو ينطلب على برنامج غود مورنينغ اميركا كمان :p
لأنو مفكر حالو نقيب الفنانين الهوليوديين مو السوريين :shock:

بدو حقل قطن حتى ما ينسمع .
بيقدر يعمل ألتفاف للذقن
وبيطلع متل السيخ:cry:

شميت ريحة لوبية ومجردة البرغل وزيت وزعتر وريحة أرنبيط قبل ما ينعرض البرنامج
هههههههه

بيقدر يعمل ألتفاف للذقن
وبيطلع متل السيخ:cry:
هههههههههههههههههه
عنجد شكلو بيطلع فلجة :lol::lol::lol:

شميت ريحة لوبية ومجردة البرغل وزيت وزعتر وريحة أرنبيط قبل ما ينعرض البرنامج
هههههههه
بالله تعيرني تلفزيونك شوي جوعانة وجاي على بالي شوف شي اكلة طيبة غير الي انذكروا

لا النقاش كان قبله جلست قرنبيط وقرط فجل مفشول

النغاش ألي صار بالتي في قصدي
:lol:
فكان قبله أكل أكيد ومافي كازوز للتهضيم
فمنشان هيك طلع النقاش لايف يعني بيور صافي
خنقنا يخرب بيته
:o

حدا بيعرف شو وجعو :sick::sick::sick:

كولون وميغرين

الله يشفيه

لا النقاش كان قبله جلست قرنبيط وقرط فجل مفشول
اي فهمت عليك شو قصدك وكان واضح من شكلو انو ضارب حجرين او آكل فجل مفشول :p
بس انا جوعانة وعلى سيرة الأكل وبما انو تلفزيونك بيطلع الريحة كمان قلت بلكي منشوف قناة فتافيت ومن طالع شي اكلة طيبة غير المذكورين اعلاه

كولون وميغرين
يمكن عندو احتقان باللوزتين لأنو من طبيعة الأكل يبدو ما عندو مشكلة بالكولون

الله يشفيه

الله يبليه مو يشفيه خجلنا قدام البشر في حدا بالدنيا بيوقف افضل الفنانين عندو مشان شوية مصاري بدل ما يفكر شو بدو يعطيهن عم يفكر انو ليش ما دفعولو مصاري .... هه زمن العجايب

يمكن عندو احتقان باللوزتين لأنو من طبيعة الأكل يبدو ما عندو مشكلة بالكولون
اللوزتين بينشالوا وبينحطوا متل طقم الاسنان يعني الشغلة مو باللوز

اللوزتين بينشالوا وبينحطوا متل طقم الاسنان يعني الشغلة مو باللوز
معناها معو تضخم بالبروستات الي تحت الغدة النخامية الي بالفص القفوي من الدماغ :shock:
شو رأيك ;)

معناها معو تضخم بالبروستات الي تحت الغدة النخامية الي بالفص القفوي من الدماغ :shock:
شو رأيك ;)

أحــــــــــــــيه
أحــــــــــــــــيه
يا ستي موافق
بس بيني وبينك
في مشروع هلق جديد عبيقروا بالبلدية هو مشروع عمل الصرف الصحي في الي بالي بالك
يعني تبديل مواسير حفر ريكارات تمديدات صحية عموما كله كله
وبدون مناقصة بكام من قاله شالوا
يعني بتعتبريها خدمة للوطن ومعفي من الدرايب يدرب درب على هالباجوق :o

نقيب الفنانين هاد ما بيصير تحكي عليه هيك يا زلمة عيب هاد بيمثل فنانين سوريا قال يعني مالقو أحس من هالشخصية يحطوها نقيب

الشخصية اللي بتستاهل تكون نقيب الفنانين
دريد لحام

نقيب الفنانين هاد ما بيصير تحكي عليه هيك يا زلمة عيب هاد بيمثل فنانين سوريا قال يعني مالقو أحس من هالشخصية يحطوها نقيب

هاد نقيب بتشديد الياء يعني من فعل نقب:p بعدين هوي ممثل بس مو شرط يمثل هالدور مو لابقلو يعني يروح يدور على دور احسن من هيك مو راكبة يعني عم يمثل فنانين سوريا

أحــــــــــــــيه
أحــــــــــــــــيه
يا ستي موافق
بس بيني وبينك
في مشروع هلق جديد عبيقروا بالبلدية هو مشروع عمل الصرف الصحي في الي بالي بالك
يعني تبديل مواسير حفر ريكارات تمديدات صحية عموما كله كله
وبدون مناقصة بكام من قاله شالوا
يعني بتعتبريها خدمة للوطن ومعفي من الدرايب يدرب درب على هالباجوق :o
اي طيب لكن مرقلي هالمشروع لندرس العرض والطلب ;)

يعني ابو وديع؟

اي ابو وديع

يعني ابو وديع؟

ايه أب وديع لاء والأنكا من هيك انو فنانيين سوريا كلون بكفة وأب وديع والست ميادة بكفة

اي ابو وديع
لك لاء انا فكرتو عم يحكي عن ابو وديع :shock:
طلع قصدو ابو وديع

الشخصية اللي بتستاهل تكون نقيب الفنانين
دريد لحام
والله في كتار بيستاهلو يكونو اكتر منو وانا معك انو الواحد بينقي وجه السحارة الي عندو اما عندنا بينقو المعفن ومابيهتمو بعرض البضاعةبنوب على اساس كلو ماشي

نقيب الفنانين بتوقع يكون ممثل ابو مرايا مالي متزكر اسمه

نقيب الفنانين بتوقع يكون ممثل ابو مرايا مالي متزكر اسمه
اكيد لاء وقصدك ياسر العظمة ما بتوقع اسا الو شعبيتو متل الأول :shock:

بعد ناقص اصولة

اكيد لاء وقصدك ياسر العظمة ما بتوقع اسا الو شعبيتو متل الأول :shock:


أسمحيلي أعارضك بهالنقطة وخاصة بعد ما أتصورت معه بالشاطئ الأزرق
بجد أنسان محترم
موضوع الشعبية بتروح وبتجي متل الكريب
بس الأساس صح
إلا إذا بدك تحطيلي غادة الشمعة أو أديب قدورة مثلا

بعد ناقص اصولة
:shock::?:shock:

أسمحيلي أعارضك بهالنقطة وخاصة بعد ما أتصورت معه بالشاطئ الأزرق
بجد أنسان محترم
موضوع الشعبية بتروح وبتجي متل الكريب
بس الأساس صح
إلا إذا بدك تحطيلي غادة الشمعة أو أديب قدورة مثلا
انا بسمحلك تعارضني على كيفك يعني شي على اليمين وشي على اليسار :p
بس انو كرمال انك متصور معو بالشاطئ الأزرق صار لازم يصير نقيب للفنانين :pos:
معناها هلأ عرفنا الأخ الغضنفر ليش صار نقيب فنانيننا العظماء :frown:
بعدين لا غادة الشمعة ولا هيدا طفاية الشمعة التاني ما بعرفهن بس يعني الموضوع بدو دراسة وانتخابات عنجد :gem:

انا بسمحلك تعارضني على كيفك يعني شي على اليمين وشي على اليسار :p
بس انو كرمال انك متصور معو بالشاطئ الأزرق صار لازم يصير نقيب للفنانين :pos:
معناها هلأ عرفنا الأخ الغضنفر ليش صار نقيب فنانيننا العظماء :frown:
بعدين لا غادة الشمعة ولا هيدا طفاية الشمعة التاني ما بعرفهن بس يعني الموضوع بدو دراسة وانتخابات عنجد :gem:
طولي بالك أنا مالي متصور مع الغضنغر
انا متصور مع ياسر
بتوقع نقيب الفنانين لازم ما يلاحق اشتراكات الفنانين ومو شرط يكون متمرس بالفن ويجي يصير نقيب
نقيب الفنانين لازم يكون عنده أفكار بالحقوق وتطوير هذا القطاع التجاري
لأنه الفن تقريبا قطاع أستثماري ومربح كمان
لكن لو بتلاحظي التجارة بهاكوزا قطاع مربح بالشق الذي يتحدث عن الجسد من روبي وجماعتها
ولا شو رأيك
شو رأيك نفتح حوار ساخن يتكلم على الفن السوري ؟

يعتلي الآن الفن السوري وبالأخص الدراما السورية قمة الهرم
وبما أنها - الدراما السورية - أصبحت بالقمة وعندما نصل إلى القمة نجد فريق موالي ومناصر وفريق حاقد ومعادي والآن وبالآونة الأخيرة نشأت حروب من نوع أخر وهي محاربة الدراما السورية
وبهذه اللحظة دأبت مجموعة من الفنانين إلى الهدوء والتفكير بعد أعتلاء القمة أي الهدوء قبل أكمال الأعتلاء
وجماعة أخرى بدأت بفكرت الدبلجة وغيروا مزاجية المتلقي العربي من العربي إلى التركي
وهذه فكرة أرفع لهم القبعة
لكن ما هي المفاجئة القادمة ؟
هنا التسائل
لأن الفكرة تصنع الملايين بقطاع الفن
ودمتم

انو هاد مطول بنقابة الفنانين؟

حاسس انو ماحدا لح يضل مالح تتجمد عضويتو بكرة بينزل عالشارع وبيصير بيجمد عضوية العالم العادية اللي مال الها عضوية اساسا


بقص ايدي اذا ما بيفيق بنص الليل وبيصير بحك جسمو وبيقول منع تجميد

بيصير بيخرم عالمنع

مايسترو

ميادة وأبو وديع هن بحد ذاتون نقابة .... وردي على أبو عبيد ... حاجه لعي بلى طعمه

يا ريته عنا باخوية