سلام للجميع.

مابيكفي انك تطرح مشكلة بالبلد لنقول انك عم تفيد. ومابيكفي انك تتهجم ع شخصية الكل بيعرفها فاسدة لنقول انك عم تحكي. لازم نكون موضوعيين حياديين, لما يكون اللي قدامنا صح مانستحي نقول انو صح ولو كان عكس توقعاتنا. والعكس بالعكس.

بدي اسأل سؤال وبتمنى النقاش عليه يكون موضوعي.

شو أوجه الاختلاف بين بلدنا وباقي البلدان. شو اللي موجود عنا ومو موجود عند غيرنا. وشوللي موجود عند غيرنا ومو موجود عنا. والاهم من هاد كلوا شو السبب؟؟؟؟؟

مثلاً بالدولة اللي انا ساكن فيها لو صار شو ماصار من حواذث الطرقات الله يحرسكن منها. مابتشوف خناقة ولا وجعة راس إلا ماندر
ممكن واحد يجي ويقول انو هن احسن منا, بقلو لأ. هن عندن تأمين بيشمل كل شي. وبالتالي اللي بيصير معو هالموضوع مو أكل م أي شي. كلشي راح تدفعو شركة التأمين ع القرش.
فشو رأيكن!!!!!

اخي منجي للناحية التقنية

بباقي البلدان ( مو كلها طبعا ) كل بيت بيعطوه كومبيوتر و خط انترنت صاروخي و بسعر زهيد

اما عنا الانترنت ابطأ من السلحفة و اسعارو نار و الكومبيوترات غالية و للكب

ليش ؟

لأنو البلد فقيرة بكل صراحة سوريا دولة فقيرة لما الواحد بيكون راتبو 6000 ليرة اذا شئت حالها

و برميل المازوت حقو 5000 ليرة اذا طبعا الموظف ما كان من ذوات الدم البارد

بيبقى 1000 ليرة بدها تكفي اكل و شرب و كهربا و تلفون و دكاترة و ادوية و غسيل وماء ووووووووو

اي بأنو دين صارت :frown:

شو أوجه الاختلاف بين بلدنا وباقي البلدان. شو اللي موجود عنا ومو موجود عند غيرنا. وشوللي موجود عند غيرنا ومو موجود عنا. والاهم من هاد كلوا شو السبب؟؟؟؟؟

السبب انو عنا ما في سبب لشي انت بتوجد السبب و بتبلش بكل شي