// خبر مهم //
نحنُ إدارة الموقع " أخوية دوت نت " نعتذر عن المقال المُدرَج / 30 آب 2005 / تحت عنوان " عصر الأخوية الجراسي " بتوقيع " حسون " واعتذارنا مُوجَّه إلى الخوري الذي يَطاله هذا المقال، وإلى إدارة الأخوية الحالية واللاحقة، ونحن نعتبر أنَّ هذا المقال لا يُعبِّر إلاَّ عن رأي مُرسِلِهِ الذي سوفَ يُمنَع مِنَ الدخول على الموقع، وسوف تُلغى عضويته في الموقع.

هادا كلام أدارة موقع أخوية (وين الديمقراطية وأحترام رئي الآخر)


ما بيصير نلغي عضوية حسون أذا غلط بشي كلمة بتمس أي رجل دين

يمكن يتلعقب عليها بس تلغي عضويتو من الأخوية ما بيصير هل الكلام

وين الديمقراطية يلي عم تنادو فيها


أذا بدكون تحاسبو مزبوط وأنتو عنجد بيهمكن أمر الموقع
بتحذفو عضوية كل الناس يلي عم تشارك بحوار الأديان


ليش لأنو هنيك عم يسبوا المسيح ومحمد

أنو أحسن أذا واحد حكى كلمة على خوري ولا واحد ماخلى ستر مغطى على المسيح وأنا عندي أسماء أشخاص وعندي مقالات بتشيب الشعر
عيب وكل العيب
هون مكان ديمقراطي مو محكمة عرفية


بعرف أنا مادخلني لأني ملحد بس عيب لزم يكون في موضوعية شوي بلأحكام
يعني أنو أحسن أذا حسون كان معصب وحكى شي كامة هيك ولا هيك بنكبوا برت الأخوية

أصلا الخوري لازم يسامح حسون و يغفر لحسون هل التصرف وينبهو

مو يفصلو من الأخوية

بعدي

بغض النظر

ألغاء عضوية شخص بيكون أذا أساء أسائة شديدة
بس أول شي بيتوجهلو أنذار بعدين أذا ما رتدع بيتهد بألغاء العضوية أذا ما رتدع وتم عم يسيئ ساعتها بتاخدو الأجراء يلي بدكون يا

هادا الكلام مرفوض


الرجاء كل الرجاء أذا في ديمقراطية عن جد ما تحزفو الموضوع خلي الناس تبدي رئيها
و لكم جزيل الشكر

المواطن المقموع أبو النسيم

تحياتي إلك أبو النسيم :gem: :gem: :gem:
و مشكور كتير :D :D :D

وقفت على حسون هلأ؟؟؟
وين المساواة ..
الطرد مو هو الحل ... هدا اسمو قرار تعسفي .. لازم تعرفو و تحققو بالقصة من الطرفين .. بشكل محايد .. مو هيك طجني طجتك العافية ... يالله طردنا و ما سألنا .....

مرحبا يا جماعة...

القصة موهيك...
يعني ما كان القرار تعسفي ولا متسرع..

لأنو حسون صار آخد أكتر من إنذار ولكن للأسف هو لم يستجب.. وبعدين القصة ليست قصة شخصية لأن حسون على علاقة جيدة مع الإدارة وقسم كبير من المشرفين..

والقصة لم تحل من طرف واحد بل كان بنقاش مع حسون شخصياً...

وأنا لن أحذف الموضوع لأن ساحة الحوار متوحة للجميع...

:D :D

خبر مهم //
نحنُ إدارة الموقع " أخوية دوت نت " نعتذر عن المقال المُدرَج / 30 آب 2005 / تحت عنوان " عصر الأخوية الجراسي " بتوقيع " حسون " واعتذارنا مُوجَّه إلى الخوري الذي يَطاله هذا المقال، وإلى إدارة الأخوية الحالية واللاحقة، ونحن نعتبر أنَّ هذا المقال لا يُعبِّر إلاَّ عن رأي مُرسِلِهِ الذي سوفَ يُمنَع مِنَ الدخول على الموقع، وسوف تُلغى عضويته في الموقع.


ما دام المقال لا يعبر إلا عن رأي مرسله ....فإدارة الموقع غير ملزمة بالاعتذار

ام منع حسون من دخول الموقع :

هل تنهي الازمة هنا

و هل هذا رأي رجال الدين المسيحي بالرد على الإساءة !!!!!!

أين المحبة


استنكر و بشدة اي عقوبة تفرض على حسون .....

يمكنك الرد و بكل بساطة على الاساءة و اظهار وجه نظركم


أما بالنسبة لتوجيه التنبيهات فيجب ان تكون بشكل علني

تعتبر كل التنبيهات السابقة ( في حال وجودها ) باطلة


اتمنى إعادة النظر مرة أخرى بالقرار المتخذ ...حتى لا تفقد الاخوية اهم اعضائها ...و تنعدم الثقة بأدارة الموقع من قبل الاعضاء


:D :D :D

يعني ما كان القرار تعسفي ولا متسرع..

لأ بنوب
:o :o :o :o

لأنو حسون صار آخد أكتر من إنذار ولكن للأسف هو لم يستجب

هالحكي غلط
حسون ما آخد غير إنذار واحد بهالموقع

والقصة لم تحل من طرف واحد بل كان بنقاش مع حسون شخصياً...

يعني بدك تفهمني أنو حسون موافق على طردو من الموقع

يعني ما كان القرار تعسفي ولا متسرع..

لأ بنوب
:o :o :o :o

لأنو حسون صار آخد أكتر من إنذار ولكن للأسف هو لم يستجب

هالحكي غلط
حسون ما آخد غير إنذار واحد بهالموقع

والقصة لم تحل من طرف واحد بل كان بنقاش مع حسون شخصياً...

يعني بدك تفهمني أنو حسون موافق على طردو من الموقعأنا مع هذا الكلام :D :D :D :D :D :D :D :D


و حيووووووووووو بطل الاخوية على هل الفوتة الجبارة :gem: :gem: :gem: :gem:

مرحبا اخواتي

اول شي انا متفاجئ متلكم بهالقرار

و بصراحة اكتر عم اشعر بتأنيب الضمير .... لأنو سمحت للموضوع انو يبقى بالمنبر و ما حذفتو
و لو اني تركتو من مبدأ حق حسون بالتعبير عن رأيو على امل انو يرد المتضررين على اتهامات حسون

بسبب تأنيب الضمير
و لأنو متلكم شايف انو في غلط حاصل بالموضوع
عم تابع الموضوع بشكل شخصي رغم انشغالي

تحية لحسون الغائب :D

تحية حسون الغالي
:D :D :D

وأنا لن أحذف الموضوع لأن ساحة الحوار متوحة للجميع...

لا حزفو مالك حق :o


:frown:

غبنا عن الأخوية شوي فرطت الأمور
:frown: :frown: :frown: :frown: :frown: :frown:

نسيت قول مرحبا بعد هل خبر يلي بسم البدن :frown:


تحياتي حسون :D

و طارق كعكتين بعجوة :D

و أكيد ابو النسيم :wink:

و كريمممم :D


تحياتي

روووووووووووووووووووووووو وووووق

و إلا بتعرف شو :lol: :lol: :lol: :lol: :lol: :lol:


أهلين سيزار :D :D :D

أشتقنالك :sosweet:

شباب بحب خبركون
الموضوع هيقتو التغى

وللك سيزار .. انا مالي حصة .. زعلت منك ..

برجع للموضوع .. برياحة هدا القرار تعسفي .. و ازا مافي اسباب و حجج مخفية .. ناقشو حسون بالعلن ..
اطرحو حججكن و وجهة نظركن و اعطو فرصة لحسون كمان ....

ما بيصير هيك....

ناقشو حسون بالعلن ..
اطرحو حججكن و وجهة نظركن و اعطو فرصة لحسون كمان ....

:gem:

هاد يلي لازم يصير

بس يلي صار انو اتقرر الموضوع من جهات خارجية :jakoush:
هيك الظاهر

بس يلي صار انو اتقرر الموضوع من جهات خارجية


أبو السيز مرحبا شو جيتك على سوريا خلتك تفكر متل السلطة هون ( عم أمزح)
شو جهات خارجية أمبريالية وصهيونة يعني

وأحلى أبو سيز :gem: :gem:

