مرحبا شباب
هيد بالاول بحب اكد انها ما شكوى وانما فقط تساؤل
الي فترة عم اعمل حركات بايخة وهيي اني اقرا مواضيع قديمة بقسم الملطوشات ويمكن باقسام تانية بس باعتبار المنسق عن هيدا القسم انزعج مني وبعتلي انو شو القصة بهالنكوشة ( اكيد معو نوعا معو حق) بس حبيت استفسر بحيث انا وغيري يطلع احسن ما يضب الحكي ع الخاص..
صارت اكتر من مرة مع كتير اعضاء غالبا جدد انو يحطو موضوع وبعد فترة ينحذف لانو مكرر من السابق وكتار من هي المواضيع هيي عمليا جديدة للاعضاء الجدد ومع ذلك تنحذف
فلهيك صرت ارجع لمواضيع قديمة وعلق عليها وفعلا ما عم علق غير علي بيعجبني منو انا عم اقرا منو منصير منعرف شو هيي المواضيع القديمة يلي هيي بالنسبة النا جديدة
بس اليوم قريت رسالة المنسق اني تعبتو كتير وانو حذف الردود وعمل للمواضيع مشاركة مغلقة
يمكن معو حق
بس برايكون كيف ممكن تنحل مشكلة انو ( الموضوع مكرر )
يعني مو معقول الواحد يقعد يقرا عشرتالاف موضوع ليعرف اذا يلي بدو يحطو جديد ولالا
لهيك شو فيها اذا مثلا بيصير المواضيع يلي عمرها اكتر من سنة او 2 تنحذف من الارشيف ولما حدا يضيفها من جديد ما تعتبر من المكررات وتبقى للاعضاء الجدد منو لناس هي مشاركة جديدة ومنو للاخرين مجال للتعليق

كترت بالحكي بس بحب اكد انو فعلا ما انزعجت من المنسق وبتوقع انو ردي عليه ما بيسبب زعل
لانو حقو يعمل يلي بيشوفو مناسب....... بس حقي انو اعرف كيف ممكن تنحل هالشغلة !!!

تحياتي للكل.... و بشكل خاص لشوط يا قمر :D

ببساطة ..
اقري المواضيع القديمة .... بس لا تردي عليها ... أو بمعني أصح لا تعمليلهاup

و من ناحية تانية عندك قصة البحث عن الموضوع قبل ما تنزليه ..
بطلعلك كل المواضيع يللي بتحكي عن الشي يللي انتي عم تناقشيه ...و انتي بتعرفي وقتها إذا موضوعك رح يكون مكرر

لأن بصراحة ما بظن رح تقدري تقري أكتر من مية الف موضوع

طيب ليش ما رد
ليش ما الي الحق انو اذا شي عجبني علق عليه واذا ما عجبني انقدو
هي مو من صلاحياتي بالمنتدى؟؟؟
اكتر من مرة اعمل بحبشة بالمواضيع بيطلع انو اذا مذكور كلمة من مواضيع تانية بالبحث بتنحط على القائمة يعني كمان منرجع انو الواحد بدو يقرا المواضيع القديمة ليشوف اذا مكرر ولا لا
شو فيها اذا صار خذق لمشاركات من الارشيف ؟؟ يعني لما بيحط حدا موضوع يعتبر مكرر ينحذف القديم ما الجديد من دون ما ياثر هالشي على عدد مشاركات العضو القديم

ع فكرة بصفحة المتبر الحر في شغلات من 2004 بس فعلا خرج تنقرا وخرج انو يتابع نقاش فيها فوين الغلط؟؟؟

هذا الكلام مأخوذ من ميثاق أخوية من أجل جودة المنتدى (( الرجاء الاطلاع للأهمية)) (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ويلي من المفترض كل الأعضاء يطلعو عليه

رفع "نكش" المواضيع غير المبرر:

يا عيوني نعرف انو في مواضيع حلوة كتير و عليها القيمة و شو ما بدك كمان... بس انو اذا ما عندك شي مهم كتير لتضيفو, أو شي رد متعوب عليه ممكن تعملو و ما حكيت مع اداري القسم ان كان مشرف أو منسق لا ترفعو يرضالي عليك...اذا الرفع ما الو غاية محددة و واضحة و بالاتفاق مع المشرف أو المنسق لا ترفعو لأنو رسمالها انو الموضوع يرجع مغلق ع محلو و تتنوّه او تتخالف..:D

اذا هيك شكرا على التنبيه اخت ساندرا
هي ما قريتها مع اني قريت جزء من الميثاق بس فعلا ما انتبهت ع هيك فقرة
وبعتذر :D