الأناشيد الحلبية


بحث تاريخي علمي ، نقد لغوي أدبي
يعتبر هذا الموضوع احد الدروس التاريخية واللغوية العلمية التي تبحث في حضارة حلب ولغتها العامية وتاريخها المجيد وأثر ثقافتها في حياة الاقدمين والقيم والتقاليد المتوارثة وتداخلها مع حياتنا الحالية بطريقة خفية غير ملحوظة ام روتينية غير معلوم أصل جذورها .

اهم المراجع :


كتاب الحصاد الجزء الثالث من مجموعة " استفد " بعنوان " هنهونات حلب " جمعه البطريك جرجس شلحت – مطرانية السريان الكاثوليك – بحلب
كتاب " نهر الذهب في تاريخ حلب " للمؤلف كامل بن حسين بالي
موسوعة حلب المقارنة الاسدي الجزء السابع تاليف خير الدين الاسدي اعداد وتنسيق محمد كمال الطبعة الاولى 1988 م ص 371بالاضافة إلى عدة مقالات اهمها

مقال منشور عام 1925للاب جبرائيل بخاش السرياني الحلبي ، في مجلة المسرة الزهراء ، قام بشرح فيها انشودة " الله يساوى " اذ ردها إلى اصلها السرياني كلمة بكلمة واعتمدت شخصيا شرحه في هذا الموضوع لما يحمل من مصداقية ومنطقية عالية جدا .
مقال منشور في مجلة الضاد س 24 ص 504


اهداء :

إلى جميع الباحثين في التاريخ الحلبي والمحبين الاطلاع على مضمونه من المغتربين ومن ابناء الوطن الحبيب .. سوريا .. عساهم يجدون فيه لقلوبهم متعة ولعقولهم استفادة ونكون بلغنا بذلك غايتنا من نشر العلوم والرقي بالمجتمع والفكر خطوة نحو التحضر البنّاء عن طريق اعادة " نبش " تاريخ الاجداد .
Gabriel


فهرس الموضوع :

القسم الأول : اناشيد الرجال

1- الله يساوى
2- صلوا على (( فلان ))

القسم الثاني : اناشيد النساء الهنهونات

1- ما يقال للولاة والحكام والزعماء واصحاب المقام والوظائف اجمالا
2- ما يقال للعريس
3- ما يقال للعروس
4- ما يقال للعروسين معا
5- ما يقوله العروسين ووالدوهما وما يقال لهم او يتبادل ضمن النطاق العائلي
6- ما يقال في الولادات
7- ما يقال في الزيارات
8- ما يقال للأخوة والاشابين
9- ما يقال في دحر العين
10- ما يقال في مناسبات مختلفة غير منسوبة إلى احد الابواب السابقة
11- ما يقال لرؤساء الدين

القسم الاول
اناشيد الرجال


الله يساوى

أشهر اناشيد الأفراح بحلب ، وأميرة الاناشيد الحلبية لا يكون هنالك مناسبة فرح إلا وتكون انشودة " الله يساوى " حاضرة وبشكل علني ، متناقلة ومتداولة عند الطوائف المسيحية والاسلامية قاطبة .

مع اختلاف التفاسير حول معاني كلماتها ومصدر ورودها الا ان افضل تقرير واكثر تفسير منطقي هو الذي ساعتمده والذي يقوم بنسب انشودة " الله يساوى " إلى اللغة السريانية ويعتبرها ترنيمة سريانية بحتة بألفاظها ومعانيها ورثناها جميعاً من اجدادنا السريان .

اقتباس من كتاب (( نهر الذهب في تاريخ حلب )) للمؤلف كامل بن حسين بالي والمعروف بالغزي ص 253 بما يخص عادات المسلمين في افراحهم ما يساعدنا ان نضع هذه الانشودة في مكانها الطبيعي بالنسبة إلى المسلمين الحلبيين .

يخرج العريس إلى الطواف في الشوارع هو ومن معه من الجموع ، ويقف إلى جانبه من يشبهه ويسمى شحّدوجاً ، ويصطف إلى جانبه صفان متقابلان في يد كل واحد من افرادهما شمعة موقدة ، او فانوس مسرج ، وعلى كل واحد منهم غالباً ان يغني موالياً وعند اتمامه ينضمون إلى بعضهم مثنى وثلاث ورباع ، ويقولون بصوت عالٍ : (( الله يساور جوز جوز جيز )) وأظن ان هذه العبارات محرفة من (( الله يصور الزوج زوج جهاز )) ويتقدم امام هذين الصفين كوكبة من الناس فيهم طبال وزمار وازو طبيلات وكمنجة ، وامامهم كوكبة أخرى يصطفون ويصيحون ، ويطولون ويقصرون ، وقد مشى امامهم القهقرى رجل ينشدهم زجلية ركيكة وهم يعيدون اللازمتها .. حتى يصلوا إلى باب منزل الزوج فيقفون عنده ملياً وهم يصيحون ويضجون بتلك الزجلات ، ثم يقف الحاضرون حلقة ويغني كل منهم ، موالياً معروفا لا يتغنى به إلا في تلك المواقف ثم يدخل الزوج إلى الدار ... وتكون الفتيات قد خرجن قرب الباب واستقبلت الزوج بالأغاني المناسبة لمقامه ...

اوردت النص السابق ليطع القراء ( ممن ليس لهم بالعادات الاسلامية الحلبية ) على مكان الانشودة والهنهونات وكيفية ورود انشودة (( الله يساوى )) كجزء من برنامج الفرح الذي لا يكتمل بغياب الانشودة المذكورة ، يرددها الجميع وهم يشعرون في كل مرة بلذة جديدة دون ان يعتريهم من تكرارها إي ملل ، مع وجود عدة مآخذ على المؤرخ الذي حاول تقريب الانشودة إلى الشكل (( الله يصور الزوج زوج جهاز )) والذي عمليا لا يعني اي شيء وبالتالي هو تقريب مرفوض قطعا والسبب انه حاول تقريب الانشودة إلى اقرب لفظ عربي مشابه مع ان الانشودة سريانية بامتياز كما سأورد في سياق الحديث فيما بعد .

اما عند المسيحيين من أهل حلب فقد احتلت (( الله يساوى )) الموضع الأول في اعراسهم حتى انها اصبحت بمثابة " النشيد القومي " في مفهوم الأفراح والمناسبات السعيدة اذ يتكاتف الجمع على انشادها وتتشارك النسوة في خاتمتها .

اما الفاظ الهتاف المذكور
الله يساوى – دوص دوص – بروك منيح – هي بيبا هي – ( تتبعها الزلاغيط النسائية والتي يتشارك فيها بعض الرجال احيانا )

شخصياً
لم اجد بين عامة الشعب من هو ملمّ بمعاني الانشودة وتفسير مفرداتها وجميع التفاسير التي قدّمت إليّ لا تتجاوز حد " الفرضيات " الشخصية و " النظريات " الضعيفة بهدف الربط بين الكلمات والتلاعب بالألفاظ .
وبما اني غيرملم باللغة السريانية معلوماتي عنها ليست عميقة او فريدة من نوعها فيسعدني مشاركة اي انسان سرياني اللسان لاضافة مصداقية على اقوالي واعطائها المنحى الصحيح في حال أخطات في التقدير .

الفاظ الانشودة :
الله يساوى – دوص دوص – بروك منيح – ها بيبا ها

ضبط الالفاظ السريانية بالعربية :
ولخ الله يشاوى – دوص دوص – دبورخ منيح – حابيبا ها

التعريب للألفاظ بشكل مفرد :

ولخ : ولك ، وهنا تكتب الخاء في السريانية كافاً ، وتلفظ خاء ، وقد اهمل العامة تركيخ الكاف لتقارب الكلمة من اختها العربية معنى ومبنى .
الله : الهي ، بياء المتلكم مسقط لفظها
يشاوى : يسهّل ويوفق ( بحسب لفظ معلولا ) . ولما كانت لفظة يشاوى لها معنى يساوى ، فقد قلب المنشدون الأولون الشين سينا واصبحت المتداولة كلمة " يساوى " عوضا عن " يشاوى "
دوص دوص : افرح وابتهج ( فعل واحد مكرر )
دبورخ : لانه زواج ( بورخ من بارك الاكليل )
منيح : مرضٍ وسار
حابيبا : يا حباء
ها : وفي السريانية مضاف فوقها خط ، وهي اختصار لفظة هللويه ومعناها : سبحوا الله ورتلوا .

ويصبح التعريب الاجمالي :
" فليوفقك الهي ، افرح وابتهج فانه زواج مرض وسار يا احباء سبحوا الله ورتلوا "

الانشودة السابقة تنتمي إلى مجموعة الشعر السرياني يدعى وزنها ما افرام وله في الترانيم البيعية السريانية نحو من عشرين لحنا مختلفا يمكن اداء الترنيمة السابقة فيه .

مع العلم ان الانشودة السابقة يوجهها الرجال إلى العريس فقط اما اذا اريد توجيهها إلى العروس فيكفي استبدال لفظة " وْ لَ خ " بلفظة " وْ لِ خْ "

غير انه هنالك لفظتان ايضا يرددهما المنشدون في حلب هما " جي بعوشنا " وهاتان هما لفظتان سريانيان ايضا بمعنى " اهتف واصرخ " او " اهتفوا بقوة "

الانشودة الحالية نصها يردد بالشكل :
ولك الله يساوى ، دوص دوص ، جعي بعوشنا ، بروك منيح ، دوص دوص ، هابيبا ها

نصها الأصلي باللفظ السرياني
ولخ الله يشاوى ، دوص دوص ، جعي بعوشنا ، دبورخ منيح ، دوص دوص ، حابيبا ها

المعنى بالكامل باللغة العربية
ليوفقك إلهي ، فافرح وابتهج ، اهتفوا بقوة ، زواج نعم الزواج ، فافرح وابتهج ، ويا احباء هللوا ( او زلغطوا )

صلوا على (( فلان ))


لا نعرف من الأناشيد العربية التي يتغنى بها الرجال الحلبيون في افراحهم سوى انشودة واحدة لا يُعرف من وضعها أو متى وضعت انما اغلب الظن انها قطعة او لازمة لنشيد كان يتغنى به الدراويش والمشايخ في الأعياد الاسلامية او خلال ايام رمضان ،
اذ غالبا ما يقوم المسلمون من اهالي حلب بذكر النشيد تحت شكل " صلوا على محمد " وفي بعض الاحيان يستبدل النشيد باسم الشخص المحتفل به او باسم احد الانبياء " صلوا على عيسى " وأغلب الظن ان المسيحيين اتخذوه من اخوانهم المسلمين وجعلوا ينشدونه في افراحهم ايضا .
والجدير بالذكر بساطة نص النشيد وتناسب مقاطعه في تجمعها وفي عددها وفي كيفية القائها مع انشودة السابقة الذكر (( الله يساوى )) .
وبكافة الأحوال انشودة (( صلوا على فلان ))لا يمكن باي شكل من الاشكال ان تسمى هنهونة لأنها لا تحتوي شيئا من التهنئة انما اردت ذكرها في هذا الموضوع لكثرة تداول الألسن بها في مواسم الافراح ،
ونصها هو :
صلوا على (( فلان )) زين زين ، مكحول العين ، واللي بعادينا ، الله عليه ( تتبعها الهلهلة ) .

ونرى النشيد السابق في كتير من الاحيان يتبع (( الله يساوى )) كالوزير الأمين ، حيث لا تكاد النساء تفرغ من الهلهلة التابعة لها حتى يقوم المنشدون بالواجب نحوه .

طابَ نهارُك يا عزيزي الغائب الحاضر...
افتقدتُك كثيراً واشتقتُ إليكَ أكثر، وكنتُ أتساءَل في أيّ وادٍ يسير هذا المتعطّش إلى التمرّد!!!
ومن ثمَّ عليّ تأدية الشّكرِ والحمد لجنابِكم من أجلِ هذا الموضوع القيّم برأيي، وأرجو له أن ينالَ نصيبه من الاشتراك على قدر أهميّته... سأتابعُك لأنَّ الشرقيّات تستهويني، كما أريدُ أن أذكّرك بموضوع التصوير والتعليق الخاصّ بك. فإذا ما سُألتُ عن رأيي في أفضل مواضيع الأخويّة هذا العام، لنال ذاك الموضوع عندي درجةً أولى بامتياز. آملُ أن أراك فيه من جديد!

اسمح لي بتعليق صغير:

كتاب الحصاد الجزء الثالث من مجموعة " استفد " بعنوان " هنهونات حلب " جمعه البطريك جرجس شلحت – مطرانية السريان الكاثوليك – بحلب


مؤلّف الكتاب أو جامعه لم يكن بطريركاً بل أسقفاً (مطران)، ويبدو أنّ هناك خلطاً بينه وبين قريبه الأقدم منه البطريرك جرجس شلحت. أرجو الانتباه إلى هذا.

مودّتي :D.

طابَ نهارُك يا عزيزي الغائب الحاضر...
افتقدتُك كثيراً واشتقتُ إليكَ أكثر، وكنتُ أتساءَل في أيّ وادٍ يسير هذا المتعطّش إلى التمرّد!!!
ومن ثمَّ عليّ تأدية الشّكرِ والحمد لجنابِكم من أجلِ هذا الموضوع القيّم برأيي، وأرجو له أن ينالَ نصيبه من الاشتراك على قدر أهميّته... سأتابعُك لأنَّ الشرقيّات تستهويني، كما أريدُ أن أذكّرك بموضوع التصوير والتعليق الخاصّ بك. فإذا ما سُألتُ عن رأيي في أفضل مواضيع الأخويّة هذا العام، لنال ذاك الموضوع عندي درجةً أولى بامتياز. آملُ أن أراك فيه من جديد!
من ناحية التعطش الى التمرد لازالت صفتي المميزة ولن ولم اتخلى عن احدى صفاتي .
لكن بأغلب الأوقات عبكون في مشاكل شخصية بحتى مع قلة تنظيم للوقت مع مشكلة الحجب اللي عمنعاني منها كل العوامل عبتأثر بشكل كبير وعبتمنعني افوت على الاخوية .
اما مشان الشعبية الي بده ياخدها الموضوع .. شخصيا بكون ممنون اذا شفت موضوع خالٍ من تعابير " جازاك الله كل خير ... يعطيك العافية ... مشكور .... " وبما ان مفهوم المشاركة بشكل عام بكافة المنتديات العربية منطلق من فكرة التشكر دون اضافة اي ملاحظة او استفسار .. فبفضل يبقى موضوعي منسي بصفحات الأخوية وما يخصل على اي شعبية .. على الأقل مع الايام برجع بفتحه وبتستمتع فيه دون ما يتخربط مزاجي من الردود اللي بلا طعمة ...
بخصوص موضوع الرسم والتصوير اكيد انا مش نسيانه ... وفي الذاكرة دوما .







اسمح لي بتعليق صغير:



مؤلّف الكتاب أو جامعه لم يكن بطريركاً بل أسقفاً (مطران)، ويبدو أنّ هناك خلطاً بينه وبين قريبه الأقدم منه البطريرك جرجس شلحت. أرجو الانتباه إلى هذا.

مودّتي :D.

بخصوص المطران انا بتفق معك من ناحية الرتبة ومن ناحية الخلق لكن للأمانة نقلت شو هوي مكتوب على غلاف الكتاب اللي على الاغلب تم طبعه وقت كان برتبه بطريك (( صراحة ما عندي اي فكرة على ترتيب الساطات الكنسية وكيفية تدرج القائمة لهيك فرضت انه البطريك قبل رتبة المطران والكتاب صدر وقت كان المطران جرجس شلحت ((رحمه الله)) برتبه بطريك .
بهنيك على دقة ملاحظتك العالية جدا وعلى متابعتك الدقيقة لكافة التفاصيل :D

وللمصداقية بحط لك غلاف الكتاب

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

القسم الثاني

اناشيد النساء


استخدمت النساء الحلبيات الألفاظ العامية في احتفالاتهم مبتعدين عن التعابير السريانية قدر الامكان متخذين من اللهجة الحلبية بما تمثله من امتزاج بين اللغة العربية والتركية والسريانية أقواس قزح يوشحون بها عروس افراحهم ، فالهنهونات لم تكن سوى اغان واهازيج روح وقلب .

الهنهونة أطلقوها على رباعية في اللهجة الحلبية تقولها امرأة في مناسبة فرح كالعرس والطهور والنْشيدة والحجّ ، وسائر النساء يزغردن مع انتهاء الرباعية .

الجمع هنهونات وهناهين

بنوا على فعفولة هنّأ ( العربية ) أو من هنْياْياْ ( السريانية ) والتي هي بمعنى التهنئة الصغيرة والتي تلفظ احيانا بالشكل ( هونايا ) والتي بمعنى التهنئة وتصغيرها ( هونايونا ) اي التهنئة الصغيرة.


ويقدّم عادة على الهنهونة الحلبية لفظ ( ايها ) والتي تلفظ بالشكل ( ايــــــــــــها ) بتطويل الياء وتخفيف الألف الأولى مع رنة خاصة في لفظ حرف الهاء .

وهي خاصة باهالي حلب وتختلف عن مشابهتها ( اويها ) والتي شاع لفظها واستخدامها في بيروت ودمشق وحماه وحمص وسائر المناطق .

ولفظة ( ايها ) سريانية أصلها ( اها ) ومعناها ( نعَّم ) وفي لبنان يلفظونها ( ايواها ) وهي لفظة سريانية ايضا مركبة من جزئين ( ايو ) ومعناها (حبذا) و ( اها ) ومعناها ( نعَّم ) .

ما يقال للولاة والزعماء وأصحاب المقام والوظائف اجمالا


ورد في كتاب (( نهر الذهب في تاريخ حلب )) صفحة 320 عن اجمال المراسيم التي كانت قديما مرعية الاجراء في استقبال الولاء ، مما يساعدنا على فهم بعض الهنهونات
..... وعلى كل حال فانه قبل ان يصل الوالي إلى حلب بنحو ساعتين يخرج لاستقباله قائد العسكرية المعروف بالفريق وبقية امرائها ومعه الأجناد السلطانية مشاة وفرساناً وفيهم الموسيقى العسكرية . فاذا وصلوا إلى ارض الحلبة نزل الوالي ومن معه من امراء والأعيان إلى خيم معدة لهم فجلسوا فيها برهة وشربوا المرطبات وقهوة البن , ثم قام الوالي وركب هو ومن معه وتقدمه اصحاب الرتب والمناصب على حسب مراتبهم بحث يكون الاقرب إليه اعظمهم رتبة وقد تقدمهم عساكر الجندرمة ومشى حول الوالي جماعة من فرسان العسكر ماشين بالصف والترتيب أيضاً . وفي الأغلب يكون عددهم ثمانمائة عسكري . وفي مقدمتهم الموسيقى العسكرية تعزف بالألحان المطربة فيسيرون هكذا حتى يصلوا إلى دار الحكومة . وحينها تطلق المدافع من القلعة وعددها واحد وعشرون مدفعا . وينزل الوالي ومن معه من الاكابر والامراء ويصعد الدرج إلى الصالون . وأمامه ياوره ( اي حاجبه ) .

...يعتبر الوصف السابق بمثابة وثيقة تاريخية قدمها المؤرخ الغزي اراد منها ان يسجل برنامجا رسميا لاستقبال الولاة يمكن عن طريقها فهم آلية تداول الهنهونات التالي ذكرها ، إلا ان الغريب في الموضوع ان الغزي بوصفه الدقيق لأصغر التقاصيل تجاهل العراضات التي كانت تقام في مناسبات مماثلة ناسيا ام متناسيا ان العشب كله كان يخرج لاستقبال الولاة . معبرين عن فرحهم وسعادتهم .

احب ان انقل حادثة مروية على لسان البطريك _ المطران مشان ما يزعل القرصان _ جرجس شلحت في الجزء الثالث من سلسلة استفد صفحة 28

كان ذلك في صيف سنة 1941 يوم دخلت جيوش الجنرال ديغول سوريا ظافرة على الجيوش الألمانية وكان يوم اعلن فيه ان ديغول ، القائد الاعلى لجيوش التحرير يسأتي إلى حلب في زيارة حبيّة !
وسيصير عرض عسكري بحضوره طبعا ، وكانت الجنود تصطف سابقا للعرض في الشارع الممتد من جسر الناعورة ماراً بفندق بارون إلى شارع فرنسا سابقا إلى محطة بغداد ـ وذلك بسبب كثرتها ـ وكان عصر اليوم المذكور وكانت الجيوش على اتم الاستعداد وكان الناس مزدحمين على اسطحة المنازل وعلى جانبي الطريق ازدحاما عجيبا ، وكل ذكر ديغول العظيم ويتوق إلى رؤيته وعند مروره غدا كل من المارة يعبر عن عواطفه بهتاف فردي لا يلبث ذو الهتاف الأجمل لهجة أن يؤثر على من حوله فيرددونه معه مجتمعين ، وهو ينقّحه ويجمّله في كل مرة حتى يتجسم في بيت موزون مقفى ، ليس عندنا سوى اسم هنهونة .ويذكر بعدها البطريك جرجس شلحت حادثة طريفة لسنا بصددها تعالج فكرة كيف ان مجموعة من النسوة بدأت بالتشكي إلى ديغول بشكل مقفّى طالبين منه التحكم بسعر الخبز ومساعدتهم في تحصيل لقمة العيش الا ان ديغول لم يكن يفهم العربية بل كان يتبسم لمجرد سماع اسمه يلفظ باللهجة الحلبية .

خلاصة القول ان النساء مع سائر الشعب كانوا يشاركن في استقبال الولاة والعظماء وينشدن له الهنهونات المختلفة التي نرى فينا يلي اثرا باقيا منها . والعادة هذه لا تزال باقية في بعض ضيع حمص وحماة حيث يتعالى صوت الهنهونات أكثر واكثر وتتبعها الزغاريد حتى تصل في بعض الاحيان إلى حد الازعاج بالنسبة إلى المحتفى به .
1- ايها اجا الوالي والبلد سكر ايها والعالم اصطفوا واصطفت العسكر
ايها وجهه قمر والخلق شهدت له
ابن المكارم وبتمه مدوب السكر

2- ايها اجا الوالي راكب على ضهر الحصان
ايها اله هيبة ملك والعسكر ماشي قدام
ايها الشباب رقصت له وزلغطت له النسوان
وقالت بجاهك حافظ عليه الامان

3- ايها اجا والينا شيخ الشباب
ايها والناس عالصفين وبرات البواب
ايها وقدامه الخيل ووراه الركاب
والقلعة رجّت من ضرب الطواب

4- ايها يا محافظ محافظنا انت علينا الوالي
ايها كل شي رخص بوجودك وبقيت انت الغالي
ايها يا بنات حلب زلغطوا له
وانتوا يا شباب دبحوا له الدبائح وغنوا له الموالي

5- ايها اجا الوالي وتبحبحت له الحيطان
ايها عطفه كبير وعليه هيبة السلطان
ايها افرحوا يا اسلام ويا نصارى
بولايته عيشتكن صارت بأمان

6- ايها يا محافظنا الجايينا جديد
ايها خد لك عصاية من حديد
ايها حبيس الحرامي وضروب المستبد
وكلنا طايعينك متل العبيد

7- ايها منو قال والينا ماهو بدر الكمال
ايها قلبه ملان رحمه وكله جوك كوزال
ايها صرخنا بجاه خالق شهر شوال
تعيش بالسعد والعافية والعز والدلال

8- ايها يا قاضي (( فلان )) يا سياج الأمانة
ايها يا ناصب الميزان يا حقاني
ايها في غيابك بتصير البلد مخيفة
وبحضورك بتصير الخلق بأمانة

9- ايها يا سيد ( فلان ) يا حامي النصارى
ايها قبضة سيوفن فضة كسارة
ايها صيغ سيوفن ونعام عليهن
هنن مكسبك وما هن خسارة

10- ايها السيد فلان يا سبع السرايا
ايها دخلت البلد زلغطت لك الصبايا
ايها سيفك هال طويل الله يديمه
على رقاب العدا يهري المنايا

11- ايها لمن هالباب الكبير العالي
ايها لمن هالزلاغيط والغنا طول الليالي
ايها لمن الصبايا عبترقص بدلال
لابو ( فلان ) زينة الرجال

12- ايها لمن فرشنا الحواش وزينّا الحارة
ايها وليش الافراح على الوجاه فوارة
ايها لأبو ( فلان ) اللي فضله علينا
من يوم اللي كنا بالقماط صغار

13- ايها دوص دوص
ايها وتحت اجرك دهب مكبوس
ايها ونزل ( فلان ) عالسرايا
وفك فيها الف محبوس

14- ايها يا عمي ابو فلان لا تحسبني نسيتك
ايها وانت العزيز يا غالي
ايها فضلك علينا يا عمي
لما كنا بالسراري

15- ايها يا عمي ابو فلان يا ملكنا
ايها لولاك كنا هلكنا
ايها لولا عزك ومخطوبك
كانت الايادي لامتنا

16- ايها يا فلان يا مفتاح الشرق والغرب
ايها ويا شمس شعّت ويا ضو القمر عالدرب
ايها مو قلتلك يا ( فلان ) يا قوي القلب
اقتل اضرب وانصب مشنقة عالدرب

17- ايها نحن بني عم عصبة والتجينا اليك
ايها انت اكابر وهز الريح بين ايديك
ايها ان ردت شرقنا وان ردت غربنا
انت السكاكين ونحن اللحم بين ايديك

ملاحظات :
الهنهونات 14 - 15 يبدوا انهما من اصل حمصي تسربتا إلى حلب مع من هاجر إليها من تلك المدينة وانتشرتا فيها على ألسن المنشدات .
الهنهونة 11 لها في النبك اخت ملطعها يشابهها حرفيا .

رائع يا كبرييل... بدي اتشكرك كتير كتير على موضوعك... مع اني ماني حلبي بس بحب كتير مواضيع التراث الشعبي بسوريا, وما أروعه وما أغناه من تراث! وبشجع كل مين بيدوّن هالتراث عالانترنت.. وبتمنى من الكل ما يبخلو علينا بهيك مواضيع.

ولخ : ولك ، وهنا تكتب الخاء في السريانية كافاً ، وتلفظ خاء ، وقد اهمل العامة تركيخ الكاف لتقارب الكلمة من اختها العربية معنى ومبنى .
الله : الهي ، بياء المتلكم مسقط لفظها
يشاوى : يسهّل ويوفق ( بحسب لفظ معلولا ) . ولما كانت لفظة يشاوى لها معنى يساوى ، فقد قلب المنشدون الأولون الشين سينا واصبحت المتداولة كلمة " يساوى " عوضا عن " يشاوى "
دوص دوص : افرح وابتهج ( فعل واحد مكرر )
دبورخ : لانه زواج ( بورخ من بارك الاكليل )
منيح : مرضٍ وسار
حابيبا : يا حباء
ها : وفي السريانية مضاف فوقها خط ، وهي اختصار لفظة هللويه ومعناها : سبحوا الله ورتلوا .
قرأت هالمعلومة من شي سنتين بكتاب لجوزيف أسمر وبصراحة اتفاجأت منها:o
رح اكتب الانشودة متل ما وردت بالكتاب, هي نفس الي عندك بس زيادة عبارة (ܓܥܳܝ ܒܥܽܘܫܢܳܐ) اهتفوا بقوة..
ܘܠܳܟ ܐܠܠܗ ܝܫܰܐܘܺܝ ܕܘܨ ܕܘܨ ......... ܓܥܳܝ ܒܥܽܘܫܢܳܐ، ܒܘܪܶܟ ܡܢܝܚ
ܕܘܨ ، ܕܘܨ ......................... ܚܰܒܝܒܳܐ ܗܰܐ

ليوفقك إلهي, فافرح وابتهج........ اهتفوا بقوة, إنه زواج سارّ
فافرح وابتهج ....................... ويا احباء زلغطوا له
اللفظ بالسرياني
u-lo5 aalohi ishaui , dos dos ....... g3oi b-3ushno, bore5 mnaie7
dos dos ............ 7abibo ha
:D

مشان فكرة الله يساوى ونسبها للسريان مو بس انت انصدمت ومو بس انا حتى والدي وقت خبرته عليها انصدم وما كان متوقع ومتل ما كتبت فوق اغلب العالم اللي بسألهم على معناها ما كان حدا بيعرف لبين ما وقع بين ايدي كتاب الهنهونات الحلبية شفت فيه الجواب الشافي اللي كنت عببحث عنه ومشان

بس زيادة عبارة (ܓܥܳܝ ܒܥܽܘܫܢܳܐ) اهتفوا بقوة..
سبق وكتبت

" جي بعوشنا " وهاتان هما لفظتان سريانيان ايضا بمعنى " اهتف واصرخ " او " اهتفوا بقوة "
ومية هلا فيك وبمشاركتك الممتعة والمفيدة وللدعم اللي قدمت لي اياه انت وصديقي القرصان :D

سبق وكتبت
" جي بعوشنا " وهاتان هما لفظتان سريانيان ايضا بمعنى " اهتف واصرخ " او " اهتفوا بقوة "

معك حق, انا ما انتبهت منيح....:lol:
--------------
وبشكرك على كلماتك الحلوة .... ولا تحرمنا من هالمواضيع المهمة :D

مع اختلاف العقائد واختلاق الطوائف الحلبية الا ان الهنهونات تبقى مشتركة بين كافة الطبقات لذلك من دون تطويل سأختصر الشرح غير المفيد للفكرة وغير المخدّم للموضوع وسأنتقل فورا إلى الهنهونات التي تقال في العريس ، العروس ، .....تماما كما جاء ذكرها في كتاب " هنهونات حلب " وفي حال وجود اي استفسار او اي اشكالية حول احدى المفردات او التعابير الرجاء وضع الاستفسار في الموضوع بشكل علني لتفادي عدم تكرار نفس الاستفسار اكتر من مرة .

ما يقال للعريس

1- ايها يا عريسنا نحن اليوم زوارك
ايها افرشلنا بيتك واخليلنا دارك
ايها لاصير دالية واتعرش بحيطانك
واحمل عناقيد لولو كلها كرمالك

2- ايها عريسنا لا تندم على مالك
ايها بروح المال وست الحسن بتبقا لك
ايها بطلب من رب السما يجيبها لدارك
ومتل الغزالة تتنقل دوارك

3- ايها مين قال عريسنا ماهو اسمراني
ايها بعيون سود وخلقة الرحماني
ايها بيدخل على الكنسية وبزينها
ببوس الصليب وبكلله المطران(ي)

4- ايها عريسنا عريسنا يا ابيضاني
ايها يا شمس منورة في البستان (ي)
ايها ولم الي خفنا عليك من الحساد
كسرنا قدامك جناق الصيني

5- ايها يا عريسنا يا ابيضاني
ايها يا قضيب الخيزران
ايها بخاف عليك من النظر
وبخبيك بروس اكمامي

6- ايها مين قال عريسنا ما هو قمر
ايها مسك اللي عجنته فار واختمر
ايها قوموا اشهدوا له يا رفقاته
تمه خاتم ولسانه قلم

7- ايها يا عريسنا يا قضيب المستكى
ايها عريسنا شلون ما مال الهوى انتكى
ايها عريسنا خفيف على ضهور الخيل
لكنه تقيل على رقاب العدى

8- ايها قاعة عريسنا على بحرين مرمية
ايها عامود فضة وعامودين رخامية
ايها بده يركب عريسنا ويركب معه مية
وان عطشت الدواب تسقيها الطواشية

9- ايها هل القمر يا بدر في وسط دارك
ايها من مبارح العصر اتكللت بازهارك
ايها افرشلها منزلك واخليلها دارك
تكللت يا بدر الله يجعله مبارك

10- ايها ريته الف مبارك يا عريسنا الجديد
ايها ريته مبارك وريت عمرك يزيد
ايها ريته يا حبيب خواتك يا زينة العرسين
ريتك تكون بالسعد وكل يوم عندك عيد

11- ايها يا عريسنا ( او يا فلان ) يا فنجان فرفوري
ايها يا جوخ احمر عالشباك منثور
ايها يا من ركب عالكحيلة وقال لها دوري
وحياة عمرك عطي للكل دستور

12- ايها يا خلق الطالعين ويا خلق النازلين
ايها ادعوا ( فلان ) بالعمر الطويل
ايها ادعوا له يا ناس وكتروا الدعوات
وقولوا الله يطعمه كثر البنين

13- ايها يابيل ويابيل
ايها والعصافير بتطير
ايها والله يطعمك يا فلان
نقف على طاولة الكليل

14- ايها يابيل بيل ويا بلابيل
ايها الكناريات بتغرد والعصافير بتطير
ايها السجار زهرت وغصونها بتميل
وعريسنا اكوس من كلها في يوم الكليل

15- ايها ياما تنحنحوا وياما قالوا
ايها وياما شوبروا بدياتهن
ايها واللي قال ( فلان ) ما بده يتجوز
تجوز (فلان ) وقلع عينيهن

16- ايها يا خيي يا خيي
ايها يا ابن امي وبيي
ايها جبتلك عروس
ولا تقسى عليي

17- ايها جبتي هبر هبر
ايها ومخيطة بسبع ابر
ايها عرس ( فلان ) نهار الجمعة
وما تقولوا مالنا خبر

18- ايها شي برق برق
ايها ومخبّى بين الورق
ايها محلى دخلت العريس
اذا تكللت بالعرق

19- ايها فتح عينك وانظرها
ايها وشوفا حمرها من اصفرها
ايها وان كان لك صاحب عدّي عنه
وان كان لك صاحبة اهجرها

20- ايها وكلنده
ايها ونزلت على فيّو
ايها وهلاء عرس عريسنا
وعقبال عرس خيو

21- ايها في عندنا جنق تين
ايها والجنق مكبس بالياسمين
ايها عريسنا عريسنا الصغيّر
لسّا ما صار ابن العشرين

22- ايها طبخت رز بحليب
ايها وحليته بسكر نبات
ايها والله يخلي عريسنا
وحيد على ست بنات ( او اربع او خمس او ... الخ )

23- ايها طبخت رز بحليب
ايها وعبيته بكرشي
ايها وعريسنا هال صغيّر
بيبق له كل شي

24- ايها اليوم طبخت المحشي
ايها وبعزك عبيته بكرشي
ايها ويا عريسنا يا صغير
يا حلو بلبق لك كل شي

25- ايها يا عريسنا لا تندم على مالك
ايها يا غصين البان فتح بدارك
ايها فتح غصين بالبان بقامتها
بفنى الزمان وما بتفنى محبتها

26- ايها اجا الحلاق
ايها واجا يحلق له
ايها واللي بحبه
الله يطعمه متله

من ناحية التعطش الى التمرد لازالت صفتي المميزة ولن ولم اتخلى عن احدى صفاتي .

أنا أيضاً أسألُك مع حالِك ألا تتخلّى عنها، فهي مصدرُ هذا الإبداع الذي يُمتّعني!


بخصوص موضوع الرسم والتصوير اكيد انا مش نسيانه ... وفي الذاكرة دوما .

وأنا بانتظارِك!


بخصوص المطران انا بتفق معك من ناحية الرتبة ومن ناحية الخلق لكن للأمانة نقلت شو هوي مكتوب على غلاف الكتاب اللي على الاغلب تم طبعه وقت كان برتبه بطريرك (( صراحة ما عندي اي فكرة على ترتيب الساطات الكنسية وكيفية تدرج القائمة لهيك فرضت انه البطريرك قبل رتبة المطران والكتاب صدر وقت كان المطران جرجس شلحت ((رحمه الله)) برتبه بطريرك .

حسناً يا صديقي العزيز...

الرّتبُ الكهنوتيّة تختلفُ عن الرّتبِ القانونيّة، يعني في سرّ الكهنوت، وهو السرّ السّابع والأخير من أسرار الكنيسة السّبعة يوجد ثلاث رتب أساسيّة فقط وهي: الشمّاس والكاهنُ والأسقفُ والبقيّة تنتمي إلى صفوفها المختلفة. فالمطران والبطريرك والبابا هي رتب قانونيّة تنتمي إلى الأسقفيّة. فأمّا من الناحية القانونيّة فالبطريرك هو رئيس الأساقفة (أي المطارنة).

من جهة الكتابِ الموجود في مكتبتي فهو يعود في تأليفه إلى جرجس شلحت الحلبيّ هذا الذي أسّس جمعيّة "يسوع العامل" ثمَّ انتقلَ بعدَها ليصبحَ مطراناً على أبرشيّة دمشق. لكنّه لم يصبح بطريركاً قطّ.

ترك لنا التاريخُ ثلاثةً يحملون الاسم نفسه وهم:
- جرجس شلحت: عاش وتوفّي شمّاساً في القرن التاسع عشر. وكتبَ كثيراً في الأدبِ والتراث الشعبيّ.
- جرجس شلحت: الذي صارَ بطريركاً (1818 - 1891) وهو الأبرز بين هؤلاء الثّلاثة.
- جرجس شلحت: مؤلّف هذا الكتاب "هنهونات حلب" (1920 - 1991) وله هذه المؤلّفات:
1- أمثال حلب.
2- هنهونات حلب.
3- الندب في حلب.
4- لغة حلب السريانية.
5- نديمي.
6- أنيسي.
7- دليلي في الإملاء.
8- الإملاء في سطور.
9- البطريرك جرجس شلحت.
10- كاربيس.
11- الكنيسة في الجبهة العمالية.
12- دليل الزواج.
13- مار يوسف في الإنجيل.
14- ذبيحة وألم.
15- لقاءات الحب الفريد.
16- حياة حب.
17- يسوع العامل.
ومؤلّفات أخرى كثيرة...

فأمّا ما جاءَ على ظهر الكتاب "ترقّبوا... الحلقة الممتازة في حياة الحبر العظيم البطريرك جرجس شلحت... " فليس سوى إعلان عن الكتاب الذي سيصدره المؤلّف قريباً حول قريبه البطريرك.

أرجو أن يكون الفرق بين هذا وذاك أوضح :larg:.

بانتظارِ مزيدِك يا ابن حلب السوريّ الرّائع :D.

ما يقال للعروس


1- ايها دقت الطبول والزمر غنا لها
ايها يا محلا عروستنا ويا مكوس دلالها
ايها يا ست الحسن اجت من الاكليل
وعشرين من الصبايا شاقليلها ديالها

2- ايها قلت عروستنا هالعروس ما شاء الله
ايها وقلت متل هالعروس ما خلق الله
ايها كل الورود بتفتح بالسنة مرة
الا عروستنا الكويسة على طول محمرة

3- ايها بياضك يا عروستنا بياض الورقة
ايها حمرة خدودك وشفافك من الرب خلقة
ايها يا سفد اللي بدو ياخدك ( او اللي اخدك )
ويا عروستنا يا شاطرة ويا لبقة

4- ايها يا نهر حلب حاج تملي وتزيد
ايها عدوا عليك الصبايا بسلاسل بيض
ايها خشخشتلن بالدهب قالوا الدهب ما نريد
وعيون غيرك سبق وان كنت عاشق زيد

5- ايها يا عروستنا يا صغيرة وما هي كبيرة قوي
ايها وبدها شب تكون دياته تسخى
ايها وبدها دلال متل بيت ابوها
حتى تحسن وتكبر وتنتشي

6- ايها نازلة عروستنا من باب شاريها
ايها عدوا اربعة رجال يتزايدوا فيها
ايها اجا الولحد واعطى الثمن فيها
ميتن شفة حرير على مطاويها
ايها اجا التاني واعطى الثمن فيها
ميتين دينار للصراف يعطيها
ايها اجا الثالث واعطى الثمن فيها
ميتين كحيلة مع راعيها
ايها اجا الرابع وقلّن : روحوا يا شباب
العروس عروستي واش ما طلبت بعطيها

7- ايها عمارتنا درجة درجة
ايها ونحن مننتقل فيها
ايها وعروستنا شمعة البيت
رب السما لا تطفيها

8- ايها يا عروستنا وقفتك وقفت البنا
ايها والنقش بكفوفك صفقنا له غنى
ايها حط القدم عالقدم ما سمعنا له رنة
وبوجودك صار البيت كأنه جنة

9- ايها العروس بيضا حمرا تفرط حب الرمان
ايها والنقش في كفها ارنب وغزلان
ايها وحياة ابوك لا تشرب بفنجان
الا بكاس الدهب المنقوش للسلطان

10- ايها عروستنا دهب والدهب غالي
ايها مكتوب على جبينها ما بتاخد نزاله
ايها وما بتاخد الا الشريف صاحب المركز العالي
والندل ما بتاخده ولو زادها اموالِ

11- ايها بعرس عروستنا البلد سكر
ايها وصحن القيمق مرشوش عليه السكر
ايها واللي معه مال بياخد متلك مو اكتر
واللي ما معو مال على حسنك بيتحسر

12- ايها اول عبورك يا عروس لدارنا
ايها فتح الورد واخضر ريحاننا
ايها يا مسك وقرنفل دالاتي
مزخر ومعرش على حيطاننا

13- ايها ريته مبارك والف مبروك
ايها وريته الف مرة سبع بركات
ايها ليلة اللي بدنا نجيب العروس
منفرح وبتتكمل الفرحات

14- ايها لبستك اليوم ازداب
ايها ووقفتك على الباب
ايها وعروستنا كويسة وصغيرة
وتسلملي ما بترد الجواب

15- ايها يا عروستنا فرحت لك عيوني
ايها وفرحت عصافير الزيتوني
ايها اهل سوريا وجبل لبنان
وكل من حضر معنا هوني

16- ايها طبخت الرز بحليب
ايها وعبيته بكرشي
ايها عروستنا صغيرة وكويسة
وما شاء الله بيلبق لها كل شي

17- ايها يا عروستنا يا طفلة
ايها اجانا عرسك على غفلة
ايها ولا حنة تحنينا
ولا كردوش على غفلة

18- ايها الله معك الله معك
ايها وكل البكا ما بينفعك
ايها واذا كان بسمار ببيت ابوك
اقلعيه وخديه معك

19- ايها قبقابك ترللي
ايها ولسانه بغني
ايها واخدتي ابن النشار
ريتك تتهنى

20- ايها يا رايح قل له
ايها ويا جايه دله
ايها وعروستنا طبق الورد
واليوم فتّح كله

21- ايها قنبازك دربزوني
ايها وخطيته بعيوني
ايها يا الله عليك يا حبيبة
بالله عليك قوصي

22- ايها طبخت رز بحليب
ايها وسكبته بجناق بيض
ايها وحلفت ما بدوقه
لتوقف عروستنا على الاكليل

______________________________________

ملاحظة الهنهونة رقم 4 أغلب الظن انها بيروتية الأصل حيث انه اغلب الحلبيين حتى اللحظة يرددونها بشكل (( يا نهر بيروت )) وفي ذلك .. سعدو أعلم ...