الأعضاء الكرام
أولاً :
أكبر فيكم غيرتكم على مساحة الحرية الموجودة بموقع أخوية، موقعكم و اتمنى من هذا الباب أن تقرؤوا التالي بدقة و موضوعية و رحابة صدر، فالهدف بالنهاية هو الوصول بالموقع لأفضل وضع يمكنه من تأدية دوره المنوط فيه كساحة حوار حرة و جادة و ملتزمة
ثانياً:
بالنسبة لموضوع الاخ حسون فقد تم فعلاً إنذاره مسبقاً داخل الموقع مرة على الأقل( وهي كافية بالنسبة لللسياسة المتبعة)، كما قد تم تنبيهه وجهاً لوجه مرات عديدة و فالج ماتعالج
على كل حال أريد التعليق على الموضوع الذي فجر هذه المشكلة على سبيل الإيضاح لغير العالمين
الموضوع المحذوف تناول أشخاصاً بالإسم و أشار صراحة إلى مؤسسة كنسية خيرية تعليمية و هذا بحد ذاته أمر غير مسموح به لكن الأهم هنا أنه أشار إلى وقائع مرتبطة بأموال مفصلة بالأرقام و هذا بالعادة أمر يدعم المقالة و يرفع من مصداقيتها، لكن واقع الحال أن هذه الأرقام لا تحمل أدنى درجات الموثوقية و المصداقية (و المتحدث هنا هو المسؤول المالي السابق في هذه المؤسسة، و أحد رؤوس حراب المعارضة الحاليين بالأخوية و الذين يعتبر نفسه حسون من أنصارهم)
حيث ان هذه الأرقام لا تستند إلا للقيل و القال من جهة، و النتائج التي يستخلصها حسون في النهاية هي مجرد رأي غير مدعوم بالإثبات
و بالتالي فإن هذه المقالة لا تعبر عن الحرية و حق التبير و إنما هي مقالة غوغائية و ليست جديرة بان تكون في المنبر الحر
كما ان الموضوع الذي يشير إليه حسون هو ليس من إختصاصه فالتحكم بأموال أي مؤسسة كنسية هو من إختصاص راعيها المحدد ضمن النظام الداخلي و القانون الكنسي و ليس لأحد من خارج هذه المؤسسة مساءلتها بالطريقة التي تتصرف فيها بأموالها
ثالثاً:
لقد قامت المؤسسة الكنسية المعنية بالاتصال بنا للاعتراض على ما جاء في المقالة آنفة الذكر و توضيح الأمر، و لما كان اعتراضهم محقاً تم التصرف بالموضوع وفق سياسة الموقع ( حسون لديه إنذار مسبق، عند إرتكابه لخطأ من هذا النوع يتم ايقاف عضويته، و قد حصل ذلك من قبل) التي لا تختلف بالتعامل مع أي عضو أو مع أي جهة خارج الموقع مهما كانت في الماضي و المستقبل
كما ان الاعتذار الوارد من قبل ادارة الموقع هو واجب نظراً لعدم حذف الموضوع بالوقت المناسب، و ليس بسبب ما جاء بالمقالة
إذ ان الموقع، و بحسب اتفاقية استخدامه، لا يتحمل أي مسؤولية عن المواضيع الواردة فيه بل هي تعبر عن رأي صاحبها فقط (كما ذكر أحد الأعضاء مشكوراً)

ولكم جزيل الشكر

بدية شكراً للأستاذ على الرد :

عندي كذا تعليق ......

بس المهم فيهم :


بالنسبة لموضوع الاخ حسون فقد تم فعلاً إنذاره مسبقاً داخل الموقع مرة على الأقل( وهي كافية بالنسبة لللسياسة المتبعة)، كما قد تم تنبيهه وجهاً لوجه مرات عديدة و فالج ماتعالج



الانذار وجهاً لوجه خارج نطاق الموقع ... و التصرف يكون خارج نطاق الموقع ...يعني يلي وجه الانذار لحسون ع الارض يتخذ بحقو الاجراءات مكان تنفيذ الانذار

الانذار مرة وحيدة بالموقع غير كافي للطرد و الغاء العضوية .....لايوجد قانون محدد ....و بالتالي نلجأ للعرف العام بالمنتديات الاخرى
تنبيه ...انذار ....انذار مع توقيف عضوية لمدة كذا ....انذار آخر مع إطالة مدة العقوبة .....أنذار آخير .....بعدها الفصل



باقي الموضوع ليس من اختصاصي .....و لكن كان بإمكانكم الرد على حسون بمقاله ( الكاذب ) حسب زعمكم

