-
دخول

عرض كامل الموضوع : شرطة المرور سبب الحوادث بالبلد

سيكيولار
11/12/2008, 15:11
يجب طرد 100 شرطي شهرياً من الخدمة مع إشهار أسمائهم بالجرايد الرسمية ..

لقي شخص مصرعه وأصيب 20 آخرون بجروح بسبب حادث سير على جسر الرستن الواقع على اوتوستراد حمص- حماة.

وقالت وكالة الأنباء السورية الرسمية (سانا) السبت إن "الحادث وقع جراء اصطدام حافلة ركاب مع شاحنتين", مضيفة أن "المصابين أسعفوا إلى مشفى حمص الوطني".

يشار إلى أن الحوادث تكررت في تلك المنطقة بسبب عدم وجود شبكة رادارات ثابتة لضبط السرعات فوق الجسر وعدم وجود إنارة طرقية ...



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
I_Love_Syria
11/12/2008, 15:22
شو دخل شرطة المرور بالحوادث ليش بدك تقطع برزقهم اذا الشوفير مصورخ شو الو علاقة الشرطي
سيكيولار
14/12/2008, 10:03
شو دخل شرطة المرور بالحوادث ليش بدك تقطع برزقهم اذا الشوفير مصورخ شو الو علاقة الشرطي


لأانو الشرطة الحمير مش شغلهم داخل المدن لكن على الطرقات العامة مع رادار على كل طريق و تنبيه السائقين أن السرعة فوق 100 كم تعني غرامة و سجن ..

اما البهايم يلي داخل المدن فوجودهم مثل عدم وجودهم ..

.
غربة الروح
14/01/2009, 23:40
قال شرطة مرور قال
لك شو هالمسخره هي
نحنا عنا نظام مروري فاشل بكل معنى للكلمة
ومنشان يكبر الفشل طلعو قانون سير جديد
وهاد هو الفشل الكبير
اولآ نحنا بسوريا ماعنا شوراع وطرقات وتنظيم ينطبق مع هيك قانون
انا بدي حكي عن المدينه دمشق اكتر الشوارع ضيقه وعجقة سير دائمآ
وماكانو يلاقو حل لـ هالمشكلة
فقالو بنطلع قانون سير يجبر الناس توقف سياراتها وتركب التكاسي والسرفيس
مع هيك الواحد فينا بعمل الف حساب وحساب وببلش يدعي ربو منشان ما يطلعلو شرطي مرور من نص الشارع ويكتبو مخالفة اقل شي بـ ألف ليره لانو المواطن اللي راكب سياره معو مصاري كتير مو عارف وين بدو يوديها انسب حل انو تشلحو شرطه المرور هالكم الف اللي معو
بعدين طلعولنا بطقة نقاط يعني هي الشغله اللي كتير مسخرة يعني مثلأ تخيلو 16 نقطه ينتهو بشهرين او 3 شهور وتنسحب شهادة السائق طيب هاد السائق اذا انسحبت شهادتو شو بدو يشتغل منشان يطعمي اولادو خاصة سائقين العمومي التكاسي والسرافيس
يعني السيد فارووق الموصلي لما صار يطعل على الراديو والتلفزيون ويقول للشعب السوري هاد القانون الجديد مو قانون جباية جديد لخزينة الدوله يمكن البعض صدقو
هاد القانون لحد هلأ صارلو شهور ياترى فارووق الموصلي بيعرف كم عدد السائقين اللي انسحب شهاداتهن وقاعدين ببيوتهن وماعندهن شغله غير عالشغله هي ؟
بيعرف فارووق الموصلي انو نهب الشعب نهب بقانونو الجديد
بيعرف السيد فارووق كيف عناصر الشرطه تبعو عم تعبيلو كل يوم دفاتر المخالافات
بحق وبغير حق
يعرف انو الشرطي بوقف السائق بالشارع من شان يختار مخالفة
وهي انا صارت معي ؟
اكيد بيعرف انو كل شرطي مرور مو لازم يرجع على ادراة المرور الا وهوو معبي دفتر كامل مخالافات اكيد هي بعرفها بس كيف انكتبو بحق او بدون حق اكدي مابيعرف المهم يجيبولو مخالافات ويشلحو الناس مصاريهن
******
ارحمو الشعب شوي ياسيد فارووق المووصللي
عناصرك بهدلو الناس ارحونا شوي
انابعرف شرطة المرور واو هيك كنت فكر يمكن مو بسوريا بغير دول شغلتها تنظم المرور وتمشي السير واذا صار حادث بتخلق الشرطة من تحت الارض مو متل عنا بدهن ساعات حتى يوصلو
مو شغلتن يأشرو للرايح وللجاية وقولو هات المكنينك والشهاده بدون مايعرف السائق السبب وبعطو المخالفة بكل لئمنة
خاصة عناصر الشرطه اللي معن دراجات
واذا مفكرين الشرطي بـ هالقانون بطل يرتشي بالعكس عم يرتشو واكتر من الاول بس كبرة رشوتهن
******
انا مو ضد انو المخالف يتخالف
بس بالحق وبمخالفة تقنع مو مخالافات ماحدا سمع فيها الا بسوريا
مع احترامي للكل بس قانون السير فاشل فاشل فاشل
تحيااااااااااااااتي للجميع
أإأبو العبد
15/01/2009, 16:55
لأانو الشرطة الحمير مش شغلهم داخل المدن لكن على الطرقات العامة مع رادار على كل طريق و تنبيه السائقين أن السرعة فوق 100 كم تعني غرامة و سجن ..

اما البهايم يلي داخل المدن فوجودهم مثل عدم وجودهم ..

.

خايف احسدك على هالاخلاق وبحب قلك انو كل واحد بشوف الناس متلو فاهمان علي يمكن
fernanda bachchan kfoury
15/01/2009, 17:03
انو عنجد في وجهة نظر
دايما وقت تكون في عجئة سير نجي تشوف تلاقي الشرطة ورا هالعجئة
وماصارت معي مرة او تنين او حتى تلاتة تسؤ كل مرة