مرحبا شباب
هلق عنا مشكلة هي بالحقوق الملكية للعمل يلي عم نحطه هون بالاخوية او باي مطرح تاني
الاغاني يلي عم نرفعون والكتب بالدرجة الاولى
ما بتشوفوا انو فيهون خرق لحقوق الملكية الفكرية تبعون

طيب
من جهة تانية في مشكلة رح تصير
لو نزلنا عالسوق واشترينا السي دي بيكلف 200 ليرة هلق ما بتكسرنا بس 200 فوق 200 ازمة
ولسا الكتب اضرب واضرب

مو بس هون

لو رحنا لشي محل بدنا نشتري سي دي غالبا بناخد المنسوخ مو الاورجينال لانو ارخص بس بهالشي عم ننتهك حقوق المؤلف

باوربا والحكي من كذا شب صار ماكديليل ياه انو مثلا لو انا عند شب وعجبتني رواية او سي دي ممنوع قله بدي صورها او انسخ السي دي رح يقلي روح اشتري نسختك الاصلية

انتو شو رايكون بهالقصة ؟

كلامك من حيث المبد‘ صحيح بالمية مية بس من حيث التطبيق مستحيل, لأنو ع الدخل اللي عم يفوت لجيبك مافيك تتبحبح وإنت كلشي حواليك مقلد ومنسوخ فشو رح يصير فيك إذا كان أصلي.

بعدين أخي حتى الدول الأوربية اللي عم تحكي عنن عندن هالشي, صحيح مو متلنا, بس هاد موجود كمان, وأكبر دليل عدد المواقع الضخم اللمخصص للبرامج و الكتب والأفلام وماشابهو كلو مجاني, ومواقعن أفضل وأحذ بكثيرمن المواقع العربية.

فكل واحد قدام أمرين أحلاهما مر, الجهل والتخلف لأنو المعرفة غالية جداً , أو العلم والتطور بطريقة متل هالطريقة.

طيب رح احكيلك هالقصة, كان بدي مرجع عن برمجة الإكسل بالفيجول بيسك, وكان بدي اشتريه, ووصيت أخي يطلعلي ع مكتبة جرير وهي أكبر المكاتب العربية مبيعاً وترجمة ,,, بس المفاجأة مافي ولا كتاب لا عربي ولا إنكليزي لا حديث ولا قديم عن هالمكوضوع المهم جداً, وحتى عمكتبة الفرات والنيل اللي هي أكبر مكتبة عربية ع الإنترنيت ولا الدار العربية للعلوم... كلن ماعند أي شي متعلق بهالموضوع, فعملت بحث بالنت وكانت النتيجة 10 كتب إصدار هذا العام لدور نشر مختلفة وبتبلش من الزيرو حتى الخبير. هيك صار فيني مشان موضوع اطلاعي فكيف إذا كان رسالة ماجيستير أو دكتورة, فبدك ياني احترم هالحقوق.

الإقتصادي السوري الكبير عصام الزعيم كان مابيأيد هالفكرة لأنو كان بيعتبرها وضعت بهدف أساسي لمنع تقدم وتطور الدول النامية كون مستوى دخلها مستحيل يرقى ليحصل كل شخص فيها ع أخر المبتكرات العلمية والفكرية بالوقت المناسب.

يعني مثلا لما بتفوت للموسيقا من جهة شي كتير حلو انو مرفوع عنا هيك مكتبة وشو ما بدك بتلاقي فيها بس كمان من جهة تانية انو ما عم نظلم هالعالم انو عم نحمل اعمالون عالبارد المستريح وهني اللي هلكوا بشغلون ؟

باوربا والحكي من كذا شب صار ماكديليل ياه انو مثلا لو انا عند شب وعجبتني رواية او سي دي ممنوع قله بدي صورها او انسخ السي دي رح يقلي روح اشتري نسختك الاصلية

انتو شو رايكون بهالقصة ؟
هلئ فعليّا أنا مابعرف تماما عن اوربا لكن بتخيّل نفس الشي بصير فيها ..
هون - أميركا - كتير بتصير هالعمليّه و من يومين تلاته عالراديو عم يحكو مع الشباب انو حاج تسرقو موسيقى و هيك .. اللي عم يقدرو يلقطوه منهم عم يحاكموه لكن ما كتير عم يقدرو يلقطو شباب كونو الاسماء مستعاره و صعب توصل عالنت لكل الناس ..
لكن ,و ما المفروض كون عم عبرلك عن هالشي :p, في مجموعه بعرفها بتلاقيهم نازلين نسخ من بعضهم و كلّو عرفان انو نسخ و هيك بس اصدقاء بين بعضهم بينما اكيد واحد غريب ما رح يرضى يعطيك تنسخ من عنده ..
هون ما بتم كتير تداول الكتب الالكترونيه كون في لكل شخص بمنطقته مكتبه بتقدر تجبلك اي كتاب بتوصي عليه و هيك لذلك توافر الكتب ما بخلي الناس كتير تلطشها عالنت بينما بينسخو موسيقى اكتر شي عالـ ipod
أضف لذلك دخل الفرد عنّا بالبلد مقارنه مع دخل الاشخاص اللي باوربا ..
يعني مثلا لما بتفوت للموسيقا من جهة شي كتير حلو انو مرفوع عنا هيك مكتبة وشو ما بدك بتلاقي فيها بس كمان من جهة تانية انو ما عم نظلم هالعالم انو عم نحمل اعمالون عالبارد المستريح وهني اللي هلكوا بشغلون ؟
اعتقد انو اغلبهم بيعرف مش معناها عاجبو لكن انت حاول تشتري مثلا شي سيدي و تشوف الفرق بين السيدي المنسوخ و الاصلي ..

اساسا هلق في شركة عم تعمل السيديات بطريقة اورجينال وممنوع نسخها ومغلفة وملزقة وحقن 200 ليرة
هي ما بتكسر صح
بس 200 ورا 200 ورا 200 بتكسر
ومن جهة تانية كتار بيقولولك انو لا بفوت حملون من الاخوية احسنلي
بس في هون شي مهم شوش
انو مثلا لو ما ارتفعوا عنا كنتي انتي يللي باميركا عرفتيهون.؟

بس في هون شي مهم شوش
انو مثلا لو ما ارتفعوا عنا كنتي انتي يللي باميركا عرفتيهون.؟
نوب !
و للصراحه اكتر انا غير اللي بيعطيني ياهم مرام و سامر و ميمو بأيدي اسمعهم ما كتير بسمع لغير فيروز طبعا كونو صاير في انحدار بالذوق الفني العام للغناء العربي ..

طيب معناتا من وين رح يعرفهون الناس ؟ لك يا ستي حتى يللي برا الشام مثلا بحمص لهلق في شباب ما بترعف مين جين مثلا

طيب معناتا من وين رح يعرفهون الناس ؟ لك يا ستي حتى يللي برا الشام مثلا بحمص لهلق في شباب ما بترعف مين جين مثلا
اي لا يا رجل شو وين شايف حمص بالصحرا :o !

حسيت بالذنب و انا عما ارفع سي دي جين :sick:

سبقتك وحسيت بالذنب اكتر

كلامك فيو وجهة نظر معقولة
بس كمان المعرفة للجميع مو لفئة معينة
باوروبا صح هيدا الكلام بس تناسب الدخل مع مستوى الاسعار كتير مقبول
مو متل عنا يعني واحد بيقبض 5000 ليشتري كتاب ب700 هي غير مقبولة
الا اذا رح تصير في طبقية بالتعلم ...
اضافة لهيدا الشي في نظام باروبا انو نسخ فخمة من كتاب ما بتكون اسعارها غالية
ونسخ تسمى نسخ شعبية تختلف انها ارخص طباعيا بس المهم انو المضمون واحد .. غير هيك نظام المكتبات العامة شيء مذهل مئات الالاف من الكتب والمجلدات والافلام وحتى السي دي تحت اليد للقراءة او الاستعارة بحيث الواحد يحصل على المعلومة واذا قرر انو لافضل يحتفظ بالكتاب وقتها يدور ليشتريه
لهيك المسالة الها اكتر من بعد وامتر من اثر
لهيك طالما عنا الوضع المعيشي كل مانو لورا انا بشجع التنزيل والنسخ
مرة صارت معي شغلة ظريفة
كتاب لبرنامج الماتيماتكا بالرياضيات نازل من مايكروسوفت بتوقع.. كتير مهم وبسهل الشغل للطلاب يلي عم يدرسو هيدا الفرع
طلع حقو 1700 يورو !!!!!!!!!!!!!!!!
فيبدو واحد طاقق عقلو راح مشتريه و منزل البرنامج ببلاش
برايكون مين بسورية قادر يشتري هيدا البرنامج ؟؟؟
لهيك لا تحسو بالذنب .. كترو

يعني مثلا لما بتفوت للموسيقا من جهة شي كتير حلو انو مرفوع عنا هيك مكتبة وشو ما بدك بتلاقي فيها بس كمان من جهة تانية انو ما عم نظلم هالعالم انو عم نحمل اعمالون عالبارد المستريح وهني اللي هلكوا بشغلون ؟
أنا بظن لحد كبير ..... الموضوع ما بأثّر كتير مادياً ..
لأنو انت عم تحكي عن شريحتين مختلفين من الناس ..( و هي حقيقة عنا )
يعني مو كل واحد عم يفوت ينزل أغنية .....كان رح يشتريها لو ما نزلها من النت



بس من ناحية تانية .. في فائدة معنوية كتير كبيرة ..و خاصة للفنانين الجداد ( الفنانين يللي عن جد فنانين )
لأنو هدول مافي أي وسيلة إعلام تدعمون
و أكترون ماكان حدا عرفون لولا النت ...... مع أنهون أفضل من غيرون بكتير

و أكترون ماكان حدا عرفون لولا النت ...... مع أنهون أفضل من غيرون بكتير
و لولا اب سمرا :lol: ..

يحاولون عن عمد دمج مفهوم الحقوق الفكرية مع الحقوق المادية .. ولكن هناك فارق بينهما
لا أحد ينكر أهمية الحقوق الفكرية للمؤلف والتي تتيح له حق الاحتفاظ بالقيمة الفكرية وارتباط الفكرة التي أبدعها باسمه .. ولكن أن يفرضوا على الناس الحقوق المادية الأبدية ويجعلوها مترافقة جدليا مع الحقوق الفكرية فهذا ظلم بحق المعرفة والباحثين عنها.
إنّ أدب كل كاتب عربي هو ملك مادي للأمة العربية كلها وليس حكراً على الأديب وأهل بيته فقط إلى الأبد. لماذا؟ لأنه كان يعيش بين الناس حين كتب كتابه واستفاد من تجارب غيره وإبداعات مجتمعه كلها.
من يجرؤ من المؤلفين على الإدعاء أنه لم يستفد من آثار غيره من الأدباء أثناء تأليفه كتابه ( سواء الآثار التراثية السابقة أم المعاصرة)؟! أو يجرؤ على الإدعاء أنها نتاج فكري شخصي خالص قام به لوحده وكان يعيش طيلة حياته على قمة جبل منعزل فهبطت الأفكار وحياً على رأسه؟!
من يجرؤ على القول أن نشر المعرفة لكل الناس هو أمر غير قانوني؟!
الأمر الغير قانوني هو أن يحتكروا الطفيليون كتب المعرفة إلى الأبد لأنفسهم، ويستنزفوا أموال الناس بواسطتها، ويرفعوا أسعار الكتب لتصبح فوق قدرات معظم الناس على امتلاكها.. إنّ الإحتكار هو الممنوع في عرف كل القوانين السماوية والوضعية البشرية.. لأن كل ملكية فكرية لها مدة محدودة فقط لكي تستغل ماديا ولها شروط يجب مراعاتها لتطبيقها.. وهي ليست ملكية مادية أبدية. ولكن لا يزال البعض يتمسك بحقوق الملكية المادية الأبدية للفكر! متناسين أن مبتدعي فكرة الملكية الفكرية يمنعون احتكارها ماديا جزافاً..( فكل حقوق ملكية لها مدة قانونية وليست مطلقة الزمن).
هل يهتم أحد اليوم بدفع تعويضات مادية لورثة الفارابي مثلاً أو ابن رشد أو ابن الهيثم؟!
تصوروا لو أن أهالي الأدباء الغابرين احتكروا مؤلفات أولئك الأدباء ومنعوا انتشارها إلا بالقطارة! ما كان وصلنا شيء من التراث العربي أو الإنساني كله على الأرجح.
إنّ بعض الإنتهازيين في كل مكان يقومون بمحاولة إيهام الناس بأن الملكية الفكرية لأي كتاب مهما كان لها ملكية مادية أبدية مطلقة منحصرة ومقتصرة على دور النشر ( هيك!!) حتى يستغلوا الناس بدون مراعاة لظروف الأغلبية من الغلابة!
الحمد لله أن الأنبياء والرسل وخلفاءهم وأتباعهم لم يفكروا بنفس طريقة أصحاب الحقوق المادية الأبدية للفكر وإلا لكان الدين ( وهو من الأفكار الراقية المؤثرة في تاريخ البشرية) قد غدا حكراً على فئة من الناس: الفئة التي تستطيع أن تدفع لتشتري المعرفة والعلم فقط.. أو تستطيع أن تشتري معرفة الدين!
ولو أجرينا إحصاء لكمية الكتب التي تخوض في أمور الدين لذهلنا حقا..فبحسب إحصاءات المعارض ودور النشر تشكل الكتب الدينية أكثر من نصف المطبوعات في تاريخ البشرية. فهل ينبغي أن يطالب كل صاحب فكرة دينية (أي كتاب ديني ) بحقوق مادية أبدية ثمنا لفكرة لم يبتدعها هو بنفسه وإنما تشكلت في وعيه نتيجة التراكم المعرفي الكمي حينما عاش في مجتمع إنساني وليس في غابة لوحده.
المحزن أن أغلب المتعاملين مع الأدباء وأدبهم يتعاملون مع كتب الأدب كما يتعاملون مع أي تجارة! ولا يفكرون سوى "بالمقابل المادي"! فالجميع لا يهمهم تقديم الفائدة للناس ورسالة الأدب العظيمة بقدر اهتمامهم بالمال الذي سيحصلون عليه أولاً من " تجارتهم الأدبية".
ما يؤلم النفس حقاً أن أهل الغرب الذين تعشش الأفكار المادية في صميم حياتهم؛ ينشرون اليوم مجاناً كتباً هائلة على مواقع كثيرة بالإنترنيت في حين نحن -بني يعرب- الذين يفتخر الأدعياء فينا أننا أصحاب رسالات روحية سامية؛ والروحانية أهم اهتماماتنا، إلا أن معظم المعنيين بالأمر حتى الآن يتعاملون مع كتب المعرفة كما يتعامل تجار الخضار والفواكه والمواد الاستهلاكية في أسواقها!
ومن المحزن أن نرى من يدافع بشراسة عن حقوق نشر مؤلفات الأدباء العرب على الإنترنيت (وأغلب مؤلفيها صاروا في ذمة الله)؛ في حين أن مؤلفات كبار الأدباء الغربيين منتشرة في كل مكان وبأسعار زهيدة جداً إن كانت على الورق ( وغالباً مجاناً على الإنترنيت) وبموافقة الأحياء منهم أو ورثة المتوفين..
هناك مثلاً مواقع ضخمة تضم آلاف الكتب الأدبية الغربية، وتتيحها أمام كافة الناس مجاناً، وهي تتمتع بالشرعية القانونية تماماً!
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
كذلك يوجد عشرات المواقع مثلها.
والأنكى من ذلك أن هناك بعض الكتب عمرها عشرات السنين توقفت دور النشر العربية عن نشرها منذ زمن طويل ولكن هناك حاجة ماسة إليها..مثال ذلك كتب الشطرنج باللغة العربية، يتحرق اللاعبون للحصول على واحد منها في حين أن أحداً لا ينشرها على الورق.. وقد سحبت أحد هذه الكتب الشطرنجية الهامة قبل أسبوع وهو ( الخطة والتكتيك في الشطرنج) ووضعته هنا في مكتبة المنتدى (وفي غيره) وهو كتاب مضى على تاريخ نشره بالورق أربعون عاما..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ولكن تخيلوا حجم الطلب عليه.. في بضعة أيام فقط تجاوزت النسخ المحملة منه عدد النسخ المحملة من كتب أخرى صار لها شهور وسنين موجودة على الإنترنيت، وهذا الكتاب هو الكتاب الكامل الثاني فقط باللغة العربية المنشور على الإنترنيت منذ تأسيسها وحتى الآن.. في حين أن مئات من كتب الشطرنج الإنكليزية صار لها سنين منشورة على الإنترنيت.
فهل أستحق التوبيخ على ذلك أم الشكر ؟
ويبقى لنا وآخذ دائم مستمر على الذين يحاولون تحويل الأدب إلى تجارة تبيض ذهباً ضاربين رسالة الأدب عرض الحائط، بينما غاية الأدب الأساسية هي التأثير في وجدان المجتمع كله.
وفي حين يصرف أصحاب الأموال خمسين ألف ليرة وأكثر ثمن دقيقة للدعاية في التلفزيون يستخسر الإنتهازيون نشر بضع نسخ من الكتب على الإنترنيت وزلا يعتبروها دعاية مجانية لكتبهم. انظروا كم هو عدد النسخ المحملة من أي كتاب عربي تجدونه على الأغلب عدة مئات فقط بعد سنين من نشره.. فما هو إذن حجم الخسارة المادية التي تلحق بصاحب الكتاب أو ناشره؟ أم أن الدعاية على الإنترنيت للكتاب ليس لها أيضا قيمة مادية؟؟


.

و لولا اب سمرا :lol: ..
لك على راسي انتي شوش

و هلأ لفتي نظري لايجابية ( عامة ) جديدة ..
و هيي تعويد الناس عالشي الصح ...
و نقد نظرية الجمهور عايز كده ... يللي بتتبناها شركات الاعلام العربية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

سبق وقلت رأيي هون
مكتبة أخوية - دعوة للنقاش

:mimo:

وصلت الفكرة للكتب والموسيقى