حب....ام لا؟؟ [الأرشيـــــف]

غيديون

03/02/2009, 19:14

كلنا نعرف الحب ....
ولكن عندما نسمع هذه الكلمة نفكر ب ....رجل وامرأة
ولكن لماذا ننسى الانواع الاخري للحب...
انا احب عائلتي...
انا احب وطني...ديني....او اي رمز..
ولكن الم تحس يوما بالحب تجاه شخص ما..دون ان ترى فيه الحبيب او شريك الحياة
شخص تحبه لأنه يستحق شيئا اكبر من الاحترام او الاعجاب...
قد يكون كلامي مبهما ولكن سأوضح بتجربتي مع هذا الحب...

هالسنة كانت اول سنة الي بالجامعة..ودرسني استاذ رائع
هو من الناس القادرين على احداث فارق
اسلوبو رائع بعامل كل الطلبة مثل اولادو واذا رحت بدك تسألو عن شغلة بيحسسك انو ممنونك كثييير
بس لأنك سألت...
يعني بصراحة انا بعتبروا مثلي الاعلى وبتمنى اني صير مثلو
في اخلاقو ودينو وزوقو ورقيو....
حبيتو كثيييير بس مش كحبيب
حبيتو كمثل اعلى....او بالاحرى حبيتو كأب ...
بس المشكلة انو كل الناس بيتصوروا اني عم حبو حب فتاة لشاب
يعني صرت ما بحب اتكلم عنو لاني ببساطة رح اسمع نفس الكلام...:
لك يا بنتي هذا ختيار....لك الزلمة متزوج وعندو اولاد
وبضطر انا اني اشرح.....
بعدين لاحظت انو حتى بالتلفزيون وبالمسلسلات ما بيحكوا عن هذا النوع من الحب يللي بحكي عنو
يعني تصوروا في ناس شبهتني بديما بياعة في غزلان في غابة الذئاب..
وهي قصتي..
فما هو رأيكم يا اخواني هل انا صح ام الناس؟؟
:D

nour333

03/02/2009, 19:31

انا فاهم عليك بس مجتمعنا الشرقي ما في يوسع مدى ادراكو للأمور يعني رجل وامرأة لازم يكون الحب اللي ببالهم يعني انت ممكن تحبي شخص حتى من عمرك كأخ وما تفكري فيو كحبيب بس لما تقولي القصة لحد بروح ببالو شي تاني
بس كمان نصيحتي ما يسببلك نوع من الهوس لأنو ازا بضلي متعلقة فيو بتصيري بدك كل حد حوليك صورة عنو يعني بدك ابوك واخوك والرجل اللي بتحبيه يكونو بيشبهو ولأنو ماحد بيشبه حد ممكن تصابي بخيبة امل

Elaana

03/02/2009, 19:55

انا بنظري انو انتي مالازم تهتمي لكلام الناس
لأن الناس بس بدهم شغله يحكو فيها
هلأ زكرتيني بموقف صار معي من شي سنه
كنا طالعين مخيم وكان طالع معنا شرطه وضباط لان المسؤول عن المخيم جهه عسكريه
المهم كان في واحد من هدول الضباط عن جد غير شكل كانت شخصيتو بتاخد العقل
لدرجه اني بس شوفو كنت انبسط كتير
انا حبيتو كأخ بس مو اكتر من هيك يعني كنت حب شخصيتو وكلامو
بس الناس ما كانت تفهم هيك وكانو رفقاتي يرمو حكي
بس انا قلتلن افهمو شو مابدكن انا بعرف حالي وبعرف شو عم اعمل
ومافي داعي ضل اشرحلكن لأن ما عم تفهمو
وابدا ما تأثرت بكلام رفقاتي عادي كل واحد الو طريقة تفكير
ولحد هلأ كل مابسمع اسمو بقول يالله ما احلاه وما اطيبو انا كتير بحبو
وشو مابدها الناس تفهم مابيهمني
المهم اني بعرف حالي

غيديون

03/02/2009, 20:22

بس كمان نصيحتي ما يسببلك نوع من الهوس لأنو ازا بضلي متعلقة فيو بتصيري بدك كل حد حوليك صورة عنو يعني بدك ابوك واخوك والرجل اللي بتحبيه يكونو بيشبهو ولأنو ماحد بيشبه حد ممكن تصابي بخيبة امل

نور شكرا كثير الك على ردك وشكرا لأنك فهمتيني
اما بالنسبة للنصيحة....بصراحة في البداية كان عندي هاد الهوس وصرت قارن كل شخص فيه
لكن بعدين فهمت انو احلى شي بالدنيا هو الاختلاف بين الناس وانها رح تكون كثييير مملة لو كل الناس صارت نفس النسخة......وبعدين فكرت انو لو كل الناس مثلو ما كنت حبيتو ....لاني حبيتو لما لقيت فيه الشخصية المثالية يللي نفسي انا صير مثلها.....

شكرا كثير ردك حسسني انو في حدا بيفهمني:D

غيديون

03/02/2009, 20:26

وابدا ما تأثرت بكلام رفقاتي عادي كل واحد الو طريقة تفكير
ولحد هلأ كل مابسمع اسمو بقول يالله ما احلاه وما اطيبو انا كتير بحبو
وشو مابدها الناس تفهم مابيهمني
المهم اني بعرف حالي

شكرا كثيير على نصيحتك
عنجد كلامك مزبوط...يعني الواحد بيعمل يللي بشوفوا صح وما حدا دخلو

بس يللي محيرني منين اجت هالافكار وليش بمجتمعنا عم بيفكروا هيك؟؟؟؟
وياترى شو الحل ؟؟وكيف بدنا نغير هالافكار؟؟

رضوان ابو فخر

03/02/2009, 23:00

وهي قصتي..
فما هو رأيكم يا اخواني هل انا صح ام الناس؟؟
:D

في حالة الحب وفي حالة الحب فقط يجب أن نتبع بوصلة القلب
والصحيح أن الحب متنوع ولا يقتصر على الحب بين الرجل والمرأة
يتدرج من حب الذات إلى درجة التضحية من اجل من نحب
وبالنسبة لحالة الاستاذ الذي تحبيه كمثل أعلى
ليس المهم ما يقوله الناس: الاهم انت ماذا تقولي لنفسك عن ذلك
والباقي تفاصيل صغيرة.

غيديون

03/02/2009, 23:25

في حالة الحب وفي حالة الحب فقط يجب أن نتبع بوصلة القلب
والصحيح أن الحب متنوع ولا يقتصر على الحب بين الرجل والمرأة
يتدرج من حب الذات إلى درجة التضحية من اجل من نحب
وبالنسبة لحالة الاستاذ الذي تحبيه كمثل أعلى
ليس المهم ما يقوله الناس: الاهم انت ماذا تقولي لنفسك عن ذلك
والباقي تفاصيل صغيرة.

thanks alot:D

jina2009

04/02/2009, 00:38

بمجتمعنا الشرقي الناس مابتتقبل هيك شغلات
واي وحدة كان عندا صديق او واحد عندو صديقة بيصيرو بيحكو وبيعتبرو حب من نوع تاني
هي شغلات مافينا نغيرها
حتى بالنسبة للموضوع اللي انطرح فمن الصعب كل الناس تتقبل هيك نوع من الحب والاحترام اكيد حيتحول ليش تاني
فنصيحتي حتكون انو مايهمك حدا ولاتفكري بكلام الناس فالناس بتحكي كتير وبتعلق كتير على شغلات مستاهلة وشغلات مو مستاهلة

غيديون

04/02/2009, 00:44

بمجتمعنا الشرقي الناس مابتتقبل هيك شغلات

اولا شكرا كثير على ردك ونصيحتك:D

بس انا عندي قناعة انو ما في شي غير قابل للتغيير

بس كيف بدنا نغير.......فكرت انو اول شي لازم نعرف سبب هي الافكار بس ما لقيت سبب
حتى الدين ما منع العلاقات بين الرجل والمرأة ...طبعا في حدود الشرع
بس مثل هالحب يللي عمنحكي عنو ما بيتخطى هالحدود....طيب ليش؟؟؟
:D

jina2009

04/02/2009, 00:55

Marooshe

04/02/2009, 01:13

في فرق بين حب .. وبين محبة ..

