-
دخول

عرض كامل الموضوع : تساقط الشعر

ِAbu Alzooz
29/11/2008, 15:29
شباب حدا بيعرف شي عن تساقط الشعر و شو سبب

و شو علاجو
:deal:
Marooshe
29/11/2008, 16:19
كمووون لك شعرك عما يكت..؟؟
مشان هيك كنت... :o


هوي اي في الو علاجات كتيره... ابي ماترك وحده الا وجربها بس عبث...
مجنون يحكي وعاقل يسمع
29/11/2008, 16:58
والله بعد اللي صار تساقط الشعور أسرع وأكتر من تساقط الشعر , حول الإخصائيون من الشعر إلى الشعور , بدك تراجعلك شي متحف وطني , وأنا من هون من العصفورية رح أدعيلك أنو تتوفق بشي واحد , وبقولو دعاوي المجنون مستجابة , ومع ذلك بحياتي ما استجبلي طلب لعل وعسى على حظك بيستجيب العلي القدير
i m sam
29/11/2008, 17:29
iمبدئيا هي حالة وراثية بتجي عن طريق الخال او الاب
لكن في الحالات العادية انا كنت لاحظ انو شعري يزداد تساقطو لما بقلق كتير او بشغل بالي بشي
يعني من الاخير انو لما بتشغل تفكيرك كتير وبتعصب
فسحة أمل
29/11/2008, 19:14
هلا مبدأياً في حل لتساقط الشعر بالطب العربي بس ما بعرف إذا حضرتك بتقدر تتحملو
الحل هين كتير وهو على الشكل التالي
بتجيب خل , وزيت , وعسل , وتوم
بتخلط الزيت والعسل والخل , وبتدق الوم وبتحطو معن
بعدين بتترك الخليط بالشمس 3 تيام وبتحط منو على راسك كل يوم قبل ما تنام لمدة أسبوع بيمشي الحال
طبعاً شغلة الجيل بدك تلغيها من قاموسك.
في حل تاني بس بياخد وقت طويل وهوي أنو في نبتة أسمها ديل الخيل اشتري منها وحطها مع الشاي وشراب
بعد فترة بيتحسن وضع شعر جنابك وهي أنا مجربها .
فسحة أمل
29/11/2008, 19:56
أي صحيح قبل ما أنسى بخصوص الجيل يعني بدي قلك تجرب شغلة
جرب جيب بسمار مصدي وحطو بعلبة الجيل وانساه شي يومين زمان وبس ترجعلو ردلي خبر شو بتشوف
ويحد سوري
29/11/2008, 22:19
أي صحيح قبل ما أنسى بخصوص الجيل يعني بدي قلك تجرب شغلة
جرب جيب بسمار مصدي وحطو بعلبة الجيل وانساه شي يومين زمان وبس ترجعلو ردلي خبر شو بتشوف



فيك تعطيني النتيجة فورا لانو بعد يومين ما بيكون عندي نت لقلك شو شفت


بس عجبتني الخلطة العربية
بس انت بتعرف حدا جربها ؟؟؟ و نجحت :D
Reemi
29/11/2008, 22:30
اذا عم يتساقط بالخريف فمو مشكلي لانو شعراتنا متل وراق الشجر .. :larg:

المهم..بتجيب المجموعه الكامله من بانتين تريتمنت ... ممتازة ... رفيقتي جربتها ومشي حالها
مايسترو
29/11/2008, 23:43
لا تشكولي ببكيلكون

انا عال25 رح اصفى بلا شعر بالمرة
Zerocold2
30/11/2008, 00:31
يا سيدي طنش ....
شو بدك أحلى من هيك بدك تحسبها على المدى البعيد
يعني رح توفر أولا حلاق وثانيا جل و وقفه قدام المرايا هي الشعرة طالعى وهي الشعرة نازلة ....

طنش تعش تنتعش ......... يا بو وليم

:x:x:x
القلب الدافئ
30/11/2008, 14:35
انا بنصحك ابو وليم من اي صيدلية في محلول اسمو minoxidil هاد ممتاز جدااا ومتوفر
من فترة كان مفعولو ضعيف بس من تلات تشهر نزل دفعة جديدة من الدوا ونزل ب 5 مستويات حسب الحالة

وبنصحك هل فترة لا تحط اي مواد كيميائية على شعرك(جل او كريمات ) خليها خلي فروة الراس تتنفس وإذا بتحب تقصر شعرك لحد معين بيكون افضل


وتمنياتي لك بشعر صحي وجميل



بربكن ما خرج كون دكتور :o
marioma alghzayala
30/11/2008, 14:37
خفف حمام .. واستعمل شامبو للاطفال ... :larg:
فسحة أمل
30/11/2008, 16:28
فيك تعطيني النتيجة فورا لانو بعد يومين ما بيكون عندي نت لقلك شو شفت


بس عجبتني الخلطة العربية
بس انت بتعرف حدا جربها ؟؟؟ و نجحت :D

النتيجة تبع البرغي المصدي أنو بعد يومين بيرجع خلنج جديد والجيل بصير سائل لونو أسود جربو وشوف
أما بالنسبة للخلطة االعربية انا جربتها وما ضل على راسي ولا شعرة قصدي مشي الحال:p
سوا ربينا
30/11/2008, 16:53
يا سيدي طنش ....
شو بدك أحلى من هيك بدك تحسبها على المدى البعيد
يعني رح توفر أولا حلاق وثانيا جل و وقفه قدام المرايا هي الشعرة طالعى وهي الشعرة نازلة ....

طنش تعش تنتعش ......... يا بو وليم

:x:x:x


وانا من رأي زيرو كولد ... يا زلمة بترتاح من الشعر بدل ما تقعدلك شي ساعة وانت عم تزبط بالشعرات هيك بيكون اريح ع الماشي...:lol:

انا بحدود ال 26 سلامتك ولاشعرة او يمكن يكون في شي شعرة فالته من هون او من هون ......الله يرحمني مقدما ....:cry:

صحيح ع فكرة ممكن يكون احد اسباب تساقط الشعر كتير تغيير الشامبو بفترات قصيرة .... وممكن كمان نفس نوع الشامبو يكون مش منيح ....
haedoora
26/05/2009, 14:20
شباب نازل كريم جديد عالسوق جربوه رفقاتي وجاب نتيجة بيوقف التساقط وبيطلع شعر
هو من جلد الافعى بس اعرف اسمو بالضبط بنزلوه بس يللي من سوريا فيهن يسالوا اي صيدلية كريم من جلد الافعى
Sarita
26/05/2009, 15:22
هوي ع حسب معرفتي:larg: العامل الاساسي هوي نقص التغذية وبالزات الحديد او النقص الاميني
هلأ انا وقت كان معي انيميا كان شعري بيهر بس عمرو ما سقط لانو بيرجع ينبت من اول وجديد ما بعرف شو السبب :shock:
بس هاد لاني جربت غير نظام التغدية تبعي
وفي كمان من العقاقير والشامبوهات
الاغلب من الشامبو لانو طريقة غسلنا للشعر عادة بتكون انو ينحط الشامبو مباشرة على فروة الرأس بس الطريقة الصحيحة هيي انو ينخلط الشامبو مع شوي مي وينحط ع الراس ويتدلك فيو فروة الراس لانو الشامبو يعتبر مركز :pos:

وبعض العلاجات هي تكون نفسيي لانو ازا رعبت حالك وقلت انو خلص شعري عم يهر ورح صير اصلع :oرح تزداد كمية الشعر المتساقط انو ريّح حالك شوي واستعمل شامبو أطفال
وكول منيح وكتر تبولة لانها بتحوي كمية كبيرة من الحديد :p

كبوس هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
هي رابط مشان تعرف سبب تساقط الشعر وفي رسومات تبين كيفية تساقط الشعر وكمان فيو عدة حلول مناسبة يمكن تساعدك
وموفق حبيب
الرمــال العربيــه
03/06/2009, 20:27
شكرااااااااا لك
محمد ابورومي
22/08/2009, 17:03
حسب ما نشوف لو في علاج اكيد غير الزرع كان اول ما اتعالج الطبيب الأصلع المعالج!!!! اذا يا اخي العلاج مكلف ماديا وليس هناك نتائج مضمونه والحل الأنسب ان نرضى بهذا الواقع وما نفكر فيه كثير عشان ما يعظم اكثر من اللازم ويصير عقدة الحياه .. اما اذا اردت وصفات مجربه وفاشله فهناك العديد اما بدون جدوى!!!!
ِAbu Alzooz
23/08/2009, 05:31
خفف حمام .. واستعمل شامبو للاطفال ... ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


على فكرة انا صرت قد الحخش
(حشا السامعين )

بس لهلق ما بعرف اتحمم الا بالجونسون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما بعرف بينتزع نهاري اذا تحممت بالشامبو العادي
marochka
23/08/2009, 14:53
على فكرة انا صرت قد الحخش
(حشا السامعين )

بس لهلق ما بعرف اتحمم الا بالجونسون

ما بعرف بينتزع نهاري اذا تحممت بالشامبو العادي

فإذاً ما لازم تزعل إذا صار شعرك متل الصورة :p، شامبو الأطفال ما بيكفي لشعر الكبار
ياسمين_الشآم
08/10/2009, 11:42
توصلت أخيرا لحل لتساقط الشعر
اسمعوا الجديد في الامر


اكيد بتعرفوا حبة البركة او الحبة السوداء تطحن هذه الحبوب وبتصير عاشكل مسحوق

وتخلط اما بالماء وتوزع على الشعر او تخلط مع الشامبو العادي وفي كل مرة تترك 3 دقائق
على الشعر لتاخد مفعولها


وشوفوا النتيجة مارح تندموا
LoOLy O_o
08/10/2009, 12:11
خفف حمام .. واستعمل شامبو للاطفال ... :larg:
نصيحه مني لاترد على هالنصيحه :) بخصوص شامبو الاطفال
لان راس الطفل وجذورشعرو وجلده الراس بتختلف كليا عن الشخص البالغ من افرازاتها للدهون ونوع الشعره
أحتمال يكون المواد الكيميائيه فيه اقل بس لا تنسى شامبو الأطفال ما بنضف شعرك وبالعكس ممكن يزيد تساقط الشعر او يعمل شعرك دهني وإلا ما كانو اخترعو الشامبو للشعر الجاف الدهني .. الخ ولا عملو شامبو خاص للرجال :pos:
الأفضل تزور دكتور خاص بيعملك فحص للشعره ولجلده الرأس وبيوصفلك أشيا مضمونه .
عطر المغرب
08/10/2009, 17:45
ادا عندك علاج بعتلي ياه
لازمني
yamen_h
14/10/2009, 11:27
انا سمعت انو عصير البصل اذا بينحط عالراس كل يوم ساعتين ... مو بيوقف تساقط الشعر ... قال بيرجع بيطلع شعر جديد ...

و انا رح جربو لأنو خوطرت القصة و بلشنا نصلع نظامي ... :cry: