الحلال و الحرام
و العيب و المش عيب
كلمات كتير منرددها
انو هالشغلة عيب بعدين شلون بتصير مو عيب

متل : انو لما كنت اول ما دخن بالعاشر , حادي عشر
كنت خاف من اهلي و ما دخن بالبيت انزل على باب البناية
بينما هلق بدخن عادي قدامون

متل : لو كان جمال سليمان عما يمثل
ب فريندز كان دبح مونيكا و ريتشل و فيبي لأنو عملو العيبة

أو في شغلة خلتني فوت بالحيط
مجتمع مع رفيقي بس ماني شايفو من زمان
قلي شو عامل الاربعا قلتلو نازل انا و اختي على حفلة جوليا
(( صار الزلمة هيك :?)) عيونو قد نص وجو
قال انت بدك تنزل انزل بس انو عيب تنزل اختك معك (( ساعتها انا هيك صرت :shock:))
مع العلم أختي أكبر مني بكم سنة :adal:


هلق الاستفسار شو هوي يلي بيحدد العيب
يعني هالشغلة عيب و هي لا مو عيب
و شلون بتغير العيب ل مو عيب مع مرورو الزمن او اختلاف المكان
و بتغير كمان المو عيب ل عيب مع مروور الزمان و المكان

:D

العيب : هو كل فعل منافي للآداب والاخلاق العامة المتعارف عليها وكل شخص الو طريقتو بتحديد الافعال المعيبة يعني انا طريقتي بتختلف عن طريقة ابو ويليام .. كمثال انا لااسمح لأختي مع انها اكبر مني ايضاً ان تجلس مع ابن عمي وتطق حنك معو لأنو عيب بنظري ... بينما النظرة تختلف عند ابو ويليم وبيعتبرها أمر طبيعي ! على حسب البيئة والعادات والتقاليد وتحديد مفهوم الافعال المعيبة لكل شخص
طبعاً من المعروف انه من العيب أن يدخن الولد أمام والده ... أنا رأيت عكس هاد الكلام مع الاتراك اللي عاشرتهم فترة منيحة!
وبيعتبروها أمر عادي لأ والولد بيضيف ابوه سيكارة !
كما اسلفت اللي بيحدد مفهوم العيب البيئة الاجتماعية والثقافية اللي بتختلف من مجتمع لمجتمع وتعريف كل شخص للافعال المعيبة والغير معيبة .



و شلون بتغير العيب ل مو عيب مع مرورو الزمن او اختلاف المكان
و بتغير كمان المو عيب ل عيب مع مروور الزمان و المكان



تتغير الافعال المعيبة بتغير المفهوم في تحديد تلك الافعال المعيبة .. نجد ان مفهوم تحدث المرأة مع الرجل الغريب في المجتمع السعودي من الافعال المعيبة بحق المسئول عن تلك المرأة (باعتبار أن صوت الامرأة عورة) بينما في المجتمع الأمريكي نجد هذا المفهوم غير معيب وأمر طبيعي جداً

العيب : هو كل فعل منافي للآداب والاخلاق العامة المتعارف عليها وكل شخص الو طريقتو بتحديد الافعال المعيبة

حلو العرف بيحددو المجتمع حسب احتياجاتو يعني مافي سلطة بتفرض و بأغلب الأحيان بيكون واقع
لعدة ضغوط دينية او تاريخية معينة
بس هل العادات و التقاليد دائما صحيحة بمجرد انها صادر عن المجتمع بذاتو مع العلم انو العرف
مالو مؤيد جزائي


كمثال انا لااسمح لأختي مع انها اكبر مني ايضاً ان تجلس مع ابن عمي وتطق حنك معو لأنو عيب بنظري ...

طيب ممكن توصلي الفكرة انو النظرية يلي انت اتخذتها حتى قلت انو هالموقف هوي عيب
او على شي استندت لتقرر انو هالشي عيب او بأي صفة ..






تتغير الافعال المعيبة بتغير المفهوم في تحديد تلك الافعال المعيبة .. نجد ان مفهوم تحدث المرأة مع الرجل الغريب في المجتمع السعودي من الافعال المعيبة بحق المسئول عن تلك المرأة (باعتبار أن صوت الامرأة عورة) بينما في المجتمع الأمريكي نجد هذا المفهوم غير معيب وأمر طبيعي جداً


المجتمع السعودي هوي معيب على الانسانية كلها
مع احترامي للشريعة الاسلامية و الشرائع السماوية كلها *
:D


_______
* احترامي لا تعني حبي او تأيدي

يا صديق لا مكان لكلمة عيب عندي كل فعل ناتج عن شئ معين يفسره

بالنسبة لي, لا شئ عيب ابدا ولكن هناك اشياء لا نحب ربما فعلها, تلك الاشياء نفرضها نحن على انفسنا

لذا لا نفعلها لأننا ببساطة لا نرغبها

لكل شخص اراء مختلفة

لا يجب ان نرتبط بأفكار الاخرين او حتى نتأثر بها حتى ولو كنت الوحيد المختلف بين الكثيرين


لاحظ انك عندما تنفرد بنفسك يختفي كل شئ متعلق بكلمة عيب تفعل تماما ما يحلو لك, لكن امام الاخرين ستتنبه لأشياء كثيرة

اذا دخلنا بوابة التصنع فقط لأننا تعلمنا ان بعض الافعال معيبة

بالنهاية لا شئ عيب بالنسبة لي, انا اتصرف تماما كما اريد ولا ارتبط بالاخرين

لكن هنالك بعض الاشياء التي من الممكن ان لا ارغبها

او ارغب بفعلها

المسألة شخصية

عيب عاللي بيعمل العيب ...

انو هاي حسب كل حدا كيف ربيان ... بجوز انا اعمل شغلي عاديي انت تلاقيها عيب ...

مثلا انا بغني .. وما عم اعمل شي غلط .. كتير من العالم بلاقوا انو عيب البنت تغني ... علما انو فن..

او حتى الرقص ... عيب الرقص ما بصير كمان لو مانو فن ما كان صار من اساسو ..

انا كل ما شوف رفقاتي ببوسن ... اي كتير عالم بلاقوا البوسة عيب وما بصير ..ويااخ ..ويمممم ...

يعني كلو حسب الخلية ..وحسب قناعات الشخص وحريتو ...

العيلي .. المجتمع .. المنطقة .. البلد ...كلو بيلعب دور ..

وبالنهاية الواحد بيعمل الشي اللي بريحو وبريح ضميرو ...

يا صديقي اخ من العيب والحرام
يعني في قانون اسمو النسبية ما حدا عم يفكر يطبقو صح بالحياة
يلي عنا عيب يمكن يكون عند غيرك مش عيب
المجتمع يلي انت عايش فيه بيفرض بيحدد كتير نسب العيب والحرام
عيب تدخن عيب تحب عيب البنت تلبس بلوز ضيق
بمجتمع تاني عيب تاركل عيب تختلي بالبنت عيب البنت تلبس خيط بس مو عيب تدخن ولاعيب تحب ولا عيب البنت تلبس ضيق
وهكذا دواليك
تطور المجمع كمان بيلعب دورو بتلاقي نفس المجتمع قبل 5 سنين افكارو غير هلق ويلي كان عيب قبل صار هلق عادي
رح ذكرك بنهاية مسلسل ليس سرابا
ما كان محرما سابقا هو الان محلل
وما هو محرم الان سيكون محللا في المستقبل
بعدين في نقطة كتير عم نلاحظها بالمجتمع
انو عامل العمر والجنس بيلعب دورو
يعني انت صغير عيب تدخن وكمان عيب تحب بس لتكبر اي صار شب شو عليه
انت بنت ويلك اذا بتسهري او بتطلعي مع صحابك ويلك اذا بتحبي اما انت شب فشو عليه شب ما بيعيبو شي
لهيك لاكتير ينشغل بالك بهيك مسائل:D

الموضوع كتير كبير و ضخم ، و صعب توصل لنتيجة معينة .. خصوصاً أنو الموضوع بيرجع لعادات وتقاليد كل شخص.
و صعب نحدد مستوى العيب و المو عيب ، و الحلال و الحرام ، كون كل واحد عنده حد رسمه لنفسه ، أو أجا من فطرته.

:D

هلا منّط عن الحلال و الحرام .. و منجي لشغلة العيب .. !

يمكن أعظم إختراع بتقدر تخترقو مجتمعاتنا .. لأنو و / الحمد لله / ما سبقتون و لا دولة أو مجتمع فيه ..

مصطلح فضفاااااااااااااض .. لا لو قواعد .. و لا إلو أسس .. و الأنكى أنو مالو ثابت ..

و القانون الأول و الأساس بالحكمـ علـ الأشياء ..

عـ فكرة لنخترع شي متل العيب الي هو تشريع كامل .. بدها زكا خارء ..

إخترعوه لأننا شعب كتير منحب الهمة .. و كتير منحب شغلة أنو نحكي بلا طعمة بس بطعمة يق !
فلما شغلة ما بتعجبك .. بتقول عيب و . هلـ الئد ئدها و غير هيك ما عنا ..

ما كان محرما سابقا هو الان محلل
وما هو محرم الان سيكون محللا في المستقبل

لا هون بدت الأمور كأنها تفوت ببعضها ..
العيب شي .. و الحرام شي ..

الحرام مانو نسب .. و لا عم يتحلل على مر الوقت ..

أما العيب فهاي شغلة تاني الي ما عم نقدر نفصلها عن الحلال و الحرام ..

النهفة أنو ما كل شي عيب حرام !

يعني هاد مالو علاقة بهاد بتاتاَ .. التشريع السماوي هاد شغل الله ..

أما العيب فهو إختراع الإنسان ( العربي ) ../ ! /

التشريع السماوي هاد شغل الله

أما العيب فهو إختراع الإنسان ( العربي )

شعرت انهم جميعا من صنع الانسان وليس هنالك شغل ل ....

مع احترامي طبعا مجرد وجهة نظر

شعرت انهم جميعا من صنع الانسان وليس هنالك شغل ل ....

مع احترامي طبعا مجرد وجهة نظر

لا عيب هاد الحكي ... :lol:


الي بدي قولو أنهون شغلتين مافي رابط بيناتهون أبدا ً

:D

الحرام مانو نسب .. و لا عم يتحلل على مر الوقت ..


ميكي ماوس اتحرم :?

و هلق الشيوخ باي صفة بيحكو و بيقررو عن الرب

شو هني الوكيل الحصري ل الله

لا عيب هاد الحكي ... :lol:


الي بدي قولو أنهون شغلتين مافي رابط بيناتهون أبدا ً

:D

تماما مايا عيب...:lol:


هنا اختلفنا بتصنيف العيب

ولكن افهم ما تحاولين قوله

:D

انو شو مبرر انو ما تروح الاخت عالحفلة يعني هيك انو البنت ما بيصير تشوف حدا غريب ؟
هاموش: نفس الشب يلي بيحكي بمنطق ابو العز او ابو شهاب هو نفسه بيعيش بمنطق مهند ويحيى ومدري شلون مقولبون

يعني الحلال والحرام هي حسب كيف فسرو الدين مش كيف بقول الدين .... يعني الشغلة صعب نحددها هيك
اما العيب وهي اذكى شي عملو العرب بحياتهن كلها مع التحفظ على كلمة "عرب" ...
يعني من واحنا زغار بقولولنا انو السمعة اهم شي وانو كل الي بدك اياه والبس على ذوق الناس يا مدري شو انو يعني بهادا المعنى ومن هون الاشي العيب بدو يغلث على سمعة الشخص ولانو اهم شي هي شو بفكرو الناس فيك رح تبطل تعمل هاد الشي ... يعني بتلاقينا مجبورين نمشي حسب المجتمع وحسب العيب تبعو
بس حسب رايي انا ... انو اعمل الي بدك ايااه وانت حدد شو عيب وشو مش عيب لانو اذا بدنا نمشي على نفس العقليات الي بمجتمعنا وال بعدها هي نفسها من ايام الجاخلية تقريبا رح نضل طول عمرنا محلنا ومش رح نتقدم شيلي
واسفة على اللت والعجن بس انو فشة خلق :cry:

عيب = شيء مستهجن ضمن العادات و التقاليد
و طالما هالعادات عم تتغير مع الزمن .. أكيد هالعيب رح يتغير معها
و من ناحية تانية طالما العادات نسبية و مختلفة من مجتمع لآخر ..... رح يكون العيب نسبي كمان

انا لااسمح لأختي مع انها اكبر مني ايضاً ان تجلس مع ابن عمي وتطق حنك معو لأنو عيب بنظري ...
طيب ازا جلست معو لابن عمها بس ماطقو حنك... بيضل عيب بنظرك؟
يعني مثلا ازا هيك حبت تشاركو بشي او تحكيلو شي موضوع بلا طقطقات حناك كمان عيب؟

*انو حابه افهم ازا العيب بطق الحنك ولا بالقعده مع ذكر ((حتى لو كان ابن عمها))

طيب ازا جلست معو لابن عمها بس ماطقو حنك... بيضل عيب بنظرك؟
يعني مثلا ازا هيك حبت تشاركو بشي او تحكيلو شي موضوع بلا طقطقات حناك كمان عيب؟

*انو حابه افهم ازا العيب بطق الحنك ولا بالقعده مع ذكر ((حتى لو كان ابن عمها))
أنو يعني لا تدققي ....
ببعض المجتمعات ..... عيب الاخ يضل مع أختو لوحدون بالبيت ....( كان في موضوع هون بالصالون عن هالشي من كم سنة )

أنو يعني لا تدققي ....
ببعض المجتمعات ..... عيب الاخ يضل مع أختو لوحدون بالبيت ....( كان في موضوع هون بالصالون عن هالشي من كم سنة )

اي شوف هون أدي النية الغير سليمة عم تعلب دور ... لأي درجة وصلت هالمجتمعات بالظن السيئ والتربية الغير سليمة لأولادهم
تذكرت لما كنت روح ادرس عند بيت جدي ونكون أنا وخالي بالبيت لوحدنا
مرة ذكرت هالشي عالتلفون ادام رفيقتي ... بوقتا ماما سمعت شو قلت ولمحتلي بعدم وجود داعي لذكر هيك تفاصيل أدام ناس من غير بيئة
بالأول ما فهمت ليش بس لما عرفت ..:sick:
أنو معقول في عالم هيك بتفكر :jakoush:

أنو يعني لا تدققي ....
ببعض المجتمعات ..... عيب الاخ يضل مع أختو لوحدون بالبيت ....( كان في موضوع هون بالصالون عن هالشي من كم سنة )

مو عيب يضل مع اختو بالبيت ممنوع وموجوده ببعض المجتمعات العربيه
كيف ابن مع ابن عمها. عقده :?

مو عيب يضل مع اختو بالبيت ممنوع وموجوده ببعض المجتمعات العربيه
كيف ابن مع ابن عمها. عقده :?
هلأ انا عنجد عنجد اول مره بعمري بسمع فيها... انو بأنو مجتمعات موجوده؟؟؟
بذات المجتمعات لي لسا فيها مدارس البنات والشباب منفصله؟؟؟

بس السؤال لي عم يطرحلي نفسو هون.... كيف لسا هي العالم ما ماتت شك وظنون وفقع!!!

طيب ممكن توصلي الفكرة انو النظرية يلي انت اتخذتها حتى قلت انو هالموقف هوي عيب
او على شي استندت لتقرر انو هالشي عيب او بأي صفة ..











في عدة نقاط يستند عليها لتقرير هذا الشيء ..
1- العادات والتقاليد اللي تربينا عليها بالمجتمع السوري ايضاً والتي تفصل التجمعات بين الجنسين
2- المرأة بالنسبة الي عنصر ثمين يجب الحفاظ عليه مو كل مين هب ودب يطق حنك معها ويولف عليها
3- في حال اعلنت استقلاليتها وتوظفت او انفصلت وعاشت مع زوجها فهي حرة بأفعالها وأقوالها .. مابحب يجي يوم اسمع فيه ((اختو لماجد عم تطق حنك مع غربتلية ياعيب الشوم)) ,, الله اعلم المجتمعات بسوريا تختلف عن بعضها البعض .. أهل دمشق اغلبهم محافظين من هاي الناحية عكس اهل الساحل وفي امثلة حية على هاد الحكي ... ونحن بشكل عام بنساير الوضع .. عيب بحقي ان اقلل من قيمة أمرأة طباعها منفتح وتتحدث مع الجميع بشكل حر ... بنفس الوقت عيب بحقي أن اتطفل على أمرأة محافظة لنقاشها او التحدث معها

مارح اشخصن الموضوع





طيب ازا جلست معو لابن عمها بس ماطقو حنك... بيضل عيب بنظرك؟
يعني مثلا ازا هيك حبت تشاركو بشي او تحكيلو شي موضوع بلا طقطقات حناك كمان عيب؟

*انو حابه افهم ازا العيب بطق الحنك ولا بالقعده مع ذكر ((حتى لو كان ابن عمها))



هو العيب عند بعض الناس بأن هاي أمرأة بالغة عيب تقعد تطق حنك مع ذكور سواء غريب او قريب ...
لازم يكون اصدقائها حصراً من نفس جنسها تاخد وتعطي معهم وتطق حنك معهم ..
هيك مفهومنا بالمجتمع اللي أنا عايش فيه وباعتبار انك بمجتمع منفتح وحر فأنا احترم مفهومكم
وبالنهاية كل شخص حر بمفاهيمه وبتحديده لمعنى العيب ..



أنو يعني لا تدققي ....
ببعض المجتمعات ..... عيب الاخ يضل مع أختو لوحدون بالبيت ....( كان في موضوع هون بالصالون عن هالشي من كم سنة )



مو لهالدرجة انت التاني ... يعني ياطجو ياكسير مخو ؟!



اي شوف هون أدي النية الغير سليمة عم تعلب دور ... لأي درجة وصلت هالمجتمعات بالظن السيئ والتربية الغير سليمة لأولادهم
تذكرت لما كنت روح ادرس عند بيت جدي ونكون أنا وخالي بالبيت لوحدنا
مرة ذكرت هالشي عالتلفون ادام رفيقتي ... بوقتا ماما سمعت شو قلت ولمحتلي بعدم وجود داعي لذكر هيك تفاصيل أدام ناس من غير بيئة
بالأول ما فهمت ليش بس لما عرفت ..////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
أنو معقول في عالم هيك بتفكر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


ماهاد سبب واحد من الاسباب اللي تجعلني التزم لأبعد الحدود بهيك مواضيع ...
والدتك تعرف الوضع تمام :lol:



هلأ انا عنجد عنجد اول مره بعمري بسمع فيها


هاد لأن بيئتك غير عربية ... بيئتك اقرب الى البيئة الاوروبية وباعتباركم مندمجين بالمجتمع الاسرائيلي فلا غرابة بالموضوع ... بالنهاية (كل شخص عقلو براسو بيعرف خلاصو) انا هيك عاجبني واتربيت على هاد الشيء ومجتمعي اللي تربيت فيه وعشت فيه بيشجع على هاي المفاهيم ... ومارح يطلع بايدي اغير ولو جزء بسيط من مفهوم مجتمعات باكملها

وتحية

1- العادات والتقاليد اللي تربينا عليها بالمجتمع السوري ايضاً والتي تفصل التجمعات بين الجنسين
2- المرأة بالنسبة الي عنصر ثمين يجب الحفاظ عليه مو كل مين هب ودب يطق حنك معها ويولف عليها




ما بتقدر تختزل المجتمع السوري ... ببعض أحياء دمشق ..
بقى يا ريت ما تحكي عن المجتمع السوري ككل

لتكون المرأة عنصر ثمين ...لازم تكون محترمة و محل ثقة
لما بتعزلها عن الجنس الآخر تماماً .. بما في ذلك أقربائها .... بتكون لغيت الثقة عنها تماماً
و صورتها بصورة الناطرة الفرصة لتغلط






مو لهالدرجة انت التاني ... يعني ياطجو ياكسير مخو ؟!
أنا عم احكي عن موضوع انطرح هون بالصالون من زمان ..
يعني الفكرة مو فكرتي






هاد لأن بيئتك غير عربية ... بيئتك اقرب الى البيئة الاوروبية وباعتباركم مندمجين بالمجتمع الاسرائيلي فلا غرابة بالموضوع ... بالنهاية


على فكرة ..
جزء كبير من المجتمع السوري .. بيستهجن هالأفكار يللي عم تحكي عنها
يعني الشغلة مو مقتصرة عالمجتمع الاسرائيلي ..
يمكن أنتو يللي عندكون تشدد زايد .. من ورا موروثات اجتماعية ..و بعض العادات و التقاليد

ما بتقدر تختزل المجتمع السوري ... ببعض أحياء دمشق ..
بقى يا ريت ما تحكي عن المجتمع السوري ككل


يامعلم في عدة اسباب استندت فيها أنا لهاد الحكي
السبب الاول ديني باعتبار أن 85% من سكان سوريا ديانتهم الاسلام فلايوجد مسلم يرضى أنو كل من هب ودب يطق حنك مع اخته ويولف عليها ... هاد معتقد ديني
السبب التاني سبب اجتماعي محافظ .. اغلب العوائل تمنع ذلك تخوفاً وليس خوفاً من المساس حتى ولو بجزء بسيط من سمعتها .. أنت تتهمني أني اختزل المجتمع السوري ببعض احياء دمشق .. وهذا ليس صحيح .. عدا اهل الساحل فهم الاكثر انفتاحاً بسوريا من هذه الناحية وبيعتبروها امر طبيعي ... عندك المنطقة الشرقية اغلب اهلها محافظين الشمالية ممثلة بحلب الجنوبية ممثلة بدمشق وحوران أما الشرقية فالوضع يختلف تماماً وباعتبار من سكان تلك المنطقة فانت اختزلت المجتمع السوري بتلك المنطقة


لتكون المرأة عنصر ثمين ...لازم تكون محترمة و محل ثقة
لما بتعزلها عن الجنس الآخر تماماً .. بما في ذلك أقربائها .... بتكون لغيت الثقة عنها تماماً
و صورتها بصورة الناطرة الفرصة لتغلط


لم اعزلها ولن اعزلها ... كل مافي الأمر أن هنالك أولويات ومباديء ... بدها تسلم على ابن عمها ويسلم عليها اهلاً وسهلا .. بس مايتعدى الامر أنها تتخذ هاذا الموضوع عادة وتطق حنك عالرايحة والجاية بسبب ولا بدون سبب هاي مو حلوة بحقها هيي كأمرأة ناضجة ... تترك الحديث مع صديقاتها وتروح تتحدث مع شباب حتى ولو كان ابن عمها ... لو العلاقة علاقة زملاء دراسة أو زملاء بالعمل ساعتها بيكون في مبرر ... أرجو ان تكون نقطتي وصلت ..







على فكرة ..
جزء كبير من المجتمع السوري .. بيستهجن هالأفكار يللي عم تحكي عنها


مابعرف هل حضرتك المتحدث الرسمي باسم الشعب السوري لتقول أن جزء كبير من الشعب السوري بيستهجن افكاري؟ ووين الغلط الحقيقي بافكاري اللي عم تتهمها حضرتك بانها مستهجنة ؟

..
يمكن أنتو يللي عندكون تشدد زايد ..

هاي الديباجة تبع الاتهام بالتشدد الزايد حفظناها بصم ... أنا شخص بحب البسط وبحب ابسط حالي وبروح عحفلات وباركل وبسمع اغاني وبتفرج عفيديو كليبات وافلام والي رفقات اشكال الوان على اختلاف اديانهم و و و و
الخ... منين عملتني متشدد بس لأن عندي مباديء بمشي عليها بحياتي الخاصة ومتربي على عادات وتقاليد ابآئنا واجدادنا وملتزم باساسيات ديني صرت متشدد؟؟؟

هاي الديباجة تبع الاتهام بالتشدد الزايد حفظناها بصم ... أنا شخص بحب البسط وبحب ابسط حالي وبروح عحفلات وباركل وبسمع اغاني وبتفرج عفيديو كليبات وافلام والي رفقات اشكال الوان على اختلاف اديانهم و و و و
الخ...

معلش .. كتـــير ظريف يكون الواحد صاحب مبدء ..
بس سؤالي : بتخلي أختك تحضر حفلات و تأركل و تسمعـ أغاني و يكون لها صحاب أشكال و ألوان على إختلاف دياناتهون .. ؟

عملتني متشدد بس لأن عندي مباديء بمشي عليها بحياتي الخاصة ومتربي على عادات وتقاليد ابآئنا واجدادنا وملتزم باساسيات ديني صرت متشدد؟؟؟

بس ممكن سؤال

باعتبار انو انت يمكن تكون اب لصبية بيوم من الايام

و لقيت بنتك طالع من المدرسة مع شب او لا

ليش لتبعد لبعيد عما تحكي بالمسنجر مع شي شب شو بتعمل ؟؟
حسب العادات و التقاليد

معلش .. كتـــير ظريف يكون الواحد صاحب مبدء ..
بس سؤالي : بتخلي أختك تحضر حفلات و تأركل و تسمعـ أغاني و يكون لها صحاب أشكال و ألوان على إختلاف دياناتهون .. ؟


بس ممكن سؤال

باعتبار انو انت يمكن تكون اب لصبية بيوم من الايام

و لقيت بنتك طالع من المدرسة مع شب او لا

ليش لتبعد لبعيد عما تحكي بالمسنجر مع شي شب شو بتعمل ؟؟
حسب العادات و التقاليد
اي تماماً
ما لازم يكون عنا ازدواجية بتقييم الامور
كونك بتبيح لنفسك بعض الامور ... هاد ما بيعني إنك منفتح
الانفتاح انك تمنح الآخر .. نفس الحقوق يللي عم تمنحا لنفسك

عيب = شيء مستهجن ضمن العادات و التقاليد
و طالما هالعادات عم تتغير مع الزمن .. أكيد هالعيب رح يتغير معها
و من ناحية تانية طالما العادات نسبية و مختلفة من مجتمع لآخر ..... رح يكون العيب نسبي كمان
يا هيك المعنى يا بلا
رايي من راي اب سمرا
:yahoo:

لك لاعاد في عيب ولا مو عيب
ولاعاد في حلال ولاعاد في حرام

كل واحد يعمل الي بيريحو وبيقتنع فيه
وخلص

يعني از الاخت ماراحت مع اخوها مع مين تروح
مع تخو رفيقتا ولا رفيقا ولا مين

العما اللع وكيلكون التخلف بشغلات وشغلات

ههههههههههههههههههههههههه
حلوة هي تبعيت جمال سليمان...
بس درلي بالك على مونيكا الله يخليك..

العيب والحرام بختلف من مجتمع لمجتمع من عائلة لعائلة .. ومن شخص لشخص ..

بس ممكن سؤال

باعتبار انو انت يمكن تكون اب لصبية بيوم من الايام

و لقيت بنتك طالع من المدرسة مع شب او لا

ليش لتبعد لبعيد عما تحكي بالمسنجر مع شي شب شو بتعمل ؟؟
حسب العادات و التقاليد

خيو صار عندي فضول شديد اقلك على قصة حقيقية صارت مع احد اصحابنا السوريين اللي بيشتغلوا بالسعودية ... هاد الشخص اتعرف على وحدة بنت عيلة .. وتزوجها وهي بتشتغل كوافيرة .. جاب منها بنت وولد وقعد معها 4 سنين وعطاها الحرية التامة .. حتى انها بتكشف عن وجهها بمجتمع الحرمة فيه بتغطي وجها بشكل دائم ... يوم من الايام بدا الشك يتسرب الىه خصوصا لمن شاف عن طريق الصدفة رسالة فيها حكي من تحت الزنار ونازل بجوال زوجتو ... وسالها مين باعتلك هالكلام البذيء هاد برسالة قالتلو رفيقتي! قالها رفيقتك مستواها واطي ومنحلة ولاعاد تحكي معها.. بدا يشك بكل شاردة وواردة لدرجة انو اخد اجازة من عملو ليراقب تصرفات زوجتو .. بطريقة ما سجل محادثات مرتو مع شخص عالهاتف فيها كلام العشاق وسكت.. وراح تاني يوم سأل عنها بالمشغل محل مابتشتغل قالولها مو انت فصلتلها بدلة رقص وهي راحت تجيبها؟؟ لك طار عقلو الزلمة ؟ وينك يامرتي بيتفاجأ ان جارتو اجت لعندو وقالتلو ان يضب مرتو لأن مرتو طلبت من جارتها أنها تستقبل صديقها عندها لكن جارتها طردتها وقطعت علاقتها معها ... هون راح صاحبنا لعند بيت حماه والاب كان بالشغل استقبلته الام قالها ياحماتي هيك وهيك صار معي .. ردت عليه قالتلو انت الحق عليك مابتتنازل تعطيها بوسة وتلبي حاجاتها العاطفية ؟! الرجل طلع دينو وضرب الحماية .. واتصل على مرتو خبرها أنها ماتدوس بيتو وانها طالق ... ابو البنت ياغافل الك الله فكر ان الحق على الزوج خصوصاً ان البنت منهارة والحماية لعبت بعقل الاب راح الاب علق مع صاحبنا ووصلت للشيطان الرجيم فهم الاب الغلط اللي ارتكبته بنته بالنهاية والبنت انهارت نفسياً واخدوها عالمشفى .. وحلف الاب مليون يمين البنت ماتطلع برات البيت هاد من عدا ان البنت رح تنحرم من ولادها ورح تتطلق وانخرب بيتها ..... والسبب انها اتعرفت على شاب سعودي بدوي يكيفها وخانت العشرة وخانت كل شيء لأجله وهاد الشاب اتخلى عنها بعد أن وعدها وعود زائفة ووو الخ .. تصدق بالله ان مبارح عرفنا القصة كاملة ولهلق البنت بالمستشفى ..

انا بحط الحق على رفيقنا خصوصاً بهيك مجتمع مكبوت مو متل المجتمع السوري المنفتح اجتماعياً ..
بحط الحق عليه لأنه راع وكل راع مسؤل عن رعيته مانصح زوجته من البداية وعرفها عالاغلاط البسيطة اللي كانت ترتكبها .. وثانياُ ان المجتمع السعودي مكبوت منغلق منعزل غير اجتماعي انا شخصياً بسميهم الاحياء الأموات كان لازم يلبي رغبات زوجته العاطفية ويدير بالو عليها !!
لأن بالنهاية المرأة انسان حساس تستخدم مشاعرها قبل ان تستخدم عقلها وبهيك مجتمع الكبت يولد الانفجار الهائل


بنسبة لسؤالك اللي سئلتني اياه اعلاه ..
أولاً شرعاً لايجوز بنت صبية تطلع من المدرسة مع شب وتطق حنك معو ... الا في حال كانت أمرأة موظفة أو أمرأة عندها مسؤوليات بالمجتمع ساعتها مابيطلعلنا نحكي بنوب ... أو طالبة جامعة لديها زملاء شباب ومضطرة انها تحكي معهم بالامور الدراسية ..
ثانياً : التربية بتلعب دور بالثقة أنا بعرف اختي منيح انها متربية احسن تربية وبنت عيله ومابتوالف على كل من هب ودب من الشباب ... هون انا مابتدخل بخصوصياتها او بقحم حالي بأمورها الخاصة سواء كان جوال أو ماسنجر أو غيرو لأني مرتاح من ناحيتها ...
الجميع بيعرف أن الذكر بمركز سلطة ومافي رجل كامل القوى والعقلية يرضى مثلاً أن تعمل أخته أو والدته وتصرف عليه !! ساعتها لايكون رجل بالمعنى المتعارف عليه لهاد السبب من حق الرجل أن يتابع أمور حاشيته وعيلته النفسية والاجتماعية لهاد السبب هو بموقف السلطة ... خصوصاً بالمجتمع الذكوري الشرقي واللي مو عاجبها تطلع تعيش باوروبا وامريكا هنيك البنت بتفوت البوي فرند عبيت اهلها غصب عنهم ومابيسترجوا يتحلفظوا بكلمة وحدة لأن بيعتبروها كمان عادات وتقاليد ... وللمعلومية صاحبنا اللي اتعرض للمشكلة اللي انا ذكرتها اعلاه رضي ان مرتوا تشتغل بدون ماياخد منها فرنك واحد بس في سبيل انها انثى تريد اثبات وجودها واراضاء ذاتها بالعمل والله يشهد أن راتبها كانت تصرفوا عالكوافيرات والاتصالات وطق الحنك ريال واحد ماكانت تساهم بالبيت


اسف طولت بالمشاركة:D

معلش .. كتـــير ظريف يكون الواحد صاحب مبدء ..
بس سؤالي : بتخلي أختك تحضر حفلات و تأركل و تسمعـ أغاني و يكون لها صحاب أشكال و ألوان على إختلاف دياناتهون .. ؟

تحضر حفلات اعراس نسائية وتحضر حفلات نسائية وين المشكلة ؟! وتسمع اغاني كمان هاي حرية شخصية نفس الشيء بالنسبة للفيديو كليب والافم العربية والاجنبية ... واذا بدها تلتزم بفرائضها الدينية أو ماتلتزم تصطفل منها لربها انا مارح احاسبها وكل اللي علي النصيحة الشفهية بس... ويكون الها صحاب اشكال والوان لكن من نفس جنسها .. نفس الشي بالنسبة الي الي رفقة اشكال والوان على اختلاف ديانتهم بس حصراً شباب لأن معلش متل مابتعرفي في حكي حريم وفي حكي شباب وحكيي هاد بعيد كل البعد عن علاقة الزمالة بالدراسة او العمل ... حتى الشباب بيفصلوا بين بعضهم علاقة الصداقة والرفقة عن علاقة العمل !

أما بالنسبة لموضوع الأركيلة فهي من العيوب بالنسبة ألي ... فأنا لاارضى لأختي المتربية أحسن تربية أنو تأركل قدام أخوها الكبير أو قدام ابوها هاي اكبر عيب ودليل على قلة الأدب بنظر البعض ومن ضمنهم انا ...
لك حتى انا الشاب بستحى اركل قدام أبي !
طبعاً هاد الموضوع بيختلف من بيئة لبيئة ومن مجتمع لمجتمع ... أنا شفت ولد تركي بيضيف أبوه سيكارة وبيدخن قدام ابوه وابوه ماحكى شي!:?
متل مااسلفنا الذكر بيختلف مفهوم العيب من مجتمع لمجتمع

وتحية

هلا ابو اللول انا صعب وصلك الفكرة لانو كتير حاولت اني اتناقش معك بس ما كان يمشي الحال :lol:

بس انو بدي وقف على شغلة صاحبك يلي استغرب من انك طلع مع اختك

هالشي عنجد كتير بيقهرني

انو ليش الوحده عيب تطلع مع اخوها

ليش اخوها ما بيرضى يطلعها معو ؟؟

انو ليش يطلع مع صاحبتو اي بس مع اختو لا ؟؟

فهموني :?

اما مشان شو هو العيب ف متل ما حكولك

على حسب الشخص وتربابيتو

يمكن انا شوف الشي عيب بس انت ما تشوفو عيب عادي :?

خيو صار عندي فضول شديد اقلك على قصة حقيقية صارت مع احد اصحابنا السوريين اللي بيشتغلوا بالسعودية ... هاد الشخص اتعرف على وحدة بنت عيلة .. وتزوجها وهي بتشتغل كوافيرة .. جاب منها بنت وولد وقعد معها 4 سنين وعطاها الحرية التامة .. حتى انها بتكشف عن وجهها بمجتمع الحرمة فيه بتغطي وجها بشكل دائم ... يوم من الايام بدا الشك يتسرب الىه خصوصا لمن شاف عن طريق الصدفة رسالة فيها حكي من تحت الزنار ونازل بجوال زوجتو ... وسالها مين باعتلك هالكلام البذيء هاد برسالة قالتلو رفيقتي! قالها رفيقتك مستواها واطي ومنحلة ولاعاد تحكي معها.. بدا يشك بكل شاردة وواردة لدرجة انو اخد اجازة من عملو ليراقب تصرفات زوجتو .. بطريقة ما سجل محادثات مرتو مع شخص عالهاتف فيها كلام العشاق وسكت.. وراح تاني يوم سأل عنها بالمشغل محل مابتشتغل قالولها مو انت فصلتلها بدلة رقص وهي راحت تجيبها؟؟ لك طار عقلو الزلمة ؟ وينك يامرتي بيتفاجأ ان جارتو اجت لعندو وقالتلو ان يضب مرتو لأن مرتو طلبت من جارتها أنها تستقبل صديقها عندها لكن جارتها طردتها وقطعت علاقتها معها ... هون راح صاحبنا لعند بيت حماه والاب كان بالشغل استقبلته الام قالها ياحماتي هيك وهيك صار معي .. ردت عليه قالتلو انت الحق عليك مابتتنازل تعطيها بوسة وتلبي حاجاتها العاطفية ؟! الرجل طلع دينو وضرب الحماية .. واتصل على مرتو خبرها أنها ماتدوس بيتو وانها طالق ... ابو البنت ياغافل الك الله فكر ان الحق على الزوج خصوصاً ان البنت منهارة والحماية لعبت بعقل الاب راح الاب علق مع صاحبنا ووصلت للشيطان الرجيم فهم الاب الغلط اللي ارتكبته بنته بالنهاية والبنت انهارت نفسياً واخدوها عالمشفى .. وحلف الاب مليون يمين البنت ماتطلع برات البيت هاد من عدا ان البنت رح تنحرم من ولادها ورح تتطلق وانخرب بيتها ..... والسبب انها اتعرفت على شاب سعودي بدوي يكيفها وخانت العشرة وخانت كل شيء لأجله وهاد الشاب اتخلى عنها بعد أن وعدها وعود زائفة ووو الخ .. تصدق بالله ان مبارح عرفنا القصة كاملة ولهلق البنت بالمستشفى ..


فظيعة هالقصة ....بس أنو شو خصها بموضوعنا ..؟؟
يعني برأيك ... لو ما عطاها شوية حرية ( إذا بتسمي الكشف عن الوجه حرية ) ... كانت ضللت ماشي عالسراط المستقيم
و هادا بقودنا لسؤال تاني
أنو انت برأيك .. اي واحد بيعطي شوية حرية لزوجتو ( من نوع حرية الكشف عن الوجه ) رح تصير زوجتو متل المرأة يللي بمثالك ..؟؟

تحضر حفلات اعراس نسائية وتحضر حفلات نسائية وين المشكلة ؟!

بستنبط من جوابك أنو الحفلات الي بتحضرها أنت هيي محصورة بالجو الزكوري فقط .. !
و بالمعية يا ريت تعطيني لمحة صغيرة عنها ..

ـــــ


هلا قصتك ظريفة بس ما بعرف ليش كمان زكرتني بقصة شفتها علـ التلفزيون بمسلسل من المسلسلات ..
انو اخ حمش ما رضي تتزوج أختو من ممثل لأنو عيب و بيجبرها تفكر بأسلوب منحرف كيف تهرب من البيت لترتبط من الشخص الي بتحبو و أنو منعها تحضر معارض رسم لأنو شرحو عيب ..
و بالأخير بيطلع متزوج من عاهرة من عواهر المقاصف و مصاريه مروحها على السكر و العربدة ..

هلا المثال لا تاخدو بشكل شخصي .. بس متل ما جبت قصة في مقابيلها مية قصة ..
الحياة مانها قصص و لانها عبر مناخدنا من ناس تاني ظروفها ما بتشبه ظروفنا ..
العبر منتعلمها من حياتنا لحنا .. و من تجارنا الخاصة ..

ما بدي اطول بهالموضوع لان المجتمع كل يوم عم

يطور بتنام الليل وبتصحى بتلاقي:o العيب صار مو عيب

بس مين البحكم هاد عيب وهاد مو عيب الله اعلم

الحلال و الحرام وو العيب و المش عيب


متل اجري :adal:

العيب يستمد شرعيته من الأخلاق والأخلاق تستمد شرعيتها من الدين والدين إما من وضع الإنسان أو من تنزيل الإله والإله إما موجود وإما غير موجود في حال كان موجود نتابع النقاش وفي حال كان غير موجود بنغير الموضوع .

العيب يستمد شرعيته من الأخلاق والأخلاق تستمد شرعيتها من الدين والدين .
اشرحلنا هالجملة بلا زغرة ..

اشرحلنا هالجملة بلا زغرة ..

انشالله بكرا اذا مش بكرا البعدو أكيد

العيب يستمد شرعيته من الأخلاق والأخلاق تستمد شرعيتها من الدين .


لا معلش ..
العيب مالو علاقة ابداً بالدين ..
ممكن في شغلات مرتبطه فيه .. بس في شغلات ما بتقرب الدين لا من بعيد و لا من قريب ..
و الأمثلة كتيرة منها :
مسلا بدولـ الخليج أو الأردن .. إدبحـ الزلمي و لا تسألو شو إسمـ بنتك أو أمك .. !
هات لشوف هاي من وين جاي ..

كمان مسلاً : عيب البنت تضلها قاعدة إذا دخل الغرفة أبوها عمها خالها / و لا تقلي مافي هيك شيـ لا فيـ /

بيقولولك إحترامـ و ين قلة الإحترامـ إذا بقيت قاعدة ..

و لا حلاقة الشوارب , هاي لحالها عيب درجة أولى

لا و أكبر عيــــب إنها تتزوج الأرملة , إنو يا عيب الشومـ و الله !

أمثلة كتيرة كتير مافي مجال لحصرها , بكرة بس إصحى بفضالك و بجبلك إياهون ..
الخلاصة :
العيب فلسفية عربية مهرية بالية مزفتة مصداية .. مالها علاقة بولا رباط بوط أخلاقي أو غيرو ..

اشرحلنا هالجملة بلا زغرة ..

صديقي أنا لم أقصد بكلمة أخلاق الأخلاق عند أبيقور أو هيغل أو أي شخص صاحب إرادة حرة , أنا عم احكي هون ببلدنا عن مجموعة من العادات والتقاليد والأعراف شرعت من قبل أشخاص ضعفاء لعجزهم عن التطور تسمى مجازا أخلاق ولا أراها أكثر من مؤسسة من مؤسسات الأنا الأعلى وظيفتها ترسيخ حالات اجتماعية متخلفة وخدمة فئة معينة من الشعب وتثبيط اي فكرة خلاقة أو اي مبادرة للنهوض

العيب مقياس شخصي والحرام مقياس عام لفئة من الفئات...يعني محرم عند ناس ممكن محلل عند غيرن
اي وين المشكلة؟؟؟
المشكلة المحرم عند هدوك الناس بدهن يعملوا محرم عند كل البشر
والمشكلة الاكبر انووووووو:
المحرم عند بعض هدوك الناس بيقلب(سبحان الله) محلّل بعد ال12 بلّيل وهنّن أكتر ناس من هدوك الناس بيدّعوا انو محرّممممممم وبيتشبثوا بهالموضوع....وزبّط بقا اذا فيك تزبّط؟؟؟

صديقي أنا لم أقصد بكلمة أخلاق الأخلاق عند أبيقور أو هيغل أو أي شخص صاحب إرادة حرة , أنا عم احكي هون ببلدنا عن مجموعة من العادات والتقاليد والأعراف شرعت من قبل أشخاص ضعفاء لعجزهم عن التطور تسمى مجازا أخلاق ولا أراها أكثر من مؤسسة من مؤسسات الأنا الأعلى وظيفتها ترسيخ حالات اجتماعية متخلفة وخدمة فئة معينة من الشعب وتثبيط اي فكرة خلاقة أو اي مبادرة للنهوض
في فرق كبير بين العادات و بين الاخلاق ..
منقدر ببساطة نتمرد على العادات و التقاليد ..
بس ما منقدر نتخلى عن أخلاقنا أو نطلب من مجتمع يتجرد من أخلاقو

لا معلش ..
العيب مالو علاقة ابداً بالدين ..
ممكن في شغلات مرتبطه فيه .. بس في شغلات ما بتقرب الدين لا من بعيد و لا من قريب ..
و الأمثلة كتيرة منها :
مسلا بدولـ الخليج أو الأردن .. إدبحـ الزلمي و لا تسألو شو إسمـ بنتك أو أمك .. !
هات لشوف هاي من وين جاي ..

كمان مسلاً : عيب البنت تضلها قاعدة إذا دخل الغرفة أبوها عمها خالها / و لا تقلي مافي هيك شيـ لا فيـ /

بيقولولك إحترامـ و ين قلة الإحترامـ إذا بقيت قاعدة ..

و لا حلاقة الشوارب , هاي لحالها عيب درجة أولى

الخلاصة :
العيب فلسفية عربية مهرية بالية مزفتة مصداية .. مالها علاقة بولا رباط بوط أخلاقي أو غيرو ..

منشان شغلة الشوارب هل عندك علم انو شغلة شعر الوجه (الشوارب والذقون واللحى ) من المسائل الشائكة في الإسلام فمثلا بعض المذاهب تعمل على مقولة (حفوا الشوارب واعفو اللحى ) وبعضها حلق الذقون وترك الشوارب وكل هاد تيمننا بأيقونات ورموز دينية وهلمجرا


الخلاصة : العيب عاهة نفسية من المخلفات النفسية لتقهقر الدين وتشويهه بالفتاوى وعمليات الاجماع والقياس .....الخ وترسخت في اللاشعور الجمعي للإنسان حتى أصبحت من الصفات الملازمة للإنسان وصار ينظر اليها على أنها طبيعة نبيلة أنزلها الله على آدم .

إذا النفست تطهرت بالنار واغتسلت بالدموع ترفعت عما يدعونه البشر عارا وعيبا وتحررت من عبودية الشرائع والنواميس التي سنتها التقاليد لعواطف القلب البشري . (جبران خليل جبران )