غيديون

04/02/2009, 01:28

اي صح انا معيك يا غيدون انو في شغلات ممكن تتغير وكلشي قابل للتغير
بس لما بتكون الاكترية هيك فمافيكي تغيري
هاد المجتمع نحنا ورتنا من اجدادنا واجداد اجدادنا واجدادد اجداد اجدادنا
فمن الصعب هلاء نجي نغير شي

تعرفي...معك حق
هي الشغلة صعبة كثيييييييير
:D
بس شو منخسر اذا منحاول:p
بس من وين بدنا نبلش وكيف هذا السؤال
:D

غيديون

04/02/2009, 01:30

في فرق بين حب .. وبين محبة ..

ما فهمت:shock:

غيديون

04/02/2009, 01:32

تعرفوا اول ما كتبت الموضوع كنت خايفة انكم ماتفهموني
بس الردود لحد هلق ريحتني كثييير

بس بتمنى انكم تشاركونا بقصص مشابهة مثل ما عملتelaana:D

Marooshe

04/02/2009, 01:59

ما فهمت:shock:

طيب ماشي .. رح وضح فكرتي أكتر ،
أنا بشوف انو اساساً انت عم تطرحي مشكلة مش موجودة

متل ما قلت في فرق بين ال"حب" وبين ال"محبة"
ازا فتشتي عن معنى كلمة حب ومعنى كلمة محبة بتلاقي انهن مشتقات من بعض بس كل وحدة الها استعمالاتها ..
مشاعرك وودك تجاة الحبيب بيتسمى حب ،
بينما ذات المشاعر لي بتكنيها لشخص تاني او لشي تاني متل العيلة والأصحاب والقدوة والدين بتتسمى محبة .. لهيك مثلاً بتشوفي انو يقال محبة الوالدين أو محبة الرسول ..

أما بالنسبة ل ملاحظتك انو انواع الحب التانية ما بتشوفيها بالمسلسلات ،
فانتي كتير غلطانه ،
هيي دايما موجودة ومافي حبكة لقصة ما بيكون فيها هيك نوع من الحب متل محبة الأهل أو الأصحاب أو بلد أو أرض أو دين أو مكان معين ..
بس في بعض الناس بتشوفها مهمشه لأنو تعريفها للحب غلط ولكمان سبب تاني وكتير مهم ، وهو انو المسلسلات والأفلام هيي تجارية وتسويقية بحتة .. واكتر شي بيجذب الشريحة المستهلكة هو النوع التاني من الحب "حب الحبيب" لهيك منلاقي انها ماخدة مساحة زيادة عن غيرها ..
حتى بالمسلسلات التاريخية بتلاقي مساحة الحب محفوظة ... اولاً لانو جزء ما بيتجزأ من حياتنا وتانياً لأنو المستهلك بحاجة لطراوة ولسلاسة بالنص وبحاجة لشي يجذبو ويشوّقو عاطفيا

:D

mhsen77

04/02/2009, 02:10

تعرفوا اول ما كتبت الموضوع كنت خايفة انكم ماتفهموني
بس الردود لحد هلق ريحتني كثييير

بس بتمنى انكم تشاركونا بقصص مشابهة مثل ما عملتelaana:D

يا غيديون ارضاء الناس غاية لا تدرك
الاهم ان نفعل ما نحن مقتنعين به

غيديون

04/02/2009, 02:12

على فكرة شرحك كثييير حلو واسلوبك واضح وانا بتشكرك على هالشي

بنرجع لموضوعنا....بالنسبة للمسلسلات من النادر انو يعرضوا حالة مثل حالتي
بس انا معك انو انا غلطت لما عممت وما حددت عن اي نوع من الحب(او المحبة) بتكلم
ورح غير صح مثل ما قلتي هي محبة بس نفس الشي بالنسبة لرأي الناس
يعني لو قلت انا عم حس بشعور محبة تجاه استاذي بواجه نفس الرد
والنكتة حتى من دون كلمة محبة بس لما بشكروا او بدافع عنو امام النقد
بيجي نفس الكلام المكرر....لا في ناس بعد ما وضحتلها وجهة نظري صارت معي عالدعسة
لك حتى لما جبت اعلى درجة بالمادة تبعو صاروا يحوروا الموضوع على كيفن

يعني حرام الواحد يكون عندو مثل اعلى ويحبو من دون ما يكون مستني مقابل؟؟؟
انا هاد يللي بدي قولو

وشكرا مرة ثانية على تطويل بالك...شرحك ...واهتمامك:D

غيديون

04/02/2009, 02:14

يا غيديون ارضاء الناس غاية لا تدرك
الاهم ان نفعل ما نحن مقتنعين به

صدقت يا اخي والله انا مليت من هالعالم
:D

Marooshe

04/02/2009, 02:28

لا في ناس بعد ما وضحتلها وجهة نظري صارت معي عالدعسة
لك حتى لما جبت اعلى درجة بالمادة تبعو صاروا يحوروا الموضوع على كيفن

هيك يعني .. :lol:
دخلك بيلمعو عيونك شي وأنت تحكي عن أستاذك ؟؟

يعني حرام الواحد يكون عندو مثل اعلى ويحبو من دون ما يكون مستني مقابل؟؟؟
لا أبداً مو حرام .. الظاهر أنو العلّه بمحيطك مو فيكي ..

طيب ويفكرو هيك ، شو يعني ؟
أحيانا طبع الناس الفضولي بيدفعها لأنها تصدق عن لي حواليها شو هيي حابة تصدق مو شو المفروض يتصدّق ..
بس إنو هاد شي طبيعي تركيهن يقنعو حالهن بأفكارهن وانتي تفرجي وأضحكي ع سخافتهن !!

غيديون

04/02/2009, 02:35

هيك يعني .. :lol:
دخلك بيلمعو عيونك شي وأنت تحكي عن أستاذك ؟؟

اذا بدك الحقيقة ....والله ايه ليش الكذب عم يلمعو كثيييير:p
بس شو تفسيرك انت للموضوع
بيلمعوا عيوني وبيدق قلبي
يا ترى ليش؟؟:shock:

mhsen77

04/02/2009, 02:41

اذا بدك الحقيقة ....والله ايه ليش الكذب عم يلمعو كثيييير:p
بس شو تفسيرك انت للموضوع
بيلمعوا عيوني وبيدق قلبي
يا ترى ليش؟؟:shock:
يمكن يكون فات فيهن غبرة من الارضية

غيديون

04/02/2009, 02:43

يمكن يكون فات فيهن غبرة من الارضية

ههههههههههههههههه
يمكن لأن وقتها كان في غبرة كثير بالجو:p

Marooshe

04/02/2009, 02:44

اذا بدك الحقيقة ....والله ايه ليش الكذب عم يلمعو كثيييير:p

بس شو تفسيرك انت للموضوع
بيلمعوا عيوني وبيدق قلبي

يا ترى ليش؟؟:shock:

كتير متفاجأة يعني ؟ وما بتعرفي ليش ؟

لأنو لي بتحسية تجاة هاد الأستاذ أبعد من كونو "مثال أعلى"
هاد ما بيتسمى لا حب ولا محبة ولا تشجيع ولا تقدير .. هاد إسمو إنجذاب ،
ممكن جداً لأنك بتشوفي فيو كتير صفات بتعجبك بالجنس الأخر ..
حتى لو كان عندك حبيب ممكن جدا تحسي هيك تجاة شخص معين ازا شفتي فيو صفات بتتمني انها تكون موجودة عند حبيبك .. يعني ازا ما كنتي مقتنعة ع الآخر بشريكك ...

mhsen77

04/02/2009, 02:48

ههههههههههههههههه
يمكن لأن وقتها كان في غبرة كثير بالجو:p

ما قلتلك ;)

الضحكة هي خليها مرسومة على وجهك ولا تهتمي بالناس كتير

homam85

04/02/2009, 03:56

مين قال الحب بس بين امرأة ورجل؟؟؟
الحب بحر واسع بيحوي مختلف انواع السفن..
يعني انا بحب أمي واخواتي وابي ورفقاتي ..........الخ
مو بس الحبيبة..كلّن أحبائي
بس لكل حب طريقة للتعبير ممكن تختلف عن التانية..
وبالنهاية في أساس مشترك واللي هوي الحب

mhsen77

04/02/2009, 04:05

غيديون

04/02/2009, 13:31

لأنو لي بتحسية تجاة هاد الأستاذ أبعد من كونو "مثال أعلى"
هاد ما بيتسمى لا حب ولا محبة ولا تشجيع ولا تقدير .. هاد إسمو إنجذاب ،
ممكن جداً لأنك بتشوفي فيو كتير صفات بتعجبك بالجنس الأخر ..
...
اول مرة يا مروش تحليلاتك ما تزبط..:D
لقلك ليش....الصفات يللي باستاذي ما بتعجبني بالجنس الاخر بس...
هي صفات بتعجبني في الانسان عموما ....رجل او امرأة
بدليل انا فتاة اتأثرت فيه كثير وتعلمت منو كثيير اشياء على صعيد شخصيتي...
فيو صفات لو كل انسان متدين اتحلى فيها ما كان حدى هاجم المتدينين واتهمهم بالتخلف
انا لقيت عندو طريقة في التعامل تمنيت انو الناس كلها تتعامل بهي الطريقة

حتى لو كان عندك حبيب ممكن جدا تحسي هيك تجاة شخص معين ازا شفتي فيو صفات بتتمني انها تكون موجودة عند حبيبك .. يعني ازا ما كنتي مقتنعة ع الآخر بشريكك ...

ليس لدي حبيب ...وانا في انتظاره
ولكن دائما اتحدث عن الصفات التي اتمناها في شريك الحياة
هي صفات لا استطيع ان اقول ان استاذي يمتلكها ولا اقول انه يفتقدها....
ببساطة هي صفات تظهر عن قرب وانا لست بهذا القرب من استاذي
مع العلم انني اعرف شخص ارى فيه مواصفات فتى احلامي
لدرجة اني بقول ياريت ربنا يبعتلي حدى نسخة منو ....بس ما بيلمعوا عيوني ولا بيدق قلبي مع هذا الشخص;)

ممكن يكون الموضوع معقد لانه نفسي...
ولكن قلك مثال بيضحك:p
نفس يللي بحس فيه مع استاذي بحسو مع نجمي المفضل
:hart:بسام كوسا:hart:
مع اني بختلف معو اختلاف جذري في كثير اراء ومباديء...يعني مواصفاته بتختلف عن مواصفات
فارس احلامي...
ما بعرف بشو بيتفسر هاد بس ممكن انا عاطفية زيادة:p

غيديون

04/02/2009, 13:32

كلامك صحيح مية بالمية
بس مو هون محلو
لك ليش يا عمي عم بتسكرها قدامو:p
اي كلام بالحب:sosweet: هون محلو:lol:

nour333

04/02/2009, 13:36

اول مرة يا مروش تحليلاتك ما تزبط..:D
لقلك ليش....الصفات يللي باستاذي ما بتعجبني بالجنس الاخر بس...
هي صفات بتعجبني في الانسان عموما ....رجل او امرأة
بدليل انا فتاة اتأثرت فيه كثير وتعلمت منو كثيير اشياء على صعيد شخصيتي...
فيو صفات لو كل انسان متدين اتحلى فيها ما كان حدى هاجم المتدينين واتهمهم بالتخلف
انا لقيت عندو طريقة في التعامل تمنيت انو الناس كلها تتعامل بهي الطريقة

صدقيني كان عنا دكتور فيسيولوجي اسمو فيصل نفس صفات استازك كتير كان انساني ويساعد الكل بغض النظر عن مين هنه
الحياة لازم يكون فيها متل اعلى وانا بشد ع ايدك بجوز بكرا تكوني قدوة متلو

غيديون

04/02/2009, 14:27

صدقيني كان عنا دكتور فيسيولوجي اسمو فيصل نفس صفات استازك كتير كان انساني ويساعد الكل بغض النظر عن مين هنه
الحياة لازم يكون فيها متل اعلى وانا بشد ع ايدك بجوز بكرا تكوني قدوة متلو

تسلمي يارب...وانشالله كون قدوة مثلو
تعرفي انو هاد احد اهدافي بالحياة...
انو كون منيحة كثير....ما بتعرفي ممكن بيجي حدا بيتأثر فيي
مثل ما تأثرت انا باستاذي....وتغيرت للأحسن

نور ردك مسني من جوة شكرا كثيير:D

sweetangle

05/02/2009, 04:38

لا تهتمي لكلام الناس
لأنو ما عندون شغلة غير كتر الحكي..

homam85

05/02/2009, 05:57

كلامك صحيح مية بالمية
بس مو هون محلو

اي عفوا ..كان لازم حطّو بقسم المسابقات أو الملطوشات!!!!؟ لا تواخذني عيني انت;)

حنين.

05/02/2009, 06:55

[right]

شكرا كثيير على نصيحتك
عنجد كلامك مزبوط...يعني الواحد بيعمل يللي بشوفوا صح وما حدا دخلو

بس يللي محيرني منين اجت هالافكار وليش بمجتمعنا عم بيفكروا هيك؟؟؟؟
وياترى شو الحل ؟؟وكيف بدنا نغير هالافكار؟؟

ليش يفكرو هيك
انا بقلك متل جدتي دائما تقولو
الخائن شكاك والاجرب
يعني هاد النوع من الناس ما التقى بحياتو بنوع من الحب الحقيقي
كلو مصالح ومصالح وبس
كيف نبدا التغيير
كل واجد يبدا من محيطو من الناس اللي بيحس انو ممكن يتغيرو
مو يبدا من اعند واغبى واحد فيجيبلو احباط:lol:
بظم امو لو نعمل هيك مع الوقت رح ينتشر الوعي ويبدا المتخلفين يحسو بالعزلة
فاكيد رح يتبعو الموضة لانو غالبا بيكونو غاويين تقليد:p

كمان انا وقت كنت بالجامعة كان عندي هاد المشكل بس مو بالاساتدة لانو كنت بحب اغلبهم كل واحد فيه صفة مميزة بس المشكلة كانت بصداقاتي مع الزملاء تعرفي الاغلبية ما بيتقبلو فكرة الصداقة بين الجنسين حتى لو كانو مجموعة
تخيلي اكتر من مرة يسالوني كيف قبلانين تحكي معهم كلهم ولساتهم اصحاب مفكرين عندي قلب متعدد الغرف
بس انا بعرف ليش لانو نفس السائلات عندهم اكتر من حبيب طبعا كل واحد بتقنعو انو وحدو ومافي غيرو
ففكروني مبتكرة شيء ابتكار:lol:
كيف اتصرفت معهم عادي بضحك عليهم وبقلهم سري الخاص واتفاداهم
غيدون بعرفك دكية الاصدقاء مو متل الاهل تقدري تختاري اصدقاءك اللي بيفكرو متلك ختى ما تبقي معزولة وكلام الباقي ولا يهمك اهم شيء ضميرك انتي
اسفة عالاطالة:D