-
دخول

عرض كامل الموضوع : اســـبوع

صفحات : [1] 2
The morning
17/06/2008, 18:33
مـرحبا ,

من شـي كم اسـبوع كنت عم احـضر بـرنامج اسـمو " 30 Days" هالبرنامج بيـحكي عن تـجربه شـخص خلال 30 يوم من الـعيشه بظروف غير ظروفه الطبيعيه يعني اجواء مش متعود عليها , مرّه جرب يعيش كـمقعد على كرسي متحرك و مرّه كـسجين و مرّه يعيش تحت الارض و مره و مره و الخ الخ .. اللي حابب يعرف اكتر عن البرنامج يزور الموقع تبعو ..
باخر كل تجربه بيحكي عن اديش افادته التجربه و شو غيرت من نظرتو للاشيا .
هلئ بما انو هو خارج الحاله و عرفان انو رح تخلص بعد 30 يوم فاسـهل عليه نفـسيا التعاطي معها .. انما مع ذلك ببعض الاحيان بتكون متعبه جدا ..
هــون خـلينا نـجرب , ضـمن قـدراتنا , نـغير شـي بـحياتنا و نـعيش اسـبوع خلال جـو مـختلف لنـشوف اديش بنـقدر نتقبل هالـتغير و يـخبرنا كل يوم بهالاسـبوع شـو عم يـصير معو و بالاخر شـو اللي تغـير بنـظرتو للحاله اللي جـربها ..
انا مـبارح بـلشت عايشه اسـبوع كـنباتيّه , يعني انسان نباتي ما بياكل شـي من اللحوم , بيقدر ياكل المنتجات تبع الحيوان من سمنه و لبن و جبنه و الخ الخ .. بس اللحوم بكافه انواعها ممـنوعه و لـهلئ كتـير ماشي الوضع تمام و ما كتير حاسه بـتغير شـي لاني ما كتـير من اكـلي اللـحوم عامه بـحياتي الطبيعيه ..

** هــامش , خـلينا نـجرب الاشـيا اللي ضـمن قبول العقل و المـعقول و ضمن ارشادات الـسلامه فـقط . يعني ما حدا يجرب يعيش اسبوع كـحرامي مثلا :shock: ..
يمان Rooooonaldo
17/06/2008, 18:39
اي اي .. حلوة الفكرة بس نطاق التطبيق بحسو .. ضيق ما بحس انو في كتير امور ممكن انو تصير ..

عكلن اول ام بيخطر عبالي شي ممكن اني طبقو .. وببقا بخبركم:D
biomen
17/06/2008, 18:41
موضوع حلو والله تسلمي....يعني هيك ممكن الانسان يصير فيه يكتشف قدرته على التحمل اول شيء و كمان يستفيد من تجربة الاخرين...كتير حلو الموضوع
مالك الحلبي
17/06/2008, 18:43
اولا شكرا مورنينغ على الموضوع
وأول شي خطرلي أني أعيش أسبوع كامل متسول في الشوارع بس قلت ليحسبوني مجنون وحدا يعرفني
تقبلي مروري
هدوء البحر
17/06/2008, 18:54
موضوع حلو

خلينا نعبش اسبوع بدون انترنت ولا موبايل ولا تلفزيون بلا تكنولوجية
The morning
17/06/2008, 18:57
اي اي .. حلوة الفكرة بس نطاق التطبيق بحسو .. ضيق ما بحس انو في كتير امور ممكن انو تصير ..

