مرحبا شباب وصبايا

هلئ بالنسبة لموضوع السواقة وهيك يعني اوا حدا بيحب يستفاد من الخبرات :lol:

اي حدا بيحب يتعلم الأساسيات بالسواقة وكيف يتعلم يتفضل يتابع معنا هل موضوع

هوي أكيد اكيد مارح نقدر نعلمكون عملي :p وانو مالح يكون متل العملي بس انو منقدر نعلمكون أساسيات

ف يلي حابب يتابع معنا بس يسجللنا انو بدو مشان ازا صار عدد مقبول نتابع

هامش**
ويسدد الرسم :lol:

ديل :deal:

سجلي اسم وماتاكل هم الرسوم

اي اي وانا كمان ورقبتي سدادة ;)

اي هلأ كمان نحنا منسجل شو عليه شنو قريبا حاطين ببالنا انو نتعلم السواقة..

و منشان الرسم..خلص الك عندي انو ادفع.. أيدها ع الحساب لقلك..

طيب اوك شباب سجلناكون

لسا ليصير كمان في عدد منبلش

ديل

سجلنا سجلنا ابو جوزيف ....شو عليه بنتقوى يمكن نعرف شغلات جديدة من دروسك :o

وانا سجلني لاني ناويه اخذ رخصه بس انزل على سوريا
والرسوم على التسعيره لاتزيدها
ولاتكل هم بس سجلها عالدفتر وبس انزل عسوريا بنتحاسب
شو ديل:deal:







اي شباب اهلا وسهلا ....

طيب منبلش معكون من الصفر الصفر يعني كأنو ما بتعرفو شو يعني سيارة

هلئ اول ما الواحد بيجي ليتعلم السواقة بيخاف وبيتلبك

انو اول شي اف انا بدي مشي هالسيارة وفوت بالزحمة ووقف عالطلوع و.... و .....



لا لا بحب قلك الأمور بسيطة جدا جدا


منبلش اليوم معكون بلأساسيات ,,,,, الأساسيات

يعني من اول ما تطلع عالسيارة شو بتسوي ..

يعني اكيد كتار منكن بيعرفو بس انو من الصفر

اول ما بيطلع الواحد بالسيارة يزبط قعدتو بحيث انو يكون مرتاح وقادر يطول كل الدعسات برياحة ويركز عالطريق يزبط المرايات تبعو عالتمام عالتمام بطريقة أنو يقدر يشوف اللي عم يصير من الطرف اليميني ورى منيح وعالشمال منيح
بس انو انا برأيي أحسن طريقة للمراية انو يكون شايفة فخد السيارة الواحد والطريق


دعاس دبرياج وتاكد من انو الغيار مو معلق يعني حرك الغيار لقدام بعدين عاليمين او الشمال ازا ما تحرك عاليمين او الشمال رجعو لورى وحركو عاليمين او الشمال

بس يصير فيك تحركو بكل الإتجاهات حطو بنقطة المركز يعني هيك بيكون الغيار فاضي

بعدين دق مرش لأنو ازا الغيار معلق ف بدق مرش بتنتع معك السيارة وازا عيار دعسة البنزين عالي بيجوز تمشي مع انو قلال يلي بيمشو لان فرام الإيد ح يكون مرفوع المهم ما إلك بالطويلة

مندق مرش بس في شغلة انو بالسيارات الحديثة في اول طقة انو تفتح قفل الدركسيون وبغير سيارات يفتح الكنطاك

التاني بيفتح الكنطاك التالتة المرش

لما تدق الطقة التانية ستنى شوي بس لتزبط المؤشرات قدامك (( يعني ل توقف الفواشة تبع الدبو )) وفي كم ضو بالتابلو قدامك ليطفو يعني مشان الكمبيوتر وما كمبيوتر

واضح لهون ؟ اي سؤال ؟




يتبع ....

خيو لما بيطلع من الاشطمان نار هي شلون

تمام خيو انا وراك خطوة بخطوة

هلأ انو في سؤال و اللي هو.. شو هادة المرش
و شو هادة الدبرياج..

ما هو انت عم تعلمنا من الصفر.. يعني انا ما بعرف كل واحد لشو بيستخدم.. :oops:

بالنسبة لاقسام كبين القيادة فبيتألف من :
الدركسيون أو المقود الي من خلالو بتم التحكم بالاتجاهات.
الفيتيس( صندوق نقل السرعات) الي من خلالو بتم النقل بين غيارات السرعة, وبتم التحكم فيه من خلال الدبرياج.
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أما الدواسات فهني تلاتة متل ما موصخ بالصورة
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الأولى على اليمين هيي دعسة البينزين الي كل ما دعسنا عليها بزيد ضخ البينزين على المحرك وبزيد تسارع السيارة
الدعسة التانية الي بالنص هيي دعسة الفريم الي بتفيد بتخفيف سرعة السيارة
الدعسة التالتة هيي الدبرياج ( الفاصل الواصل ) الي حكينا أنو من خلالو منقدر نغير بالفيتيس .

أما الدواسات فهني تلاتة متل ما موصخ بالصورة
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
.
خيو ...بلا سئلة يعني ... بس أنا سيارتي ما فيها 3 دواسات
فيها 2 بس
شو يعني خربانة ؟ و لا خشوني :shock: ..................... :p

يا سيدي يا سيدي
سيارة أوتوماتيك مين قدك :p

تمام خيو انا وراك خطوة بخطوة

يلا بس لا تدوبليني :lol:

خيو ...بلا سئلة يعني ... بس أنا سيارتي ما فيها 3 دواسات
فيها 2 بس
شو يعني خربانة ؟ و لا خشوني :shock: ..................... :p

لا يلي بس دعستين ما بتسوى أبو المزن ;) ما فيا متعة متل المنويل


هامش**

ابو وليم ما نسيانك او مطنشك بمشاركة لحال بشرحلك ياها كيف


هلأ انو في سؤال و اللي هو.. شو هادة المرش
و شو هادة الدبرياج..

ما هو انت عم تعلمنا من الصفر.. يعني انا ما بعرف كل واحد لشو بيستخدم.. :oops:

اي هدول هيك لكن تحت الصفر :p

طيب على راسي هي شرحلك ياهون فسحة ع فكرة مشان ازا نحكا هالمصطلح شي مرة تعرفو شو هوي

الفاصل واصل هوي نفسو الدبرياج




هلق منجي للإقلاع ويلي هوي أصعب مرحلة بالتعليم للمبتدئين

بتدعس الدبرياج للأخير ...

بتمسك الغيار بتركب الغيار الأول يلي هوي لما يكون الغيار فاضي شرحنا انو فاضي يعني مو راكب ع اي غيار ومتمركز بنقطة بالنص

بتمسك الغيار وبتحركو عالشمال بعدين لفوق (( هيك اغلب السيارات ))

بما انو وصلنا للغيار بدنا نخلص منو انو الغيار الأول عالشمال لفوق بعدين الغيار التاني عالشمال لتحت

بعدين الغيار التالت أسهل شي هوي لانو لما يكون الفتيس بنقطة المركز بس رفعو لفوق بيركب التالت

الرابع كمان نفس الشي بس لتحت

الخامس عاليمين ولفوق

الأنريه ,, عاليمين ولتحت

متل ما موضح بهي الصورة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلق منرجع منكمل موضوعنا انو يلا دعسنا دبرياج وعلقنا الغيار الأول نزلنا فرام الإيد يلي بيكون ع جنبك اليمين ورى الفتيس متل العصايي منكبس الكبسة يلي براسو ومنرفعو شوي لفوق ومننزلو لتحت

هلئ الإقلاع ::

طيب داعسين نحنا دبرياج منشيل رجلنا عنو شوي شوي وبنفس القوت منكون عم ندعس بنزين

مبدئيا شوي شوي منشيل رجلنا عن الدبرياج وشوي شوي بنزين (( لاحقين عالتشفيط :frown: ))

بتمشي السيارة منشيل رجلنا عن الدبرياج

لنبسطلكون ياها كمان شوي مشان التغيير بعدين بعد فترة عالممارسة بيصير الإقلاع أسرع ولحالك بتعرف إيمتى لازم نغيير السرعة

مندعس بنزين هيك لتحس انو المحرك ضاج وانو السارة ما عاد تأسرع شو منسوي وقتا ؟؟

مندعس دبرياج ( بس بسرعة مو متل وقت اللإقلاع ) ونحنا عم ندعس دبرياج بنكون تلقائيا بنفس الوقت شلنا رجلنا عن البنزين وحاطين إيدنا عالفتيس

مندعس الدبرياج للأخير منعلق الغيار التاني يلي حكينا وين موقعو بيكون

وهلق منرجع مندعس بنزين ومنشيل رجلنا عن الدبرياج وكمان نفس الشي لما بدنا نغير عالتالت

بس بنلاحظ انو كل ما غيرنا الفتيس ع سرعة أسرع كل ما طول وقت تغيير السرعة مثلا الغيار الـ3 بيطول مو متل الأول والتاني

طيب إقلاع وأقلعنا وسرعة وغيرنا

هلئ صار لازم نوقف !!

في طريقتين لتخفيف سرعة السيارة :

1 = اما مندعس شوي عالفرام ومنزل غيار

2 = منفضي للسيارة (( يعني بوضع الفتيس عنقطة المركز الفضاوة)) ومندعس فرام هيك لنوقف




تمام لهون ؟؟؟ :deal:

حدا عم يجرب عملي ؟؟

يسلمو فسحة.. هلأ هيك بلشنا نفهم..
اي هدول هيك لكن تحت الصفر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
تحت الصفر تحت الصفر.. ما ختلفنا.. (ما مسنترجي نخالفك منشان ما ترسبنا :p)

المهم..

انو فكرت السيارة اللي بتكون منويل صعبة سواقتها.. اتاري سهلة و ما احلاها...
هلأ كل شي حكيتو فهمتو.. بس اللي ناقص انو جرب عملي.. و هل الشي
قريبا ..

يلا متابعة معك.. :D

مممممممممم .. بستحي قول ..

بس انا تحت تحت الصفر ..

معك ابو زوزيف ..

الى الابد


..
هاموش

خيو عم تطولنا بالدروس كتير .. عقلي ما بيتحمل انا

يسلمو فسحة.. هلأ هيك بلشنا نفهم..

تحت الصفر تحت الصفر.. ما ختلفنا.. (ما مسنترجي نخالفك منشان ما ترسبنا :p)

المهم..

انو فكرت السيارة اللي بتكون منويل صعبة سواقتها.. اتاري سهلة و ما احلاها...
هلأ كل شي حكيتو فهمتو.. بس اللي ناقص انو جرب عملي.. و هل الشي
قريبا ..

يلا متابعة معك.. :D

اي اي هوي عادي وسهل كتير المهم الواحد ما يخاف


مممممممممم .. بستحي قول ..

بس انا تحت تحت الصفر ..

معك ابو زوزيف ..

الى الابد


..
هاموش

خيو عم تطولنا بالدروس كتير .. عقلي ما بيتحمل انا

طيب حجي ع راسي

بس انو عندي بحر محاضرات ودرس وهيك :sick: ومرضان شوي :frown:

باك شباب سوري منكون بس انو مشغول شوي

يلا منبلش من جديد حطو الاحزمة لقلكون

درس اليوم عن الوقوف بمكان صعود يعني طلعة (( رمبة )) ووقفت بنصا شو الحل حتى تأقلع السيارة تمام وما تطفي او ترجع للخلف

يلا ماشيين بالسيارة ووقفنا طيب وقفنا مشي السير والسيارات وراك وعم يزمرولك ويلا خلصنا

في طريقتين ::

1 = انو توقف داعس الدبرياج والفرام ومعلق الغيار علأول طبعا هلئ بدنا نمشي طيب يعني عم تقول انتي يعني شو شقف حالي كم رجل بدي حتى سوي هالشي :shock:
يا خيي ما مشكلة انت خلي إيمانك ب الله كبير وشوف شو رح نسوي :deal:
علقنا وداعسين فرام ودبرياج منشيل رجلنا شي انو شوي عن الدبرياج بنتم داعسين فرام ها بس تحس انو السيارة بدا تطلع او انو يعني عم تضوج بدا تمشي ورح تطفي دغري بتشيل رجلك عن الفرام وبتعطيا بنزين

2 = منوقف ومنرفع فرام الإيد ومندعس دبرياج ومنعلق اول كمان نفس الطريقة شوية بنزين وشوية نشيل عن الدبرياج بس نشوف انو السيارة عم تحاول تمشي مننزل فرام الإيد وتمام الأمور

هلئ في كمان شغلة وانا بحبا هالطريقة انو توقف السيارة عالغيار والبرياج فقط بدون لافرام ولاشي :larg:
معلقين الغيار شايلين رجلنا عن البنزين داعسين فرام منشيل شوي عن الدبرياج بحيث انو عزم المحرك موقف السيارة وما مخليا تنزل ومنشيل رجلنا عن الفرام وهيك عالدبرياج لحالو منوقفا ومناقلعا ع كيفنا




تمام لهون شبيبة !!

اي وين صرنا
خلصنا اللإقلاع والغيار والوقفة مممم

اي في عنا هلئ الرجوع لورى

انو سوري ما بقدر فيدك بشي لأنو ما بتزبط إلا بالممارسة بس انو في شغلة عتمد عالمراية وما تتطلع من الشباك الخلفي

شو ابو جوزيف شكلو الدرس طول؟!!

يا سلااااااااااااااااااااااا اام موضوع عن تعليم السوااااااااااااااااااااا ااااااااااااقة
اقبلوني متعلمة جديدة
:oops:

شو ابو جوزيف شكلو الدرس طول؟!!

اي بيعين الله سيدي ضريبة السواقة هي :lol:

يلا منرجع منكمل بس انو كنت عم دور على الإشارات (( الشاخصات )) بدي نزلون بصورة بس لأسحب عالسكنر

انو ضروري تحفظون ازا مو كلون بس الأساسيات يلي متواجدين دايما

يلا بهل كم يوم سنة زمان بيكونو جاهزين :lol:

يا سلااااااااااااااااااااااا اام موضوع عن تعليم السوااااااااااااااااااااا ااااااااااااقة
اقبلوني متعلمة جديدة
:oops:

هلا :D


====================
بدي بس قول كم شغلة هيك بما انو صايرة وصايرة للكل عموما وللي بيسوقا بسوريا وبالشام خصوصا

يا اخي عبّر اي عبّر شو بدك تسوي وين بدك تروح عطي اشارة (( غماز يعني )) مشان الملايكي :pos:

اي وشغلة تانية يا عمي ع طريق السفر (( ل يلي جايين من الطرف المعاكس ولألك انتي كمان )) والله منعرف انو ضوك قوي وكتير كمان بس معلي خليك حاطلنا الضو الواطي والله اونس بكتير :sly:


يتبع لأنو شغلة السواقة طويلة كتير يعني علم قائم بزاتو انا بسميه

يا شباب ازا حدا بيحب يضيف شي ع كلامي اهلا وسهلا

خيو لما بيطلع من الاشطمان نار هي شلون

العمى والله كنت بدي اسال نفس السؤال؟
ابو جوزيف شلون:shock:

اي بيعين الله سيدي ضريبة السواقة هي :lol:


ما بكفي أخدت منا رسوم تدريب, كمان ضريبة :sly:

مع إني بعرف سوق ومعي شهادة بس هاد ما بيمنع نشوف خبرات الآخرين مشكور لكل يلي عم يتعب هون
موضوع رائع شكرا

ما بكفي أخدت منا رسوم تدريب, كمان ضريبة :sly:

وين ما شفنا شي :p



اي فضيتلك سيد زياد

هلئ مشان الإشطمان والنار
انا بعرف انو في طريقتين
اول شغلة هلق اي اشطمان فيو فلتر او 2
ومشان يطلع نار من الإشطمان ف بيركبو اشطمان بفلاتر خاصة او من دون
هلئ انتي لما تدعس البنزين للصاجة بيصير المحرك يدور شي 6000 او 7000 دورة بالدقيقة
ف انو النار ما بتلحق تصير دخان لان الضغط الخارج من المحرك كبير وانو مافي فلتر تمر النار خلالو ف بتم طالعة من الإشطمان

اما الطريقة التانية يلي هيي قديمة شوي
انو بيجي خزان بنزين صغير ومضخة صغيرة بيركبو وبينوصلو علإشطمان يعني بيصير يبخ بنزين علإشطمان وبتتحكم فيو بكبسة يعني بس بدك نار بيصير يطلع نار
اي بس دير بالك من شي سرفيس شي حدا يكون وراك :lol:

معلومات جديده اتمنى الاستمرار بس في سؤال محيرني السيارة الها دعستين ولا تلاته

معلومات جديده اتمنى الاستمرار بس في سؤال محيرني السيارة الها دعستين ولا تلاته
هلا

بإختصار ::
هلئ السيارة يلي الها دعستين بتكون اوتومتيك يعني مافيا دبرياج ومو انتي يلي بتغير الغيارات اول تاني الخ

بتكون السيارة الأوتومتيك واقفة بتدعس فرام قوي بتحط عالــ D وبتمشي لحالا بتغير

اما السيارة يلي الا تلت دعسات بتوكون منويل المعنى انو في دعسة الدبرياج زايدة

يعني انت يلي بتغير الغيارات


:D

بس حبيت اسأل سؤال ولو انو غشيم شوي
الجنطات هنين الدولاب ولا القطعة الفضية بقلب الدولاب؟؟

بس حبيت اسأل سؤال ولو انو غشيم شوي
الجنطات هنين الدولاب ولا القطعة الفضية بقلب الدولاب؟؟
لا مو الدولاب

هني القطعة الفضية بقلب الدولاب

شلون بنغير الدالاوب بدون كريكو و مفتاح جنط

والله سؤال حلو تغيير الدولاب كيف؟؟

شلون بنغير الدالاوب بدون كريكو و مفتاح جنط

:?

يعني مافي غير انو بسنانك بتغيرو :frown:

عم تتظارف ما :pos:

وبركي عم يسأل عن جد ههههههههههه
فكرتو عم يحكي عن حقا

يسلمو ابو جوزيف


مشاركه ع الوجع


انا بسوق بس لهلا ما اخدت رخصه وعم حاول اخدها


قدمت لدراسة التؤوريا ما بعرف شو بتحكولها


مع السواقه بدون رخصه اسهل :yahoo:

ههههههه مافي احلة من الاوتوماتيك
وخاصة شوارعنا بدها اوتواماتيك لانو مابتعرف منين بينطلك وللد او واحد عم بيسوق الدراجة ان كان هوائية او نارين بنص الشارع
وهاد الي بينط بدو يقطع الشارع ههههه ووهاد الي بيدبق بس يشوف بنت عم تسوق
ولا شوفيرية التكاسي والميكرويات ولا الباصات ولي عليييييييهوووون نشالله بيقشوك معون علطريق بيدون ماينتبهولك ههههههههه


بس شو بدنا بلحكي حلو الواحد يكون عندو سياره
وفيها مسجلة ياسلالالالالالالالالالالا لالالالالام ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


يسلمو علموضوع
ازا في سؤال بركد ركد لا اسئلك اياه
شكرا

عمي ابو جوزيف وين صرت؟

مابعرف !!

بس انو خلاصة الحديث يعني

غير عالممارسة ما بيمشي الحال نشالله تم علمك من هون لسنة غير الممارسة ما بيمشي الحال لان عن طريق الممارسة بيكسب الواحد (( حنكة ))

يتبع ...

سجلوني سجلوني ...:larg:

علاء عامل موضوع عن السواقة وماخبرتني؟:x

اي انا بورجيك

سجلوني سجلوني بحب السواقة انا
هيك بتعلم معكون هون لحتى وقت سجل بتكون عندي الاساسيات

بم بم بم بم بم عننننننننننننننن عن عن ولا جحش بعد من طريقي احسنلك

اي لا تنسوني سجلوني سجلوني ....

سلام شبيبة وين كنا

اي كنت من شي سنة قايل انو بس اسحب الاشارات بجبلكن ياهن وليكن رفعناهن ....



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

قسم من الطلاب ارتحم وسلم الأمانة لسعدو والقسم التاني قرر يرجع للتنقل باستعمال الكديش والحمار والاستاذ لسعته مواظب علدوام
يا أخي مو علفاضي بقولولك كاد المعلم أن يكون رسولا

كاد .. لأن ما بحياته شاهدت البشرية رسول ملتعن سلافه ومواظب على رسالته .. انه أيوب يا زلمة كان انجلط

أنا عم دور عدروس سواقة، وعم جرب شوي عملي، بس محل ما عم سوق ما في قانون سير ولا أي قانون تاني غير الطحش والدوبلة عل اليمين واليسار، وكلا ولاد عمرا بال تعش عم تسوق وتشفط، إي كيف بدي قوي قلبي وأطحش؟

بس عندي سؤال غبي شوي (أو يمكن كتير) أول ما بدنا نقلع بالأوتوماتيك شو منعمل؟ يعني منضرب مارش بالأول ولا منحط الD ومنزل فرام الإيد أول؟

جد الحمار مافي بعدو, كلها سلخه وحده على افاه وبمشي بدون لا بنزين ولا زيت, وشد الحبله تاعتو بوقف وبدون صوت تشحيط, ول ( navigationssysteme \ نظام الملاحه ) الي فيه زي السحر بس خدو عل طريق مرتين تلاته بتلاقيه حفظو بدون لا اشارات مرور ولا ما يحزنون. :o
:D

بس عندي سؤال غبي شوي (أو يمكن كتير) أول ما بدنا نقلع بالأوتوماتيك شو منعمل؟ يعني منضرب مارش بالأول ولا منحط الD ومنزل فرام الإيد أول؟

بس تطلع بالسيارة لازم تكون بوضعية ال p )parking (
ف بتدق مرش خيو وبتدعس الفرام للاخير وبتحط ع وضعية ال D وبتنرزل فرام الايد
بتشيل رجلك عن الفرام بتلاقي السيارة ها شي انو بدا تمشي وعطيا بنزين وقول الله

يلعما .. فتنا بالحيط ..
ضلو يقولولي رجاع رجاع .. معك معك .. وعأساس انو يخبروني انو وقت بقرب عالحيط .. قام خبروني بعد ماخبطت .. (خبطت .. وقف .. :lol:)
لهيك ماتجربو عملي .. ديرو بالكن .. العملي غير النظري .. ومو بس بالسيارات .. كمان بغير شغلات .. :p
لازم يكون معكن شوفير بالسيارة ..

بس تطلع بالسيارة لازم تكون بوضعية ال p )parking (
ف بتدق مرش خيو وبتدعس الفرام للاخير وبتحط ع وضعية ال D وبتنرزل فرام الايد
بتشيل رجلك عن الفرام بتلاقي السيارة ها شي انو بدا تمشي وعطيا بنزين وقول الله

أنو يسلمو، بس مشي الحال، وصرلي شهر عم سوق، أنو هيك طلعت بالسيارة وطحشت قام مشي الحال، ومرة عمرّة، تعودت شو أعمل بالأول، لاء ومن تالت يوم فتت بالعجقة كمان ولحد هلأ ما فتت بالحيط..!

أبو جوزيف، انو ليه الشجرة ياللي بإشارة الاستراحة مايلة هيك ؟؟

هههههههههههههههههههه انا حسبتها اشارة تحذير انو احتمال الاشجار الجانبية تسقط :clap:

أبو جوزيف، انو ليه الشجرة ياللي بإشارة الاستراحة مايلة هيك ؟؟

هههههههههههههههههههه انا حسبتها اشارة تحذير انو احتمال الاشجار الجانبية تسقط :clap:
ههههه
جانبية تسقط ما هههههه

*هاموش:
بما انو الموضوع مدرسة أخوية لتعلم السواقة بشكل عام..عم فكر حط هون المبادئ الاساسية لقيادة الطيارة:larg:..
انو الواحد ما بيعرف شو بيصير معو:lol:.. فشو إلتو؟؟؟

كل ما انزل اجازة بقول بدي سجل ..

بس بعدين بتهامل وبأجلها ..

اي يا زلمة يضربو هنن والمدارس كل وحدة وقتا العن من التاني

بس حدا بيعرف شو احسن وحدة فين دخلكم ؟؟