و ليس الانتظار ثم الخروج بفرمانات و قوانين لم نسمع بها سابقاً

كما ان الموضوع الذي يشير إليه حسون هو ليس من إختصاصه فالتحكم بأموال أي مؤسسة كنسية هو من إختصاص راعيها المحدد ضمن النظام الداخلي و القانون الكنسي و ليس لأحد من خارج هذه المؤسسة مساءلتها بالطريقة التي تتصرف فيها بأموالها


الكلام جميل جدا
عم شوف بهل الكلام بصمات قمعية متل لما بيسأل عضو مجلس شعب سوري عن مصير النفط بيقولوا سكوت ومادخلك النفط في أيدي أمينة طيب أذا كان مقال حسون بيفتقر للمصداقية بنواجهو أو بنقلو عيب تحكي هيك حكي بدون دليل
مو نقمع الزلمة
يعني الأخوية هي مؤسسة تعليمة أخلاقية هيك على حسب علمي ترعى أمور الشباب وأذا شي شب تطاول على شخصية دينية أو مجمع كنسي لا زم هل الشخصية أو المجمع تستوعب هل الشخص وتناقشوا وأذا كان على خطأ بتغفر الخطأ
لأنو الدين المسيحي دين المسامحة والمحبة (أذا السيد المسيح سامح اليهود وهني عم يصلبوا) وقفت على كم كلمة حكها حسون

بعدين أنا اشرت إلى شغلة كتير مهمة وكتير عم نعاني منها وهي شغلة حوار الأديانيا أستاذ مر على حوار الأديان وشوف الأبطال هنيك شلون عم يتحاوروا
ما خلو ستر مغطى على المسيح ومحمد والله لازم ينحط حد هنيك لازم يتعلموا مبادئ الحوار الجاد
وحياتك لما بمرق لهنيك بحس حالي قاعد بش حارة كل الولاد يلي فيها زعران
أو بلمشرمحي بحس حالي قاعد بكبريه
لازم أذا في موضوعية بلموقع هل أعضاء يلي عم يخربو جو النقاش الديمقراطي بحوار الأديان ينحطوا عند حدون
وبكرر أنا عند أسماء ومقالات بتشيب الشعر

مرة تانية الرجاء كل الرجاء معالجة قصة حسون
بموضوعية وعدم أصدار أحكام عرفية ليس لها علاقة بجو الأخوية الديمقراطي

ولكم جزيل الشكر :D :D :D

عفواً يعني ما حدا يفكرني طلعت عن الموضوع

بس انو بقولولك و الله انو عقوبة الاعدام مطبقة ...بسي بلد يعني ....معناتا انو هالبلد ما بيحترم حقوق الانسان :confo:

انا شخصياً مع عقوبة الاعدام ....اذا كان لا بد منها يعني ....لأنو مصيبة وقت بكون الواحد كتير شيوعي و كتير متمسك بالكرسي ...الكرسي البطريركي قصدي ..... و غنيلي بودعك :D

له له له يا جماعة....
أنا ما كان على بالي يصير كل هالشوشرة من ورا القصة!!!
يعني حسون ليس أول شخص ولم يكون آخر شخص يتم إيقاف عضويته في موقع أخوية...

ولكني أريد أن أعبر عن شيء من مبدأ إزالة الالتباس:
ربما وقع لغط لغوي بالموضوع... فكلمة إلغاء عضوية حسون لا تعني ولا بأي شكل من الأشكال حذف حسون من قاعدة البيانات... كل الفكرة هي إلغاء دخوله إلى الموقع لفترة من الزمن (وذلك حسب ما أعتقد قانوني مئة بالمئة وفقاً للأمور المذكورة سابقاً)...

ولكن، ومن قراءة تعليقات الأخوة الأعضاء أحسست أنه قد تم فهم الموضوع بطريقة خاطئة... فإذا كان الأخوة قد أساؤوا الفهم فقد تم الإيضاح وإذا كان الخطأ هو خطأ في أسلوب كتابتي فسامحونا... :D

أعيد لمن التبس عليه الأمر: سياسة الموقع كانت ولا تزال مع حرية التعبير والحوار ولكن ضمن الشروط المنصوص عليها ولا داعي لإعادة ذكرها الآن... وبما أن حسون قد تم إنذاره سابقاً وتكرر الأمر، لهذا تم ((إيقاف)) عضويته... ((((وليس شطبه من قاعدة البيانات))) كخطوة دستورية ينص عليها قانون الكتابة في أخوية نيت...

شيء أخير... شكراً على اهتمامكم بموضوعية وديمقراطية أخوية نيت....

:D :D

كما قد تم تنبيهه وجهاً لوجه مرات عديدة و فالج ماتعالج

تم تنبيهه لماذا
لكي لا يقول الحقيقة
حسون كان يقول الحقيقة بموضوع عصر الأخوية الجراسي و أنتا يا أخ أستاذ بتعرف هالشي

الموضوع المحذوف تناول أشخاصاً بالإسم

هالحكي غلط

و أشار صراحة إلى مؤسسة كنسية خيرية تعليمية

هوي ما عم يهاجم هامؤسسي
هوي عم يدافع عنها
و إنتا سيد العارفين يا أخ

لكن الأهم هنا أنه أشار إلى وقائع مرتبطة بأموال مفصلة بالأرقام و هذا بالعادة أمر يدعم المقالة و يرفع من مصداقيته

حلو هالحكي

لكن واقع الحال أن هذه الأرقام لا تحمل أدنى درجات الموثوقية و المصداقية

هالأرقام هوي جايبها من تنين ما من مصلحتون أبدا مهاجمة الخوري

و المتحدث هنا هو المسؤول المالي السابق في هذه المؤسسة، و أحد رؤوس حراب المعارضة الحاليين بالأخوية و الذين يعتبر نفسه حسون من أنصارهم

هالحكي مظبوط
و لو هوي ما بيعرف هالشي كان زعل منكون

كما ان الموضوع الذي يشير إليه حسون هو ليس من إختصاصه فالتحكم بأموال أي مؤسسة كنسية هو من إختصاص راعيها المحدد ضمن النظام الداخلي و القانون الكنسي و ليس لأحد من خارج هذه المؤسسة مساءلتها بالطريقة التي تتصرف فيها بأموالها

بس حسون أحد أبناء هذه المؤسسة
و يغار على هذه المؤسسة

إذ ان الموقع، و بحسب اتفاقية استخدامه، لا يتحمل أي مسؤولية عن المواضيع الواردة فيه بل هي تعبر عن رأي صاحبها فقط

هالحكي غلط
هادا رأيكون قبل ما يكون رأي حسون

يعني حسون ليس أول شخص ولم يكون آخر شخص يتم إيقاف عضويته في موقع أخوية...

بس حسون انظلم بإيقاف عضويته من الموقع

كل الفكرة هي إلغاء دخوله إلى الموقع لفترة من الزمن

و قديش رح بتضل هالفترة من الزمن

سياسة الموقع كانت ولا تزال مع حرية التعبير

كانت إيه
بس ما لا تزال

انا مع حذف الموضوع

بس ضد حظرو عن المنتدى


الحرية مو معناتها انو ينسمحلك تغلط على غيرك
انا قريت الموضوع اللي كتبو وبنظري هوي غلط بالشي اللي عملو
وغلط بكتابة الموضوع

على كل حال بتمنى من الادراة تعطيه فرصة اخيرة :aah: :aah: :aah:

على كل حال بتمنى من الادراة تعطيه فرصة اخيرة

و الله يا معلم انت مو بالطبخة هاد الموضوع خارج نطاق النت :?

بس انا متلي متلك :roll:

:shock: :?
شلون خارج نطاق النت

هلق اتقلع من انو اخوية

ولي ما تجنني

يعني حسب ما فهمت
تقلع من اخوية برات النت قام بعدها اتقلع من هاي الاخوية

ولا غير هيك :oops: :aah:

:roll:
مبلا هيك :roll:

:? مبلا هيك :?



:aah: :aah: :aah:

:shock:
شبك :?

ليش معصب

تحياتي إلك أبو النسيم
و مشكور كتير


ولا يهمك اخ حسون كلنا معك انا وابو النسيم
وعلى راسي ابو النسيم على هالراي الحلو
:D :D :D :D

انا قريت الموضوع اللي كتبو

إنتا قريت غير موضوع
الموضوع يلي إنتا قريتو إسمو طوبى لكم

إنتا قريت غير موضوع
الموضوع يلي إنتا قريتو إسمو طوبى لكم




ايوا اي مو مشكلة كلو منيح
معناها اعملولو حظر :jakoush: :)

معناها اعملولو حظر

ما ناقص غير أنو الإدارة يسمعوا كلمتك

ما ناقص غير أنو الإدارة يسمعوا كلمتك


الحكي ببلاش وما حدا سامع
شو المانع نحكي :jakoush: