ومتل ما وعدنا سابقا بموضوع الو علاقة بالطنطات .. انو رح نزل مسلسل عن شب طنط .. رح بلش اليوم بحلقة التعريف ع شخصيات المسلسل...:larg:





ملاحظة:جميع شخصيات الحلقات من وحي الخيالولا تمت بصلة للواقع.....نو ايفينس
شخصيات الأحداث:حموده: شبمتكتك و اوه لالا...... عمرة 20 سنه.....وحداني عند المامي والبابي.....ما الو حداالا بوتشي(الكلب تبعو) وتتيانا(حبيبة قلبه) والx5 اللي جابلو اياها البابا بعيد ميلادو ال10 (الله يرحم ستك لما كانت تركب الحماره وهيه نازلة علىالوادي)

تاتا : صاحب حموده (his soul mate) الإسم الأصلي طارق لكن الدلع تاتا(طاطا)

تتيانا: حبيبة حموده وما الو غيرها وهيه عاد مش شايفيته اصلا

ميزو: صاحب حمودة بالشلة(برضو اسمو الأصلي مازن بس هاد الاسم الفني)

لارا:صاحبتهم بالشلة....بنت امورة وسبور ولابسة من غير هدوم....بس ياالله شو انها ستايل(يرحم جدك وهو لابس دشداشة مرقعة)

سوزي: كمان صاحبيتهم بالشله....بنت كتير كربوجة

سهيلة : بنت بتحب حموده بالجامعه وهو مومعبرها

المامي والبابي : مش موجودين اصلا دايما طاشين!!





<<to be Continue

الحلقة الأولى:

المشهد الأول:(الشلة قاعدين عالسكوير بالجامعة: حمودة و تاتا و ميزوو لارا و سوزي)

تاتا: مالك حمودة.....واتس اب.......وين سرحت؟؟؟

سوزي: اكيد بفكر بتاتي(تتيانا) خلس حمودة...لا تفكر فيها.....دونت كير....هي اسلا ما بتستاهل....دونت ووري...اسلا البنات كلهم بتمنوا نزرة منك!!!


(في هذه اللحظه سهيله تراقب من بعيد وتتحسر عا شبابها وعالعشر ليرات اللي صرفتهم لجابتلها هدمة جديدة عشان يلاحظها حمودة)

حمودة: نووو......بليز.....لا تحكوا عن تاتي هيك...هي اسلا بتمر بفترة انتقال للمشاعر ومش عم تعرف شو بتعمل(اسم الله عليك افلاطون)خلس غيروا المودوع.......شو...وين السهرة اليوم؟؟


ميزو : اتفقنا نروح عالبلو فيج.........مع انو تلعت روحنا منو قد ما بنروح عليه...اففف(مع حركة بايدو وهو برفع شعراتو عن وجهوا)


لارا: تيب اي ساعه؟؟؟بليز خلوها بكير لازم اروح بكير اليوم عشان ما لازم اتأخر....بابي ساير هالأيام كتيير ستريكت


حمودة : زي دايما عال 11 بنروح....بس لا تخافي قبل الساعة 1 بتكوني بالبيت


تاتا : معلش لارا لا تزعلي مني بس يعني البابا معو حق.....سيريسلي.....هالأيام الدنيا سارت بتخوف وما في امان...ويعني عشانك بنت وسمعتك بالدنيا(خايف عليها يقبرني)


سوزي : تيب تبيب....ما قلتولنا كيف رح نتلع؟؟؟؟؟؟بدكم تتلعوا بسيارتي ولا مع مين؟؟


حمودة : بنتلع بالx5 تبعتي .....وبالبيتل تبعت تاتا....سبايا بلاش تجيبوا سياراتكم.....اتس اوك


تاتا : بس البيتل اليوم خربانة....معلش لو جيت بالفور ايز تبعت بابا؟؟


لارا : لأ شو؟؟؟نو وييي....بدك يحكوا عنا ختايره؟؟؟ بليز ما بتيق هالسيارة يقتعها شو معتة...خلس انا بجيب الفور ويل تبعتي وخلس....


حمودة:اوك اتفقنا.......بنشحت (بنشحط) شوي ع دوار عبدون وبعدين بنكمل عالبلو فيج اوك؟؟؟

الكل:اوك


ويتفرقوا كلٌ لمحاضرته.




<< To Be Continue

:larg:

ايمتى مواعيد هالمسلسل يومي أو أسبوعي
علشان نتابعو با ينتو فيه كثير أحداث ;)

ايمتى مواعيد هالمسلسل يومي أو أسبوعي
علشان نتابعو با ينتو فيه كثير أحداث ;)

والله ما الو وقت محدد يعني يمكن كل يوم يمكن كل اسبوع ورح تمد معنا حلقات تستنو فيها لاشهر او سنين ...عادي ما تستغربي.. هوي باب الحارة احسن منا ؟؟...:lol::p

تابع الحلقة الاولى :

المشهد التاني (بلو فيج)
سوزي :افففففف هالأغنية شو سارتفايعة...وين ما نروح بحتوها.....ساروا حتى اللي بالجاردنز يحتوها....(تقولي قرفانةمن مخيم الجاردنز)


تاتا: عاد اغنية usher هاي اول ما تلعت كنت كتير بحبها بسلما سار الكل يسمعها كرهتها...يالله الواحد ما بقدر يستفرد بشي!!

حمودة: شو ميزو.......لساتك ع موبايلك القديم؟؟؟ما بدك تغيروا؟؟؟؟دخيلك حتى الشفير تبعنا سار عندو نوكيا 6600!!

ميزو : والله حتى مامي سارت تقرف منو وشفقت علي... بس خلس هاد الموبايل بحببو كتير الو زكريات معي(تقول صاحبته ولا حبيبته)

لارا : شباب شباب تجمعوا سوا بدي آخدلكم سورة سناب شوت......يلا ون...تو ....ثري.....ياي شو كوول السورة

سوزي : يي عليك يا تاتا ليش هيك نكشتلي شعري بالسورة؟؟؟؟(والله و ماخد عليها عين)

(فجأة تدخل تاتي البلو فيج وتمشي مع صاحبها وتجلس امام طاولة حمودة وتجحره جحرة اخت شلن)

ميزو : اه حموده خليك معي .....ايش رأيك نتلع نزبتلنا كمن بنت ونيجي؟؟طبعا حمودة وقف قلبه بطل يرسل ولا يستقبل!!!!!وترقرقت الدموع في عينيه....:cry:

لارا : لا حمودة....لا تبكي.....بي امان........روح عندها وقلها انك مو عاجبك اللي بتساويه ويقوم حمودة ولايعتب....ويمشي نحوتاتي....

يمشي...

خطوة......


خطوة..........


خطوة..................
بوووووووووووووووووووووم يقع حمودة على وجهه امام طاولة تاتي و صاحبها... تضحك تاتي وصاحبها وتقول: ييييييييييييييييييييييييي ييييييييييييييييي
لاااااااااااااااااااااااا ااااااااااااااااااااااااا

تاتا: حمووووووووووووووووووووووو ودددددددددددددددددددددةةة ةةةةةةةةةةةةةةةةةةةةةةةةة ةةةةةةة

يخرج حمودة من الكافيه......ويهرب..........نعم.... ...قرر......... ...لاتراجع....صمم (تقول انو صمم صاروخ:o)........ ..هذا هوالحل:cry:حمودة قرر يرجع ع البيت وما يطلع من غرفته.........

ما رحيحكي مع حدا..........

ما بدو يشوف حدا..........حتى بوتشي حبيب قلبو قرر ينتحر!!!!!!!!!!!!!!!!!!!!!!!!

شو رح يصير في الحلقة الجاي ..؟؟

ماذا يفعل حمودة؟؟؟؟هل ينتحر؟؟؟؟هل يلحقه تاتا ويوقفه؟؟؟؟؟؟هل ستحبه تاتي؟؟؟؟؟؟وماذا عن سهيلة؟؟؟؟؟؟؟تابعونا في الحلقة الجاي من يوميات شب طنط..






<< To Be Continue
:larg:

هي هي هي .. حلو .. رح نكملو .

واللهي العزيم شكلو حلو هالسيريز
ياي
بس ما نسير نحكي متلن لهدون الغليزين التنتات

إي ..... نشالله بدك تقضيا اعلانات بين الحلقات ... يرضى عليك لا تعل قلبنا،، بس مايغرق حالو بكاسة مي او يشنق حالو بخيط،،،،

الحلقة الثانية



المشهد الاول(حمودة قاعد بغرفته ومسكر ع حالو الباب عامل حالو حداد وحاطط اغنية Hello قال يعني ماشيه مع موده)




حمودة مع نفسه: خلس ....انس اوفر... تاتي عمرها مارح تحبني ....نووووووووووووو




دق دق دق ...



حمودة: مين ؟؟؟؟ انا قلت ما بدي اشوف حدا ...ليوز ليف مي الون!!!



تاتا: حمودة حياتي بليز افتحلي انا تاتا your soul mate ما بيسير اللي بتعملو بحالك...



حمودة: لأ تاتا .... انا خلس بدي انتحر !!:shock:



تاتا: لا لا لا لا لا لا لا لا لا لا لا لا لا





حمودة: خلس تاتا انا رايح.... سلملي ع الشلة كتير وقول لتاتي اني كنت بحبها كتير ... بااااااااااااااااااااااي.. .:cry:




(يحاول تاتا خلع الباب ببوته ال caterpiller لكن دون جدوى .... كمان مرة ويساعده في العملية بوتشي الكلب المخلص .... ويفتح بوتشي الباب )....





و.........................................














لااااااااااااااااااااا...... ..................






حمووووووووووووووووووووووو وووووووووووووووووووووووود دددددددددددددددددددةةةةةة ةةةةةة





لأ ....سمم حالو ...:cry:





شرب عصير زاكي ابو العشر قروش ...:o





وبسرعة البرق اجى الاسعاف .... واعطوه حبة بروفين .... والحمدلله ....عاش حمودة ....

المشهد التاني(حمودة بغرفته وحواليه الزوار من شلتو ..)

سوزي: يعني الله ستر ...زاكي؟؟؟ عسير زاكي مرة وحدة ؟؟؟؟!!!(تقول اخد جرعة كوكائين)... لولا ااتي ولا كان سار شي مو منيح ...


لارا: خلس حمودتي.... انا بكرا بجيبلك احلى بنت بعبدون والسويفيه كلها وحدة بتستاهلها ...

حمودة : خلص حبايبي ... تاتي نسيتها .. i got over her .. الله يهنيها وين ما تروح ....

ميزو : ايوا هيك اللي بيفهم ... تيب لازم اعزمكم بمناسبة انو حمودة تاب(طاب) الايس تي علي اليوم ...

تاتا: وانا علي الكوفي رول..!!!

دق دق دق ( اليو يوم المفاجأت)

الكل يشهق ويستنكر .... نعم .... انها سهيلة ... اجت تطل على حمودة في ردائها الفوشيا ....


سهيلة: ريتو الف حمد الله ع السلامة يا محمد ... ريتني انا ولا انت ... يا حزين يا مسخمط ...


حمودة مصدوم :shock:... والشلة قرفانة:yaa3:.... يستغرق حمودة في لحظة صمت .....


ثم ...................



حمودة: بليز شباب فيكن تتركونا لحالنا ؟!!!!
يخرج الجميع وهم مصعوقون ...... وسهيلة مش مصدقة حالها ... قالتلك الفوشي عمل عمايلو....:oops:


حمودة: شو قلتيلي اسمك؟؟ سهير ؟؟؟

سهيلة : لا... محسوبتك سهيلة .... بدلعوني سهلولة ..!!!

حمودة: اه سوسو ... خلس هيك بي اسميكي .... اسمعي بدي ادخل بالمودوع ع تول ...... ممكن تساحبيني ؟؟؟!!!!


داداداداداداااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااا

معقول ...؟؟؟؟ حمودة يحب سهيلة ؟.؟؟؟ وشو بالنسبة للحسبة ؟؟؟ قصدي لتاتي ؟؟ خلص نسيها ؟.؟؟؟ وشو موقف الشلة منو ؟؟؟ تابعوا معنا احداث الحلقة الجاي من يوميات شب طنط ....




<<<To Be Continue


:larg:

يلا مثنى..بصلتي محروقة وبدي اعرف شو صار مع حمودة..كوني متضامنه معو روحيا واخلاقيا:gem:

ع قولة علوءة ابو جوزيف لا تكتر الاعلانات بعدين بيصير المسلسل ممل :jakoush:


ام السوس تيجي ناخد القصة بعين الاعتبار ومنصورها مسلسل؟:yahoo:<<< منفوت للشهرة من بابها الرئيسي هع :ss:

بس من هلا انا بدي حبو لحموده:sosweet:اخخخخخخخخخخخخخ� � على طولي انا

حلو حلو
يلة حاج تحرقلنا أعصابنا بدنا نعرف التكملة
شو رح يكون موقف الشلة من الموضوع
يمكن كلهون ينتحرو...
سهيلة؟؟؟<<<حتى بباب الحارة ماكان في وحدة أسمها سهيلة؟؟..سهلولة(دلع:shock:)

MaRy

الحلقة الثالثة(الاخيرة)

(حمودة قاعد مع الشلة بسكوير الجامعة وفي نقاش حاد )
سوزي: لأ ... مو معئول ؟؟....... سهيلة ؟؟؟؟!!!! يععععععع ... حتى اسمها كتير مؤرف(يختي عليك يا نظيف يا ليزي يا رايق )

ميزو: حمودة شو هاد ؟.... بشو كنت تفكر ؟؟... ونحنا وشرف الشلة تبعتنا؟؟( على اساس بيعرف الشرف اصلا ابو شرف:o)...
حمودة: يا شباب ويا سبايا بليز لا تدغتو (تضغطو) علي كتير ... لا تعملولي اوفر لود ... انا عارف شو بعمل وبعدين بتعرفو...

تاتا: لك مشان الله حبيب قلبي ... فكر منيح ... مستقبلك .. هيك داااااااع !!!!:cry:(تقول انو رايح يفجر حالو :lol:)...
يارا: وبوتشي شو رأيو بالمودوع؟؟؟
حمودة: مو موافق... بس بعدين بفهم شو قسدي (اهم شي موافقة الكلب..)

(أتي سهيلة في ثوبها التركواز كنوع من التغير وتغمز لحمودة من بعيد )

سوزي: يعععععععععععع مؤرفة كتير ...
حمودة : هلأ بتشوفو ....هاي سوسو حياتي تعالي نتمشى انا وانتي... وقف قلبها سهيلة من الفرحة وعيونها بلشت ترف .....وسبلت هالعيون ....:oops:

سهيلة: شو حمادة ... على شو بدك تعزمني اليوم ؟؟؟ (داخلة ع طمع... خورفة من اول نظرة:o)
حمودة: انتي بشو نفسك.؟.؟؟؟
سهيلة :نفسي بصندويشة طحالات!!!!:shock:

حمودة: شو هاد ؟؟؟؟ برغر جديد ولا نغتس؟؟؟ :?

(يلمح حمودة في الافق البعيد تاتي وهي قادمة .... وتلمع عيناه ببريق غامض ... نيته عاطله)

سهيلة: يمااااااااااااااااااااااا ااااااااااااااااااااااااا ااااااااااااااااااااااااا اااااا:shock:
حمودة: شو في ؟؟؟؟
سهيلة: زيح غااااد ولا....دشر ايدي ... لا تتعدا حدودك لو سمحت....

حمودة(وقد اقتربت تاتي جدا حتى اصبحت ضمن المشهد):لا يا حياتي يا سوسو ... ما اسدي شي ... انا نيتي منيحة لاني بحبك ....:sosweet:


و
.
.
.
.
.
.
.
.
.
.
.
.
.

كاااااااااااااااااااااااا اااااااااااااااااااافصفعة على وجه حمودة .......





نعم كفخته سهيله كف أخو أختو.....سهيلة : اخص عليك ....اما وكاحة:sly:ثم.........














كمان كاااااااااااااااااااااااا ااااااااااااااااااااااااا ااااااافصفعته تاتي على وجه سهيله!!!!!!





تاتي : كيف بتسمحي لحالك تمدي ايدك على حمودتي؟؟؟؟؟؟؟؟؟
حمودة : تاتي!!!!
تاتي: سوري حمودة اني كنت متنشتك شوي بس كنت بدي شوف شو بدك تساوي وأديش غلاوتي عندك..........بس لهون وبس.......خلس فاد فيي الودع.........لازم نرجع لبعد حمودتي(ينعن عمري ان شالله اموت طخ بمسدس مي وقول احححححححح:sosweet:)
حمودة : تاتي......حياتي................وترقر قت الدموع في عينيه:cry:..



و.............................

توووووووووووووووووووووووو ووووووووت


(................................................. .................................................. ........)مشفر


وهكذا عاد حمودة الى تاتي بالسلامة واخيرا منحته حبها......وباركت الشله هذه الصحبة وتمنوا لهم الخير واليمن والبركات......



اما سهيلة فلا حس ولا خبر بعد هداك الكف...والله بعتلها ابن الحلال اللي ضبها في البيت ...وهي تعيش في ذل كنفه في مخيم شنلر............والله رزقها بعر ولاد.............وبس



تابعونا في الموسم القادم مع مسلسل (يوميات شب طنط 2):larg:

اسرة المسلسل...:ss:

يااااي النهاية كانت بتعئد حبيتا كتير
وتاتا طلعت بتضرب كفوف ؟ الحمد لله ما انتزعت ايدا كانت الصبية هلاء بالمشفى :sick:








منشكر كل من شاهم بهالمسلسل من ممثلين ومنتجين ومخرجين وكاتبين سيناريو
الى اللقاء في الجزء التاني من يوميات شب طنط :larg:

و.............................

توووووووووووووووووووووووو ووووووووت


(................................................. .................................................. ........)مشفر



بدنا الجزء المشفَّر، :lol: ليش عامل رقابة؟! :p
و الله رح نشتاقلو لتاتا، نفسي أشوفو أب :cry:، أكيد ال "تاتا" لزغير بدو يكون شغلة أكثر من أبوه :o

nice one keeeeeeeeeeeeeeeeeeeeeeep going

بدنا الجزء المشفَّر، :lol: ليش عامل رقابة؟! :p
و الله رح نشتاقلو لتاتا، نفسي أشوفو أب :cry:، أكيد ال "تاتا" لزغير بدو يكون شغلة أكثر من أبوه :o


لا عيب ..:pos:المشفر مشفر لو ما اتشفر..:pos: بعدين هالرقابة مشان ما نتخالف ...:p

اي ان شالله رح بتشوفيه لتاتا بس مش اب رح بيصير ام في الجزء التاني :larg:

nice one keeeeeeeeeeeeeeeeeeeeeeep going

عراسي ايفري كراسي ... نورت يا معلم .. وعن ازنك يا معلم .. ما تسبني اتكلم ..:larg:

وربي لو يصير هادا مسلسل لينجح اكتر من المسلسلات التركية ... :lol:

وربي لو يصير هادا مسلسل لينجح اكتر من المسلسلات التركية ... :lol:

اي بعرف بعرف ,,,:larg:

عراسي قسدرة لولو السفاحة ...:larg:

يسلمو
حلو

طيب وين صور تاتي وحمودة ...:jakoush:
شو هني اقل من نور ومهند يا بعدي :jakoush:

ياااااااااااااااااااااي يسلمو يا مثنى:clap:

عن جد كتير حلوه:yahoo: يسلم دياتك

ومستنين يوميات شب طنط 2:D

يسلمو
حلو
يا هلا...:D

طيب وين صور تاتي وحمودة ...:jakoush:
شو هني اقل من نور ومهند يا بعدي :jakoush:
الصور ممنوعة من العرض ... وما تسالني ليش..:larg:

ياااااااااااااااااااااي يسلمو يا مثنى:clap:

عن جد كتير حلوه:yahoo: يسلم دياتك

ومستنين يوميات شب طنط 2:D

عراسي هبوش ... ودياتك ...:D
اي استني استني ...:lol:

لك يعدمني ياكون كلياتكن...
تمن صفحات سبام وطق حنك معقولين ياجماعة؟؟؟

على كلن استاذ مثنى حلو حلو..
تابع ياابني:larg:

اي شايفة كيف رتوش .. احسن شي انو انحذف طق الحنك ...:p

اي بنكمل بس ع الموسم القادم ...:larg:

ثانكس رتوش ...:D

ههههههههههه بس كان بدنا تدعمها بصور

عم أستنى الجزء التاني

ههههههههههه بس كان بدنا تدعمها بصور

عم أستنى الجزء التاني

يا هلا ام السوس ...:D
خلص الجزء التاني بندعمو بصور ازا توفر زلك ..:larg: