انت سوريه ؟؟؟؟؟؟

سؤال يتوجه لي كل يوما تقريبا بحكم عملي ....
وعندما اجيب .نعم ....
اه يا عمي المرأه السوريه غيرشكل ......

مع احترامي الى كل نساء العالم ...ونضالهم ...وخاصه الفلسطينيه ...بس اليوم حابه احكي بالتحديد عن المرأه السوريه وشو الي بميزها عن غيرها من نساء العالم ....

هل يميزها قوه شخصيتها مع انفتاحها على الحياه ام قدرتها على التحمل والعطاء بنفس الوقت
هل يميزها ثقافتها الكبيره وتارخيها العريق ام حنانها اللامحدود لعائلتها
هل يميزها انوثتها ورومنسيتها وعشقها للعطاء الدائم
ام قدرتها على التعامل مع صعب الحياه بكل قوه

هنالك فرق اجل ....بينها وبين الكثير من نساء العالم ..
.ان كانت كأم تعشق الموت لاجل اطفالها
او كزوجه تضحي بكل شي في سبيل امان عائلتها ...
او كاعاشقه...مناضله ...تعشق الفكر ..الحب ...الثقافه ...العمل ...الحريه
ولكن اليس كل نساء العالم متلها ..........

ام ان هنالك شي مميز بانها سوريه ............

وهل اعطيت قيمتها وحقوقها .........؟؟؟

مازلت المَرأة العربية بشكل ٍ عام وَ السورية بـِ شَكل ٍ خاص تعاني

تعاني مِن قبح العادات وَ التقاليد وَ تلكَ البوتقة التي وضعت فيها مُنذ الأزل

بل حَتى القانون في بعض ِ نصوصه يُقيد حُريتها بما يُناسب الأعراف وَ التقاليد السائدة

لكني أرى أنَ المَرأة السورية اكتسحت شتى المجالات الوزارية وَ الإدارية وَ الاجتماعية

إنها في طريقها إلى تحقيق المُساواة وَ الحرية وَ التحرر

وَ الطريقُ طويل ,.

مازلت المَرأة العربية بشكل ٍ عام وَ السورية بـِ شَكل ٍ خاص تعاني

تعاني مِن قبح العادات وَ التقاليد وَ تلكَ البوتقة التي وضعت فيها مُنذ الأزل

بل حَتى القانون في بعض ِ نصوصه يُقيد حُريتها بما يُناسب الأعراف وَ التقاليد السائدة

لكني أرى أنَ المَرأة السورية اكتسحت شتى المجالات الوزارية وَ الإدارية وَ الاجتماعية

إنها في طريقها إلى تحقيق المُساواة وَ الحرية وَ التحرر

وَ الطريقُ طويل ,.






انا معك بهل الحكي .....
بس مابتعتقد نحن كسوريات متميزات بامور عن غيرنا ..مع احترامي للجميع
ورغم كل التاخير والناضل التي تواجهه المرأه السوريه ....انا برأي بضل بالصداره من كافه النواحي .

اي يعني احسن من غيرها


امراة مناضلة عنجد كيف بتلحق تشتغل وترجع تساوي البيت وتطبخ وتدير بالها عالولاد و زوجها ومدري شو كل هالحكي ب 24 ساعة بس؟

:ss:النظرة للمرأة السوريا هي نظرة جزئية من نظرة أعم وأشمل هي النظرة للشعب السوري. واللي الحمد لله إلو مكانة مرموقة بين الشعوب العربية. يعني انا كشب لما بعرف عن حالي إنو سوري بلاقي الترحيب الحار ومن جميع الجنسيات العبية والاجنبية. بفتخر انو انا سوري ورح ظل سوري وولادي واحفادي.....

انو انا مش سورية بس الي صاحبة سورية كتير قريبة من قلبي بتختلف عن غيرها لأنو قلبها كتير طيب خفيفة دم وبتعمل أكل كتير زاكي :p بالاضافة الى انو بنات سورية معروفات انهم من اجمل بنات العرب وهاد اللي بعرفو

كلامك صح MS.J.A . هن ستات بيوت من الطراز الرفيع ودمن ولا أحلا وجمالن مو محتاج تزكيتي.

انتي اردنية شي؟؟؟؟:p

:frown: لأ مش أردنية !!
فلسطينية
بس الاردنيات خوات الرجال كمان ومش ناقصهم اشي :frown:

الاضافة الى انو بنات سورية معروفات انهم من اجمل بنات العرب

:fmiror::fmiror: ..

اي يعني احسن من غيرها


امراة مناضلة عنجد كيف بتلحق تشتغل وترجع تساوي البيت وتطبخ وتدير بالها عالولاد و زوجها ومدري شو كل هالحكي ب 24 ساعة بس؟

اي حلو تعترف بهل الشي ...:D

بس كمان ما وقفت بس على هل الشغلات ...
كشخصيه امرأه لديها الكثير الكثير ...لتعطي وتحتضن من كافه النواحي

:ss:النظرة للمرأة السوريا هي نظرة جزئية من نظرة أعم وأشمل هي النظرة للشعب السوري. واللي الحمد لله إلو مكانة مرموقة بين الشعوب العربية. يعني انا كشب لما بعرف عن حالي إنو سوري بلاقي الترحيب الحار ومن جميع الجنسيات العبية والاجنبية. بفتخر انو انا سوري ورح ظل سوري وولادي واحفادي.....

اي بس مع كل هدا لسى بحاجه كتير لنحسن من صورتنا بكتير امور ...
اما بالنسبه انه النظره جزئيه فهي بتعتمد على اي مقياس عم تحكي...
على كل الاحوال انا الي شفتو انه الها مكانه كبيره واحترام كبير بالخارج وهدا الشي بيفرح بس بعتقد انه عايد للمرأه السوريه بحد ذاتها وكيف كونت شخصيتها

انو انا مش سورية بس الي صاحبة سورية كتير قريبة من قلبي بتختلف عن غيرها لأنو قلبها كتير طيب خفيفة دم وبتعمل أكل كتير زاكي :p بالاضافة الى انو بنات سورية معروفات انهم من اجمل بنات العرب وهاد اللي بعرفو


شهاده حلوه منك ....بس مو الكل شاطر بالاكل والطبخ وانا وحده منون :oops:

:fmiror::fmiror: ..

:fwink::fwink:

ماعرفنا رايك :?؟؟؟؟

:fwink::fwink:

ماعرفنا رايك :?؟؟؟؟

زودتوا شوي موووووووووووووووووو

:? وانا يلي كنت مفكر اتزوج من السوق الحرة :cry:
ما في أحلى من بنت بلادي , باستثناء كل الي عرفتن :p

هل يميزها قوه شخصيتها مع انفتاحها على الحياه ام قدرتها على التحمل والعطاء بنفس الوقت
هل يميزها ثقافتها الكبيره وتارخيها العريق ام حنانها اللامحدود لعائلتها
هل يميزها انوثتها ورومنسيتها وعشقها للعطاء الدائم
ام قدرتها على التعامل مع صعب الحياه بكل قوه

هنالك فرق اجل ....بينها وبين الكثير من نساء العالم ..
.ان كانت كأم تعشق الموت لاجل اطفالها
او كزوجه تضحي بكل شي في سبيل امان عائلتها ...
او كاعاشقه...مناضله ...تعشق الفكر ..الحب ...الثقافه ...العمل ...الحريه
ولكن اليس كل نساء العالم متلها ..........


وهي الصفات تقتصر على المرأة السورية مثلا؟!!!
انا بشوف انو هشي فيو يميز كل مرأة بغض النظر عن جنسيتها... يلي بيحدد هشي هون هو وين وكيف ربيت...
وهصفات اكيد مانها مميزات حصرية للنساء السوريات مع احترامي الهن طبعا...

وهي الصفات تقتصر على المرأة السورية مثلا؟!!!
انا بشوف انو هشي فيو يميز كل مرأة بغض النظر عن جنسيتها... يلي بيحدد هشي هون هو وين وكيف ربيت...
وهصفات اكيد مانها مميزات حصرية للنساء السوريات مع احترامي الهن طبعا...

انا ما قلت ان الصفات تقتصر على المراه السوريه ...وكما قلت في بدايه موضوعي ( احترامي للنساء وخاصه الفلسطينيه) ولكن كما الفلسطينيه او اي امراه من جنسيه تتميز بصفات مختلفه عن غيرها ...
السوريه لديها مايميزها ايضا .....
وهيالصفات مشتركه عند الكل ....بس يمكن في اختلاف بطريقه التعاطي والتعامل والظروف ...
وانا بايدك انه هل الصفات منها حصريه ...ولكن سؤالي ماهو المميزبها كما كانت صيغه سؤالي بنهايه الموضوع اليس كل نساء العالم متلها ..........مع احترامي للجميع

:cry::frown: لأ مش أردنية !!
فلسطينية
بس الاردنيات خوات الرجال كمان ومش ناقصهم اشي :frown:


:cry:يا ستي والله ع راسي من فوق, لا تزعلي ماحكينا شي:cry:

اي بس مع كل هدا لسى بحاجه كتير لنحسن من صورتنا بكتير امور ...
اما بالنسبه انه النظره جزئيه فهي بتعتمد على اي مقياس عم تحكي...
على كل الاحوال انا الي شفتو انه الها مكانه كبيره واحترام كبير بالخارج وهدا الشي بيفرح بس بعتقد انه عايد للمرأه السوريه بحد ذاتها وكيف كونت شخصيتها

كل انسان محتاج يطور حالوا لأنو الكمال لله. فأنا معك بهالنقطة. أما فكرة النظرة الجزئية فأنا ماقصدت فيها سلبي, بالعكس كنت عم أكد أنو النظرة للمرأة السورية هي شئ مشتق من شئ أكبر وهو النظرة للشعب السوري ككل. الحق علي يمكن عبرت بطريقة خطأ