رست السفينتان اللتان قررتا كسر حصار اسرائيل على غزة، على شاطئ قطاع غزة الذي تسيطر عليه حركة حماس.
وقد رحب رئيس وزراء الحكومة الفلسطينية المقالة إسماعيل هنية بالسفينتين ودعا الأمين العام لجامعة الدول العربية ووزراء الخارجية العرب لكسر الحصار وزيارة غزة عبر معبر رفح، ودعا أيضا الحكومة المصرية لفتح المعبر.
وقالت وزارة الخارجية الإسرائيلية إن الحكومة الاسرائيلية قررت السماح للسفينتين بالدخول الى غزة وعدم منعهما، وذلك "بهدف وقف النشاط الاعلامي الاستفزازي". وجاء القرار بعد مشاورات أجراها رئيس الحكومة الاسرائيلية أيهود أولمرت مع وزير الدفاع أيهود باراك ووزيرة الخارجية تسيبي ليفني.
لكن مراسلنا في غزة شهدي الكاشف قال في وقت سابق إن الزوارق الحربية الاسرائيلية أطلقت النار على قوارب الصيد الفلسطينية التي غادرت شواطئ غزة لاستقبال السفينتين وحاولت إجبار قوارب الصيد على العودة الى غزة.
وكانت المتحدثة باسم حركة "غزة الحرة"، صاحبة مبادرة السفينتين، انجيلا غودفري غولدشتاين قالت في وقت سابق لوكالة فرانس برس من القدس ان السفينتين اللتين تقلان 44 ناشطا مؤيدين للفلسطينيين "في طريقهم الى القطاع وتقتربان من المياه الاقليمية لقطاع غزة.. لقد تقدموا طوال الليل وكل شيء على ما يرام".
الا انها اوضحت ان هناك مشاكل اتصالات هاتفية بين الناشطين ومنسقي العملية.
كما قال الناشطون على متن السفينتين إن تشويشا الكترونيا أصاب الأجهزة الالكترونية والملاحية وأجهزة الاتصالات، وأن هناك صعوبة في الاتصال بالعالم الخارجي.
من جهته، قال المتحدث باسم وزارة الخارجية الاسرائيلية اريه ميكيل لوكالة فرانس برس "نتابع تطورات هذه القضية واذا حاولوا الاستفزاز فسنعرف كيف نمنع ذلك".



وكانت إسرائيل حذرت الناشطين الذين انطلقوا من جزيرة كريت في 13 أغسطس/آب، من الاقتراب من قطاع غزة.
ووجهت وزارة الخارجية الاسرائيلية رسالة مفتوحة الى المشاركين في الرحلة تقول "نفترض ان نواياكم حسنة ولكن تحرككم سيعني في نهاية المطاف انكم تدعمون نظام مجموعة ارهابية في غزة"، في اشارة الى حماس التي تسيطر على القطاع منذ حزيران/يونيو 2007.
وابحرت السفينتان "حرية" و"حرية غزة" اللتان تقلان اربعين ناشطا متضامنا مع الفلسطينيين من لارنكا بجنوب قبرص يوم الجمعة متوجهتين الى غزة.
واكد عدد من الناشطين تلقي تهديدات بالقتل لمنعهم من المشاركة في الرحلة، ورفعوا شارات النصر قبل الانطلاق في سفينتين للصيد.
واعلنت "حركة غزة الحرة" في بيان لها أنه من أجل "انتزاع اي ذريعة امنية لدى اسرائيل، فقد خضعت سفينتانا الى تفتيش وتدقيق السلطات القبرصية للتاكد من خلوها من الاسلحة او المواد المهربة ايا كانت"، متوقعة ان تعترضها السلطات الاسرائيلية.
كما اعلنت الحركة ان مهمتها "تتمثل في التنديد بعدم شرعية العمليات الاسرائيلية وكسر الحصار للتعبير عن تضامننا مع شعب غزة الذي يعاني".
وتأسست "حركة غزة حرة" قبل عامين وتضم خصوصا مدافعين عن حقوق الانسان وعاملين في المجال الانساني وصحافيين من جنسيات مختلفة.
وكان عدد من الناشطين، الذين ينتمون لأكثر من 14 دولة، قد قالوا إنهم تلقوا تهديدات بالقتل لمنعهم من المشاركة في الرحلة.
ومن ضمن الناشطين لورين بوث، شقيقة زوجة رئيس الوزراء البريطاني السابق توني بلير، والذي يتولى حاليا منصب مبعوث اللجنة الرباعية للسلام في الشرق الأوسط.


المصدر بي بي سي

هدول هني الاوربيين اللي منقعد نسب علين وبس تصيبن مصيبة منقعد نشمت فين

300 مليون عربي, ما حدا استرجى ولا خطرلو يعمل هيك شي , المصريين 70 مليون ما طلع منن بس شي 100 يحاولوا ولو بس يوصلوا شاحنة مساعدات لشعب جار الن عم يموت من الجوع
ونفس الشي بالنسبة لشعوب الخليج المتخمة واللي قاعدين عم يتقاتلوا هلق على مسلسل نور

شي بيضحك من كتر ما ببكي

هدول هني الاوربيين اللي منقعد نسب علين وبس تصيبن مصيبة منقعد نشمت فين

300 مليون عربي, ما حدا استرجى ولا خطرلو يعمل هيك شي , المصريين 70 مليون ما طلع منن بس شي 100 يحاولوا ولو بس يوصلوا شاحنة مساعدات لشعب جار الن عم يموت من الجوع
ونفس الشي بالنسبة لشعوب الخليج المتخمة واللي قاعدين عم يتقاتلوا هلق على مسلسل نور

شي بيضحك من كتر ما ببكي


اي اي ..دخيل ربن ما الذن الاوروبيين ..بيجرحني و بداويني :lol:

اي اي ..دخيل ربن ما الذن الاوروبيين ..بيجرحني و بداويني :lol:


أي لأنو ملائكة نحنا و ما منجرح بحالنا :pos:

بس العربان يعملو نص اللي عملوه الأوربيين للفلسطينيين يبقى منحكي

اي اي ..دخيل ربن ما الذن الاوروبيين ..بيجرحني و بداويني :lol:


اي مو احسن من اللي بيجرحني وما بيداويني ,

الجرح اللي عم تحكي عنو مو مسؤولية الشعوب, بكل دول اوربا الحكومة بتلاقيها بس تحصل على 48 بالمية من اصوات الشعب بتعتبر هالشي انتصار ساحق
بالمانيا حزب انجيلا ميركل حصل باخر انتخابات على 34 بالمية من اصوات الناخبين, هل هدا معناتو انو كل الشعب الالماني مسؤول عن مواقفها المؤيدة لاسرائيل ؟؟

الشعوب الاوربية شعوب حية لانو رغم التعتيم الاعلامي المقصود من قبل وسائل الاعلام الغربية الكبيرة على معاناة غزة ,بتلاقين بيدوروا وبيبحثوا ليلاقوا الحقيقة وبيحاولوا يعملوا شي ضد الظلم

شعوبنا العربية العظيمة, الحقيقة قدامن والقنوات الفضائية ما الها سيرة عنا غير فلسطين , ومع ما حدا كلف خاطرو يعملن اي شي, لك حتى التضامن المعنوي غايب

اي مو احسن من اللي بيجرحني وما بيداويني ,

الجرح اللي عم تحكي عنو مو مسؤولية الشعوب, بكل دول اوربا الحكومة بتلاقيها بس تحصل على 48 بالمية من اصوات الشعب بتعتبر هالشي انتصار ساحق
بالمانيا حزب انجيلا ميركل حصل باخر انتخابات على 34 بالمية من اصوات الناخبين, هل هدا معناتو انو كل الشعب الالماني مسؤول عن مواقفها المؤيدة لاسرائيل ؟؟

الشعوب الاوربية شعوب حية لانو رغم التعتيم الاعلامي المقصود من قبل وسائل الاعلام الغربية الكبيرة على معاناة غزة ,بتلاقين بيدوروا وبيبحثوا ليلاقوا الحقيقة وبيحاولوا يعملوا شي ضد الظلم

شعوبنا العربية العظيمة, الحقيقة قدامن والقنوات الفضائية ما الها سيرة عنا غير فلسطين , ومع ما حدا كلف خاطرو يعملن اي شي, لك حتى التضامن المعنوي غايب

:shock:

مين قلك !!!

يعني عفواً شو نوع التضامن اللي بدك ياه !!

خالد مشعل بسوريا قاعد ...ما بباريس ولا لوكسيمبورغ .....بعدين مين بمثل الواقع اكتر ..سفينتين و لا 35% من الشعب ...انو شو خطر ببالك يعني انو هي اهم من هاي ؟؟

و بعدين شو عرفك شوفي بقلب الشعوب انت ..اللي بيسمعك بفكرك انو بتعرف الشعب الاوروبي عندو قضية فلسطين القضية الاولى !!ّ!

سفينتين ب 40 نفر بعبروا عن اوروبا و السلاح و التمويل و اصلا انشاء اسرائيل ما بعبروا !!!

عجبي :shock:

:shock:

مين قلك !!!

يعني عفواً شو نوع التضامن اللي بدك ياه !!

خالد مشعل بسوريا قاعد ...ما بباريس ولا لوكسيمبورغ .....بعدين مين بمثل الواقع اكتر ..سفينتين و لا 35% من الشعب ...انو شو خطر ببالك يعني انو هي اهم من هاي ؟؟

و بعدين شو عرفك شوفي بقلب الشعوب انت ..اللي بيسمعك بفكرك انو بتعرف الشعب الاوروبي عندو قضية فلسطين القضية الاولى !!ّ!

سفينتين ب 40 نفر بعبروا عن اوروبا و السلاح و التمويل و اصلا انشاء اسرائيل ما بعبروا !!!

عجبي :shock:


وحياة المعكرونة يا أبو نهلة انك ناوي تجبلي الضغط والسكر :lol:

خيو سؤال خالد مشعل بسوريا كرمال عيون القضية الفلسطينية؟؟ واستعادة القدس والحقوق الفلسطينية هيه أول أولوياتنا؟؟يعني خالد مشعل مو حاطينو عنا كرمال يكون ورقة ضغط منلعب فيا على كيفنا؟؟ بتزكر وقت مابلشت المفاوضات السورية الاسرائيلية بالتسعينات كيف سكرنا كل مكاتب حماس ومنعناهون حتى من التصريحات الاعلامية؟

ولا صحيح منيح يلي عاطيونو بيت وكم سيارة أحسن من بلا.. هاد يلي بيطلع بإيدنا عليه.. غريب انو وصلنا لمرحلة انو الخطابات الرنانة صارت انجاز... دخلك شو قدمت سوريا للقضية الفلسطينية أكتر من الخطابات من 40 سنة؟؟ بدك تقلي دعم المقاومة؟؟ أنو مقاومة هي يلي بلشت تضرب ببعضها؟؟


أصلاً جماعتنا نسيانين الجولان من 40 سنة فما بالك بفلسطين... بس بدي افهم منك شغلة برأيك شو بيفرق يلي ساكت عن عم يلي عم يصير بفلسطين عن يلي عم يتاجر بقضية فلسطين؟؟

وحياة المعكرونة يا أبو نهلة انك ناوي تجبلي الضغط والسكر :lol:

خيو سؤال خالد مشعل بسوريا كرمال عيون القضية الفلسطينية؟؟ واستعادة القدس والحقوق الفلسطينية هيه أول أولوياتنا؟؟يعني خالد مشعل مو حاطينو عنا كرمال يكون ورقة ضغط منلعب فيا على كيفنا؟؟ بتزكر وقت مابلشت المفاوضات السورية الاسرائيلية بالتسعينات كيف سكرنا كل مكاتب حماس ومنعناهون حتى من التصريحات الاعلامية؟

ولا صحيح منيح يلي عاطيونو بيت وكم سيارة أحسن من بلا.. هاد يلي بيطلع بإيدنا عليه.. غريب انو وصلنا لمرحلة انو الخطابات الرنانة صارت انجاز... دخلك شو قدمت سوريا للقضية الفلسطينية أكتر من الخطابات من 40 سنة؟؟ بدك تقلي دعم المقاومة؟؟ أنو مقاومة هي يلي بلشت تضرب ببعضها؟؟


أصلاً جماعتنا نسيانين الجولان من 40 سنة فما بالك بفلسطين... بس بدي افهم منك شغلة برأيك شو بيفرق يلي ساكت عن عم يلي عم يصير بفلسطين عن يلي عم يتاجر بقضية فلسطين؟؟

بعيد الشر عن قلبك انا بدي جبلك سكر !!! ...شو شايفني الديلفري بوي !!!

خيو و الله ما بعرف انت شلون بتفكر ...بس تأكد انو سوريا لو بتقدر تحرر فلسطين كانت حررتا !! و لا تنفجر عيونك ...انت زلمي الك موقف معين مخليك ما تشوف مزبوط ...

خالد مشعل ليش بسوريا ؟؟ سال حالك ...يا اخي فرضا انو هو ورقة متل ما حكيت ...ليش هالورقة بايد سوريا ؟؟ ليش ما بايد الاردن مثلاً و ليش كل هالاوراق بايد سوريا ؟؟؟ ليش ما بايد اميركا ؟؟؟؟

اللي مانك عم تشوفو هو انو اللي مانعنا من تحرير الجولان هو الغرب ..ببساطة يعني ...هو اللي حامي اسرائيل و ضاغط ع نفسنا ..

اذات جبت نبي نظامي يعني ..و قلتلو تفضل اشتغل بهالمضوع بس بدون طيور ابابيل ..شو رح يطلع بايدو يعمل ؟؟؟

برايك في شي ممكن ينعمل اكتر من اللي صار بحرب تموز ؟؟ اذا في شي اكتر حكيلي شو هو ...يعني اقترحلي هيك اقتراحات عملية ...انو مثلا كيف منقدر نقصف مطارات اسرائيل و نكون بنفس الوقت معرفلين حركة الاسطول السادس و نمنعو من التدخل و نهدد اوروبا بانو اذا اتدخلت بدنا نستعمل السلاح الخروي !!!

يا حبيبي ايران عم تفكر تعمل سلاح نووي ...قومو عليها القيامة ...لانو ممنوع التوازن ينكسر بالمنطقة و اسرائيل خط احمر ....!!!

يا زلمي بالله حكيلي..لو صار النظام هلأ ع كيف كيفك ...شو بيعمل ..يعني شو هي الاجراءات اللي بدو يعملا مشان يحرر الجولان ؟؟؟

بعيد الشر عن قلبك انا بدي جبلك سكر !!! ...شو شايفني الديلفري بوي !!!

خيو و الله ما بعرف انت شلون بتفكر ...بس تأكد انو سوريا لو بتقدر تحرر فلسطين كانت حررتا !! و لا تنفجر عيونك ...انت زلمي الك موقف معين مخليك ما تشوف مزبوط ...



أول شي هيك غلط حبيب انك تحكم عليي اني ماعم شوف مزبوط... يعني ببساطه هلأ أنا فيني كمان جاوبك انو انت كرهك لأوروبا والغرب عامي قلبك ومو مخليك تشوف مزبوط... وعلى فكرة هالشي فينا نعتبرو نوع من التهرب من المسؤولية والقاء مسؤولية مشاكلنا على أي حدا إلا على المسببين الحقيقي يلي هنن نحنا بكل بساطه..

خالد مشعل ليش بسوريا ؟؟ سال حالك ...يا اخي فرضا انو هو ورقة متل ما حكيت ...ليش هالورقة بايد سوريا ؟؟ ليش ما بايد الاردن مثلاً و ليش كل هالاوراق بايد سوريا ؟؟؟ ليش ما بايد اميركا ؟؟؟؟مافهمت شو السؤال هون؟؟ يعني ليش بإيد سوريا مو بإيد أي حدا.. ليش أي ورقة بالعالم بإيد أي حدا... وين النقطه.. أي حدا بيتفق مع أي حدا ولأي هدف... ممكن يكون الطرفين نيتون منيحة وممكن يكون طرف منون منيح وطرف سيئ وممكن طرفين يكونو سيئين.. مافي مقياس معين

اللي مانك عم تشوفو هو انو اللي مانعنا من تحرير الجولان هو الغرب ..ببساطة يعني ...هو اللي حامي اسرائيل و ضاغط ع نفسنا ..رجعنا لقصة القاء المسؤوليات على أي حدا إلا علينا.. ياعمي شو هالحكي هاد؟ الغرب يلي قال للحكومة ماتكون صادقة مع الشعب؟ الغرب يلي قال للسلطه تفرض قانون الطوارئ 40 سنة بحجة دولة المواجهة ولافي مواجهة ولا مسخرة؟؟
بعدين تعا لقلك اذا عن جد الغرب مانعنا من تحرير الجولان ونحنا مسلمين بهالشي وخرسانين من 40 سنة... لشو علاك قانون الطوارئ ودولة المواجهة وهالكذب هاد؟؟ شو هدفو لكن بس قمع الشعب؟؟

اذات جبت نبي نظامي يعني ..و قلتلو تفضل اشتغل بهالمضوع بس بدون طيور ابابيل ..شو رح يطلع بايدو يعمل ؟؟؟

برايك في شي ممكن ينعمل اكتر من اللي صار بحرب تموز ؟؟ اذا في شي اكتر حكيلي شو هو ...يعني اقترحلي هيك اقتراحات عملية ...انو مثلا كيف منقدر نقصف مطارات اسرائيل و نكون بنفس الوقت معرفلين حركة الاسطول السادس و نمنعو من التدخل و نهدد اوروبا بانو اذا اتدخلت بدنا نستعمل السلاح الخروي !!!هون بحياة أبوك وقفلي عند هالنقطه.. غريب انو نحنا موصلين لمرحلة التباهي بيلي عملو حزب الله وكأنو نحنا جماعة معاقين ومابيطلع بإيدنا نقاوم... دخيلك لاتجاوبني بموال الحسابات الاقليمية والحرب الشاملة.. لأنو بدي ارجعلك لنقطة قانون الطوارئ والتجهيز للحرب من 40 سنة وتجهيز الجيش من 30 سنة للحرب... لك يلعن سما لهاللجيش يلي ما كان يجهز... أديش بدو وقت؟؟ شي 500 سنة؟؟
يا عمي حرب تموز انتصار لصحابها مو لإلنا.. حلو والله أنا بينسرق بيتي وبخرس 100 سنة وفوق هيك بقتل أهل بيتي وبخرسون وبعدين اذا اجا جاري رجع بيتو ودعمتو بهالقصة "لمصالح شخصية طبعاً" وقدر يرجع بيتو بتباهى أنا بهالنصر... زكرتني بالمتل تبع سألو الحمار مين أبوك قلون الحصان خالي...
عمي أنا عم اسأل عن الجولان شو دخلني بحرب تموز؟؟

يا حبيبي ايران عم تفكر تعمل سلاح نووي ...قومو عليها القيامة ...لانو ممنوع التوازن ينكسر بالمنطقة و اسرائيل خط احمر ....!!!
شو يعني؟؟ وين الربط؟؟ أنا عم قلك حكومات الغرب ملائكه مثلاً وفاتحين كاريتاس وعم يوزعو أسلحة نووية على كل الدول مشان يصير في توازن بالمنطقه؟؟ حبيبي أنا يلي عم قلك انو الجماعه مو مناح وبتحكمون مصالحون.. طبعاً انتبه هون انو عم نحكي عن حكومات مو عن شعوب..

يا زلمي بالله حكيلي..لو صار النظام هلأ ع كيف كيفك ...شو بيعمل ..يعني شو هي الاجراءات اللي بدو يعملا مشان يحرر الجولان ؟؟؟ياعيني عليك على هالسؤال: أول شي بيعملو بيتصالح مع الشعب وبس يكون هالنظام عندو كتير شغلات يعملا.. مثلاً
بيعمل سلام مو بيضل خايف من السلام مشان مايرفع قانون الطوارئ والحالة القمعية الحالية... حبيبي نظامك مابيقدر يعمل سلام ولا بدو يعمل سلام... ليش ؟ لأنو اذا عمل سلام شو ضل حجج ليحرق سما الشعب؟؟ كيف بدو يضل حاكم بالبسطار؟؟ شو بقي المبرر؟؟

مثال تاني عن نظام متصالح مع الشعب شو بيقدر يعمل؟

بلا السلام خيو بيعمل حرب.. نظام ديموقراطي صادق بيستغل موارد الدولة وبيشتري سلاح انشالله من العفاريت... لاتصدق انو مافيك تشتري سلاح.. وأساساً بيزيد دعم كل الدنيل لإلك لما يكون نظامك ديموقراطي وبيعبر عن الشعب.. بس لشو بدون يعطوك سلاح؟؟ لتزيد فروع المخابرات؟؟.. النظام الديموقراطي عن جد بيسخر الموارد بمحلا وبيشتري سلاح للحرب اذا لزمت الحرب.... بس بحالة موارد الدولة مسروقة من 40 سنة للشباب أكيد مارح يضل شي نشتري فيه سلاح.. يلي عم يبقى دوبو يكفي حق سيارات لفروعة المخابرات ليعفطو يلي بيحكي كلمة.. يلي بيبقى دوبون يشترو فيه أجهزة مشان يراقبو الانترنت.. يلي بيبقى دوبو يكفي لإنو يكملو على هالشعب ويدعسوه بالصرماية...

صدقني النظام الديموقراطي بيحللك كل مشاكلك بشكل أو بأخر... بداية بالجولان ومو انتهاءً بالبطالة.. كلو بينحل بلدنا أحلى بلد ومشاكلنا كلها بتنحل اذا في حدا صادق همو انو يحلها.. مو همو انو يحرقها كرمال يضل عالكرسي؟

نحن بحاجة لأن تخترق سفن العقل شواطئ أدمغتنا
اما عن السفينتين فقد استغلتا أبشع استغلال سياسي من قبل عصابة حماس
فلقد استغل زعيم العصابة الموقف بإصراره على اختطاف غزة وعدم التراجع عن حماقة فعله المشين

والمثير للخجل أنه يريد من مصر التصفيق له وفتح حدودها مع القطاع المستباح ليكتمل حلمه وحلم أسياده في اسرائيل بالتخلص من القضية وتمزيقها عن طريق القواعد الفقهية الاخوانية المتمثلة بالتهدئة طويــــــــــــــــــــــ ـــــــــــــــــــــــــ ـــــــــــــــــــــــــ ــلة الامد حتى يأتي الله بأمره

أول شي هيك غلط حبيب انك تحكم عليي اني ماعم شوف مزبوط... يعني ببساطه هلأ أنا فيني كمان جاوبك انو انت كرهك لأوروبا والغرب عامي قلبك ومو مخليك تشوف مزبوط... وعلى فكرة هالشي فينا نعتبرو نوع من التهرب من المسؤولية والقاء مسؤولية مشاكلنا على أي حدا إلا على المسببين الحقيقي يلي هنن نحنا بكل بساطه..
مافهمت شو السؤال هون؟؟ يعني ليش بإيد سوريا مو بإيد أي حدا.. ليش أي ورقة بالعالم بإيد أي حدا... وين النقطه.. أي حدا بيتفق مع أي حدا ولأي هدف... ممكن يكون الطرفين نيتون منيحة وممكن يكون طرف منون منيح وطرف سيئ وممكن طرفين يكونو سيئين.. مافي مقياس معين
انت عم تقول انو ورقة بايد سوريا ؟؟ يا اخي طيب ليش سوريا هي اللي اخدت هالورقة دوناً عن غيرها من الدول ...و ليش سوريا مثلا ما بتكب ورقة حماس و تاخد ورقة اسرائيل ؟؟؟ اربحلا بظن ..ما اربحلا ؟؟ و لشو لتلعب وراق اصلاً ..يعني شو بدها بهالشغلة ؟

يا عمي حرب تموز انتصار لصحابها مو لإلنا.. حلو والله أنا بينسرق بيتي وبخرس 100 سنة وفوق هيك بقتل أهل بيتي وبخرسون وبعدين اذا اجا جاري رجع بيتو ودعمتو بهالقصة "لمصالح شخصية طبعاً" وقدر يرجع بيتو بتباهى أنا بهالنصر... زكرتني بالمتل تبع سألو الحمار مين أبوك قلون الحصان خالي...
عمي أنا عم اسأل عن الجولان شو دخلني بحرب تموز؟؟

اي شريك ...الموضوع ما موضوع جارك...هاي ارضك ...جنوب لبنان ارضك متل ما غرب الادن ارضك متل ما الجولان ارضك ...الشغلة ما حصص ..و بصراع استراتيجي طويل الامد اذا بتقدر توجه نخزة لعدوك بكون منيح ...بكون عظيم حتى , بزمناتو كان ابو عمار يقول انو الطريق الى القدس يمر بجونيه ...و بصراحة معو حق ...و الطريق الى الجولان يمر بشبعا ..و الطريق الى القدس يمر بالجولان ...و هزيمة اسرائيل بتموز هي هزيمة...لاسرائيل قب ماتكون انتصار لحزب او لفريق ما ...هي هزيمة لاسرائيل ..هزيمة لاسرائيل . هيك بدك تقراه

اذا هزيمة لاسرائيل ما بتعنيك و بتحس انو ما دخلك فيها ..ترا ما فيني حكيك شي





صدقني النظام الديموقراطي بيحللك كل مشاكلك بشكل أو بأخر... بداية بالجولان ومو انتهاءً بالبطالة.. كلو بينحل بلدنا أحلى بلد ومشاكلنا كلها بتنحل اذا في حدا صادق همو انو يحلها.. مو همو انو يحرقها كرمال يضل عالكرسي؟

و الله يا شريك ..اذا انت قناعتك هيك مشكلة..يعني مفكر انو ما بيعطونا سلاح لانو ما عنا حكومة ديمقراطية :lol:

حبيبي حماس بما انو الموضوع عن غزة...حماس منتخبة ديمقراطيا ع الاخر !!! اي اول ما استلمت من هون ...قطعوا المساعدات الشباب ( الاتحاد الاوروبي يعني ) طيب ما شي بحير الطيز !!!

قالو بدهن ديموقراطية...عملو ديموقراطية..و انتخابات حرة و نزيهة بشهادة مين ماكان.. ربحت حماس !!! لك انشالله تكون حماس هي نفسها تبع الايدز يعني...هاي خيار الشعب يا اخي ! الشعب بدو هدول يمثلوه ..شو الكن عندو ..ليش قطعتوا المساعدات ؟؟؟

بربك يا زلمي هدول تبع ديمقراطية ..انو اذا كان عنا ديمقراطية بيعطونا سلاح ؟؟ والله ما بيعطوك الفجلة اذا ما بدن مقابيلها شي ..مصاصين دماء هدول يا زلمي ..و مكشوفين يعني ..انا مستغرب منك بصراحة :?

معلم لسا ناطر أجوبة على كذا نقطة طرحتلك ياها بنفس الرد...


ولعلمك ماجاوبتني عن الجولان... يعني اذا اسرائيل انهزمت بمدغشقر منستغني عن الجولان ومنكتفي بفرحة انو اسرائيل خسرت بمدغشقر؟؟

الجولان حبيب الجولان الله يرضى عليك... أرضي قبل شبعا ووادي الأردن... حاجتون يكذبو علينا بانتصارات مادخلنا فيا.... الجولان أرضنا وينا؟؟؟؟

:shock:

مين قلك !!!

يعني عفواً شو نوع التضامن اللي بدك ياه !!

خالد مشعل بسوريا قاعد ...ما بباريس ولا لوكسيمبورغ .....بعدين مين بمثل الواقع اكتر ..سفينتين و لا 35% من الشعب ...انو شو خطر ببالك يعني انو هي اهم من هاي ؟؟

و بعدين شو عرفك شوفي بقلب الشعوب انت ..اللي بيسمعك بفكرك انو بتعرف الشعب الاوروبي عندو قضية فلسطين القضية الاولى !!ّ!

سفينتين ب 40 نفر بعبروا عن اوروبا و السلاح و التمويل و اصلا انشاء اسرائيل ما بعبروا !!!

عجبي :shock:


مابعرف شو بدي قلك يعني, اولا انت مفترض انو باوربا الشعوب كلها بتعرف الحقيقة وعندن من المسلمات انو اسرائيل دولة لاشرعية وسرقت ارض شعب تاني
قصة انشاء اسرائيل ما بقت موجودة الا عنا , لانو بعد ما الفلسطينيين نفسن صاروا خوش بوش مع الاسرائيليين و محمود عباس نازل تبويس باولمرت وكل يوم لقاء , لاتتوقع من الاوربيين يكونوا ملكيين اكتر من الملك

القصة انو رغم التعتيم الاعلامي الشديد على جرائم اسرائيل ,لسا في كتير ناس عرفانين انو اسرائيل دولة محتلة وعم ترتكب جرائم , لك بكفي انو ضباط الجيش الاسرائيلي صاروا يخافوا يروحوا على اوربا لانو ممكن يعتقلون بتهم جرائم الحرب , بينما لو واحد منن راح على اي دولة عربية بيفرشولوا السجاد الاحمر

اما قصة 40 نفر , فالشغلة مو بعدد هدول ,في منظمات بالملايين واقفة وراهن ولو في امكانية لكنت شفت العدد اكبر من هيك بكتييير


بعدين شو عرفك شوفي بقلب الشعوب انت ..اللي بيسمعك بفكرك انو بتعرف الشعب الاوروبي عندو قضية فلسطين القضية الاولى !!


لا ما ني قاعد بقلبن ,بس يتابع وسائل الاعلام تبعن وكونها الها مصداقية (متل عنا فرد شكل) بتعبر عن راي الشارع
لما انجيلا ميركل راحت على اسرائيل وقعدت تتذلل الن عملوا باحد الصحف بالمانيا استفتاء والسؤال كان راين بالطريقة اللي اعتذرت فيها ميركل للاسرائيليين , ياسيدي اكتر من 60 بالمية قيموا زيارتها بالسلبية

ليش ؟؟؟ لانو في اغلبية صارت تشوف الحقيقة متل ما هي


بعدين انا مستغرب منك انو بتقلي القاعدة صنع امريكي , وبعدين بتستخدم نفس شعارات القاعدة لتبرر الجرائم اللي صارت ب اسبانيا وامريكا ولندن وغيرها


اللي مانك عم تشوفو هو انو اللي مانعنا من تحرير الجولان هو الغرب ..ببساطة يعني ...هو اللي حامي اسرائيل و ضاغط ع نفسنا


هي حلوة هي , ودخلك ليش ما منعوا حزب الله يحرر ارضو ؟؟

اللي مانعنا نحرر الجولان , هو نفسو النظام المسؤول عن ضياع الجولان من اربعين سنة



العرب لافين رجل على رجل وعم ياركلو وحاطين كل الحق على الغرب الكافر ومبسوطين كتير بهالمعادلة

لا ما ني قاعد بقلبن ,بس يتابع وسائل الاعلام تبعن وكونها الها مصداقية (متل عنا فرد شكل) بتعبر عن راي الشارع
لما انجيلا ميركل راحت على اسرائيل وقعدت تتذلل الن عملوا باحد الصحف بالمانيا استفتاء والسؤال كان راين بالطريقة اللي اعتذرت فيها ميركل للاسرائيليين , ياسيدي اكتر من 60 بالمية قيموا زيارتها بالسلبية

ليش ؟؟؟ لانو في اغلبية صارت تشوف الحقيقة متل ما هي


بعدين انا مستغرب منك انو بتقلي القاعدة صنع امريكي , وبعدين بتستخدم نفس شعارات القاعدة لتبرر الجرائم اللي صارت ب اسبانيا وامريكا ولندن وغيرها

يا زلمي انا اكره شي عليي انو كون عم حكي واحد و يقعد يألف ع لساني ..و هيك يعني عينك عينك !!

ولك عمي شو استخدمت شعارات انا !!! انا شو استخدمت شعارات لحتى عم تقلي انو انا عم استخدم شعارات القاعة ...اي رتو الا ما جعلا تقعد ...شعارات شو هي حبيبي !!!

بعدين حبيبي خلي كل موضوع ع جنب اول شي ...و تاني شي اذا ما حابب تخلي ع جنب ما تجيب حكي من الجيبة !!

انا ما بررت شي ..و خصوصاً ما بررت اي عملية ارهابية !! و ما بسمحلك منوب تخترع حكي من عندك و تحطو ع لساني ...اوك ؟؟

هي حلوة هي , ودخلك ليش ما منعوا حزب الله يحرر ارضو ؟؟

اللي مانعنا نحرر الجولان , هو نفسو النظام المسؤول عن ضياع الجولان من اربعين سنة



العرب لافين رجل على رجل وعم ياركلو وحاطين كل الحق على الغرب الكافر ومبسوطين كتير بهالمعادلة

االغرب الكافر بنظرك ....يهيأ من خلال استخدامك هاي العبارة انو و كأنو انا اللي بقول هيك ...عفوا حبيب ..يمكن انت هيك بتفكر ..انا لاء

ما منعوا حزب الله لانو ما قدروا ..و لانو كان حاطين رهانات ع بعض المخنثين و اصحاب السوابق ... بس وقت شاوف انو ارسال ال LBC و المستقبل انقطع و المنار شغالة ..و انو جماعة الحريري و جعجع طفشوا من البلد و اهالي الضاحية قاعدين تحت القصف و وقت شافوا انو الجيش الاسرائيلي صار مهدد بالبحر و بالجو ..و انو دبابة الميركافا صارت متلا متل البسكليت ....عرفوا انو ما خرج ...عرفت ليش ما قدرو يمنعوا حزب الله !

و كتير حلو هيك الشطح بالخيال !! ..يا زلمي حكو بضمير ..تحرير الجولان عسكريا ممكن شي ؟؟ و اذا كان ممكن شو تكلفتو ؟؟
نورونا يا جماعة ...و الله ماني عم افهم عليكن !!

[quote=hashtnasht;1096589]ياولك عمي شو استخدمت شعارات انا !!! انا شو استخدمت شعارات لحتى عم تقلي انو انا عم استخدم شعارات القاعة ...اي رتو الا ما جعلا تقعد ...شعارات شو هي حبيبي !!!

هلق لما بتجي بتقلي كل الاوربيين والامريكيين مسؤولين عن الجرائم اللي عم تعملها حكوماتن ببلادنا , مو هدا هو التبرير اللي قدمتو القاعدة للجرائم اللي عملتها ضد ناس ابرياء؟؟ ما هي هي البروباغاندا الشيطانية تبع القاعدة , انو اضرب الشعب وفجر بهالقطارات و بهالطيارات لحتى ينتخبوا الناس اللي بدنا ياهن


انا ما بررت شي ..و خصوصاً ما بررت اي عملية ارهابية !! و ما بسمحلك منوب تخترع حكي من عندك و تحطو ع لساني ...اوك ؟؟

لاء ما بررت بنوب , بس بررت الشماتة فين و لبست الشعوب كاملة كل المسؤولية , اذا انت هيك عم تحكي اصبح شلون السلفيين والاصوليين بدن يحكوا؟؟؟

االغرب الكافر بنظرك ....يهيأ من خلال استخدامك هاي العبارة انو و كأنو انا اللي بقول هيك ...عفوا حبيب ..يمكن انت هيك بتفكر ..انا لاء

وكمان هي ما قصدتك فيها , قصدت صورة العربي اللي بيحط الحق بكل شي على العدو

و كتير حلو هيك الشطح بالخيال !! ..يا زلمي حكو بضمير ..تحرير الجولان عسكريا ممكن شي ؟؟ و اذا كان ممكن شو تكلفتو ؟؟

اولا يا معلم تحرير الجولان مو يعني تدمير اسرائيل لحتى تقلي خيال , انا عم قول اللبنانيين مو احسن مننا ولا اشطر وليكن بعد 18 سنة مقاومة وصلوا, نحني طوال الاربعين سنة الماضية بتقدر تقلي شو عمل النظام ليحرر الجولان؟؟؟؟؟ بعد اتفاقية فصل القوات تبع 1974 اجى هنري كيسنجر وعمل اتفاقية جنتلمان مع النظام , بموجبها تسكرت الجبهة بالشمع الاحمر , ومنعوا حتى ناس تسكن بالقنيطرة المحررة مشان يمنعوا اي امكانية لمقاومة شعبية
وبدل هالشي تركزت سياسة ال الاسد على لبنان وبس وخود على اعتقالات و مذابح و قوانين طوارئ ونهب للشعب وكلو باسم الصمود والمواجهه وتحرير الجولان اللي ما شفنا ولا رح نشوف منو شي

انا ما عم قول الشغلة سهلة , بس لو في بسوريا نظام وطني , يحط خطة مقاومة شعبية شبيهه باللي صار بلبنان ساعتها بتقدر تسال هالسؤال, اما بوجود هيك نظام ,الجولان في اسفل قائمة اولوياتو , مافيك تسال ممكن التحرير عسكريا ولا لاء ,لانو اصلا الفكرة عندن مو مطروحة لانو سلامة النظام اهم من الشام نفسها مو من الجولان بس.



quote]

هلق لما بتجي بتقلي كل الاوربيين والامريكيين مسؤولين عن الجرائم اللي عم تعملها حكوماتن ببلادنا , مو هدا هو التبرير اللي قدمتو القاعدة للجرائم اللي عملتها ضد ناس ابرياء؟؟ ما هي هي البروباغاندا الشيطانية تبع القاعدة , انو اضرب الشعب وفجر بهالقطارات و بهالطيارات لحتى ينتخبوا الناس اللي بدنا ياهن


انا اللي عم قولو انو ضرب المدنيني بالعراق على ايد الحكومات الغربية اكتر وحشية بكتير من ضرب المدنين بالغرب على ايد عصابات مارقة !! ...هاد اللي عم قولو ..و الحكومات الغربية هي المسؤولة هون...ما العصابات المارقة ..و هالشي بعتقد واضح ومفهوم ..ما عم قول انو مبرر ..و حياة شو ما بدك مانو مبرر ...اذا في حدا ببرر هالشي هي حكومات متل حكومة جورج بوش و ازنار و توني بلير....هني ببررو ضرب المدنين ..و بيخترعوا اكاذيب مكشوفة مشان يقتلوا الملايين من الابرياء ...روح حكيهن الن هالحكي..ما تحكيني الي !!

لاء ما بررت بنوب , بس بررت الشماتة فين و لبست الشعوب كاملة كل المسؤولية , اذا انت هيك عم تحكي اصبح شلون السلفيين والاصوليين بدن يحكوا؟؟؟

يا حبيبي انا لا لبست ولا شلحت الله يرضى عليك....السلفين ما صاروا سلفيين الا من عمايل الاميركان و الصهوينية و بتشجيع من الاميركان و الصهيونية ...مين اللي اثار الغرائز بالعراق ...مين ؟؟
و برجع بقلك...الشماتة مانها تصرف انساني ولا مبرر بس هو طبيعي ..يعني مانو جاي خارج النسق ...جاي بشكل مترادف مع كلشي عم يصير

وكمان هي ما قصدتك فيها , قصدت صورة العربي اللي بيحط الحق بكل شي على العدو

اي انو يعني مبالغة ...و اذا في مبالغة ..قديش بعيدة عن الحقيقة !!!




اولا يا معلم تحرير الجولان مو يعني تدمير اسرائيل لحتى تقلي خيال , انا عم قول اللبنانيين مو احسن مننا ولا اشطر وليكن بعد 18 سنة مقاومة وصلوا, نحني طوال الاربعين سنة الماضية بتقدر تقلي شو عمل النظام ليحرر الجولان؟؟؟؟؟ بعد اتفاقية فصل القوات تبع 1974 اجى هنري كيسنجر وعمل اتفاقية جنتلمان مع النظام , بموجبها تسكرت الجبهة بالشمع الاحمر , ومنعوا حتى ناس تسكن بالقنيطرة المحررة مشان يمنعوا اي امكانية لمقاومة شعبية

يا زلمي اذا انت عم تقول كيسنجر ...اي شو لسا انا بدي قلك !!!!

انا اللي بعرفوا انو بال 73 صار في حرب ...حرب سورية مصرية لتحرير الارض ...يعني اكيد ما كانو عاملين الحرب تسالي !!
و النظام هو اللي قاد هالحر و خططلا و جهزلا ... و اللي صار بالحرب معروف ...من خيانة السادات و الملك حسين
و من الجسر الجوي الامريكي لدعم اسرائيل ...بتعرف كم يوم ضلت سوريا بحرب استنزاف !!!

حبيبي الامور مع اسرائيل ما نزهة ...بتتمشى فيها ع كيفك ...و شو هيي المقاومة الشعبية بنظرك !!!

سورية بعد ال 73 كانت محاصرة من كل الدنيا ..و لا يزال الحصار ..باشكال مختلفة ...انت يمكن صغير ..ما بتذكر كيف كانت علبة المحارم حلم للمواطن السوري ..بالتمانينات ...طبعا عدا عن تنكة الزيت و شوية الرز!!

ولا عمي مين الحصار !!!!!.... مين اللي كان قاطع عني حتى كاسة الشاي !!!! .النظام !!!!


وبدل هالشي تركزت سياسة ال الاسد على لبنان وبس وخود على اعتقالات و مذابح و قوانين طوارئ ونهب للشعب وكلو باسم الصمود والمواجهه وتحرير الجولان اللي ما شفنا ولا رح نشوف منو شي

انا ما عم قول الشغلة سهلة , بس لو في بسوريا نظام وطني , يحط خطة مقاومة شعبية شبيهه باللي صار بلبنان ساعتها بتقدر تسال هالسؤال, اما بوجود هيك نظام ,الجولان في اسفل قائمة اولوياتو , مافيك تسال ممكن التحرير عسكريا ولا لاء ,لانو اصلا الفكرة عندن مو مطروحة لانو سلامة النظام اهم من الشام نفسها مو من الجولان بس.

شو هو النظام الوطني برايك ؟ و بعدين قلي شوهي المقاومة الشعبية !!

هادا حكي هوائي ,,بالهوا يعني ...بتحكي ع الفضا ....يا زلمي سوريا كلا مهددة...و بتقلي الجولان !! يعني ما بيعنيلك شي انو من شي عشرين سنة مافي اتحاد سوفيتي !!
ما بيعنيلك شي انو اميركا بالعراق !!
ما بيعنيلك شي انو ما باقي غير سوريا و لبنان ما وقعوا سلام مع اسرائيل!!

طيب بتشارط انو لو النظام كان عامل حرب ع اسرائيل ..و اجيبت اميركا و دمرتلنا البنية التحتية ..كنت انت اول الناس اللي عم يحكوا عن مغامرات غير محسوبة !! ;)

يا سيدي بالعكس ..اداء النظام بالنسبة للاراضي المحتلة و مسألة البقاء ع الخارطة السياسية ...هو من افضل ما يكون

و اللي بدو يحافظ ع الكرسي اسهلوا بالف مرة انو يكون بصف ااميركا و اخواتها ....و ما كان بحالف ايران!!

و لحد هون انا ما عاد عندي شي ضيفو ..كتير نضيف هيك

تحياتي

انا اللي بعرفوا انو بال 73 صار في حرب ...حرب سورية مصرية لتحرير الارض ...يعني اكيد ما كانو عاملين الحرب تسالي !!

الحرب ما صارت بهدف تحرير شي, السادات عملها لانو كان بدو يبدا تفاوض مع اسرائيل من بعدها وما كان بدو يبدا المفاوضات من موقع مهزوم, وحافظ الاسد عملها لاهداف داخلية بحتة واحد منها كان انو ينسي العالم انو هو كان وزير الدفاع اللي اعطى امر الانسحاب العشوائي سنة 1967 من القنيطرة


حبيبي الامور مع اسرائيل ما نزهة ...بتتمشى فيها ع كيفك ...و شو هيي المقاومة الشعبية بنظرك !!!

المقاومة الشعبية بنظري , اولا انك تسمح للشعب يتولى زمام المبادرة بنفسو اذا الدولة عاجزة ,متل لبنان تماما , بس المشكلة اذا الشعب مو حر ما في تحكي عن شي اسمو مقاومة شعبية

سورية بعد ال 73 كانت محاصرة من كل الدنيا ..و لا يزال الحصار ..باشكال مختلفة ...انت يمكن صغير ..ما بتذكر كيف كانت علبة المحارم حلم للمواطن السوري ..بالتمانينات ...طبعا عدا عن تنكة الزيت و شوية الرز!!

لا بتذكر القصة مظبوط , ما كنت صغير كتير وقتها , بذكر لما الناس بعز ازمة السمنة , طلعو على طريق حمص الشام على احد تماثيل حافظ الاسد وحطولوا براسو سطلة سمنة , ليش يا حزرك لانو الناس محملة النظام المسؤولية عن اللي صار
بعز الحصار اللي عم تحكي عنو , رفعت الاسد قش الخزينة ومو بس هيك راحوا شحدولوا من القذافي كمان واخد ملياري دولار ليعربد فين باوربا ,
ولا عمي مين الحصار !!!!!.... مين اللي كان قاطع عني حتى كاسة الشاي !!!! .النظام !!!!

لو لا نظام الصمود والتصدي ,عنا بسوريا خيرات بتكفينا مية سنة حصار لقدام , بس شو بدك تعمل اذا الرفاق المناضلين ما بيقدروا يتحملوا بلا سرقة




شو هو النظام الوطني برايك ؟ و بعدين قلي شوهي المقاومة الشعبية !!

النظام الوطني هو عكس نظام بيت الاسد الحالي بسوريا , بكل شي

هادا حكي هوائي ,,بالهوا يعني ...بتحكي ع الفضا ....يا زلمي سوريا كلا مهددة.
قصدك حكم بيت الاسد مهدد , سوريا رح تبقى سوريا لو انقلعوا لاتخاف عليها


طيب بتشارط انو لو النظام كان عامل حرب ع اسرائيل ..و اجيبت اميركا و دمرتلنا البنية التحتية ..كنت انت اول الناس اللي عم يحكوا عن مغامرات غير محسوبة !! ;)

قلتلك ما بدنا النظام يعمل حرب على اسرائيل, كل المطلوب كان انو يلعب دور شبيه بدور الجيش الببناني مع حزب الله ,بس هو اجبن واحقر من انو يفكر بهيك شي , لانو كل اللي بدو ياه هو بس يستمر بالحكم ويضلو يتوارثو بين بعضن وطز بكل شي تاني


و اللي بدو يحافظ ع الكرسي اسهلوا بالف مرة انو يكون بصف ااميركا و اخواتها ....و ما كان بحالف ايران!!

لاء هدا تحليل اسمحلي قلك انو شوي سطحي , تركيبة النظام الداخلية ووضعو داخل سوريا فرضوا علي من اول ما ركبوا حافظ الاسد بهالشكل يبقى راكب موجة الصمود و التصدي و التظاهر بالعداء لامريكا (مع انو سبق انو علنا تحالف معها لما اقتضت مصلحة النظام)






بعرف خرجنا شوي عن الموضوع بس كلو بهالعالم العربي داخل ببعضو