عكلن اول ام بيخطر عبالي شي ممكن اني طبقو .. وببقا بخبركم:D

في امور صـعبه و في امور اسـهل و ضمن الـقدره و لهيك لونتلك ضمن قدراتنا بالاحمر الفاقع 8)
The morning
17/06/2008, 19:38
اولا شكرا مورنينغ على الموضوع
وأول شي خطرلي أني أعيش أسبوع كامل متسول في الشوارع بس قلت ليحسبوني مجنون وحدا يعرفني
تقبلي مروري

قـلنا ضـمن المـعقول :lol:
The morning
17/06/2008, 19:40
موضوع حلو

خلينا نعبش اسبوع بدون انترنت ولا موبايل ولا تلفزيون بلا تكنولوجية

اوكـي طـيب بالمرات الـجايه هي كتـير فكره ظريفه ..
بس خلينا نمشي شغله شغله ,,

بس هلئ مين حابب يجرب تجربه العيشه كنـباتي مـعي ؟؟
مالك الحلبي
17/06/2008, 19:47
أنا شغال على الطرفين
لحمي ونباتي
:lol:
بس كفكرة اورجينال خالص :D
وهج البراءة
17/06/2008, 19:54
اوكـي طـيب بالمرات الـجايه هي كتـير فكره ظريفه ..
بس خلينا نمشي شغله شغله ,,

بس هلئ مين حابب يجرب تجربه العيشه كنـباتي مـعي ؟؟



أنا بجرب معك لأنو انا متلك ما باكل لحوم كتير

يسلمو ع الموضوع:D
The morning
17/06/2008, 19:58
أنا بجرب معك لأنو انا متلك ما باكل لحوم كتير

يسلمو ع الموضوع:D

اوكـــــي :gem:
هي صرنا 2 ناقصنا تنين و بنلعب طرنيب نباتي .. بس باخر الاسبوع بدك تفوتي تكتبي تجربتك و كيف كانت و شو اثرت عليكي و الخ الخ ديل ؟
وهج البراءة
17/06/2008, 20:06
اوكـــــي :gem:
هي صرنا 2 ناقصنا تنين و بنلعب طرنيب نباتي .. بس باخر الاسبوع بدك تفوتي تكتبي تجربتك و كيف كانت و شو اثرت عليكي و الخ الخ ديل ؟


ماشي ديل:deal:

ايمت رح احكي عن تجربتي؟؟ بس خلص انا ولا كلنا بنفس اليوم:?
The morning
17/06/2008, 20:08
ماشي ديل:deal:

ايمت رح احكي عن تجربتي؟؟ بس خلص انا ولا كلنا بنفس اليوم:?
بس تخلصي الاسبوع ..
وهج البراءة
17/06/2008, 20:11
خلص لكــــــــــان نحن لهـــــــــا:gem:
Reemi
17/06/2008, 20:29
حلو كتيييييييييير جميل جدا
عندي فكره انو نعيش بلى تلفزيون بس حاليا صعب لانو في مباريات يعني ..

رح ابدا معكن من بكرا نباتي :gem:
..AHMAD
17/06/2008, 20:32
هلئ بما انو ولدان بالشام وعاييش بالشام ... يعني مدينة ... وبما انو صرلي 3 ايام بالضيعة والبيت بالضيعة خالي من اي وسيلة تكنولوجيا وترفيه الا هالمسكين اللابتوب ... ف رح اعتبر حالي عايش بظروف غير طبيعية :gem:
was616im
17/06/2008, 20:36
اوكـي طـيب بالمرات الـجايه هي كتـير فكره ظريفه ..
بس خلينا نمشي شغله شغله ,,

بس هلئ مين حابب يجرب تجربه العيشه كنـباتي مـعي ؟؟

المشكلة انو يعني احيانا بيمر عليي اسبوع بلا ما اكل لحمة و احيانا بضل كل الاسبوع عم اكل لحمة بس :shock:

انو يعني قصدي انو بيمر عليي اسبوع ما باكل لحمة وما بحس بشي تاقصني او انو شي غريب بقى شو بعمل يعني؟؟ :?
The morning
17/06/2008, 20:38
انو يعني قصدي انو بيمر عليي اسبوع ما باكل لحمة وما بحس بشي تاقصني او انو شي غريب بقى شو بعمل يعني؟؟ :?

لما الاسبوع بمر لحالو شـكل و لما انت بتتقصد مرورو شـكل تاني .. يعني لما ما بيجي عبالك تاكل لحوم غير لما بتشوفها و بيجي عبالك تاكلها بس انت بتكون موقع الاتفاقيه معنا لذلك ما بتقرّب عليها ..
was616im
17/06/2008, 20:45
لما الاسبوع بمر لحالو شـكل و لما انت بتتقصد مرورو شـكل تاني .. يعني لما ما بيجي عبالك تاكل لحوم غير لما بتشوفها و بيجي عبالك تاكلها بس انت بتكون موقع الاتفاقيه معنا لذلك ما بتقرّب عليها ..
اي اذا هيك شي تاني ... بس ما بتوقع خرج اني اعمل معكن هالشي لانو هلق مقضاها عاللحمة :pos:
..AHMAD
17/06/2008, 20:48
بس هلئ مين حابب يجرب تجربه العيشه كنـباتي مـعي ؟؟

وهي انا بضم صوتي معك ...... صارو شغلتين باسبوع واحد .. احلى :lol:
أسير الانتقام
17/06/2008, 21:35
موضوع اوى حلو مشكور
hanny dagher
17/06/2008, 23:37
انا من جهتي ابتداء من شهر الجاي رح عيش اسبوع كامل كاعمى
مو بارادتي انما اجباري عني بعد العملية
فبخبركن شو بيصير معي
بلاك 1
18/06/2008, 11:13
عجبتني الفكرة كتير
بدي جرب اعمل شي ماصار بحياتي ولا مرة بس شو هو فكرو معي
انا عايشة بغزة
عم فكر بما انو مافي مواصلات ومافي وقود يعني والعالم كلها ماشية
وانا بنت يعني لازم اتنازل وامشي متلي متل كل البنات هون
بس لا لا لا عم فكر اني جيب بسكليت وصير روح وارجع فيها عالشغل وجيبلها قفل ابرطها بالباب مثلا
شو رايكن بيمشي الحال:lol:
maged-syrian
18/06/2008, 11:42
انا عايش بالسعودية ... درجة الحرارة بأواخر الاربعينات مئوية والشهر الجاية حتوصل بالخمسينات
عم افكر اجرب العيشة بدون مكيفات تبريد لمدة اسبوع ياترى بفطس ولا بطلع منها صاغ سليم :confo:
eva l
18/06/2008, 12:09
الموضوع حلو كتير و الفكرة جديدة :)

و يمكن صير معكن انو جرب كون نباتية لاسبوع لشوف بقدر ولا لأ ..

و عجبتني فكرة نعيش بدون نت لاسبوع <<< بس ما بعتقد اعملها و اتحمل
بلاك 1
18/06/2008, 12:09
ماجد اذا كنت نحيف بلالك ياه لحسا نبطل نشوفك
هدوء البحر
18/06/2008, 14:13
عجبتني الفكرة كتير
بدي جرب اعمل شي ماصار بحياتي ولا مرة بس شو هو فكرو معي
انا عايشة بغزة
عم فكر بما انو مافي مواصلات ومافي وقود يعني والعالم كلها ماشية
وانا بنت يعني لازم اتنازل وامشي متلي متل كل البنات هون
بس لا لا لا عم فكر اني جيب بسكليت وصير روح وارجع فيها عالشغل وجيبلها قفل ابرطها بالباب مثلا
شو رايكن بيمشي الحال:lol:
انا مرة جربتها اسبوع واحد بعدين دبت ما اتوقعت في درجة حرارة هيك على الكرة الارضية
بلاك 1
20/06/2008, 01:19
:hart:عم فكر اعمل اسبوع عسل بس ماعندي شريك مين يطلع معي؟:D:sosweet:
Roaa
20/06/2008, 08:09
انا عايش بالسعودية ... درجة الحرارة بأواخر الاربعينات مئوية والشهر الجاية حتوصل بالخمسينات
عم افكر اجرب العيشة بدون مكيفات تبريد لمدة اسبوع ياترى بفطس ولا بطلع منها صاغ سليم :confo:
:lol::lol:.. خرجك .. بس بظن انك رح تنسلق سلق ..

.....

اما انا طفشت العيله واحد واحد ..:yahoo:.. رح اقعد شهر بهالبلد لحالي ..:yahoo:

فانوو احلى تجربه ..:p
Abu ToNi
20/06/2008, 09:27
انا بدي حاول عيش اسبوع كانسان متفائل

بدي حاول امشي بالطريق واضحك لنشوف شو بده يصير معي .
بلاك 1
20/06/2008, 16:03
انا بدي حاول عيش اسبوع كانسان متفائل

بدي حاول امشي بالطريق واضحك لنشوف شو بده يصير معي .

ببساطة بيحكو عنك مجنون :p:D
LiOnHeArT.3LA2
26/06/2008, 08:34
ممممممممممممممممممم

انا رح حاول .. ما عيط على حدا اسبوع

عنجد

بخبركون

شو اليوم ؟

زكروني

عالهامش :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////عم فكر اعمل اسبوع عسل بس ماعندي شريك مين يطلع معي؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


على قولتك يا طفولة .. او بهالمعنى

"" عندك قدرات تسويقية الكترونية متعوبة عليها ""

بس انو انا فاضي ....... "" عضو طبيء :o""
The morning
26/06/2008, 08:38
لليوم بـصرلي اسـبوع داخله بتـجربه الانسـان النـباتي ..
بهالاسـبوع اكتشفت انو اللحوم داخله بوجباتنا بطريقه غير طبيعيه .. و طبعا نـسيت شي اربع مرات اني داخله بهي التجربه .. و انعزمت باحد الايام على العشا عند بعض الاقرباء و انا بنص الاكل اكتشفت انو فيه لحمه و تزكرت قصّه انو انا عم جرّب عيش اسبوع بدون لحوم فاطريت اني كمّل الصحن اللي عم اكله ..
كتجربه عامّه كانت حـلوه و نوعا ما غـير شـكل و ناويه ارجع عيدها ابقى لاحقا لمدّه اكتر من اسـبوع ..
انتو شـو صار معكون ؟
The morning
26/06/2008, 08:40
ممممممممممممممممممم

عالهامش ..
شو كنت عم تعمل ببروفايلي :sly: ؟ + مين اللي عم يلحق التاني :sly: ؟
LiOnHeArT.3LA2
26/06/2008, 08:42
عالهامش ..
شو كنت عم تعمل ببروفايلي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟ + مين اللي عم يلحق التاني ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟


والله يا خالتي ما بعرف حاطط حطاكي اليوم .. عنجد

وانا صواب لزئة بيطيّر العقل

.........
عالهامش : ما حدا زكرني شو اليوم ;)
بلاك 1
26/06/2008, 11:34
هيييييييييييييييييييييييي ييي:clap:
وين بدك تاخدني تائه انا جاهزة :p
MaTyA
26/06/2008, 11:38
مرة واحد جرّب يكون اعمى...حكي عن تجربتو..شي كتير صعب عند

انا جربت غمضت عيوني شوي بس ما قدرت استمر..بوقتها مو بفترة هالموضوع

شي كتير صعب...فـ الله يعين كل مين رح يعيش اعمى (اجباري)...
وهج البراءة
05/07/2008, 08:22
شو منشان انو ما عاد حكى شو بده يعمل باسبوع ....

بالنسبة لإتفاقي معك the morning جربت بس كمان خربط اول اسبوع فاضطريت اعيد اعملها من اول وجديد

كانت تجربة حلوة كتير يسلمو إلك شكلي رح ظل عليها هيك:D

وخسيت بسبب هالتجربة:o الحمدلله
The morning
05/07/2008, 08:31
شو منشان انو ما عاد حكى شو بده يعمل باسبوع ....

بالنسبة لإتفاقي معك the morning جربت بس كمان خربط اول اسبوع فاضطريت اعيد اعملها من اول وجديد

كانت تجربة حلوة كتير يسلمو إلك شكلي رح ظل عليها هيك:D

وخسيت بسبب هالتجربة:o الحمدلله

:gem::gem::gem:
The morning
05/07/2008, 08:34
الاسبوع الجايه ابتداء من الاثنين خلينا نجرّب نعيش اسبوع لا text msgs يعني رسائل الموبايل شو مين in ??
وهج البراءة
05/07/2008, 08:36
اممم والله ما بعرف احتمال كبير ما فوت معكن بهالتجربة بس بفكر وردلك خبر;)
The morning
05/07/2008, 08:40
اممم والله ما بعرف احتمال كبير ما فوت معكن بهالتجربة بس بفكر وردلك خبر;)
عندك اقتراحات تانيه هي التجربه اليوم بعصرنا صعبه يعني انا بعد ما اخترتها عم قلبها بعقلي ما عم تظبط + بتحل مشاكل كتير
لذلك اللي عندو اقتراح يقترح ؟
وهج البراءة
05/07/2008, 08:44
وانا هيك عم احكي....

شو رايك نجرب ولمدة هالاسبوع نمشي ع الاقل لمدة ساعتين يوما ع البحر....لأنو مو كل حدا بيعمل رياضة وخصوصي المشي؟؟

بس يكون بكير الصبح ؟؟
The morning
05/07/2008, 08:51
وانا هيك عم احكي....

شو رايك نجرب ولمدة هالاسبوع نمشي ع الاقل لمدة ساعتين يوما ع البحر....لأنو مو كل حدا بيعمل رياضة وخصوصي المشي؟؟

بس يكون بكير الصبح ؟؟

و اللي ما عندو بحر ..
موافقه على قصّه المشي لكن خليهم اقل من ساعتين في ناس ما عندها وقت فاضي ساعتين - انا هدول الناس :p - ..
خلص اتفقنا نجرّب نمشي عالاقل نص ساعه - كبدايه يعني مش بطاله - باليوم لمدّه اسبوع و اذا راح على حدا منكم يوم لازم اليوم البعدو يمشي ساعه ..
ديل ؟ مين in ?
وهج البراءة
05/07/2008, 08:54
و اللي ما عندو بحر ..
موافقه على قصّه المشي لكن خليهم اقل من ساعتين في ناس ما عندها وقت فاضي ساعتين - انا هدول الناس :p - ..
خلص اتفقنا نجرّب نمشي عالاقل نص ساعه - كبدايه يعني مش بطاله - باليوم لمدّه اسبوع و اذا راح على حدا منكم يوم لازم اليوم البعدو يمشي ساعه ..
ديل ؟ مين in ?


ايواااااااااااااااا قلتيلي

طيب مو شرط شرط ع البحر بس انو يمشي

وستي خليها اقل من ساعتين كرمالك :D

وانا معـــك:D:deal:
The morning
05/07/2008, 08:59
وانا معـــك:D:deal:

:gem::gem::gem:
وهج البراءة
05/07/2008, 09:13
:gem:....
MaTyA
05/07/2008, 10:01
شو عم تتفقوا :frown:
كمان احنا رح نمشي نص ساعة باليوم لمدة اسبوع؟:?

طيب بنمشي..ليش لا :larg:
وهج البراءة
05/07/2008, 10:04
شو عم تتفقوا :frown:
كمان احنا رح نمشي نص ساعة باليوم لمدة اسبوع؟:?

طيب بنمشي..ليش لا :larg:


وهي صرنا 3 :o

:gem::gem:
The morning
05/07/2008, 10:13
شو عم تتفقوا :frown:
كمان احنا رح نمشي نص ساعة باليوم لمدة اسبوع؟:?

طيب بنمشي..ليش لا :larg:
باقي واحد و بنفت طرنيب :gem::gem: