اللي مهتم بدراسة CMA بطريقة ذاتية يشرف لهون بالله [الأرشيـــــف]

bki

20/09/2008, 14:42

سلام للجميع,
يا جماعة, CMA من أكثر الشهادات أهمية هي ومثيلاتها مثل و, CFM , CFA , CPA وبالتالي كل الشباب اللي بيفكروا صح بمستقبلن بيهمن أمر الحصول على هيك شهادات, بنجي ع دراسته, CMA هي عبارة أن أرع كتب, خفيفة نظيفة مابدها وجع راس, معلومات ع الغالب مارة معنا بالكلية أيام الدراسة, أربع كتب بأربع امتحانات, وراتبك بيدوبل, وبدن مبالغة, فيك تدرسها بطريقة فردية أو شخصية self-studying أو تنتسب لمعهد وبتحط هديك الحسبة ع لفاضي لأنو مافي شي رح ينحكي بلمعهد جديد عليك.

فاللي مهتم بالموضوع, ياريت يعبر عن اهتمامو هون, مشان انشكل حلقة دراسة ونحن بنساعد بعضنا البعض, اللي فهمان شغلة بيشرحها للي مو فهمانها, وبنعمل لحالنا معهد داخل أخوية بس موقائم ع المادة, لأ قائم ع الأخوية.

bki

20/09/2008, 20:34

شو صار معكن يا جماعة

bki

23/09/2008, 07:57

هلا بدكن اتفوتوني بالحيط إنو,بسورية كلها مافي حدا مهتم بهالشهادة, العمى إذا صحيح:shock::shock:

محمد ابراهيم

23/09/2008, 17:41

هلا بدكن اتفوتوني بالحيط إنو,بسورية كلها مافي حدا مهتم بهالشهادة, العمى إذا صحيح:shock::shock:

بدك تعرف العالم الاول شو هي ال cma وبعدين وقتها يمكن تلاقي حدا بدو يدرس معك ،

وبدك تكتب بالاول عن الاربع كتب وموضوعاتها وهيك !
طبعا هاي مجرد وجهة نظر فيك تعمل فيها او تتركها .

وشكرا على موضوعك :D

bki

24/09/2008, 08:04

بدك تعرف العالم الاول شو هي ال cma وبعدين وقتها يمكن تلاقي حدا بدو يدرس معك ،

وبدك تكتب بالاول عن الاربع كتب وموضوعاتها وهيك !
طبعا هاي مجرد وجهة نظر فيك تعمل فيها او تتركها .

وشكرا على موضوعك :D

لك يا أخي CMA هي شهادة عالمية معترف فيها من كل الشركات على مستوى العالم وأشهر من النار ع العلم, بس تكرم عيونك رح جهز كم كلمة عن هالمووضع مضيفو

bki

24/09/2008, 10:05

أنا أضفت موضوع عن بعض أشهر الشهادات العالمية وخاصة المحاسبية منها ع هالرابط هاد بتلاقوها

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

محمد ابراهيم

25/09/2008, 15:21

لك يا أخي CMA هي شهادة عالمية معترف فيها من كل الشركات على مستوى العالم وأشهر من النار ع العلم, بس تكرم عيونك رح جهز كم كلمة عن هالمووضع مضيفو
هلاء العالم عرفو معلومات عن الشهادة بس ماعرفو شو هي الموضوعات اللي بالكتب الاربعه ,

على كل حال انا من المهتمين بشهادة الCFA
وال cma ممكن افوت اشارك معك بدراسة وشرح بعض الموضوعات الادارية والغير محاسبية او المشتركة بين الجانبين . وشكرا

bki

25/09/2008, 16:03

هلاء العالم عرفو معلومات عن الشهادة بس ماعرفو شو هي الموضوعات اللي بالكتب الاربعه ,

على كل حال انا من المهتمين بشهادة الCFA
وال cma ممكن افوت اشارك معك بدراسة وشرح بعض الموضوعات الادارية والغير محاسبية او المشتركة بين الجانبين . وشكرا

يا أخي الكريم الشهادة أشهر من إنو تم تغافلها من شبابنا, وببحث بسيط ع النت فيه الواحد يحصل على كلشي بدو اياه.
بالعموم الكتب الأربعة هن كالتالي:
1- تحليل اقتصادي ( بيحوي الجزئي والكلي وماشابه من المواضيع )
2- ادارة استراتيجية.
3- محاسبة ادارية.
4- قضايا اقتصادية.

أما بخصوص حضرتك فأنا متلك كنت بفضل هديك الشهادة,خاصة وإنو اختصاصي علوم مالية ومصرفية, بس ع أرض الواقع لقيت إنوCMA أسهل بكثير من CFA وخاصة من حيث الإمتحان وطبيعتو والكتب وماشابه, بعدين في فائدة بـ CMA إنو بس تحصل عليها في مادة إو مادتين ( لأني ماني متأكد ) بتقدمن لتحصل على شهادة مدير مالي معتمد CFM واللي هي قريبة كثير من CFA وبالتالي بتكون مدخل ممتاز إلها.

ع العموم بيسرني التعامل مع واتشرفنا.

محمد ابراهيم

25/09/2008, 16:21

يا أخي الكريم الشهادة أشهر من إنو تم تغافلها من شبابنا, وببحث بسيط ع النت فيه الواحد يحصل على كلشي بدو اياه.
بالعموم الكتب الأربعة هن كالتالي:
1- تحليل اقتصادي ( بيحوي الجزئي والكلي وماشابه من المواضيع )
2- ادارة استراتيجية.
3- محاسبة ادارية.
4- قضايا اقتصادية.

أما بخصوص حضرتك فأنا متلك كنت بفضل هديك الشهادة,خاصة وإنو اختصاصي علوم مالية ومصرفية, بس ع أرض الواقع لقيت إنوCMA أسهل بكثير من CFA وخاصة من حيث الإمتحان وطبيعتو والكتب وماشابه, بعدين في فائدة بـ CMA إنو بس تحصل عليها في مادة إو مادتين ( لأني ماني متأكد ) بتقدمن لتحصل على شهادة مدير مالي معتمد CFM واللي هي قريبة كثير من CFA وبالتالي بتكون مدخل ممتاز إلها.

ع العموم بيسرني التعامل مع واتشرفنا.
كنت سمعت من زميل باحد الكورسات في رمضان اللي فات بمعلومة تؤكد اللي قلتو انت من انو في ماديتن مشتركين بينهم ولذلك كتبت اني على استعداد للاشتراك ببعض الموضوعات الادارية او المشتركة بين الادارة والمحاسبة .

على كل حال بدي اعرف كيف شو الفكرة اللي براسك من حيث خطة الدراسة ؟

bki

25/09/2008, 18:59

كنت سمعت من زميل باحد الكورسات في رمضان اللي فات بمعلومة تؤكد اللي قلتو انت من انو في ماديتن مشتركين بينهم ولذلك كتبت اني على استعداد للاشتراك ببعض الموضوعات الادارية او المشتركة بين الادارة والمحاسبة .

على كل حال بدي اعرف كيف شو الفكرة اللي براسك من حيث خطة الدراسة ؟

أخي اشب اللي ساكن معي عم يدرسها, لأ المنهاجين مختلفين تماماً بس مثلاُ في التحليل الإقتصادي مشترك بين الإثنين بس مو نفس النقاط المطلوبة مشتركة بين الإثنين, وبالتالي إذا بدك تدرس CMA فلازم تعتمد على منهاج معين مو نفس المنهاج الموضوع للـ CFA

أما خطتي فهي بسيطة, انحدد منهج من المناهج الموجودة ونبدأ فيه دراسة وبحث وأسألة وبننشئ قسم ضمن أخوية خاص بهالموضوع ومراجعو وأسألتوا ..... الخ ومنو نستفيد من أهل اللغة الإنكليزية فيما يصعب علينا شرحو, شو أيك أخي محمد؟ بس الموضوع بيطلب تفاعل الكل.

طفوله

26/09/2008, 00:02

أما خطتي فهي بسيطة, انحدد منهج من المناهج الموجودة ونبدأ فيه دراسة وبحث وأسألة وبننشئ قسم ضمن أخوية خاص بهالموضوع ومراجعو وأسألتوا ..... الخ ومنو نستفيد من أهل اللغة الإنكليزية فيما يصعب علينا شرحو, شور أيك أخي محمد؟ بس الموضوع بيطلب تفاعل الكل.

مننتـظــر لـ تبـلـش بخـطتك .. وتقـرر تقـسـيم خطـة العمـل حـاليـا لـ 3 .. بيســتلم 3 اشخـاص المحـاور ..

الـقـرار الأخــير معـك

bki

26/09/2008, 00:13

مننتـظــر لـ تبـلـش بخـطتك .. وتقـرر تقـسـيم خطـة العمـل حـاليـا لـ 3 .. بيســتلم 3 اشخـاص المحـاور ..
الـقـرار الأخــير معـك

أنستي الموضوع مو موضوع 3 أشخاص, أنا بطمح إنو يكون في قسم لهالشهادات والكل يساعد الكل, يعني أنا ولا إنتي ولا الأخ محمد لشو بدنا نتعب حالنا ونترجم إذ ماكان في حدا رح يتعب معنا ويستفيد, بعدين الشهادة باللغة الإنكليزية ودراستها كمان لازم تكون بالإنكليزي والإمتحان بالإنكليزي فموضوع الترجمة هو فقط لتسهيل الأمر على البعض بالفترة الأولى أما بالعموم لازم يكون حتى تواصلنا باللغة الإنكليزية, لأنها لغة الكتاب, فلما حدا يطرح سؤال بيكون بالإنكليزي والجواب كمان وهيك.......

العقدة مو بالمعلومات العلمية بالشهادة لأنها مارة مع الجميع ممكن مو بالشكل المثالي بسع ندو فكرة أولية, المشكلة باللغة الإنكليزية مشان هيك اللمة بتفيد الكل.

شكراً ع مرورك, بس إذا قدرنا نجذب الأعضاء بعدد جيد لنبلش سوا, بيكون كثير كثير ممتاز.

محمد ابراهيم

26/09/2008, 00:28

أخي اشب اللي ساكن معي عم يدرسها, لأ المنهاجين مختلفين تماماً بس مثلاُ في التحليل الإقتصادي مشترك بين الإثنين بس مو نفس النقاط المطلوبة مشتركة بين الإثنين, وبالتالي إذا بدك تدرس CMA فلازم تعتمد على منهاج معين مو نفس المنهاج الموضوع للـ CFA

أما خطتي فهي بسيطة, انحدد منهج من المناهج الموجودة ونبدأ فيه دراسة وبحث وأسألة وبننشئ قسم ضمن أخوية خاص بهالموضوع ومراجعو وأسألتوا ..... الخ ومنو نستفيد من أهل اللغة الإنكليزية فيما يصعب علينا شرحو, شو أيك أخي محمد؟ بس الموضوع بيطلب تفاعل الكل.
اصلا مارح يفرق معي المنهاج لاني مابعتقد رح اقدم للاختبار (رح اعتبرو من باب التجديد للي بعرفو ومن باب العلم باللي مابعرفو ) انا معك على كل حال .

* من ناحية انشاء قسم خاص : انا هون من فترة طويلة وبعرف شو بيصير بالمواقف المشابهة ، فكرتك مفيدة جدا ولكن لو كل 4 او 5 اتفقوا على فكرة جيدة وطلبو انشاء قسم مستقل لتنفيذ الفكرة ، ممكن عدد اقسام المنتدى يصير فوق ال500 وطبعا هاد عمليا رح يشتت المنتدى باكملو ،

اذا بدك رأيي ما في داعي هلاء من انشاء قسم جديد مستقل ( نحنا نبدأ بعمل موضوع رئيسي لكل فرع او محور وكمثال يعني نعمل محور للمحاسبة الادارية وهاد يكون الو موضوع رئيسي ونحط فيه عناوين الموضوعات اللي رح ندرسها (مثلا : مراكز المسئولية ،المخزون السلعي ، هكذا) وبعدين نعمل موضوع مستقل لكل عنوان (يعني نعمل موضوع مستقل لمراكز المسئولية ولما ننتهي من مناقشته ودراسته نعمل موضوع جديد للمخزون السلعي ، و اذا مع الوقت زاد عدد الاعضاء المشاركين معنا وزاد عدد الموضوعات بطريقة ملفتة للانتباه واغرقت القسم ، وقتها رح اكون اول المطالبين معك بضرورة انشاء قسم مستقل ،

وفيك تلاحظ مع الوقت انو هالقسم اللي بنكتب فيه هلاء مختلف عن كتير من الاقسام ، مابينزل فيه موضوعات كتير وفيك تعتبرو من هلاء قسم مستقل بينك وبين حالك :D

مننتـظــر لـ تبـلـش بخـطتك .. وتقـرر تقـسـيم خطـة العمـل حـاليـا لـ 3 .. بيســتلم 3 اشخـاص المحـاور ..

الـقـرار الأخــير معـك

بناءا على طرحك هون بدي قول التالي:

بقترح انو مثلا شخص واحد يستلم محور وليكن المحاسبة الادارية ويكون هو المسئول الرئيسي عن الشرح وبنفس القوت ممكن يتفاهم مع اي مشارك او احد من غير المشاركين انو يشرح الموضوع بدلا عنو لاي سبب
يعني مثلا على فرضاني انا هو الشخص اللي مسئول عن المحاسبة الادارية ، بالتالي بكون المسئول عن شرح اي موضوع بالمحاسبة الادارية على فرض اني بعرفو او عندي خلفية تمكنني من شرحو واذا لاي ظروف ما رح اقدر يبقى بتفاهم مع احد المشاركين بالبرنامج معنا او خارجو انو يشرحو للي مابيعرفو (هاد في حالة وجود حدا بدو ينشرح الو الموضوع )

انا ما عندي مشكلة باني اشارك بالشرح باي محور من المحاور الاربعة بصورة مبدئية :D

محمد ابراهيم

26/09/2008, 00:39

أنستي الموضوع مو موضوع 3 أشخاص, أنا بطمح إنو يكون في قسم لهالشهادات والكل يساعد الكل, يعني أنا ولا إنتي ولا الأخ محمد لشو بدنا نتعب حالنا ونترجم إذ ماكان في حدا رح يتعب معنا ويستفيد, بعدين الشهادة باللغة الإنكليزية ودراستها كمان لازم تكون بالإنكليزي والإمتحان بالإنكليزي فموضوع الترجمة هو فقط لتسهيل الأمر على البعض بالفترة الأولى أما بالعموم لازم يكون حتى تواصلنا باللغة الإنكليزية, لأنها لغة الكتاب, فلما حدا يطرح سؤال بيكون بالإنكليزي والجواب كمان وهيك.......

العقدة مو بالمعلومات العلمية بالشهادة لأنها مارة مع الجميع ممكن مو بالشكل المثالي بسع ندو فكرة أولية, المشكلة باللغة الإنكليزية مشان هيك اللمة بتفيد الكل.

شكراً ع مرورك, بس إذا قدرنا نجذب الأعضاء بعدد جيد لنبلش سوا, بيكون كثير كثير ممتاز.
انا مؤمن جدا باهمية هالشهادة من الناحية العلمية وبعرف انو الراتب الشخصي ممكن يوصل ل10 اضعاف بعدها
بس انسى انك تلاقي عدد كبير يتابع معك وباللغة الانكليزية !!!

انا شخصيا ما كنت رح تابع بالانكليزية (لو في حدا بدو يفهم فكرة او جزء او نظرية ) وانا بعرفها رح اشرحها الو بالعربي ، انا مارح يهمني انو العالم تفهم مني بالعربي او بالانكليزي المهم يفهمو ولما يكون بدي اعرف شغلة او فكرة رح يهمني اعرفها منشان العلم (ومارح يهمني اعرفها بالعربي او بالانكليزي ) انا صعب اشرح لحدا بالانكليزي ومارح اضيع وقتي بالترجمة (انا مستوايا باللغة الانكليزية متوسط ) وباخد وقت بالترجمة لاني بترجم على 3 مراحل ولما يرتبط الموضوع بالعلم وبدي دقة بترجم على 4 مراحل ، مستحيل اشترك لو اللغة انكليزية
كوني مارح ادخل اختبار ال cma اصلا . ولكن على كل الاحوال تاكد انو في شخص هون مستعد يساعدك اذا كان بيقدر على المساعدة (باللغة العربية ) باي وقت :D

* في ملحوظة للعالم هون : ممكن اتمامك لدراسة موضوعات الاربع كتب تاخد من عمرك سنين (على حسب تفرغك واجتهادك وقدرتك عالتحصيل ومستواك باللغة الانكليزية)
ممكن تخلص ب3 سنين وممكن 10 وممكن اكتر :D

طفوله

26/09/2008, 00:45

انا مؤمن جدا باهمية هالشهادة من الناحية العلمية وبعرف انو الراتب الشخصي ممكن يوصل ل10 اضعاف بعدها
بس انسى انك تلاقي عدد كبير يتابع معك وباللغة الانكليزية !!!

انا شخصيا ما كنت رح تابع بالانكليزية (لو في حدا بدو يفهم فكرة او جزء او نظرية ) وانا بعرفها رح اشرحها الو بالعربي ، انا مارح يهمني انو العالم تفهم مني بالعربي او بالانكليزي المهم يفهمو ولما يكون بدي اعرف شغلة او فكرة رح يهمني اعرفها منشان العلم (ومارح يهمني اعرفها بالعربي او بالانكليزي ) انا صعب اشرح لحدا بالانكليزي ومارح اضيع وقتي بالترجمة (انا مستوايا باللغة الانكليزية متوسط ) وباخد وقت بالترجمة لاني بترجم على 3 مراحل ولما يرتبط الموضوع بالعلم وبدي دقة بترجم على 4 مراحل ، مستحيل اشترك لو اللغة انكليزية
كوني مارح ادخل اختبار ال cma اصلا . ولكن على كل الاحوال تاكد انو في شخص هون مستعد يساعدك اذا كان بيقدر على المساعدة (باللغة العربية ) باي وقت :D

* في ملحوظة للعالم هون : ممكن اتمامك لدراسة موضوعات الاربع كتب تاخد من عمرك سنين (على حسب تفرغك واجتهادك وقدرتك عالتحصيل ومستواك باللغة الانكليزية)
ممكن تخلص ب3 سنين وممكن 10 وممكن اكتر :D

صـــرنــا 2

bki

26/09/2008, 02:49

صـــرنــا 2

لك يا جماعة والله ع راسي إنتو, وأنا معك بأنوا انشاء قسم شغلة بكير كثير عليها بس الأساس مهم, أخي محمد, بشكر دعمك وبقدرو بس المشكلة إنو الموضوع مو موضوع عربي, أنا والحمد لله كنت الثالث ع دفعتي, فبالعربي بغزل غزل متل مابيقولوا, بس الشهادة بالإنكليزي والفحص كذلك و بالواقع الشغل كمان بالإنكليزي, يمكن هلا إنت عم تقول لأجل العلم بس بعدين يتقدر قيمة الشهادة مزبوط مزبوط. بكل الأحوال, الموضوع مابيتطلب منك لغة انكليزية ممتازة لأكثر من سبب, الأول إنو المعلومة اللي قدامك إنت بتعرفها بالعربي فلما تقراها بالإنكليزي رح تتعرف عليها بسرعة وبسهولة وتعمل اسقاطات فتقوى لغتك لحالها. وثانياً إنو بهيك أحوال الخطوة الأولى أصعب شي, بس بعدين بيصير الموضوع كرج.

الشهادة مابدها متل ما حكيت أخ محمد سنين أو ماشابه, بالعكس بتاخدها بأشهر قليلة, لأنو هي مصممة لتكون كسبر لمعلوماتك وليس امتحان لمعلومات جديدة عم تبحث فيها.

أنا حابب اعمل شغلة مع ولاد وصبايا بلدي, حابب انبلش موضوع CMA وبعدها أو خلالها نلتفت للتحليل المالي الفني والأساسي وخاصة إنو بين ليلة وضحاها ممكن يقولونا إنو هي فتحنا سوق دمشق للأوراق المالية. بس بدي حدا يشتغل معي لأنو الإيد الوحد مابتصفق.

محمد ابراهيم

26/09/2008, 03:13

bki

26/09/2008, 15:17

انا مابدي اقف في وجه فكرتك حتى لو وقوفي بوجها رح يجي باني اتركك هالموضوع واخرج برا ،

انا مابقدر اوعدك اني اكون موجود دايما هون او عندي وقت كافي لاستكمال المشروع ، انا معك حسب ظروفي وباللغة الانكليزية متل مابدك :D

واله يامحمد إنت كفو, الله يسلم قلبك, انشالله بتكون هالمشاركة كبداية حلوة إلي وإلك ولطفولة ولك الأصدقاء اللي حابين يتعلموا شي مفيد على أرض الواقع.

وأنا هون بدي قول كلمة, يا جماعة, CMA أهم بمية مرة من الماجيستير والماجيستير بتاخد من وقتك سنتين أما هي فكم شهر مو أكثر, الماجيستير متعلق بالجامعة المانحة أما هالشاهدة فهي عالمية, الماجيستير وهاد الأهم نظري أما هالشهادة فهي مصممة لتكون شهادة فنية عملية يعني من أرض الواقع. ع القريب رح انبلش باذن الله.

bki

26/09/2008, 15:27

رح حط هون رابط الكتاب الأول, وهوي متل ماحكيت التحليل الإقتصادي وبيحكي عن أمور عدة متعلقة بالتحليل الجزئي والكلي والمحاسبة القومية وهيك أمور.

رحط الرابط بموضوع جديد ليكون بعنوان " حلقة نقاش ودراسة لشهادة المحاسب الإداري المعتمد CMA" ليكون الموضوع واضح وبيحكي بس بالدراسة, وبنخلي هون النقاشات ولتنظيم.
فنزلوا الكتاب وبعد العيد الصغير باذن الله بنبلش بمناقشتوا سوا.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

محمد ابراهيم

26/09/2008, 15:34

واله يامحمد إنت كفو, الله يسلم قلبك, انشالله بتكون هالمشاركة كبداية حلوة إلي وإلك ولطفولة ولك الأصدقاء اللي حابين يتعلموا شي مفيد على أرض الواقع.

وأنا هون بدي قول كلمة, يا جماعة, CMA أهم بمية مرة من الماجيستير والماجيستير بتاخد من وقتك سنتين أما هي فكم شهر مو أكثر, الماجيستير متعلق بالجامعة المانحة أما هالشاهدة فهي عالمية, الماجيستير وهاد الأهم نظري أما هالشهادة فهي مصممة لتكون شهادة فنية عملية يعني من أرض الواقع. ع القريب رح انبلش باذن الله.
شوف ياعزيزي كل انسان والو فلسفة خاصة ، انا مع الدراسات العليا وخلصت تمهيدي الماجستير لحالو بسنتين وهلاء فايت عالرسالة ، مافيك تقول انو هالشهادة أهم من الماجستير !! الماجستير درجة علمية عالية , على كل حال ما موضوعنا .

على كل حال انا معك على الطريقةا اللي خبرتك عنها .

وشكرا على اسلوبك اللطيف وكلماتك اللي اخجلتني:D

bki

26/09/2008, 15:59

شوف ياعزيزي كل انسان والو فلسفة خاصة ، انا مع الدراسات العليا وخلصت تمهيدي الماجستير لحالو بسنتين وهلاء فايت عالرسالة ، مافيك تقول انو هالشهادة أهم من الماجستير !! الماجستير درجة علمية عالية , على كل حال ما موضوعنا .

على كل حال انا معك على الطريقةا اللي خبرتك عنها .

وشكرا على اسلوبك اللطيف وكلماتك اللي اخجلتني:D
لا تاكل بعقلي حلاوة أخ محمد, أنا كنت متلك وأكثر, بس حتى البعثات العلمية ما قدمت عليها لأنو والله ع أرض الواقع شفت إنو الأهم هي الشهادات الفنية مو الأكاديمية وبكل الأحوال انت عيني

محمد ابراهيم

26/09/2008, 17:31

bki

27/09/2008, 22:49

Odell

29/09/2008, 04:36

هلا دخلك يلي مو دارس محاسبة شلون بدو يفهمها لل سي ام اي؟

انا بعرف انه هي الشهادة مسموح غير المحاسبين ياخدوها بس كتير قليلين الناس الماخدينها

اقل من 100 اظن !! شلون بقا يلي متلنا بدو يفهمها؟

ياريت تساعدني بردك.. شكرا

Odell

29/09/2008, 04:38

انا عندي الكتب كلها لو بسمحلي صاحب الموضوع حطها تكرم عيونو وعيونكن

بس فعلا المادة صعبة وكتير بسمع عنها هالشي.. تحيتي

محمد ابراهيم

29/09/2008, 04:55

أخي محمد, أنا حالياً عندي الكتاب الأول والثالث بس, فالأفضل إنو انبلش بالكتاب الأول حالياً لأنو كل كتاب إلو امتحان.

بس بعتذر لأنو انشغلت هالكم يوم وماقدرت حمل الكتاب مقسم متل ماوعدت لأنو كان عندي مشكلة بالإتصال فيادوب شغال الخط عندي.

يسعدلي مساك
ما مشكلة نبلش من وين ،بس هاد مابيمنع انو ال 4 كتب يكونو موجودين من البداية لحتى نطلع على كل الموضوعات واللي بدو يفوت يقرر من البداية وهو عارف شو رح يدرس .
هلا دخلك يلي مو دارس محاسبة شلون بدو يفهمها لل سي ام اي؟

انا بعرف انه هي الشهادة مسموح غير المحاسبين ياخدوها بس كتير قليلين الناس الماخدينها

اقل من 100 اظن !! شلون بقا يلي متلنا بدو يفهمها؟

ياريت تساعدني بردك.. شكرا
فوت معنا وربنا يسهل واللي ماتفهمو رح اوضحو الك بالعربي وبعدين اقراه بالانكلش (رح تستوعبو بسهولة)
* ما رح اكدب عليك او اخدعك (دراسة ال cmaصعبة بس مع المجهود والاصرار والوقت رح تحقق هدفك ) وكلنا مع بعض ،يعني رح تلاقي حدا تسألو عن اللي مافهمتو (بس اهم شيئ لاتحط ببلاك انو رح تخلصها بكم شهر منشان لا تنصدم ) اكيد انت عندك حياتك وشغلك او دراستك يعني مانك متفرغ (اذا خلصت كل كتاب ب6 شهور بيكون منيح ) اما اذا متفرغ تماما فطبعا فيك تخلص بوقت اقل ، واذا ماعندك وقت كافي رح تاخد وقت اطول من سنتين كتير .
انا عندي الكتب كلها لو بسمحلي صاحب الموضوع حطها تكرم عيونو وعيونكن

بس فعلا المادة صعبة وكتير بسمع عنها هالشي.. تحيتي
ياريت لو تحط الروابط ، مابعتقد هاد بيدايق صاحب الموضوع ، واذا دايقو انا بتحمل الاعتذار عنك ، وفيك تنزل روابط الكتب كلها بموضوع مستقل (مع انو ما مستاهل يعني نعمل موضوع مستقل منشان الروابط بس !!!)
او ابعتلي الروابط برسلة خاصة اذا مابدك تنزلون هون :D

bki

29/09/2008, 08:49

صباحو شباب.
بالأول الشهادة اللي عم يحكي عنها صاحبنا, مو هي, CFA أما CMA فأسهل بكثير كثير, واللي أخدينها من سوريا بس أكثر من 100, فيك تفوت عهالموقع واللي هوي الموقع الرسمي لجمعية المحاسبين الأمريكية إذا الله ماخيبني وفيه بتلاقي اسماء اللي بيحصلوا ع هالشهادة كل سنة ومن وين كمان, ودراستها ع فكرة في معهدين بالشام بيخلصوا دوراتا كلن ع بعضن للأربع كتب بـ 5 أو 6 أشهر, الصعوبة و بالمعلومة, الصعوبة باللغة, وبس كسرنا حاجز اللغة, بتصير سهلة, بعطيكن مثال, اللي مخلص اقتصاد جديد وبيروح ع الأكاديمية العربية للعلوم المالية والمصرفية, عرفتوها, هي اللي عند المدني, كل الدراسة باللغة الإنكليزية, بأول كم اسبوع بيكون الكل متلبك بس بعدها بيكرجو وبيخلصوا دراستن ولا أحلا من هيك, فأربع كتب مانن هالشي البعبع لنخاف منن وياخدو كل هالوقت.

أما بخصوص المنهاج, أنا بينت إنو في أكثر من منهاج موجود( فعلياً مو منهاج , مراجعة), بس أنا شخصياً لقيت إنو المنهاج الي أنا نزلتوا هو أسهل شي لأنو بيشرح مو بس بيعدد, ع الأغلب الكتب اللي معك لسلسلة جليم الإصدار 13, محجم اتلملف 7 ميغا, أنا كثير لقيت ناس عم يقولوا, اردس المواد من هووك وحضر لأسئلة الإمتحان من جليم, بكل الأحوال, التجربة إم البراهين. وأنا والعفو منكن, مابدها سؤال, اي شي بيفيد الموضوع والجميع ع راسي من فوق وغصب عني كمان:D:D

Odell

29/09/2008, 09:13

انت معتمد ع كتب حليم او مين ؟

جاري رفع الكتب

bki

30/09/2008, 01:14

hock materials

Odell

01/10/2008, 13:16

هي الكتب يلي عندي تفضلوا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ببس ايمتى ح تبلشو؟

bki

01/10/2008, 15:33

]

ببس ايمتى ح تبلشو؟
بعد العيد باذن الله

Odell

04/11/2008, 14:05

لك شو صار بالدورة؟

hodhodegypt13

12/01/2009, 11:52

السلام على اهل السلام

هاه وبعدين

الدينا وقفت يعنى

على العموم شكرا على الكتب

محمد ابراهيم

18/09/2009, 09:00

بعد العيد باذن الله

وينك يارجل
فات سنة هجرية كاملة
العيد بعد يومين ،
لو كنت وافقت على ان الدورة تكون بالعربي ، يمكن كنا عملنا شيئ ،
شو رئيك نعدل شروط التفاوض مرة جديدة ؟
انا مستعد اقدم تلخيص للوحدات على شكل نقاط بالانكلش ، بس الشرح يكون بالعربي .

لو ردك رح يكون بعد عيد السنة الجاية . خد عرضي الاخير

مستعد كمل بالانكلش كل شيئ ولكن تحمل سوء مستوايا باللغة الانكليزية وكثرة اخطائي .

بشرفي يمكن السنة الجاية ما فوت على هالموضوع :o اذا بدك ترد ، رد هاليومين .

bki

18/09/2009, 18:39

يمان Rooooonaldo

19/09/2009, 02:55

شبيبة .. انا معكم .. قلبا وقالبا .. وناوي بلش فيا رسميا .. بعد 4 شهور .. يعني لح قدم عليا ان شا الله .. فـ انو اكيد لح كون معكم ..

ووقت حتبلشو خبرونا .. لنشوف شو بيصير ..

محمد ابراهيم

19/09/2009, 10:38

السلام عليكم

والله حقك علي وكلامك ع راسي, بس أولاً أنا ماعاد فتت ولا شاركت هون لأسباب كثيرة, أهمها الإحترام المتبادل بين الخلق هون, بعدين بسبب التزامات العمل وظروفه وقفت الأمر لفترة, بخصوص الشرح أخي الكريم مابيزبط يكون بالعربي لأنه ببساطة الإمتحان بالإنكليزي فلازم يكون حتى طريقة تفكيري بالإنكليزي

أنا اوي هم ع الموضوع بإذن الله خلال الفترة الجاية, إذا حابب تفوت معي الله محييك يارب, ابعتلي رسالة بايميلك لنسق معك. والله المستعان والموفق وماتاخذ ع خاطرك بسبب التأخير

قربت تفرج :lol:
لا تقول هيك يا اخي انت كلك عبعضك ع راسي .
المهم بعرف قلة الزوق اللي بتصير وبعض الامور الاخرى من وقت لاخر مع بعض الاشخاص ، بس انت مابتشارك مشانهم او مشاني ، اذا كان في وسيلة اننا نحقق فايدة النا ولغيرنا من العالم بفكرة متل هاي ، يعني ما لازم نخلي حدا يعطلنا ، خلي كثرة الاحجار اللي بيرموها عليك العالم درجات سلم لتصعد عليه ، مع زيادة الاحجار اللي بيرموها عليك ارسل مزيد من الشكر لهم لانك هتستخدم احجارهم ببناء درجات من السلم لتصعد اكثر واكثر . وانت تستحق الصعود والله .
شبيبة .. انا معكم .. قلبا وقالبا .. وناوي بلش فيا رسميا .. بعد 4 شهور .. يعني لح قدم عليا ان شا الله .. فـ انو اكيد لح كون معكم ..

ووقت حتبلشو خبرونا .. لنشوف شو بيصير ..
انا مستعد من اليوم يا يمون ، عنا 4 اجزاء ، كل جزء 20 وحدة ، يعني عنا 80 جزء ، انا بشوف انو نعطي الجزء من 3 الى 7 ايام ، حسب الاتفاق مابينا وقدراتنا وظروفنا .

يمان Rooooonaldo

19/09/2009, 15:41

هلا انا هلا هالاسبوع ما خرج لانو اخر اسبوع الي بالشام فـ انو لسافر لحتى كمل معكم .. لبعد العيد .. بكام يوم يعني ...

بس انو ازا بلشتو انتو ما في مانع .. وعفكرة لح كون معكم بأيا شي بيصعب علينا كلنا .. لانو حاليا دكتوري .. اخد ال cma .. وعنا دعم اكاديمي لايا سؤال بينطرح علينا وبيصعب علينا ..

:D الله وايدكم شبيبة ..

محمد ابراهيم

19/09/2009, 15:46

هيك اتفق ثلاثتنا ، واللي يتخاذل ويترك لازم يتعيّر .

يمان Rooooonaldo

19/09/2009, 15:57

محمد ابراهيم

19/09/2009, 16:26

اي تكه وبما انو الحكي صار في معايرة ..

انا الفصل الجاية عندي 7 مواد .. ولح كون معكم اكيد فيه .. بس انو ما بيكون التزامي 100 % لاني ما بعرف بالضبط شو ممكن يصير معي .. فـ انو رحمونا شويات ها .. بس لا اكيد انش االله منشبح معكم ..

وحلو عني هالاسبوع خليني انبسط لكان ..:p

احلا شبيبة ..
ههههههههههههههههههههههههه هههههههههههههههههههههه احلى يمون
اوك يا معلم بعد اسبوع نلتقي
بهالاثناء رح ابلش قبلك انت وحسين وافتتح باول وحدة

bki

19/09/2009, 16:54

السلام عليكم,

أخي محمد, الله جزيك الخير على كلامك وتشجيعك بس قلة الإحترام بالفترة الأخيرة صارت متأصلة بطريقة عمل هالمكان لدرجة إنو صرت متأكد إنها أحد أهم الشروط اللي لازم توافق عليها لما تشترك هون, وأنا بصراحو وبصوت عالي ماني مستعد اتنازل لهيك أمور. أنا بخدمة أي شخص حاب يستفيد, واللي بيطلبني بأمر بيشوف إني مارح قصر باللي اقدر عليه بإذن الله ومابدي غير الدعا ومو بوشي كمان.

عموماً, بنرجع ع نقاش حكيناه من قبل, طالما غي حضرتك والأخ يمان وأنا, فشو المنهاج اللي ببالكن؟؟؟؟ أنا للصراحة حاب بلش بمنهاج هوك, ناوي خلال الشهر الجاي بإذن الله اشتري نسخة الكتاب الأول أو الثالث, يعني التحليل الإقتصادي أو المحاسبة الإدارية وبتوقع إنو بلش بالمحاسبة الإدارية لأنه من ناحية مافي تقييد بتقديم المواد, ومافي ترابط بينها يجبر ع الترتيب, والأهم مشان كون عم اقرأ شي بيفيدني بحياتي العملية بشكل مباشر.

فشو مشان؟؟؟

كل عام وإنتو بخير وكل المحترمين بهالمكان بألف خير :D