الأمور السلبية بأخوية... نقد ذاتي [الأرشيـــــف]

bki

30/08/2008, 14:36

بتصور إنو ماحدا بيعارضني بفكرة إنو الكمال لله. ومن هون ورغم حبنا وإلتزامنا بدعم هالموقع والمنتدى الرائع انطلاقاً من اسمو وحتى أخر كلمة مكتوبة فيه يجب علينا لتطوير ذاتنا معرفة نقاط ضعفنا لتقويتها أو ع الأقل سدها. بتمنى ماحدا يزعل من هالنقد لأنو هدفو التطوير, وبتمنى ماحدا يسئ استخداموا لأغراض شخصةية أو تصفية حساب. مابدنا حدا يجي ذكرنا بميزات أخوية لأنو لولا هالميزات ماكنا هون وماتعبنا حالنا ونزلنا ولو موشوع واحد, هون بنحكي عن الأمور اللي شايفين إنها سلبية أو المجالات اللي بنتوقع إنو اذا صارت بأخوية رح تقويه وتزيد من شعبيتو.

أنا رح بلش بطرح نقطة سلبية شفتها ببعض المواضيع واللي هيي التسفيه والتهجم من بعض الأعضاء على البعض الأخر بسبب الدين, بسبب الجنس, سوء تفاهم... الخ. بس هاد مو وعي شباب ناضج. اللي مابيشاركك بالرأي لاتحبو بس احترمو, لا تسفه رأيو, لا تستخدم كلما مابتليق بشبابك ولا بوعيك, احترم الغير لتكون محترم.

(أنا حبيت بلش بنقد الأعضاء واللي أنا منهن قبل ما انقد أي شي بأخوية لأنو كلنا ناقصين والكمال لله)

ذكرى جميلة

30/08/2008, 14:41

موضوع رائع عن جد لازم ننقد حالنا لنحسن من أسلوبنا
أنا بوافقك الرأي
المفروض إنو نحاول نحترم غيرنا بردودنا مهمى كان مشان نحافظ على مستوى راقي في التعامل
و يحترمنا الجميع

bki

30/08/2008, 14:48

عن جد لازم ننقد حالنا لنحسن من أسلوبنا
أنا بوافقك الرأي
المفروض إنو نحاول نحترم غيرنا بردودنا مهمى كان مشان نحافظ على مستوى راقي في التعامل
و يحترمنا الجميع

بشكر ردك. بس بتعرفي شو, مو المشكلة إنو ننقد وبس,لأ لازم كل واحد فينا يحاول يطبق الشي الصح لما بيعرف إنو صح, كل واحد فينا, أصحاب الموقع, المشرفين, الأعضاء. ماحدا أعلى من إنو يخطئ ومالازم حدا يترفع بنفسو عن ثواب التصحيح

Ms. J.A

30/08/2008, 14:54

صارلي فترة طويلة بأخوية بس مش متواصلة دايما يعني كأني جديدة!!
بتخيل لحتى تقدر تنتقد أخوية لازم تكون تعرفها منيح وفاهم جوها منيح وفاهم الناس اللي فيها منيح :)
كأنو موضوعك بكّير عليه شوي لأنو اخوية مش زي اي منتدى انت بتعرفو :D

biomen

30/08/2008, 14:55

حلوة الفكرة....النقد للتغير...

بالتوفيق :D

ذكرى جميلة

30/08/2008, 14:58

بشكر ردك. بس بتعرفي شو, مو المشكلة إنو ننقد وبس,لأ لازم كل واحد فينا يحاول يطبق الشي الصح لما بيعرف إنو صح, كل واحد فينا, أصحاب الموقع, المشرفين, الأعضاء. ماحدا أعلى من إنو يخطئ ومالازم حدا يترفع بنفسو عن ثواب التصحيح
أكيد لازم يكون في تطبيق من الكل هيك يكون الاحترام متبادل
يعطيك العافية

bki

30/08/2008, 15:04

صارلي فترة طويلة بأخوية بس مش متواصلة دايما يعني كأني جديدة!!
بتخيل لحتى تقدر تنتقد أخوية لازم تكون تعرفها منيح وفاهم جوها منيح وفاهم الناس اللي فيها منيح :)
كأنو موضوعك بكّير عليه شوي لأنو اخوية مش زي اي منتدى انت بتعرفو :D

بالأول مو الهدف نقد أخوية, الهدف تطوير أخوية.
ثانياً مومحتاج الأمر لتكوني عضو معتق بأخوية لتميزي بين شي صح وخطأ, العضو القديم ممكن يلاحظ الاخطاء اللي كانت موجودة بالأول وانحلت, ممكن يشوف أخطاء أكثر من غيرو, ممكن يطرح حلول واقعية وبتناسب أخوية أكثر من غيرو, بتفق معك بهيك نقاط بس باعتقادي مو هوي الوحيد اللي يقدر يميز الصح من الخطأ بأخوية.
ثالثاً شو هوي معيار بكير ع هيك موضوع أو لأ, أنا ممكن عضو جديد بأخوية من حيث المشاركات بس أقدم من حيث المتابعة بعدين هالموضوع مو لشخصي, لأ, هالموضوع للكل ولأخوية وبالتالي لما قدامى الأعضاء بيطرحو رأين ولما غدارة أخوية تطرح رأيها كمان, بيصل الهدف المطلوب من هيك موضوع.
أخيراً أنا من أول مشاركة بأخوية كتبت وبصدق أخوية هو المكان الوحيد اللي بكتب فيه لأنو هالمنتدى عندو فكرة ورؤية مو متل غيرو من المنتديات, بتفق معك بهالنقطة, وهي من الأسباب اللي خلتني اطرح هالموضوع للنقاش.

عموماً خلي الأعضاء وادارة المنتدى بيقرروا إذا أخوية بالوضع الحالي بالوضع المثالي أو لأ.
شكراً لردك

LiOnHeArT.3LA2

30/08/2008, 15:08

بتخيل لحتى تقدر تنتقد أخوية لازم تكون تعرفها منيح وفاهم جوها منيح وفاهم الناس اللي فيها منيح ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
كأنو موضوعك بكّير عليه شوي لأنو اخوية مش زي اي منتدى انت بتعرفو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

فكرة منيحة

hamodeh_caesar

30/08/2008, 15:10

انا بدي انتقد اول شي الناس الي ردو عالموضوع لانه الموضوع فهمت منه انه احنا لازم ننتقد الاشياء الغلط بالمنتدى مش نحكي عن الموضوع حلو ونطلع
سوري يمكن تدخلت بشأن صاحب الموضوع.
ومهما تحاول تصلح مارح توصل لإشي لأنه الي جاي مشان يتسلى وينكش مخاته صعب تغيير فيه اشي ويمكن اكون انا واحد منهم.;)

biomen

30/08/2008, 15:23

انا بدي انتقد اول شي الناس الي ردو عالموضوع لانه الموضوع فهمت منه انه احنا لازم ننتقد الاشياء الغلط بالمنتدى مش نحكي عن الموضوع حلو ونطلع
سوري يمكن تدخلت بشأن صاحب الموضوع.
ومهما تحاول تصلح مارح توصل لإشي لأنه الي جاي مشان يتسلى وينكش مخاته صعب تغيير فيه اشي ويمكن اكون انا واحد منهم.;)

هلا حكيك صح....بس نهاية الموضوع معروفة مسبقا
انا مانقص من الموضوع او غلق الابواب ابدا
الهدف من الموضوع نبيل و احنا اكيد معا لتغيير الاخوية للاحسن و اذا ما انتقدنا انفسنا و اعرفنا عيوبنا...ما رح نقدر نغير شي
بس صار في كتير مواضيع تحاول انها تحل هالنقاشات الفاضية اللي عم تصير بين الاعضاء و محاولة حسم بعض التجاوزات و الاختلافات.. في سبيل نفس الهدف... بس نهايتها انو تكتب ردودك و تتفاعل مع الموضوع ...و في النهاية ما يصير شي
و تلاقي الهدف من الموضوع طار :?:pos:

ما تعتبر كلامي مثبط ...بس هو نقد كمان

:D

Ms. J.A

30/08/2008, 15:27

بالأول مو الهدف نقد أخوية, الهدف تطوير أخوية.
ثانياً مومحتاج الأمر لتكوني عضو معتق بأخوية لتميزي بين شي صح وخطأ, العضو القديم ممكن يلاحظ الاخطاء اللي كانت موجودة بالأول وانحلت, ممكن يشوف أخطاء أكثر من غيرو, ممكن يطرح حلول واقعية وبتناسب أخوية أكثر من غيرو, بتفق معك بهيك نقاط بس باعتقادي مو هوي الوحيد اللي يقدر يميز الصح من الخطأ بأخوية.
ثالثاً شو هوي معيار بكير ع هيك موضوع أو لأ, أنا ممكن عضو جديد بأخوية من حيث المشاركات بس أقدم من حيث المتابعة بعدين هالموضوع مو لشخصي, لأ, هالموضوع للكل ولأخوية وبالتالي لما قدامى الأعضاء بيطرحو رأين ولما غدارة أخوية تطرح رأيها كمان, بيصل الهدف المطلوب من هيك موضوع.
أخيراً أنا من أول مشاركة بأخوية كتبت وبصدق أخوية هو المكان الوحيد اللي بكتب فيه لأنو هالمنتدى عندو فكرة ورؤية مو متل غيرو من المنتديات, بتفق معك بهالنقطة, وهي من الأسباب اللي خلتني اطرح هالموضوع للنقاش.

عموماً خلي الأعضاء وادارة المنتدى بيقرروا إذا أخوية بالوضع الحالي بالوضع المثالي أو لأ.
شكراً لردك
اكيد مش بالوضع المثالي!!
بس القصد انو اللي بأخوية من فترة بيعرف انو جوها مميز وبدك فترة لتفهمو!!
ولحتى تقدر تنتقد وتعرف الغلط من الصح لازم تفهم الجو اللي انت فيه !!

bki

30/08/2008, 15:29

انا بدي انتقد اول شي الناس الي ردو عالموضوع لانه الموضوع فهمت منه انه احنا لازم ننتقد الاشياء الغلط بالمنتدى مش نحكي عن الموضوع حلو ونطلع
سوري يمكن تدخلت بشأن صاحب الموضوع.
ومهما تحاول تصلح مارح توصل لإشي لأنه الي جاي مشان يتسلى وينكش مخاته صعب تغيير فيه اشي ويمكن اكون انا واحد منهم.;)

كلامك صحيح والله. بشكرك للفت الإنتباه لهالنقطة, لأنو بالموضوع نفسو أنا طلبت إنو مايكون الرد لمدح الأخوية لأنو نحن بنحبها ومو محتاجين حدا يمدحها قدامنا.

أما نقطة إنو مهما تحاول تصلح... مابوافقك فيها لأنو مو كل اللي بيفوت ع أخوية بس ليتسلى بالمعنى السلبي. بعتقد اللي فايت ليتسلى بدون اي احساس بالمسؤولية تجاه الشي اللي عم تطرحو أخوية ماراح يكلف خاطرو ويفوت ع هيك موضوع بيهم اللي بيحب أخوية وبيهمو أمرها.

بالأخير حاول, شرف التجربة مقدس

bki

30/08/2008, 15:32

هلا حكيك صح....بس نهاية الموضوع معروفة مسبقا
انا مانقص من الموضوع او غلق الابواب ابدا
الهدف من الموضوع نبيل و احنا اكيد معا لتغيير الاخوية للاحسن و اذا ما انتقدنا انفسنا و اعرفنا عيوبنا...ما رح نقدر نغير شي
بس صار في كتير مواضيع تحاول انها تحل هالنقاشات الفاضية اللي عم تصير بين الاعضاء و محاولة حسم بعض التجاوزات و الاختلافات.. في سبيل نفس الهدف... بس نهايتها انو تكتب ردودك و تتفاعل مع الموضوع ...و في النهاية ما يصير شي
و تلاقي الهدف من الموضوع طار :?:pos:

ما تعتبر كلامي مثبط ...بس هو نقد كمان

:D

النقاشات هي هيي مشكلة من المشاكل الموجودة بأخوية, يمكن مافينا نحل هالنقطة, بس فينا نحل غيرها.

إنتي شو شفتي شي بأخوية حاسيتيه غلط, أو في شي أحسن ممكن يكون, شو في موقف صار معك بأخوية حابة تلقي الضو عليه. ما عك احكي بس ع الجدالات اللي عم تصير بأخوية, عم أحكي ع كلشي شلبي بأخوية.

bki

30/08/2008, 15:35

اكيد مش بالوضع المثالي!!
بس القصد انو اللي بأخوية من فترة بيعرف انو جوها مميز وبدك فترة لتفهمو!!
ولحتى تقدر تنتقد وتعرف الغلط من الصح لازم تفهم الجو اللي انت فيه !!

برجع وبقلك من جديد, ممكن أنا مافهمت جو أخوية لسا, بس في غيري أكيد فهمو, خليني أنا عم اتفرج وخليه هوي عن ينتقد, بالنتيجة رح نصل لصورة أوضح وأنقى لأخوية ممكن يساعد القايمين ع أخوية ليصححوا توجههن, أو يديروا الدفة بشكل أفضل.

wild_angel

30/08/2008, 15:38

والله ملينا كل مابينطلي عضو جديد بيفرد عضلاتو عن سلبيات أخوية ....
يا جماعة افردوا عضلاتكون شي مرة واكتبوا عن الاشياء الإيجابية ...
وعلى ما أذكر انطرح موضوع متل هاد من قبل واتناقشنا فيه وخلصنا ...
وعلى سيرة النقد البناء انتو الي عم تعملوا سلبيات بأخوية بهل المواضيع المكررة الي تمللنا واحنا نكتب فيها ...

وشكرا ..:D

hamodeh_caesar

30/08/2008, 15:42

والله ملينا كل مابينطلي عضو جديد بيفرد عضلاتو عن سلبيات أخوية ....
يا جماعة افردوا عضلاتكون شي مرة واكتبوا عن الاشياء الإيجابية ...
وعلى ما أذكر انطرح موضوع متل هاد من قبل واتناقشنا فيه وخلصنا ...
وعلى سيرة النقد البناء انتو الي عم تعملوا سلبيات بأخوية بهل المواضيع المكررة الي تمللنا واحنا نكتب فيها ...

وشكرا ..:D
طيب شوفي حالك اول.

hamodeh_caesar

30/08/2008, 15:43

والله ملينا كل مابينطلي عضو جديد بيفرد عضلاتو عن سلبيات أخوية ....
يا جماعة افردوا عضلاتكون شي مرة واكتبوا عن الاشياء الإيجابية ...
وعلى ما أذكر انطرح موضوع متل هاد من قبل واتناقشنا فيه وخلصنا ...
وعلى سيرة النقد البناء انتو الي عم تعملوا سلبيات بأخوية بهل المواضيع المكررة الي تمللنا واحنا نكتب فيها ...

وشكرا ..:D
الي مش عاجبو لا يدخل عهيك موضوع يا قديمة اخويه انت;)

wild_angel

30/08/2008, 15:43

طيب شوفي حالك اول.

شوف حالي :shock: أرجو التوضيح مخي سميك اليوم ما فهمت ..:pos:

bki

30/08/2008, 15:54

والله ملينا كل مابينطلي عضو جديد بيفرد عضلاتو عن سلبيات أخوية ....
يا جماعة افردوا عضلاتكون شي مرة واكتبوا عن الاشياء الإيجابية ...
وعلى ما أذكر انطرح موضوع متل هاد من قبل واتناقشنا فيه وخلصنا ...
وعلى سيرة النقد البناء انتو الي عم تعملوا سلبيات بأخوية بهل المواضيع المكررة الي تمللنا واحنا نكتب فيها ...

وشكرا ..:D

شكراً كثير لتفكيرك بهالطريقة, فرد عضلات.....
النقد لازم يظل دوماً بين عيونا لأنو أنفع من المدح, المدح بالوش مذمة, أنا هيك اتربيت. النقد عملية مستمرة,إنتي لازم تنقدي نفسك كل يوم قبل لتنامي, وأنا كل الناس اللس بيهمن إنو بكونوا بكرة أفضل من اليوم.
برجع بقلك شكراً هون كمان عالطريقة التهجمية تبع انتو اللي بتحطو مواضع مكررة, رح قلك شغلة هون ياستي الكريمة, بالأول الموضوع اللي بيكون انطرح بزماناتو,انطرح وأخد طاقتو من النقاش وانتهى, فلما بينطرح مرة ثانية رح يواجه واقعين الاول مارح يلتكش حدا فيه لأنو مو مهم وبالي والثاني رح يكون محور نقاش جديد لأنو مهم. فأعطي الموضوع الطريق اللي بيحددوا الأعضاء بتفاعلن مو من خلال وجهة نظرك بس مع احترامي إلك. بعدين الموضوع عنوانوا واضح, والله ماحدا مجبور يفوت عليه ويكتب فيه كلمة إذا كان ملان وقرفان من تكرروا. هيك المنطق بيقول

bki

30/08/2008, 16:01

وهي كمان نقطة سلبية ببعض اعضاء أخوية. الحكم ع الشي من قشرتو السطحية, التهجم بالرد, محاولة فرض الرأي بالقوة, اعتبار مانراه صحيحاً صحيحاً بالمطلق والعكس صحيح, لك ياعمي الحياة غير.

أنا ماني من أنصار المثال الغربي والتمثل فيهن لأنو نحن عنا أمور أفضل بس هاد مابيلغي فكرة إنو عندن أمور مو موجودة عنا, اللي بيتابع مباريات كرة القدم, وخاصة الدولية متل كأس العالم وماشابه بيشوف الناس اللي قطعت مئات الكيلومترات ليحضروا مبارات فريقن, ع المدرجات بيكون جنبن ناس بيشجعو الفريق الثاني, ورغم هيك مافي مشاكل, ليش برأيكن؟ الكل عم يحترم الكل, والبقاء للصح مو للأقوى

bki

30/08/2008, 16:05

إذا بتسمحلي بقلك إنو إسلوبها مهما كان مابيعطيك الحق بإنو ترد بنفس الطريقة. أنا كمان عصبت منو بس هاد رأيها, وهيي حرة فيه. مافيك تجبر حدا يغير فكرو خاصة بهالزمن, حاورو ممكن يكون أفضل. وبالنهاية ممكن هي الصح وإنت الغلط.

تحياتي إلك وللجميع

حبيبة فلسطين

30/08/2008, 16:37

طبعا متل ما قلت هاي اكبر السيئات و اولها في اخويه اكيد اعرفناها من اول الموضوع لانه المسئ بعرف بشخصيته

boy freind

30/08/2008, 17:18

انا برأيي مشان تضل اخوية منيحة

تصير المشاركات ما بتنحسب ولا بمحل

مشان يلي جاية يعلك يأحط :D

hamido1979

30/08/2008, 17:47

انا برأيي مشان تضل اخوية منيحة

تصير المشاركات ما بتنحسب ولا بمحل

مشان يلي جاية يعلك يأحط :D
فكرة حلوة ..................

bki

31/08/2008, 23:02

انا برأيي مشان تضل اخوية منيحة

تصير المشاركات ما بتنحسب ولا بمحل

مشان يلي جاية يعلك يأحط :D

والله أنا مع هالفكرة, وكمان لازم كل عضو بيثير نزاعات بلا طعمة وبدون وجه حق لازم يتسكر الباب بوشو لأنو مابيشرفنا هيك أشخاص ماسكين السلم بالعرض وماشيين, موشايفين أبعد من أنفن.

خلونا نخلص من هالعقلية هيي, خلونا نترفع بتفكيرنا وبطريقة تعاملنا مع الرأي الآخر, سياسة غصبن عنك هي موضة قديمة مشرشحة, إذا كنت قوي خلي منطق حوارك هو اللي بيفرض رأيك مو الكلمات النابية أو الإتهامات الباطلة, لأنو كلنا فينا ننزل لمستواها بس نحن أكبر منها, أو للبعض يفترض يكونوا

boy freind

27/09/2008, 02:35

يا جماعة افردوا عضلاتكون شي مرة واكتبوا عن الاشياء الإيجابية

الاشياء الايجابية لا تحصى بدها قسم لحالها مو بس موضوع :larg:

bki

27/09/2008, 02:42

الاشياء الايجابية لا تحصى بدها قسم لحالها مو بس موضوع :larg:

أخي الكريم, الأشياء الإيجابية هي سبب تواجدنا بأخوية, وبعدين لأنو نحن نؤمن بأخوية واجبنا انعزز الأمور الإيجابية فيها, ومتل مابيقولوا لا شكر على واجب

boy freind

27/09/2008, 02:58

هلأ انا برأيي اهم شغلة سلبية هون هي غياب HUS

و اذا ما بتعرف HUS هو القائم بأخوية بمعنى هو صاحب الموقع يعني عندو اعلى سلطة بيقدر يعزل المشرفين و بيقدر يعمل كل شي

بس حاليا هو ما بيدخل و تارك الامور بايد الشباب

satoman

27/09/2008, 03:06

وووووووووووووووووين ووووووووووووووووووووووين رايحين كنا مااحلانا شو خطر على بالكم

هشام ابو شرار

27/09/2008, 03:12

في كتير شغلات مو واضحة حول المخالفات متل يعني احتساب المخالفات وعددها ومشكلة انه الواحد كم مرة مسمحو اله يدلي برايه في موضوع معين ومتى بسمح يرد على موضوع مش هو اللي كاتبه بس مشارك فيه وخاصة ازا كان في ضمن الردود رسالة موجهة اله شخصيا..وهيك قصص

bki

27/09/2008, 03:32

وووووووووووووووووين ووووووووووووووووووووووين رايحين كنا مااحلانا شو خطر على بالكم

ههههههههههههههههههههههههه ه والله مو أنا اللي فتحت الموضوع, أبوس روحك والله ضحكتني

bki

27/09/2008, 03:33

في كتير شغلات مو واضحة حول المخالفات متل يعني احتساب المخالفات وعددها ومشكلة انه الواحد كم مرة مسمحو اله يدلي برايه في موضوع معين ومتى بسمح يرد على موضوع مش هو اللي كاتبه بس مشارك فيه وخاصة ازا كان في ضمن الردود رسالة موجهة اله شخصيا..وهيك قصص

والله يا عمي هشام في كثير طرق, بس بدك ليقتنع فيها اللي بايدو الحل والربط, أبوس روحك إنت كمان

هشام ابو شرار

27/09/2008, 04:35

بس اكبر ايجابية لهلمنتدى اتعرفنا على افضالك...........بوووووووووووو� �ووووووووووووووووسه

flower bomb

27/09/2008, 13:40

صحيح انا جديده بس انا متابعه لأغلب المواضيع اللي بتنكتب هون
من وجهة نظري اخويه فيها اشيا كتير كتير رائعه
الشي السلبي اللي لاحزتو محاولة فرض الرأي ,التهجم بالسب والنقد لمجرد النقد
التمييز المبني على اساس البلد,الدين,الثقافه
لكل انسان ثقافته وتركيبته التي لا تشبه احدا اخر
اختلاف الرأي لا يفسد للود قضيه

Reemi

27/09/2008, 13:46

HUS

و اذا ما بتعرف HUS هو القائم بأخوية بمعنى هو صاحب الموقع يعني عندو اعلى سلطة بيقدر يعزل المشرفين و بيقدر يعمل كل شي

مين خبرك هالخبر؟

لانو مافيو شي من الصحه :?

HashtNasht

27/09/2008, 14:01

أكيد لازم يكون في تطبيق من الكل هيك يكون الاحترام متبادل
يعطيك العافية

أنا برأيي انو التطبيق شغال !...و الحمد لله

bki

27/09/2008, 14:07

صحيح انا جديده بس انا متابعه لأغلب المواضيع اللي بتنكتب هون
من وجهة نظري اخويه فيها اشيا كتير كتير رائعه
الشي السلبي اللي لاحزتو محاولة فرض الرأي ,التهجم بالسب والنقد لمجرد النقد
التمييز المبني على اساس البلد,الدين,الثقافه
لكل انسان ثقافته وتركيبته التي لا تشبه احدا اخر
اختلاف الرأي لا يفسد للود قضيه

الله يرحم والدينك, هاد من أهم السيئات اللي نحن عم نحكي عنها. وبنعرف وبنأكد إنو بأخوية أمور رائعة بكل ماتعنيه الكلمة من معنى, بس الأمور السلبية والنواقص دوماً موجودين, ومو عيب إنو نحددن لنمحين وانعالجن.
إلك وردة:D

bki

27/09/2008, 14:13

مين خبرك هالخبر؟

لانو مافيو شي من الصحه :?

يا ستي الله يحيي الجميع, هوي ولا غيرو

suryoyo

27/09/2008, 16:38

صحيح انا جديده بس انا متابعه لأغلب المواضيع اللي بتنكتب هون
من وجهة نظري اخويه فيها اشيا كتير كتير رائعه
الشي السلبي اللي لاحزتو محاولة فرض الرأي ,التهجم بالسب والنقد لمجرد النقد
التمييز المبني على اساس البلد,الدين,الثقافه
لكل انسان ثقافته وتركيبته التي لا تشبه احدا اخر
اختلاف الرأي لا يفسد للود قضيه

طالما انك جديدة ... يعني ما فاهمة وضع أخوية بشكل كبير .. حتى لو تابعتي المواضيع الحالية بتمعن

هذا الكلام العام و تمييز ضد الاديان .... الخ ما رح يجيب نتيجة

و اسطوانة تعبنا منها ...

عندك موضوع تشوفي فيه هذا الشي ... حدد اسم الموضوع و الكماتب ... و اشتكي

بس استخدام هذه الطريقة ما يدل على لرغبة بحل المشكلة !

سلام

الله يرحم والدينك, هاد من أهم السيئات اللي نحن عم نحكي عنها. وبنعرف وبنأكد إنو بأخوية أمور رائعة بكل ماتعنيه الكلمة من معنى, بس الأمور السلبية والنواقص دوماً موجودين, ومو عيب إنو نحددن لنمحين وانعالجن.
إلك وردة:D

انت قلتها .. حدد النواقص

بس هذه الطريقة ما تردي لا تحدد النواقص و لا تريد الحل !!

MadMax

27/09/2008, 17:29

أنا برأيي انو التطبيق شغال !...و الحمد لله
كبير يا أبو نهلا ...:gem:

على فكرة من أهم سلبيات أخوية
غيابك عنها ( إدارياً ) ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

bki

27/09/2008, 18:33

لك يا أخي الكريم, ليش اللكل عم يترفع بحالوا عن الخطأ, بعدين هالموضوع بالتحديد حطيتو لنحدد كلياتنا النواقص والأخطاء مو لأتهجم أو لنصب حالي ناقد لأخوية, أخوية مجتمع فيه الصح والخطأ, والصح أكثر وأهم من الخطأ بسس اللي شايفو أنا إنو الخطأ عند البعض مو وارد إنو هوي فوق الخطأ, يعني معصوم.

هالكلام مو زابط ولا شو شايف؟؟

هشام ابو شرار

27/09/2008, 18:57

من كان منكم بلا خطيئة فليرجمها بحجر

bki

27/09/2008, 19:14

من كان منكم بلا خطيئة فليرجمها بحجر

أنا شايف إنو الأغلب عم يرجم يا بو

هشام ابو شرار

27/09/2008, 20:22

فليرجمها بحجر بطارية دوريسيل..............تدوم وتدوووووووووووووووووووووو وووووووم!

دلوعة سوريا

27/09/2008, 20:56

حتى لو كان في سلبيات بأخوية ((مع اني مو ملاحظة هالشي))

بس مع هيك مستحيييييييل نقدر نستغني عنها ... :gem:

يعني نحن قبلانينها بسلبياتها :jakoush:

bki

27/09/2008, 21:01

فليرجمها بحجر بطارية دوريسيل..............تدوم وتدوووووووووووووووووووووو وووووووم!

بس ماتكون مقلدة ها, ترى والله بتخجلنا بعدين وتسود وشنا

حتى لو كان في سلبيات بأخوية ((مع اني مو ملاحظة هالشي))

بس مع هيك مستحيييييييل نقدر نستغني عنها ... :gem:

يعني نحن قبلانينها بسلبياتها :jakoush:

وأنا معك إنو مابنستغني عنها, بس ليش لنقبلها بسلبياتها وكأنها القدر, ليش لما بنلاقي سلبيات مابنزبطها,لأنو والله العوجة مابتنحب ومابتنزل ع معدة, ولا شو؟؟

leonardo_dicabreo

27/09/2008, 21:14

هوه موضوع كتيييييير مهم.
في بعض المشاركين بيتصفوا بالتهجم يعني كتير هجومين وهاي صفه كتير سيئه فيهم لأنهم بيغلطو مع شخص ما غلط معهم.
تحياتي:D

هشام ابو شرار

27/09/2008, 21:29

هيدا المنتدى بيتنا التاني...بس يخفو شويه علينا بالمخالفات...ما بيكفي مخالفات السير يابي

دلوعة سوريا

27/09/2008, 21:34

وأنا معك إنو مابنستغني عنها, بس ليش لنقبلها بسلبياتها وكأنها القدر, ليش لما بنلاقي سلبيات مابنزبطها,لأنو والله العوجة مابتنحب ومابتنزل ع معدة, ولا شو؟؟[/QUOTE]

كلامك مظبوط 100% لو كان في سلبيات اكيد كلنا ما رح نقبل فيها و رح نعدلها

عالحارك ... بس انا بالنسبة الي مو شايفة شي سلبي ... واذا شفتو رح بلغ

عنو .... ولا يهمك :larg:

lolit

27/09/2008, 21:35

يا شباب كان في رد عطول بقراه بمواضيع النكت لأنو بحب كتير النكت
بس يبدو لازم كنا نشوفو هون من زمان
لأنو كل ما بيجي حدا جديد يعني بيكون الو كام يوم او كام شهر بينزل نفس المواضيع ... وبعد مدة يا بيروح يا بيتأقلم وبيصير هوي الي يرد على هيك مواضيع ... المهم الرد اللازم يكون هوي:
شكرا الك ... الموضوع مكررررررررررررررررررررررر