نداء عاجل لإنقاذ حياة عارف دليلة
لجان إحياء المجتمع المدني في سورية
أفادت مصادر موثوقة أن حياة الخبير الاقتصادي الدكتور عارف دليلة (62 عاماً)، عضو الهيئة التأسيسية للجان إحياء المجتمع المدني، في خطر جدي، فهو مصاب بنقص في التروية واضطراب في نظم القلب، إضافةً إلى إصابته بمرض السكري، وهو يحتاج إلى إجراء جراحة عاجلة في القلب.
إن استمرار اعتقال الدكتور دليلة مع بقية زملائه منذ عام 2001، بسبب آرائهم السياسية، بالإضافة إلى المعاملة غير الإنسانية لهم في السجن ووضعهم في سجن انفرادي لفترة طويلة، يطرح مجدداً وبإلحاح، إطلاق سراحهم فوراً، مع كافة المعتقلين الآخرين. فلم يعد مقبولاً، على الإطلاق اعتقال أي كان بسبب آرائه ومواقفه السياسية، الأمر الذي يسيء إلى سمعة سوريا في الداخل والخارج في آن.
إننا نطالب السلطات المختصة بإطلاق سراح الدكتور عارف دليلة فوراً، كي يتمكن من إجراء العملية الجراحية، وهو حر طليق، كما نطالب بإطلاق سراح بقية زملائه وكافة المعتقلين السياسيين.
ونهيب بكل الوطنيين في بلدنا، بمختلف انتماءاتهم السياسية ومشاربهم الفكرية، و في أي موقع كانوا، أن يطلقوا حملة تضامن واسعة لإخلاء سبيل الدكتور دليلة فوراً. كما نهيب بهم أن يطالبوا بإطلاق سراح كافة المعتقلين السياسيين في بلادنا وطي ملف الاعتقال السياسي، وفتح صفحة جديدة تساعد على خلق مناخات الثقة وإزالة الاحتقان الاجتماعي، وإشاعة أجواء التسامح والتكافل والحوار.
لنوحد الجهود من أجل غد أفضل.
في 1 آب 2004

:confo: :confo: الله لا يقيمو ..
مع احترامي احترامي احترامي لجميع .. بس انا ما بحب المهرجين ولا الاركوزات وما بتفتني اطلاقا الحركات الاكروباتية
ولا بحب الرقص على قدم واحدة ولا بحب الخلع اذا ما في شال مربوط على الوسط .. !!

يا زلمي انا مع كل افكارو او بمعنى اصح انا مع 80% من الافكار الي بيبشر فيها تحديدا بس شخصيتو الاكروباتية بتدبحني ..
وكل اليساريين عبر التاريخ ناس فاشلين وفاشلين جدا .. وتحديدا تحديدا اليوم وهال االايام لا مكان لليسارين غير لاثبات وجود اليمين وبس .. ولا بيطلع ولا حيطلع بايدون شي لا بسوريا ولا بغير سوريا ..
:frown:

و الله مع احترامي الشدييييييد لرأيك , بس ماني معك بنوب .
بغض النظر عن أفكاره و توجهه السياسي / طبعا الك كل الحق أنك تكون معو أو ضدو/ بس هالشي يا ترى يعلل أنو بنسجن بسبب أفكارو / يمين يسار ما بتفرق/ , بعدين برأيي أنو الحركات الاكروباتية مو عندو المسكين انما عند غيرو , هالشخص فهيم جدا برأيي, لو انو خلق بدولة تقدر ابنائها و تفجر قدراتهم لكان أقل ما فيها وزير اقتصاد , مو بالسجن .
و على فكرة لازم قبل ما نحكي عن اليسار نحدد شو هوي اليسار , لأنو 90بالمية من السياسيين اللي ينادو باليسار هنن بالنسبة لألي نازية أكتر من هتلر بزمانو.
مع تحياتي و سلاماتي لألكDR HUS :D :D

لأنو 90بالمية من السياسيين اللي ينادو باليسار هنن بالنسبة لألي نازية أكتر من هتلر بزمانو.


معك حق ........ انا عمري ما فهمت الاشتراكية القومية , هل هيي يمين او يسار ...... يعني البناء النظري لهل التوجه السياسي بالنسبي الى غبي جدا ....... من جهة هيي اشتراكية تسعى الى الشيوعية ..........و من جهة تانية قومية بتعارض الاممية ...........
و انا ما بتحمل التناقض الفكري ابدا ........ولا الضحك على اللحى ......... وما فينا نعطي حكم على انتشارا الواسع غير انو حاولت تسرق النجاح الجزئي اللي حققتوا ها الحركات قبل الحرب العالمية التانية ............ و الحقيقة ما نجحت الا ببلادنا .

وكل اليساريين عبر التاريخ ناس فاشلين وفاشلين جدا

لا يمكن انتزاع حق البني ادم بالتملك ......... حتى لو كان ها لاانتزاع جزئي ............ الفكر البشري ما تطور الا بعد بروز الملكية الفردية و قدرة الانسان الفرد على الابداع بالميادين الاقتصادية ........... و كل محاولة بها الاتجاه فشلت و رح تفشل ....... لان التملك عند الانسان غريزة .......... اصلا كل الافكار الانسانية نشات لحماية الملكية الفردية و المحافظة عليها ......و منشان ها الفكرة تحديدا الانسان اخترع الله و الاديان بشكل عام و بعدين القوانين و الشرعات ....... بس منشان يثبت الحق الازلي بالملكية .......... ها الحق الوليد من تحرك المجتمع البشري الى النظام الابوي و تهميش دور المراة اقتصاديا ..

تشعبنا كتير ...... بس كل ها الموضوعات مرتبطة....

:D

وكل اليساريين عبر التاريخ ناس فاشلين وفاشلين جدا

:shock: :shock: :shock: :shock:
هل فشل لينين؟؟
هل فشل غيفارا؟؟؟
هل فشل الليندي؟؟؟

وكل اليساريين عبر التاريخ ناس فاشلين وفاشلين جدا

:shock: :shock: :shock: :shock:
هل فشل لينين؟؟
هل فشل غيفارا؟؟؟
هل فشل الليندي؟؟؟

طبعا فشل لينين ......... الفكر اللينيني انتهى مع نهاية الاتحاد السوفيتي .... و اثبت فشلو الذريع .......... لانو اقتصاديا يستحيل يمشي اقتصاد الخطة ........... ابسط قانون بالاقتصاد هو العرض و الطلب ........ القانون اللي بينتفي باقتصاد الخطة ...... كمان لو ما فشل ما عزلو و حجروا عليه و شرشحوا باخر عمروا
شوف تروتسكي اديش كان منظر رائع ........ بس بالاخر فكرو اللي هو احسن من لينين منطفي ها الايام ...... هاي كلها سياسة ما الها علاقة بالفكر

تشي انسان رائع و مقاتل للحرية بس هو كان عم يقاتل ما فكروا اللي عم يقاتل ....... ثوريتو عم تقاتل ......... انسانيتو ............. بس اكيد ما فكرو اليساري هو اللي خلاه ينجح .......... على كل وجود يسايين كبار و محترمين ما بيعني انو اليسارية ناجحة ..........



اقتصاديا هيي فاشلة جدا .........


هاد اللي اثبتتو الايام

يعني بغض النظر عن الأفكار الاشتراكية أو غيرا
الدكتور عارف هو انسان يحمل فكر كتير مهم
و يلي كان عم يدعيلو مؤخراً هو تفعيل دور المؤسسات المدنية
يعني الحقيقة أنا زعلت كتير وقت عرفت أنو حكمو 12 سنة
بعتقد هاد الموضوع غلط و بتمنى يتصلح بأقرب وقت
يعني فكر الدكتور دليلة المتوازن و العقلاني هو المطلوب بهالمرحلة
يلي بيعرف الدكتور عارف و خطابو رح يوافقني أكيد
على كل حال كلنا منتمنى الأفضل لهل البلد
و أنا بعتقد أنو الأفضل للبلد خروج الدكتور عارف من السجن

طبعا فشل لينين ......... الفكر اللينيني انتهى مع نهاية الاتحاد السوفيتي .... و اثبت فشلو الذريع .......... لانو اقتصاديا يستحيل يمشي اقتصاد الخطة ........... ابسط قانون بالاقتصاد هو العرض و الطلب ........ القانون اللي بينتفي باقتصاد الخطة ...... كمان لو ما فشل ما عزلو و حجروا عليه و شرشحوا باخر عمروا
شوف تروتسكي اديش كان منظر رائع ........ بس بالاخر فكرو اللي هو احسن من لينين منطفي ها الايام ...... هاي كلها سياسة ما الها علاقة بالفكر

تشي انسان رائع و مقاتل للحرية بس هو كان عم يقاتل ما فكروا اللي عم يقاتل ....... ثوريتو عم تقاتل ......... انسانيتو ............. بس اكيد ما فكرو اليساري هو اللي خلاه ينجح .......... على كل وجود يسايين كبار و محترمين ما بيعني انو اليسارية ناجحة ..........



اقتصاديا هيي فاشلة جدا .........


هاد اللي اثبتتو الايام
أخ ديموزي مع احترامي العميق لما تطرحه من افكار على صفحات اخوية الا ان ما تفضلت به من كلام لا علاقة له لا بالواقع ولا بالتاريخ
كيف يمكنك اعتبار الرجل الذي اسقط عرش القيصر و نهض بروسيا من اقصى درجات انحطاطها وفقرها الى صدر التاريخ فاشلاً؟؟؟
كما ان الربط بين نهاية الاتحاد السوفيتي وصورة او تمثال لينين ثم الانتقال بهذا الربط الى الربط بين انهيار السوفييت و لينين نفسه ما هو الا تعبير حي عن مدى نجاح الاعلام الغربي الامبريالي الصهيوني تحديداً
حيث ان سقوط الاتحاد السوفيتي مرتبط بغورباتشوف و يمكن ربطه بالانقلاب في السياسة الروسية في عهد ستالين زمن الحرب العالمية الثانية ولا علاقة له بلينين لا شخصاً ولا فكراً
إن الأفكار الماركسية والماركسية اللينينة هي أفكار لم تجد بعد حيزاً لها على أرض الواقع ليثبت فشلها أو نجاحها و إن ماركس لأدرى بقوانين الأقتصاد من غيره و بامكانك أن تسأل أكبر اساتذة الاقتصاد في العالم و لا داعي لأن اتوسع في الشرح عما هو معروف للجميع
اما بخصوص غيفارا فلست انت من تحدد ما هي دوافعه و غاياته واستغرب منك هذا التصرف الغير المنطقي
عندما انطلق شي غيفارا من الارجنتين الى كوبا لم يكن يتحرك بدافع ثوري فارغ وكأنه يحارب بهدف الحرب بل كان ذاهباً لتجسيد ما يحمله من افكار ماركسية يسارية و عندما انتقل من كوبا الى بوليفيا لم يكن يبحث عن المناصب لأته يملكها ولا عن الشهرة لأن الشهرة صارت وراءه
كان غيفارا يواصل مسيرته الأممية و عندما قام الامريكي بقتل غيفارا الاسير في غرفة التحقيق و اخفاء جثته عشرات السنين كان يعلم أنه لن يتمكن من اخفاء صورته المنتشرة بالملايين حول العالم رمزاً للماركسية و اليسارية و لكنه أراد أن يوقف لسانه الذي حرك الملايين من ابناء الشعوب الفقيرة المستغلة
فهل كان غيفارا فاشلاً؟؟
ان الفكر اليساري هو فكر قائم على اسس علمية وا قتصادية صلبة و ان الديالكتيك المادي ليس مذهباً فلسفياً وحسب بل هو اكثر المذاهب الفلسفية كمالاً نظراً لقدرته على الاجابة على الكثير من الاسئلة التي بقيت تحيط بها اشارات الاستفهام في باقي المناهج الفلسفية .
أما ما يحدث على الأرض فلا علاقة له بالفكر و لا بالحقيقة و الا لكان جورج بوش بما يجسده من نجاح على الأرض هو اكبر مفكري هذا العصر على الاطلاق
وشكراً

هلاء اخي هشت نشت انا ما رح ناقش بالابعاد الاقتصادية لليسارية ... لانو بتصور النقاش بالموضوع عقيم و ما رح ياخدنا لمطرح

اما بالنسبة لموضوع ها الشخصيات ..... فكل حكيي انا انو ها الشي سياسة بس ...... الثورة بتوقف بس يستلموا السياسيين الكراسي ......... يعني نهاية القيصرية ما بس عملها لينين .... عملها وضع اجتماعيو اقتصادي ميؤوس منو و بعدين مين الي اوقف الديالكتيك ؟؟ هاي اكبر غلطة بتاريخ الفكر الشيوعي , قديش نفو و قتلو رفقاتن بالثورة بعد ما استلموا الحكم لينين نفسوا عمل ها الشي .........و عطول بحجة حماية الثورة من اعداءا

تشي غيفارا ...... و هو انسان انا بعشقوا ....... بعشقوا لانو انسان قبل كل شي ...... ما بعمروا شاف هاد يمين ولا يسار ........ هو شاف الانسان المظلوم وراح ليساعدوا ما شاف اليساري المظلوم من الراسمالي ولان الحرب ضد الراسمالية خاضا ...ابدا..... هو حارب ضد الظلم و كل نجاح حققوا حققوا للبشرية و الانسانية ما حققوا لليسارية ولا للفكر اليساري .

ما غيفارا هو اللي قال ....(( حيث يكون الظلم ... هناك يكون وطني))

حاجي حوارات يسارية يمينية
يا شباب الموضوع عن الدكتور عارف دليلة
دكتور بالأقتصاد السياسي
درّس في كل من جامعتي دمشق و حلب
عميد سابق لكلية الاقتصاد
بعثي سابق وليس شيوعياً كما يشاع
ذو خطاب إصلاحي متوازن غير راديكالي
يؤمن باحترام الدستور و القانون
يدعو لإنهاء حالة الطوارئ
طالب بالسماح بالعمل السياسي و النشاط الحزبي خارج الجبهة
أحد قادة ما عرف بربيع دمشق (و هو تجمع مدني سياسي واسع الأطياف و الانتماءات يدعو إلى تطوير البنية السياسية في سورية و البحث عن أفق الحل من خلال الحوارالبناء)