ياشباب الموضوع صار خطير كتيركتير وما عاد بنسكت عنو ابدا
المعروف انو الرجال هو اللي بيتحمل المسؤولية المالية بالاسرة
واللي بيقول غير هاد الحكي بيكون كذاب
والمرأة بتيجي بالمقام التاني طبعا اذا ما انوجد الرجال
بس اللي عم يصير غير هيك
البنات الموظفات معبيين وشاغرين 80% من وظائف الدولة
والشب عمرينو ان شاء الله ستين عمرينو ما يتوظف
القصة انو المصرف العقاري اعلن عن وظيفة
وقدمت العالم على المسابقة
بعدين بيتفاجأ المتسابقين انو ما الهم بالمقابلة نصيب لانو الوظيفة مطلوب فيها بنات حصرا
لك فهمنا لو لنو الوظيفة قطاع خاص كانت مفهومة صاحب العمل بدو يسأسأ بس وظيفة قطاع عام شو هدفها
والله شي بيجنن

مرحبا حبيب

انا مو معك بالموضوع ابدا

هلأ نحنا بعصر في مساواة بين الرجل و المرأة فيه، هلأ يمكن يكون في توجه بالدولة انو يوظفوا البنات اكتر
و خصوصي انو في دراسات جديدة طالعة بتأكد انو البنات مخلصات اكتر من الشباب بالعمل

هلأ هي الدراسة قريتها بجريدة قديمة يعني ممكن تكون حكي جرايد و ما في لينك بيدعم كلامي بس هيك قريت و هيك شايف من محيط عملي الصغير و المتواضع

المهم انو انا مو شايف مشكلة بعمل النساء جنب الرجال

و دمتم :D

على راسي خيي كريم ...
بس مو يكون تفضيل البنت على الشب ... طيب الشب عندو إلتزامات ومصاريف اكتر من البنت ...
مو هيك ولا لك رأي تاني

فهمنا لو لنو الوظيفة قطاع خاص كانت مفهومة صاحب العمل بدو يسأسأ بس وظيفة قطاع عام شو هدفها
والله شي بيجنن

بالنسبة للقطاع الخاص
القطاع الخاص همو هوي الفلوس
اما " السأسأة" يللي عم تحكي عنها هي الها محلات تانية متل الكاباريهات او الشقق المفروشة او يللي بدك
بس اي شركة محترمة بالقطاع الخاص ما بتوظف مشان السأسأة
و اغلب الشركات بتحط قوانين بخصوص تياب البنات و ربط شعرهم

لما بيتم التوظيف بالقطاع الخاص بيتم التوظيف ع اساس الكفاءة و هاي وحدة من اسباب تفوقو ع القطاع العام

و دمتم :D

مزبوط بس نحنا بدنا نوصل لمرحلة انو حتى مصوف البيت والكهربا والمي وقصط المدرسة و............ بدن يتحملوا الرجل والمراة متل بعض تماما يعني النص بالنص
لك حتى شراء البيت وفرشو كمان
وهاد الشي بالبداية يمكن يضايق الشباب بس بعدين بيلاقو انو هيك احسن شي واريح شي

على راسي خيي كريم ...
بس مو يكون تفضيل البنت على الشب ... طيب الشب عندو إلتزامات ومصاريف اكتر من البنت ...
مو هيك ولا لك رأي تاني

و انت كمان ع راسي
بس الي رأي تاني

باوروبا و اميركا متل ما قالت زوزو ما في فرق
السبب انو بالحربين العالميتين كان كل الرجال بالمعارك و يللي قام بالاعمال هنين النساء
و لما خلصت الحرب كان في كتير محطمين نفسيا او مصابين من الحروب فاستمرت النساء ببناء الاوطان المدمرة
عنا
يللي مدمر بقي مدمر لهلأ الحمدالله

المرا هيي نص المجتمع شئنا ام ابينا
طبعا مهمة الامومة هيي مهمة مقدسة
مشان هيك في للبنت امتيازات
و مع ذلك انا شايف انو مصاريفو الزايدة بتكون عادة ع البنات
شو عليه لو شاركتو البنت بهالمصروف؟؟؟

سؤال ع الهامش
شو هيي مصاريف الشب يللي بتزيد ع مصاريف البنت؟؟؟

و دمتم :D

سؤال ع الهامش
شو هيي مصاريف الشب يللي بتزيد ع مصاريف البنت؟؟؟

أنا ما بختلف معك بمشاركتو لأمور البيت ... ومصروفو ..بس مو ليكون في بيت بالأول ..
يعني هالمصروف الزايد على الشب هو تأمين مصروف الجيش قبل ما يروح .. وتأمين الكسر الي صار معو بعد مايرجع
والبيت وتأمين مستقبلو بالزواج والحياة ..
أنا ماني معارض لشغل المرأة على العكس أنا خطيبتي موظفة وبدي آخد البيت على اسمها ..
بس الشب معظم الأحيان بيكون مسؤول عن مصروف عيله ..أو على الأقل مسؤول عن تأمين حياة .. اما البنت مسؤولة عن أشيا مانها قليلة بس مو بأهمية مصروف الشب والتزاماتو

معك حق

لك الله يلعن العسكرية

هلأ انا برأيي طالما متفقين انت و خطيبتك انو يللي بتصمدو انت للعسكرية خليها تصمد متلو هيي لجهازها
او للعرس او لشهر العسل .... الخ
بالاخير انت لما بتطلع من بيتك ما بتحتاج اكتر من شفرة حلاقة بعشر ليرات ( هي ازا ما بدك تبعزء)

بس بتقدر البنت تطلع من بيتها بلا ميتين ليرة ماكياج؟؟؟؟

يللي بقصدو انو في مصاريف مختلفة بين الشب و البنت بس هاد ما بيعني انو رواتب البنات لازم تكون اقل او اكتر ابدا

المهم انو نحنا متفقين انو شغل البنت مو غلط

و دمتم :D

يا سيد كريم تعى شوف بنات هالايام لما يتوظفو شو بيساوو بالمصاري
اول شي بتشتري تياب اخر موضة كان نفسها فيهم من زمان
تاني شي بتشتري موبايل دمعة او همر
تالت شي بتصير تتنطوط على الفاضي وعالمليان
بعدين انا ماني ضد المساواة يا استاذ بالعكس انا بطالب بالمساواة بين الرجل والمرأة
بس كمان بطالب بحقوق الرجل لانو واحنا عم نطالب بحقوق المرأة نسينا الرجل شو هيي حقوقو :frown:

شي بتصير تتنطوط على الفاضي وعالمليان

انا هي ما حبيتا منك بنوب
والله نحنا البنات مو هيك بنفكر
وبعدين انت نسيت تذكر شغلة مهمة بتعملا البنت وهي بتخبي مصاري مشان لما تتجوز يكون معن شي مخبى لوقت العازة

كلامك صحيح
بس بالفترة الاولى

يعني بعد كم شهر من قبض الراتب او حتى بعد كم سنة رح تمل
رح تبلش تفكر بامور اهم

المهم بشغل البنت الشرقية برأيي انو بيعطيها حقوقها

هلأ لو كنت غربي او عايش باوروبا او باميركا كنت من اشد المدافعين عن حقوق الرجال المسلوبة

بس باعتبار اني شرقي
عم عاني من الحقوق المنقوصة للمرا
كيف عم عاني ؟
رح خبرك

لو ما كانت حقوقها منقوصة
لو ما كننا منعتبر المرا مجرد " مكنا " لتفريخ الاولاد و تربيتهم
لو ما كننا منعتبرالمرا مجرد " تمثال " او شي للديكور

كنا رجعنا اعظم الامم
كنا حررنا فلسطين من زمان
اصلا يمكن ما كان حدا قدر يحتلها

بيوم من الايام كانت المرأة مقدسة يعني كانت العبادة بتتم للانثى لأنها مصدر الحياة

بس نحنا خنقنا المرأة

الحمدالله امي محامية و لو ما عادت مارست المحاماة من زمان
بس مجرد انو اهلها سمحولها تتعلم من قبل
بمجرد انو ابي تفهم عملها لما تجوزها
هالشي كان الو تأثير ممتاز " برأيي " على تربيتي انا و اخواتي

اختي كان عندها اضعف شخصية بالكون
بعد ما تخرجت و اشتغلت صرت خاف جادلها
بس الاهم انو صرت قادر اني اتعامل معها على انها انسان مسؤول و جدير بالاحترام

بالنهاية المرأة انسان .... لازم تتمتع بكل حقوق الانسان
الحياة ، و الاعتقاد ، و العمل ، و ابداء الرأي ، و التعليم

اسف ع الاطالة

و دمتم :D

بس نحنا خنقنا المرأة

مزبوط وللاسف :frown: :frown: :frown: :frown:

اقتباس:

شي بتصير تتنطوط على الفاضي وعالمليان


انا هي ما حبيتا منك بنوب
والله نحنا البنات مو هيك بنفكر
وبعدين انت نسيت تذكر شغلة مهمة بتعملا البنت وهي بتخبي مصاري مشان لما تتجوز يكون معن شي مخبى لوقت العازة

انت ليش ما عم تطلعي على المسألة بتجرد
هللأالبنت لما بدها تتجوز مو بدها شب قادر على انو يتحمل المسؤولية
ومنين بدنا نجيب الشب هاد اذا صارت المسألة مقلوبة وصارت البنت هي اللي عم تشتغل والشب لاء انا ماني ضد عمل المرأة بس انا ضد تكون الاولوية بالعمل للمرأة يعني اذا كان في وظيفة متقدم عليها شب وبنت فالشب اولى بالوظيفة مو العكس واذا بدنا نحكي بتجرد اكتر يكون الافضلية للأفضل سواء كان بنت او شب وما يكون الجنس مقياس

تكون الاولوية بالعمل للمرأة يعني اذا كان في وظيفة متقدم عليها شب وبنت فالشب اولى بالوظيفة

مضبوط كلامك لانو الشب مدمر ولا حدا يقلي شو مدمرو :) وخاصة عنا هون

يا سيد كريم والله عم احكي عربي ليش هيك انت عم تفسر كلامي
انت مستهون بهاي المسألة كتير مع انو مهمة
اذا البنت كانت ما عم تشتغل فهاد امر عادي ما رح تخرب الدنيا
بس اذا الشب لاء بتكون مصيبة لانو ممكن كتير ينحرف

لاء قلتلكن بدنا نوصل لمرحلة يصير فيا تساوي حقيقي بين الرجل والمرا
وبعدين وهدا راي الشخصي
انا اذا بدي انطر الشب يلي مامن حالو وعندو بيت كبير وسيارة اكتر من رصيد بالبنك بكون عم انطر رجال عمرو فوق الاربعين سنة
لانو هل ايام كتير صعبة والبنات فهمانين هل شغلة منيح اذا مو كل البنات مسبة منيحة مشان هيك عم يشتغلو ويهتمو باهمية الوظيفة

لاء قلتلكن بدنا نوصل لمرحلة يصير فيا تساوي حقيقي بين الرجل والمرا
وبعدين وهدا راي الشخصي
انا اذا بدي انطر الشب يلي مامن حالو وعندو بيت كبير وسيارة اكتر من رصيد بالبنك بكون عم انطر رجال عمرو فوق الاربعين سنة
لانو هل ايام كتير صعبة والبنات فهمانين هل شغلة منيح اذا مو كل البنات مسبة منيحة مشان هيك عم يشتغلو ويهتمو باهمية الوظيفة

يا ريت كل البنات مثلك كان مافي ولا واحد طلق :)

هن هيك بس ما بدك يكونو كل الرجال عقلن كبير ليفهمو هادا اذا كان فين عقل اصلا
ملاحظة مو كل الرجال هيك بس نسبة منيحة
مشان ما تعملوا حرب علي :P

يا سيد كريم والله عم احكي عربي ليش هيك انت عم تفسر كلامي
انت مستهون بهاي المسألة كتير مع انو مهمة
اذا البنت كانت ما عم تشتغل فهاد امر عادي ما رح تخرب الدنيا
بس اذا الشب لاء بتكون مصيبة لانو ممكن كتير ينحرف

مين قلك انو البنت ما ممكن تنحرف
بنت ما معها مصاري
اتصلت فيها رفيقتها و عزمتها يطلعوا يشربوا فنجان قهوة بشي كافيه قديش بدها تكون محروجة لما تعرف انو مو قادرة ترد العزيمة المرة الجايي؟؟؟؟
بالعكس
انا برأيي انحراف البنت بهيك حالة اكتر بكتير من انحراف الشب
يعني البنت اذا انحرفت بتخرب مو بس بيتها بيتها و بيت اهلها كلهم

أنا برأيي أنو من اسباب تخلفنا ...عدم اعطاء صاحب المهارة والكفاءة حقه سواء كان شب او فتاة ..
يا عمي شو المهم ان كان الموظف شب او بنت ... او كان حتى خنثى ... :pos:
عنا ببلادنا بس بدن يشغلو حدا آخر شي بياخدو ببالن هو كفاءة هالشخص ..
وأنا برأيي انو صار لازم نتخلف من فكرة متخلفة هي انو الرجل لازم يكون عندو بيت ... ومصاري .... حتى يقدر يتجوز ويبني اسرة ..
يا أخي أحلى ما بالزواج .. انو الزلمة والمرا .. يبنوا بيتن سوا .. ايد بإيد .... ويكبروا سوا .... :gem: :gem:

كلامك صح توت ...
بس فيك تقنع كل الناس بهالفكرة ....صعب شوي
ومتل ما بيقول كريم ... دمتم :D

والله يا شباب كلامكون حلو كتير وعسل ومن كتر مانو حلو صار بدها الشغلة شوية موالح
يا جماعة الخير انتو وين قاعدين؟ بالمدينة الفاضلة
يا ريت نكن منطقيين وعاقلين بآراءنا
مين قال انو شب هالايام في يأمن قصر او سيارة آخرموديل او حتى شقة كبيرة
الا اذا كان حرامي او وارتلوا شي ورتة
انا عم قول انو الشب اولى بالعمل من البنت لانو هو المسؤول بالدرجة الاولى عن المصروف
وما عم ببخس حق المرأة بشي عدم المؤاخذة منكم يا هوانم
المرأة الها وظيفة مميزة وحلوة ومقدسة المرأة هي الاسرة كلها هي الام الحنون اللي بتربي ولادها وبتنشأهم وبتعلمهم وبتطعميهم
هي الزوج الحنون اللي بتوفر لزوجها المناخ الملائم ليستمر
وكل شب بيقول غير هاد الكلام بيكون مو حابب يزعل حدا بيحبو
وكل بنت بتقول غير هالحكي بتكون عم تظلم نفسها
لانو عدم المؤاخذة الرجال عنا ما رح يجي يساعد مرتو العاملة بشغل البيت وبوجباتها

لانو عدم المؤاخذة الرجال عنا ما رح يجي يساعد مرتو العاملة بشغل البيت وبوجباتها


هادا التخلف اللي عم احكي عنو ... :jakoush: :jakoush:
ليش شو ناقصو الرجال ايد ولا رجل ليساعد مرتو ؟؟؟ :confo:
ولا بتنقص كرامتو كيلو ؟؟؟ :jakoush: :jakoush:

والله متل ما رح تساعدني مرتي بالمصروف وتأسيس البيت ...رح ساعدها بشغل البيت وأمور البيت ( وأنا متعود على هالشي لأني متغرب والمتغرب بيشتغل كل شغل البيت وحدو )

اقتباس:

لانو عدم المؤاخذة الرجال عنا ما رح يجي يساعد مرتو العاملة بشغل البيت وبوجباتها



هادا التخلف اللي عم احكي عنو ...
ليش شو ناقصو الرجال ايد ولا رجل ليساعد مرتو ؟؟؟
ولا بتنقص كرامتو كيلو ؟؟؟
هللأ من كل هالحكي ما شفت وفهمت غير هالكلمتين
حبيبي خليك واقعي من اول كلمة رح يقلك ياها رفيقك رح تنسى هالحكي كلو اصلا واذا بدك تساعدها رح تساعدها بالسر لانو شرقيتك متأصلة فيك بقى لا تكذب على نفسك يا حبيب وتحكي غير هالحكي لانك مو قدو

والله يا توت انت يلي بتفهم :sosweet:

والله يا توت انت يلي بتفهم


:shock: :shock: :shock: :shock: :mrgreen:

والله يا توت انت يلي بتفهم


:shock: :shock: :shock: :shock: :mrgreen:
:jakoush: :jakoush: :jakoush: :jakoush: :jakoush: