-
دخول

عرض كامل الموضوع : أعتذار من أخوية

zen
03/02/2009, 01:58
أول شي مرحبا يا أخويين
كيفكون
:D
راح فوت بالموضوع بسرعة
يعني الغالبية شفتو موضوع العلقات السورية السعودية
المهم
انا حسيت انو غلطت بحق حالي بالموضوع
يعني بقدر اعتذاري للأخويين ولروح أخوية اللي تجاوزتها بهالموضوع
وبالذات ل ليلى
والقصة صارت صد ورد وكانت كيدية بأكتر المطارح اللي صار فيها ردود
انا ماني شمولي تجاه اي أنسان
بس عصبت ورديت
طبعا أنا ماعم قدم اعتذار شخصي لأي شخص
انا عم اعتذر من حالي لانو كان في أنحدر بالمستوى اللي بعرف حالي عليه
وانو قدر حدا يساوي فيني هيك
برجع بعتذر من كل واحد أخوي بيملك الروح الحقيقية للأخوية
وبعتذر من حالي لأني غلطت بحق حالي
وبعتذر من ليلى
وبقلها انو مافي حدا مازحط شي مرة
وعراسي كل الشبيبة
:D
المحارب العتيق
03/02/2009, 02:13
هلأ من وحي النقاشات بأخوية أخر فترة

لا لا لا . أنت غلطت :lala: . ياشمولي يامنحدر بالنقاش :tomtom:
ورده بغداد
03/02/2009, 02:17
اي كلام حلوووووووووووو

هلا صار في مجال اخد وعطى
حنين.
03/02/2009, 02:50
احترامي لصدقك مع نفسك
وجراتك فالاعتراف بالخطا
:D
Abu Guzef
03/02/2009, 03:20
هلا هيك !!!!

مو عأساس
مامنتراجع ومدري شو :‎:lol:

لا هيك أحسن
حيو زينو

بيعجبني يلي بيعرف وين وكيف يصلح

سمايلي أبو فلان
حنين.
03/02/2009, 04:07
على سيرة الاعتدار انا كمان رح اقتدي بيك
واعتدر من الاندلسية لاني تقلت عليها انتقادات حتى انها من يومين ما رجعت يمكن طفشتها
اكيد مو من حق حدا يطفش التاني حتى ولو اسلوب تفكيرو ما عجبو
وبالمرة بعتدر من كل عضو كلمتو بعصبية
:deal:
Abu ToNi
03/02/2009, 10:29
حيو زينصور حيو :gem:
أم الجود
03/02/2009, 10:36
و أنا كمان بعتذر في حال أسلوبي كان مستفز في بعض الردود و ما بيتماشى مع نفس الأخوية ... أنا يمكن جديدة بالمنتدى بس أنا للصراحة مو خبيرة منتديات و هاد أول منتدى بشارك فيه مع اني عالنت من زمان و عندي فيس بوك و أصدقاء بتواصل معن .. اللي شجعني انضم هو تميز هالمنتدى عن بقية المنتديات و الجملة المكتوبة عالشريط الأصفر و لما تصفحت بعض المواضيع و منن موضوع المقلاية بالصالون حسيت اديش في علاقات متينة و راقية بنفس الوقت بلشت و كبرت بالأخوية... أكيد ما بيخلى الأمر من بعض الاختلافات و الخلافات بس هادا شي طبيعي لما بيكون في هالعدد الكبير من الشباب من أجواء و أنماط تفكير و بيئات مختلفة .. بعدين كمان لا ننسى انو الكتابة هي طريقتنا الوحيدة للتعبير و هي بتضلا وسيلة مو دقيقة لأنه بينقصها تعابير الوجه و نبرة الصوت اللي اذا انوجدوا بيساعدوا في تلافي سوء الفهم .. يعني كلمة (أهلين) ممكن اذا انقالت مرتين كل مرة بنبرة صوت مختلفة مرة تنفهم ترحيب و مرة مسبة !!! بالنهاية أنا عم بحكي لأرفع معنويات بعض القرفانين و اليائسين و مو غلط مرات الواحد يشوف الوضع بعيون اللي جاية من برا (خصوصي اذا كان هو الو زمان جوا)...
تقبلوا تحياتي :D
مجنون يحكي وعاقل يسمع
03/02/2009, 11:09
أخي زيد
في هذه اللحظة التاريخية الهامة التي تعيشها الأمة ,لحظة انشغالها بصنع آلهتها التي لا تخطىء , والإنحناء لهذه الآلهة فيما تبقى من وقت إذا سمحت لنا حروبنا مع بعضنا باسم الالهة التي صنعتها عقولنا القاصرة ,
يسعنا أن أنحني احتراما لصدقك مع ذاتك واعترافك بما جنى عقلك من أخطاء , ولنلاحظ فعل السحر الذي مارسته بصدقك مع ذاتك كيف جرت الجميع بالرجوع إلى ذاتهم وصدقهم مع معها
فتق4بل تحية مجنون واحنرامه لك ولجميع من يملك الجرأة للإنسحاب من مجمع الآلهة والوقوف على الأرض الصلبة
dajon1976
03/02/2009, 11:37
طبعا أنا ماعم قدم اعتذار شخصي لأي شخص
انا عم اعتذر من حالي لانو كان في أنحدر بالمستوى اللي بعرف حالي عليه
وانو قدر حدا يساوي فيني هيك
:D

هادا المهم و لا تشغل بالك بالصغائر
تحياتي
Marooshe
03/02/2009, 11:45
زينو بس عسى تكون خلصت احباط هلأ .. :D



واعتدر من الاندلسية لاني تقلت عليها انتقادات حتى انها من يومين ما رجعت يمكن طفشتها
اكيد مو من حق حدا يطفش التاني حتى ولو اسلوب تفكيرو ما عجبو

ازا طفشت بتكون طفشت من حالها انتي وجهتي انتقادات وهيي تقلّت اهانات ...
saba n
03/02/2009, 12:54
تحية للرقي الذي دفع بك للاعتذار..
تحية..لروحك التي لا ترضى لنفسها السكوت على الخطأ..:D
nour333
03/02/2009, 13:35
زين فعلا بحييك ع هيك خطوة جريئة مشكلة الانسان لما يستفز ممكن يخرج عن طورو بس ع الاكيد لازم يراجع نفسو وانا من هون بما انو انت بلشت بعتزر كمان ازا أسأت لحد في هاد الموضوع
alaa7r
03/02/2009, 14:41
أعتذر من الأخوية (فقط) لاني خرجت عن قيمها.
غيديون
03/02/2009, 18:29
وانا كمان بعتذر من الجميع مع اني ما شاركت بالموضوع...بس...
دخلت عليه وفي كثير كلام استفزني لما قريتو....
مع اني لا سورية ولا سعودية......انا من ليبيا:ss:

بس في كلام قريتو حسسني انو هالمنتدى للسوريين وبس واي حدا ثاني احسنلو يطلع
وبصراحة فكرت اني اطلع.....بس ......
بعدين تذكرت انا ليش اشتركت بأخوية......لاني بموت بكل شعب سوريا:hart:
وبعتبرها بلدي الثاني مع اني لسه ما زرتها.....:p


وبكرر اعتزاري:D
سوا ربينا
03/02/2009, 18:41
هلأ من وحي النقاشات بأخوية أخر فترة

لا لا لا . أنت غلطت :lala: . ياشمولي يامنحدر بالنقاش :tomtom:

وانا شرحو ...:p

وانا كمان بعتذر من اخوية ... وكل الاخويين اللي بينتمو لأخوية بحق وحقيق ...:D
Abu Guzef
03/02/2009, 21:05
ليك مأحلأكن كلو عم يعتزر من كلو

حسيت حالي بالمدينة الفاضلة


طالما صايرة وصايرة ف أنا بدوري بدي كمان
زينو وأبو الغوب أنا مابعتذر منكون مشان هداك اليوم لما ركبتلكن شغلات :lol:
رضوان ابو فخر
03/02/2009, 22:39
شكرا يا زين مرتين :D:D
مرة لوقفتك النقدية مع نفسك وعرفت اين أخطأت
ومرة لأنك كنت القدوة بتقديم الاعتذاران من الشباب والصبايا
كما أن الغضب ينتقل بالعدوى كذلك التسامح ومرحبا بالعدوى الثانية.

وبالمناسبة ختى الاعتذار الشخصي شي حلو .
mhsen77
04/02/2009, 01:10
شو شباب الاعتذار ماشي عن ابو جنب
الله يرضى عليكن والله وانا كمان رضيان عنكن
:D:D:D