مرحبا..!
انا اول ما وعيت ع الدنبا وانا عم استخدم الوندوز يعني ال PC من وقت ما كان Win95 وانا واثق انو فيعالم اشتغلوا ع الـ PC من اول ما طلع عالكون..
لما سافرت لبرا سوريا " والحمد الله " تعرفت ع شي كنت بلمحه او حتى بسمع عنه بس ما بهتم فيه.. بس برا سوريا كان اله شعبية اكتر من الوندوز..
المهم يا سيدي..
الشي هو Apple " التفاحة " ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وصراحة كان غالي أكتر من الـ PC وحبيت وقتها اشتري الـ iMac (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
كنقلة نوعية وكسر حاجز الوندوز مع انه كان ممكن انه اخسر 100,000 ليرة بس للتجربة لو ماعجبني..او ماطلع منيح..
بس الحمد لله انا كتير مبسوط بالماك أكتر ما بتتصوروا لدرجة انو انا بندم على كل ثانية قضيتها على الـ PC..:cry:

نسيت وجع الراس تبع الوندوز.. من فورمات لتعريف لاي شي تاني..

انا هدفي من هالموضوع مناقشة وضع الماك بسوريا وشوف مين عنده فكرة عن الماك , وبنفس الوقت ممكن انا جاوب عن اي سؤال عن الماك او تحولي للماك.. والاهم من هيك كسر عظمة الوندوز قدام المستخدم السوري.. فعلا انا اكتشفت انو الوندوز كانوا يستخدموه بالعصر الحجري..:p

وبالنهاية انا iMac
انت شو ؟

بس برا سوريا كان اله شعبية اكتر من الوندوز..

مافي شي الو شعبية اكتر من الويندوز ...ما لأنو الويندوز منيح يعني ...ولا لأنو أنا من جماعة مايكروزفت او شي ...بس لأنو هاد الواقع يعني ....

هلأ انت حكيلنا ع الماك ...يعني بلش كسر عظم ...هيك حطلنا صور مثلاً ..او انو مقارنات ..ممكن نستخدم برامجنا العادية ع الماك او لاء ...يعني بقدر نزل فاير فوكس مثلاً ..او ام اس ان مسنجر ؟ ....التورنت كلاينت بتشتغل عليه او لاء ؟ ....شو وضع الواجهات و القوائم ....حكيلنا مان ...يالله فتااااااااااااااااااااح

انا بستخدم ويندوز , حاليا ,, بس عما قريب بدي اشتري ماك

طبعا الماك احسن من الويندوز بالف مره خصوصي من ناحيه الاعطال والتتنيح يلي الويندوز مشهور فيه

يمكن ليلي بيستخدم ويندوز ويقلب عالماك اول شي بدو يتلبك شوي لبين ما ياخد عالانترفيس الجديد

و الويندوز احسن بشي واحد , انو مشهور , ومو لانو احسن بس لانو منتشر عند المستخدمين العاديين للكومبيوتر .

بالمانيا مثلا الويندوز مشهور , بس كمان الماك قوي ونسبه كبيره بتستعملو مع انو اغلى بمنيح

بالنسبه للبرامج اغلب البرامج بكون الها اصدارات خصوصي للماك , وفي حال شي ما اشتغل فينك تنزل فيرتشوال بي سي عالماك ويكون ويندوز
يعني بصير عندك ويندوز جوا الماك

انو هلئ الماك الو ايجابياتو وسلبياتو

لكن بيضل عندي كـ ديزاينر .. افضل بمرة وتنين ومليون مرة من ال بي سي
ليش
لانو الماك متل الستلايت .. بزمناتو كان في ريسيفر انالوج .. هاد ممكن ما يجبلك المحطة تمام ... ممكن يجبلك المحطة صافية جداً .. وممكن يجبلك المحطة فيها تغبيش شوي او كتير .. هاد الانالوج متل الويندوز .. يعني بتلاقي تدقير بالويندوز

بينما بالماك .. إما بيشغل البرنامج 100 % بدون أية مشاكل .. بدون أي تدقير وتعليق ... او ما بيشغلها بالمرة .. وهاد نادر الحدوث تماماً

كمان من ايجابيات الماك .. لحد هلق ما تسجلت ولا أية حالة اصابة بفايروس لسبب الا وهو انو الماك ( او بالاحرى نظام اللينوكس ) هوي open source وممكن ازا بتدور تلاقي اكتر من مية ألف نسخة للينوكس .. وكل نسخة ملفاتها وشكلها والتعامل معها مختلف نوعاً ما .. اي انو الوقت اللي رح يستغرقو هاللي بيعمل فايروس ليساوي فايروس يصيب ملف مشترك بهال 100 الف نسخة لينوكس المتواجدة ... ممكن يستغلو ليساوي 100 الف فايروس لل ويندوز

بينما سلبيتو الوحيدة بالنسبة الي حالياً هوي ارتفاع سعر برامجو .. وصعوبة الحصول عليها free
كمان ليش
كمان لانو العرب مشهورين باللطش فانو الويندوز في كتير برامج بتنطرح تريال او ديمو .. وهون في شوية مخاخ بتقدر تكسر هالحماية وتطرحو مجاناً وهكذا
لكن بما انو العرب نادر عندهن جداً استخدام الماك .. وبيقتصر على الشركات والمؤسسات الكبيرة فهون ما حدا ابدا فاضي او الو مصلحة انو يقعد يوزع هالبرنامج

فيعني انو ارخص برنامج للماك ممكن تحصلو بالسوق هوي مو تحت ال 5000 ليرة يعني شي 100 دولار
لكن هاي نقطة تحسب الهن للماك يعني .. ومن صالحك انت ايضا يا مستخدم الماك كونك عمتاخد نسخة اوريجينال 100 % .


من ناحيتي .. للشغل أفضل الماك بمليون مرة من الـ بي سي العادي .

كمان من ايجابيات الماك .. لحد هلق ما تسجلت ولا أية حالة اصابة بفايروس لسبب الا وهو انو الماك ( او بالاحرى نظام اللينوكس ) هوي open source وممكن ازا بتدور تلاقي اكتر من مية ألف نسخة للينوكس .. وكل نسخة ملفاتها وشكلها والتعامل معها مختلف نوعاً ما .. اي انو الوقت اللي رح يستغرقو هاللي بيعمل فايروس ليساوي فايروس يصيب ملف مشترك بهال 100 الف نسخة لينوكس المتواجدة ... ممكن يستغلو ليساوي 100 الف فايروس لل ويندوز

يحرق حريشك يا ابو حميد ...كيف لخبتطن ببعضن هدول :p...و جاب الماك ع اللينوكس !!!

يحرق حريشك يا ابو حميد ...كيف لخبتطن ببعضن هدول ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////و جاب الماك ع اللينوكس !!!

:? شو شو جاب هي لهي .. نظام التشغيل تبع الماك مو هوي لينوكس :?

اي المهم يعني .. حتى لو مو هوي :p... الماك بضل افضل كـ شغل :angel:

شكرا ع الردود..
بالنسبة للماك, فعلا انو الماك او بالاحرى " الماكنتوش " نظام مختلف عن الينوكس بس مبني على اللينوكس..

متل ما الوندوز مبني على الدوز..

اما بالنسبة للبرامج, في كتير برامج ع الماك, واغلب البرامج الها اصدار للماك والوندوز..
وفعلا الانتقال للماك عالم تاني, يعني في كتير مواقع برامج بتختلف لما بتفوتها من الماك..مشان تعطيك اصدارات الماك..
وتحسسك ببيئة العمل على الماك..

ولما رح تشتغل ع الماك وبرامج الماك, رح تحس شقد مايكروزفت انانية وحقيرة..
اما بالنسبة لسعر الماك المرتفع.. بسبب عدة عوامل منها..

التصميم : الماك في اله مصممين مختصين بتصميم الشكل الخارجي لاجهزة الماك ليتناسب مع فئة كبيرة من العالم..

التقنية : شركة ابل بتحاول انو تحط بالاجهزة اخر التقنيات بالعالم بدون النظر للسعر مشان تضل اطول فترة عند المستخدم

نوعية المواد العالية الجودة والصديقة للبيئة : بأخر اصدار لاجهزة الماك كان اكتر شي مهم انو استغنوا عن البلاستيك والزئبق والمواد الكيميائية اللي بتضر او صناعتها بتضر بالبيئة " وطبعا البيئة اخر همنا " وكمان المواد نفسها ممكن اعادة تصنيعها بنسبة تصل للـ 70% وحتى فكروا انو لازم نصغر علب الشحن مشان نستخدم اصغر عدد طائرات للشحن..

وأخر شي هو القوة والتوافقية بالعمل.. اللي عملوا الهارد وير نفس الاشخاص اللي اشتغلوا على السوفت وير..
وانا برأيي سعره مناسب

اما بالنسبة للعمل على الماك فهو اسهل بمليون مرة من الوندوز..

وهي شوي صور..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
كمان بدي اذكر ارفع كمبيوتر بالعالم.. ماك بوك اير..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

والحكي مو متل الشوف..
والاهم من هاد كله انو اللي مخترع الماك " ستيف جوبز " من بيت الجندلي أصله حمصي:clap::clap::clap::clap::clap:

مجهود رائع مشكور اخي

انا لقيت الماك صعب .. و التعامل مع اللينوكس بيهوي..بيجوز لاني متعودة منذ نعومة اضافري عالويندوز ...


من العلوم :D