شاهدت مؤخرا خطبة عمر البشير بمحافظة الفاشر ..كانت اجواء الخطبة تحملها الى التوتر والتبرير بل ربما التوسل الى الشعب السودانى ليقفوا بجوار رئيسهم مؤيدين سياسته ورضاهم عنه ومعارضين محاكمته فى القضاء الدولى
انهى البشير خطبته بتلاوة بعض ايات القران التى تدل على استحياء انه يدعو السودانيين لمسانده بدافع الواجب الدينى
كما رقص معهم بالنهاية رقصات سودانية:cry:
ما بعرف ليش افتكرت صدام:shock:

المهم ,,بتفتكروا هل من حق القضاء الدولى ان يحاكم رئيس دولة ؟؟؟,,,هل من حق المنظمات الدولية ان تمارس سياسة فرد العضلات على دول نعرف جميعا انها مطمع استعمارى؟؟

ومن يقف للمحكمين الدوليين ان بغى الحكم ؟؟



واليس من العدل إن تمت محاكمة البشير بتهمة الابادة الجماعية والتستر على مجرمين ان تحاكم معه امريكا بعد العمليات التخريبية والقتل التى احدثتها بدارفور بدعوى حفظ السلام؟؟؟

شكرا عالموضوع اسبرنزا :D

الزعيم البشير هو سيد قومه و ان كان قد قام بمجازر فعلى الشعب ان يريد ذلك و ليس المحكمة الدولية او امريكا..لانّه هذين الاخيرين لا يمدّان للسودان باي صلة غير صلة الطمع و الرغبة في الاحتلال

ارجو ان لا يعاد منظر العراق الدامي امام اعيننا مرّة اخرى :cry:

كان بدى توضحيلى من بيعطى للمحكمة الدولية الحق بانها تحاكم رئيس ما ؟؟؟ هى عاطية الامتيازات لحالها؟؟

انا بعتقد ان الشعب هو اللى يحاكم رئيسو اذا جار....وباساليب كثيرة

وفيه يلجأ للمحكمة الدولية بالاخير اذا ما قدر....يعنى الشعب اللى يلجأ

مش المحكمة الدولية بتنط بالباراشوط وتفرض سلطانها

بعتقد انو يفترض تكون المحاكمه " لأي رئيس دوله وليس فقط البشير " دوليه .. ( لو يستحق المحاكمه )
السبب كالتالي ..
المحكمه الدوليه محكمه دوليه مستقله .. عدد كبير من الدول مصادق على هذه المحكمه من ضمنها دول عربيه
استقلالية هذه المحكمه بيقود الى التفكير بوجود قدر من النزاهه والحياديه

لو تمت محاكمه البشير (او اي رئيس ) في بلده ... على الاغلب سيكون هناك علامات استفهام حول نزاهة المحكمه و من سيضمن حيادتها .. وكما ذكرتي .. فعلا سيكون الامر مثل محاكمة صدام ( بغض النظر عن رأيي فيه ) المحاكمه لم تكن عادله او حياديه

* قانونيا لا اعلم ما الذي جعل من حق المحكمه الدوليه ملاحقة البشير

* قانونيا لا اعلم ما الذي جعل من حق المحكمه الدوليه ملاحقة البشير

بتذرعوا بهذه الاتهامات
اتهم مدعي المحكمة الجنائية الدولية الرئيس السوداني بتدبير حملة للابادةالجماعية أدت الى مقتل 35 ألفا اضافة الى 100 الف ماتوا موتا بطيئا وتشريد 2.5مليون.

مو ملاحظة انها شبيهه بمقولة ,,((اتهم مدعى المحكمة الجنائية الدولية الرئيس العراقى بتدبير حملة للابادة الجماعية للاكراد ادت الى مقتل..........الخ )

يلطف بيه ربنا ..وبينا احنا كمان المسافة بين مصر والسودان مو بعيدة

بتفتكروا هل من حق القضاء الدولى ان يحاكم رئيس دولة ؟؟؟,,,
ليس من حقها طبعا...
القرار نزل و الرجل مازال في السلطة ...مازال حاكما لشعبه ..
اضن ان القرار كان اهانة كبيرة للشعب السوداني
يعني ليش ما يصدرو قرار توقيف ضد شئ زعيم غربي و هو يزاول نشاطه كزعيم على شعبه؟؟؟
أذلك لان الشعوب العربية لا تستحق ان تقرر مصير سياستها؟؟
...ام اننا لم نرقى الى درجة...تجعل منّا شعبا يدرك مصافي الامور؟


هل من حق المنظمات الدولية ان تمارس سياسة فرد العضلات على دول نعرف جميعا انها مطمع استعمارى؟؟

هو الواقع المعاش...ان المنظمات الدولية وسائل تستعملها الدول المهيمنة ---امريكا---
للوصول الى هدفها...و ما هو هدف امريكا غير الاستعمار و انتهاك حرية الشعوب


ومن يقف للمحكمين الدوليين ان بغى الحكم ؟؟

طبعا لا احد...الجامعة العربية؟؟مستحيل..منظمة لم تصل بعد الى اتخاذ قرار و تطبيقه متل العالم و الناس..افواه مكممة


واليس من العدل إن تمت محاكمة البشير بتهمة الابادة الجماعية والتستر على مجرمين ان تحاكم معه امريكا بعد العمليات التخريبية والقتل التى احدثتها بدارفور بدعوى حفظ السلام؟؟؟

امريكا راعية المنظمات اللي بنتمنى انها تفتح تحقيق في القظية..فكيف بدك ياها تتحاكم...




هلاّ احنا لسّى ما شفنا شئ من امريكا...ناطرين اوباما لمّا يجي عالسلطة و تشوفي الاجرام على اصولو
اذا بوش لجأ للكونغرس و لبعض المنظمات لحتى يبرر هجومو عالعراق...فاوباما قال انّو اذا في دولة راعية للارهاب (ما في غيرنا اكيد)..ما رح يحتاج لتاييد من اي منظمة كانت..رح يهجم بجيشو عالدولة المستضيفة للارهاب...من غير مبرر غير كلمة ارهاب..

تحياتي :D

هاد الشخص مجرم ضد الانسانية ... لا خلاف على هالشي.. مجرم و ستين مجرم كمان.. متل ما صدام كان مجرم و ستين مجرم...

لكن مين الحكم؟ مين القاضي؟

لو محكمة نزيهة بقبل بمحاكمتو.. لكن المحكمة الدولية الحالية لأ طبعا (بعرف انو مقيّد عملها كون كتير دول ما صادقت عليها و انو فيها ناس فعلا عم تشتغل جد لصالح الانسانية).. لكن ما بعتقد يطلعلا تحاكمو...


لذلك.. خلينا نقول لأ... مو دفاعا عن البشير (اللي هو سفاح و مجرم و قاتل) .. انما كنقض لطابع المحكمة و القاضي

و كمان بس ملاحظة اخيرة.. اعلان ملاحقتو عمل مفعول عكسي.. نفس المفعول اللي عملتو محاكمة صدام و اعدامو.. كلا الحالتين أدتا الى انو مجرمين و لصوص و حقراء يتحولو الى أبطال

رأيي من رأي ياس تماما . يعني لو تتم محاكمة الجميع جميع مجرمي الحروب بمحاكمة دولية عادلة .. اي ما نعود بنقول " هاد رئيس أو هاد وزير ما لازم نحاكمو " - أصلا هاد سبب انو الواحد بقتل وما يخاف - بس لما يكون هيك .. المحاكمة مو بس بقصد المحاكمة .. يعني مو بس لتحقيق العدالة لأنو متل ما ذُكر عامل أشيا من قبل بستاهل عليها .. فهلأ محاكمتو مو مالها فائدة مو ما بيستاهل بس أيا عدل رح ترجّع ؟

و كمان بس ملاحظة اخيرة.. اعلان ملاحقتو عمل مفعول عكسي.. نفس المفعول اللي عملتو محاكمة صدام و اعدامو.. كلا الحالتين أدتا الى انو مجرمين و لصوص و حقراء يتحولو الى أبطال
ياعيني عليك ياس ...
ودخيلكن لا تقولولي هي إهانة للشعب, لانو البشير ما بيمثل شعبو حتى لو رقص معون كل يوم, هوي بيمثل نفسو وبس...
والشعب هو يلي لازم يحكم؟!؟! ليش ايمتا قدر الشعب العربي يقرر مصيرو؟
بس أخخخ لو في محاكم عادلة!

ياس أنا بدي خالفك هون كتير لعدة أسباب:



هاد الشخص مجرم ضد الانسانية ... لا خلاف على هالشي.. مجرم و ستين مجرم كمان.. متل ما صدام كان مجرم و ستين مجرم...

لكن مين الحكم؟ مين القاضي؟ مبدئياً وبمجرد اعترافنا بأنو هالأشخاص مجرمين بيعني قناعتنا بإنو يجب حسابهن بأي طريقة متاحه.. وبناءً على انو مافي لا محكمة وطنية بتقدر تحاسبهن ولا قاضي وطني بيقدر يحاكمهن يجب علينا القبول بالموجود اذا كان بيخدم المصلحة الوطنية بالنهاية حتى لو كان على أيدي ناس مو وطنيين... بس بالنهاية هنن رح يحاكمو هالمجرمين مو رح يحتلو البلد عسكرياً.. فإذاً لازم نقبل فيهن بمعزل عن شو هنن لأنو الحكام مانهن بالشرف يلي بيستحقو فيه محاكمة مثالية ولا سيرتهن الذاتية بهالإحترام لحتى ندافع عنهون..

لو محكمة نزيهة بقبل بمحاكمتو.. لكن المحكمة الدولية الحالية لأ طبعا (بعرف انو مقيّد عملها كون كتير دول ما صادقت عليها و انو فيها ناس فعلا عم تشتغل جد لصالح الانسانية).. لكن ما بعتقد يطلعلا تحاكمو...
هون منجي على موضوع النزاهة.. لما بدك تطالب بمحكمة نزيهة لازم يتوافر عندك بعض الشروط يلي أولها يكون متاح محكمة أخرى أنزه من الموجودة.. وإلا بيعني هالشي قبولك باستمرار الوضع على ماهو عليه إلى ماشاء الله... وبرجع بوضحلك لما بدنا نطلب لهالأشخاص ( يلي نحنا مسبقاً منعرف شو عقابهون العادل ) محكمة نزيهة يجب أن يكونو مارسوا النزاهة ولو بالحد الأدنى اتجاه شعوبهن.



لذلك.. خلينا نقول لأ... مو دفاعا عن البشير (اللي هو سفاح و مجرم و قاتل) .. انما كنقض لطابع المحكمة و القاضيقولك لاء لللمحكمة الدولية ( يلي أنا بشاركك بتحفاظاتك عليها ) بيعني رفضك للحل الوحيد المتاح لحساب هالمجرمين ومعاقبتهن.. صدقني هي أحسن الأسوء أو أسوء الأحسن بهالوضع..

و كمان بس ملاحظة اخيرة.. اعلان ملاحقتو عمل مفعول عكسي.. نفس المفعول اللي عملتو محاكمة صدام و اعدامو.. كلا الحالتين أدتا الى انو مجرمين و لصوص و حقراء يتحولو الى أبطال
ياسيدي أنا موافق انهون يتحولو أبطال بنظر البعض " للأسف هالبعض حتى هلأ مقتنع انهون أبطال" بعد محاسبتون وخلاص الشعوب منهن أحسن مايستمرو بالحكم وبنفس الطريق.. مجرم ميت خير من مجرم حي بغض النظر عن مين يلي حاسبو... برجع بقلك الشعب أهم من طريقة الحساب

هو السؤال ما الفرق بين قضية البشير و ميلوزوفيتش ؟

يعني ليش العرب ما انقهروا على سلوبودان ميليوزوفيتش ... بس حزنوا على البشبر ؟؟



ميليوزوفيتش كان رئيس دولة و عمر البشير ايضا ... !


بالحقيقة مو بس البشير ... لازم حزب العدالة و ميليشيا الجنجويد و الميليشيات المعارضة .. كلها تتقدم للمحاكمة الدولية على جرائم الحرب ...

يعني لازم تصير محكمة دولية خاصة بالسودان ... لان المجازر فاقت كل الحدود ...




.. الجريمة هي جريمة ... مهما تنوعت اساليبها ...

و جورج بوش ..... ايضا لازم يتحاكم ايضا

موا لقصة اعترافنا بأنهن مجرمين وبيستحقوا العقاب. هي شغلة جدا مفروغ منها .. صحيح محاكمة المجرم أهم من طريقة الحساب .. بس لأ ,كمان الطريقة مهمة ... شخص قتل ودبح و و و .. أخر شي بطل ! أي يمكن نقول " اي يقولو المهم تحاكم " بس شغلة جدا بتقهر بتوضحلك انو ماهاد كان الحل السليم .بفكر احيانا اذا تحاكم رح تصير السودان بوضع أحسن ؟ رح تستاهل القصة كلمة البطل يلي اخدها ؟ .. يلي بيزعج أنو المحاكمة ما بتم لما الشعب بدو .. لما جهات بدها .. يعني لو الشعب بدو ومصر لو هالجهات مابدها ما بيتم الأمر ... يمكن متل ما قلت أحسن الأسوء والحل الوحيد .

يعني قضية يوغسلافيا مو انحلت بالمحكمة الدولية ؟؟

صحيح تقسم البلد ..... بس المهم تحاكموا اللي قتلوا الناس المدنيين



لا يوجد شي اسمو ارادة الشعب بالمحاكمة او لا .... القانون فوق الكل


اذا شخص واحد انقتل و ما تحاكم المجرم ... يعني هناك خلل في القضاء و في الشرطة ....... كيف اذا 300 الف شخص عدا المشردين و الجرحى ...


لازم محكمة دولية لكل المشاركين في تلك المجازر ....



فاذا كان هو مقصر او الميليشيات او حزب العدالة ... و تحاكموا المذنبين


يتغير الوضع 180 درجة .......... لان ما ممكن يبقوا اصحاب نفوذ و بدون رادع

.بفكر احيانا اذا تحاكم رح تصير السودان بوضع أحسن ؟وشو بيطلع معك الجواب؟؟

رح تستاهل القصة كلمة البطل يلي اخدها ؟ شو رايك؟؟ ما بتستاهل مثلاً؟؟ حرية الشعب من ديكتاتو ر مجرم مابتستاهل انو كم مختل عقلياً يقولو عنو بطل؟؟ ماهنن هيك هيك عم يقولو.. فيقولو والشعب حر ورجعتلو كرامتو ووقف ارهابو عليهون أحسن مايقولوها هو وعايش.. ياعيني ياخد كلمة بطل لما كلمة سوبرمان المهم الشعب.. أهم من الألقاب.. مو معقول نتقل لمرحلة التفكير بشو بدو يتسمى بعد مايتحاكم وننسى شو الفوائد يلي رح يجنيها البلد والشعب من الخلاص منه..

.. يلي بيزعج أنو المحاكمة ما بتم لما الشعب بدو .. لما جهات بدهاأنا معك انو كل المحاكمات إلها أبعاد دولية وسياسية بتحكم توقيتها.. بس الشعب دايماً بدو يتحاكم الظالم والمجرم فتجي ايمتى ما كان هاللخظه المهم تجي..

يعني لو الشعب بدو ومصر لو هالجهات مابدها ما بيتم الأمر ... يمكن متل ما قلت أحسن الأسوء والحل الوحيد تماماً المهم نعرف وين مصلحة الشعب والوطن..

ماكان قصدي من السؤال اذا حرية الشعب بتستاهل أو لا .. طبعا بتستاهل . كان قصدي أنو بعد هالمحاكمة والبطولة رح تتحقق الحرية ؟ .. يمكن اي متل بعض القضايا ويمكن لا متل العراق

أنا معك 100% بس الشعب بيستحق هالتجربة شو ماكان نتائجها أرحم من السكوت والخنوع

يحاكموا بوش لو صادقين..

اي , صح ..نسينا اولمرت..
اووووو,للاسف الشديد نسينا محاكمة جميع زعماء الدول الاوروبية على ( مذابح الناتو في افغانستان )..

هممم,المسلمين يريدون محاكمة بوش..فليش ما تجي المنظمة الدولية الشريفة وتحاكمه ؟
ما يطلع قائد عربي كاره لامريكا الا ويحاكموه..هذا يدل على تحيز واضح

لا يوجد شي اسمو ارادة الشعب بالمحاكمة او لا .... القانون فوق الكل

ما نروح بعيد , يحاكموا بوش ؟ مو قتل مليوني عراقي ؟

السودان صار فيها كتير جرائم ضد الانسانية زيها زي العراق والبشير وصدام كلاهما يستحق المحاكمة..
بس علامة الاستفهام اللي موجودة عالمحكمة الدولية بتعطي صفة البطولة لمجرمي الانسانية على طبق من ذهب..لو تم اعتقال البشير مش اعتقال السودان بحالو والسيطرة عليه زي ما صار بالعراق ف الله لا يقيمو !

المهم ,,بتفتكروا هل من حق القضاء الدولى ان يحاكم رئيس دولة ؟؟؟

لأ . لأسبـاب زكروهـا رفئــاتنـا ئبــلي


,,,هل من حق المنظمات الدولية ان تمارس سياسة فرد العضلات على دول نعرف جميعا انها مطمع استعمارى؟؟



جاوبــتي


ومن يقف للمحكمين الدوليين ان بغى الحكم ؟؟


الاكــثر بغــاء ..



واليس من العدل إن تمت محاكمة البشير بتهمة الابادة الجماعية والتستر على مجرمين ان تحاكم معه امريكا بعد العمليات التخريبية والقتل التى احدثتها بدارفور بدعوى حفظ السلام؟؟؟


جــاوبـتي



.

بالمخــتصـر مـا عــندي ايــمان بالمحكمــه الدوليــه .. انو شــو تنــزل الـعدل ع الشــعوب .. ممكــن تحــل مشـكلــه بــس حكــمـا رح تــخلئ مشــاكل اكــبر من اللــي حلــتها


.

بتذرعوا بهذه الاتهامات
اتهم مدعي المحكمة الجنائية الدولية الرئيس السوداني بتدبير حملة للابادةالجماعية أدت الى مقتل 35 ألفا اضافة الى 100 الف ماتوا موتا بطيئا وتشريد 2.5مليون.

مو ملاحظة انها شبيهه بمقولة ,,((اتهم مدعى المحكمة الجنائية الدولية الرئيس العراقى بتدبير حملة للابادة الجماعية للاكراد ادت الى مقتل..........الخ )

يلطف بيه ربنا ..وبينا احنا كمان المسافة بين مصر والسودان مو بعيدة

الصيغه ذاتها ..
و لا يوجد ما يبرر للمحكمه الدوليه محاكمة البشير
وان كنت اشك انو محكمه سودانيه رح تختلف "كيف يمكن ضمان نزاهتها"

هاد الشخص مجرم ضد الانسانية ... لا خلاف على هالشي.. مجرم و ستين مجرم كمان.. متل ما صدام كان مجرم و ستين مجرم...

لكن مين الحكم؟ مين القاضي؟

لو محكمة نزيهة بقبل بمحاكمتو.. لكن المحكمة الدولية الحالية لأ طبعا (بعرف انو مقيّد عملها كون كتير دول ما صادقت عليها و انو فيها ناس فعلا عم تشتغل جد لصالح الانسانية).. لكن ما بعتقد يطلعلا تحاكمو...


لذلك.. خلينا نقول لأ... مو دفاعا عن البشير (اللي هو سفاح و مجرم و قاتل) .. انما كنقض لطابع المحكمة و القاضي

النقطه فعلا انو ما في مسوغ قانوني للمحكمه الدوليه محاكمة البشير ..
السودان ليس من الدول المصادقه على المحكمه الدوليه .. و في حالات خاصه ممكن للمحكمه تتدخل ( كون الدوله المعنيه ليست مصادقه ) ..اعتقد منها موافقة هذه الدوله طوعا ..او يكون بقرار من مجلس الامن

ياس أنا بدي خالفك هون كتير لعدة أسباب:

انت تخالفني؟؟ متوكد؟ ما عندك صلاحية ... هع :lol:


مبدئياً وبمجرد اعترافنا بأنو هالأشخاص مجرمين بيعني قناعتنا بإنو يجب حسابهن بأي طريقة متاحه..

لأ طبعا مو صحيح هالحكي... تعا نحكي عن مبدء الثواب و العقاب.. مين يحاسب؟ يفترض يحاسب من يقدر ان يقيم العدل بالقضية.. ما هيك؟؟

طيب لما حرامي يسرق بيت.. يجي زلمة يمسك هالحرامي و يضربو مشان ياخد الشغلات اللي سرقهون هالحرامي لحالو .. شو استفادو صحاب البيت؟

وبناءً على انو مافي لا محكمة وطنية بتقدر تحاسبهن ولا قاضي وطني بيقدر يحاكمهن يجب علينا القبول بالموجود اذا كان بيخدم المصلحة الوطنية بالنهاية حتى لو كان على أيدي ناس مو وطنيين... بس بالنهاية هنن رح يحاكمو هالمجرمين مو رح يحتلو البلد عسكرياً.. فإذاً لازم نقبل فيهن بمعزل عن شو هنن لأنو الحكام مانهن بالشرف يلي بيستحقو فيه محاكمة مثالية ولا سيرتهن الذاتية بهالإحترام لحتى ندافع عنهون..


يا أخي أنا ما عم دافع عنو... لكن اللي عم قولو انو هالمحكمة مناطحة روس ليس أكثر... العدالة آخر شي مهتمين فيه ( و برجع بقول.. داخل هالمحكمة في ناس قمة بالنزاهة و فعلا يشتغلو من كل قلب.. لكن مغزى المحكمة هي بمن يسيرها لمصالحه) و أول شرط للمحاكمة انو القاضي يكون عادل.. و يكون عندو الاختصاص اللازم و يكون عندو الصلاحية اللازمة .. (قاضي الأحوال الشخصية ما فينو يحاكم مجرم.. و قاضي الجنايات لا يحكم بالطلاق حتى لو مستوفي الشروط)



هون منجي على موضوع النزاهة.. لما بدك تطالب بمحكمة نزيهة لازم يتوافر عندك بعض الشروط يلي أولها يكون متاح محكمة أخرى أنزه من الموجودة.. وإلا بيعني هالشي قبولك باستمرار الوضع على ماهو عليه إلى ماشاء الله... وبرجع بوضحلك لما بدنا نطلب لهالأشخاص ( يلي نحنا مسبقاً منعرف شو عقابهون العادل ) محكمة نزيهة يجب أن يكونو مارسوا النزاهة ولو بالحد الأدنى اتجاه شعوبهن.


بهيك أمر ما فينا نقول.. هاد الموجود و لازم ناخدو.. غلط هالحكي.. الشرط الأول لمحاكمة هو قضاء حقيقي.. اذا بمشفى مافي جراح قلبية ما رح تجيب ممرض يفتحلو قلبو للمريض و تقول هاد الموجود...


قولك لاء لللمحكمة الدولية ( يلي أنا بشاركك بتحفاظاتك عليها ) بيعني رفضك للحل الوحيد المتاح لحساب هالمجرمين ومعاقبتهن.. صدقني هي أحسن الأسوء أو أسوء الأحسن بهالوضع..



أنا ما عم ارفض الحل الوحيد لأنو ماني شايفو حل...

حجي.. عم تغلط نفس غلط كتير من منظمات حقوق الانسان.. انو عم يسمحو باستخدام قضيتهم لمصالح سياسية.. و هاد يشكل ابتذال كبير لحقوق الانسان...و غلط غلط غلط... كل هالحكي مناطحة روس, آخر همهون حقوق الانسان الله وكيلك.. و ما فينا نقول هاد الحل الوحيد ضد هالشخص .. أنا شخصيا كنت اكره صدام حسين و نظامو و ما يمثل كره الموت.. يعني أشعر بالقرف لليوم كل ما اشوف منظرو المقرف... لكن ماكنت مع حرب العراق و لا رح اكون معا.. مو هاد الحل.. الأميركان فاتو كرمال العراقيين؟ طبعا لأ.. في ناس قالو أخي المهم نخلص من صدام... خلي يجو الأميركان.. و شو النتيجة؟ صرت ازا تعارض نظام ما بالمنطقة بيقلولك انو بدك تعمل بهالبلد متل ما صار بالعراق... برأيك سقوط صدام عمل خير لقضية الحرية و حقوق الانسان؟ أنا بقلك العكس تماما.. لأنو الناس شافتها مجرد حجة و مبرر

ما بيصير نقول انو سيدي.. المهم يتحاكم و مو مهم ع ايد مين... طيب هاد أول شي سماح باستخدام قضية سامية كحقوق الانسان على ايادي سياسية. و هاد أكبر ضرر فيك تلحقو بهيك قضية, و ثاني شي عم تخلي المظلومين على ايد أنظمة محكومة من قبل حلفاء الامبريالية الحاكمة العالم يقرفو قضيتك... اللي هي بالنهاية قضيتهون...

محاكمة الرئيس البشير انتهاك لسيادة الدولة بغض النظر عن ما قام به كل الحكام العرب طغاة و لكن لعبةامريكا و حلفائها شرطة العالم التى تختار من تعاقب و من تتثيب لعبة قذرة قبولها يعنى ان كل دولة عربية تداس بأقدام الامريكان و الوروبيين و تصبح عراق اخرى

بوش ارتكب مذابح جماعية بالالاف و اغتصب النساء و الرجال و سرق العراق و كنوزه و قتل علماء و شيوخ
أين محاكمته الدولية إذا

انت تخالفني؟؟ متوكد؟ ما عندك صلاحية ... هع [:lol:

ممممم عم تحكي هيك قدام العالم لأني بعتلك المخالفة برايفت وماحدا بيقدر يشوفها؟؟ :gem:


لأ طبعا مو صحيح هالحكي... تعا نحكي عن مبدء الثواب و العقاب.. مين يحاسب؟ يفترض يحاسب من يقدر ان يقيم العدل بالقضية.. ما هيك؟؟ عظيم جداً من مبدأ الثواب والعقاب: الجزاء من جنس العمل.. قلي هالحكام شو أعمالهن؟؟؟ وشو جزائهن العادل؟ يعني الفكرة المحورية للموضوع هي الخلاص من هالسفاحين يلي ماسكين هالدول المعتره..



طيب لما حرامي يسرق بيت.. يجي زلمة يمسك هالحرامي و يضربو مشان ياخد الشغلات اللي سرقهون هالحرامي لحالو .. شو استفادو صحاب البيت؟أنا بقلك شو استفادو صحاب البيت.. استفادو انو هالحرامي انمسك وارتاحو منه وماعد يسرقهون مرة تانيه وصار ممكن ينامو بيبيتهن آمنين... يعني لما هالمحكمة "مع تحفظي على بعض النقاط" بتاخد البشير أو صدام أو نيرون التالت نحنا كشعوب مستفيدين بالدرجة الأولى من وقف بطشهن وظلمهن علينا... بعدين بدي اسألك سؤال انت برأيك الشخصي شو بيفرق العراق اليوم عن أي دولة تانيه من دول الخليج؟؟؟ ولا شي غير بموضوع الاشتباكات العسكرية "يلي مصيرها يوم وتوقف"... يعني التدخل الأمريكي بكل الخليج والقواعد الأمريكية بكل الخليج والنفط مسيطر عليه من أمريكا بكل الخليج... فإذاً أمريكا بالنهاية مسيطرة على المنطقة فخليا نحاول نستثمر هالسيطرة لصالح الشعوب... مع العلم أني ضد أي تدخل أمريكي في أي بلد عربي ومهما كانت الأسباب والمبررات




يا أخي أنا ما عم دافع عنو... لكن اللي عم قولو انو هالمحكمة مناطحة روس ليس أكثر... العدالة آخر شي مهتمين فيه ( و برجع بقول.. داخل هالمحكمة في ناس قمة بالنزاهة و فعلا يشتغلو من كل قلب.. لكن مغزى المحكمة هي بمن يسيرها لمصالحه) و أول شرط للمحاكمة انو القاضي يكون عادل.. و يكون عندو الاختصاص اللازم و يكون عندو الصلاحية اللازمة .. (قاضي الأحوال الشخصية ما فينو يحاكم مجرم.. و قاضي الجنايات لا يحكم بالطلاق حتى لو مستوفي الشروط)ياعمي أنا فهمان عليك بس هاد الموجود... ببساطه انت عندك مريض أصيب برصاصه بمكان خطير وانت مانك طبيب جراح بس انت الطبيب الوحيد المتوافر حالياً واذا هاد المريض ما استخرجت هالرصاصه منو بيموت.. شو بتعمل؟؟ أو برأيك شو رح يكون رأي أهل المصاب وحتى المصاب نفسه؟؟ ما رح يطلبو من التدخل ويتكلو على الله أحسن مايموت ابنهن؟؟ برأيك الأفضل انو ينتظر طبيب تاني مختص ومابيعرفو اذا بيجي أو مابيجي أما بيحلو الموضوع بالحل المتوافر والمضمون ويلي هو ممكن مايكون سليم 100% أو نتائجه مو مضمونه؟؟

ياس أحياناً الضرورات تبيح المحظورات.. في مصلحه أكبر من القيم الساميه بهالحالة في حياة شعوب ومصائر بشر على المحك... مو معقول نقلهون انتظرو محكمة وطنية عادلة لاترتهن بظروف دولية معينة.. لأنو أنا وياك منعرف انو استحاله هالشي بهيك ظرف

حجي.. عم تغلط نفس غلط كتير من منظمات حقوق الانسان.. انو عم يسمحو باستخدام قضيتهم لمصالح سياسية.. و هاد يشكل ابتذال كبير لحقوق الانسان...و غلط غلط غلط... كل هالحكي مناطحة روس, آخر همهون حقوق الانسان الله وكيلك.. و ما فينا نقول هاد الحل الوحيد ضد هالشخص .. أنا شخصيا كنت اكره صدام حسين و نظامو و ما يمثل كره الموت.. يعني أشعر بالقرف لليوم كل ما اشوف منظرو المقرف... لكن ماكنت مع حرب العراق و لا رح اكون معا.. مو هاد الحل.. الأميركان فاتو كرمال العراقيين؟ طبعا لأ.. في ناس قالو أخي المهم نخلص من صدام... خلي يجو الأميركان.. و شو النتيجة؟ صرت ازا تعارض نظام ما بالمنطقة بيقلولك انو بدك تعمل بهالبلد متل ما صار بالعراق... برأيك سقوط صدام عمل خير لقضية الحرية و حقوق الانسان؟ أنا بقلك العكس تماما.. لأنو الناس شافتها مجرد حجة و مبرر
محاولة زرع الخوف من تجربة العراق بدولنا هيه بالدرجة الأولى بتخدم الأنظمه القمعية القائمة... مين قلك انو الحل الوحيد استمرار هالأنظمة أو يصير فينا متل العراق؟؟؟ يا عيني هنن ياخدو هالرؤساء يحاكموهن بالقمر اذا بدهن وخلي هالشعوب تجرب شو ممكن يصير معها.. ببساطة الهدف بيستحق المحاولة حتى لو في احتمالات سيئة.. بس في احتمالات منيحة


[quote] ما بيصير نقول انو سيدي.. المهم يتحاكم و مو مهم ع ايد مين... طيب هاد أول شي سماح باستخدام قضية سامية كحقوق الانسان على ايادي سياسية. و هاد أكبر ضرر فيك تلحقو بهيك قضية, و ثاني شي عم تخلي المظلومين على ايد أنظمة محكومة من قبل حلفاء الامبريالية الحاكمة العالم يقرفو قضيتك... اللي هي بالنهاية قضيتهون..لاااااء في ضرر أكبر بكتير من هالضرر... في ضرر انو يستمر الوضع على ماهو عليه.. وتستمر هالإنتهاكات وتستمر المدابح والتهجير وحرق القرى وتدمير المحاصيل... هاد ضرر أكبر بكتير... مو معقول نقبل باستمرار يلي عم يصير انتظاراً لظروف الحل المثالية.

وبالنسبة لموضوع القرف كمن لاء سيدي ماحدا بيقرف لما يشوفو انو بالنهاية تحققت مصلحة الشعب... سؤال واحد ياسين بكرا لما أوضاع العراق "انشالله" بتستقر وبتزبط البلد وبيعيش الشعب حياة منيحة بكرامته وبعزته وبتتوع عليه موارده وبيعيش بحرية.. مين بدو يترحم على صدام؟؟ مين بدو يقول انو وين أيامك ياصدام؟؟ الشعب هلأ بعدو بمرحلة عدم استقرار ومعهون حق 30 سنة حكم تعسفي بتخلق نوع من عدم التوازن.. بس بالنهاية رح يرجعو يستقرو ويتوازنو وصدقني انو هيك شعوب هي أول مين بيطرد الأمريكان بس تستقر أوضاعهن ويمسكو بزمام المبادرة.

أنا ضعت شوي.. رح حاول لخّص البطاطا مشان موضوع الهداكي..

أخي.. خلي بكرا يصير العراق جنات عدن تجري من تحتها الأنهار.. حرب العراق جريمة لا تغتفر و وصمة عار لا تمحى.. صدام ابن حرام.. لكن حرب العراق أخدت حجة صدام لتبرر مآرب أخرى فقط لا غير.. نفس هالحالة بالزبط.. و مهما كانت النتيجة ما رح كون مع حرب العراق (ما بعرف ليش حكيت عن استغلالها من قبل الانظمة العربية لتخويف الشعب.. أنا قصدي انو كمان كانت متل انو أخي هاي الطريقة الوحيدة لنكحش صدام.. و شو النتيجة.. اخلاقيا و قانونيا و انسانيا).

و العقاب ليس من جنس العمل.. هاي بشريعة الغاب هيك.. و هاد اسمو انتقام ما اسمو عدالة.. العدالة شي تاني.

مو هاي طريقة العمل ضد هالأمور... أي حاكمو البشير.. و بعدين؟؟ صافين عالدور مية واحد وراه راح يعملو نفس الشي بس راح يكونو حبايب أميركا و ما حدا بحاكيهون.. شو استفدنا غير انو لطخنا اسم العدالة؟ ما استفدنا شي...

على كل هاد مجرد رأي.. الشغلة مانا محاولة اقناع انما سرد أسباب تفكير لا غير..

الصيغه ذاتها ..
و لا يوجد ما يبرر للمحكمه الدوليه محاكمة البشير
وان كنت اشك انو محكمه سودانيه رح تختلف "كيف يمكن ضمان نزاهتها"



سؤال الك ...

ما هو مبرر قيام المحكمة الدولية في اي مكان بالعالم .... ؟؟؟


يعني مقتل 300 الف مدني .......... و تشريد مليون ما يفي للمحكمة الدولية ؟؟


مثل ما صارت محكمة يوغسلافيا و محكمة رواندا ....على الابادة الجماعية ...

ممكن تصير محكمة في السودان بسبب الابادة الجماعية لسكان اقليم كامل ... و المسؤولين عنها ... ميليشات تابعة للدولة و ميليشيات تابعة للمعارضة


و العرب ما اعترضوا على تلك المحاكم ابدا ...... و أيدوها ......

و على العرب قبول الواقع و محاكمة مجرمي الحرب في دارفور و في جنوب السودان ....... و في كل مكان ابادة جماعية






النقطه فعلا انو ما في مسوغ قانوني للمحكمه الدوليه محاكمة البشير ..
السودان ليس من الدول المصادقه على المحكمه الدوليه .. و في حالات خاصه ممكن للمحكمه تتدخل ( كون الدوله المعنيه ليست مصادقه ) ..اعتقد منها موافقة هذه الدوله طوعا ..او يكون بقرار من مجلس الامنيعني اذا كان القضاء السوداني غير مستقل و ما رح يقدر يحاكم الجزارين ابدا لاعتبارات كثيرة ...


خاصة ان السيد البشير ... جعل من نفسه ........ ولي الله و العالم ولي الشيطان ... شلون ممكن تصير محاكمة عادلة لكل المسؤولين في ظل هذه التوجهات ....

يعني من يعاديني ... يعادي الله !





معناها دم 300 الف شخص رح يروح هدر .... بسبب مسوغ غير قانوني بأنه السودان مو عضو بالحكمة الدولية




برأيي ...... لازم تصير محاكمة عادلة و بلا محاباة ....... و انهاء معاناة الناس ..... في دارفور ....


لكن هذا لا يعني تبرير عمل عسكري ضد السودان ... وجب التوضيح.

سؤال الك ...

ما هو مبرر قيام المحكمة الدولية في اي مكان بالعالم .... ؟؟؟


يعني مقتل 300 الف مدني .......... و تشريد مليون ما يفي للمحكمة الدولية ؟؟


مثل ما صارت محكمة يوغسلافيا و محكمة رواندا ....على الابادة الجماعية ...

ممكن تصير محكمة في السودان بسبب الابادة الجماعية لسكان اقليم كامل ... و المسؤولين عنها ... ميليشات تابعة للدولة و ميليشيات تابعة للمعارضة


و العرب ما اعترضوا على تلك المحاكم ابدا ...... و أيدوها ......

و على العرب قبول الواقع و محاكمة مجرمي الحرب في دارفور و في جنوب السودان ....... و في كل مكان ابادة جماعية





يعني اذا كان القضاء السوداني غير مستقل و ما رح يقدر يحاكم الجزارين ابدا لاعتبارات كثيرة ...


خاصة ان السيد البشير ... جعل من نفسه ........ ولي الله و العالم ولي الشيطان ... شلون ممكن تصير محاكمة عادلة لكل المسؤولين في ظل هذه التوجهات ....

يعني من يعاديني ... يعادي الله !





معناها دم 300 الف شخص رح يروح هدر .... بسبب مسوغ غير قانوني بأنه السودان مو عضو بالحكمة الدولية




برأيي ...... لازم تصير محاكمة عادلة و بلا محاباة ....... و انهاء معاناة الناس ..... في دارفور ....


لكن هذا لا يعني تبرير عمل عسكري ضد السودان ... وجب التوضيح.


اعتقد انك فهمت ردي غلط ..
انا كنت اتكلم عن الموضوع قانونيا ( يعني من ناحيه قانونيه هل من حق المحكمه الدوليه محاكمة رئيس دوله علما بأن هذه الدوله ليست مصادقه على المحكمه ) .. و كان ان وجدت بعد بحث انو في حالات معينه لم اجدها تنطبق في حالة البشير

ولكن برد سابق ( في الصفحه الاولى ) ذكرت


بعتقد انو يفترض تكون المحاكمه " لأي رئيس دوله وليس فقط البشير " دوليه .. ( لو يستحق المحاكمه )
السبب كالتالي ..
المحكمه الدوليه محكمه دوليه مستقله .. عدد كبير من الدول مصادق على هذه المحكمه من ضمنها دول عربيه
استقلالية هذه المحكمه بيقود الى التفكير بوجود قدر من النزاهه والحياديه

لو تمت محاكمه البشير (او اي رئيس ) في بلده ... على الاغلب سيكون هناك علامات استفهام حول نزاهة المحكمه و من سيضمن حيادتها .. وكما ذكرتي .. فعلا سيكون الامر مثل محاكمة صدام ( بغض النظر عن رأيي فيه ) المحاكمه لم تكن عادله او حياديه

* قانونيا لا اعلم ما الذي جعل من حق المحكمه الدوليه ملاحقة البشير
فأنا فعليا مع المحاكمه الدوليه..وأجدها اكثر نزاهه من محكمه سودانيه ( كما قلت قد يكون القضاء غير مستقل)
وانا وانت متفقين :D

بغض النظر عن عدم نزاهة المحكمة ويلي بدهن يحاكموة
هيك مجرم لازم ينال عقابو
لازم يتحاكم وياكل نصيبو

اعتقد انك فهمت ردي غلط ..
انا كنت اتكلم عن الموضوع قانونيا ( يعني من ناحيه قانونيه هل من حق المحكمه الدوليه محاكمة رئيس دوله علما بأن هذه الدوله ليست مصادقه على المحكمه ) .. و كان ان وجدت بعد بحث انو في حالات معينه لم اجدها تنطبق في حالة البشير

ولكن برد سابق ( في الصفحه الاولى ) ذكرت

فأنا فعليا مع المحاكمه الدوليه..وأجدها اكثر نزاهه من محكمه سودانيه ( كما قلت قد يكون القضاء غير مستقل)
وانا وانت متفقين :D


اي فعلا متفقين على كل النقاط .... :lol:




و برايي .. حتى لو هو ما تحاكم ... المهم يتحاكموا كل امراء الحرب ... و اذا القضاء السوداني ما حاكمهم .. لازم يتحاكموا دوليا ...

اي فعلا متفقين على كل النقاط .... :lol:
و برايي .. حتى لو هو ما تحاكم ... المهم يتحاكموا كل امراء الحرب ... و اذا القضاء السوداني ما حاكمهم .. لازم يتحاكموا دوليا ...
لا يوجد روح رخيصه .. وكل قاتل يجب ان يعاقب .. فكيف بالذي قام بمجازر وإباده جماعيه
المحاكمه يجب ان تتم سواء دوليه او سودانيه

:D

اي لازم يتحاكم و مو بس هوي كل الرؤساء الظالمين لاقاليمون وشعوبون ...
ازا مو قدران يسوي شي في اختراع اسمو استقالة اي يستقيل و يريحنا منو ...
العما لا هني قادرين يحلو مشاكلو لا خالين حدا يجي يساعد ...مو بدون محاكمة بدون حرق

بدي ذكركون انو في محكمة دولية تانية عم تستنانا بخصوص شخص واحد هوي الرئيس رفيق الحريري

وقتا شو بنعمل ؟

يا ستي هوي لو نجي منقول ما في حدا بدو يحاكمو
والخطبة اكيييد توسل للشعب بيقف معو او احتياج للدعم فيكي تقولي هيك
بس ما فينا نعرف ازا عمل ابادة او لاء او جرائم لانو هاد الشي بس يعرفو شعب الدولة ازا ساندو بيعتبر شجاع بس بيدوس ع الحقائق والجرائم ويتجاهلها وازا ما ساندوا بيعتبر خائن

ارجو ان لا يعاد منظر العراق الدامي امام اعيننا مرّة اخرى ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


ليش شو صار بالعراق؟؟؟؟...تحقيق العدالة قصدك ما؟

يا ستي ما الي غير قلك التاريخ يعيد نفسه هالدول اللي عم تعمل حالها دول قانون عم تسعى للحفاز على النفود وتوسيع اقاليمها


ما نروح بعيد , يحاكموا بوش ؟ مو قتل مليوني عراقي ؟

قتل بايدو؟؟ عندك دليل تثبت هالشي ؟؟
هاد العيب اللي انو نتسرع قبل ما نعرف وين محطوطين كل شي تحتنا افخاخ ازا منتحرك فشخة ..خلص منكون وقعنا وقعو ما فيك تقوم بعدها للأسف

تحياتي :D

بدي ذكركون انو في محكمة دولية تانية عم تستنانا بخصوص شخص واحد هوي الرئيس رفيق الحريري

وقتا شو بنعمل ؟


الدور جايي ع كل الرؤساء لا تخاف ...

قتل بايدو؟؟ عندك دليل تثبت هالشي ؟؟
هاد العيب اللي انو نتسرع قبل ما نعرف وين محطوطين كل شي تحتنا افخاخ ازا منتحرك فشخة ..خلص منكون وقعنا وقعو ما فيك تقوم بعدها للأسف

تحياتي :D


من نفس المبدأ .. ما عندك دليل انه البشير او رئيس العدل والمساواة ... بايدهم قتلوا و شردوا اهالي دارفور على سبيل المثال

بس باوامر منهم و من جماعتهم ... او بتغاضي منهم .... حدث ما حدث ... لمدة سنوات من 2003 ... الى هذا اليوم



ما فعله جورج بوش بالعراق .. جرائم كبرى ... لان هو مسوؤل عن قرارات بريمر التدميرية ...

و هو مسؤول عن تصرفات جنود الجيش الامريكي ... و هو مسؤول ان يحاكم الجنود الفتلة اللي اقصى عقوبة كانت 15 سنة على جريمة اغتصاب و مذبحة حماعية في حديثة ...


هذه هي الجرائم اللي لازم يتحاكم عليها بوش ...


يعني بأمر بوش ... حلوا الجيش و الشرطة ... و فتحوا الحدود لمدة سنة .. حتى تدخل الاسلحة و المقاتلين الاجانب

و بوش تساهل مع جنود الاحتلال و الشركات الامنية ......... و هذه جرائم بحد ذاتها ...




و لكن كل حالة لازم تنحل بمفردها ... يعني مو لأنه جورج بوش ما تحاكم اليوم ... يعني ما نحاكم غيرو


سلام

السؤال هو ..
بعد زوال الضغوط الدولية على البشير و انتهاء الأزمة ....... بطريقة ما
هل سيعود و يتصالح مع شركاء الوطن ....... أو رح يكون فضيلون و يرجع ينتقم منهون

السؤال هو ..
بعد زوال الضغوط الدولية على البشير و انتهاء الأزمة ....... بطريقة ما


اموت واعرف ايه هيا الطريقه اللى ممكن فعلا تنتهى بيها الازمه مع البشير !! (طريقه ما )

عموما يا جماعه فى رايى المتواضع المحكمه الدوليه بتمشى بمزاجها شئنا ام ابينا

ولو حد فيكو معاه " فيتو " ساعتها نتكلم .

دعت مصر وجنوب أفريقيا إلى تعليق الإجراء القضائي الذي تقدم به المدعي العام للمحكمة الجنائية الدولية لويس مورينو أوكامبو في حق الرئيس السوداني عمر حسن البشير (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) لمدة عام.

جاء ذلك أثناء محادثات في بريتوريا بين الرئيس المصري حسني مبارك ونظيره الجنوب أفريقي ثابو مبيكي.

وقال مبارك في مؤتمر صحفي مشترك مع مبيكي "نبذل معا جهودا في محاولة لإيجاد حل". وأضاف "ربما يمكن إرجاء الملف اثني عشر شهرا، خلال هذا الوقت قد تؤدي تطورات إلى تراجع التوتر".

وكان أوكامبو طلب يوم 14 يوليو/ تموز الجاري من قضاة المحكمة إصدار مذكرة توقيف (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) بحق البشير بتهمة ارتكاب إبادة وجرائم حرب وجرائم ضد الإنسانية في دارفور (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) غرب السودان.

ومن جهته قال مبيكي "هذا الأسبوع سنكون على اتصال بالرئيس البشير، لقد تمنى إرسال موفد لبحث هذه القضية معنا وهذا ما سيحصل".

وجدد مبيكي التأكيد على أن توجيه الاتهام إلى البشير "لن يساعد" محاولات إحراز تقدم في عملية السلام بين شمال السودان وجنوبه، ولا في إقليم دارفور غرب البلاد.

وتأتي هذه المواقف بعد رفض ممثلي الدول الغربية في مجلس الأمن الدولي أمس اقتراحا من ليبيا وجنوب أفريقيا تدعمه روسيا والصين، بتأجيل النظر في طلب المدعي العام للمحكمة الجنائية إصدار تلك المذكرة.

وأصرت كل من الولايات المتحدة وبريطانيا وفرنسا على الفصل بين اقتراح تأجيل طلب توقيف البشير عاما واحدا، ومشروع القرار الخاص بتمديد مهمة قوة حفظ السلام المشتركة بين الاتحاد الأفريقي والأمم المتحدة في إقليم دارفور (يوناميد) والتي تنتهي بنهاية الشهر الحالي.

وكانت ليبيا وجنوب أفريقيا اقترحتا تضمين بند بتعليق مذكرة مدعي المحكمة الجنائية ضد البشير في مشروع القرار الذي تقدمت به بريطانيا ودعمته فرنسا والولايات المتحدة، خاصة أن هناك بندا فيه يدعو السودان للتعاون مع الأمم المتحدة والمحكمة الجنائية.

وقرر أعضاء مجلس الأمن مواصلة مشاوراتهم للتوصل إلى صيغة توافقية بشأن مشروع القرار قبل التصويت عليه إما الأربعاء أو الخميس المقبلين.

هاد الشخص مجرم ضد الانسانية ... لا خلاف على هالشي.. مجرم و ستين مجرم كمان.. متل ما صدام كان مجرم و ستين مجرم...

لكن مين الحكم؟ مين القاضي؟

لو محكمة نزيهة بقبل بمحاكمتو.. لكن المحكمة الدولية الحالية لأ طبعا (بعرف انو مقيّد عملها كون كتير دول ما صادقت عليها و انو فيها ناس فعلا عم تشتغل جد لصالح الانسانية).. لكن ما بعتقد يطلعلا تحاكمو...


لذلك.. خلينا نقول لأ... مو دفاعا عن البشير (اللي هو سفاح و مجرم و قاتل) .. انما كنقض لطابع المحكمة و القاضي
معلش اذا بتريد تخبرنا منين تأكدت انو البشير مجرم وسفاح بس طبعا بالأدلة مو تجيبلي مقالات صحفية طبعا على حد علمي انو ماحدا عرفان بالضبط شو الطبخة بدارفور ومين المجرم ومين الضحية...وما تاخذنا كرمال الله