أسئلة تحيرني وتربكني وتقيدني
ما الكتابة؟
أهي وجع, همٌّ , يقضُّ مضجعنا تحمله الكلمات الى العلن فنرتاح!
أهي موقف,راي ,صرخة من الذات , مسؤولية؟
نشارك الآخرين فيها على رقعة الورق ؟
فيضيفوا له ويبنوا عليه أو يصححوه؟
أم هي "نسخ ولصق"؟
نضيف نسخة جديدة لذات الآخر,نتلاشى بين سطوره
نجترُّ كلماته,نقتنص أقواله ..حتى دون امانة الاقتباس
اليست بضعة كلمات تحمل بصمة أرواحنا؟
خيراً
من عشرات الصفحات المنمقة,المنسقةالمكررة "المُلَصََّقة"

لك اااااخ

ليك يمكن الشي اللي بكتبو انا الناس ما تحبو كتير(هيك لاحظت هون باخوية)بس انو باكدلك
انو مافي متل وجع الكتابة..
ولا ممكن يمكون في اقوى منو ..الكتابة احساس يا صديقي الم من جوا

احيانا بجن بموت لاكتب كلمة وحدة وبفشل

احيانا(ما بعرف اذا بتصدقني)ممكن كون عم صلي او عم اعمل اي شي وبقطعو كرمال اني اكتب هالكلمة ولو انو ما حدا حيحبها ..

كلام أخي مايسترو صحيح كل الصحة

الكتابة هي مشاعر نابعة من داخل شخص إما

مجروح

أو

مبسوط

لك اااااخ

ليك يمكن الشي اللي بكتبو انا الناس ما تحبو كتير(هيك لاحظت هون باخوية)بس انو باكدلك
انو مافي متل وجع الكتابة..
ولا ممكن يمكون في اقوى منو ..الكتابة احساس يا صديقي الم من جوا

..
يا ريت الكل لما يكتبوا يكتبوا باحساس ويعبروا عن وجعهن
وقتا كل الي ينكتب رح يكون صادق ومؤثر
وعن احساسك ان الناس ما بتحب كتابتك
مثل ما في البعض ممكن ما يحبها
اكيد في البعض الآخر الي حبها
إرضاء كل الناس حاجة لا تدرك
تحياتي إلك مايسترو

كلام أخي مايسترو صحيح كل الصحة

الكتابة هي مشاعر نابعة من داخل شخص إما
مجروح
أو
مبسوط
وأنا معك ومع مايسترو
بس شو قصة النسخ واللصق؟
نازلة زخّ مثل الشتا هون.

اي خيو هي مل شلون بي قلك

يعني هلق في موسم برتقال في موسم بطيخ..
وهي هيك في موسم ناس بايخين غراضون معروفة منيح بالتالي بيفوتوا شوي وبيطلعوا بعدين

متل الكريب ما بياثر كتير لا تقلق

اي خيو هي مل شلون بي قلك

يعني هلق في موسم برتقال في موسم بطيخ..
وهي هيك في موسم ناس بايخين غراضون معروفة منيح بالتالي بيفوتوا شوي وبيطلعوا بعدين

متل الكريب ما بياثر كتير لا تقلق

معك بهالحكي ...

مساكم
الكتابة بالنسبة الي حالة وجدانية وقتها بنجبر اكتب ومن غيرها ما بقدر حط كلمتين وراء بعض هاد ادا بتحكي عن قسم الخربشات او الصالون
اما باقي الاقسام فلازمهم تخصص وانا من اكتر ناس بعمل قص ولصق وبرايي ما فيها شيء لما تبني موضوعك على اساس متين من تجارب ناس اهل علم ونكمل نقاش مع المهتمين
هدا رايي فياريت اعرف اعتراضك عالقص واللصق

مساكم
الكتابة بالنسبة الي حالة وجدانية وقتها بنجبر اكتب ومن غيرها ما بقدر حط كلمتين وراء بعض هاد ادا بتحكي عن قسم الخربشات او الصالون
اما باقي الاقسام فلازمهم تخصص وانا من اكتر ناس بعمل قص ولصق وبرايي ما فيها شيء لما تبني موضوعك على اساس متين من تجارب ناس اهل علم ونكمل نقاش مع المهتمين
هدا رايي فياريت اعرف اعتراضك عالقص واللصق

معك بالنسية للشعر والقصة والخواطر هي ذاتية 100% و اكيد ما بتزبط الكتابة بالنسخ واللصق
أما عن اعتراضي على النسخ ( بالرغم أنني تساءلت ولم اعترض بعد) بس بالحقيقة
انا افضل أن يترك الكاتب( وإن كان ناسخا للنص) نكهته الخاصة بصمته الخاصة ,على الاقل رايه ... تعقيب..توظيف النص في الواقع
هلق اكيد مو الكل فاضين او قادرين يكتبوا ويألفوا ولا المطلوب من منهم الاختراع والابداع و...الخ
وكمان مو معقول يجي واحد ينسخ 66 موضوع خلال ربع ساعة ويمشي بدون ما يخبرنا شو اهمية الموضوع ولا حتى شو رأيه فيه.
وشو رأيك اذا اكثر من واحد نسخ نفس الموضوع؟مو تكرار بدون فائدة؟
باختصار :اعتراضي يكمن في الدعوة الى الايجابية في الكتابة والا نتحول الى ورقة كربون.

لك مودتي

هلق ليش الاحراج
يعني غالبا انا بعمل نسخ ولصق لما بنقل خبر من الاخبار
لسبب بسيط ....... ما عندي موهبة الكتابة او نقل الشيء بكلماتي الخاصة

يعني هيدا انو يلي ما بيملك هالشي انو يصف ع جنب ؟؟؟؟

وبخصوص الراي بالموضوع المنقول فغالبا بيكون عن طريق النقاش مع ناس صار الهون اهتمام بالخبر ولا بيطلع ما بمحلو
طبعا الاستثناء من هي الحالة هيي حالة الكتابة الادبية ..

هلق ليش الاحراج
يعني غالبا انا بعمل نسخ ولصق لما بنقل خبر من الاخبار
لسبب بسيط ....... ما عندي موهبة الكتابة او نقل الشيء بكلماتي الخاصة

يعني هيدا انو يلي ما بيملك هالشي انو يصف ع جنب ؟؟؟؟

وبخصوص الراي بالموضوع المنقول فغالبا بيكون عن طريق النقاش مع ناس صار الهون اهتمام بالخبر ولا بيطلع ما بمحلو
طبعا الاستثناء من هي الحالة هيي حالة الكتابة الادبية ..

ابدا لا حرج ولا إحراج
ومو المطلوب ابدا من حدا يصف على جنب.
هلق نسخ ( الاخبار والمعلومات الاحصائية وعناوين صحف ..الخ) هاي امر عادي مو معقول يتصرف فيها على كيفو على الاقل من باب الحفاظ عليها كما وردت من المصدر.
لكن المواضيع التي لها صفة الاختصاص والعلمية هي ما قصدته.
لك مودتي.

معك بالنسية للشعر والقصة والخواطر هي ذاتية 100% و اكيد ما بتزبط الكتابة بالنسخ واللصق
أما عن اعتراضي على النسخ ( بالرغم أنني تساءلت ولم اعترض بعد) بس بالحقيقة
انا افضل أن يترك الكاتب( وإن كان ناسخا للنص) نكهته الخاصة بصمته الخاصة ,على الاقل رايه ... تعقيب..توظيف النص في الواقع
هلق اكيد مو الكل فاضين او قادرين يكتبوا ويألفوا ولا المطلوب من منهم الاختراع والابداع و...الخ
وكمان مو معقول يجي واحد ينسخ 66 موضوع خلال ربع ساعة ويمشي بدون ما يخبرنا شو اهمية الموضوع ولا حتى شو رأيه فيه.
وشو رأيك اذا اكثر من واحد نسخ نفس الموضوع؟مو تكرار بدون فائدة؟
باختصار :اعتراضي يكمن في الدعوة الى الايجابية في الكتابة والا نتحول الى ورقة كربون.

لك مودتي


معك حق بهالنقطة انو لازم الناقل يجط رايو ووجهة نظرو هيك عملت باول موضوع نقلتو
نقلت راي الكاتب متل ما هو وبعدين حطيت تعليقي كرد مع باقي الردود
بس يا صديقي مو كل موضوع بتقدر تناقش فيه
لان في مواضيع بننقلها لتعم الفائدة لانو بس بتنقرا
وكمان متل ما قالت سونا انو لما بنقل موضوع وما بلاقي حدا مهتم شو بعمل بقعد ناقش حالي:oops:
هلا بالنسبة للتكرار المفروض الواجد قبل ما يحط اي موضوع يشوف ادا انطرح قبل هيك علاقل من فترة بسيطة
والمفروض انو الموضوع المكرر بينحدف


لكن المواضيع التي لها صفة الاختصاص والعلمية هي ما قصدته.

برايي اللي بيناقش فموضوع علمي لازم يكون متخصص
على هيك انا متلا ممنوعة من النقاش لان تخصصي مو موجود باخوية:oops:
انا بايدك بالراي بس حبيت فكر بحل ما طلع معي
تحياتي

للاسف هي علة الانترنت العربي كله قشة لفة

بتروح بتعمل سيرش غوغل بالعربي بيطلعلك مدري كام الف نتيجة بحث بتبدبا بترقص وبتزهزه انه اكيد اللي بدك ياه بدك تشوفه انه يا زلمة مية الف معقول ما لا قي اللي بدي ياه ؟!

بتجي اول موقع بيطلعلك مقال .. التاني .. نفس المقال .. التالت .. نفس المقال .. الرابع .. نفس المقال ... لبين ما تقرف عيشتك :sick:

بعكس السيرش الانكليزي اللي نادرا ما يعطيك نتيجتين متطابقتين :sick:

بالنسبة للأخوية انا بشوف انه في اقسام مبنية على النسخ واللصق متل عناويين الاخبار .. انه هاد هدفه تنقل خبر من محل ما مع ذكر المصدر .. يعني هون النسخ احد شروط الموقع لا بل اذا لعبت بالخبر بتكون عبتخون امانة النقل ..

بس بتجي على التاريخ مثلا انه حلو واحد يعمل بحث شخصي يطلع فيه بنتيجة او بالصالون حلو انه واحد هوي يكتب هوي يعبر .. المنبر بعتقد انه خلق لحتى العالم تكتب فيه مش تنقل ...

مع مراعاة انه ما كل العالم عندا قدرة الكتابة يعني في عالم بتحس خلقت الكتابة الن ، عندك مثلا مشرفنا العظيم ياس انا جدا جدا جدا بستمتع وقت بفوت على مدونته ، كلمات فكرة معاني قوية وواضحة افكار منطقية اسلوب حضاري بالعرض وتقديم الفكرة ، وفينك تشوف شو صار بموضوع ثلاثيات من تفاعل على مستوى العالم العربي
عندك قرصان الادرياتيك كمان من العالم اللي بستمتع وانا عبقرا احداث حياته ولهلق ما بنسى نص فاصل اسق العطاش من كتر مانه رائع .. بالنهاية بدي قول انه الكتابة موهبة ممكن واحد ينميها وممكن يقدر يتميز فيها .. اوكي ما حدا مننا دارس صحافة او ضليع باللغة بس بيقدر واحد يعمل بحث صغير ترجمة نص انكليزي من اكتر من مرجع ... اشرف من الكوبي باست تبع العالم العربي :jakoush:


** فتحتلي جرح يا رضوان ليتك مانك كاتب هلموضوع :jakoush:

.. ا.. اوكي ما حدا مننا دارس صحافة او ضليع باللغة بس بيقدر واحد يعمل بحث صغير ترجمة نص انكليزي من اكتر من مرجع ... اشرف من الكوبي باست تبع العالم العربي :jakoush:
** فتحتلي جرح يا رضوان ليتك مانك كاتب هلموضوع :jakoush:
ابو طوني :deal:
برأيك هذا أكملت ما كنت أريد قوله ,وانا معك بخصوص الاقسام الي ذكرتها ,والذي لا بد من النسخ من المصدر كما هو.
وابدأ من حيث انتهيت : مهما كان الواحد غير موهوب ولا محترف بالكتابة ,الا انه بيقدر يصيغ بضعة افكار , وينتقي ما يعبر عن اهتماته أو يعبر عن سلبيات وايجابيات موضوع ما.
بس القصة انه معظمنا عنده وهم من الكتابة وبيعتقد لازم يكون مثل طه حسين اذا بدو يحكي عن الادب او مثل هيكل لما بدو يحكي سياسة وبيصير فيه حاجز نفسي جواتنا ,يمنعنا حتى من التعبير عن مجرد راي
. وشي ثاني يمكن البعض واقع تحت تأثير (ضرورة المشاركة ويمكن بيهمه عدد المشاركات) فيسلك اهون السبل وهي النقل.
عموما وجعك من التكرار هو وجعي ومنشان هيك طرحت الموضوع .
لك تقديري

برايي اللي بيناقش فموضوع علمي لازم يكون متخصص
على هيك انا متلا ممنوعة من النقاش لان تخصصي مو موجود باخوية:oops:
غريب ! وانا كنت مفكر أختصاصك علم نفس]
انا بايدك بالراي بس حبيت فكر بحل ما طلع معي

مو كتير مختلفين بالراي
وانا متابع مواضيعك وما بعتقد هي من النوع الي قصدته
والحل مثل ما عم تقولي : اذا تم نقل موضوع كثير منيح نشير لأهميته وليش تم اختياره
وتعقيب عليه و رفده بشواهد من الواقع. هيك منكون حضرنا جو مناسب للدخول فيه
أقدِّر اجتهادك.