مرحبا اخينا كابريل ...

- هل ما زالت الهنهوات الخاصة بالاعراس ..... تقال بكل الاعراس فعليا ؟؟


- اذا عندك تسجيل لو تسجيلات ... لا تبخل علينا بها .... حتى نكون بالجو بالكلمة و باللحن ...



و ارجو من الكل البقاء ضمن الموضوع حصرا ...

و ارجو من الكل البقاء ضمن الموضوع حصرا ...


عزيزي المنسّق سوريويو
تحيّة طيّبة وبعد...
عندما تقولُ "أرجو من الكلِّ... " فأنتَ تعني جميعَنا، وهذا يعنيني أنا أيضاً.
أين وجدتَني خرجتُ عن الموضوع؟! ومؤلّف الكتابِ كما نعلم أحد العناصر الأساسيّة في صناعة الثّقافة!!!

مع التحيّة.

عزيزي المنسّق سوريويو
تحيّة طيّبة وبعد...
عندما تقولُ "أرجو من الكلِّ... " فأنتَ تعني جميعَنا، وهذا يعنيني أنا أيضاً.
أين وجدتَني خرجتُ عن الموضوع؟! ومؤلّف الكتابِ كما نعلم أحد العناصر الأساسيّة في صناعة الثّقافة!!!

مع التحيّة.


الكل لا تعني الكل بالضرورة !


و انا نسقت الردود و ما جيت ناحية الردود الاساسية (مثل ردودك) ..


و سلام :akh:

مرحبا اخينا كابريل ...

- هل ما زالت الهنهوات الخاصة بالاعراس ..... تقال بكل الاعراس فعليا ؟؟


فعليا
كافة الاناشيد والهنهونات المذكورة بالموضوع ماتت واندثرت مع انتقال الناس من الاحياء الشعبية إلى الأبنية
والقصة بترجع لاكتر من جيلين ( اذا اعتبرنا كل جيل بيعمل 25 سنة )
فوالدتي مثلا ما عندها اي فكرة عن الهنهونات بعكس جدّي وجدتي اللي حفظانتهم عن ظهر قلب

مع انهم انتسوا بين الشعب الا انه بيلتقى بعض العائلات اللي حافظت على عليهم ومازالت بتستخدمهم في كافة المناسبات



- اذا عندك تسجيل لو تسجيلات ... لا تبخل علينا بها .... حتى نكون بالجو بالكلمة و باللحن ...




بصراحة طلبك غريب شوي :shock: ما توقعت حدا يطلب مني تسجيل صوتي لموضوع الهنهونات وبصراحة ما عندي تسجيل مماثل لكن في حال تأمّن بين ايدي اكيد ما بدي ابخل عليكم فيه .:D

الكل لا تعني الكل بالضرورة !
و انا نسقت الردود و ما جيت ناحية الردود الاساسية (مثل ردودك) ..
و سلام ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ܥܰܠ ܪܺܝܫܝ̄ ܘܥܰܠ ܥܰܝܢܝ̄ ܐܰܢܬܝ̄ ܘܟܽܠܶܗ ܕܛܽܘܗܡܳܟ...
ܪܶܚܡܰܬܝ̄.



عزيزي جَبرييل
لماذا "طنّشتَ" جوابي إليك عن المؤلِّف؟!
سامحتْكَ هنهوناتُكَ...

ما يقال للعروسين معا


1- ايها عصفور عالسجر وبلبل بترغُله
ايها اللي بياخد بنات الأصايل الله يستر له
ايها لاروح لباشة حلب واقول له
كل نظرة من عريسنا وعروستنا بتسوى عسكرك كله

2- ايها يا سلام عالشمس والقمر بحاكيها
ايها بغمز العيون بتفهم معانيها
ايها ايدها بايده وهوي بحاميها
تعيشوا بالسعادة والهنا اللي فيها

3- ايها اليوم في البلد الصوت دوى
ايها ( فلان وفلانة ) تكللوا سوى
ايها قلب الحبايب فيهم فرح
وقلب الأعادي من القهر انكوى

4- ايها اجا المفلك وفتح لنا الفال
ايها عروستنا كويسة وبنت حلال
ايها يا سعدها مع اللي اخدها
بدّا تقضي حياتها بالعز والدلال

5- ايها اجا المفلك وفتحلنا الفال
ايها عريسنا صغير ومزيّن بالكمال
ايها والله يطعمه على قد قلبه
عروس مكملة وست الجمال

6- ايها يا أهل الجمع كلكن سوى
ايها قولوا بفرد صوت الله يساوى
ايها اليوم تكك ( فلان وفلانة )
والكليل للحب احسن دوا

7- ايها عريسنا سبع وكل الخصايل حوى
ايها عروستنا كويسة وبيلبق لها الدوى
ايها وكل نظرة من عريسنا وعروستنا
صارت للعليل احسن دوا

8- ايها عريسنا وعريستنا جوز غزلان
ايها بالسعد والسعادة سارحين بين الوديان
ايها يوم اكليلن صار البسط بكل مكان
وصوت الزلاغيط وصل للعجم وخرسان

9- ايها عريسنا وعروستنا يا جوز الحمام
ايها يخدمكم السعد على طول الزمان
ايها بيوتكون بالأموال خشخشت
وصيتكن بالكمال وصل لجبل لبنان

10- ايها وجه عروستنا مدوّر كأنه القمر قد تم
ايها وخدودها الشحم وممرمغين بالدم
ايها علبة المسك منشان الغوى والشم
نيال قلبك يا عريسنا كله فرح بلا هم

11- ايها وجه عروستنا قمر ودواره هل كليل
ايها شعر دهبي بشعّ كأنه الطرنجبيل
ايها كل نظرة فيها بتشفي القلب العليل
نيالك يا غزال اللي اخدتها يوم الكليل

12- ايها يا مكوس عريسنا وعروستنا راجعين من الاكليل
ايها وجها منور وصار للقمر دليل
ايها والعريس جنبها كأنه سبع الغاب
وكل نظرة فيهم بتفشي العليل

13- ايها عروستنا لا تعبسي وافتحي تمك المعطر
ايها واضحكي لعريسك هالحلو هالأسمر
ايها ومنّك ومنّه فاح المسك والعنبر
وكل شوفة منكم بتسوى الملك والعسكر

14- ايها حاجة بالفضل يا عريسنا تتباهى
ايها وعروستك في البلد مافي متل مرباها
ايها شعلنا شمع عرسك وقلنا ايها
هنّاك الله فيها وفيك هناها

15- ايها يا عريسنا لاتندم على المصاري
ايها حواجب عروستك بيطمع فيها الحرامي
ايها حواجب عروستك سيوف محنيّة
وبتسوى بنات حارتك متل ما هية

16- ايها عروستنا كويسة وطويل عنقها
ايها وشعرها دهبي وعيونها زرقا
ايها مسكين اللي ما اخدها وهلأ شاف فرقها
ويا سعد اللي اخدها ومل خلّى بقلبه حرقى

17- ايها عروستنا حلوة وظريفة
ايها لقشها لطيف ودماتها خفيفة
ايها يا قمر اللي اخدتها
تكون عيشتكن هنية وعفيفة

18- ايها عروستنا يا كويسة كلامي اسمعيه
ايها عريسك قمر راسك فيه ارفعيه
ايها وياشمس ضويتي شعّي والمعي
ووحياتكن يا حبايب زلغطوالن معي

19- ايها تنين باتنين واتنين باتنين
ايها ( فلان ) على راسي و(فلانة ) على عيني
ايها بطلب من رب السما يطول عمر التنين
لأدق طبول الفرح من السبت للتنين

20- ايها لا تمدي راسك بطاقة البرجي
ايها وجّك ابيض واحمر متل وردي
ايها يا رب السما يطعمه لعريسك
ما يلبسك الا اطلس فرنجي

21- ايها تفاحة وانجاصة وانجاصة وتفاحة
ايها عريسنا سبع ودوّر عالراحة
ايها وانسعد بعروستنا ست الكمال
جنة الخصال بالعطر فوّاحة

22- ايها لاح القمر بدارنا لاحِ
ايها ورشوا على ورق الليمون تفاح
ايها بحوش العرس تراجموا بالقداحِ
ومن الفرح والسكر ما بقي حدا صاحي

23- ايها لبّستك وردي
ايها وبرّكتك جنبه
ايها وبالله عليك يا ( فلانة )
لا تحرقي قلبه

24- ايها لبّستك ابيض
ايها وبرّكتك جنبه
ايها وبالله عليك ( يا فلانة )
ايها تقسّي قلبه

25- ايها اخدها بايدها
ايها ونزل على البلد
ايها وهلأ عرس ( فلان )
وعقبال عرس ( فلان )

26- ايها فلانة ام التراكي
ايها يخلي شوارب الرباكي
ايها ويخلي عريسك
اللي فك كيسه واشتراكِ

27- ايها ياما بركوا جنبي
ايها وياما حرقوا قلبي
ايها وقالوا العريس ما بده ياخد العروس
اخدها ونصرني ربي

28- ايها عريسنا في حارة
ايها وعروستنا بحارة
ايها وعريسنا طبق الورد
وعروستنا الجنّارة

29- ايها لونك ابيضاني
ايها وروبك اخضراني
ايها ولبقتي لهل العريس
هالحلو الأسمراني

عزيزي جَبرييل
لماذا "طنّشتَ" جوابي إليك عن المؤلِّف؟!
سامحتْكَ هنهوناتُكَ...

مين قال لك اني طنّشت ردك !!
انا اللي عملته اني رجعت تأكدت من معلوماتي كون ما بحب فوت بنقاش بأي جزئية مهما كانت صغيرة الا وانا متأكد من الشي اللي بدي قوله
وانا قلت لك ما عندي فكرة عن الترتيب الكنسي



ترك لنا التاريخُ ثلاثةً يحملون الاسم نفسه وهم:
- جرجس شلحت: عاش وتوفّي شمّاساً في القرن التاسع عشر. وكتبَ كثيراً في الأدبِ والتراث الشعبيّ.
- جرجس شلحت: الذي صارَ بطريركاً (1818 - 1891) وهو الأبرز بين هؤلاء الثّلاثة.
- جرجس شلحت: مؤلّف هذا الكتاب "هنهونات حلب"

معلوماتي عن الكتاب انه من تأليف المطران (( جرجس شلحت )) وبصراحة ما كان عندي فكرة عن وجود اكتر من شخص بيحمل نفس الاسم وبنفس الوقت بيحمل مرتبة معينة او مكانة معينة في شجرة الكنيسة السريانية لهيك طوّلت عليك حتى تأكدت من الشي اللي بعرفه
وهلق رجعت لك :larg:



وله هذه المؤلّفات:
1- أمثال حلب.
2- هنهونات حلب.
3- الندب في حلب.
4- لغة حلب السريانية.
5- نديمي.
6- أنيسي.
7- دليلي في الإملاء.
8- الإملاء في سطور.
9- البطريرك جرجس شلحت.
10- كاربيس.
11- الكنيسة في الجبهة العمالية.
12- دليل الزواج.
13- مار يوسف في الإنجيل.
14- ذبيحة وألم.
15- لقاءات الحب الفريد.
16- حياة حب.
17- يسوع العامل.
ومؤلّفات أخرى كثيرة...

انا لحد اللحظة من الكتب اللي ذكرتها ما قريب غير هنهونات حلب ، امثال حلب
وبتشكرك على الاسماء اللي عطيتني ياها لأن هيك سهّلت علي كتير مهمة البحث عن المؤلفات

بس متل ما قلت لك .. رجعت لك :larg:

المطران جرجس شلحت كان وقت طباعة الكتاب برتبة مغايرة عن رتبة المطران
كنت بفتكر انه (( بطريرك )) ومتل ما قلت لك ما عندي فكرة عن الترتيب الكنسي
لهيك ما رديت عليك فورا مع اني كنت شبه متأكد من معلومتي (( انه ما كان مطران بفترتها ))



فأمّا ما جاءَ على ظهر الكتاب "ترقّبوا... الحلقة الممتازة في حياة الحبر العظيم البطريرك جرجس شلحت... " فليس سوى إعلان عن الكتاب الذي سيصدره المؤلّف قريباً حول قريبه البطريرك.


ورجعت لك ومعي آخر صفحة (( قبل الغلاف ))من هنهونات حلب شوف شو مكتوب

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



تطلب من صاحبها
القس جرجس شلحت


أرجو أن يكون الفرق بين هذا وذاك أوضح :larg:.


بتمنى كون وصلت لك فكرتي بشكل واضح :larg:

بانتظارِ مزيدِك يا ابن حلب السوريّ الرّائع :D.
ما بعرف ليش بنبسط وقت برد عليك ... او حتى بشوف انك رديت على رد انا كاتبه
سمعان بانعكاسات بافلوف :lol:

:D

ما يقوله العروسان ووالدوهما وما يقال لهم
او يتبادل ضمن النطاق العائلي



1- ايها عريسي الزهور هامت بشمعك
ايها في صورتك صورة حسن امّك
ايها سمن بعسل ويا ريتني نحلة
تأمص كل الشهد من تمّك

2- ايها ( يا فلانة ) وردة جورية
ايها اللي خطفتك من روس الأفندية
ايها شقد ما قدموا لي بدالك من الألف للمية
ما ردت غيرك ولا لي بحدا منية

3- ايها صباحك خير يا عود الكنة دبلان
ايها يللي بتفيقي من منامك تشابههي الغزلان
ايها شبّهت ورد خدك لورد البستان
اسقي العطاش انا بحبك عطشان

4- ايها هب الهوا ورماني
ايها وبحارة ( الفلانية ) رماني
ايها وسبع شامات على الخدين مبدورة
ايها هاتوا القلم والدواية تنكتب عالصورة
انا بحبك يا خطيبي ( او بحبك يا خطيبتي ) وليش الناس مقهورة _ قد يبدل لفظة ( خطيبي او خطيبتي ) بـ ( عريسي او عروستي )

5- ايها ويا ما طلعت عالتلة
ايها وياما تعبت وعبيت السلة
ايها ولبين ما جوّزتك يا ابني ( او بنتي )
ما خليت بعيني بلة

6- ايها يا ام العريس ( او ام العروس ) تمّي دوم فرحانة
ايها ومشككة بعرق ريحانه
ايها وابتسمي واضحكي ديما
حتى ما يقولوا عليكِ ندمانة

7- ايها يا ام العروس بنتك اجا العريس ياخدها
ايها لا تبك على فراقها بتشمت فيك العدى
ايها جنبك كانت مدللة وهلأ عريسها بيسعدها
افرحيلها وانبسطي وقولي الله يسعدها ويبعدها

8- ايها ميلي يا خطيبة ميلي على الجنبين
ايها ويا حبيبة القلب يا أصيلة الحدين
ايها وحياة خالق البرين والبحرين
لنجهزك احسن جهاز ولو كان بالدين

9- ايها يا فرحتي يللي من طول العمر بنتظرها
ايها وطلبت من رب العلي يتممها
ايها وتممتها يا كريم يا ابن الكرامة
الله يتممها معكن بالسلامة

10- ايها شفت ( فلان ) مع عروسته عمبعانقها
ايها حكالنا فلبه ومجّد خالقها
ايها ( فلانة ) عروستي وانا عريسها
ايها وبتحبني ويا ما احلى طلعتها
ايها وبيفنى لالزمان وما بتفنى محبتها
ويا ريتني عقد جوهر في رقبتها

11- ايها ريته مبارك يا عريس جديد
ايها ريته مبارك وريت عمرك يزيد
ايها ريته مبارك يا حبيب اختك ( او امك او اخواتك )
يا زينة العرسان كل احد وعيد

12- ايها قاعة عريسنا ( او خيي ) كبيرة ومدوّرة
ايها فيها كواكب ونجوم مصورة
ايها وفيها خواته ستة سبعة
ايها وفيها عروسته بتسوى جوهرة

13- ايها كللها بايده
ايها ونزل على حجة
ايها وهلأ فرحانة بعرس ابنك
وعقبال حجك

14- ايها هوني بحوشنا دالية
ايها ومشبكة وعالية
ايها ويخلى الله العريس
اجمل التواليتات المايلة

15- ايها يا عروس ويا عريس ويا خوات
ايها دبوا الحنة بالديات
ايها لآخد شلة من ايد اعزب
ور تفتحوا بالقهوات

16- ايها هاتوا الكبش لندبحه
ايها ولقب العدو لنجرحه
ايها ولا تحسبوا ابو العريس ميت
هون العريس مطرحه

17- ايها بعدي ضحنا طحين وبعدى طحنا طحين
ايها وسمعت صوت الخشاخيش من ماردين
ايها قومي ام العريس وادبحي السمين
وانتوا السخايا وما بتحبوا البخيل

في افراح الولادة


1- ايها اجا للغزال غزال يربى بدلاله
ايها ينتشي على وجهه وتنتشي امواله
ايها ويمجّد الخالق ويرشد الناس بأقواله
ويصير للعيلة شرف وجاه بافعاله

2- ايها اليوم الشمس طلعت ونورت حواليها
ايها تمها عسل وعيونها لآليها
ايها البنت في البيت طابة من دهب
زلغطولها يا حبايب وافرحوا يا اهاليها

3- ايها مبارك ما اجاكن
ايها يحرسه الرب ويربى بدلالكن
ايها انشا الله على وجه تعمر دياركن
وبيوتكون دوم ما تنقطع افراحكن

4- ايها الاراصية الاراصية والانجاص
ايها عينيها بالقفف والقفاص
ايها ما فرحنا عالبنت ولا عالصبي
غير قيامك والخلاص

5- ايها زرعنا زرعنا القطيفة
ايها وزرعناها بارض نضيفة
ايها الله يخليكن يا ( فلان وفلانة )
ويسعدكن بهل خليفة

في الزيارات


1- ايها طلعت عالانصاري
ايها وشقيت ايزاري
ايها وحلفت ما بنزل
حتى اجيب زواري

2- ايها حلب عروسة البلدان
ايها واشتاقوا لها من زمان
ايها مية السلامة يا ضيوفنا
تعيشوا فيها بعز وامان

3- ايها مية السلامة يا ضيوف
ايها ويا مقلدين بالسيوف
ايها لو عرفناكن دكتجوا لعندنا
كنا دبحنالكن راس غنم وخروف

4- ايها اهلا وسهلا فيكن يا ضيوف
ايها ولو كنتوا ألوف بألوف
ايها ولو عرفنا فيكن
كنا دبحنا لكم الف غنمة وخاروف

5- ايها مية السلامة يا ضيوف اعزاز
ايها انتوا العزايز وانتوا الجايين من بلاد اعزاز
ايها احلى من المن ومن السلوى
واحلى من الدهب اذا كان صاحبه معتاز

6- ايها اهلا وسهلا فيكن يا ضيوف عزاز
ايها انتوا عزاز وجايين من بلاد اعزاز
ايها كل الطيور بترحب فيكن حتى طيور الباز
انتوا اغلى من الدهب لو كان صاحبه معتاز

7- ايها اجوا الحبايب واجوا الزوار
ايها الحوش ضحكت وتزين باب الدار
ايها اندبحت الدبائح ودمها سال
زلغطوالن معنا يا كل الحضار

8- ايها اهلا وسهلا ومية السلامة فيكن
ايها والف اهلا بالطريق اللي جايبكن
ايها وان كانت القدس هي الجايين منها
لأنخ وابوس الأرض قدامكن

9- ايها مية السلامة يا زوارنا واهلا وسهلا فيكن
ايها جيتوا من بلاد مقدسة والقداسة فيكن
ايها وجاهكن منورة وتنورت الأرض فيكن
زيارة مقبولة وقلوبنا فرحت فيكن

10- ايها مية السلام حيا الله في ملآكن
ايها سنة مباركة لما عرفناكن
ايها لا تحسبوا طالت الغيبة نسيناكن
كل ما هب الهوا اعرفوا السلام اجاكن

11- ايها كلو كلو صحتين وصحة
ايها وكلوا اربع عوافي مع الصحة
ايها وبدعيلكم باربع جوالات سمسم
كلوا وعلى كل حبة صحة

12- ايها منحبكم على قد مافي السجر وراق
ايها فرحنا بزيارتكن على قد ما كان القلب مشتاق
ايها لو كان البحر حبر والسجر وراق
كنا شرحنا لكن كل ما عنا من اشواق

13- ايها يا صاحب الدار نحن اليوم بحيك
ايها يا سجرة البان ويا مكوس هوى فيك
ايها بطلب من رب السما يخليك لبيك
ويعطيك العمر الطويل الك ولخيك

14- ايها يا خواجا ( فلان ) نحن اليوم في حيّك
ايها يا سجرة العالية ويا محلا القعدة في فيّك
ايها بطلب من خالق الكون يخلي عيون بيّك
ويزيدك بالعمر والسعادة الك ولخيّك

15- ايها يا خواجا ( فلان ) ضم خواتمك بايدك
ايها الكرم كرمك واللولو عناقيدك
ايها بطلب من رب السما يعطيك ويزيدك
وانت الامير وكل الناس تحت ايدك

16- ايها يا ست ( فلانة ) ويا فاولة خضرا
ايها وقموعك من دهب شروشك من فضا
ايها سبحان من زيّن البستان بالخضرا
الشرق والغرب بيدعوا لك من على بكرا

17- ايها عليّة ابو ( فلان ) عالعواميد رافعها
ايها يا ريحة البن والقهوة مطالعها
ايها لا تذكر البخيل يا عزي ويا سندي
عادات ابوك من قبلك مطالعها

18- ايها ابو ( فلان ) تمن ترطال عجناته
ايها مشهور في البلد بطيبة اكلاته
ايها بنزل عالجديدة والحميلين وراه
يا محلى ما تجلب دياته

19- ايها يا بيت ( ابو فلان ) مزين بلياناته
ايها يا باشا حلب ما نقلت قماشاته
ايها يا سفرة اللي مدها بدياته
اكل الامارة وكل الجود عاداته

20- ايها جينا اعندكن وجينا نطلب الراحة
ايها وطلعتوا اجاويد وشلتونا عالراحة
ايها ايمت بعود الزمان ونصمدلكن القاعة
ونرفع رايات البيض برماحة

21- ايها طبخت مهلبية
ايها وسكبتها بالصينية
ايها وما كويس الغدا
الا بجمع الأهلية

22- ايها صوت مطر وصوت رعيد
ايها وصوت القدس جاية من بعيد
ايها صدقاننا ديجوا لعندنا
وعدوا والعدو صار بعيد

23- ايها قعدوا بالسهرات
ايها وشاوروا الشورات
ايها وقالوا ما بدن يجوا من اميركا ( او غيرها )
اجوا وطقوا المرارات

عزيزي جَبرييل
صباحُ الخيرِ فالسّاعة هي السّادسة، وبعدَ أن ودّعتُ صديقاً حميماً تعرفُه أكثر من البقيّة وقلتُ له "تصبح على خير"، رقدتُ راغباً في هذا الرّقاد اللعين، لعين لأنّه يسلبُ منك ساعات تقضيها في حياتك الدنيا والعليا... حاولتُ النّومَ لكنَّ طيفَ صديقتنا في الأخويّة رنا لاحَ لي حزيناً غاضباً يدمى بعد معركةٍ سريعة في ميدان مخترع التلفزيون المشنوق على يدِ نوّار، وآلمتني نفسي لأنّي في الواقع أغلظتُ كثيراً في كلامي معها ولم أحفل بما يُسمّى "كياسة"، اعتقاداً منّي أنَّ الإناثَ رجالٌ في الحروب!!!
تبّاً لك أيّها القرصانُ، كيفَ استطعتَ أن تدكَّ سفن الجنس اللطيف، ما أبعدك عن اللطفِ يا جاحد النعمة!
تقلّبتُ ساعتين فحقدتُ على نفسي وضميري، فقمتُ ووضعتُ الأخيرَ على الأرضِ ودعستُ على رأسِه حتّى صاحَ معلناً الاستسلامَ، فهيّأتُ هندامي، وحضّرتُ كأساً كبيراً من النيسكافيه، وعُدتُ إلى هذا المحفل القريبِ إلى القلبِ، ورددتُ على الرّهاويّ في السريانيّة ذاكراً كيف يُقالُ عنّي وعن بني جنسي القراصنة بلغتنا القديمة لغة سوريّة والسوريّين. ثمَّ هرعتُ إلى هنهوناتك الشيّقة لأبيّن لك بدوري انعكاساتي البافلوفيّة كما جاءت في تجاربِ الروسيّ الذي ذكرت.


انا لحد اللحظة من الكتب اللي ذكرتها ما قريت غير هنهونات حلب ، امثال حلب

ولهذا أنصحُك بقراءة "لغة حلب السريانيّة"، وإن لم تعثر عليه فسأبعثُ لك بنسخةٍ لأنَّ مكتبتي تضمُّ منها اثنتين. ولا تسأل عن الإرسال فللقراصنة طرقٌ أسرارُها في قعر سفنهم وجزرهم المفقودة.


المطران جرجس شلحت كان وقت طباعة الكتاب برتبة مغايرة عن رتبة المطران...
ورجعت لك ومعي آخر صفحة (( قبل الغلاف ))من هنهونات حلب شوف شو مكتوب "القس جرجس شلحت".

وبحسب انعكاساتي البافلوفيّة أخبرُك أنّك على حقّ لكنّي لم أقلْ إنَّ الكاتبَ عندَ تأليف الكتابِ كان مطراناً!!! كنتُ أريدُ القولَ إنّه لم يبلغ رتبة "البطريرك" بل وصل حتى "المطرنة" فصار "مطراناً".
فأمّا رتبة "القس" فهي رتبة "الكاهن" عينها وإن اختلفت التعابير. وكلمة "قس" كلمة سريانيّة ܩܰܫܳܐ qasho وتعني "شيخ" دخلت العربيّة بسبب التأثير المتبادل بين اللغتين.
بالمختصر المفيد أصبتَ عندما قلتَ إنَّ المؤلّف حينها كان "قسّاً" ولم يكن مطراناً، إذ صار على هذه الرتبة في ما بعد.


بتمنى كون وصلت لك فكرتي بشكل واضح :larg:

عراسي وصلت... إي وفاتت لجوات جوات مخي، بس ما في أحلى من جكر الأصدقاء :larg:!!!


ما بعرف ليش بنبسط وقت برد عليك ... او حتى بشوف انك رديت على رد انا كاتبه

مو أكتر منّي...


سمعان بانعكاسات بافلوف ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هو تجي للصراحة لأ... ما كنت سمعان فيها ولا قرصان :p.
قمت رحت لعند عمّك جوجل وقلتللو كيلو بندورة... عفواً، كيلو انعكاسات بافلوف لو سمحت!!!
الزلمة ما كذّب خبر، فات لجوّا وجبلي من عالرفّ نصّ كيلو لأن ما كان في عندو اليوم أكتر...
أخدناه وفتحناه وتعلمنا شغلة جديدة على إيديك :lol:.

جملتك هي بتلخص كل شي
بس ما في أحلى من جكر الأصدقاء
والأحلى انه (( جكر )) بناء كون في فكرة بالموضوع
يا اخي الانترنت غير شكل .. مجتمع كامل :D

فعليا
كافة الاناشيد والهنهونات المذكورة بالموضوع ماتت واندثرت مع انتقال الناس من الاحياء الشعبية إلى الأبنية
والقصة بترجع لاكتر من جيلين ( اذا اعتبرنا كل جيل بيعمل 25 سنة )
فوالدتي مثلا ما عندها اي فكرة عن الهنهونات بعكس جدّي وجدتي اللي حفظانتهم عن ظهر قلب

مع انهم انتسوا بين الشعب الا انه بيلتقى بعض العائلات اللي حافظت على عليهم ومازالت بتستخدمهم في كافة المناسبات




اي .. المهم التراث ما زال متواصل و لو بنسبة قليلة !


بصراحة طلبك غريب شوي :shock: ما توقعت حدا يطلب مني تسجيل صوتي لموضوع الهنهونات وبصراحة ما عندي تسجيل مماثل لكن في حال تأمّن بين ايدي اكيد ما بدي ابخل عليكم فيه .:D


هو صح غريب ...

بس كان يعطي اغناء كبير جدا للموضوع ... حتى القارئ عير المطلع على هذه الهنهونات مسبقا يدخل بالجو اكثر !


و ممكن تحضر عرس او مناسبة اخرى ... لاحدى العوائل اللي ما زالت محتفظة بهذا التقليد و تسجل لنا عيّنة صغيرة .... اشباعا للموضوع :D

ما يقال للاخوة والأشابين


1- ايها خيي خيي ، محلى قامتك خيي
ايها محلى طيور السما تلتف حوالي
ايها اجيب توبين حرير وافضل لخيي
وان راحت الارواح فدى عينيك يا خيي

2- ايها لبستك الأبيض طية ورا طية
ايها الطية المنيحة وطية الافندية
ايها وطلعت من الشباك وناديت يا خيي
انا غريبة ديروا بالكن عليّ

3- ايها تنين بتنين واسم الله على التنيتن
ايها وخيي على حاجبي وابني على عيني
ايها والله يطعمني اجوز التننين
واشوف عرايسهن قبال عيني

4- ايها اخوتي سبعة
ايها وعداهن لا تعدون
ايها وان متت بيطلعوا خلفي
وان عشت بفرح فيون

5- ايها كلنده كلنده
ايها ونزلت على الياسمين
ايها واليوم فرحت بعرس اخوي
وعقبال عرس السامعين

6- ايها قاعة اخي على بحرين بتتغندر
ايها عامودين فضة وعامودين من دهب احمر
ايها وان عطشت الخيل لاسقيها عسل اصفر
وان ركب خيي بركب معه المحضر

7- ايها خيي وانا خيتك الفليحة
ايها ومن فرحتي نمت وانا مبارحة
ايها ومن فرحتي طالعا نيزلة ببخر تيابك
وريحة العطر والمسك فايحة

8- ايها خيي جايه من القدس على بيته
ايها وشر الماورد من كمّه على ديله
ايها وهات القلم والدواية لأكتب على ديله
اخوي وحيد ونحن مالنا غيره

9- ايها شبيني يا شبيني
ايها ويا اعز الاشابيني
ايها ويا مسبحة من اللولو
بايدي السلاطين

10- ايها شبيني يا شبيني ويا اعز الاشابين
ايها ويا مسبحة لولو بايادي السلاطين
ايها والاشابين كلها راحت على حلب
وخلت رايات العز لشبيني

ما يقال في دحر العين


1- ايها حندق وبندق
ايها وجوز الحمام
ايها والك الحمد يا ربي
جبرت بخاطر الأيتام

2- ايها وما شاء الله وحدة
ايها وما شاء الله تنتين
ايها ويا خرزة يا زرقا
تردي عنا العين

3- ايها طول طول
ايها والخضر الك ناطور
ايها ومريم بنت عمران
ترش لك البخور

4- ايها حصنتك بياسين
ايها يا زهر البساتين
ايها ويا مسبحة لولو
بايدي السلاطين

5- ايها كله ندى
ايها وغزال علشمال
ايها حصنتك بياسين
وسرة الآبال

6- ايها العين عنك صدى
ايها يا مكحول ( او مكحولة ) اليد
ايها واللي بشوفك وما بصلي عليك
بفطر وما يتغدى

7- ايها العين عنك جنبي
ايها الف صلاة عالنبي
ايها اللي بشوفك وما بصلي عالنبي
ما يربى قدك لا بنت ولا صبي

8- ايها جايه تحمل بانجان
ايها وتازة من البستان
ايها ديرو الحساد ( او العدى ) الفرح عنا
جنت وحطوها بالمرستان

ما يقال في مناسبات مختلفة غير منسوبة إلى احد الابواب السابقة


1- ايها عندنا ثلاثة والثلاثة سوا
ايها ربي تعليهن لأعلى العلى
ايها ربي تعليهن وتعلي منازلهن
وتكمل افراحهن بالعز والهنا

2- ايها عندنا ثلاثة والثلاثة قواسة
ايها وعندنا ثلاثة من الجوخ لباسة
واحد على عيني وواحد على راسي
وواحد بسكب بقلوب العدى بارود ورصاصي

3- ايها ( فلان ) عنده اربعة والأربعة ملوك
ايها بيوتهن دهب وفك اعداهن مفكوك
ايها بيستاهلوا الطبلين والزمرين على باب دارون
يدقوا ويغنوا حتى تصيح الديوك

4- ايها يامو جوعانة
ايها بدي كعكة مقمرة
ايها الله يخلي الشباب
واتم بيوتون معمرة

5- ايها اربع بقج مبقجة
ايها والخامسة بالصندوق
ايها الله يخلي الشباب
اللي بعمروا البيوب

6- ايها طبخت الرز والرز اصفر
ايها طبخته عالبلاط تدردر
ايها والله يخليلنا الشباب
وبيوتن ما تتسكر

7- ايها طبخنا رز اصفر
ايها وعالبلاط تدردر
ايها وصارلي ست سنين
على هاليلة بتحسر

8- ايها طبخت بلورية
ايها وقسمتها بالموس
ايها وهللي ما بتزلغط
يبلاها بوجع الروس

9- ايها طبخت مفركة
ايها بالدهن مغرقة
ايها واللي ما بتزلغط
بتصبح مطلقة

10- ايها طبخت رز أصفر
ايها وسمنه غريقه
ايها وهللي بتزلغط لـ ( فلان )
يفرحُه بصديقه

11- انزلت على سوق الجمعة
ايها واشتريت خشخوشه
ايها واللي ما بتزلغط
تصبح عينها مبخوشة

12- ايها بحوشنا بركة
ايها وحواليها نبوعة
ايها وابوهن السجرة
وهنن فروعا

13- ايها قباقب اصيلة
ايها غرز بالأرض قامة
ايها واللي ما بياخد بنت ( فلان )
خاوته الندامة

14- ايها لبستك قنبازي
ايها واستعرطوا انا
ايها وما تقومي مع الصبايا
قومي معي انا

15- ايها ( فلان ) بالغربة وليلة غدى بيوصل
ايها لابس البدلة كاملة مع شك الزرار
ايها وما بريد منه لا خلعة ولا دينار
الا سلامته ووقفته على باب الدار

16- ايها هون كان في بحوشنا رمانة
ايها وحلوة وحامضة ولفانة
ايها وحلفنا ما منقطعها
الا تيجي ( فلانة ) بالسلامة

17- ايها يا نهر حلب حاج من كتر الدمع تملا
ايها قاعدين على الطريق نستنا حبايبنا
ايها وحياة من تألم ومات على الجلجلة
لو كنا شمع يا ناس من اجلكن دبنا

18- ايها ( فلان ) يا ( فلان ) مافي على زيّك
ايها والشمس امك والقمر بيك
ايها والتريا اختك والميزان خيك
وباقي العيلة كلها نجوم حواليك

19- ايها يا خواجا (فلان) وردة على راسي
ايها سيفك مسقط دبوسك دهب صافي
ايها وان عطشت الخيل لاديرُن على العاصي
واسكب بقلب العدا بارود ورصاصي

20- ايها اهل الجمع كلكن ما بعرف اساميكن
ايها فضة الروباص مسكوبة بعرائيكن
ايها لاجيب بني يبني بعلاليكن
ويكتب على بوابكن الله يخليكن

21- ايها بناتنا اليوم رقصت وشبابنا غنّت
ايها وراياتنا البيض على روس الجبال ارتفعت
ايها هللي شافت هالجمع الكويّس وما سمعت
يبلاها بالعمى من بعد ما شافت

22- ايها اشو هالنهار الرايق
ايها تعجبت كل الخلايق
ايها طقت قلوب الاعادي
وتحققت كل الحقايق

23- ايها قامت الشباب وصارت تميل
ايها وتميل على شقايق الحرير
ايها تقبرو عداكن يا حبايب
وتعيشوا من بعدن العمر الطويل

24- ايها نعنعي ونعنعي
ايها ويا صبايا اتجمعي
ايها ويا ليل طول
ويا شمس ما تطلعي

25- ايها برق برق
ايها وعصافير بين الورق
ايها وزلغوطة طويلة
وحلوها بالعنبرية والعرق

26- ايها باب المدينة كتير عالي
ايها وبيضّته بدياتي
ايها فراح فراح يا قلبي
ياما بكيت عويناتي

27- ايها بايع البن نحن بننا غالي
ايها مكتوب على جبيننا ما ناخد ندالي
ايها ومكتوب على جبينا ما مناخد
ايها بنات العم والخالي

28- ايها يا تاجر البن قللي كيف تمن بنّك
ايها بنك حليلي وقصدي اشتريه منك
ايها يا عامل المعروف بحالاتنا تعرف
بعيني شفت الحبيب ( فلان او فلانة ) عميشتري منك

29- ايها يا حبة البن قلبي والنبي حبك
ايها زرعتك بأرض اليمن وما طلع حبك
ايها لاصير درويش وادروش على حبك
واهدي سبيلك يا ( فلانة ) للي شافك وما حبك

30- ايها فرحتي وفرحتي ما صدقت اليوم
ايها عجب كنت فايقة عجب شفت بنومي
ايها وعجب بيقظتي تحققت الحقايق
لأنه صار لي زمان بتحسر على ها ليومي

31- ايها يا بيت ( فلان ) يا نمل على سجر
ايها يا ساحبين الأموال من تحت الحجر
ايها من كبيركن لصغيركن
ازكى من سليمان ووجه متل الأمر

32- ايها يا بيت ( فلان ) يا مية وتسعين
ايها يا نازلين بحور وعلى الجبال طالعين
ايها يا زايرين القدس
يا دايسين على فراش السلاطين

33- ايها يا ناس ما عزي بالأموال
ايها ما عزي بالعمايم والرجال
ايها انا عزي ( فلان ) لو ناديته
سخي الكف ابو زيد الهلالي

34- ايها بقولوا فلان مات ، ما مات
ايها خلف خلايف متل زهر النبات
ايها خلق ( فلان ) الله ينصره
وخلف ( فلان ) لمد السماط

35- ايها يا ( فلان ) يا توب الحرير
ايها عريض الكم واكوس ما بقدر يصير
ايها يا مكوس وقفته بباب داره
بيأمر عالكبير وعالصغير

36- ايها نحن بني عم عصبة ما بتفترق
ايها ولو جرى الدم عالعمود والورق
ايها واللي بحبنا ينزل لساحتنا
واللي ببغضنا بنار الجمر يحترق

37- ايها نحن ولاد عم من حق وتحقيق
ايها وسيوفنا من الدهب دق المطاريق
ايها وجيوبنا بالأموال خشخشت
وهيبة رجالنا بتنشف الريق

38- ايها شعلنا قنديل الزيت
ايها واجت عافيته ولو انه رجعت
ايها والحمد لله على عافيتك يا ( فلان او فلانة)
افرحوا فيه وزلغطوا يا بنات البيت

39- ايها بيّضنا البيت ونسينا الطاقة
ايها انا اخت العروس ما تفكروني طراقة
ايها مسيّكن بالخير والخير يجيكن
اذا كان زعلانين جينا نرضيكن

ما يقال لرؤساء الدين


1- ايها سيدنا راعي الابرشية
ايها صليبك رطل وخاتمك اوقية
ايها رفاع ايدك وباركنا
تتحيا قلوب المسيحية

2- ايها قلوستك وزرية
ايها وخاتمك اوقية
ايها منترجاك يا سيدنا
تبارك اهل الرعية

3- ايها اليوم بيتنا شرّفه المطران
ايها واتجمعت القرايب مع الخلان
ايها والفرح زاد ورقصت الشبان
ومن الزلاغيط ما هديت النسوان

4- ايها بطلع سيدنا وعشر قواسه قدامه
ايها رفع راس المسيحية بفعله وكلامه
ايها بطلب من رب السما يطمره بأنعامه
ويزيد ويعطيه على قد قلبه ومزامه

5- ايها سيدنا وجودك بركة
ايها وبلاك ما فينا حركة
ايها عدوك الله يبلاه بفشكة
وانت تسبح بالهنا متل السمكة

6- ايها سيدنا مبعوت ليك
ايها باعت البطريك يسلم عليك
ايها وباعت لك بدلة على طولك
ودوارها صلبان بتلبق عليك

7- ايها بتلبقلك البطركية
ايها يا محلى وقفتك بباب الملوكية
ايها يا محلى وقفتك وقراية انجيلك
ويا ريت امك جابت متلك مية

8- ايها جبتك الحمرا اش حبني فيها
ايها وقامتك العالية الرب يخليها
ايها ان اجت تيابك من عند الخياط لأطويها
وربّط اربع قراني حلب فيها


9- عبدك اله ارتجع جد له بالرضى والسعود
واغفر الخطايا لنا بلكي تنال صعود
بصعود عيسى غدا سود الليالي سعود
هل شفت يا مبتلي اش نبهك عيسى
احمل صليبك واتبع سيدك عيسى
ان كنت صافي القلب يا ماتنال سعود

10- ايها حمام ارض
ايها وحية بتقرص
ايها ويا طائفة السريان
تزيد وما تنقص

11- ايها قسيس قسيس وبتلبق لك القسوسية
ايها وبدلتك زرقا سماوية
ايها وبتدخل علكنسية وبتزينها
وبتقرا الانجيل على روس المسيحية

12- ايها ابونا ابونا صار محل للصلاة
ايها وهرت نجمة من كبد السما
ايها منو البشير يبشر ( ام فلان )
تكلل كليل المسيح كليل الهنا

13- ايها ابونا الله يخليه
ايها ومن انعامه يمليه
ايها وكل يوم عن يوم يعليه
ويطعمنا نشوفه مطران

اي .. المهم التراث ما زال متواصل و لو بنسبة قليلة !




هو صح غريب ...

بس كان يعطي اغناء كبير جدا للموضوع ... حتى القارئ عير المطلع على هذه الهنهونات مسبقا يدخل بالجو اكثر !


و ممكن تحضر عرس او مناسبة اخرى ... لاحدى العوائل اللي ما زالت محتفظة بهذا التقليد و تسجل لنا عيّنة صغيرة .... اشباعا للموضوع :D
شي مرة بدحش حالي بعرس حلبي قديم وبالعبطة بسجل الشي اللي عبقولوه وبجيب لك التسجيل :lol: