الكوفية الفلسطينية الرمز يلي كلنا بنعرفه
من وقت ما خبى الثوار بثورة ال36 وشوهون وراها ولبسها زعما كتار
من عبد القادر الحسيني وابو جهاد وابو عمار اللي اشتهرت معه اكتر شي
اليوم الكوفية راجعة بقوة بس بالوان مختلفة من ازرق واحمر واصفر واخضر وبنفسجي
والابيض شبه اختفى
القصة صارت موضة وتسلاية بين الناس
والها بلبنان منحى تاني فمثلا انت من حركة امل يبقى البس كوفية بلون اخضر
انت من المستقبل البس كوفية بلون ازرق
ووقت بتسالون بقولولك موضة ودخلك شو بدي بالفلسطينية هلق
من كم يوم كنت عبحضر برنامج وطلعت فيه فرقة رقص بتقرف لابسة الكوفية وقاعدة عم تتنطوط

قولكون القصة فعلا موضة متل صورة جيفارا؟ولا بدها انتفاضة لترجع الكوفية متل اول ؟

رجل من ورق

القصة يا صاحبي وللأسف بلشت تصير موضة متل ما قلت ...
هون بالاردن سمعتها بام الأذن ..شخص سألني عن أسعار اللحفات الملونين بسوريا وقلتلو ما بعرف قلي يا معلم اذا بتقدر تجبلي اياهن بسعر كذا بشتري منك مية وحدة لإنو سوقهن ضارب بالاردن
قلتلو إي في كتير وطنيين هون ..قلي لأ في كتير بيحبوا يلبسوا على الموضة ..ضحكت بوقتا
للأسف ما عم اقدر إفهم هالإنماط من التفكير او حتى القاعدة العامة اللي بتسير هيك قصص...معقول الغرابة مثلا ؟
بس يلعن اخت هيك غرابة
ما خلوا رمز وطني ونضالي إلا تشوه
يمكن بتذكروا كلكن قصة اللفحة الزرقاء اللي طلعتها إسرائيل ونسبتها للثقافة اليهودية وإنو العرب سرقوها منهن ...
وقتا جنينا على الفايس بوك وبأرض الواقع إنو اللفحة رمزنا الوطني النضالي وما بنرضى إنو ينسرق ليكلو إنسرق
يلا فلتحيا الموضة ..
تحياتي الحارة
ظل جيفارا

يعني مو مستغربة الكوفية تصير متل صورة غيفارا موضة...انا مرة سألت واحد لابس بلوزة عليها صورة غيفارا ؟؟مين يلي حاطط صورته على بلوزتك؟؟؟بتتصور رد انها صورة خوليو المغني الاسباني ....يعني ياصديقي وقت يللي روبي بدها تغني قصائد لمحمود درويش حسب ما صرحت للاعلام يبقى الاحتجاب افضل من الصدور#

يعني .........
مع كل الخيبة انو هيك ناس وهي افكار تتحول لمواد استهلاكية
بيضل افضل اني امشي بالشارع وصور جيفارا ملانة الشارع
او محاوطة بناس لابسة الكوفية
برايي افضل بمليون مرة من انو كون بوسط ما فيو غير رسوم مطربين ما بعرف ايمتى فقسو من البيضة
وناس لابسة غرايب عجايب
يعني ع الاقل نفسيا بقول انو هي في شي بينشاف
ولو مؤقتا
بس بالنسبة للناس يلي بتقدر قيمة هيك اشياء رح يضل معناها موجود بالنسبة الهون وبيضلو قادرين انو يشرحو لغيرون شو يعني ...
لك ع الاقل لما بتحكي مع واحد عن جيفارا وبيقلك ما بعرفو ..فورا بتدلو انو ليك هيدي هيي صورة جيفارا .. بدل ما متل ايام زمان اتضل تبحبش بحبشة ع صورة

اي صح الكوفية الفلسطينية صايرة موضة دارجة كتير هالايام
متل ماكانت صورة جيغيفارا ع التي شيرتات

يعني مابترعفو شو رح يصير موضة بركي بيحطو من هون لتلات سنين بيحطو صورتي عالطائيات;)

يا سيدي تصير موضة علالأقل بتضلّ بالوجه أحسن ما تنتسى متل القضية؟؟؟

ازا الكوفية صارت موضة ... لكان غيفارا شو صار !!؟؟ :?

غيفارا مانو قطعة لباس حتى يقارن بالكوفية(مع احترامي الكامل للمعنى)
غيفارا فكر وشجاعة ,قيادة واقدام,شعر وشهادة,,,,وبالنهاية سلام..

غيفارا مانو قطعة لباس حتى يقارن بالكوفية(مع احترامي الكامل للمعنى)
غيفارا فكر وشجاعة ,قيادة واقدام,شعر وشهادة,,,,وبالنهاية سلام..

يا عيني نص البشر صارت تحط صور غيفارا عالحيط ببيوتها ... ونص البشر عم يحطوه طوق برقبتهن ... ونص البشر عم تحط صورتو بالمواقع والمنتدياات والمسنجر ... وبتقلي ما صار موضة !!:?

يا عيني نص البشر صارت تحط صور غيفارا عالحيط ببيوتها ... ونص البشر عم يحطوه طوق برقبتهن ... ونص البشر عم تحط صورتو بالمواقع والمنتدياات والمسنجر ... وبتقلي ما صار موضة !!:?

:shock:أها؟؟

اي انو صحيح اغلب الي بلبسو الكوفية اليوم ما بعرفو شو هي او بقولو انها حلوة وعجبتهن وهني مخصنهش في فلسطين ....
بس علقليلة انا صرلي سنة ادور على كوفية الاصلية صرت اغدر جيبها والبسها ...
اما الي ببكي بالقصة انو في يهود عم يلبسوها ومبسوطين فيها كثير :shock:

""اما الي ببكي بالقصة انو في يهود عم يلبسوها ومبسوطين فيها كثير """
له؟؟شو هالخبرية؟؟؟لحقو على هاي كماااااااااان؟مابقي الا يسرقو اغاني الاعراس الشعبية

اما الي ببكي بالقصة انو في يهود عم يلبسوها ومبسوطين فيها كثير ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب بركي هدول حابين فلسطين ... يعني بركي يهود اوادم !!:p

من شوي رحت انا وواحد واشترينا كوفية "شماخ" فلسطيني رمادي ... مع العلم اني انا بحب الابيض وكان بدي جيب واحد .. بس لأنو صايرة موضة .... بطلت :pos:

هلا مقتنع انت انه في من هالصنف اوادم بيحبوا العرب....؟؟؟هيدا اسلوب التفافي للاختراق يابي

اي انا عندي منو ..
هديك السني لبستو وقت اللي نظمت هيئة الطلاب الفلسطينيين حفلي لمي نصر .. بس كان ابيض واسود وعليه علم فلسطين ..
بس هالسني جبت منو لون رمادي واسود ... هوي موضة صار ...وحلو مع التياب .. بس شو فيا يعني ازا التبس... :?
منكون نسينا القضيي؟؟
منكون عم نشوه شي بالنخوة والنضال ؟ انو مين ما كان لابسا؟ ..
مافيا شي القصة كتير عاديي (رأي )

انا جايب الاصلية يلي بتجي متل لحشة عليها علم فلسطين و القدس لنا
بس ما بلبسها كتير
لأنو مو يعني انو اذا حطيت لحشة عليها القدس لنا (( انو القدس لنا ))
او انو هي بهاللحشة لح نحرر القدس
الحلو ايماني بهالفكرة و انو شو عما اعمل لأوصل لفكرة القدس لنا


و تنين مشان الكوفيات الملونة انا ماني شايف فيها مشكلة
و انا حاطط ملونة لأني مع الثورة البلشفية و الحركة الوطنية يلي بتمثل 75 %


و بعدين برئيك لو ماصار هالشي لغيفارا ما كان لح ينعرف شعبيا في كتير ثوار بالعالم
عملو متل غيفارا *و يمكن اكتر بس قلال يلي بيعرفون

____
* هون انا ما عما انتقص من شخصية غيفارا او حبي الو
بس وصلت لمرحلة مافي ثوري بالتاريخ الانساني الا غيفارا
لولا هالشي يلي صار العالم ما بظن كانو لح يعرفو
مع انو 50% يلي لابسين كنزات عليها صورة غيفارا ما بيعرفو مين هوي



ابو وليام :larg:

اي انا عندي منو ..
هديك السني لبستو وقت اللي نظمت هيئة الطلاب الفلسطينيين حفلي لمي نصر .. بس كان ابيض واسود وعليه علم فلسطين ..
بس هالسني جبت منو لون رمادي واسود ... هوي موضة صار ...وحلو مع التياب .. بس شو فيا يعني ازا التبس... ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
منكون نسينا القضيي؟؟
منكون عم نشوه شي بالنخوة والنضال ؟ انو مين ما كان لابسا؟ ..
مافيا شي القصة كتير عاديي (رأي )
هيي ما فيها شي .. ما اختلفنا ... بس الشي يلي زاد عن حدو انو صايرة موضة .... يعني انا من وجهة نظري الشخصية ... بكره الشغلة تنمعط بالسوق شو ما كانت تكون .... انا بحب اواعيي يكونوا شوي سبيشل عن الباقي ..... يعني فهمنا كم واحد لبس سلك فلسطيني ... مو يعني لازم نحنا نلبسها كمان ... اي شو هالسخافة.....
انا من السنة الماضية كان بدي جيب سلك او شماخ او شال فلسطيني ... وكنت ناوي جيب الاصلي يعني الابيض والاسود ... بس لانو صار موضة بطلت ..!!!

الحقيقة يا صديقي بان التغيير والتبديل على الحطة الفلسطينية الاصيلة الاصلية ما هي الا سرقة للتاريخ وتحريف له باتجاه بعض الحركات الطارئة على الشعب الفلسطيني
بتذكرني بعمل قام به الصهاينة في اوروبا لسرقة التاريخ والتقاليد الفلسطينية عن طريق صناعة حطة تشبه الكوفية ولكن بنقش نجمة داوود بدلا من الخيوط الفلسطينية المتقاطعة لتشكل مع بعضها قوة موحدة

باختصار ان ما تقوم به بعض الاحزاب في نسج كوفيات تناسب أهدافها وألوانها انما هي كوفيات واهية ستحملها الرياح وتخلعها عن رؤوسهم مع رؤوسهم وأفكارهم
وترميهم في احلامهم اللاوطنية

الحقيقة يا صديقي بان التغيير والتبديل على الحطة الفلسطينية الاصيلة الاصلية ما هي الا سرقة للتاريخ وتحريف له باتجاه بعض الحركات الطارئة على الشعب الفلسطيني
بتذكرني بعمل قام به الصهاينة في اوروبا لسرقة التاريخ والتقاليد الفلسطينية عن طريق صناعة حطة تشبه الكوفية ولكن بنقش نجمة داوود بدلا من الخيوط الفلسطينية المتقاطعة لتشكل مع بعضها قوة موحدة

باختصار ان ما تقوم به بعض الاحزاب في نسج كوفيات تناسب أهدافها وألوانها انما هي كوفيات واهية ستحملها الرياح وتخلعها عن رؤوسهم

مممممممممممممم

هلأ قلكون الصراحة ..
انا حبيتا ..
مع اني ما استسغت الفكرة اول شي ..
انو شو آل خيو ..
هادا رمز لفلسطين .. وسألن وين فلسطين ما بيعرفو .. " لأ ما لهالدرجة بس انو يعني "

المهم انا بدي احكي بشغلة رح تكون خارجة عن اطار الموضوع شوي ..

انو انا بعد ما حبيتن وقررت اني جيب وحدة ..

حسيتن فجأة . صارو متل مهند .. وتامر حسني ..

وين ما بروح بلاقي .. بالجامعة متروسة ترس ..
بالحمرا معباي .. يعني الوضع بيأسي ..
انو طيب عراسي موضة ..
بس ليش هالطشاش هادا كلياتو ..

سيدي .. بكرا بتطلع شغلة جديدة .. ومنرد منحكي بنفس الموضوع ..

الحقيقة يا صديقي بان التغيير والتبديل على الحطة الفلسطينية الاصيلة الاصلية ما هي الا سرقة للتاريخ وتحريف له باتجاه بعض الحركات الطارئة على الشعب الفلسطيني
بتذكرني بعمل قام به الصهاينة في اوروبا لسرقة التاريخ والتقاليد الفلسطينية عن طريق صناعة حطة تشبه الكوفية ولكن بنقش نجمة داوود بدلا من الخيوط الفلسطينية المتقاطعة لتشكل مع بعضها قوة موحدة

باختصار ان ما تقوم به بعض الاحزاب في نسج كوفيات تناسب أهدافها وألوانها انما هي كوفيات واهية ستحملها الرياح وتخلعها عن رؤوسهم
لك حتى محمد الدرة وابوه رسموهن وحطولن طاقية السكناج ووزعوهن في اوروبا على اساس دليل على العدوان الفلسطيني؟

وبين كوفية واخرى فرق كبير

القضية نفسها صارت موضة


ياترى شو هي القضية
ياجماعة كنت مفكرة حالي لما بكون فلسطينية بكون صاحبة قضية
للأسف بآخر سنتين اكتشفت انو القضية مانها قضية
القضية صارت ولاشي
ضاعت
وضعنا
وضيعنا المنطق والفهم

وبين كوفية واخرى فرق كبير



مابظن هيك صح
كوفية عن كوفية لاتفرق
الفرق بيكون بانتماءنا للكوفية أو انتماءها النا