////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
النائب آية حمودة

بحسب صحيفة "القدس العربي" اللندنية، انتقد آيت حمودة مشروع المسجد الأعظم الذي أعلن عنه الرئيس عبد العزيز بوتفليقة، فخاطب زملاءه النواب قائلا: ألا تستحون من الموافقة على بناء مسجد بـ4 مليارات دولار بينما يمكن أن نبني بهذا المبلغ مدينة ومعالجة مشكلة السكن (..) وبعد كل ذلك تصبح أموال المشروع عرضة للتلاعب

و أمّـا الصحف الجزائرية بشدة النائب آية حمودة ابن أحد قادة ثورة التحرير بعد أن اتهم حكومة بلاده بمبالغتها في كل الأرقام بما فيها أرقام "الشهداء" الذين سقطوا خلال حرب الاستقلال عن المستعمر الفرنسي، وذلك بحسبما ما ذكر تقرير إخباري الثلاثاء 14-10-2008.

وكانت إحدى النقاشات البرلمانية قبل يومين شهدت اتهام النائب نور الدين آيت حمودة وهو نجل "العقيد عميروش"، أحد أبرز أبطال ثورة التحرير، متهما إياها بـ"تزوير كل الأرقام بما في ذلك عدد شهداء حرب الاستقلال" المقدّر عددهم بمليون ونصف المليون حسب الجهات الرسمية.
وأكد آيت حمود أنه يمتلك وثيقتين، واحدة صادرة عن وزارة المجاهدين والأخرى عن الجيش الفرنسي، تكشفان أن مسؤولا كبيرا (رفض ذكر اسمه) كان عميلا للفرنسيين، والآن يتولى منصبا رفيعا في الدولة، مشددا على أنه لا يريد ذكر اسم هذا المسؤول "حتى لا يتزعزع مجلس الشعب".

من جهته تدخل الوزير المكلف بشؤون مجلسي الشعب والشورى محمود خذري ليرد على اتهامات آيت حمودة، مؤكدا أن العنف اللفظي "مثلما ورد على لسان النائب"، هو الذي دفع بالجزائريين إلى الاقتتال في التسعينات.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


من هم النواب المجانين و الرئيس المعتوه الذين يوافقون على بناء مسجد بقيمة 4 مليار دولار و الشعب ميت من الجوع و الفقر و البطالة :jakoush::frown:

بالفعل البلدان العربية تحولت لمستشفيات مجانين كبيرة ..:pos: ..


لو ترى الجوامع في حلب تذهل من الانفاق عليها ، فترى مدرسة شبه مهدمة بجانب هذا الجامع او ذاك ...و لا أحد يكترث لها ..:jakoush:
ويوجد مناطق شاسعة من حلب .. اقل ما يقال عن سكانها انهم يعيشون في فقر متقع ... وسكن غير صحي .. وبالمقابل جوامع يصرف عليهه مبالغ هائلة جداً و لا ننسى صهيب الشامي مسؤول الاوقاف السابق من اغنى رجال سوريا هذا بدون ذكر مفتي الجمهورية الذي كان مفتي حلب وسيارة ابنه البي ام x5

جوامع تقارب السماء وتتزركش بالذهب والناس تموت بردا وجوعاً

دمتم بجوامع

.

الله كتر من امثال هالنائب الشريف...لو جمعنا المصاري المدفوعة ببناء المساجد والكنايس والديكورات والمفروشات الي موجوده فيها بسوريا فينا نامن شقق للشباب او نبني فيها مصانع بتكفي لتعمل سوريا بلد صناعي

هلق وقفت الشغلة كلها على موضوع بناء المساجد ؟!
ليش عم تتناسوا افضال المسجد عالمجتمع مارح اناقش هاي الافضال لأن بعرف انه لاتوجد اذن صاغية !
انت يااممي غريب عجيب تتهم الدولة ببناء المساجد على حساب المجتمع والحقيقة غير ذلك ..
الحقيقة ان الجمعيات الخيرية التي تجمع التبرعات طيلة ايام الاسبوع وخصوصاً تلعب دور كبير ببناء تلك المساجد والدولة في سوريا لاتتدخل الا بجزء بسيط .. كمان تركتوا الكنائس ولحقتم المساجد ؟!
مو الكنائس ايضاً مكلفة مادياً وتكلف خزينة الدولة أموال طائلة !
أنا لست ضد بناء اي دور عبادة لجميع الاديان ... صحيح انها مكلفة لكنها تلبي حاجيات الانسان الدينية أولاً وتعطي صورة حضارية للبلد ثانياً وتعطي انطباع جيد عن التعايش بين الاديان في أرض الرسالات ثالثاً
أولى للحكومة أن ترشد استهلاك منسوبيها الذين يقدر صرفهم بمئات الملايين بل المليارات عوضا عن وقف بناء دور العبادة التي لاتستهلك غير فاتورة الكهرباء كأقصى حد ..
كمان ياأممي يامن تدعي الأممية هل تناسيت دخل السياحة الدينية الذي يعود بفوائد عظيمة على الدولة نفسها ..
انظر الى السعودية كمثال تجد أن دخل الحج والعمرة يضاهي دخل انتاج النفط ويحرك الاسواق وينشط التجارة و و الخ ...
مثال آخر ياأممي انظر الى حلب عندما اعتبرت عاصمة للثقافة الاسلامية باعتباركم اناس ماديين انظر يااممي الى الدخل السياحي الذي حققته مدينة حلب باعتبارها عاصمة للثقافة الاسلامية .... انظر الى الجامع الاموي بدمشق كم يحقق دخل سياحي لوزارة السياحة وكم عدد زواره من المسلمين والاوروبيين المسيحيين ايضاً الباحثين عن عظمة الثقافة الاسلامية والتاريخ الاسلامي ... انظر كم تجلب منطقتي الست زينب والسيدة رقية دخل اضافي لميزانية الدولة من وراء الزوار الايرانيين وحدهم والبالغ عددهم 3 ملايين زائر سنوياً
يااخي افهمها بقى الحق مو على دور العبادة الحق على الدولة التي لاتوظف الايرادات الهائلة التي تأتي من تلك الدور المباركة واستخدامها في ما ينفع شبابنا السوري ...
يعني شو رايك ان بعض الشباب السعودي اضربها لك كمثال باعتبار ان فكركم ينحصر بالماديات بعض هؤلاء الشباب يعملون لمدة شهرين فقط كل سنة بموسم الحج ودخلهم مايعادل 500 الف ليرة سوري شو رأيك؟ وبيقعدو بيصرفوا منها طول السنة وهم قاعديين ببيوتهم ...
بالنسبة لهذا النائب الجزائري فهو يستبعد الفائدة المستقبلية من هذا المشروع ويحصر فكره على المدى القريب وان دل على شيء فهو يدل على قصر النظر ... كان من الأولى أن يناقش سرقة مئات المليارات من الدولارات من خزينة الدولة الاتية من ايرادات النفط والغاز ... لكنه للاسف حصر تفكيره ببناء مسجد له العديد من الفوائد المادية والمعنوية مستقبلاً اقلها توفير فرص عمل لمئات من الشباب !
يااخي بالمنطق دولة قادرة تدفع 4 مليارات لبناء مسجد بيصعب عليها تأمين 100 مليار لأبناء البلد ؟!


عالهامش : كلامي موجه لأممي وليس لصاحب الموضوع

هلق وقفت الشغلة كلها على موضوع بناء المساجد ؟!
ليش عم تتناسوا افضال المسجد عالمجتمع مارح اناقش هاي الافضال لأن بعرف انه لاتوجد اذن صاغية !
انت يااممي غريب عجيب تتهم الدولة ببناء المساجد على حساب المجتمع والحقيقة غير ذلك ..

مو الكنائس ايضاً مكلفة مادياً وتكلف خزينة الدولة أموال طائلة !
أنا لست ضد بناء اي دور عبادة لجميع الاديان ... ثانياً وتعطي انطباع جيد عن التعايش بين الاديان في أرض الرسالات ثالثاً
أولى للحكومة أن ترشد استهلاك منسوبيها الذين يقدر صرفهم بمئات الملايين بل المليارات عوضا عن وقف ..
كمان ياأممي يامن تدعي الأممية هل تناسيت دخل السياحة الدينية الذي يعود بفوائد عظيمة على الدولة نفسها ..
انظر الى السعودية كمثال تجد أن دخل الحج والعمرة يضاهي دخل انتاج النفط ويحرك الاسواق وينشط التجارة و و الخ ...
مثال آخر ياأممي انظر الى حلب عندما اعتبرت عاصمة للثقافة الاسلامية باعتباركم اناس ماديين انظر يااممي الى الدخل السياحي الذي حققته مدينة حلب باعتبارها عاصمة للثقافة الاسلامية .... انظر الى الجامع الاموي بدمشق كم يحقق دخل سياحي لوزارة السياحة وكم عدد زواره من المسلمين والاوروبيين المسيحيين ايضاً الباحثين عن عظمة الثقافة الاسلامية والتاريخ الاسلامي ... انظر كم تجلب منطقتي الست زينب والسيدة رقية دخل اضافي لميزانية الدولة من وراء الزوار الايرانيين وحدهم والبالغ عددهم 3 ملايين زائر سنوياً
يااخي افهمها بقى الحق مو على دور العبادة الحق على الدولة التي لاتوظف الايرادات الهائلة التي تأتي من تلك الدور المباركة واستخدامها في ما ينفع شبابنا السوري ...
يعني شو رايك ان بعض الشباب السعودي اضربها لك كمثال باعتبار ان فكركم ينحصر بالماديات بعض هؤلاء الشباب يعملون لمدة شهرين فقط كل سنة بموسم الحج ودخلهم مايعادل 500 الف ليرة سوري شو رأيك؟ وبيقعدو بيصرفوا منها طول السنة وهم قاعديين ببيوتهم ...
بالنسبة لهذا النائب الجزائري فهو يستبعد الفائدة المستقبلية من هذا المشروع ويحصر فكره على المدى القريب وان دل على شيء فهو يدل على قصر النظر ... كان من الأولى أن يناقش سرقة مئات المليارات من الدولارات من خزينة الدولة الاتية من ايرادات النفط والغاز ... لكنه للاسف حصر تفكيره ببناء مسجد له العديد من الفوائد المادية والمعنوية مستقبلاً اقلها توفير فرص عمل لمئات من الشباب !
يااخي بالمنطق دولة قادرة تدفع 4 مليارات لبناء مسجد بيصعب عليها تأمين 100 مليار لأبناء البلد ؟!


عالهامش : كلامي موجه لأممي وليس لصاحب الموضوع


الحقيقة ان الجمعيات الخيرية التي تجمع التبرعات طيلة ايام الاسبوع وخصوصاً تلعب دور كبير ببناء تلك المساجد والدولة في سوريا لاتتدخل الا بجزء بسيط ..

ال 4 مليار راح تكون من خزينة الدولة الجزائرية الي شعبها عم يموت من الجوع
وهيه بتساوي تقريبا نص ميزانية سوريا هاد من ناحية
الناحية التانية هالجمعيات الخيرية الي عندها كل هالمصريات مو من باب اولا ان تامن شغل لهالشباب العاطلين عن العمل او تصرف علي العوائل الميتة من الجوع؟
يعني بعتقد ان نوم اي مخلوق جوعان عند الله اكبر من بناء ميت جامع

كمان تركتوا الكنائس ولحقتم المساجد ؟!

لو جمعنا المصاري المدفوعة ببناء المساجد والكنايس والديكورات ...
يعني هاد مقتبس من ردي الي انت رديت عليه

صحيح انها مكلفة لكنها تلبي حاجيات الانسان الدينية أولاً وتعطي صورة حضارية للبلد

اي لما بتصير المبالغ المصروفة علي هالمباني بارقام خيالية فبعتقد ان من الاولي ان تتوفر وبيروحو العالم بيصلو ببيوتن او يااخي بيكبرو الجوامع اذا في هالقد اقبال

اما قصة الصورة الحضارية ففي الف طريقة لتخلي بلدك الها صورة حضارية
يعني موشرط بكل شارع يكون عندك جامعين ل3 جوامع وعاصمة بلدك مافيها غير اكثر 4 مستشفيات فيه الفقير يتعالج فيها


بناء دور العبادة التي لاتستهلك غير فاتورة الكهرباء كأقصى حد

اي جامع من النوع المتوسط الي مابيسع لاكثر من ميتين شخص بيصرف من الكهربا والتدفية والماي الي مابيصرفو10 عيل ...بعتقد هدول اولي بهالمصاريف ..
مان ياأممي يامن تدعي الأممية هل تناسيت دخل السياحة الدينية الذي يعود بفوائد عظيمة على الدولة نفسها ..

السايح جاي منشان يزور جامع اثري مو جامع للاستخدام العام
وبالعكس انا مع دعم كل المرافق الاثرية الدينية بكل اشكالها وبشيد كتير بالدخل الي بيفوت البلد من السياحة الدينة بس هاد مو موضوع النقاش
لان الرفاق بالجزائر بدن يعملو جامع بقيمة 4 مليار استخدام هوه للصلاة لا اكثر ولا اقل
يعني منو برج العرب ولا مشروع النخلة او حتة شي متل الجامع الاموي


يااخي بالمنطق دولة قادرة تدفع 4 مليارات لبناء مسجد بيصعب عليها تأمين 100 مليار لأبناء البلد ؟!

الدولة الي بتبني جامع او كنيسة ب4 مليار وتاركة الشعب جوعان مابتكون غير عم تحاول تخدر الشعب اكثر بالعبادة وان انت ايامك الك الاخرة ومنشان هيك اتركلنا الدنية

بوبالنهاية وباعتباري اممي ومو بس اممي ياسيدي اعتبرني يساري كمان ماعندي اي مانع ضد ممارست اي حدا لطقوسو الدينية او تشيدو لمعابد ودور عبادة بس القصة كلها صديقي من مبدا الحاجة الماسة اليوم لندفع البلد بهالمصاري لقدام يعني لو هالجمعيات الي عم تبيني هالجوامع عملت فيهم مصانع وشغلت هالشباب لك مو بتطعمي عوائل مية جوع او مرااح تمنعهن يصيعو او ينحرفو فكيف اذا اجت الدولة وحطت هيك مبلغ كان الاولي ينبني فيه مستشفيات ومدارس
لك كل جامع او كنيسة بيكلفو قد مابيكلف مصنع او مدرسة او مستوصف وشوفت عينك مافي شارع بالشام الا وصار في جامع ...ولوين يعني
حابب اعرف رايك بلا تطرف اذا كنت انت مابتلاقي ان اليوم صارت الناس بحاجة اكثر لمستوصفات ومدارس خيرية وان من ناحية الاجر والثواب هنن بنفس القيمة اذا مو اكثر من بناء جامع او كنيسة؟
اسف للرد الطوووووووويل بس طول بالك :D

الله كتر من امثال هالنائب الشريف...لو جمعنا المصاري المدفوعة ببناء المساجد والكنايس والديكورات والمفروشات الي موجوده فيها بسوريا فينا نامن شقق للشباب او نبني فيها مصانع بتكفي لتعمل سوريا بلد صناعي


كلام صحيح .. بس بدك مين يفهم ويقدر هالشي

طبا معو حق
قال جامع ب 4 مليار دولار
شو رايح ع قصر
بدي روح اعبد الله مو شوف الشغلات وانبهر بالقصص اللي حواليي
4 مليار دولار
يعني قديش هدول ممكن يحلو مشاكل
؟؟؟؟؟؟؟؟؟؟؟
ياحرام وين صرنا

مع انو كنت مقرر اني ما شارك أبداً بمواضيع لوست مان احساساً مني بانو عندو توجه معين عم يساهم بنشر نوع من الفتنه والشقاق واستثارة المشاكل بس ما قدرت ما علق بهالموضوع:

بدايةً أنا مو ضد بناء جوامع وكنايس ودور عبادة بوذية كمان اذا في ناس حابه تمارس أي نوع من أنواع العباده...بحكم هالشي بيندرج تخت بند حرية ممارسة المعتقدات الدينية...

بس المشكلة الكبيرة متل ما قال فؤاد تكمن بالبهرجة الزايدة لدور العبادة... يعني مو منطقي جامع تنعمل حيطانو فسيفساء وبكلف خيالية... ولا منطقي كنيسة تفوت عليها تحس حالك فايت على معرض لمايكل أنجلو من كتر اللوحات والرسومات والزخارف المكلفة للغاية...

ببساطه الكنايس والجوامع انوجدت لعبادة الله... والله مابيتعامل بالرشاوي فمو كل ما زودنا كلفة دور العباده كل ما الله تقبل صلاوات المصلين أكتر... الفكرة فكرة ممارسة طقوس العبادة بشكل جماعي ومنها اجت كلمة جامع...

وحتى بتصوري الشخصي الله بيرضى أكتر عن تسخير موارد الدول لخدمة الانسان وتثقفه وعلاجه وتحسين مستوى حياته.. بيرضى عن هالشغلات أكتر من رضائه على تبذير الأموال على التريات الكريستال بالجوامع وعلى أجراس الكنائس الدهب...

برجع بقول مو ضد انشاء دور العبادة... بس ضد التبذير المخيف فيها... هالأموال من الأولى تنصرف على شغلات تانيه...

مابخفي اني كنت متفاجيء البارحة من هالكلفة العالية اللي ذكرت بالموضوع ببناء المسجد المزعوم بتلك الكلفة العالية بالجزائر

فقمت بالبحث فوجدت الاقتباس التالي من موقع العربية

وتبلغ التكاليف الإجمالية لمشروع توسعة المسجد النبوي الشريف وعمارته أكثر من 6,000 مليون ريال.


6000 مليون ريال سعودي تعادل 1.5 مليار دولار !!

1.5 مليار دولار صرفت على ماهو مدون بالاقتباس التالي ايضاً

أما في أوقات العمـرة والحج ورمضان فيزيد استيعاب الحـــرم ليصل إلى أكثر من مليون مصلٍ. وبالنسبــة إلى مواقــف السيــارات فتقع تحت الساحات المحيطة بالمسجد النبوي الشريف، وتتكون من دورين تبلغ مساحتها الإجمالية حوالي 390,000 م2 تتسع لحوالي 4,000 سيـــارة. وقد روعي في تصميم هذه المواقــف فصل حركة السيارات عن حركة المشاة والمصلين بما يتلاءم مع متطلبات الصلاة والعبادة.


ويتكون مشروع مواقف السيارات من 11 وحدة، تفصل بينها مباني الخدمات، وتتألف كل وحدة من خمسة جسور للدور الواحد وتبلغ مساحة الجسر الواحد 1,600م2، وإجمالي عدد الجسور مائة وعشرة إضافة إلى جسور أخرى في مناطق المنحدرات والمنزلقات الداخلية بالقرب من المداخل والمخارج الرئيسية، وكسيت حيطان مباني الخدمات بالرخام.
كما أن مشروع مواقف السيارات مجهز بشبكات متكاملة لتصريف المياه والصرف الصحي والتهوية والتبريد ومكافحة الحرائق، وكذلك شبكات تأمين المياه.
ويشتمل مشروع مواقف السيارات على 15 وحدة للخدمات تتكون كل وحدة من أربعة أدوار، وتشمل هذه الوحدات خزانات و270 حماما ومرحاضا و6314 نقطة للوضوء و758 نقطة مياه للشرب. كما تشمل مواقف السيارات على 27 وحدة خاصة تضم مراكز للأمن وعيادات ووحدات طبية ومركزا للدفاع المدني وغرف تحكم.
وتوجد في المشروع 116 سُلما كهربائيا و30 سلما عاديا تصل مواقف السيارات بالساحات المحيطة بالمسجد النبوي الشريف.



اذا 1.5 مليار دولار عملت كل هالعمايل وكل هالمشاريع بالحرم النبوي بالمدينة المنورة الذي يتسع مايزيد عن مليون مصلي ... ماعم اقدر اتخيل مسجد بالجزائر يصرفوا عليه 4 مليارات دولار ياترى هل هاد المسجد يتسع لسكان العاصمة الجزائرية كلهم :shock:!
وياترى هل حيكون هاد المسجد مرصع بالذهب والالماس والمجوهرات لكي تصرف عليه 4 مليارات دولار وهل حتكون فيه منشآت خدمية هائلة وعملاقة أكبر من المنشآت الخدمية الموجودة بالحرم المكي الذي يتسع لأكثر من ثلاثة ملايين مصلي ؟؟!



الموضوع مفبرك ولو انه منقول من العربية
لااصدق هذا الموضوع واشك بأنها زوبعة أعلامية بحتة الها اهداف أخرى

هلأ طبعا مو ضد فكرة بناء الجوامع ولا الكنائس ووو الخ.. بس ضد فكرة كب الاموال
على "البهورة".. يعني متل ما ذكر البعض.. مكان لعبادة الله.. ليش الاربع مليارات
و على شو رح تنصرف..؟؟ يعني انا برايي الجامع -و اللي هو المفترض مكان لعبادة
الله مو لــ البهورة- يكون مكان لتجمع الناس فيه و العبادة,, مو مكان للسياحة و "استعراض اجمل ما لدينا من المفروشات و اللوحات ووالخ"..

و ايضا من الناحية التانية.. هدول المصاري ممكن انو يفيدوا ناس عم يشحدوا مو ملاقيين ياكلو..
ممكن انو يساعدوا مية شب عاطل عن العمل و ممكن ايضا يحسنوا من وضع البلد اذا تم استخدامها بشكل
صحيح..
يعني باختصار.. انا ضد انو نهتم بشغلة وحدة ( و هي مو بحاجة لاهتمام) و نهمل شغلات كتيرة بحاجة اكتر
لهل الاهتمام هاد بغض النظر عن هل الموضوع..