لكويت: قالت صحيفة "السياسة" الكويتية نقلا عن مصادر وصفتها بأنها "شديدة الخصوصية" إن 10 جنود سوريين قتلوا وأصيب ما لا يقل عن 50 آخرين بجروح وحروق بدرجات متفاوتة، جراء تفجير عبوة ناسفة على متن حافلة أثناء سيرها على الطريق بين دمشق والسويداء.
وأوضحت المصادر للصحيفة أن "خلية تابعة لأحد أجنحة المعارضة السورية، تمكنت من تنفيذ العملية، الخميس، بعد أن قامت بزرع العبوة في الحافلة المدنية التي تستخدم من حين لآخر في نقل الجنود، وتفجيرها عن بعد، ما أدى إلى سقوط الجنود العشرة واصابة 50 آخرين، نقلوا على إثرها الى مستشفى الدكتور زيد الشريطي في مدينة السويداء لتلقي العلاج."
وبحسب الصحيفة فإن "أجهزة المخابرات السورية تلقت تعليمات مشددة بالتعتيم على التفجير، ونشر معلومات مضللة مفادها أن الحافلة تدهورت جراء انفجار إحدى عجلاتها، وأن عدد القتلى هو 6 أشخاص فقط."
وكشفت الصحيفة أن "فرع التحقيق في المخابرات العسكرية الذي يحقق في الحادث، لم يعثر على أية معلومات قد تساهم في تحديد هوية المنفذين أو الهدف الحقيقي من التفجير،" لافتة إلى أنه "لم يصدر حتى الآن اي اعلان بتبني مسؤولية العملية، بسبب الاحتياطات الأمنية التي اتخذها مخططو ومنفذو العملية لتأمين سلامتهم بعيداً عن أعين المخابرات السورية."

سي.ان.ان: 19/9/2008

نشرة كلنا شركاء

إذا هالخبر صح كما ورد فهو عمل جبان وإجرامي وسافل... مو هيك فكر المعارضة الوطنية ولاهيك فكر الوطنيين... بس برجح فرضية الحادث المروري...

تعازي القلبية لأسر الضحايا بكل الأحوال...

متأكد من هالحكي
قصة سجن صيدنايا ولسّا ما خلصت و هلأ هاد الخبر ، انملخنا على هالصبح

[quote=VivaSyria;1116887]إذا هالخبر صح كما ورد فهو عمل جبان وإجرامي وسافل... مو هيك فكر المعارضة الوطنية ولاهيك فكر الوطنيين...[=quote]
يا زلمي ، إذا تفجير ماتستبعد علاقة الخونجية فيها ، لأنو عندن تاريخ حافل بالشي .

متل ماقلت أنا بفضل فرضية الحادث لأنو معروف طريق السويداء انو كتير سيئ وكل يومين منقرا عن حادث عليه... بس طبعاً متل العاده لازم نبقى عم نحلل ونستنتج لأنو الشباب عنا مستحيل يخبروا الشعب بشي بشكل رسمي .. لازم نبقى عم نسمع أخبار بلدنا من اذاعة بورتريكو...

هيدا الخبر انشر بموقع ايلاف من كم يوم منقول عن السياسة الكويتية بس بعد فترة قصيرة جدا انحذف من الموقع وصار يطلع انو في خطا بالصفحة
لهيك بتوقع انو هيدا الخبر من فبركات هالجريدة يلي مو اول مرة بتعمل هيك
واذا كان الخبر صحيح ابشع شي انها تنشر انو المعارضة هيي يلي عملت هيك من دون ما اتخصص ايا معارضة ( صار الواحد عم يلخبط )
واحلا شي هللق تبلش السلطة تعتبر انو تصرفاتها ضد المعارضين صحيحة كونون ارهابيين .. بالعادة هيك اتهامات جزافية ما في اشطر منون باستغلالها

بس ما حدا غيرون جاب الخبر

انا بستبعد يكون الخبر صحيح ويتم التعتيم عليه لهادا الحد وكل هي المدة . ولكن ان كان صحيح ونحنا ما منتمنى فهو عمل جبان وفي قمة الدنائة وضد ابناء الوطن وضد الوطن والمؤسسة الحامية لهذا الوطن . عمل عدائي بكل ما للكلمة من معنى وبستبعد قيام اي جهة وطنية بهيك اعمال . ومرة تانية منتمنى يكون الخبر غير صحيح و منتمنى السلامة لقواتنا المسلحة .

بما انو من جريدية السياسة فكل كذب
:D

متل مو معروف ... هيك خبر مستحيل حدا يقدر يخبيه أو يعتم عليه



و بستغرب كيف لسا في ناس بينقلوا أخبار من صحيفة السياسة الكويتية


انشالله ما يجي يوم ..و تعملولنا شي زاوية لتحليلات أحمد جار الله

و بستغرب كيف لسا في ناس بينقلوا أخبار من صحيفة السياسة الكويتية


ولو اني نفسيا بايد كلامك انو هالجريدة فظيعة خاصة بنقل اخبارها عن سورية
بس كيف ما كان ع موضوعية ومصداقية الاعلام عنا الواحد بينقل اخبار من وين ما كان
ولو انو احيانا هيدا بادي لشي من العشوائية
بس متل ما قال دريد لحام ( خلونا نسمع اذاعة لندن لنعرف شو في اخبار عنا:lol: )

ولو اني نفسيا بايد كلامك انو هالجريدة فظيعة خاصة بنقل اخبارها عن سورية
بس كيف ما كان ع موضوعية ومصداقية الاعلام عنا الواحد بينقل اخبار من وين ما كان
ولو انو احيانا هيدا بادي لشي من العشوائية
بس متل ما قال دريد لحام ( خلونا نسمع اذاعة لندن لنعرف شو في اخبار عنا:lol: )
ما حدا قال ننطر اعلامنا
بس هاد ما بيعني أنو نلجأ لإعلام معاق ... أكتر من إعلامنا

ما حدا قال ننطر اعلامنا
بس هاد ما بيعني أنو نلجأ لإعلام معاق ... أكتر من إعلامنا


يمكن صح . بس فيك تعطيني اعلام غير معاق بالعالم العربي ؟؟؟
يعني يلي بنظري جيد بنظر غيري معاق
ويلي بنظري معاق بنظرو جيد
وتعا حلها
بتوقع ما منقدر نعطي مثال واحد حاليا لاعلام ما الو توجه سياسي محدد وبيصيغ وبينشر الاخبار يلي بتتوافق معو وبالاسلوب يلي بيلائمو من دون النظر ع المصداقية لانو شوي شوي صارت المعلومات من الكثافة انو الواحد بينسى شو كان عم يقرا ليتاكد من المصداقية
باكد انو كلامي ما دفاع عن الجريدة واني كمان ما بحب انقل اخبار منها بالمرة
بس ما فينا نلزم الاخرين باراءنا

يمكن صح . بس فيك تعطيني اعلام غير معاق بالعالم العربي ؟؟؟
يعني يلي بنظري جيد بنظر غيري معاق
ويلي بنظري معاق بنظرو جيد
وتعا حلها
بتوقع ما منقدر نعطي مثال واحد حاليا لاعلام ما الو توجه سياسي محدد وبيصيغ وبينشر الاخبار يلي بتتوافق معو وبالاسلوب يلي بيلائمو من دون النظر ع المصداقية لانو شوي شوي صارت المعلومات من الكثافة انو الواحد بينسى شو كان عم يقرا ليتاكد من المصداقية
باكد انو كلامي ما دفاع عن الجريدة واني كمان ما بحب انقل اخبار منها بالمرة
بس ما فينا نلزم الاخرين باراءنا
لا أبداً .. الشغلة مو بهالسطحية يللي عم تحكيها
يعني ذكرتيني بواحد كان عم يحكي عن نسبية الحق بفلسطين ..
و أنو يللي منلاقيه ظلم .. هو من وجهة نظر اسرائيل حق ..

مو هيك بتكون النسبية .. الصح مبين صح ..و الغلط مبين غلط ..
ما بدا كتير ذكا لتكتشفي أنو صحيفة السياسة الكويتية ... هي عار على اسم الصحافة
كل الجرايد بالعالم بتتحيز ...
بس التحيز بكون بتحليل الخبر .. مو بنقل الخبر متل ما عم نشوف هون

هلق شو مشان المصادر الشديدة الخصوصية؟

و بستغرب كيف لسا في ناس بينقلوا أخبار من صحيفة السياسة الكويتية


انشالله ما يجي يوم ..و تعملولنا شي زاوية لتحليلات أحمد جار الله


سي.ان.ان: 19/9/2008

نشرة كلنا شركاء

سامر ارحمني دخيلك خبر جايبتو القرود الزرقا ونقلتو السي ان ان وكلنا شركاء (يلي رئيس تحريرها أيمن عبد النور البعثي والمقرب من النظام ) ونقلتو كل وكالات أنباء الأرض... شو بتحب أعمل ما انقلو مشان انت ما تنزعج؟؟
بعدين ياعمي كلنا عطينا رأينا بالخبر وقلنا انو أكيد صيغتو فيها تضخيم وكذب... بس مو معقول تقول بتستغرب من انو لسا في ناس بتنقل من السياسة... يعتي كأنك عم تقول انو لسا هيك في عالم الله يعينون عم ينقلو من السياسة!!!

بقا يرحم أبوك فهام عليي انو خبر كل العالم نقلتو وتناقشت فيه جقنا انو ننقلو ونتناقش فيه لو مصدرو كان من مصادر مانا واثقين فيها وبطريقة استغلالها الدنيئة للأحداث...

هلا أبو سمرة

يا جماعة منشان الله فهموني صحيح الخبر والللا موصحيح؟؟!

و لم الاستغراب ؟؟
ها هي الرسالة الدموية لما يعرف ب "المعارضة السورية" قد وصلت الى الشعب السوري..و حتى لم يكن الخبر دقيقا فأن تبنيه من قبل مواقع "المعارضة" والصحافة الصفراء الداعمة لها و المعروفة الانتماءات ..لهو دليل قوي على نواياهم السيئة .. وأنهم على استعداد لفعل اي شيء بنظرهم قد يحقق لهم مصالحهم الضيقة وأهدافهم الدنيئة
ولو كان ذلك على حساب الأبرياء من أبناء سوريا
أنه من العار حقا لكل سوري مخلص ان يرى من يدعي تمثي "المعارضة السورية" يتبجحون بهذا الخبر في مواقعهم المشبوهة .. و كأن قتل الأبرياء وتفجيرهم .. وتفجيع الأمهات بأبنائهن قد أصبح انجازا في سبيل مشروعهم "الوطني الجامع"
أنا لا استغرب أبدا ان مثل هكذا حادث" في حال حدوثه" أن يكون جريمة بشعة و عمل جبان ..فأعداء سوريا و العيش المشترك تاريخهم الدموي معروف.. و ووقوف المخابرات الامريكية والاسرائيلية و بعض المخابرات العربية وراء هؤلاء أصحاب المصالح والدنيئة قد أصبح واضحا
دعونا لا نستبق التحقيقات ... ولتأخذ العدالة مجراها في الكشف عن الممولين والنخططين والمنفذين ومحاسبتهم
تعازيي الحارة لأسر الشهداء وأقاربهم

ليش يا شب الكوبه نحنا عنا معارضة؟ والله ما بتخيل، هذول اللي عبتقصدن انت ما في حدا من الشعب السوري بالداخل مأيدن ولا حدا مصدقن. اذا هن مو مصدقين حالن، كيف بدك العالم تصدقن!

بس بتخيل كل الموضوع ما اله علاقة بهيك شي لآنه من يوم يومه طريق السويدا اسمه طريق الموت...وصادف هي المره انن كانوا عساكر. بس الله يعين اهاليهن

ها هي الرسالة الدموية لما يعرف ب "المعارضة السورية" قد وصلت الى الشعب السوري..

مين بتقصد بالمعارضة ؟؟؟

شوف اذا بتقصد خدام وجماعتو فهدول لا معارضة وما بيصير ترفع من قيمتون وتسميون معارضة سورية لأنون أحقر وأسفل من هيك..

أما اذا قصدك بالمعارضة أي حدا مابيسكت عن أغلاط النظام وعن قمع الحريات وعن حالة الفساد وفي من هدول البشر كتير ناس بالسجون.. فبحب قلك انو هدول بعمرون ما اتبعو غير وسائل التغيير الديموقراطي والوطني والصادق.. والدليل على هالشي انو انطلقوا من داخل سوريا متل ربيع دمشق ومنظمات المجتمع المدني يلي تلات ارباع اعضائون صارو بالسجون... هاد غير الشباب الوطنيين المثقفين يلي بالمعتقلات...

فياريت نحدد كلامنا أكتر شوي وحرام وعيب انو نطلق الصفات والنعوت عشوائياً ونشمل فيها الوطنيين الصادقين والأحرار...

مين بتقصد بالمعارضة ؟؟؟

شوف اذا بتقصد خدام وجماعتو فهدول لا معارضة وما بيصير ترفع من قيمتون وتسميون معارضة سورية لأنون أحقر وأسفل من هيك..

أما اذا قصدك بالمعارضة أي حدا مابيسكت عن أغلاط النظام وعن قمع الحريات وعن حالة الفساد وفي من هدول البشر كتير ناس بالسجون.. فبحب قلك انو هدول بعمرون ما اتبعو غير وسائل التغيير الديموقراطي والوطني والصادق.. والدليل على هالشي انو انطلقوا من داخل سوريا متل ربيع دمشق ومنظمات المجتمع المدني يلي تلات ارباع اعضائون صارو بالسجون... هاد غير الشباب الوطنيين المثقفين يلي بالمعتقلات...

فياريت نحدد كلامنا أكتر شوي وحرام وعيب انو نطلق الصفات والنعوت عشوائياً ونشمل فيها الوطنيين الصادقين والأحرار...
أي مجموعة بتعارض الحكم ....... هي معارضة ..
سواء كانت سلبية أم ايجابية
متل الناس يللي بالحكومة .. فيهون الصالح و فيهون الطالح
يعني ما بتقدر تقول كل المعارضة صادقين .....و أحرار

أي مجموعة بتعارض الحكم ....... هي معارضة ..
سواء كانت سلبية أم ايجابية
متل الناس يللي بالحكومة .. فيهون الصالح و فيهون الطالح
يعني ما بتقدر تقول كل المعارضة صادقين .....و أحرار

على هالأساس فينا نعتبر أي حدا بيوافق على تصرف من تصرفات السلطه شريك بالفساد وشريك بأي غلط بتعملو السلطه!!!

بدنا نصنف ونميز منيح حرام ندمج كل البشر تحت تصنيف واحد... حتى النظام مافينا نقول انو الحكومة فاسدة وسيئة وديكتاتورية... كمان لازم نفرق ونصنف بين الحالات ونقول عن الصح صح والغلط غلط.

على هالأساس فينا نعتبر أي حدا بيوافق على تصرف من تصرفات السلطه شريك بالفساد وشريك بأي غلط بتعملو السلطه!!!

بدنا نصنف ونميز منيح حرام ندمج كل البشر تحت تصنيف واحد... حتى النظام مافينا نقول انو الحكومة فاسدة وسيئة وديكتاتورية... كمان لازم نفرق ونصنف بين الحالات ونقول عن الصح صح والغلط غلط.
صنف و ادمج وميز على كيفك ..
بس ما بتقدر تنكر أنو خدام مثلاً من المعارضة
هلأ شو نوع المعارضة تبعو ....... هاد صار حديث آخر ..
يعني بتعبير تاني .. ما فيك تقول أنو بس الصادق هو معارض ..... لا ... المعارضة بتحوي من كل الاشكال

الكل متفق على انه العمل لو قام فيه مين ما قام هو عمل تخريبي ولا يصب في مصلحة الوطن . ومستحيل لاي تيار وطني ان يقوم بها . وكلام اب سمرة دقيق هناك معارضة وطنية و معارضة غير وطنية وفي الحالتين اسمها معارضة يعني التيارات السلفية هي تيارات معارضة وخدام كذلك ولكنها غير وطنية . يعني العمل قام به اي شخص توجهه غير وطني وبالتالي هوي مرفوض من قبل المعارضة الوطنية والموالاة الوطنية .

صنف و ادمج وميز على كيفك ..
بس ما بتقدر تنكر أنو خدام مثلاً من المعارضة
هلأ شو نوع المعارضة تبعو ....... هاد صار حديث آخر ..
يعني بتعبير تاني .. ما فيك تقول أنو بس الصادق هو معارض ..... لا ... المعارضة بتحوي من كل الاشكال

لاء ياعمي ما اسمو معارضة أبداً أبداً... في فرق بين المعارض وبين المرتزق وفرق كبيركتير... لما واحد متل هالكلب بتصنفو تحت مسمى يندرج تحتو كل الوطنيين والشرفاء المعتقلين بتكون عم تظلمون...

عبد الحليم خدام مانو معارض ولايمت للمعارضه بصله... هاد عبارة عن مرتزق حساباتو ومصالحو أوجدتو بموقع يتبنى خطاب معين.. بس هالخطاب براء منه وأصحاب هالخطاب وهالمطالب براء منه...

المعارضة "الوطنية" هنن هدول الناس يلي طالبو برفع الغطاء عن الفساد ورفع قانون الطوارئ وضرورة التغيير وفسح مجال للحريات ومن الداخل وبإرادة الشعب دون تدخل خارجي... كيف فينا نقول هدول معارضة وعبد الحليم خدام معارضة بشرفك؟؟؟

لاقيلو اسم تاني بس مو معارض مشان الله.

الكل متفق على انه العمل لو قام فيه مين ما قام هو عمل تخريبي ولا يصب في مصلحة الوطن . ومستحيل لاي تيار وطني ان يقوم بها . وكلام اب سمرة دقيق هناك معارضة وطنية و معارضة غير وطنية وفي الحالتين اسمها معارضة يعني التيارات السلفية هي تيارات معارضة وخدام كذلك ولكنها غير وطنية . يعني العمل قام به اي شخص توجهه غير وطني وبالتالي هوي مرفوض من قبل المعارضة الوطنية والموالاة الوطنية .

نفس الحكي.. والله ياصاحبي ما اسمون معارضة.. اسمون مرتزقة اسمون مصلحجية اسمون أي شي إلا معارضة.. لك هدول جزء من التظام.. 40 سنة وهنن جزء من النظام لك وبعدون عم يمارسو نفس يلي كانو عم يمارسوه وقت كانو بالسلطه.. كيف بدنا نسميون معارضة مابعرف... ومتل ماقلت بكل الأحوال هالعمل بيبقى عمل ارهابي اجرامي وحبان ان كان صح... والإفتراض الأقوى بيبقى انو حادث عادي والسياسة استغلتو بهالطريقة الدنيئه.

كيف فينا نقول هدول معارضة وعبد الحليم خدام معارضة بشرفك؟؟؟

انت سميت بعض الجماعات باسم ( معارضة وطنية ).
فيك تسمي خدام ( معارضة غير وطنية ).
بس انتبه انو بكلا الحالتين اسمو معارضة . وممكن بنظر البعض يكون معارضة وطنية بس ما حدا بيختلف انو هوي معارض.

انا حاسس انو نحنا متفقين على الاساسيات فما في داعي نختلف ع الاشياء الفرعية .
المعارضة بكل بلاد العالم متل الموالاة اقسام . منها يسعى لخدمة الوطن ومنها يسعى وراء مصالح شخصية . نحنا النا بالناس الي بتشتغل لمصلحة بلدنا وين ما كانو يكونو وتحت اي مسمى تسموا . هالناس هدول مستحيل يقبلوا بهيك عمل جبان ودنئ . وهيك منطلع متفقين .

كلمة معارضة عم تستخدمها السلطه بشكل عشوائي... نحنا مابيصير نوقع بهالمصيده... مشان هيك عم اطلب نغير الاسم من أساسو... المعارضة يلي بيندرج تحتها ربيع دمشق واعلان دمشق وكل هالبشر يلي هيك هدول معارضة.. معارضة وطنية معارضة من اجل الوطن...

الباقي مو معارضة ولا لازم نسميون معارضة...

المعارضة.. حاطة علبة متفجرة؟ منوين؟ و ضد مين؟ ضد باص عسكر؟


مسخرة...


بعدين كيف تزبط تقسيم الوطني من عدمو؟ مين بيطلعلو يعمل هالتقسيم؟ مشان نروح نقدّم طلب وطنية يعني ما مشان شي...

تقسيم الدنيا بمعارضة و موالاة هو تقسيم سطحي, و تافه... في شي اسمو تيارات سياسية, تتلاقى و تتباعد تبعا لمعطيات و ظروف... مافي هاد معارضة, و هاد موالاة... مو صح هالكلام


في ناس... معتّقة بحزب البعث... و ما ممكن تسمع منو كلمة تخوين, و لا يمكن يبرر بأي شكل من الأشكال السياسة الأمنية الغبية المقرفة...

و بالمقابل... في ناس... ع أساس حكي البعض "معارضة"... بدون ما يكون بايدها سلطة, عاملين جهاز أمن و رقابة حواليهون... يعني شي ديمقراطي و حر عالآخر...

و أنا, كموقف شخصي... ماني مع النظام, لكن ما رح حط ايدي بايد "التاني" ضد "الأول" ... لأنو "معارضة"...



و الله يرحم المتوفين ازا الخبر صحيح (مع انو بشك بهالشي جدا.. نظرا لمصداقية جريدة السياسة), و يكسر ايدين اللي كان السبب.. ان كان اللي حط العبوة الناسفة في حال وجودها, و ان كان اللي سرق مصاري تصليح الطريق و تزبيطو, ان كان حادث....


و سوريا..... لك الخلود

اذا كان الخبر صحيح وبتمنى يطلع كذب وبتمني يطلع حادث مروري
بس اذا كان تفجير متل ما عبتقول الله يساعد اهل القتلى شو ذنبهم تفو على الخونة اللي عبيدمرو بلدهم تحت قناع المعارضة بتمنى الموت للسفلة اللي وضعوا المتفجرات
حرام سوريا امان كتير بتمنى يكون فبركة صحفية

لاء ياعمي ما اسمو معارضة أبداً أبداً... في فرق بين المعارض وبين المرتزق وفرق كبيركتير... لما واحد متل هالكلب بتصنفو تحت مسمى يندرج تحتو كل الوطنيين والشرفاء المعتقلين بتكون عم تظلمون...

عبد الحليم خدام مانو معارض ولايمت للمعارضه بصله... هاد عبارة عن مرتزق حساباتو ومصالحو أوجدتو بموقع يتبنى خطاب معين.. بس هالخطاب براء منه وأصحاب هالخطاب وهالمطالب براء منه....
مين قال أنو ما في معارضين مرتزقة .. متل ما في حكومات مرتزقة

كل القوى السياسية بتشتغل حسب مصالحها ..
سواء كانت هالمصالح وطنية أو غير ذلك


المعارضة "الوطنية" هنن هدول الناس يلي طالبو برفع الغطاء عن الفساد ورفع قانون الطوارئ وضرورة التغيير وفسح مجال للحريات ومن الداخل وبإرادة الشعب دون تدخل خارجي..

هلأ صرت عم تخصص .... و ماعاد عم تحكي عن المعارضة بالمجمل
ما بتقدر تختار النموذج يللي بيعجبك ... و تختزل فيه المعارضة
المعارضة بتضم أشكال و تيارات أبشع بكتير من الحكومة
ممكن انت تختزل المعارضة بربيع دمشق
و يجي غيرك يختزلها بالبيانوني


. كيف فينا نقول هدول معارضة وعبد الحليم خدام معارضة بشرفك؟؟؟

لاقيلو اسم تاني بس مو معارض مشان الله

كلون معارضة .. شئنا أم أبينا

بعدين كيف تزبط تقسيم الوطني من عدمو؟ مين بيطلعلو يعمل هالتقسيم؟ مشان نروح نقدّم طلب وطنية يعني ما مشان شي...

اي واحد اهدافو بتصب بمصلحة الوطن . او بينظر للوطن بانه قضيتو وليس وليمة . هدفو اصلاح الوطن وليس نهب ثرواته . هادا انسان وطني ان كان معارض ( والمعارض هنا هو من يعارض طبيعة النظام الحاكم في البلد فقط لأنه لا يراه صالحاً لادارة وطنه . ) او ان كان موالي ( موجود في السلطة و نظامها ويحاول من قلب هذه السلطة الاصلاح والتغيير لمصلحة الوطن ).
وبالتالي العكس . اي كل واحد هدفو هو مصلحة شخصية وبيتحالف مع القرود في سبيل تحقيق هالمصالح الي ما بيهمو تلاقت او لم تتلاقى مع مصالح وطنو هادا انسان غير وطني ان كان بالسلطة او المعارضة.
اما الي بيحدد هالتقسيم فالقضية نسبية يعني الي بشوفو انا بيخدم مصالح بلدي بعتبرو وطني والعكس صحيح .
وانا معك بانو من الاجحاف بمكان تقسيم الاحزاب والتيارات الى معارضة وموالاة وحتى الى يمين ويسار وبحس انو التيارات الوطنية اعلى من انها تكون منضوية تحت اي تصنيف.

بالنسبة الي انا مالي مصدق الخبر لانو هل جريدة المعفنة(برأيي) ماعندا المصداقية بس يلي بستغربو
انو هل جريدة شو الها مصلحة بنشر الخبر يعني الخبر اولاً واخراً بضر بسمعة يلي ساوا الانفجار وبتصور بحسب
التيار السياسي للجريدة بتصور هل شي مو من مصلحتا فأنو هل شغلة دخلتني بالحيط
عكل الاحوال الله يرحم الجنود يلي ماتو ويلعن ابو اللي كان السبب
بالنسبة للشباب مادماكس وفادي
اخي خلص انتو مادام متفقين انو العمل سيء وانو عبد الحليم خدام حثالة خلص ليش عم تتناقرو على
المسميات انا برأيي لازم نلاقيلو لعبد الحليم وجماعتو شي اسم جديد بدل من المعارضة مشان نميزن عن غيرن

صدقوني هل خبر مزعج وبسم البدن والمشكلة انو الاعلام السوري ماببطل عادتو يعني انشا الله خبر رياضي انو
فريق الكرامة خسر بضلو بضلو معتم عل خبر لبين ما تقولو كل القنوات بعدا يا بقولو يا ما بقولو
ماحدا رايحة عليه غير الشعب

صراحة يا اخ MadMax كلامك ما كتير عم افهم الغاية منو
يعني هلق اذا انا بعتبر حالي معارض للسلطة لانو سرقت شي 30 او 40 مليار وكان بدي شي 100 مليار ما ممكن اتصنفني مع واحد مقضى عمر بالسجن بسبب التعبير عن الرأي باسم واحد الا وهو المعارضة .
ما في شي اسمو معارضة حاف .. المعارضة الها تقسمات جوهرية لازم وضروري تنذكر لما منحكي عنها
الشيوعيين ولاخوان معارضة .. بس ع شو ؟ وكيف؟ وشو الوسائل ؟ كل هالاشياء لاوم نميز بيناتها والا بتصير سلطة
ولما منذكر ايا خبر هيك حاف من دون تخصيص دائما بيكون حق اريد به باطل
فيي قول جزء من المعارضة الذي ينتمى الى كذا عمل هيك وهيك
والا انا عم سبب تعتيم وتشويش بقصد ونية سيئة
ما حلاني قول انو المعارضة هي ضد الدين .. بيطلع هيك الاخوان وايا حزب بياخد الدين بعين الاعتبار ملحد
وهيدا مساس باصول فكرون وشيئ غير مقبول بتاتا
لهيك بلا التعميم بنقل الخبر هون بتوقع القصد من الكلام
تحياتي

صراحة يا اخ MadMax كلامك ما كتير عم افهم الغاية منو
يعني هلق اذا انا بعتبر حالي معارض للسلطة لانو سرقت شي 30 او 40 مليار وكان بدي شي 100 مليار ما ممكن اتصنفني مع واحد مقضى عمر بالسجن بسبب التعبير عن الرأي باسم واحد الا وهو المعارضة .

أي حدا معارض بدك تقولي عنو معارض ....
أما الأخلاق ... فإلها تصنيف تاني
الغلط يللي متقصدينو .. أنو تلخصوا المعارضة بالناس الشرفاء ..
مع انها بتحتوي على كتير نمازج يمكن غير هيك


ما في شي اسمو معارضة حاف .. المعارضة الها تقسمات جوهرية لازم وضروري تنذكر لما منحكي عنها

هادا نقاش تاني
بس ما حدا فيه ينكر أنو الاخوان هني معارضة ..و خدام معارضة ....و ربيع دمشق معارضة
أما دوافع كل منهم للمعارضة .. فهادا موضوع تاني


الشيوعيين ولاخوان معارضة .. بس ع شو ؟ وكيف؟ وشو الوسائل ؟ كل هالاشياء لاوم نميز بيناتها والا بتصير سلطة
ولما منذكر ايا خبر هيك حاف من دون تخصيص دائما بيكون حق اريد به باطل
فيي قول جزء من المعارضة الذي ينتمى الى كذا عمل هيك وهيك

طيب .. و من وجهة نظر تانية ..
لما ما بتنسبوا غير الاعمال النضيفة للمعارضة .. بتكونوا عم تكذبوا
و عم تصوروا للناس .. أنو بمجرد الغاء الحكم بسوريا .. رح ينتقلوا للنعيم و للديمقراطية ... مع أنو الحقيقة غير هيك
أصلاً اذا بدنا نحكي بموضوعية أكتر .... المعارضة السلبية ... ( متل الاخوان المسلمين ) هني الأقرب لأستلام الحكم في سوريا في حال سقوط النظام
هلأ ممكن يقول البعض أنو هادا البعبع يللي عم يخوف فيه النظام الشعب السوري
بس بالواقع هادا الامر فيه كتير من الصحة ...
و لحد الآن هالقوى أقرب لتولي السلطة لأنها بتملك المال ..و بتملك العلاقات الدولية و لا سيما الاقليمية
و بتملك تأييد شريحة كبيرة من الشعب ... يللي عم يرجع للأصولية بكتير أمكنة

ما حدا حاب سيرة انو المعارضة شريفة او غير شريفة هيدا هوي الموضوع التاني
من ناحيتي بعتبر يمكن الفكر اليساري شريف
واكيد في الف واحد بيعتبرون ما الون علاقة بالشرف
والعكس كمان صحيح يعني نا فيي اعتبر الاخوان شرفاء متل ما قلت انت وكتار بيعتبرون حماة الوطن
ومن هون اجا كلامي انو ما بيصير نختزل كل الاطياف بكلمة وحدة هيي المعارضة
برايي انا لحد الان ولا طيف معارض قادر ياخد مكان الحزب الحاكم
لا الاخوان الون هالقدرة بسبب التنوع الكبير الموجود بسوربة من اديان وطوائف وقوميات مختلفة
ولا الاحزاب الاخرى لانو ما الها القاعدة الشعبية يلي ممكن يبنو ع اساسها
بس هيدا لا يعني انو الكل يسكت وما يحكي
ولا يعني انو اذا واحد هكا تحطو هيك بالمعمعة
المعارضة ما فيك تفصلها عن الدوافع بالمرة وبرجع بذكرك بالمثال يلي كتبتو بالرد السابق السارق مانو متل سجين الراي ولما بندمجو مع بعض ايا كان السبب فهيدا اجحاف بحق الاتنين تمما متل لما بتقول سورية عربية لا مو كل سورية عربية فيها قوميات تانية بس عايشة بوطن واحد اسمو سورية بتعتبرو وطنها وتماما متل ما بينحكا انو كل العرب مسلمين هيدا احجاف لكل الناس يلي بيتبعو دين تاني
لهيك الاسم والصفة لازم ينذكرو سويا
وع فكرة المعارضة ما دائما مرتبطة بالاخلاق لانو ( وهيدا رايي الشخصي بالتاكيد ) الاخلاق والسياسة ما كتير بلائمو بعض .. ومتل ما قال زياد واحد بلا اخلاق كيف رح تتعامل معو بالاخلاق ؟؟ بغض النظر مين هوي الاخلاقي لانو هي قضية نسبية جدا

بس هيدا لا يعني انو الكل يسكت وما يحكي
ولا يعني انو اذا واحد هكا تحطو هيك بالمعمعة

هي صارت موضوع آخر .. غير نقاشنا بالمرة



نحنا عم نحكي عن أنو ... ليش الفئات يللي ما بتعجبكون ...... بتشيلوها من المعارضة و بتقولوا أنو ما بصير نقول عنها معارضة ... مع أنو الواقع انهون بشكّلوا نسبة كتير كبيرة من المعارضة
أنا شايف أنو هالشي عم يصير لتلميع صورة المعارضة
و هالشي كتير غلط ... لازم تتوضح أطياف المعارضة ...
و يتوضح أنو فيها فئات كتير كتير سلبية ........ تفوق بسلبيتها الحكم بأشواط

لا ع الاقل ما هيك حكيت
انا قلت انو لما نذكر انو المعارضة عملت هيك
ضروري ينذكر بس ايا معارضة عملت
صراحة انا ما بلاقي معارضة خدام شريفة بالمرة
ولا معارضة الاخوان
بس الفرق الاساسي بين الاتنين انو الاول رجل سلطة بكل معنى الكلمة
والتانيين عانو شي اسمو السجن فحتى هدون لازم يميز الواحد بيناتهون
يلي عم اطرحو فقط انو كلمة (معارضة ) لحالها كتير ضبابية
واذا انا بنزع كلمة معارضة من شخص خدام ما فيي انزعها من الاخوان
ولو اني ضد هالتيار جملة وتفصيلا
ولا فيي اتزعها من حركات تانية
يعني مثلا مابوافق على بعض تصريحات اعلان بيروت دمشق وما فيي قول انون مانون معارضة
وهي وجهة نظر لكل واحد الحق بالتعبير عنها