بناء على طلب اعضاء كتير (عضوين او تلاتة ) قررنا انو ننزل موضوع كامل عن الشركة اللي بلشت اشتغل فيها من فترة شهرين تلاتة

الموضوع رح يكون طويل شوي رح يكون معقد شوي رح يكون في اسئلة كتير في كلمات انكليزي كتير بجوز ما اقدر ترجمها للعربي بس حاولو تفهموها واذا ما مشي الحال سالوني بحاول ترجمها
بس بنصح الكل يقرا الموضوع لانو رح يكون ممتع نوعا ما ورح يفتح افكار جديدة ترجعو تفكرو فيها من اول وجديد وانا جاهز للاسئلة اذا حدا عندو سؤال
رح نزل الموضوع على عدة ردود لانو شرح الشركة بشكل عام لما بدنا نشرحها لحدا بياخد بين الساعة والساعتين فانا رح وزعهن على كذا رد وانشالله اقدر اكتب الموضوع بطريقة ممتعة

قبل ما بلش احكي بالشركة بدي احكي شغلة صغيرة عن حالي

بتعرفو من لما بيكون الواحد بسوريا وبيكون عندو امل انو يجي على امريكا بيبلش يحلم انو بكرا يبا بس وصل بامريكا رح اشتغل كم سنة جمع مصاري كتير وصير غني و بعدها ممكن افتح بيزنس لحالي وبخلي العالم يشتغلو عندي وانا بطلع بفتل العالم هيك كيف معظم العالم بتفكر واولهن انا
بس الشي العالم بسوريا ما بتعرفو انو امريكا مانها سهلة امريكا فيها تعب وكتير كتير كتير قديش العالم بتتعب بسوريا بامريكا بيتعبو اضعاف مضاعفة
بس الشي الحلو بامريكا انو في فرص بتقدملك فرص كتير وانتي بتنقي المجال اللي بتحبو وبتحس حالك بتنجح في وبتقلك مشي
معظم الشعب السوري بس يجي على امريكا اول ما بيتوجه على الليكر ستورات (الليكر ستور للي ما بيعرف هوي محل لبيع المشروبات الكحولية والدخان وشوية اكل وشرب وهيك قصص ) على اعتبار الليكر ستورات ما بدها لغة زيادة يعني هاي- هاو ار يو - باي طلعنا خالصين
انو بيقلك يبا انا بشتغل سنتين تلاتة بالليكر ستور بجمع شوية مصاري بطلع بشترك انا ومعلمي اللي بشتغل عندو بستور تاني انا بستلمو بيصير الي حصة من الربح وهيك شوي ورا شوي ممكن اشتري ستوري الخاص
بس اللي معظم العالم اللي ما بتحسب حسابو او بتحسب حسابو وبتكون رضيانة بالامر انو بدك تشتغل من الصبح للمسا بالستور وسبع تيام بالاسبوع يعني انتي حاطط حالك كليا بالستور ما بتطلع ما بتفوت ما عندك حياة
والمشكلة بالعرب اللي كانو قبلك انو كل ما قبيت راسك مشان تتطلع على فرص تانية حواليك بيخبطوك على راسك بيخلوك معد تفكر غير بالليكر ستور

بالنسبة الي انا اجيت من سوريا وما حاطط ببالي ليكرستور انو قلت بشتغل بالليكرستور بس لقوي لغتي وبعدين بدي اطلع شوف شغل تاني وهيك صار انو اشتغلت سنتين بالليكرستور بس طبعا من بعد ما قطعت السنة وانا عم حاول لاقي فرصة تاني بشغل تاني انتقل علي واطلع من جو الليكر ستورات

انا اجيت على امريكا وفي احلام كبيرة براسي بدي حققها
بدي اشتري بيت لاهلي بيت لالي بدي اتزوج واطلع افتل العالم مع المدام بدي حصل تعليم عالي بدي افتح شركة برمجيات خاصة فيني (على اعتبار انا اختصاص هندسة كمبيوتر ) بدي خيي يكمل تعليمو وبدي وبدي وبدي
الليكر ستور كان محطم للاحلام بدال مانو محقق للاحلام فحاولت بعد عنو باكتر قدر ممكن واجاني عروض كتير مشان اشترك بليكر ستور وانا كنت ارفض

اللي صار انو كنت اخد صف رقص هاي السنة وتعرفت على بنت بالصف قالتلي انو بتشتغل بشركة وعزمتني عالشركة رحت وشفت كيف بيشتغلو وحبيتها وحبيت العالم اللي هنيك وانضميت وبلشت شغل

حاولت اترك الليكر ستور (بس متل ما قلت سابقا انو العرب بيكبسوك على راسك مشان ما تطلع من الليكرستور ) معلمي ما عم يخليني اترك بس انو اخر هالصيف رح يكون نهاية الليكر ستور الي


الشي اللي شفتو بالشركة رجع جدد فيني الامل انو فيني حقق احلامي اللي كنت احلم فيها من انا وصغير

هاي بالنسبة الي وكيف تعرفت عالشركة
رح احكي عن الشركة بالردود الجاي


يتبع .................................................. ................ :D

ولي كل هاد .. ,, ويتبع ..:cry:
وينك يا حكيم ..

وينك يا حكيم ..

بتوقع هاني رح يقطع شوط عالحكيم :lol:

قبل ما احكي عن الشركة وعن شو منساوي بالضبط رح احكي قصة صغيرة :

بعد نهاية الحرب العالمية الثانية رجعو الجنود الاميركان على امريكا ومشتاقين لنسوانهن
فبيقولو بين سنة 1946 وسنة 1964 في 78 مليون طفل خلقو بامريكا بالاضافة ل 10 ملايين هاجرو من بلدان تانية على امريكا يعني صار في 88 مليون طفل بامريكا بياطلقو عليهن اسم baby boomer
وكان يقولو اذا بتقدر تتوقع شو ال baby boomer بدهن وبيحتاجو قبل ما هني يحتاجو في عندك فرصة انو تكون من اغنياء العالم
يعني اذا بتقدر تحصل دولار واحد من كل BABY BOOMER بتكون حققت 88 مليون دولار
في شركة اغذية اطفال اسمها gerber لحد عام 1950 كانو بايعين 50 الف قطرميز اكل اطفال بتاريخ الشركة كلياتو بسنة 1950 وما بعد صارو يبيعو 7 مليون قطرميز بالشهر و بيقولو انو المبيعات بالشركة انفجرت والشركة صارت غنية كتير
بعد هيك الاطفال كمان بدهن العاب مبيعات شركات العاب الاطفال كمان زادت بشكل مو طبيعي
بعدين الاطفال كبرو وصارو شباب صار بدهن مكان يطلعو يتسلو في ويقدملهن اكل سريع و رخيص وهيك طلعت سلسلة مطاعم مكدونالدز وكارلوس جونيورز وجاك ان ذا بوكس
الشباب شو بيحبو يسوقو ؟ اكيد سيارات سريعة سيارات رياضية
كان في شخص بيشتغل بشركة فورد اسمو "اية كوكو " (ظريف الاسم ) اخترع الفورد موستانغ وفورد حققت اكبر ربح بتاريخ الشركة بهالكم سنة اللي baby boomer صارو يشترو الفورد موستانغ
في شركة سيارات اسمها "كريسلر" كانو عم ياعلنو افلاسهن باوائل التمانينات بس اخر الشي ضمو الهن "اية كوكو" اللي اخدو من فورد وقتها اية سال سؤال انو وين ال baby boomers بالحياة وشو بدهن وكان بالتمانينات الشبيحة بلشو يتزوجو ويصير عندهن ولاد اجا اخترع شي اسمو ال mini van وكريسلر انتقلت من مرحلة الافلاس لتحقق اكبر ربح بتاريخها
بالتمانينات كمان في شي اسمو REAL ESTATE واللي هيي الشركات المسؤولة عن بيع البيوت كمان حققت ارباح كبيرة لانو البومرز كانو عم يشترو بيتهن مشان يعيشو مع عيلهن
بنفس الوقت كانو عم يدورو عن التكنولوجيا بحياتهن وهيك لما طلعت مايكروسوفت وبيل غيتس عرف شو بدهن البومرز وصار اغنى واحد بالعالم

هلأ بعد ستين سنة اكبر BABY BOOMER صار عمرو ستين سنة وقرب من سنة التقاعد (65 بامريكا ) فشو صارو يفكرو انو كيف بدهن يأمنو مصاري مشان هالكم سنة الباقية من حياتهن؟ كيف رح يقدرو يعيشو بعد التقاعد ؟ كيف رح يقدرو يعيشو بدون الراتب ؟

هون بيجي دور شركتنا بمساعدتهن انو يأمنو هالكم سنة الجايات اللي ممكن تكون عشرة عشرين او تلاتين سنة عند بعض العالم



يتبع .................................................. ........... :D

ناطر ناطر .. سوبر سوبر حلو الموضوع .. :D

طيب شريك فيك تختصرون

بتلت كلمات

الشي اللي فهمتو ..
شركتكم انسانية كثير !!!



ما اقول غير ... الله يفوقك .. و تحقق كل احلامك و ترجع على بلدك و تفتح مشروع تقضي فيه العمر !

جد كتير روعة اسلوبك ومثير وبشد

يعني نحنا في انتظار التكملة....

بانتظارك هاني

بالعودة للحديث عن WFG (رح استخدم هالاختصار كتير اسهل من استخدام كامل الاسم)

WFG هيي جزء من شركة اسمها AEGON او بمعنى تاني AEGON هيي الشركة الام ل WFG
AEGON وحدة من اقوى شركات الانشورانس بالعالم
عمر AEGON اكتر من 150 سنة متوزعة بكل انحاء العالم بس تركيزهن الرئيسي كان بامريكا بريطانيا وهولندا
وحاليا صارو بالصين بتايلند باليابان وقريبا بالهند وعم يحاولو يكونو بالمكسيك
الشركة AEGON قيمتها اكتر من 413 مليااار دولار
كان في شركة كبيرة بامريكا اسمها TRANSAMERICA وهيي كانت اكبر شركة استثمارات بامريكا
AEGON اشترت TRANSAMERICA بسنة 2001 وكتبولهن شيك بقيمة 26 مليار دولار
هاي قديش الشركة الداعمة لشركتنا قوية
AEGON بسنة 2005 اعتبرت المرتبة 82 من بين اكبر 2000 شركة بالعاااااااااااااااااااال م (على مستوى العالم مو بس على مستوى امريكا )

بالنسبة لشركتنا شركتنا عندها مهمة بدها تحققها واللي هيي انو ما تترك اي عيلة بامريكا بدون ما تساعدها ماليا
عندها رؤية انو بدنا نكون اكبر شركة خدمات مالية بالعالم
ولنحقق هالشي عنا نظام نظامنا قوي متين عمرو 15 سنة عالم كتير نجحت بتطبيق هالنظام وعلى اساس هالنظام نحنا ماشيين يعني متل ما بيقولو عنا بالشركة RUN THE SYSTEM AND THE SYSTEM RUNS YOUR BUSINESS يعني انتي طبق النظام والنظام لحالو بيحققلك نجاحك وبيمشيلك شغلك



يتبع .................................................. ....... :D

كتير من العالم بتتساءل (من السؤال ) انو شو رح استفيد من شركتكن
قبل ما جاوب عالسؤال بدي احكي شوية احصائيات (الاحصائيات صارت بسنة 2005 وشوي منها هاي السنة بس بدكن تعتبرو انو بهالسنة هاي الاحصائيات تضاعفت )

1- الديون الاستهلاكية (هيك طلعت ترجمة الجملة الانكليزية ) وصلت لحد 2 مليار دولار
يعني بمعنى تاني متوسط العالم بامريكا اذا بيقبضو 100 دولار بيصرفو 108 دولارات مقابيلها وبيحطو ال 8 دولارات الفرق على كريديت كاردس او قروض او ............
يعني صارت العالم مدينة لشركات الكريديت كاردس والبنوكة كتيييييير
متوسط الشخص الاميركي مدين لشركات الكريديت ب 9000 دولار (سنة 2005 بال 2008 صارت 12000 )

2- عادات حفظ مصاري سيئة
بالمانيا اذا بيقبضو 100 دولار بيقدرو يشيلو على جنب للزنقات 18 دولار ويعيشو بالباقي (18 بالمية )
بالصين اذا بيقبضو 100 دولار بيقدرو يشيلو على جنب للزنقات 50 دولار وبيعيشو بالباقي (50 بالمية )
بامريكا اذا بيقبضو 100 دولار ما بيشيلو للزنقات شي بالعكس بيصرفو زيادة نسبة الSAVING بامريكا هيي - 4.0 بالمية
الشعب الاميركي باخر كم سنة صار يقبض اكتر بس يشيل للزنقات اقل

3- في شي بامريكا اسمو SOCIAL SECURITY واللي هوي انو بتقضي كل حياتك عم تشتغل وعم تدفع ضرائب ببس وقت بتتقاعد ال SOCIAL SECURITY بتصير بتأمنلك راتب شهري بحيث تقدر تكفي حياتك
المشكلة اللي عم تواجه الاميركان هلأ انو ال SOCIAL SECURITY بدو يوقف دفع للمتقاعدين ابتداء من عام 2017 يعني اللي رح يتقاعدو بعد 2017 معد يطلعلهن الراتب الشهري ورح يضطرو يعيشو على هني شو مجمعين مصاري
والحكي طالع من البيت الابيض بشهر اذار من هالسنة (هاي سنتين بيعملو الدراسات وبتطلع معاهن نفس النتائج )
وهاي مشكلة تانية انو معظم الشعب الاميركي او 68 بالمية كل شي مجمعينو للتقاعد هوي 50 الف دولار اللي ممكن تقديهن نص سنة او سنة بالكتير طيب شو مشان اذا عاش المتقاعد تلاتين سنة تقاعد ؟

4- حالات الافلاس اللي تم اعلانها ب 2005 وصلت ل 2.1 مليون حالة افلاس بامريكا زيادة 30 بالمية عن 2004
ب 2008 حاليا في بكاليفورنيا لحالها مليون بيت مهدد بالتسكير و مليون حالة افلاس عالطريق (فقط بكاليفورنيا يعني بولاية وحدة فقط وبعتقد بباقي الولايات في ارقام مقاربة لهالرقم )

5- التأمين عالحياة واللي هوي ممكن يكون الحل الوحيد للواحد يخلص من كل الديون اللي علي ما عم تعتمدو العالم
لنقول شخص عندو 10 الاف دولار كريديت كاردس وتوفى هالزلمي بشكل اوتوماتيكي هال 10 الاف دولار بدها تنتقل على اسم ولادو ومرتو يعني بيصيرو ولادو ومرتو بدهن يدفعوها بالاضافة لديونهن هني
بينما لو عندو الواحد تامين حياة ب 200 الف دولار وتوفى اهلو رح يقدرو يدفعو هال 10 الاف ويدفعو ديونهن كمان ويضل معاهن شوية مصاري
مع هيك بين سنة 1985 وسنة 2003 عدد بوليصات تامين عالحياة نزل بنسبة 39 بالمية


هون بيجي دور شركتنا WFG نحنا شركة الحلول THE SOLUTION COMPANY نحنا منقدم للعالم 6 خطوات ليرتاحو ماديا ومنقدمهن بدون ترتيب محدد انما كما يحتاج الشخص والشخص فقط (يعني ما منقدمهن نحنا بهدف نقبض عليهن منقدمهن حسب حاجة الزبون ومتل ما منقول على طول MISSION BEFORE COMISSION انو نحقق هدفنا بانو نساعد هالشخص اهم من انو نعمل مصاري على حسابو ونقدملو خدمات ما بتساعدو )

اول شي منقدمو للعالم هوي فرصة عمل فرصة ليشتغلو شغل تاني يشتغلو بشكل جزئي ويقبضو شوية مصاري زيادة ممكن تساعدهن بكتير امور بالاضافة انو منساعدهن ينظمو اموالهن ويعرفو وين عم يصرفوها ويحاولو يقللو من صرفها على امور ما الها داعي

تاني شي منقدمو للعالم منحاول ننظم الديون اللي عليهن عم نتعامل حاليا مع شركة لتنظيم الديون رح احكي عنها بعدين

تالت شي منقدمو للعالم منحاول انو نساعدهن يأمنو راتب تلت شهور من شغلهن على جنب بحيث اذا صارت حالات اضطرارية متل عطلت السيارة واحد من العيلة اضطر يعمل عملية بيكون العيلة معها مصاري تدفع لهالحالات بدون ما تزيد ديونها

رابع شي منقدمو للعالم هوي الحماية في حال خسارة المصدر الرئيسي للدخل
يعني في حال خسرو شغلهن في حال صارت حالة وفاة بيكون في عندهن مصدر تاني يعتمدو علي وهالحماية هاي بشكل اساسي هيي تأمين الحياة

خامس شي منقدمو للعالم تأمين مصاري في حال عاشو حياة طويلة بيكونو قادرين يصرفو على حالهن ومنحاول نخفض عليهن الضرائب

سادس شي منقدمو للعالم بمعظم الحالات وقت بيصير وفاة لزلمي العيلة العيلة بتكون مهددة انو تخسر كل شي بتملكو (بيوت او شركات ) في عنا عالم متخصصة بتقدر تخليهن ما يخسرو شي


بالنسبة لهالخدمات اللي منقدمها او خلينا نسميها بضاعة تجاوزا
هالبضاعة اللي منقدمها مو موجود منها شي باسم الشركة يعني ما عنا شي اسمو WFG LIFE INSURANCE
نحنا كشركة منلعب دور الوسيط (BROKER ) بين العميل او الزبون وبين شركات الانشورانس او شركات الاستثمارات او شركات البيوت او او او بحيث نقدر نقدملو للزبون احسن الخدمات ونحنا منعمل كل هالشي بدون ما نحاسب الزبون اي دولار يعني ما منحاسب الزباين على خدماتنا

في كتير شركات بتشتغل نفس شغلنا بس في فرق انو هديك الشركات بتهتم بالعالم الغنية يعني لحتى يساعدوك لازم يكون معك نص مليون دولار بجيبتك وتدفعلهن 150 دولار على كل ساعة بيقعدوها معك
نحنا بشركتنا منتعامل مع الطبقة الوسطى من العالم وما منحاسب العالم ولا نكلة


يتبع .................................................. ...................... :D

موضوع شيق..:D
تسجيل متابعة:D

يرحم ايامك يا حسام:cry:

يرحم ايامك يا حسام:cry:
انا كنت مخبر مريوم من قبل ما بلش الموضوع انو الموضوع رح يوصل لحد العشر صفحات (يعني في مبالغة شوي كان بحكيي )
بس انو ما خلصنا اسا في كتير اشيا ينحكى عنها

الحلو بالحكي اللي عم احكي انو مو بس عن الشركة انو في حقائق عن المجتمع الامريكي في امور تعليمية (جاي لقدام ) وفي شغلات ممكن تفيد كل العالم (كمان جاي لقدام )

فنطرونا

بتشريفكن يتم سرورنا
جنة الاطفال منازلهم :shock:

بالنسبة لهالخدمات اللي منقدمها او خلينا نسميها بضاعة تجاوزا
هالبضاعة اللي منقدمها مو موجود منها شي باسم الشركة يعني ما عنا شي اسمو WFG LIFE INSURANCE
نحنا كشركة منلعب دور الوسيط (BROKER ) بين العميل او الزبون وبين شركات الانشورانس او شركات الاستثمارات او شركات البيوت او او او بحيث نقدر نقدملو للزبون احسن الخدمات ونحنا منعمل كل هالشي بدون ما نحاسب الزبون اي دولار يعني ما منحاسب الزباين على خدماتنا

هن .. ما فهمت .. كيف بتكون ارباح الشركة طيب ؟

هن .. ما فهمت .. كيف بتكون ارباح الشركة طيب ؟

جاييك بالحكي يمون ما تستعجل اسا في كتير قصص ودرخشات وطلعات وقصص :lol:
يعني رح تترحمو كتير على ايام حسام :p

جاييك بالحكي يمون ما تستعجل اسا في كتير قصص ودرخشات وطلعات وقصص ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يعني رح تترحمو كتير على ايام حسام ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لاء لاء .. هلا حكياتك ظراف .. صحي انك حومصي .. بس حكيك ما فيو حمصنة :p

يسلمون اب الهن .. ومتابعين :gem:

لاء لاء .. هلا حكياتك ظراف .. صحي انك حومصي .. بس حكيك ما فيو حمصنة :p

يسلمون اب الهن .. ومتابعين :gem:

قعود عاقل يا شب ..:frown:..

هنهنات تابع تابع .. متابعين .. :larg:

ولي كل هاد .. ,, ويتبع ..////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وينك يا حكيم ..


هنهنات تابع تابع .. متابعين .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شيزفرينيان :p:larg:

هاني: انت قلتلي انك بتشتغل بشركة لتساعد العالم بس ماخبرتني كل هلأشيا عنها... الحقيقة من بعد ما قريت المقدمة والقصة والتفسير... شوقتني لاعرف اكتر عن شركتكون... وما فيني قلك غير موفق بكل شي بتعملو...

هاني: انت قلتلي انك بتشتغل بشركة لتساعد العالم بس ماخبرتني كل هلأشيا عنها... الحقيقة من بعد ما قريت المقدمة والقصة والتفسير... شوقتني لاعرف اكتر عن شركتكون... وما فيني قلك غير موفق بكل شي بتعملو...


بدو يخبرك كان كل هاد؟؟؟ :o...

بدو يخبرك كان كل هاد؟؟؟ :o...

لااا دخيلك... هاني ما بيخلص حكي... انا كان قصدي الاختصارات وبس...

طيب بلا مقطوع عن حديثك ابو الهن

عندكون شي شاغرين

واحد ايلي

و
واحد ل علاء


يعني كمان نحن بدنا نلحس اصبعتنا

:o

_______________________

هامش: * مشان ام الريم

اللهم لا حسادة

طيب شباب بيكفي سبام .
*هاني شو رايك احذفلك الموضوع شكلون رح يحسدوك :cry:*

طيب بلا مقطوع عن حديثك ابو الهن

عندكون شي شاغرين

واحد ايلي

و
واحد ل علاء


يعني كمان نحن بدنا نلحس اصبعتنا

:o

_______________________

هامش: * مشان ام الريم

اللهم لا حسادة


لو ما حكيت كنت غنيت يا صاحبي :lol:

عن جد كتير الموضوع حلو ,,,يعني الواحد عرف ملعومات عن امريكا ما بيعرفها ,,والشركة كتير حلوة الفكرة تبعتها ,,,
وناطرين التكملة ,,,

هاني,,,(تمام هيك مو :lol:)

الموضوع غني وناطرينك تكمل بركي بنسرق ها الفكرة ومنفيد وبنستفاد :D

مبارح كنت بدي نزل رد جديد على هالموضوع
بس كنت بالشركة معظم الوقت كان في عنا حفل تكريم لمجموعة من العالم (هاي حفلات التكريم في منها كتير )
طبعا في كتير اسا شرح لحتى تعرفو شو معنات اللي رح احكي هلأ

بس انا اخدت وسام لاني صرت Associate شو معناتها وكيف وليش فيما بعد فيما بعد رح نوصل لهالمرحلة

لنا عودة قريبة جدا :D

الموضوع غني وناطرينك تكمل بركي بنسرق ها الفكرة ومنفيد وبنستفاد :D
أو بالأحرى بركي هيك بيتحسوسوا الشباب وهيك يعني بيفكروا بشي مفيد الهن ولغيرن مع وجود ظاهرة القلق عند معظم موظفي القطاع الخاص بسبب عدم تسجيلهم بأجورهم الحقيقية بالتأمينات

THE COST OF WAITING


من اول الشغلات اللي منعلمها للعالم بالشركة شي اسمو THE COST OF WAITING او تكلفة الانتظار
لحتى نقدر نفهمها للعالم منعطي مثال بسيط (ممكن يكون المثال ما كتير بيساعدكن بس بيعطيكن فكرة على الاقل عن شو معنات تكلفة الانتظار وبيخليكن تطبقوها بحياتكن ) المثال:

مع غياب ال SOCIAL SECURITY العالم صارت تدور على مصدر جديد مشان التقاعد
فلنفترض انو مليون دولار حاططها بالبنك وقت بتتقاعد وبيرجعلك عليها فائدة 8 بالمية سنويا ممكن تكفيك 30 سنة بحياتك انتي ومتقاعد بس قديش لازم تشيل على جنب من راتبك الشهري مشان تقدر تجمع مليون دولار لوقت اللي تصير متقاعد

اذا كان باقي 40 سنة للتقاعد (او اذا بدك تتقاعد بعد 40 سنة من عمرك الحالي ) لازم تشيل على جنب: 286.45$
اذا كان باقي 35 سنة للتقاعد (او اذا بدك تتقاعد بعد 35 سنة من عمرك الحالي ) لازم تشيل على جنب: 435.94$
اذا كان باقي 30 سنة للتقاعد (او اذا بدك تتقاعد بعد 30 سنة من عمرك الحالي ) لازم تشيل على جنب: 670.98$
اذا كان باقي 25 سنة للتقاعد (او اذا بدك تتقاعد بعد 25 سنة من عمرك الحالي ) لازم تشيل على جنب: 1051.50$
اذا كان باقي 20 سنة للتقاعد (او اذا بدك تتقاعد بعد 20 سنة من عمرك الحالي ) لازم تشيل على جنب: 1697.73$
اذا كان باقي 15 سنة للتقاعد (او اذا بدك تتقاعد بعد 15 سنة من عمرك الحالي ) لازم تشيل على جنب: 2889.85$
اذا كان باقي 10 سنة للتقاعد (او اذا بدك تتقاعد بعد 10 سنة من عمرك الحالي ) لازم تشيل على جنب: 5466.09$
اذا كان باقي 5 سنة للتقاعد (او اذا بدك تتقاعد بعد 5 سنة من عمرك الحالي ) لازم تشيل على جنب: 13609.73$


هلأ طبعا ما في حدا بيقدر يشيل 13 الف دولار شهريا على جنب لانو ما حدا عم يقبض 20 الف شهريا مشان يقدر يعيش ب 7 ويشيل 13 على جنب (انا بشغلي بالليكرستور كنت اقبض 1800 دولار شهريا )
من هون اجت تسميتها THE COST OF WAITING لانو اذا بلشت جمع من انا وعمري عشرين سنة رح تكلفني اقل من اذا نطرت لحتى يصير عمري خمسين او ستين سنة



يتبع .................................................. .... :D

الغريب انو الموضوع ممتع :lol:
بس انو طلب صغير .. انو نزل على مهلك لحتى ما يتراكم الموضوع ويصير صعب نتابعو
متابعه معك هاني :D

بجد شي يفرح..بالتوفيق هنو وتوصل لاعلى نيفو وترجع لبلدك بمشروع انشالله.

والله موضوع شيق كثير

احب اضيف شغلة بسيطة

بالنسبة لـ the cost of waiting

هذه تسمى time value of money في الادارة المالية او Finance

يعطيك العالفية ع هيك موضوع مفيد

هادا اكتر جزء بحبو بالحكي عن الشركة بالعادة منستخدم ورقة وقلم ومنرسم شوية رسمات بحيث العالم تنشد للي عم نحكي بس هون رح اكتبو كتابة عادية

كل العالم من لما بيكونو ولاد صغار بيعلموها اهاليها انو فوتو عالمدرسة وعالجامعة ودرسو وخلصو وبعدين توظفو بشركة وبلشو باوائل حياتكن بمستوى صغير بالشركة وبعد فترة بتقدرو تترقو بالشركة وتترفعو وبيزيد رواتبكن وبتقبضو حوافز و و و بس وقت توصلو لعمر التقاعد هالمصاري تبعيتكن رح تضل عم تزيد او رح تصير تنقص ؟

اكيد رح تنقص لانو تقاعدتو يا اما وقف دخلكن يا اما صار اقل من العادة فشو بتعملو بهالحالة ؟

معظم العالم ما بيخططو ليفشلو انما بيفشلو انو يخططو PEOPLE DON'T PLAN TO FAIL THEY FAIL TO PLAN

بشركتنا WFG منتعامل مع اربع قضايا
1 - INSURANCE
2- INVESTMENT
3- MORTGAGE
4- DEBT CONSULDATION (رح احكي عن كل وحدة برد منفصل ومترجم مشان وضحلكن كيف منتعامل بهالاربع مجالات )

بتعرفو كيف معظم الاغنياء بيعملو مصاريهن ؟

1- في عندهن عالم تحت ايديهن مراقبتلهن المصاري بتساعدهن بالاستثمارات بتساعدهن يدفعو ضرايب اقل
هالعالم هاي مهمتها انو تضاعف مصاري الاغنياء ( XXX$$$XXX)
2- في عندهن عالم بتشتغل معهن والهن
لنعطي مثال عمو مكدونالدز حب يطلع مشوار يتفسح بهالدنيا هل بتعتقدو انو شغلو رح يوقف او رح ينقص لانو هوي مو موجود ؟
اكيد لاء لانو في عالم عندو عم تشتغل تحت ايدو ورح تضل تشتغل حتى وهوي مو موجود و دخلو يا اما رح يضل نفسو يا اما رح يزيد


الواحد لما بيبلش عنا بالشركة (وطبعا بعد ما يتم الموافقة علي لانو شغلتنا مو لاي حدا في فحوصات بدهن يعملوها لانو عم نتعامل مع مصاري عالم نحنا فاكيد ما رح نجيب واحد قمرجي سكرجي حشاش (انسو كلمة حشاش ههههه ) ونقلو بلش شغل )
فالواحد اول ما بيبلش بيصير اسمو AGENT او عميل هلأ بوضعو كعميل اذا حب يشتغل بس دوام جزئي بالشركة
وساعد عيلة وحدة تشيل على جنب 200 دولار بالشهر الشركة رح تدفعلو 600 دولار مقابيلهن
هلأ الشب حب يساعد تلت عيل بالشهر قلنا خيو انا بقدر اعمل تلت مواعيد شهريا وساعد تلت عيل وهاي هيي طاقتي ما في مشكلة ساعد تلت عيل بمبلغ 200 دولار شهريا

3 × 600 = 1800 دولار شهريا بيقبض من الشركة بس على تلت مواعيد كل موعد ساعة او ساعة ونص مكسيموم(انا بشتغل بالليكر ستور سبع تيام بالاسبوع 7 ساعات كل نهار واحيانا اكتر وبقبض 1800 دولار بالشهر )

هلأ هالعميل هادا بلش يظهر علي انو عم يطالع مصاري اشترى سيارة جديدة صار يعزم رفقاتو عالعشا او على شي صارت العالم تسالو انو من وين وكيف عم تعمل اجا عزمهن عالشركة وضمهن عالشركة وصارو ضمن فريقو

(الشغل بالشركة ضمن فريق يعني قد ما كان فريقك قوي قد ما كان احسن الك )

صار ضمن فريق هالعميل 10 اشخاص بيصير بمرتبة اسمها MARKETING DIRECTOR (كمان رح تعرفو كل شي عن المراتب قريبا ) وضل عم يساعد تلت عيل بس بتصير الشركة تدفعلو بدال ال 600 دولار الضعف يعني بتدفعلو 1200 دولار

فاعتبر انو ساعد تلت عيل 3 × 1200 = 3600 دولار شهريا
وبس يصير عندو فريق في شي اسمو OVERRIDE يعني اذا AGENT من هالعشرة اللي بفريقو ساعد عيلة الAGENT الجديد بياخد 600 وال MARKETING DIRECTOR بياخد 600 دولار

(لوضحها اكتر انا حاليا MARKETING DIRECTOR ويمان هوي من العشرة اللي ضميتهن انا عالشركة اذا يمان ساعد عيلة ب 200 دولار يمان رح يقبض من الشركة 600 دولار وانا رح اقبض من الشركة 600 دولار على شغل يمان )

فلنقول هالعشرة كل واحد منهن ساعد عيلة وحدة بس انا رح اقبض 10 × 600 = 6000

بالاضافة لشغلي انا يعني 6000 + 3600 = 9600 دولار وانا اسعتني عم اشتغل دوام جزئي وعم ساعد بس تلت عيل


هلأ اذا سالتكن سؤال
عن شو بدكن تعرفو اكتر عن كيف تعملو مصاري اكتر (يعني كيف تعملو ال 9600 دولار )
او بدكن تعرفو عن كيف المصاري بتشتغل لالكن (يصير في عندكن عالم تعتني بالمصاري تبعيتكن وتساعدها انها تزيد )




يتبع .................................................. .................................... :D

يعطيك العافية على الموضوع
متابع معك

هادا اكتر جزء بحبو بالحكي عن الشركة بالعادة منستخدم ورقة وقلم ومنرسم شوية رسمات بحيث العالم تنشد للي عم نحكي بس هون رح اكتبو كتابة عادية

كل العالم من لما بيكونو ولاد صغار بيعلموها اهاليها انو فوتو عالمدرسة وعالجامعة ودرسو وخلصو وبعدين توظفو بشركة وبلشو باوائل حياتكن بمستوى صغير بالشركة وبعد فترة بتقدرو تترقو بالشركة وتترفعو وبيزيد رواتبكن وبتقبضو حوافز و و و بس وقت توصلو لعمر التقاعد هالمصاري تبعيتكن رح تضل عم تزيد او رح تصير تنقص ؟

اكيد رح تنقص لانو تقاعدتو يا اما وقف دخلكن يا اما صار اقل من العادة فشو بتعملو بهالحالة ؟

معظم العالم ما بيخططو ليفشلو انما بيفشلو انو يخططو PEOPLE DON'T PLAN TO FAIL THEY FAIL TO PLAN

بشركتنا WFG منتعامل مع اربع قضايا
1 - INSURANCE
2- INVESTMENT
3- MORTGAGE
4- DEBT CONSULDATION (رح احكي عن كل وحدة برد منفصل ومترجم مشان وضحلكن كيف منتعامل بهالاربع مجالات )

بتعرفو كيف معظم الاغنياء بيعملو مصاريهن ؟

1- في عندهن عالم تحت ايديهن مراقبتلهن المصاري بتساعدهن بالاستثمارات بتساعدهن يدفعو ضرايب اقل
هالعالم هاي مهمتها انو تضاعف مصاري الاغنياء ( XXX$$$XXX)
2- في عندهن عالم بتشتغل معهن والهن
لنعطي مثال عمو مكدونالدز حب يطلع مشوار يتفسح بهالدنيا هل بتعتقدو انو شغلو رح يوقف او رح ينقص لانو هوي مو موجود ؟
اكيد لاء لانو في عالم عندو عم تشتغل تحت ايدو ورح تضل تشتغل حتى وهوي مو موجود و دخلو يا اما رح يضل نفسو يا اما رح يزيد


الواحد لما بيبلش عنا بالشركة (وطبعا بعد ما يتم الموافقة علي لانو شغلتنا مو لاي حدا في فحوصات بدهن يعملوها لانو عم نتعامل مع مصاري عالم نحنا فاكيد ما رح نجيب واحد قمرجي سكرجي حشاش (انسو كلمة حشاش ههههه ) ونقلو بلش شغل )
فالواحد اول ما بيبلش بيصير اسمو AGENT او عميل هلأ بوضعو كعميل اذا حب يشتغل بس دوام جزئي بالشركة
وساعد عيلة وحدة تشيل على جنب 200 دولار بالشهر الشركة رح تدفعلو 600 دولار مقابيلهن
هلأ الشب حب يساعد تلت عيل بالشهر قلنا خيو انا بقدر اعمل تلت مواعيد شهريا وساعد تلت عيل وهاي هيي طاقتي ما في مشكلة ساعد تلت عيل بمبلغ 200 دولار شهريا

3 × 600 = 1800 دولار شهريا بيقبض من الشركة بس على تلت مواعيد كل موعد ساعة او ساعة ونص مكسيموم(انا بشتغل بالليكر ستور سبع تيام بالاسبوع 7 ساعات كل نهار واحيانا اكتر وبقبض 1800 دولار بالشهر )

هلأ هالعميل هادا بلش يظهر علي انو عم يطالع مصاري اشترى سيارة جديدة صار يعزم رفقاتو عالعشا او على شي صارت العالم تسالو انو من وين وكيف عم تعمل اجا عزمهن عالشركة وضمهن عالشركة وصارو ضمن فريقو

(الشغل بالشركة ضمن فريق يعني قد ما كان فريقك قوي قد ما كان احسن الك )

صار ضمن فريق هالعميل 10 اشخاص بيصير بمرتبة اسمها MARKETING DIRECTOR (كمان رح تعرفو كل شي عن المراتب قريبا ) وضل عم يساعد تلت عيل بس بتصير الشركة تدفعلو بدال ال 600 دولار الضعف يعني بتدفعلو 1200 دولار

فاعتبر انو ساعد تلت عيل 3 × 1200 = 3600 دولار شهريا
وبس يصير عندو فريق في شي اسمو OVERRIDE يعني اذا AGENT من هالعشرة اللي بفريقو ساعد عيلة الAGENT الجديد بياخد 600 وال MARKETING DIRECTOR بياخد 600 دولار

(لوضحها اكتر انا حاليا MARKETING DIRECTOR ويمان هوي من العشرة اللي ضميتهن انا عالشركة اذا يمان ساعد عيلة ب 200 دولار يمان رح يقبض من الشركة 600 دولار وانا رح اقبض من الشركة 600 دولار على شغل يمان )

فلنقول هالعشرة كل واحد منهن ساعد عيلة وحدة بس انا رح اقبض 10 × 600 = 6000

بالاضافة لشغلي انا يعني 6000 + 3600 = 9600 دولار وانا اسعتني عم اشتغل دوام جزئي وعم ساعد بس تلت عيل


هلأ اذا سالتكن سؤال
عن شو بدكن تعرفو اكتر عن كيف تعملو مصاري اكتر (يعني كيف تعملو ال 9600 دولار )
او بدكن تعرفو عن كيف المصاري بتشتغل لالكن (يصير في عندكن عالم تعتني بالمصاري تبعيتكن وتساعدها انها تزيد )




يتبع .................................................. .................................... :D
شريك مع انو

انا امي كل ما تشوفني بتئلي تسلم لئلبي شو أذكى واحد من بين اخواتك

و مع انو الاي غيو عندي متطور

بس فتت بالحيط

انا

شريك مع انو

انا امي كل ما تشوفني بتئلي تسلم لئلبي شو أذكى واحد من بين اخواتك

و مع انو الاي غيو عندي متطور

بس فتت بالحيط

انا

اوكي طبيعي مو انت اول واحد بيفوت بالحيط بهالمرحلة يعني يتطلب الموضوع بس تفتيح مخ شوي

خليك معي لا تسرح وتركني من الاي كيو تبعك هلأ

انتي انضميت للشركة بتصير AGENT وعم تشتغل لحالك كل عيلة بتساعدها (ب 200 دولار ) بتقبض عليها من الشركة 600 دولار
بعدين قررت انو معد بدك تشتغل لحالك بدك تعمل فريق او تجاوزا منقول تشغل عالم عندك (مو دقيقة هالكلمة بس تجاوزا عم نقولها )

لنقول انا ويمان وماتيا وحسون والمحارب العتيق و ياس ومورنينغ و مريومة و ريمي و سوريويو انضمينا لفريقك انتي بيصير اسمك MARKETING DIRECTOR ونحنا العشرة بيصير اسمنا AGENTS
هاي نحنا عشرة وانتي القائد تبعنا

هلأ اذا انا بساعد عيلة بقبض عليها 600 دولار اعتمادا على حكينا الاول لانو انا AGENT بس بنفس الوقت انتي بتقبض 600 دولار بدون ما تشتغل شي بس لانو انا بفريقك ولانو انتي MARKETING DIRECTOR
اذا يمان بيساعد عيلة هوي بيقبض وانتي بتقبض وهيك لكل العشرة اللي بفريقك

فهمت لهون او اسا في شي اسئلة ؟

(لوضحها اكتر انا حاليا MARKETING DIRECTOR ويمان هوي من العشرة اللي ضميتهن انا عالشركة اذا يمان ساعد عيلة ب 200 دولار يمان رح يقبض من الشركة 600 دولار وانا رح اقبض من الشركة 600 دولار على شغل يمان )


اي لاأ فشرت .. أبقبل خلّي حمصي يطلع عكتافي :p


عراسي بو الهن .. وكمّل عكيفك .. الموضوع لهنلا عاجبني .. ومتابع :D

بس من ناحيتي .. بفضل تحكيلي كيف الشركة بتجيب المصاري وبتعوض .. وكمل ناطرينك

اوكي طبيعي مو انت اول واحد بيفوت بالحيط بهالمرحلة يعني يتطلب الموضوع بس تفتيح مخ شوي

خليك معي لا تسرح وتركني من الاي كيو تبعك هلأ

انتي انضميت للشركة بتصير AGENT وعم تشتغل لحالك كل عيلة بتساعدها (ب 200 دولار ) بتقبض عليها من الشركة 600 دولار
بعدين قررت انو معد بدك تشتغل لحالك بدك تعمل فريق او تجاوزا منقول تشغل عالم عندك (مو دقيقة هالكلمة بس تجاوزا عم نقولها )

لنقول انا ويمان وماتيا وحسون والمحارب العتيق و ياس ومورنينغ و مريومة و ريمي و سوريويو انضمينا لفريقك انتي بيصير اسمك MARKETING DIRECTOR ونحنا العشرة بيصير اسمنا AGENTS
هاي نحنا عشرة وانتي القائد تبعنا

هلأ اذا انا بساعد عيلة بقبض عليها 600 دولار اعتمادا على حكينا الاول لانو انا AGENT بس بنفس الوقت انتي بتقبض 600 دولار بدون ما تشتغل شي بس لانو انا بفريقك ولانو انتي MARKETING DIRECTOR
اذا يمان بيساعد عيلة هوي بيقبض وانتي بتقبض وهيك لكل العشرة اللي بفريقك

فهمت لهون او اسا في شي اسئلة ؟
ايو هلق فهمت

يعني اذا عملت فريق

بصير بقبض بدون ماشتغل بس بقبض على التجميع

;) ائلتلك اذكى كل اخواتي انا

تمام هاني ناطرين التكملة ,,,,

باخر رد لالي سالت سؤال


هلأ اذا سالتكن سؤال
عن شو بدكن تعرفو اكتر عن كيف تعملو مصاري اكتر (يعني كيف تعملو ال 9600 دولار )
او بدكن تعرفو عن كيف المصاري بتشتغل لالكن (يصير في عندكن عالم تعتني بالمصاري تبعيتكن وتساعدها انها تزيد )


هادا السؤال اسمو closing يعني منسكر العرض تبع الشركة ومنترك المجال مفتوح للاسئلة بس منسال هالسؤال مشان نعرف كيف بدنا نروح مع الزبون ( الزبون بيكون اسمو prospect لحتى نسالو هالسؤال و حسب جوابو منحدد شو بيصير )

لنفترض الزبون قال بدو يعرف كيف يعمل مصاري اكتر
هون صار الزبون اسمو potential recruit يعني احتمال موظف (حلوة الترجمة الحرفية :lol: )
طبعا الشغل بالشركة مو لكل العالم لهيك في امور لازم الواحد يحققها لحتى يتوظف بالشركة

1- بدو يدفع 100 دولار هاي مشان تفقد الخلفية تبعيتو يعني منتاكد انو ما عندو خلفيات اجرامية ما عندو مشاكل مخالفات سواقة تحت الكحول ما عندو مشاكل مع الكريديت كاردس وهالقصص هاي

2- لازم يعطي شوية وقت للشركة معظم العالم بتشتغل هالشغلة دوام جزئي يعني ماكسموم عشرين ساعة اسبوعيا في عالم ممكن تشتغل نهار واحد وفي عالم اكتر في عنا واحد بالفريق بيساوي كل شغلو نهار التلاتا
ما بيهم ايمت بيتساوى الشغل بس انو ما تضربها طناش وتروح ومعد تفرجينا وجهك

3- لازم تكون coachable هاي الكلمة مو كلمة انكليزية يعني ما رح تلاقيها بالقاموس يمكن
بس رح اعطيها بمثال لنفترض انو عم نلعب طابة والمدرب قلك يا اخي عمول هالشغلة لانها لصالح الفريق وانتي ما عملتا اول الشي رح تضر الفريق وبالتالي رح تتعاقب بانك تقعد احتياط لحتى تصير تسمع الكلمة هههههههه
بالشركة نفس الشي في عنا مدربين خبراء بالشركة ونحنا المتدربين لازم نسمع كلمتهن ونقول كل شي بيقلولنا يا لانو هني رح يساعدونا ويساعدو الفريق بنفس الوقت وطبعا اللي ما بيسمع الكلمة بيبعدو شوي عنو بس ما بيتركو

في حال تمت الموافقة على هالشروط التلاتة
منعبي الطلب تبع الشركة ومنحطو عالسيستم ومنحط الشخص الجديد اللي صار اسمو recruit ومنبلش تدريب في لحتى يقدر هوي يشتغل لحالو



يتبع مع الشطر التاني من السؤال .................................................. ............................ :D

انا بقضي نهاري عم احكي عن الشركة صاير عم احلم فيها صرلي تلت شهور مبلش معاهن

حاليا انا ضمن الاربعة ال leaders تبعوت الفريق مبارح كان عنا اجتماع مناقشة لامور الفريق ولوين بدنا ناخدو وشو الاهداف المستقبلية للفريق

وحاليا بلشت دراسة مشان الفحص التاني تبع الشركة ويمكن قدمو باخر آب

على كلن كل شي رح يجي بوقتو وتعرفو انا عن شو عم احكي :D

يا شباب .........انتبهوا!!!

هاني انا كنت بدي ابعتلك الرد ع الخاص بعدين قررت اني ابعتو هون مشان الكل يعرف .

الشركة اللي عم تشتغل فيها ( اذا صح التعبير ) هي عبارة عن شركة ( نصب ) كمان اذا صح التعبير !!
انا بصراحة اول مرة بسمع بالشركة هو هون ...بس من خلال شرحك و مقدماتك و بعدين توضيحك تماما للاسلوب العتاد لهيك قصص تأكدت 100 %

هاد الشغل اسمو بالعربي pyramid marketing schemes و هو على حد علمي غير قانوني باميركا ....و مشان هيك بنصحك تمحص اكتر بهالشركة المدعوة و تشوف بعينك انن كذابين .

ببساطة ياجماعة هاي الشركات بتفوت للعالم من مليون باب ....بس دائما بنفس الخط و نفس الاسلوب:

الاسلوب هو :

اولاً : انو نحنا يا جماعة فرع من شركة كتير كتير كتير مهمة .....مليانين مصاري نحنا !!!
تانياً : نحنا كتير فهمانين ...و ما مين ما كان منجيبو لهون ...[س نحنا اخترناكن ..ترى انتو مانكن سهلين ...!!
تالتاً : نحنا ما بدنا مصاري ......اعوووووووووذ بالله ....نحنا بدنا نعطيك مصاري !!
رابعاً : المصاري اللي ممكن تطالعا هون ...ما ممكن تطالعا باي شغل تاني ..و هات ورقة و قلم و حسوب ( و هون بفوتولك بالمضاعفات ....الله يلعن اخت المضاعفات ) !!
خامساً : لحتى تجمع مصاري منيح لازم يكون في فريق ..و كل ما كبر فريقك كل ما تضاعف دخلك باضعاف مضاعفة ضعفاً ضعيفا !!!
سادساً : منتجاتنا ما حدو عندو منها !!!
ثامناً : وقت تفوت معنا لازم تدفع ...باي طريقة يعني ..ممكن نبيعك شي و ممكن ندفعك ياهن بغير اسلوب ...و كل واحد بدو يجي بعدك بدو يدفع ....و انت بتقبض و نحنا منقبض اضعاف ...لانو في عنا .......................الهرم !!!


ببساطة ياشباب هي الحركات انا كنت متخيل انها مفضوحة و خصوصي للشباب الواعين .....يعني كتير مرق قصص من هيك اشكال ..و ما بعرف اذا في حدى منكن بيتذكر الدولار الصاروخي .

طبعا بهيك نوع من النصب بكون في عالم ربحانين و ممكن يربحو كتير كتير ,....بس هني اللي بكونو بقمر الهرم ...و طالما انت بقاعدة الهرم ما رح تربح او رح تربح شي خفيف او غالبا يعني رح تخسر .

الخسارة ما رح تتوقف ع الماديات .....رح تخسر من شخصيتك وقت بتصير متلن بكل حركاتك و حكيك و اسلوبك و التفاهات اللي بقولوها و بترددا ....رح تخسر من كرمتك وقت بتكتشف انو انت فايت بنصبة كبيرة و مضطر تكفي و وتوقع غيرك مشان تطلع مصاريك
و رح تخسر من كرامتك وقت بتكون اكتشفت الموضوع متأخر و بتضطر توقف عند هالحد مخجول قدام كل اللي نصحوك !!!

بقدر اعطيكن امثلة على هالموضوع و الانترنت قدامكن و انتو واعين

دورو على هالمصطلخ pyramid marketing schemes و شوفو شو معناه بالضبط و ع شو بينطبق و ع شو ما بينطبق

فينكن تشوفو نموذج رخيص و مفضوح و منتشر بالخليج العربي اللي هو Questnet او Goldquest و للاسف كتير شباب محترمين انجرفو فيه و صارو مجرد مسوخ بتلاحق الناس لانن هدف محتمل مشان يكبرو هرمن و يصيرو فوق و يقبضوا ...و ياريتن يا ريتن يا ريتن بيقبضوا!!

ما في شي بالحياة ببلاش ...ابداً و وقت بكون شي to good to be true اكيد ما رح يكون true

و ندائي لهاني انو يمحص و يتحقق بحيادية و بعدين يجاوب هون :D

ابا نهلة العظيم في حيينا
منور يابا


رح ارجع اتوسع شوي بالرد عليك وقت صير بالبيت :D

حلو هالحكي .. متابع وبشغف

ابا نهلة العظيم في حيينا
منور يابا


رح ارجع اتوسع شوي بالرد عليك وقت صير بالبيت :D

طيب ...بس يا ريت توضح من وجهة نظرك شو هو ال( multi level marketing( mlm و شو هوال pyramid marketing schemes و شو هوال chain marketing و شو علاقة WFG بسابقي الذكر

طيب ...بس يا ريت توضح من وجهة نظرك شو هو ال( multi level marketing( mlm و شو هوال pyramid marketing schemes و شو هوال chain marketing و شو علاقة WFG بسابقي الذكر

طبعا اكيد :D

انا كمان معكون بالفتة

و انا رح حط رابط لملف ممكن يساعد الاشخاص اللي ما عندن فكرة عن الموضوع مشان يكونو بالصورة , الملف بيشرح النقاط الخمسة الرئيسية اللي بتميز الشركات اللي بتعتمد مبدأ السالاسل غير المنتهية او التسويق متعدد المستويات , او التسويق الهرمي ..مهما كان الاسم يعني

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الملف بالانكليزي

ثانكس .. اب نهلة .. وهاد سؤال يمن الاول كان انو كيف .. عم يكون تحقيق المصاري بهيك بساطة خيالية :D

عكلن لح حاول نزل الملف واقراه بس ارجع من الجامعة وبخبرك .. وناطرين هن للتوضيح كمان

اسف عالتاخير رجعت من الشغل تعبان وما نمت وما كنت مركز بنوب وكنت على اساس ما رد اليوم
بس بكرا رح اضطر انقطع عن الانترنت لفترة اسبوع يمكن او اكتر شوي وما بدي اتاخر عن الرد اكتر من هيك


بالنسبة للشركة WFG قبل ما بلش شغل بالشركة سمعت كتير حكي عن هالشركة لانو طبعا بما انو اسعتني جديد بهالبلد يعني ما بعرف شوفي شركات منيحة وشوفي شركات مو منيحة فعملت حركة بحثية كبيرة قبل ما اخد قرار بالانضمام للشركة والحركة البحثية استمرت حتى فيما بعد انضمامي للشركة بشهر وشهر ونصف

طبعا الاراء حول الشركة اختلفت بس معظمها تركز حول ما منعرف الشركة او انو الشركة تعتمد على البنية الهرمية او انو الشركة ممتازة

معظم العالم اللي كانت خايفة من الشركة كانت خايفة انو تكون الشركة نصابة او الشركة خدعة او متل ما بيسموها هون SCAM وهادا الشي خلاني خاف شوي بالبداية وخصوصا النظام الهرمي (تجاوزا ) المستخدم بالشركة واللي خافت منو كتير عالم

قبل ما احكي عن النظام الهرمي رح احكي عن الناس اللي قالت انو الشركة عبارة عن SCAM :

الشركات ال SCAM بالعادة بتعمل على محاسبتك اذا بدك تنضملها مصاري كتير تعود للشركة ويكون للشخص اللي دعاك على الشركة نسبة من هالمصاري
وحدة من الشركات اللي افتتحت مؤخرا وكانت عبارة عن SCAM بيقولولك بس بدك تدفع عشرين الف دولار ونحنا منعلمك كيف تصير REAL ESTATE AGENT يعني تصير قادر على بيع بيوت وعقارات بس الشي اللي ما بتعرفو انتي انو الشخص اللي دعاك عالشركة بيقبض من العشرين الف دولار نصهن يعني عشرة الاف دولار
هاي الشركة تعتبر SCAM هاي وحدة من الشركات الموجودة حاليا واللي بدأت تنكشف شوي ورا شوي

بالنسبة ل WFG ما في اي شي بتدفعو يعود للشركة كلو يعود لولاية كاليفورنيا
كيف يعني كل اللي رح يكلفك يا انو تنضم للشركة هوي 100 دولار بتندفع لولاية كاليفورنيا مشان يحررو المعلومات المتعلقة بال SOCIAL SECURITY NUMBER تبعك (كل شخص بامريكا عندو رقم مختلف عن التاني وعن طريق هالرقم بيتم ملاحقتو والنظام الاميركي بالمجمل قائم على هالارقام هاي يعني هادا الرقم هوي حياتك بامريكا )

اضافة الى تكاليف الشهادات اللي لازم تاخدها لحتى تقدر تشتغل مع WFG وهون منجي لسبب تاني انو WFG مانها SCAM لانو WFG مسجلة مع CALIFORNIA LIFE INSURANCE DEPARTMENT و مع SECURITY DEPARTMENT واللي بقصدو انو لحتى تقدر تشتغل مع WFG لازم تكون معك شهادة لتبيع انشورانس ولازم تكون معك شهادة لتبيع استثمارات وما بعتقد اي شركة SCAM بتتطلب هالشي من العملاء تبعوتها

تاني شغلة انو ال WFG ما عندها منتجات منها هيي انما WFG هيي صلة الوصل بين المستهلك او الشخص وبين شركات الانشورانس والاستثمارات الكبيرة بامريكا
لاعطي شوية امثلة
WRL = WESTERN RESERVE LIFE INSURANCE
FIDELITY
ING
PACIFIC LIFE
ALLIANCE
TRANS AMERICA

وهاي الشركات شركات معروفة على مستوى اميركا وكندا بانها من اقوى الشركات وبشهادة كل العالم حتى اللي ما بيعرفو WFG

يعني اذا بدي لايف انشورانس اقوى شركة بروح الها هيي WRL اذا بدي خطط تقاعدية اقوى شركة بروح الها هيي TRANS AMERICA واذا بدي استثمارات بروح على FIDELITY او ING

ما بعتقد انو اي شركة من هالشركات لو بتعرف انو WFG هيي عبارة عن SCAM رح ترضى تتعامل معها باي شكل

ايضا وايضا AEGON وحدة من اقوى شركات الانشورانس بالعالم وعلى فكرة انا سالت عنها ببريطانيا وتاكدت انها من اقوى شركات الانشورانس هنيك وAEGON صارت بالصين وفتحو بالهند وبعدو بالمكسيك مانها مجبورة تدعم شركة WFG اذا كانو خايفين من انو تكون SCAM

منجي للبنية الهرمية اللي العالم بتخاف منها
لو اجينا فكرنا فيها شوي النظام الاميركي قائم على بنية هرمية
يعني الرئيس الاميركي في قمة الهرم
بيجي الفرع اللي تحتو مجلس الشيوخ وموظفين البيت الابيض و و عن هدول العالم بيتفرع عالم بتشتغل الهن وبيزيد التفرع ليوصل للموظف العادي بالمؤسسات الحكومية

لناخد مثال STARBUCKS
في صاحب المحل تبع STARBUCKS هادا الشخص ما بيشتغل بايدو شي
في تحتو SUPERVISORS هدول بيشتغلو الوراق وما الى هنالك بس ما بيعملو قهوة وبيكونو مسؤولين عن اكتر من محل او BRANCH
في تحتهن MANAGERS هدول بيكونو مسؤولين عن محل واحد وعن الموظفين اللي في
في تحتهن EMPLOYEES هدول اللي بيعملو القهوة

هلأ بهيك بنية هرمية تقليدية شو احتمالية انو يترقى ال EMPLOYEE ليكون MANAGER في عندو اربع احتمالات مع شرط خدمة سنتين انو واحد يموت ال MANAGER او يتقلع من الشغل او يستقيل او ينتقل على محل تاني

واحتمال انو MANAGER يصير SUPERVISOR كمان نفس الشي
بس شو احتمال انو SUPERVISOR يصير OWNER او صاحب محل 0 بالمية لانو صاحب المحل ما رح يتقلع او ينتقل على محل تاني وفي حال استقال او مات رح يورث المحل ابنو


منجي للنظام الهرمي التاني واللي يعتمد على مبدأ ال RECRUITING واللي عم تتبعو معظم شركات الاستثمارات والانشورانس و ال REAL ESTATE حاليا
واللي هوي يعتمد على وجود BROKER وهالبروكر بدال ما يشتغل لحالو بيدور على مجموعة عملاء يشتغلو تحت ايدو وهوي بيصير يقبض على حسابهن (هادا نظام ال REAL ESTATE هل منقدر نقول انو REAL ESTATE خدعة او نصابين مستحيل لانو اميركا مبنية على نظام ال REAL ESTATE )

بس بهيك نظام ايضا وايضا العملاء ما بيقدرو يتطورو ويصيرو BROKERS لانو ال BROKER الاصلي بيعتبرهن منافسين الو وبهيك حالة هوي رح يخسر شغل


هلأ النظام الهرمي ب WFG مختلف نوعا ما
اول شي يعتمد على ال RECRUITING بس في عندك مجال انك تتطور بدون ما يستفيد منك الشخص اللي اعلى منك

رح احكي شوي عن المراتب ب WFG
1- TRAINING ASSOCIATE
2- ASSOCIATE
3- SENIOR ASSOCIATE
4- MARKETING DIRECTOR
5- QUALIFIED MARKETING DIRECTOR

هلأ رح احكي عني انا وعن طريقها رح تعرفو السيستم
انا لما انضميت انضميت عن طريق رفيقتي اللي منسميها UPLINE واللي هيي تعتبر فوقي بالهرم حاليا
انا كنت TRAINING ASSOCIATE هيي كانت ASSOCIATE بهيك حالة اي شغلة بشتغلها انا هيي رح يطلعلها منها 10 بالمية
طيب انا من اسبوع صرت ASSOCIATE وهيي اسعتها ASSOCIATE هلأ اي شغلة بشتغلها انا هيي معد يطلعلها شي لانو انا وياها صرنا بنفس المستوى او بنفس الرتبة
هلأ انا ممكن قريبا جدا صير SENIOR ASSOCIATE وهيي تضل ASSOCIATE خلص هيي معد تستفيد مني بشي
يعني هون اللي برأس الهرم مانو عم يستفيد من اللي باسفل الهرم لاء في احتمالية كمان انو اللي كان باسفل الهرم يصير براس الهرم بس بيضل ما في استفادة من بعضهن

بالنسبة للترقيات كيف بتصير
في نقاط بدك تجمعها قبل ما تترقى لمرتبة اعلى

لنقول انا صرت SENIOR ASSOCIATE وبدي اطلع لل MARKETING DIRECTOR لازم اول الشي يكون في بفريقي صار في واحد SENIOR ASSOCIATE و تنين ASSOCIATES ولازم اعمل 90 الف نقطة
موزعة بالشكل التالي
انا شخصيا لازم اعمل 30 الف نقطة
واحد من فريقي لازم يعمل 30 الف نقطة
واحد تاني من فريقي لازم يعمل 30 الف نقطة

طيب اذا انا فريقي اقوى من فريق ال UPLINE تبعي في عندي فرصة اكبر اني وصل لمراحل اكتر منها وبالتالي انكسرت البنية الهرمية التقليدية واللي بتقول انو بس القاعدة تطلع شوي الراس بدو يطلع اكتر (كمثال بسيط ال CEO وهيي رتبة من الرتب كمان المهم انو ال CEO تبعنا في عندو بفريقو عدد من ال CEOs كمان كانو باسفل الهرم وطلعو صارو بنفس رتبتو وفي احتمال انو يصيرو اعلى منو )

هلأ ممكن انا دوختكن شوي بالحكي واذا رجعت اقرا ممكن فوت انا بالحيط

بس ملخص الحكي
البنية الهرمية المتبعة بالشركة غير البنية الهرمية التقليدية او ال PYRAMID او ال CHAIN و اللي معروفة ب CORPORATE AMERICA والتي لا يمكن كسرها


بالنسبة لحكي ابو نهلة بهالقسم

الاسلوب هو :

اولاً : انو نحنا يا جماعة فرع من شركة كتير كتير كتير مهمة .....مليانين مصاري نحنا !!!
تانياً : نحنا كتير فهمانين ...و ما مين ما كان منجيبو لهون ...[س نحنا اخترناكن ..ترى انتو مانكن سهلين ...!!
تالتاً : نحنا ما بدنا مصاري ......اعوووووووووذ بالله ....نحنا بدنا نعطيك مصاري !!
رابعاً : المصاري اللي ممكن تطالعا هون ...ما ممكن تطالعا باي شغل تاني ..و هات ورقة و قلم و حسوب ( و هون بفوتولك بالمضاعفات ....الله يلعن اخت المضاعفات ) !!
خامساً : لحتى تجمع مصاري منيح لازم يكون في فريق ..و كل ما كبر فريقك كل ما تضاعف دخلك باضعاف مضاعفة ضعفاً ضعيفا !!!
سادساً : منتجاتنا ما حدو عندو منها !!!
ثامناً : وقت تفوت معنا لازم تدفع ...باي طريقة يعني ..ممكن نبيعك شي و ممكن ندفعك ياهن بغير اسلوب ...و كل واحد بدو يجي بعدك بدو يدفع ....و انت بتقبض و نحنا منقبض اضعاف ...لانو في عنا .......................الهرم !!!

اولا - هاي حقيقة تأكدت منها رح حمل ملف PDF جبتو من AEGON بيوضح نمو WFG معاهن
تانيا- الشركة ما عم تسكر الباب بوجه اي حدا بالعكس عندهن فكرة انو كل العالم بتقدر تعمل الشغل اللي عم نشتغلو ما بيقولو انو هني كتير فهمانين وما مين ما كان منجيبو بس طبعا الشغلة مانها سهلة بدها صبر ومتابعة واذا في بعض العالم استسلمو فهاي مشكلتهن مو مشكلة الشركة
تالتا - الشركة بتوضحلك تماما شو المطلوب منك ماديا ما بيقلولك ما بدنا مصاري بيقلولك بالضبط وين بدها تروح المصاري
رابعا - باي شغل ان كان بس تتعب على حالك ممكن تطالع مصاري ما ممكن تطالعها باي شغل تاني اول كلمة بيقلولك ياها بالشركة ما تشوف اشارة الدولارات بعيونك شغلتك بدها تعب والتعب رح توصل منو لنتيجة مو بس هون بالشركة وين ما كان
خامسا- ما ممكن تعمل مصاري بس بانو يكون عندك قاعدة قوية قاعدتك لازم توصل لمستواك وتصير اعلى منك لحتى تقدر تعمل مصاري الفريق القوي ممكن يساعدك بشغلك بدال ما عم تشتغل لحالك وعم تحارب على الف جبهة يعني لوضحها بمثال انا اذا عم اشتغل لحالي كم موعد ممكن اعمل بالجمعة عشرة مواعيد او 14 موعد خلينا نقول موعدين كل نهار طيب اذا جبت حدا تاني يشتغل معي وقلتلو خيو انتي بتشتغل معي مساعد الي بحيث اذا انا حددت اربع مواعيد انا بقدر روح على تنين وباخد الربح الي وانتي بتغطيلي التنين البقية ومنتقاسمهن بالنص وبنفس الوقت وقت انتي بتحدد اربع مواعيد انتي بتروح على تنين وربحك صافي الك وانا بغطيلك التنين البقية ومنقسمهن بالنص اينو حل افضل اشتغل لحالي او معي شخص مساعد ؟
سادسا: برجع بكرر نحنا ما عنا منتجات ما في شي باسم شركتنا شركتنا عم تتعامل مع اقوى شركات امريكا انا قادر اعطيك ارقام الشركات كلها وتتصل فيها وتسالهن عن WFG
تامنا : برجع بقول كمان انو ما بتدفع شي للشركة كل شي عم تدفعو عم يروح لولاية كاليفورنيا اما لقسم الانشورانس او لقسم الاستثمارات بس ما في شي بيروح على WFG والحلو هون انو في شيكات يعني انتي بتعرف حالك لمين عم تكتب الشيك والحلو اكتر انو ما بيقبضو منك مصاري كاش لازم يكون شيك وانتي تكتبو بايدك وتوقعو


شغلة اخيرة انا اذا ضميت حدا جديد على الشغل انا ما بقبض علي شي انما بتكون مسؤوليتي علمو ودربو لحتى يصير يقدر يعمل بيزنس ووقتها ممكن استفيد ووممكن ما استفيد منو حسب باي مستوى بيكون هوي وباي مستوى بكون انا


بتمنى تكون وضحت الشغلة صرلي ساعة عم اكتب

على كلن اي اسئلة انا رح ارجع بعد اسبوع او قبل بشوي وببقى بجاوب عليها :D