اليوم عم يمثل الادمان علي الانترنيت مشكلة حقيقية بالنسبة لكتير من المستخدمين
حابب ان نعمل مشروع حول :
1-اسباب الادمان
2-شو هيه اكثر التطبيقات الي يمكن ان تسبب الادمان
3-وكم ساعة بيقضي العضو قدام النت او الكمبيوتر باليوم
وبالنهاية ياريت اي حدا بيساعدنا باقتراح الاليات ضد الادمان عالنت :D

رفيق بشكرك على هالموضوع ... الرائع متلك .. :oops:
هلأ رح جاوبك عأسئلتك باختصار ..
1- أسباب الإدمان .. إما ادمان ع مواقع اباحية .. او مواقع صور .. وتشات .. والرغبة بالتعرف ع عالم جدد ..
السبب الرئيسيس .. هوي فشل العلاقات الإجتماعية للشخص .. ومحاولتو تعويض النقص عن طريق النت ..
وأكيد بهالحالة .. رح يزيد النقص ..
بالإضافة للفراغ وكثرة الوقت الضائع .. واللي بيملوه بالنت .. وهون الفشل ..
2- أكتر التطبيقات ..
مواقع التشات المفتوح .. (يعني اللي بتحكي فيهن مع ناس غرب .. ) متل الياهو تشات .. ومدري شو .. والسكايب .. والicq
3- كم ساعة مابعرف .. بدك تسألهن .. بس أكيد مو أقل من 3 أو 4 ساعات ..
.
.
إلي رجعة .. :D

اليوم عم يمثل الادمان علي الانترنيت مشكلة حقيقية بالنسبة لكتير من المستخدمين
حابب ان نعمل مشروع حول :
1-اسباب الادمان
هلأ اسباب الادمان بالنسبة الي .....كوني بعتبر حالي مدمن :pos:
بالبداية كترة وقت الفضا .. ما فيه شي اعملو ... والملل من البيت والدراسة وهالقصص المعتة ...بعدين اجا القرف من الاصدقاء الواقعيين ...ما عدت حبيت لا اطلع ولا فوت مع حدا ..
حب الاستطلاع والتعرف على مجتمعات جديدة .. افكار جديدة ... ناس جداد .. خبرات جديدة .. تعامل جديد ...يعني بشكل عام بيئة جديدة .. او بالاحرى بيئات جديدة ومختلفة !!
هلأ انا ماعندي فشل بالعلاقات الاجتماعية .. بالعكس انا انبساطي للغاية وكتيير ناس بتعرف عني هالشي ومالي انطوائي ابداً وبكره الانطوائية ...بقا فوتتي عالنت وادماني عليه كان لاحكي مع رفقاتي يلي بحبهن وبيحبوني .. وعلى فكرة يمكن بستمتع اني احكي معهن عالنت اكتر ما استمتع معهن لما كون بالواقع !!


2-شو هيه اكثر التطبيقات الي يمكن ان تسبب الادمان

أخوية :lol:
جد أخوية سببتلي ادمان عليها وادمان على رفقاتي يلي منها وادمان على كل شي فيها .... وفي عندك المسنجر ... يلي شو ما كان صاير بالجهاز او ملتعن ابوه لازم ينفتح واحكي مع رفقاتي فيه ...
اما مواقع الشات فهي بطلتها من شي سنتين ... ما بحبها وبكرهها وولا ممكن حبها .. اييييييع :mrgreen:
فا يعني قعدتي كلها تقريباً .. مسنجر ... أخوية .. فيس بوك .. واغاني مو اكتر ... بس انو الفيس بوك ما ادمنت عليه .. شنو بحسو عادي ... :pos:
3-وكم ساعة بيقضي العضو قدام النت او الكمبيوتر باليوم

عندك تقريباً (عن حالي) :
من 4 الى 12 ساعة يومياً :gem:
وبالنهاية ياريت اي حدا بيساعدنا باقتراح الاليات ضد الادمان عالنت :D

هلأ انو حدا يساعدني ليش لأ ... بيكون كتر خيرو ....بس ما بعرف .. يعني بصراحة انا شبه عاجبني وضعي الحالي كـ "مدمن" :shisha:


حلو الموضوع ابو الفود ... حلو كتييير :D

انا باعتباري مدمن انترنيتي

ما بظن انو السبب ضعف العلاقات الاجتماعية

و انو انا لما بكون ورا هالكيبورد

ما بكون معززول عن العالم

بالعكس بكون عما اتواصل مع عالم يمكن لولا الانترنت ما بكون

عرفتها و كتير صدقات انترنيتية تحولت لصدقات حقيقة

متل مرا كنت قاعد بحفلة ورا ميرو و انا ما بعرفو انو ميرو

و كفرت بالعبري منو على قد ما طلع و نزل

و طلع و نزل

و بس لرجعت كنا عما نحكي عالمسنجر طلع انو هوي يلي عما يطلع و ينزل

و كمان في صدقات كانت انترنيتي و حقيقية بنفس الوقت بس ما كنت بعرف بهالشي

و بعدين في أشخاص ما بتلاقيهون وين ما كان

متل أب سارة هادا عملة نادرة بيني و بينو كم الف كيلو متر شلون بدي اعرف بوجود ولولا الانترنت

و لولا الانترنت شلون بدي اتعرف على كتير شغلات تعلمتها و أهمها يلي تعلمتو بالأخوية

هوي قدسية الحوار




أنا مدمن بس مبسوط مو زاعجني

و اذا في طريقة لخفف مشان
زيد كم ساعة نوم بس مو اقل او اكتر

و بالنسبة ايلي لبطل ادمان في حل واحد تقريبا هوي ينضرب سيرفر الأخوية و المسنجر - بعيد الشر -
و ساعتها بيخلص الادمان
و كم ساعة بعقد ممم

مثلا اليوم 7 ساعات بس في أحيانا بيوصل لل 12

اليوم عم يمثل الادمان علي الانترنيت مشكلة حقيقية بالنسبة لكتير من المستخدمين
حابب ان نعمل مشروع حول :
1-اسباب الادمان
2-شو هيه اكثر التطبيقات الي يمكن ان تسبب الادمان
3-وكم ساعة بيقضي العضو قدام النت او الكمبيوتر باليوم
وبالنهاية ياريت اي حدا بيساعدنا باقتراح الاليات ضد الادمان عالنت :D

1 - ما في اسباب محددة للادمان لكل شخص اهتمامه و لكل واحد الماقع اللي بفوت عليها مختلفة عن الاخر مع وجود الغالبية العظمى من المدمنين هم من رواد المواقع الاباحية او مواقع الشات :cry:
2 - كمان على حسب بس متل ما اسلفت انو المواقع الاباحية و الشات كمان المنتديات متل اخوية بساعد على الادمان :larg:
3 - يا صديقي انا بالشغل عندي 8 ساعات عمل على الانترنت و بالبيت عندي ساعة تحدث مع زوجتي و ساعة باخوية و بعض المواقع الاخرى يعني المحصلة 10 ساعات و ما فوق
4 - ما في مشكلة لالغاء ادمان الانترنت اذا انت من المستفيدين من ادمانك على الانترنت اما اللي عم يضيع وقت بس يحاول يستغل وقت فراغو بشي احسن من الشات او المواقع الاباحية او المواقع اللي بدون فائدة


وشكرا على الموضوع :D

انا بقصد لما بيصير هالادمان عم ياثر علي شغلك ,دراستك وروابطك مع العالم الواقعي ...وبعتقد ان الوقت الي بينقضي عالنت اكيد عم ياثر علي مجالات حياتنا التانية...ولا شو راي المدمنين

انا كنت رح جاوب بطريقة كتير شباب بس لما قرأت الرد السابق للرفيق غيرت رأيي ليش لإنو فهمت الفكرة اكتر
هلأ هيدي الحالة من الإدمان المرهق انا ما وصلتلا ولا مرة بحياتي إنو ولا مرة النت كان ياخد من وقت العمل او الدراسة بالعادة بياخد من وقت الترفيه ..او وقت الفراغ بأشد فترات الإدمان كان ياخد من الوقت المخصص للقراءة.
أسبابه بالعادة بتكون هروب من واقع سيء وفعليا شي منطقي لإنو الإنسان بالإنترنت بيخلق واقع مفترض وبيعيشه وكل ما زادت الساعات على الإنترنت بتزيد حالة " المعيشة " تلك .. لينمي داخل اللاوعي إيمان وتقبل للمجتمع الجديد المفترض ..
التطبيقات اللي ممكن تخلي المرء يستسلم للإدمان برأيي هي خلق الأفكار والمشاريع والخطط المستقبلية لهذا العالم المفترض حتى يصبح العالم بأكمله فضاءا محتملا " إنترنتيا"
انا هلأ ما عم اقعد كتير على النت بس بأسوأ فتراتي سبع ساعات او ست ساعات .
موضوعك رهيب يا رفيق
مشتاقلك كتير يا رفيق حتى لو مقصر معك كتير بس انتا بتعرف مين انتا ..
تحياتي الحارة
ظل جيفارا

أول شغله بقلك مرحبا اممي :gem:

تاني شغله اتا بكره كلمة الإدمان بحسها مبالغ فيا شوي ;),,,,و الانترنيت هو مجرد وسيله متلو متل غيرو كالتلفزيون او شغله تانيه نقضي فيا وقت الفراغ :o

و انا ماعندي فكرة عأنو واحد يدمن عالانترنيت مشان يهرب من المجتمع أو أنو عندو نقص بالعلاقات الإجتماعيه وهاي اللي بيسموها مواقع اباحيه ماعتدي فكره عليا او ليه عما يدخلولا ما بيخصني هالشي

بالعكس الانترنيت متل ماقال حبيب قلبي ابو ويليام:sosweet::gem: شغله حلوة بتعرفك عناس انت عما تشوفهم أو بعاد عليك
فهي قربت المسافات,,,

وبلاقي السبب اللي مخليني اعقد عالنت هو الأخويه يا خيو خيله هالأخويه انا بكره يقلها منتدى بالعكس هي مجتمع و راقي كمان:larg: ,,,, و الأشخاص الموجودين قيه كلون مثقفين وواعيين و هيك إلون منطق ز أخلاق عاليه انا مايلافيها بالمجتمع الحقيقي:cry:


فتعلمت منون شغلات كتيرة فادتني,,,, كالأفكار اللي عما يطرحوها وهيك شغلات فهمان عليي كيف:larg:


و السبب التاني اللي بخليتي اقعد ساعات هو لمن اشتري موبايل فبدور عالثيمات والبرامج وووووو:p:clap:


و سؤالك عكيف نخفف الساعات:lol:

لو يعملونا شي حصص بالتلقزيون يضيفو فيا أعضاء الأخوية أو يعملو فيلم من بطولة أعضاء الأخوية كمان فببصملك بالعشرة ماعاد بورجيك وشي هون بالنت :p:gem:



ومية وردة إلك :D