للنفس حركة نحن لا نراها .....
ولكن نحسها عبر تعابير الأشخاص وأحاديثهم
التي تعبر عن مواقف نفسية بالغة الغنى
والثراء ......
كلنا تجمعنا تلك المشاعر .....
ونذوب فيها .....
ولكننا نختلف في طريقة التعبير عنها ....
فمنا من يفصح عن ما يجول بداخله .....
ومنا من ترتسم تلك المشاعر في تعابيره وتبوح لنا بما لم يتحدث عنه.....
ومنا من لا يفصح وتبدو تعابير وجهه صماء لا علاقة لها بما يدور في خلده ....
ولكن ..... لماذا نختلف .... ؟؟؟
ولماذا يغلق البعض على همومه وأحزانه صندوقاً يدفنه في أغوار قلبه ؟؟؟
اتكون اخي القارئ و أختي القارئة من هذه الفئة ......
إذاً ما الذي يدفعك لذلك ؟؟؟
فلتقتحم أبواب هذا الموضوع ....
لنرى ما يمكن حصاده ...
انتظر آرائكم

تعرف شغلة .....
الكتمان يمكن لو ما انوجد بهالحياة كان كتير مشاكل صارت إن كانت عالميا او حتى مشاكل صغيرة كتير

انا عن حالي ما بحسن قول عن حالي كتومة لانو كلشي بقلبي عراس لساني :p
بس لو تعرفو شو بيصير بقلبي وبداخلي وبنفسي .....:sick:.....كتير شغلات بكون بحاجة اني اكتمها
لاني لو حكيتها ممكن تتسبب بمشكلة إلي او لغيري

رغم اني بحكي كتير وكلشي بيصير معي بحكي ان كان لإمي أو كان لرفقاتي بس هي الشغلات بتكون بايخة او سخيفة متل .:. وين رحت ووين اجيت وشو صار معي وبشو اشتركت وخرب لاب توبي وشو طبخنا وهيك شغلات .....
بس في أشياء أكبر من هيك ما بتنحكى لحدا ابدا طبعا لأسباب.:منها:.انها ممكن تسبب مشاكل بين رفقاتي ...وتعملي مشاكل الي انا ....وطبعا شغلات كتير تانية.......
بس لما بتجيني فترة بسميها (فترة السكوت)بتنقلب حالي كتير وبتعب وبقلق وبحس في شي قاعد عقلبي

فمن ناحيتي وتجربتي بهي الحياة بلاقي انو الكتمان حالة صعبة كتير وبصراحة الله يعين يلي بيكتم عن حالو كتير.....
فأنصح الكل بالتصريح عن ما في قلبه فذلك يعين كثيرا ..لذا فافتح قلبك لشخص تثق به وانت متاكد انه لن يفشي لك سرا.....:D

شكرا عالموضوع الحلو:D:D
واسفة طولت بالحكي :oops::oops:

واسفة طولت بالحكي :oops::oops:

[/QUOTE]





بالعكس خدي راحتك الموضوع انطرح للنقاش موللكتمان مشكوره

انا من الناس يلي بيكتمو كتير
ومن الناس يلي نادرا ما تعرف شي عن مشاكلون
بيوحيلك طريقة حياتون انون من اسعد البشر
وقليل ما تظهر مشاعري على وجهي واذا صار وظهرت فهي تظهر بقوة غريبة
المهم انا السبب بكتماني انو بصراحة من اول حياتي ما لقيت حدا احكيلو
وكبرت على انو مشاكلي تضل معي
تعودت حلها لحالي ووصلت لمرحلة صرت لاقي انو من الافضل اني ما افصح لاعن مشاكل ولاعن مشاعر خاصة
لان ما حدا بيفهمها غير يلي بيحملها
المشاعر يلي بتاخد طابع عام مثلا انا مزعوجة من شخص والانزعاج بيكون هالشخص سببو فانا بقلو
اما اذا كان الانزعاج من تصرف عادي وانا حسيتو مزعج شوي فما بقول عنو
وهيك انا بكتم مشاعري يلي مش منحقي اني احكي فيها
بتمنى تكون الفكرة وصلت

انا من الناس يلي بيكتمو كتير
ومن الناس يلي نادرا ما تعرف شي عن مشاكلون
بتمنى تكون الفكرة وصلت


اكيد00 في كتير امور منحاول نخبيها يمكن لانو ماعنا الجراه اويمكن تكون شخصيه اواذا حكيناها ممكن نجرح شخص ماعندي حل لان كل انسان وطبعو الخاص والفكره وووووصلت وميرسي عالمشاركه

انا اكتر انسانه كتومه بالعالم..مع اهلي بس مع غير عالم الكل بيعرف كل شي عني
شغله غريبه بعرف بس انا هيك
لانو ما لقيت حدا من اهلي يسمع لي او حتى يفهمني وتعودت اني ما احكي عن مشاكلي
واخبيها وما طلعها ...
الكتمان كتير مزعج ومتعب كمان بيسبب امراض ومشاكل:frown:
انا تعودت ع هالشي وصرت اكتب يعني بطلع الي داخلي لو ع الورق ..واستفدت كتير ونصيحه للي متلي ما عندك حدا تحكي لو اكتب رح ترتاح كتير كمان رح تتحسن كتابتك ..اهم شي ما تكتم شي رح تتعب كتير
ميرسي ع التوبيك الحلووو:D

أحيانا تتحمل قلوبنا وعقولنا طاقة لا استطاعة لها

لكننا نحافظ عليها خوفاً من النتائج

هناك مثل شعبي يقول : (( خليها بالقلب تجرح ولا تطلع لبرا وتفضح ))

لذلك نلجأ للكتمان وعدم التصريح بالأشياء الخاصة جداً

لكن تعابير وجهي تفضحني ..:cry:.. دائماً في حالات عدم الرضى عن شخص

أو أنني في حالة حزن أو قلق أو فرح أ و حب ..

لكنني أفضل الصمت .. على أن يشاركني أحد همومي .. لأنني على علم

أنه لايوجد من سيساهم معي في حل مشاكلي ..

وإلا لكنت فعلت (( وكلامي عن تجربة ))

ولأنني مسالمة بطبعي وعنوان شخصيتي الصمت لذلك أنطق فقط بالشيئ

المفيد .. على حسب الحالة ..

أحب أن أكسب ثقة الآخرين .. ولا أرضى بجرح أحدهم ولتبقى نفسي أنا

هي مكمن سري ..

موضوعك حلو .. أعجبني

أحب أن أكسب ثقة الآخرين .. ولا أرضى بجرح أحدهم ولتبقى نفسي أنا

هي مكمن سري ..

موضوعك حلو .. أعجبني [/QUOTE]



وكلامك حلو ومنطقي

انا وحدة من الناس الي بكتم اسراري وما بحكيها غير للاشخاص اللي انا بعرفهم انهم ما بحكوا لحد يعني بثق فيهم و هدول الناس قليلين كتير فهيك انا بحب اكتم الكلام و الاسرار بحس انه بكون احسن شئ اعملة اني ما احكي لحد شئ عني او عن حياتي الخاصة فعشان هيك الكل لما يتعامل معي بحكي عني غامضة :larg:كتير ما ابتحكي عن حالك شئ ولا عن الناس الواحد لازم يريح راسه من اي شئ بزعجة:lol:
بس انا احيانا بحكي عشان اقدم نصيحة لصديقة او لاي حد ما بتردد في هيك لاني اذا ضليت كاتم نصايحي ما بعرف شو بصير يعني اذا شفت شئ غلط ولازم انصح هالشخص سواء كنت بعرفة او لا بنصحه وما بكتم حالي بعدين بندم لاني ما حكيت معه :lol:

:oops: :adal:

حبيب البي هيدا الكتمان من صفات الرجل ومو ضروري الزلمة يضل يتغنج ويتأفأف ويتشكون متل الحوامل...بس ازا الواحد لازم يبوح ضروري يعبر عن حالته بكل ما عنده من قوة ازا كان زعلان يصرّخ ويكسر وازا كان فرحان يرقص ...لكن مو دايما الواحد بيعبر عن اللي جواتو...خاصة قدام النسوان او الدول المانحة!

حبيب البي هيدا الكتمان من صفات الرجل ومو ضروري الزلمة يضل يتغنج ويتأفأف ويتشكون متل الحوامل...بس ازا الواحد لازم يبوح ضروري يعبر عن حالته بكل ما عنده من قوة ازا كان زعلان يصرّخ ويكسر وازا كان فرحان يرقص ...لكن مو دايما الواحد بيعبر عن اللي جواتو...خاصة قدام النسوان او الدول المانحة!



اهم شي الدول المانحه والنسوان شكرا على رايك ابو شرار