عضو ما بين قوسين [الأرشيـــــف] - صفحة 6

باشق مجروح

24/04/2009, 20:08

مرسيل .. بشوفها من عدة جهات :
مشرفة : كتير شغيلة ومنظمة ومرتبة .
عضوة : مهمة كتير بأخوية مواضيعها اكتر من رائعة .
فنانة : كتاباتها مميزة جداً . اسلوبها رائع ومرهف . الاغاني الي بتسمعهون رائعين .
انسانة : هون انا ما كتير بقدر احكي لأنو ما في بيننا تواصل بس اكيد الي بيطلع منو كل هالاحاسيس بالكتابة رح يكون برأيي انسان محب و الي بيكون لهالدرجة متقن بشغلو بظن انسان مستقيم .
:D

بنفسجة

25/04/2009, 01:24

مابعرفها كتير
بس بعرف انها ركن من اركان اخوية
وبعرف انو غيابها مؤثر جدا جدا
شغلا بالمكتبة اكتر من رائع
اخوية بلاها ما الها طعم
مية وردة الك مارسيل:D

MadMax

25/04/2009, 03:27

مابعرفها كتير
بس بعرف انها ركن من اركان اخوية
وبعرف انو غيابها مؤثر جدا جدا
شغلا بالمكتبة اكتر من رائع
اخوية بلاها ما الها طعم
مية وردة الك مارسيل:D
هي مرسيل ما غيرا ..؟؟ :?

nour333

25/04/2009, 11:03

مرسيل قبل يوم الخميس ما كنت بعرفها ولما حكيت معها تفاجأت انها طيوبه
قبل هيك شبعت نم عليها وانا اقول عنها شايفه حالها(سامحيني مرسيل سمايلي حاط عينو بالارض) بس صحيح اللي ما تعرفو تجهلو
حفرت بقلبي مكان وحشتو حشوة دائمه غير مؤقته انها بنت بجنن

باشق مجروح

25/04/2009, 12:33

حفرت بقلبي مكان وحشتو حشوة دائمه غير مؤقته انها بنت بجنن

هلأ انتي صيدلانية ولا دكتورة سنان ؟! :?

nour333

25/04/2009, 12:41

هلأ انتي صيدلانية ولا دكتورة سنان ؟! :?

انا صيدلانية بس مرسيل د. اسنان

بنفسجة

25/04/2009, 18:26

هي مرسيل ما غيرا ..؟؟ :?
:frown::frown::frown:
شو غيران يعني:sly:
اي هي مارسيل ما غيرا
ولاتزعل انت كمان عامود من اعمدة اخوية:o:p

suryoyo

25/04/2009, 19:04

مرسيل ... ما بيكفي كم سطر نحكي عنها ...

حبابة و تساعد الكل و تحب القراءة و هذا الشي خلاها تصير عميقة جدا ..

الف وردة :D

فسحة أمل

26/04/2009, 00:44

مرسيل( بلا ألف) :lol:
من اروع الشخصيات يلي تعرفت عليها بأخوية , ومن أنشط الاعضاء, يعني الفوته على المكتبة بترد الروح , وغيابها بيترك فراغ كبير, بالاضافة إلى أنها شخصية مرهفة وخواطرها طالعة من قلب كبير
سمايلي مرسيل :mimo:

saman

26/04/2009, 02:34

مرسيل :
من عضاضات اخوية ... المكتبة وقسم الادب بدونها .. تقريباً .. ولا شي .. :oops:(وما عم مسّح جوخ:pos: )
دايماً بتبهدلني لاني اندر ايج ... مع اني والله مو عامللها شي .. وازا يعني اندر ايج :jakoush:
بحسها بدها تدبحني مدري ليش ...:?
بس ما بها شي مهضومة .. بتنبلع مع كم قنينة سفن اب ام الليترين وربع :p
بزمناتي شفتها بمنامي عم حاكيها ع المسنجر .. مدري عن شو كنا عم نحكي .. يمكن على فستان مدري كتاب .. المهم انو كنا عم نحكي :lol:
بس ايمونا من المزح ... جد مرسيل شخصية ظريفة لولا هالكم علّة يلي فيها :larg:
وهي كم وردة لميمو افندي :mimo:

وشم الجمال

26/04/2009, 12:20

له له له

يعني راح نص عمري بالاشخاص يللي ما صحلي احكي عنهن,,,
وكلن من المقربين الي ويللي بعتبرهن اشخاص اكبر من انو نختصرهن

بالنسبة لمرسيل,,,
اول شي انسانة واعية لما تنطرح شي قضية بتعجبني نظرتها وتحليلها للامور
تاني شي مثقفة
تالت شي كاتبة من الطراز الرفيع بمعنى لما تكتب بتكتب بقلبها وبكل مشاعرها بتحس انو مو اصابيعا يللي بتكتب هالحروف لا ابدا هيدي روحها يللي بتخط كل كلمة

رابع شي بتحبها لغادة وعندها حق

خامس شي البنت عشقانة فيعني ما عم اعمل خطابة للبنت:o

مرسيل انسانة شفافة بتستحق كل تقدير

مشاعر

26/04/2009, 19:31

مرسيل :ss:

الحب شعلة متأججة في روحها ..

أينما مرت وجلست وتكلمت أشعلت شعلة حب دافئة لمن حولها.

أقدر فيها عشقها للقراءة. :hart:

الكتاب بين يديها مدلل... لأنها تملك حبا وشغفا لكل ما تقرؤه عيناها.

butterfly

26/04/2009, 22:02

فراشة حلوة كتير .. من كل الالوان!

طبعا عرفتوا مين ... بس وينكن شكلها اكابر

يعني مو متل اي فراشة ... بالعادة الفراشات بيروحو لعند الضوء

بس هالفراشة شكلو الضوء بيجي لعندها ركيض

:oops::oops: عن جد يا زلمي ، خجلتوني
شو مشان :oops: يعني وقت بقرا الردود
ما عم اعرف حالي :p

مرسيل.. برضو من خلال جروب اخوية حكيت معها كزا مرة ... بنت بتجنن بمعنى الكلمة .. ومثقفة لابعد الحدود ... وعندها كم هائل من المشاعر بداخلها ... وبتنقهر ازا حدا بيضيف على اسمها حرف الالف...:lol:

مليون وردة ل مرسيل...:D
:oops: ومليون وردة لألك
شكرا كتير
:mimo:

مرسيل ما متعاملة معها ولا مرة
بس بتابع معظم كتاباتها ومواضيعها
وبيكفي انو عاملة مكتبة روعة
صرت منزلة منها كذاطعش كتاب:p
لقول عنعها انها اكتر من روعة
ميت وردة :D
:deal:وانشالله مع الايام منتعامل
(ويا ويلي قدي بفرح / انو في ناس عم تستفاد من المكتبة )

مرسيل .. بشوفها من عدة جهات :
مشرفة : كتير شغيلة ومنظمة ومرتبة .
عضوة : مهمة كتير بأخوية مواضيعها اكتر من رائعة .
فنانة : كتاباتها مميزة جداً . اسلوبها رائع ومرهف . الاغاني الي بتسمعهون رائعين .
انسانة : هون انا ما كتير بقدر احكي لأنو ما في بيننا تواصل بس اكيد الي بيطلع منو كل هالاحاسيس بالكتابة رح يكون برأيي انسان محب و الي بيكون لهالدرجة متقن بشغلو بظن انسان مستقيم .
:D
شكرا ً لرأيك فيي من كل الجوانب عن جد شكرا ً
:gem::gem:

butterfly

26/04/2009, 22:06

مابعرفها كتير
بس بعرف انها ركن من اركان اخوية
وبعرف انو غيابها مؤثر جدا جدا
شغلا بالمكتبة اكتر من رائع
اخوية بلاها ما الها طعم
مية وردة الك مارسيل:D
شكرا لموش .. بس شومشان الألف :jakoush::jakoush:

هي مرسيل ما غيرا ..؟؟ :?
عود عاقل حاج فتن :p

مرسيل قبل يوم الخميس ما كنت بعرفها ولما حكيت معها تفاجأت انها طيوبه
قبل هيك شبعت نم عليها وانا اقول عنها شايفه حالها(سامحيني مرسيل سمايلي حاط عينو بالارض) بس صحيح اللي ما تعرفو تجهلو
حفرت بقلبي مكان وحشتو حشوة دائمه غير مؤقته انها بنت بجنن

اي ولا يهمك كل اخوية اول فوتتا ع أخوية ، بتقول عني شايفة حالي !! ..
وسلامة قلبك..
:D

هلأ انتي صيدلانية ولا دكتورة سنان ؟! :?

انا صيدلانية بس مرسيل د. اسنان
:lol::lol:
:frown::frown::frown:
شو غيران يعني:sly:
اي هي مارسيل ما غيرا
ولاتزعل انت كمان عامود من اعمدة اخوية:o:p
ما تردي عليه عم يحاول تعمل فتن
:flala:

butterfly

26/04/2009, 22:13

مرسيل ... ما بيكفي كم سطر نحكي عنها ...
حبابة و تساعد الكل و تحب القراءة و هذا الشي خلاها تصير عميقة جدا ..
الف وردة :D
شكرا ً زيدو
:akh:
:hart: والله اشتقنا

مرسيل( بلا ألف) :lol:
من اروع الشخصيات يلي تعرفت عليها بأخوية , ومن أنشط الاعضاء, يعني الفوته على المكتبة بترد الروح , وغيابها بيترك فراغ كبير, بالاضافة إلى أنها شخصية مرهفة وخواطرها طالعة من قلب كبير
سمايلي مرسيل :mimo:
:gem::gem::gem::gem: يا أخي ، شكرا ً كمان ( يا زلمي شو عم قول شكرا ً )
ويارب اشوفك سعيد ومرتاح
:mimo:

مرسيل :
من عضاضات اخوية ... المكتبة وقسم الادب بدونها .. تقريباً .. ولا شي .. :oops:(وما عم مسّح جوخ:pos: )
دايماً بتبهدلني لاني اندر ايج ... مع اني والله مو عامللها شي .. وازا يعني اندر ايج :jakoush:
بحسها بدها تدبحني مدري ليش ...:?
بس ما بها شي مهضومة .. بتنبلع مع كم قنينة سفن اب ام الليترين وربع :p
بزمناتي شفتها بمنامي عم حاكيها ع المسنجر .. مدري عن شو كنا عم نحكي .. يمكن على فستان مدري كتاب .. المهم انو كنا عم نحكي :lol:
بس ايمونا من المزح ... جد مرسيل شخصية ظريفة لولا هالكم علّة يلي فيها :larg:
وهي كم وردة لميمو افندي :mimo:
دخيلو الظريف ال أندر إيج :p:p

له له له

يعني راح نص عمري بالاشخاص يللي ما صحلي احكي عنهن,,,
وكلن من المقربين الي ويللي بعتبرهن اشخاص اكبر من انو نختصرهن

بالنسبة لمرسيل,,,
اول شي انسانة واعية لما تنطرح شي قضية بتعجبني نظرتها وتحليلها للامور
تاني شي مثقفة
تالت شي كاتبة من الطراز الرفيع بمعنى لما تكتب بتكتب بقلبها وبكل مشاعرها بتحس انو مو اصابيعا يللي بتكتب هالحروف لا ابدا هيدي روحها يللي بتخط كل كلمة

رابع شي بتحبها لغادة وعندها حق

خامس شي البنت عشقانة فيعني ما عم اعمل خطابة للبنت:o

مرسيل انسانة شفافة بتستحق كل تقدير
شكرا ً صديقتي ، مو بس لردك أو رسالتك ،
شكرا ً لحضورك دائما
:mimo:

مرسيل :ss:
الحب شعلة متأججة في روحها ..
أينما مرت وجلست وتكلمت أشعلت شعلة حب دافئة لمن حولها.
أقدر فيها عشقها للقراءة. :hart:
الكتاب بين يديها مدلل... لأنها تملك حبا وشغفا لكل ما تقرؤه عيناها.
:oops::oops::sosweet:
حبيت ، ردك
شكرا ً كتير
وانشالله الايام بتخليني اعرفك اكثر

:akh:

مغرم سوريا

26/04/2009, 23:45

لك لا تعمليلي فيها خجل

هو كلو هالإسبوع !! اتهني بابا ههههههه

ميرسي لردك . بتستاهلي والله :sosweet:

مغرم سوريا

29/04/2009, 20:51

بما انو كان في انقطاع لأخوية

كان في مشكلة باخوية لمدة يومين مدري شو صار

مددت فترة اسبوع مرسيل

يومين تانيات هههههههه

مشان ما اظلم حدا....:D

تحياتي:larg:

توم و جيري

29/04/2009, 22:56

مو كتير بعرفها سمعت انو قلبها طيب صحي حذفتلي كم موضوع ..:oops:
بس بتناقش وبتخليك تحترمها لان ما بتغلط معك ..
للصراحة هلا لعرفت انو اسمها مرسيل ..

..AHMAD

29/04/2009, 22:59

butterfly (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:akh:

بس

:D

ritka

29/04/2009, 23:16

مرسيلو :gem:

ما بعرفها كتير حكيت معها حديث جنّابي (برا المواضيع) مرة وحدة
كنت عم اطلب كتاب
كمن رسالة حسيت فيهم قديشها قريبة من القلب و ما "بتخوف" ابدا ابدا :lol:

مرسيل....بتمنالك كل الخير :D

BL@CK

30/04/2009, 16:53

منو هاي بلا زغرة ؟! :?

مشاعر

01/05/2009, 00:14

منو هاي بلا زغرة ؟! :?

ما أظرفك وأنت مذهول ...

عامل نفسك ما تعرفها. :p

leonardo_dicabreo

01/05/2009, 07:06

مــــــرسيل , فــــراشة أخـــــويه

:D

أم الجود

07/05/2009, 14:40

شو صار معنا ؟؟؟

شكلو هالموضوع نام .. قلت لحالي بفيقو :lol:

مرسيل كتير دقيقة و منظّمة و شاغلة بأخوية شغل بتنرفعلو القبعة :ok:

على الصعيد الشخصي ما بعرفا .. بس ردودها بتعكس قوة شخصيتها

:D

leonardo_dicabreo

08/05/2009, 07:16

على الصعيد الشخصي ما بعرفا .. بس ردودها بتعكس قوة شخصيتها

:D

ما خبرتينا كيف عالصعيد السياسي , والأقتصادي ؟ ؟ ! ! :?

بتحضري أخبار كتير شكلك ؟ ؟ ! ! :p

:D

Gazita

09/05/2009, 01:58

ميغسي مغرم سوريا عالتوبيك الرائع ...خسارة ماحضرت من الاول..
ميمو شخصية حبيتا من اول ما فاتت عاخوية وهي كانت من اول البنات اللي حاكيتهم ..
من اكتر من سنتين ماحكينا بعض بس بعدني بعزها
موفقة بحياتك ميمو وبتستاهلي النجاح والسعادة والحب وارقى المناصب:hart:

MadMax

09/05/2009, 22:43

مغرم سوريا

10/05/2009, 06:43

•:*¨`*:•.عضــــو بيــــن قــوسيــن ( BL@CK (BL@CK)). •:*¨`*:•.

الاسبوع الثامن...

معانا هالإسبوع سيد الرجال .. وشيخ الشباب!

عضو مميز جدا ...

بتركن مع التعاليق

_____________________

مع اجمل التحيات

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

MadMax

10/05/2009, 12:20

عبووووود ..
مختار حلب و المنطقة الشمالية

وشم الجمال

10/05/2009, 13:00

عابد شخص الو حس نقدي
لما الواحد يتعرف عليه من قريب بحس قديش هوي شخص كبير بس من بعيد هيك بكون في شي شوي ما بعرف شو اسمو
المهم عابد رجل بمعنى الكلمة بيستحق كل الاحترام

ولما يكتب بيهز يللي قدامو بكلماتو يللي بشكل او بآخر بتحكي كتير وبتنقد كتير

كبير عبدو

مشاعر

10/05/2009, 14:27

عابد أديب مع وقف التنفيذ.

أحب فيه لغة السخرية ... التي تضحكني وتبكيني.

لديه إرادة صلبة وحماس للعمل.

يحب أن يكون شخصية غامضة ويتبع أسلوبا استفزازيا حسب ما أوردته وكالة رويتر للتحاليل النفسية لتنسج هذا الغموض.

يعرف ماذا يريد ويسعى إليه، واثق من نفسه، بس الحمد لله لم يصل إلى درجة الغرور.

لا يحب النصائح لأن لديه قناعات خاصة به.

قلبه كبير وعواطفه جياشة، يحتاج لقلب كبير مثله ليستوعبه.

أظرف واحد يلفظ حرف الزاي في كلامه.:sosweet:

باشق مجروح

10/05/2009, 19:52

عابد .
كـ فكر ما عندي مشكلة نهائية مع فكرو . و بعتبر نفسي للصراحة من المعحبين بكتاباتو .
بالاسلوب في شوية مشاكل . في شوية فظاظة بالتعامل تعدلت قليلاً بعد ما صار منسق . و بالنقاشات ما كتير بيحترم الرأي الآخر . طبعاً هالشي بيرجعلو وخاص فيه بس هاد رأيي المتواضع .
و :D

توم و جيري

11/05/2009, 03:37

خيي مغرم سوريا ... بدي اعتذر منك ومن الجماهير ...
كنت متلهى بامتحانات الجامعة والشغل اللي فوق راسي ...
بس لازم رد ... خلو صدركم رحب هيك واسع الي لا تواخذوني ..
ساندرا : ام السوس فنانة بكلشي بتنحب ... ورائعة ... وانشالله نفرح بعرسها ... اهلين بربها ...:p
لموش : لمى العزيزة بنت قلبها طيب كتير و رائعة ... وحنونة والله حيو لمى .. كبيرة بربي كبيرة بس مو اكبر مني ..
سويت بيبي وبتر فلاي ياريت بعرفن بس لسا ما حصل الشرف بس الن مني هي ...:D

ماد ماكس اب سمرا و ابو شرط .. كل يومين تلاتة بدي اخدلو غدا او عشا مو مياكل بالبيت عايش عضهري كلو من ورا كلمة بتشارط وبتشارط .. بس رح اكسبو بشي شرط بدي طلع الاول والاخير ...:o
بحسو بيحب يعرف بالدني اكتر ما بيعرف بيتعمق بشغلات بحسها عادية بس بعدين بحسها بتستاهل ..
انو وهيك يعني احلا تحية الو ..:D

احمد مع لازمة الغرور :lol:مفيه شي من الغرور شب مقتنع بتفكيرو وبحالو وانا وياه ما التقينا لسا ولا مرة بموضوع كلو خلافات بس عنجد بيستاهل انك تحترمو كمان تحية الو ..:D

منشان بلاك والله ما بعرفو بس يمكن حاذفلي شي موضوع :cry: ما بعرف على كل
وهي مني الو :D

لا تواخذونا من هلا ورايح متابعة دائمة ..:hart:

وشم الجمال

11/05/2009, 09:48

ساندرا,,,,ازا بدي احكي عنها فنحنا ما قعدنا عنجد قعدات فضفضة روحية غير مرتين وفيهن اكتشفت الجانب المشرق وعقلها فيعني

هيي انسانة حساسة ورقيقة ولما تحب بتمنح كلشي بتقدر تمنحو
بدون مقابلو بس العقل عندها بوازن وبيخليها مسؤولة وواعية
وكمان شي تاني بميزها وهوي طرحها لمواضيع حساسة باسلوب مثقف وثقافتها الحلوة يعني بتحس انك بتقرا انسانة قدرت تحيط بجوانب الموضوع يللي
طرحتو
وكمان ساندرا معتمدة على ذاتها بهالغربة
عندها قبول للاخر فيعني بالمختصر ساندرا انسانة نبيلة
اما السلبيات صراحة ما كان في هالاختلاط يعني يللي بخلي الواحد يكتشف سلبيات بس يللي بشوف طيبة قلبها
بيتوصل لانو ما عندا سلبيات

يعني بنكمل بعدين مع يللي كانوا وجد اسفة كمان لتخريب النظام بس يعني توم اعطاني الشجاعة

توم و جيري

12/05/2009, 02:09

بس يعني توم اعطاني الشجاعة

توم وجيري لو سمحتي ..:lol:

بنفسجة

12/05/2009, 13:39

بلاك
امممممممممممممممممم بلاك
صرلي زمان ما تناقرت معو (لاني طافشة من المنبر هالفترة:lol:)
بس جايتك ها الا ما ارجع واعمل مشاكل واتخالف وروح عالمعتقل :o
المهم حلو بقضية دفاعو عن افكارو
بس يخفف شوي هجومات غير مبررة
ياريت يقدر يرجع المنبر متل ما كان قبل على ايام كوستا وكهربجي ويلي قبلون
الك مية وردة:D

..AHMAD

15/05/2009, 02:57

خيو شيلك عن عبد أدبياً ، ما بدو حدا يعطي رأي فيه
ولا بدنا عبد بالمنبر ، كل مين اله قضيته بيمسكها كيف ما بيرتاح ، وبيدافع عنها بالطريقة المثالية ..
عبود لما كنت فوت اقرا ردودو .... يعني عوزراً منك ابو عبيد .. اول كلمة كانت تطلع .. " يلعن ربك .. مين مفكرلي حالك".

لحد ما اختلطنا معاه منيح وهالشي صار لما صرنا بالتنسيق "كنا مجبرين ترى :p".. لحتى بلش هالحاجز الي بتفرضو شخصية عبد بردودو ينزاح ، ولما شفناه وقت حفلة يطير الله ويحط محمد ويطير عيسى ويهبط موسى ، وبعد ما صار في كاس بالنص ، انو عابد باخوية غير عبد عارض الواقع ، وهالشي ما بيعني انو عمقول عبود أفكاره بأخوية مغايرة لأفكاره ع ارض الواقع ، الأفكار هية هية .. لكن بتختلف طريقة طرحها والنقاش فيها.

ابو عبيد سكرة .. وكفو لعند الله ، واللي مو مصاحب عبد .. لا يقول عندي صاحب

وكل ما قيل أعلاه لا يندرج إلا تحت نطاق الكولكة وتمسيح الجوخ والفستقة الذي اشتهرنا به حضرتنا على مر العصور :ss:

BL@CK

15/05/2009, 10:48

أبو سمرة , وشم الجمال , مشاعر , باشق , بنفسجة . المعلاق قصدي أحمد

كتير غمرتونا بلطفكون إني فضيتو من وقتكون هاللحظات لتفوتو تكتبو هالكلمتين عن حضرتنا و كتير ممنون هالوقفة يعني اليوم الواحد يقوم يكتبلو خمس ست جمل عالكيبورد و الله فيّا مشقة و عزاب . :p

بقا كتير ممنون و للي أتهمونا بمشاكل فنية بالأسلوب المزعج للبعض نوعا ً ما فا بدكون تسترو ما عم تشوفو و تسمعو و تقروا مننا , لا تأخزونا كرامي للملايكي ..

آخرا ً و أخيرا ً لا يسعني إلا أن أقدم شكري الجزيل و امتناني لإلكون ترا الواحد بهيك مواقف عليي الحلال بتربط و ما بيعرف شو بدو يقول .. :sick:

أم الجود

15/05/2009, 12:02

بقا كتير ممنون و للي أتهمونا بمشاكل فنية بالأسلوب المزعج للبعض نوعا ً ما فا بدكون تسترو ما عم تشوفو و تسمعو و تقروا مننا , لا تأخزونا كرامي للملايكي ..

آخرا ً و أخيرا ً لا يسعني إلا أن أقدم شكري الجزيل و امتناني لإلكون ترا الواحد بهيك مواقف عليي الحلال بتربط و ما بيعرف شو بدو يقول .. :sick:

:?
اشو خيو ؟؟ كنّي اتحمصنت !؟؟ وين اللئش الحلبي و الجئجئة ؟؟ :o
عابد ما صار بيني و بينو احتكاك على صعيد شخصي (هي رجعت عدت كلمة صعيد كرمال ليوناردو ينبسط:p) بس من خلال موضوع سبق و نزلتو بالمنبر كان النقاش فيو محتد شفت انو أسلوبو فيو شوي حدّية و طاخ-طيخ :shahbi7:
بس مبارح نزل بالخربوشات خاطرة رائعة وقفت عندها بإعجاب و دهشة عبرت عنهن فوراً ...
عابد بتوقع انو من الناس اللي بيلزمك وقت لتكتشفون و تتجاوز حاجز السلبية اللي بيحيطوا حالون فيه مرات .. بس لما بتعرفو مظبوط من جوا بتكسبو صديق أبدي ...
و الله أعلم :lol:

wile

15/05/2009, 13:48

والله يا حبيب هي لأول مرة بشوفك-كتابتك يعني-
بس بدك تعزرني لإني لساتني جديد -وكالة- ومع الوقت بنتعرف إن شاء الله مو؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

بنفسجة

15/05/2009, 16:26

BL@CK

16/05/2009, 10:53

:?
اشو خيو ؟؟ كنّي اتحمصنت !؟؟ وين اللئش الحلبي و الجئجئة ؟؟ :o
عابد ما صار بيني و بينو احتكاك على صعيد شخصي (هي رجعت عدت كلمة صعيد كرمال ليوناردو ينبسط:p) بس من خلال موضوع سبق و نزلتو بالمنبر كان النقاش فيو محتد شفت انو أسلوبو فيو شوي حدّية و طاخ-طيخ :shahbi7:
بس مبارح نزل بالخربوشات خاطرة رائعة وقفت عندها بإعجاب و دهشة عبرت عنهن فوراً ...
عابد بتوقع انو من الناس اللي بيلزمك وقت لتكتشفون و تتجاوز حاجز السلبية اللي بيحيطوا حالون فيه مرات .. بس لما بتعرفو مظبوط من جوا بتكسبو صديق أبدي ...
و الله أعلم :lol:

يا خيتو يعني مثلاً أكتبا كرامة ٌ للملائكة , و الله هيك منقولا "كرامي للملايكي في أبرا" . بعدين من عاشر القوم تلات سنين صار منون و فيون شلون بتريدي .

بس هاي الحدية من وين جايبينا ماني عما أعرف .:jakoush: , و أهلين أم حلب . :sly:

:o:o:o:o:o
دخيلك خليك عم تهاجم وتعمل مشاكل وخلينا عم ننزعج منك بس لاتحكي بهي الطريقة الكتير مودبة رفعتلي ضغطي يارجل:lol::lol:

شو ما عملنا ما خلصنا , أحترنا يا بنفسج من وين نشمـّك . :p

أم الجود

16/05/2009, 11:14

يا خيتو يعني مثلاً أكتبا كرامة ٌ للملائكة , و الله هيك منقولا "كرامي للملايكي في أبرا" . بعدين من عاشر القوم تلات سنين صار منون و فيون شلون بتريدي .

بس هاي الحدية من وين جايبينا ماني عما أعرف .:jakoush: , و أهلين أم حلب . :sly:

هلأ من كل شي كتبتو وقفت عند هي :cry:
خيو احكي كيف ما بدك أنا اش الي عليك ؟؟ أنا تعليقي بهالخصوص كان للمزح و بس ..
و لاتواخذنا ...

BL@CK

16/05/2009, 11:21

هلأ من كل شي كتبتو وقفت عند هي :cry:
خيو احكي كيف ما بدك أنا اش الي عليك ؟؟ أنا تعليقي بهالخصوص كان للمزح و بس ..
و لاتواخذنا ...

طبعا ً وقفت بس عند هاي , هاي من باب التواضع أنو قلتي خربوشة رائعة و بتكسبو صديق أبدي فا تواضعت و أستحيت رد على هالنقطة ما بدي أحكيلك عن التواضع لأنو شغلة كبيرة , :lol:

:D لعيونك

سوا ربينا

16/05/2009, 11:27

انو بلاك ... ما بحب طريقة مناقشتو .. واتمشكلت معو مرة او مرتين اول ما دخلت..:pos:
بس انو بيقولولي ها بيقلولولي انو بالواقع وبالتعامل معو انو شب اكابر وبينحب ... بس لسى ما اتأكدت...:p

وردة..:D

مشاعر

16/05/2009, 15:49

كتير غمرتونا بلطفكون إني فضيتو من وقتكون هاللحظات لتفوتو تكتبو هالكلمتين عن حضرتنا و كتير ممنون هالوقفة يعني اليوم الواحد يقوم يكتبلو خمس ست جمل عالكيبورد و الله فيّا مشقة و عزاب .

آخرا ً و أخيرا ً لا يسعني إلا أن أقدم شكري الجزيل و امتناني لإلكون.

وهذه مشقة أخرى لكي تحمل مزيدا من الامتنان لنا وتحمر وجنتيك خجلا. :p

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بنفسجة

16/05/2009, 20:21

شو ما عملنا ما خلصنا , أحترنا يا بنفسج من وين نشمـّك . :p
متل ما قلتلك دخيل ربك انا
خيك متل ما انت امانة الله:cry:

MadMax

16/05/2009, 22:58

وهذه مشقة أخرى لكي تحمل مزيدا من الامتنان لنا وتحمر وجنتيك خجلا. :p

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أيامك عبوووود ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////