مرحبا شبيبة ...:D

بما اني ودعتكن من يومين ... بس قلبي ما قدر ع فراقكن ...:cry:

فا قرروا حضرتنا انو يحطو يومياتهن هون بالسقيفة .. منشان ناخد العبر .. طبعن :larg:

طبعاً هاليوميات مو من الضروري تكون يومية ... يعني اليوميات .. يلي فيها كم نكشة وكم حادثة طريفة :pاو غير طريفة ... :sick:

المهم يا سيداتي ويا سادتي ... :ss:

وهي رح نبلش بيومنا هلأ يلي مضى ... :gem:

ويكون اليوم الاول .. في هازا الرد ... ادناه يعني ...:pos:

وهي انتر :pos:

يا سيدي ما انا .... بعد سهرة سهرتها مع رفقاتي للـ 2 ... رجعنا عالبيت ... فتحت كتاب الادب وبلشنا قراية .. :?
الشي الطبيعي انو ما كون فهمان شي .. كوني نعسان و آكل بهدلة تازة ... من الماما ...:oops:
المه يا دوب قعدت ربع ساعة واذ بتطب عليي هديك يلي بيسموها الناعوسة ...:na3san:
وقدحناها نومة للـ 7.30 الصبح ... قمت لبست هالبنطلون وهالكنزة وهالجاكيت ... وفوراً عالشغل .... بنشاط وحيوية :larg:
اكيد الشغل ... مو كل العالم بتروق فيه ... بس انا اليوم كنت مروق شنو بدنا نقبض الراتب ...:gem:
طنت الساعة 12.30 ... وقبضنا الراتب .. انشالله اصرفو بالهنا ....:ss:
وفوراً عالكافي نت منشان نصرفوا للراتب :p
المهم .. يا دوب قعدنا شي ساعة الا نكشة .. واز بتطن الساعة 2 .... يعني موعد طفي الكهربا ....:jakoush:
رجعنا عالبيت وكفاها الله .... :sick:
اخدنا هالدوش الدافي ... وثم ....طلبت الوالدة من حضرتنا ان نطبخ .. ولي شو طبخ ما طبخ (مع العلم انو صرلي شي جعتين بلا ما آكل طبخ ) بس لاني كنت تعبان وصينا ع بيتزا ع حسابي الخاص ... واكلناها ....:adal:
وبعدها ضبينا هالشنتا ورحنا عالمدرسة ...:frown:
طلع استاز الفلسفة بخلقتي اول ما وصلت ...(يبعتلو قتلو ):jakoush:
فتنا على هالصف .. وكوني ما بفهم شي عليه وكونو هوي حمار معبى ببنطلون ... خطيت هالراديو وبلشت ااسمع على فيروزيات المسا ...:yahoo:
هيييييييييييك لحتى خلصو هالحصتين المقرفتين تبع الفلسفة العربية (ملا عربية ) بسلام ... طبعاً طلع مع الاستاز انو ابن سينا والخوارزمي عرب .. كيف ما بعرف .... هوي كان رح يقول انو الله عربي ... بس ما زبطت معو ....:jakoush:
نزلنا عالبريك ... تزهرمنالنا لقمة وكاسة شاي ... ورجعنا على حصة العقد النفسية (الديانة ) ... ليش عقد نفسية ..... ؟؟:sly:
لانو بكل بساطة استازنا عندو عقدة من شي اسمو ابنا الاغنياء والمسؤولين ! :frown:
العمى ضرب جوز عيونو ضرب اديشو معقد ! :?
طلع هيك كم طالب مو جايبين كتا ... ومنهن انا ... وابن واحد غني .... يا حرام ... هالابن الغني ماحكى شي .. بس ما بيصير الاستاز شيت الديانة ما يستلمو ... :aah:
حللو شخصيتو .. شلحو الطواق يلي لابسها .. قال هي كفر ومستوردة من الغرب .. شوية تانية رح يشلحو الاندر وير شيتو !! :humm:
وبما انو استاز الفلسفة هوي مدير المدرسة ... قعد يحكي مع الطالب (ابن الغني) بالفصحى المفلطحة ....وقعود بقا على تفلسف ...:na3san:
رجعنا عالصف .. وضل يعيد ويفتق بالسيرة (استاز الديانة الزفت ) ... هذه الميتلكا فساد للخلق .. وهي من الشيطان ... والخ ... من العلاك (طبعاً عنا معدومة الحرية الشخصية ) ..... ومنشان هيك وجكارة فيه (لاستاز الديانة ) قررت اجي الجمعة الجاية لابس صليب .. وازا لقيت نجمة داوود .. نعمة من الله :tomtom:
بعدها .. اجا استاز الانكليزي اللئيم (بس انو ما بو شي بالتدريس) ... عطانا كم درس من الملحق الادبي يلي ما في كلمة فيه ما بدها ترجمة ...:nono:
انصرفنا الحمد لله قبل بنص ساعة .... ورحنا عالنادي وشفنا اور فريندز .... وشجعناهن .. :dabeek:
ومن ثم رحنا على مطعم فيه الجزيرة الرياضية (مع اني ما بتابع رياضة ) بس كانت عزيمة .. على اركيلة ... ما حلوة خيب آمال الشبيبة ... تفرجنا عالمباراة وتزهرمنا وتكورتنا اركيلة ... وخسر الفريق يلي كانوا عم يشجعوه (اسي ميلان) يا شماتتي ....:clap:

وتوجهت بفوري لاكتب هي المئالة ... هون ان زيس سقيفة ... :7asheesh:
اقول قولي هازا .. وادعو سعدو .. ان لا يتعطل السيرفر وانا افقش على (ارسال الرد):yaa3:
نراكم في الحلقة القادمة :abo3aen:
وغداً نلتقي :bye:

لك حطلك شي خرزة زرقة من العين على هالدراسة . بتعرف هتلر زمانك يا أبو المذكرات انو بتنحسد بعدين وبتتلبك بالامتحانات وبتضيع هالمعلومات العظيمة الي قاعد عم تكدسها تكديس بصندوق البوية .
:adal:

الشي الطبيعي انو ما كون فهمان شي .. كوني نعسان و آكل بهدلة تازة ... من الماما ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3JlZGZhY2UuZ2lm

لك بحلم شي يوم واحد بس احكيك وما تكون آكل بهدلة من امك .. :p

لك حطلك شي خرزة زرقة من العين على هالدراسة . بتعرف هتلر زمانك يا أبو المذكرات انو بتنحسد بعدين وبتتلبك بالامتحانات وبتضيع هالمعلومات العظيمة الي قاعد عم تكدسها تكديس بصندوق البوية .

:adal:

لا تحسدني الله يرضى عليك ... :cry:
بيكفيني عيني :shock:
لك بحلم شي يوم واحد بس احكيك وما تكون آكل بهدلة من امك .. :p
اي وهلأ ... وبعد قليل .. رح آكل بهدلة كمان :adal:

لك سامانووو

شو منشانك ماباقي شي

الله يرضى عليك بدنا ناكل محلاية:p من هلىء محضرة حالي

لك بتحضرو حصص الدياني :shock:...
لعمى:lol:

لك الله حيو ... لك خليك هيك وما ترد على حدا ... شنو بدنا نشمت بحدا ...:p

لك يبعتلك الشو اسمو .. روح ادرس .. اما جيل اخر زمن ...:jakoush:

بدك تجلطني ميرو !!!!

لك روح دروس بلى علاك

انت صحيح الاول بدون ما تدرس ...
بس مو مشكلة .. ادرس مشان صحة امك .. الله يعينها عليك :pos: و طبعا مشان صحتنا و صحة المجتمع



طلاب آخر زمن :larg:
كنا المدرس اللي ما يعجبنا ... نخليه يدرسنا على كيفنا ..... تعلم من خبرة الطلاب اللي سبقوك :lol:

هادا وبلا طول سيرة .. بعد ما خلصنا كتابة اليوم الاول ... رجعنا عالبيت ....:clap:
بس طبعاً نسيت كيف رجعت كوني كنت فارط بارضي وما عم افهم شي ... فا اكلت البهدلة من ماما الحبيبة ونسيت شو هيي ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما علينا ...:pos:
نمنا .... هييييييييييييييييك للـ 11.30 .. فقت على قرقشة البزر وصوت الاخبار كالعادة :jakoush:
اضافة لصوت عم بيقللي ... امير .. قوم حط فطور ...:frown:
بعد معاناة بالفيقة ضلت للساعة 12.30 رحت جبت فطور ملوكي عالبيت ...ومديت هالصفرة الذهبية ... واكلنا هالاكلات وشبعنا واز طنت الساعة 2 وطفت الكهربا بس هالمرة بعد بـ 5 دقايق ..(مالون بالعادة) :adal:
وقدحتها نومة انا للـ 4 .. مع العلم انو كنت حاسس وقت شعلو الكهربا .. بعد تلت ساعة من انطفائها (الله يديمون)...:larg:
بعد ما فقت .... عالاربعة ... قام اجا امر آخر الا وهوي ... (امير ساويلنا غدا ) ..... :frown:
وطبعاً الجلي معوم ... لتقولوا بيت عزابية مو هيك .... جلينا هالجليات ... وساوينا هالمعكرونة بجبنة ...يم يم ... من تحت ايديي طالعة شغلة طيبة ... عقبال ما تاكلوها انتو كمان ... والله لتاكلو اصابيعكن وراها :eat:
المهم بعدها اجاني اتصال من رفيقي .. على اساس اجي لعندو وجبلو غرض معي وندرس سوا (اي صدقتني :pos:)
وبلا طول سيرة ..:larg:
طلعنا بهالميكرو (مهاجرين صناعة ) العتيد ... وبعز هالبرد ... صار بدها كاسة شاي (برأي الشوفير)....:confo:
وقف في احدى الزوايا ... واشترى هالكاسة الشاي ... وزهزه ... :hashish:
وبنص المعمعة والعجقة وبنص الشارع ... بيمسك كيس( الليبتون ):?
وبيقويموا من الكاسة وبيلحشوا بنص الطريق .... :shock:

آخ لو كان معي :pos:
.
.
.
.
.
.
.
مسدس :zen:
.
.
.
.
.
.
.
.
.
.
.
.
.................................................. ..........................................لكنت انتحرت !:krimbow:
وصلت عالبيت ... شيت رفيقي ... وقعدنا نتحادث بامور الدنيا والمرا والولاد ...
وكنا على اساس جايين ندرس ... :b7bak:
بس شو .. اجت اختو الصغيرة واضطريت العب معها (على مبدأ .. ازا حضر الاطفال .. بطلت الدراسة:isb3: ) ... يعني انو جينا لندرس بس ما مشي الحال انا شو فيني اعمل ...والله نياتي حسنة :oops:
وبعد تعب وشقاء .... في اللعب مع البنوتة (تقبر قلبي ما احلاها:sosweet:) .... نزلت واخدت هالميكرو (الحمد لله هادا ما عم اشياء مشينة متل الاولاني ) ...:pos:
ورجعت تمشيت سوي بالطريق بهالبردات وعلى انغام فيروز الشتوية ....:sosweet:
ومن ثم ذهبت رملاً عالكافي نت .. لنسجل يوميات .. سامان السعيدة ...:gem:
وبعدين بعد ما خلص هالرد ... رح روح ادرس اكيد .. هيك وعدت مرووووش ....ما حلوة :oops:
اقول قولي هازا .. وادعو سعدو .. ان لا يتعطل السيرفر وانا افقش على (ارسال الرد)////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
نراكم في الحلقة القادمة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وغداً نلتقي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لك سامانووو

شو منشانك ماباقي شي

الله يرضى عليك بدنا ناكل محلاية:p من هلىء محضرة حالي
اي اكيد :gem:
لك بتحضرو حصص الدياني :shock:...
لعمى:lol:
عم تشمت ما :jakoush:
لك الله حيو ... لك خليك هيك وما ترد على حدا ... شنو بدنا نشمت بحدا ...:p

لك يبعتلك الشو اسمو .. روح ادرس .. اما جيل اخر زمن ...:jakoush:
:jakoush: :jakoush: :jakoush:
بدك تجلطني ميرو !!!!

سلامتك سندورتي :sosweet::cry:
لك روح دروس بلى علاك
ليش حاسسك (boy friend) :shock:
حاضر رمووش رايح ادرس :pos:
انت صحيح الاول بدون ما تدرس ...
بس مو مشكلة .. ادرس مشان صحة امك .. الله يعينها عليك :pos: و طبعا مشان صحتنا و صحة المجتمع



طلاب آخر زمن :larg:
كنا المدرس اللي ما يعجبنا ... نخليه يدرسنا على كيفنا ..... تعلم من خبرة الطلاب اللي سبقوك :lol:
انتو تعلمو من خبرتي ... :larg:

يا عيني ع هيك يوميات
هلاء انا شفتك حكيت اكتر شي ع استاز الفلسفة من بين الاساتزة الكرام

مع انو اساتزة الفلسفة بيكونو بالعادة طيوبين الا ازا كنت بتكره المادة :pos:هناك لكل حادت حديث

لك بتعرف شو ازا ظليت ع هالمنوال عال العال بس انو زاكرلك بس شوي لحتى بالفحوصات وقت تجي تزاكر بتلاقي حالك لسا متزكرن

نصيحة طالبة نجيبة :yahoo:

ازا رح تضل لازق تكتب هون .. عيب عللي بينجح ..

أحط ع الدراسة :jakoush:

هتلر بلاها مزكراتك التهي بدراستك يفضج كبرتك انت واستاذ الديانة وشوفير الميكرو الاولاني
:frown:

ذكرتني بأخي .. غير انو هلا هو عم يشخر مو عالنت ولا عم يدرس .. :p

صحيح ... :oops:
ازا في حدا هون بكلوريا .... ومودرن ....حصراً ....:pos:
يكتب يومياتو البكلورية هون .. انا بزات قدري وقيمتي العالية سمحتلو :larg:

شو القصة, صباح الخير
لاتواخذونا بس كنت بسباتي الشتوي

لأ فعلا شي مودرن و اخو اختو
لك روح شايفلك انت و هاليوميات

عم تشمت ما :jakoush:
:larg:

اي وسعدو ..سوسي مو بإيدي :lol:

يا سيدي نحنا من أول السني أجت الآنسي عم تشرح

_ "من لطمك على خدك الأيمن ..فأدر له الآخر"

_ يعني نكون خروء آنسي:shock:

_ لأ هون عم نقصد التسامح

_ايوا

_"ومن سخرك لتمشي معه ميلاً..فامشي معه ميلين"..

_مو ناقص غير ركبو عضهري كمان:shock:

_بعد ما يخلص الدرس منحكي:frown:

_ايوا

_"ومن طلب منك ثوبك... فاعطه ردائك كله"...

_ أي لاااااا... هيك تخيني:shock:

_طلاع لبرا:x

_خير آنسي :angel:

_هيك عم إلك طلااااع لبرا:x

_إي تكرم عيونك آنسي :angel:

_ويلي مابدو يحضر..ينئلع معو :x

(وباعتبار آخدنا بدرس سابق "لا تكذب" :angel:)
فالشباب والصبايا ما كذبو خبر..:gem:

ضل في بالصف تلت بنات...اتهمناهن بالخياني العظمى..والعمالي للامبرياليي..:jakoush:

بس في بنتين منهن حلوين شوي زيادي عن اللزوم :sosweet:..فسامحناهن بعدين :angel: ..

ومن يومها لهلئ آنسة الدياني ما داست صفنا :shock:..
حتى بس نشوفها ونصبح عليها....ما عادت ترد :?...

أنو ليش هالحقد ما بعرف...آل وآنسة دياني:jakoush:




* يذكر أنو صفنا كلو عبعضو 19 بني آدم..

مبارح بحصة الفيزيا الله غضب علي وقعدت اول مقعد(بوش الانسة):sick:

وانا غريزيا ما فيني الا ما اكل بزر....واذ بتشوفني الانسة:?

الانسة:داني اذا اسى بشوفك عم تاكل بزر بدي اربطك عند الباب

انا:انسة على التسلسل او على التفرع:larg:

الانسة:داني طلاع لبرة

انا:انسة سكر الباب ورايي ولا اتركو مفتوح(بكل تهذيب وبرودي):p

الانسة:انئلع

وهيك اطلعت لبرة وبما انو الله بيحبني لقيت امجد و طوني
(رفقاتي بالشعبيةالتانية)شرواي مقلعين:yahoo:

ونحنا نازلين على الدرج منفكر؟نروح ناكل منقيش ولا...

واذ منلاقي صف التاسع ميلعبو فوتبول

منجي منخصرون 6-1:gem:

وهيك للمسى لشي الساعة7 رحنا انا ورفقاتي لعند مكتب بيو لفادي(بيو نصاب
وحرامي مابيحتاج للمكتب)

قعدنا وجبنا فلم وحضرناه مع بزر وفستق وبيرة(الفهمانين جابوالبيرة تئيلي وانا ما بحب البيرة التئيلي):x

هيك كمان لحتا جيت على البيت شي الساعة 11 فتت عاخوية بعد معاناة كبيري ميشان يعلق الخط:yahoo:

بعدا نزلت لعند ابن عمي كانو اهلو نايمين ففتنا على المطبخ وحطينا غنية دورها دور دور وكن عندو شوية وسكي شربناهون

وقد يعلمني شوية فرنسي:adal: وهيك ضلينا منحدث لشي الساعة 1 بعدا طلعت على البيت وما لحقت حط راسي على المخدي لحتا نمت



-----على الهامش-----

هلق انا طالب عاشر والموضوع لطلاب البكلوريا بس بدكن تعزروني لأني حبيت شاركم معاناتي:pos:
بتعرفو صف العاشر كلو حشو مواد للعلمي وللأدبي وأنا مخي ضيوي عكتر الدرس:lol:

أخوية صار بدا خرزة زرقا مشان هالعدد الكبير من علماء المستقبل :larg:

alla ya3tek el 3afia raja3etni lal ayam l 5awali roh ala ykon be3onak w 3on kel 6lab el bakaloria es alla 3ala hadek el ayam o madraset (( ebn l ather )) w madrst el banat le kanet sabab fashal tat rba3 el daf3a le kent feha (( ghassa 3abood )) allah lah ya zamansma7oli 3am ektob bel 3angalizi la2no ma 3andi liom kyebord 3arabi shnno ana besheghl
t7eiati ll kell:D:D

اي وسعدو ..سوسي مو بإيدي :lol:

يا سيدي نحنا من أول السني أجت الآنسي عم تشرح

_ "من لطمك على خدك الأيمن ..فأدر له الآخر"

_ يعني نكون خروء آنسي:shock:

_ لأ هون عم نقصد التسامح

_ايوا

_"ومن سخرك لتمشي معه ميلاً..فامشي معه ميلين"..

_مو ناقص غير ركبو عضهري كمان:shock:

_بعد ما يخلص الدرس منحكي:frown:

_ايوا

_"ومن طلب منك ثوبك... فاعطه ردائك كله"...

_ أي لاااااا... هيك تخيني:shock:

_طلاع لبرا:x

_خير آنسي :angel:

_هيك عم إلك طلااااع لبرا:x

_إي تكرم عيونك آنسي :angel:

_ويلي مابدو يحضر..ينئلع معو :x

(وباعتبار آخدنا بدرس سابق "لا تكذب" :angel:)
فالشباب والصبايا ما كذبو خبر..:gem:

ضل في بالصف تلت بنات...اتهمناهن بالخياني العظمى..والعمالي للامبرياليي..:jakoush:

بس في بنتين منهن حلوين شوي زيادي عن اللزوم :sosweet:..فسامحناهن بعدين :angel: ..

ومن يومها لهلئ آنسة الدياني ما داست صفنا :shock:..
حتى بس نشوفها ونصبح عليها....ما عادت ترد :?...

أنو ليش هالحقد ما بعرف...آل وآنسة دياني:jakoush:




* يذكر أنو صفنا كلو عبعضو 19 بني آدم..

:lol: :lol: :lol:
والله نهفة :lol:
بس يا محلى يكون عندك آنسة .. قدام ما يوكن عندك استاز (شيخ ) :jakoush:
هلق انا طالب عاشر والموضوع لطلاب البكلوريا بس بدكن تعزروني لأني حبيت شاركم معاناتي////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بتعرفو صف العاشر كلو حشو مواد للعلمي وللأدبي وأنا مخي ضيوي عكتر الدرس////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اي مو مشكلة كفو ...:gem:
اي ما احكيك عن مغامراتي يلي بصف العاشر شو بتقول لكان ...:o


يلا في المساء نلتقي مع مغامرات جديدة من ...:larg:
كاليـميرو .. كاليـميرو ... حكاياته مفرحة:clap:
كاليـميرو .. كاليـميرو .. قصصه مسلية :clap:
:yahoo:

يوم حافل بالحماس من الصبح :clap:
فقنا الصبحيات ... على انغام ( امير قوم ساويلنا فطور ) :gem:
قمنا عالشغل .. كالعادة بجد ونشاط وحيوية .... رحنا لهونيك وروقت جداً .. وسمعت برجي ... عم بيقول .. يوم حافل بالحماس وبدك تشوف ناس بتحبهن وبدك تروق :sosweet:
وفعلاً زبط :gem:
وفوق كل هاد وانا ماشي بالطريق عم ودّي غرض ..... شخّت عليي (ستيتية) حمامة !!! .. طبعاً انا بالبداية قرفت:sick:
بس بعدين عرفت انو هادا نزير خير :oops:
طلعت من الشغل عالانترنت ... اتسيلت شوي عالفيس بوك :larg:
ومن ثم .. نطيت من فوري .. رحت لعند رفيقي .. وعزمني على أكلتي المفضلة جداً كثيراً .. وهيي الفاصوليا ورز ... يمي يمي :p
بتصدقوا .. انو من كتر ما بحبها ... مرة .. تحممت بالمرقة شيتها ... وغطست راسي بالطنجرة كمان :?
سيدي ما علينا ... رجعنا ركيد ... من عند رفيقي عالبيت .. منشان آخد كتبي وروح عالمدرسة .... الحمد لله الشوفير كان آدمي :pos:
أخدنا الغراض ومعدتي متخوفة من تلات صحون كبار فاصوليا ورز ...:gem:.. واختي ضيفتني سندويشة شيش مع علبة سلطة ... بس ما كان فيني ... أخدتهن عالمدرسة واكلت السلطة اما السندويشة عطيتها لرفيقي ........ بس انو آكلة شيش باردة ما زبطت تماماً :sick:
ما علينا ... كانوا الحصص اليوم صحيح طوال بس حلوين .. وحسيت حالي اني درست !! :o
يعني تلت حصص عربي قواعد وما قواعد .. روقت فيهن آخر رواق ...:larg:
وحصتين انكليزي ... كمان كانواكتيييير حلوين .... وعملنا مزاكرة ... انو خربطت بكلمتين .... بس نتايجي ماشي حالها ...:oops:
وطلعت هيك وانا فرحان ومبسوط .. لسجل هالحكاية المفعمة بالحماس بأخويتنا الحرة ....:gem:
ع فكرة جاي عبالي سمّي هاليوم: يوم الدراسة العالمي :p
يلا انا رايح ادرس منشان طبّق هالمقولة .... دعولي :oops:
اقول قولي هازا .. وادعو سعدو .. ان لا يتعطل السيرفر وانا افقش على (ارسال الرد)////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
نراكم في الحلقة القادمة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وغداً نلتقي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ههههههههههههههه يعني سوري منك بس يبعتلك لعية
عنجد فرطت من الضحك
هلا انا مافهمت انت عم تدرس
والله جاية على بالي سمعلك
بس ما التلنا شفت حدا بتحبو متل ما الك برجك؟؟؟؟؟؟؟؟؟

طب بيمشي الحال لو كانت المدرسة هون بكندا؟؟:?
بتعرف شو بلاها ما بدك هالشغلة :p

ليش حاسسك (boy friend) ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
حاضر رمووش رايح ادرس ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ليش شبو boy friend

:jakoush:

ليش شبو boy friend

:jakoush:
ليش مين في غير بوي فريند بيقول : (بلا علاك ) :lol:

انو في يوميات مثيرة جاية عالطريق .. انتو بس انطرو شوي :larg:

عجبتني الفكرة فيني ضيف يوميات جامعية :p

الله ينجحك ميرو :larg:

ليش مين في غير بوي فريند بيقول : (بلا علاك ) :lol:

انو في يوميات مثيرة جاية عالطريق .. انتو بس انطرو شوي :larg:
اي بلا علاك :p

ولك ايه الله يرحم ايامنا :pos:
روح ادروس مشان ابو غيمه

بما انو الفحوصة بلشت ..:frown:
ترقبوا يومياتنا الجديدة بعد عشر دقايق :gem:

شوية تانية رح يشلحو الاندر وير شيتو !! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يا ريتني كنت معكون :sosweet:
اااخ بس معليش

موفق شريك
انو عادي ادرس لالي انتي قادر عليه والباقي خليه عالله والراشيتات المقدسة بلا ما تخلي الكآبة تجيك من الدراسة فرفش عن حالك
بس علقليلة اعمل جهدك مشان ما تندم بعدين

بق بق .. بق بق .. بق بق.. :hart:
هاد ماي قلب عم يدق من الرعبة ... :sick:

انو يا سيدي من الساعة 12 بالليل للساعة 6 الصبح في التاريخ المحدد اعلاه ما كنت نام وعلى سف قهوة وحشيش :hashish:

انو ادرس وادرس و ادرس .. وعلى اساس فهمان.. الشي يلي بيعلق بيعلق ويلي ما بيعلق انشالله عمرو :pos:
عيرنا الموبايل عالساعة 7 منشان نفيق ... :sleeping:
فقنا الساعة سبعة ع صوت الاماما وغنية "بصراحة " شيت زياد .. شنو كنا عم نسهر عليه :gem:
المهم هيك فقت وع الشريع لبست هالبنطلون بايد ومسكت سندويشة المسبحة واكلت بندورية بايد تانية :?
طباً الصبح بلا التهاج وخوف ما بيمشي حالو .. قعدت سنة دور عالبطاقة وسنة دور عالقلام ...:sick:
اسرعنا بالخروج .. بعد ما اخدنا رضا الوالدة :lol:
وبعد ما حوطتني بالكبجاية وبالايات والادعية :gem:
يا سيدي بعد هالمقدمة الدراسية الطويلة العريضة .. طلعت من البيت والخوف والتلبك والقلق والتوتر والفوبيا يمل قلبي :shock:
مع انو كان معي وقت اوصل للمركز شيت الامتحان مشي .. بس مدري ليش اول ما شفت سيارة صفرا اسرعت بالركوب فيها .. وما ادراك ما السيارة الصفرا ... (حسيت حالي متل مرسيل باترفلاي :lol:) .. طلع ع العدّاد 9 ليرات .. أخد 25 :cry::frown:
المهم وبلا طول سيرة انتقعنا برا المدرسة شي ربع ساعة .. قدام المزابل :humm:
بعدين فتنا وشفنا الوجوه يلي بتقطع الرزق وبلشوا يقولوا التعليمات السخيفة كـ العادة :na3san:
طلعنا عالقاة وقعدنا ندور .. قول انا ما دورت كتير دغري لقيت صفي ومطرحي .. بس المشكلة انو يلي ويلي قدامي كسلانين اكتر مني وقعود واحد ينعرك من قدام والتاني من ورا منشان تنقلو .. بس انا حقير ما بعملها :devil:
اجا المراقب بوجه بشوش .. اوجت المراقبة بوجه ابشش :mrgreen:
الله لا يورجيكن .. البيديكور الاحمر الفاقع.. والشحاطة الصفرا والشعرات المنكوشين .. والعلكة يلي بتصرع المخ :frown:
انو اشتهيت شوف مراقبة ما بتعلك مسكة ! :aah:
الله وكيلكن ضليت بين ما وزعوا الوراق ايدي على قلبي وعم قول .. هلأ بموت وشوي بموت ... بس ما متت :cry:

بعد ما اجو هالاسئلة .. حسيت براحة .. شوي .. بس بعد ما قريت الاسئلة عقلي طار :dunno:
ضليت شي ربع صاعة مسكر ادنيي ومغمض عيوني بعدين رجع عقلي وجاب معو المعلومات وفاتوا عالجمجمة وبلشت اتزكر كل شي :clap:
يحرق اخت الفلسفة .. اليوم تفلسفت ليوم الفلسفة ... لك الله وكيلكن صرت امرّ من مؤلفين الكتاب باللعي الفاضي والتفزلك :?
يعني الحمد لله قدمت بشكل جيد .. جاوبت على كل الاسئلة .. شي فلسفة .. شي صح .. شي تخبيص وفزلكة :lol:

ما صدقت ايمتا صار نص الوقت .. قعدت ربع ساعة بعدين سلمت بعد ما تنعور بدني من يلي ورايي .. يبعتلو قتلي ما اغلظو :jakoush:
مرقنا هيك ع الاصحاب وصحاب المحلات يلي بعرفهن وبلشنا نطمن البشر .. بعدين رجعت عالبيت فارط وبس بدي نام ..:cry:
شفت شي 12 ميسد كول .. شي من اهلي وشي من لمّة .. يسلملي ربها هالبيت شو بحبها :sosweet:
رنيتلها كـ العادة :p وهيي دقت واتطمنت :oops:
ومن ثم قدحناها نومة للـ 6.30 المسا .. فقت تزهرمت وسمعنا فيروزيات المسا ..:sosweet:
وهي جيتي عالكافي نت لنسلم ونتطمن عالبشر ونكتب هي اليوميات :gem:

اقول قولي هازا .. وادعو سعدو .. ان لا يتعطل السيرفر وانا افقش على (ارسال الرد)////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
نراكم في الحلقة القادمة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وغداً نلتقي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:lol: .....

برافو ميرو . كان بدي دقلك بس تذكرت انو الرقم الي معي مو رقمك الحالي

فقنا الساعة سبعة ع صوت الاماما وغنية "بصراحة " شيت زياد .. شنو كنا عم نسهر عليه ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
المهم هيك فقت وع الشريع لبست هالبنطلون بايد ومسكت سندويشة المسبحة واكلت بندورية بايد تانية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وربي مبينة انو لساتك تحت تأثير الصدمة :p
قلتلي بلشتو بالفلسفة ما؟دخلك طريقة تحليلي المقالة كانت جدلية ولّا استقصاء؟:o<<< مبينة عليي كنت درّيسة كتير :lol:


موفّق امير بيك بس ان شالله هيكي ابواب السما ما تنغلق بس ادعيلك :jakoush:

يا ريتني كنت معكون :sosweet:
اااخ بس معليش

موفق شريك
انو عادي ادرس لالي انتي قادر عليه والباقي خليه عالله والراشيتات المقدسة بلا ما تخلي الكآبة تجيك من الدراسة فرفش عن حالك
بس علقليلة اعمل جهدك مشان ما تندم بعدين
انا ما بغش :pos:
هع هع :gem:

:lol: .....


برافو ميرو . كان بدي دقلك بس تذكرت انو الرقم الي معي مو رقمك الحالي

اي :gem:
وينك عالمسنجر لاعطيك الرقم ؟؟ :?
وربي مبينة انو لساتك تحت تأثير الصدمة :p
قلتلي بلشتو بالفلسفة ما؟دخلك طريقة تحليلي المقالة كانت جدلية ولّا استقصاء؟:o<<< مبينة عليي كنت درّيسة كتير :lol:


موفّق امير بيك بس ان شالله هيكي ابواب السما ما تنغلق بس ادعيلك :jakoush:
شو مشان انو ما قريت هالكمة من قبل ..:shock: قال جدلية واستقصاء قال :lol::frown:
اي ادعيلي دعيلي .. ميرو بحاجة لدعوات الشيخة ام الطنافس :cry:

ولك انا رنيتلك عال7 الاربع بعدك كنت نايم؟؟!!
يعدمني حالي
المهم اليوم رعبتني لما ما رديت عليي عالساعة 11ونص فكرتك ما كاتب منيح
بس يلاه برافو ياشاطر
وركز عشان اللي جايي باش صحفي

ولك انا رنيتلك عال7 الاربع بعدك كنت نايم؟؟!!
يعدمني حالي
المهم اليوم رعبتني لما ما رديت عليي عالساعة 11ونص فكرتك ما كاتب منيح
بس يلاه برافو ياشاطر
وركز عشان اللي جايي باش صحفي
انتي يسلملي ربك ... :sosweet:
ادعيلي .. :cry:بس ادعيلي :sick::oops:

:D

شي ظريف و الله بس احلى شي قصة النعورة :lol:

انا اليوم كان عندي اول اليوم بدورة البكلوريا العلمي بمدرسة السعادة :gem:

فتنا الصبح قال ليش متأخر قلنالون ساعتنا مسبقة قام فات على غرفتو المدير و رمقني بنظرة استحقار شنيعة

طلعنا فات استاز الفرنسي و بلش يحكي و يطعج حنكو تقول حنكو فيه مفاصل زيادة عن البشر :shock:

المهم قضينا الحصة بالطول و بالعرض بس الشهادة لله بكل صف في مكييفين :larg:

و كل شوي يفوت الآزن يوزع وراق شي تعليمات و ممنوعات شوي تانية بيقلولك ممنوع استنشاق الاوكسجين و طرح سي أو 2

فات استاز الرياضيات ( تحليل ) و بدأ درسه بجملة ( ممنوع قرمطة الاضافر اثناء الدرس ) :cry:

شو مشان يعني لاحقنا لهون :jakoush:

نزلنا عالباحة يلي خمس متار بخمس متار متل يوم الحشر :frown:

طلعنا عالصف كان عنا فيزيا

قول الفيزيا نص مصيبة يعني الحصة مرقت بسرعة و بعدها طلعنا تقليع شنو المدير بدو يفطر فول و تساقي الظاهر :oops:

لك شلونك امير
شو كيف كان الفحص اليوم
اكيد منيح
مو هيك؟؟؟؟؟؟؟؟؟؟؟؟؟؟؟؟؟؟؟؟؟؟
و يلا
صار لازم نشوف اسمك بش جريدة

شو مشان انو المستجدين عالبكلوريا بلشو شغب:frown:

لك شلونك امير
شو كيف كان الفحص اليوم
اكيد منيح
مو هيك؟؟؟؟؟؟؟؟؟؟؟؟؟؟؟؟؟؟؟؟؟؟
و يلا
صار لازم نشوف اسمك بش جريدة
اي منيح منيح :gem:
بس شو جريدة ما جريدة .. هيك قصص ما بتواتيني بنوب :pos:
:D
شو مشان انو المستجدين عالبكلوريا بلشو شغب:frown:
هع هع :lol:
لك خليه .. حرام لسا ما صدّق ايمتا صار بكلوريا .. لسا ليوف القرف كلو اوعدكو والله :lol:
بعدين الموضوع برأيي لازم يضم جميع البكلوريا المودرن :gem:
شي ظريف و الله بس احلى شي قصة النعورة :lol:

انا اليوم كان عندي اول اليوم بدورة البكلوريا العلمي بمدرسة السعادة :gem:

فتنا الصبح قال ليش متأخر قلنالون ساعتنا مسبقة قام فات على غرفتو المدير و رمقني بنظرة استحقار شنيعة

طلعنا فات استاز الفرنسي و بلش يحكي و يطعج حنكو تقول حنكو فيه مفاصل زيادة عن البشر :shock:

المهم قضينا الحصة بالطول و بالعرض بس الشهادة لله بكل صف في مكييفين :larg:

و كل شوي يفوت الآزن يوزع وراق شي تعليمات و ممنوعات شوي تانية بيقلولك ممنوع استنشاق الاوكسجين و طرح سي أو 2

فات استاز الرياضيات ( تحليل ) و بدأ درسه بجملة ( ممنوع قرمطة الاضافر اثناء الدرس ) :cry:

شو مشان يعني لاحقنا لهون :jakoush:

نزلنا عالباحة يلي خمس متار بخمس متار متل يوم الحشر :frown:

طلعنا عالصف كان عنا فيزيا

قول الفيزيا نص مصيبة يعني الحصة مرقت بسرعة و بعدها طلعنا تقليع شنو المدير بدو يفطر فول و تساقي الظاهر :oops:

اي بيعينكن الله ..ازا السعادة هيك .. كيف ما تشوف المحسنية ! :frown:

شو مشان انو المستجدين عالبكلوريا بلشو شغب:frown:
اي طيب نحنا كمان بدنا نعيش و ناخد فرصتنا ارحمونا :lol:

بالتوفيق لكل طالب و طالبة بامتحان اليوم وكل يوم


خص نص ميرو
بتمنالك التوفيق:D

مسا الخير للكل وخصوصا طلاب البكالوريا

شو كيف كان اليوم بما انو اول يوم بالفحص؟؟؟؟؟؟

يلا موفقين يارب

عئولة الشوام..
صغيري ‎:larg:‎

كيف ما تشوف المحسنية ! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بمدرسة المحسنية؟؟ اللي مقابيل اليوسفية :o
ولا هي اسم مدرسة تانية مشابهة..

شو كيف كان اليوم بما انو اول يوم بالفحص؟؟؟؟؟؟
يلا ع كل حال متل ما عم تقول عطر,, درسوا و جتهدوا و ان الله معكن ...:p
(اخ كان لازم انا كون عم قدم فحوصة بهل الايام كمان.. بس يضرب حظي:frown:)