عفواً منك خانم ... بس اذا انتي مآمنة بالدنية والآخرة والجنة والنار .... في كتير عالم غيرك ما بتآمن بهالشي .. وعهالأساس عندها الحياة فقط .. وعهالأساس كمان مانهن مضطرين يتعايشو مع أي حدا بيشكل خطر عليهن ... وتتحمل غلاظتو وتنسى ماضيه اعتماداً ع وعود مستقبلية بالآخرة والجنة والنار .. وكل مين بحالو ..

وللتوضيح أنا اقرب مثال لـ هالوصف الي كتبتو فوق.. وبظن من واجبك.. ومن حقي تحترمي معتقداتي ...

:D
اكيد بحترم معتقداتك بس يا ترى انت بتحترم الغير يعني بدكم الناس تستوعب الملحد والشاذ وغيرو وغيراتو بس ما بدكم تستوعبو الاخوان بعدين الكل بيحكي عن الاخوان حد فيكم جاب سيرة مدبحة حماة يعني سيطها وصل لعنا غريب انتو ما سمعتو فيها
كلامك مزبوط .. في حال كان فكر الاخوان فكر ديمقراطي .. بيحترم وجود الآخر
بس ..حزب الاخوان المسلمين ... حزب شمولي ... و بيشتغل على فرض آراءو عالآخرين

متل إقامة دولة أسلامية و تطبيق أحكامها على الكل ... و ضمن هيك نظام ما بيقدر الواحد ( متل ما قلتي انتي ) يروح عالمكان يللي بناسبو
حزب الاخوان حزب كبير حتى لو اطلعت بداخلو بتلاقي كل واحد بيمتلك فكر معين مع الحفاظ على القواعد الاساسية في منهم سلبي ما بيتقبل الآخر وفي منن غير هيك انت ازا شفت الجانب الآخر رح تغير رأيك ولا آخد موقف من اسم الحزب نفسو
هلق نحنا بدنا عيش بس هنن رح يتركونا ننعيش ابراهيم اليوسف ترك الشباب بمدرسة المدفعية يعيشو ما بعرف؟؟؟؟؟

انا ما عند مشكلة يصلي مين ما بدو طول النهار وما يشرب ولا يروح ع المسرح بس عندي مشكلة كبيرة إذا الاخونجي لغم المسرح وفجر المحل يلي بشتري منو العرقات وبصراحة انا ما عندي استعداد أغامر وأجرب القيادة الجديدة للاخوان(إلى أي مدى جديدة) لأنو ع قولة الشوام يلي بيجرب مجرب بيكون عم يعمل علاك مصادري
شوف هن ازا انتركو يعيشو ما رح يجو بحد واكبر دليل ما تحالفو مع امريكا على سوريا متل العراقيين المنشقيين اللي تآمرو على وطنهم

أول شي ....مو كل مين ضد الاخوان .. صار مع حزب البعث

أنا كلامي هو موجه للأناس اللي برفضوا واحد من هالحزبين و بؤيد الآخر فقط

تاني شي .. كوننا تحت حكم فيه كتير سلبيات ... ما بيعني اننا لازم نشجع كل الاحزاب السلبية ... بالعكس لازم نسعى للأفضل مو للأسوأ

مافي خلاف على هالحكي

تالت شي ...حزب البعث بكل سلبياتو ( يللي معظمها ناتج عن التطبيق مو عن النظرية ) بضل أفضل بكتير من أي حزب ديني طائفي

لا اسمحلي ما بؤيد هالكلام , هلئ الرفض للأحزاب الدينية الطائفية نابع من كونها رح تضطهد الأقليات الطائفية الأخرى في المجتمع يعني هلئ حزب الإخوان المسلمين السنة لو كانوا بالحكم كانوا ممكن رح يضطهدوا المسيحيين و العلويين و غيرهن, لكن بالمقابل حزب البعث نفس الشي تمام هو نظريا حزب قومي عربي موجود حاليا بالحكم و لا يعترف بل و يضطهد الأقليات القومية في سوريا خاصة التركمان و الأكراد , فهل برأيك انو الأقليات الطائفية في سوريا على راسن ريشة و لا يجوز المساس بهم بينما الأقليات القومية كالتركمان و الاكراد هن ولاد كلب مو مشكلة اذا ضلوا تحت أقدام حزب البعث الأسدي الارهابي

صحيح عم يضطهد كتير أقليات قومية ( متل ما قلت انت ) بس هالاضطهاد هو عبارة عن حرمان من بعض الحقوق ... و ما وصل لدرجة القتل متل ما وصل عند الاخوان

هو حرمان من كامل الحقوق مو بعضها ومن ناحية القتل الكل بعرف أنو حزب البعث هو حزب قاتل وعدد ضحايا حزب البعث من السوريين هو اكتر بكتير من الضحايا على يد الاخوان اي بمجزرة حماة وحدها مات اكتر من 15 الف سوري



والحرية لسورية من الاحتلال الاسدي

أنا مع فكرة استيعاب الاخر , ومع فكرة التعايش السلمي ولكن كيف سأتعايش مع إنسان يكفر ليس من يخالفه الدين بل من يخالفه المذهب ؟؟؟؟؟
أهم من كل شيء هو الفرد والوطن ، والفرد هو الذي يشكل الوطن ، كيف يكونالذمي في ظل دولة الإخوان المسلمين, وما هي حقوقه وواجباته ، هل سنعود إلى عهدة الفاروق عمر بن الخطاب لمسيحيي الشام عند دخول جيوشه إلى عاصمة الشام أم ماذا ؟؟؟؟؟
ما هي طريقة الشورى التي ستأتي بأمير المؤمنين ؟ هل هي شورى تعيين أبو بكر الصديق أم شورى وصول الفاروق عمر بن الخطاب أم شورى عثمان بن عفان ، أم طريقة وصول علي بن أبي طالب ؟
أم الطريقى الفضلى هي طريقة وصول معاوية وما أدرانا ما طريقة معاوية ؟ ام الطريقة الأكثر راحة بال وهناء والتي تقينا شر الفتن هي طريقة يزيد ومن تلاه من الخلفاء ، أمامنا ست طرق للشورى والديمقراطية لا أعلم إن كان بإمكاننا أن نعتمد عليها بعد إقفال باب الإجتهاد
ما هو مصير المؤمن الجليل أمثال سعد بن عبادة ؟ هل سيقتله الجن رمياً بالسهام لأنه يبول واقفاً , وهل سيستخدم الإخوان المسلمون الجن لعقاب من يخالف الشريعة التي يريدونها
هذا بالنسبة لأمر الشورى بينهم ولننتبه أن الشورى بينهم وليس بيننا
ما هو موقفهم من المرأة وعمل المرأة ؟؟؟؟؟؟
وهل يجوز أن استخدام العناصر من غير المسلمين لتبؤ مراكز قيادية او وظيفية في الدولة أم يجب العمل بكتاب الفاروق العادل عمر بن الخطاب إلى عامله في البصرة بعدم الإستعانة بالنصارى
(لا تدنيهم إذ أقصاهم الله، ولا تأمنهم وقد خوّنهم الله، ولا تعزهم بعد أن أذلهم الله)
والتي يفهم منها أن الله خون المسيحي وأذله والخخخخخخخخخخخخخخخ
وأهم من هيك رح يخلو الملحدين يربطو خصورهم حبل كالمسيحيين واللا رح يكون في تفريق بين الإثنين


حدا يرد علينا ويفهمنا شو أهداف هالحذب وشو مبادؤو وكيف رح تكون الدولة اللي بدو يعملها وشو نظرتو على الإنسان كفرد وكعضو في المجتمع , وكيف رح يتم تسمية الرئيس أو الخليفة أو الأمير واللي منّو
نحنا الوجه اللي شفناه منهم هوي اللي كان في سنوات الذبح والقتل والتدمير بينون وبين السلطة واللي راح طحيتو ناس من هالوطن معظمون ما إلو علاقة لا بهاد ولا بهداك
هاتو لشوف نورونا ياجماعة حتى ما نكون متل الأطرش بالزفة ويصير النقاش متل حمام مقطوعة ميتو أو ضاعة فيه الطاسة

اكيد بحترم معتقداتك بس يا ترى انت بتحترم الغير يعني بدكم الناس تستوعب الملحد والشاذ وغيرو وغيراتو بس ما بدكم تستوعبو الاخوان بعدين الكل بيحكي عن الاخوان حد فيكم جاب سيرة مدبحة حماة يعني سيطها وصل لعنا غريب انتو ما سمعتو فيها

صديقتي .....بحترم كتير رأيك بس سمحيلي وضح فكرة يمكن ما كانت كتير واضحة حتى بالنسبة إلي من كلام الشباب بس لإني بعرفهن فيني قلك شو كان المقصود من ورا حكين ...
صديقتي أنا مستعد إتقبل بالمجتمع أي شخص بشرط يكون بيتقبلني ...
يعني بواقع دولة للملحدين " مع إستنكاري للمصطلح " مو من المنطق يلغوا وجود غيرهم ولو رفضوا فلحنا ضدهن ...
نفس الشي بدولة المثليين -إفتراضا- مثلا ..ما رح يقدروا يلغوا وجود غير المثليين ولو حاولوا فلحنا ضدهن
أما الإخوان المسلمين ف فعليا و بأدبياتن بنشوف رفض وإلغاء للأخر ...لهيك فعليا بنشوف كتير من الشباب العقلاني " الملحد وغير الملحد " يخشى على عقلانيته وحتى على وجوده في ظل دولة الإسلام أو دولة الإخوان المسلمين
ولا نحتاج إلى أن نستذكر السلوكيات التي مورست ضد الأقليات وضد المفكرين في ظل الدولة الإسلامية وبتوقع لو إني ذكرت قصة المفكر جعد بن درهم "العقلاني" وكيف بيوم عيد الأضحى طلع الخليفة على المنبر وتحت المنبر مربوط جعد بن درهم وقال الخليفة على الملأ : ضحوا فإني مضحي بجعد بن درهم ...
أتخيل نفسي مكان الشيخ الوقور الملحد جعد بن درهم وليس لي سوى أن أقاوم وجود الإخوان في سوريا بشتى السبل
تحياتي لك ...
حدا يرد علينا ويفهمنا شو أهداف هالحذب وشو مبادؤو وكيف رح تكون الدولة اللي بدو يعملها وشو نظرتو على الإنسان كفرد وكعضو في المجتمع , وكيف رح يتم تسمية الرئيس أو الخليفة أو الأمير واللي منّو
نحنا الوجه اللي شفناه منهم هوي اللي كان في سنوات الذبح والقتل والتدمير بينون وبين السلطة واللي راح طحيتو ناس من هالوطن معظمون ما إلو علاقة لا بهاد ولا بهداك
هاتو لشوف نورونا ياجماعة حتى ما نكون متل الأطرش بالزفة ويصير النقاش متل حمام مقطوعة ميتو أو ضاعة فيه الطاسة

تماما يا صديقي ...تماما
هيدي الأسئلة اللي لحنا بحاجة لأجوبة عنها
تحياتي الحارة
ظل جيفارا

صديقتي .....بحترم كتير رأيك بس سمحيلي وضح فكرة يمكن ما كانت كتير واضحة حتى بالنسبة إلي من كلام الشباب بس لإني بعرفهن فيني قلك شو كان المقصود من ورا حكين ...
صديقتي أنا مستعد إتقبل بالمجتمع أي شخص بشرط يكون بيتقبلني ...
يعني بواقع دولة للملحدين " مع إستنكاري للمصطلح " مو من المنطق يلغوا وجود غيرهم ولو رفضوا فلحنا ضدهن ...
نفس الشي بدولة المثليين -إفتراضا- مثلا ..ما رح يقدروا يلغوا وجود غير المثليين ولو حاولوا فلحنا ضدهن
أما الإخوان المسلمين ف فعليا و بأدبياتن بنشوف رفض وإلغاء للأخر ...لهيك فعليا بنشوف كتير من الشباب العقلاني " الملحد وغير الملحد " يخشى على عقلانيته وحتى على وجوده في ظل دولة الإسلام أو دولة الإخوان المسلمين

ظل جيفارا
يعني كلمة صديقتي رح اعتبرها دعوة لصداقة وتقبل الآخر :D

شوف لقلك انا ما بدي الاخوان يحكمو ومو من مصلحتي لكتير شغلات
بس لقلك الملحد ما بيقدر يمنع المتدين لآنو الاصل انو الواحد يكون عندو نوع من العلاقة الخاصة مع ربو والارتباط الروحاني والفرع هو الالحاد
لهيك صعب الاصل يلغي الفرع والعكس غير صحيح
هلا نفس الكلام على الشواذ لأنو لو لغو الناس العادية رح ينقرضو الشواذ لأنو شاذ ما في تناسل واستمرارية
اما دولة الاسلام فكان وقتها على ما بظن ازدهار بالعلوم وكانت اوروبا تاخد منا علومها بس هلا احنا وين او لوين رح نوصل صرنا نخب تالت وبكرا بيسحبو منا لقب دول وبنصير عالم بلا خرائط
بتمنالك اقامة سعيدة بالاردن

بس لقلك الملحد ما بيقدر يمنع المتدين لآنو الاصل انو الواحد يكون عندو نوع من العلاقة الخاصة مع ربو والارتباط الروحاني والفرع هو الالحاد
لهيك صعب الاصل يلغي الفرع والعكس غير صحيح
هلا نفس الكلام على الشواذ لأنو لو لغو الناس العادية رح ينقرضو الشواذ لأنو شاذ ما في تناسل واستمرارية

الأصل انو الواحد يكون عندو نوع من العلاقة الخاصة مع ربو و الارتباط الروحاني و الفرع هو الالحاد؟

تبعيت "الشواذ" ما رح أرد عليها, لأنو هيك يعني... بس الأولى كيف زبطت معك؟

يا زميلة.... كونك صاحبة حس إيماني لا يعني انو العالم ماشي كما ترينه من منظورك, و بالتالي مو قواعدك هي الماشية فيعني بعتقد انو ما بيصير تحطي من عندك "أصل" و "فرع"...


أنا هيك رأيي...

الأصل انو الواحد يكون عندو نوع من العلاقة الخاصة مع ربو و الارتباط الروحاني و الفرع هو الالحاد؟

تبعيت "الشواذ" ما رح أرد عليها, لأنو هيك يعني... بس الأولى كيف زبطت معك؟

يا زميلة.... كونك صاحبة حس إيماني لا يعني انو العالم ماشي كما ترينه من منظورك, و بالتالي مو قواعدك هي الماشية فيعني بعتقد انو ما بيصير تحطي من عندك "أصل" و "فرع"...


أنا هيك رأيي...

ولو انت الاصل ياس
بس كيف رح قلك لو تركنا الناس على فطرتها رح دور على رب تعبدو حتى لو كان صنم يعني في شعور داخلي روحاني بحاجه الى شيء قوي نلجألو وقت ضعفنا وفرحنا اللي هو رب
وفعلا هدول هن الاصل
هيك التاريخ الانساني بيقول مو نور

بتقلّو ولك يا عمي تيس
بيقولك احلبو
ولك يا عمي مبين تيس
ما دخل احلبو
ولك يا عمي شو هيي المي
- المي هي المي
وكلنا بالهوى سوا
الشباب اللي عم يتهجمو على ديمقراطية الإخوان , والموضوع بيتعلق بالديمقراطية مو بحليب التيس ,يا ريت يقولولنا شو معتقدات الإخوان ونظرتو عليها , وإذا ما بيعرفو شو نظرتون يعني متل يلي بيقولك احلب التيس
ونفس الشي اللي عم بيدافع عنون , ياريت يشرف يقلّي كيف بيفكرو بالديمقاطية وشو بتعنيلون الديمقراطية
والفهيم اللي بيجي بيقلك البعث وغير البعث بدل ما يحلب التيس يعني أو يفس المي بعد الجهد بالمي
لو كان يشرف ينزل موضوع عن حزب البعث , مو بتقلو الجندي السوري عفس بلبنان , برد عليك والجندي الأمريكي عفس بالعراق وبصربيا ,
وآسف من صاحب الموضوع لخروجي عن الموضوع
وما حدا حلب التيس غير السوريين

إني أرى رؤوسا قد أينعت وحان قطافها
روحي انستري يا بنت
يا ويلك ما يرجع يزيد عالسلطة ويحط حبيبو الحجاج رئيس فرع الأمن تبع خمس خمسات شو بدو يصير فيكي
مابيسترجي يعملي شي بيخاف من جماعتي بني أسد:p

يعني كلمة صديقتي رح اعتبرها دعوة لصداقة وتقبل الآخر :D

شوف لقلك انا ما بدي الاخوان يحكمو ومو من مصلحتي لكتير شغلات
بس لقلك الملحد ما بيقدر يمنع المتدين لآنو الاصل انو الواحد يكون عندو نوع من العلاقة الخاصة مع ربو والارتباط الروحاني والفرع هو الالحاد
لهيك صعب الاصل يلغي الفرع والعكس غير صحيح
هلا نفس الكلام على الشواذ لأنو لو لغو الناس العادية رح ينقرضو الشواذ لأنو شاذ ما في تناسل واستمرارية
اما دولة الاسلام فكان وقتها على ما بظن ازدهار بالعلوم وكانت اوروبا تاخد منا علومها بس هلا احنا وين او لوين رح نوصل صرنا نخب تالت وبكرا بيسحبو منا لقب دول وبنصير عالم بلا خرائط
بتمنالك اقامة سعيدة بالاردن
صديقتي طبعا بتشرف بصداقتك ...وما كانت وما رح تكون الخلافات بالرأي مصدر عداوة ..ودايما في تقبل للاخر
بس حبيت علق على مجتزأ صغير ..أنا المعلومات التاريخية اللي بين أيدي بتأكد .-.وبتوقع ما في شي مطلق إلا من ناحية إطلاق قبوله أو رفضه - بس مع ذلك الباحثين اليوم بيأكدوا على إنو الإسطورة والدين والإعتقاد بما وراء الطبيعة هي مرحلة لاحقة من مراحل تطور البشرية ما ظهرت إلا مع ظهور الملكية الخاصة بس في البدء ما كان سوى الكلمة ...
تحياتي الحارة
ظل جيفارا

بس كيف رح قلك لو تركنا الناس على فطرتها رح دور على رب تعبدو حتى لو كان صنم يعني في شعور داخلي روحاني بحاجه الى شيء قوي نلجألو وقت ضعفنا وفرحنا اللي هو رب

طيب إذا كان الموضوع كذلك فمن حقنا نتعامل مع الدين على إنو موروث ثقافي انساني خصوصا إنو في كتير أقوام اندثرت وما عرفت الله (يهوه) وبضيف إنو مفهوم المعبود كان متنوع جدا من الإله الأنثى في العبادات الزراعية للإله الذكر في العبادات البدوية وارتبط هالموضوع مع تغير النمط الاجتماعي والهيكلية الأسرية.



وهلق إذا بدنا نتعاطى مع مسألة الإخوان المسلمين وعودتهم وعدمها وإنو هنن ضحايا الظلم والتشويه فأنا مع مجنون يحكي وعاقل يسمع بأن يتفضل أحد الزملاء المدافعين عن فكر وتوجهات الاخوان ويطلعنا على أهدافهم وأفكارهم وغايتهم من العودة.

طيب إذا كان الموضوع كذلك فمن حقنا نتعامل مع الدين على إنو موروث ثقافي انساني خصوصا إنو في كتير أقوام اندثرت وما عرفت الله (يهوه) وبضيف إنو مفهوم المعبود كان متنوع جدا من الإله الأنثى في العبادات الزراعية للإله الذكر في العبادات البدوية وارتبط هالموضوع مع تغير النمط الاجتماعي والهيكلية الأسرية.



وهلق إذا بدنا نتعاطى مع مسألة الإخوان المسلمين وعودتهم وعدمها وإنو هنن ضحايا الظلم والتشويه فأنا مع مجنون يحكي وعاقل يسمع بأن يتفضل أحد الزملاء المدافعين عن فكر وتوجهات الاخوان ويطلعنا على أهدافهم وأفكارهم وغايتهم من العودة.
غايتهم من العودة يفترض تكون واضحة كتير النا .. يعني حزب سياسي " عربي " شو الهدف من وجوده غير تسلم السلطة ..
بالنسبة الي الفكر الاخونجي مجرد ذئب مرتدي ثياب حمل .
بناديلك بالديمقراطية وحرية التعبير واحترام الرأي الآخر .. يا ترى لو وصل للحكم بده يتم عما ينادي بهلشي ؟ تاريخه ما ببشرك بالخير ابدا لا بل بخليك ترتعب وما تعرف تنام الليل كله من الجفلة الممكن تصيبك .

اهدافن تطبيق الديمقراطية لمرة واحد .. بيستلموا فيها الحكم .. وصلى الله وبارك .. لحتى يطالعوالك كل الخمير والفطير .

اهدافهم :shock:
ماحدى بيعطيك جواب لانو هنن هدول يلي عم يدافعو مابيعرفو عن شو عم يدافعو
بس هيك حبا بمبدأ خالف تعرف للشهرة بس :p

ولو انت الاصل ياس
بس كيف رح قلك لو تركنا الناس على فطرتها رح دور على رب تعبدو حتى لو كان صنم يعني في شعور داخلي روحاني بحاجه الى شيء قوي نلجألو وقت ضعفنا وفرحنا اللي هو رب
وفعلا هدول هن الاصل
هيك التاريخ الانساني بيقول مو نور

اذا رجعنا للدراسات الميثيولوجية والتاريخية فينا نعرف انو الانسان كما قال فراس السواح خلق الدين اولا.. لايجاد اجوبة عن اسئلة متعلقة بالحياة والموت ثم خلق الله كمبرر لوجود الدين .. يعني مرت عصور طويلة ما كان فيها لا اله ولا دين
انو فرع واصل..هي مو زابطة..
واذا كان العلمانيين بيسمحو للمتدينين انو يمارسو شعائرهون فهيدا لانو العلمانيين بيحترمو عقائد الاخرين..
اضافة لهيك في كتير ملحدين عندون كراهية متل الاسلاميين تماما وعندون رغبة لابادة المتدينين عن بكرة ابيهم..

أنا مع فكرة استيعاب الاخر , ومع فكرة التعايش السلمي ولكن كيف سأتعايش مع إنسان يكفر ليس من يخالفه الدين بل من يخالفه المذهب ؟؟؟؟؟
أهم من كل شيء هو الفرد والوطن ، والفرد هو الذي يشكل الوطن ، كيف يكونالذمي في ظل دولة الإخوان المسلمين, وما هي حقوقه وواجباته ، هل سنعود إلى عهدة الفاروق عمر بن الخطاب لمسيحيي الشام عند دخول جيوشه إلى عاصمة الشام أم ماذا ؟؟؟؟؟
ما هي طريقة الشورى التي ستأتي بأمير المؤمنين ؟ هل هي شورى تعيين أبو بكر الصديق أم شورى وصول الفاروق عمر بن الخطاب أم شورى عثمان بن عفان ، أم طريقة وصول علي بن أبي طالب ؟
أم الطريقى الفضلى هي طريقة وصول معاوية وما أدرانا ما طريقة معاوية ؟ ام الطريقة الأكثر راحة بال وهناء والتي تقينا شر الفتن هي طريقة يزيد ومن تلاه من الخلفاء ، أمامنا ست طرق للشورى والديمقراطية لا أعلم إن كان بإمكاننا أن نعتمد عليها بعد إقفال باب الإجتهاد
ما هو مصير المؤمن الجليل أمثال سعد بن عبادة ؟ هل سيقتله الجن رمياً بالسهام لأنه يبول واقفاً , وهل سيستخدم الإخوان المسلمون الجن لعقاب من يخالف الشريعة التي يريدونها
هذا بالنسبة لأمر الشورى بينهم ولننتبه أن الشورى بينهم وليس بيننا
ما هو موقفهم من المرأة وعمل المرأة ؟؟؟؟؟؟
وهل يجوز أن استخدام العناصر من غير المسلمين لتبؤ مراكز قيادية او وظيفية في الدولة أم يجب العمل بكتاب الفاروق العادل عمر بن الخطاب إلى عامله في البصرة بعدم الإستعانة بالنصارى
(لا تدنيهم إذ أقصاهم الله، ولا تأمنهم وقد خوّنهم الله، ولا تعزهم بعد أن أذلهم الله)
والتي يفهم منها أن الله خون المسيحي وأذله والخخخخخخخخخخخخخخخ
وأهم من هيك رح يخلو الملحدين يربطو خصورهم حبل كالمسيحيين واللا رح يكون في تفريق بين الإثنين



حكيت ببداية الموضوع انو الاخان المسلمين تيارات تياراااااااات يا جماعة وفي بهي التيارات ناس رفضو العنف واستعمال السلاح حتى بالثمانينات منون العطار والبيانوني.. لكن كما قال المفكر الاسلامي جودت سعيد "صوت الرصاص دائما اعلى من صرير القلم"
من جهة تانية ما بيجوز لاي دولة بالعالم تصدر قانون للاحزاب على اساس ديمقراطي ان تمنع اي حزب سلمي من العمل ببلده..
يجب مراجعة الاخطاء والاعتذار عما حصل من كل الاطراف وايجاد ضمانات لمنع اسعمال العنف مرة اخرى ..
اذا انا بتمنى انو ما يرجعو الاخوان فبكون عم عبر عن رغبة شخصية بحتة أما على ارض الواقع .. في العمل السياسي الديمقراطي لايوجد شي اسمه منع حزب من العمل على اساس ماضيه العنفي.. ومتل ما حكيت من قبل كان في احزاب يسارية بالبلد كمان كان الها تجربة عنف لكن ما ظهرت متل تجربة الاخوان

اولا سلامي للجميع مسلمين ( سنه وعلويين ) و مسيحيين ثم علمانيين
الموضوع مثير جدا مما دفعني للمشاركه دون تردد
اولا لست من الاخوان ولكني اسلامي . مع احترامي لباقي الافكار
قبل كل شي اريد ان اقول ان هناك بعض المندسيين الذين يتكلمون بصفه الاخوان واحيانا بصفات اخرى همهم الوحيد تحويل الحديث من حوار حضاري الى حوار طائفي و ارجوا من الاصدقاء عدم الالتفات لمن يهدد او يتوعد ...

وبعيدا عن هؤولاء هناك الكثير من التساؤلات :
منها : 1 هل يستحق الاخوان العوده ( في حاله الديمقراطيه الشعب هو صاحب القرار )
: 2 هل علينا كسوريين ان نترك القرار للنظام ( النظام يقرر لمصلحته الشخصيه مع او ضد , تماما مثل ممانعه اليوم وبكرا سلام و على كل الحبال )
: 3 هل من حق اللا دينيين ان يقرروا عن المتدينين ( او العكس )
4 هل نحكم على اخطاء الاخوان من القياده الحاليه ( انا شخصيا ضدهم السبب خدام ) او السابقه ( اظن ان الامور خرجت من يدهم )
5 هل كوني معارض للاخوان تجعلهم الاسوء ( اتمنا ان ننظر حولنا فالقتل جريمه نعم ولكن تحطيم شعب كامل اعظم جريمه

طبعا قبل ان يفكر الاخوان في العوده يجب ان يعود العمل السياسي الحر للبلد ثم ليتكلموا عن العوده
فالشعب هو من يقرر من يريد وبالتاكيد ان اي حزب سياسي سيعود للعمل سوف ياسس قواعد جديده
من الشباب و ستظهر وجوه جديده قد تستحق القياده , فان عاد الاخوان قد يظهرر قيادات جيده كما ظهر هنيه او حتى اردوغان , ولكن بعض الاصدقاء لا يعرفون المبادئ او المشروع الاخواني طبعاهو مشروع اسلامي ولكن ليس طائفي وليس لاستعباد الناس من اي دين او ملله وايضا لا يدعووا لتتحجر وانما اصلاحي وانا لا اقوم بدعايه لهم ولكن اقول رأيي و رؤيتي وللجميع الحريه في الاختيار

أسف للاطاله :D

وهلق إذا بدنا نتعاطى مع مسألة الإخوان المسلمين وعودتهم وعدمها وإنو هنن ضحايا الظلم والتشويه فأنا مع مجنون يحكي وعاقل يسمع بأن يتفضل أحد الزملاء المدافعين عن فكر وتوجهات الاخوان ويطلعنا على أهدافهم وأفكارهم وغايتهم من العودة.
شوف انا رح قلك بس بأكد انا لا مع ولا ضد الاخوان
هلا الاخوان فكر معين وبشكل جزء من النسيج السوري ما في مشكلة انو يتبنى الاسلام ويكونو ملتزمين على انن ما يتركو تنمية البلد والعمل لمصلحتو ويبلشو تكفير وتخوين بناس يعملو بجد ويوقفو بوش اي حد بيعادي البلد هون رح يضيفو شي لتنمية الوطنية
وما لازم من تجارب صارت في السبعينات نحكم على ناس هن ولاد ال2009
يعني اللي نولد هديك الايام صار عمرو بالتلاتين انسان بمتلك فكر قائم بذاتو وبرضو الاخوان ما يفوتو ع البلد وملف السبعينات قدام وشن وشايفين مواطنين الهم نفس الحقوق الدستورة اعداء
آخر شي لازم يكون عندن شعار سوريا اولا يعني هن بنهاية خاضعين لقيادة سورية مو لأي قيادة تانية وحتى لو كانت تحت مسمى الدين
غايتهم من العودة يفترض تكون واضحة كتير النا .. يعني حزب سياسي " عربي " شو الهدف من وجوده غير تسلم السلطة ..
بالنسبة الي الفكر الاخونجي مجرد ذئب مرتدي ثياب حمل .
بناديلك بالديمقراطية وحرية التعبير واحترام الرأي الآخر .. يا ترى لو وصل للحكم بده يتم عما ينادي بهلشي ؟ تاريخه ما ببشرك بالخير ابدا لا بل بخليك ترتعب وما تعرف تنام الليل كله من الجفلة الممكن تصيبك .

اهدافن تطبيق الديمقراطية لمرة واحد .. بيستلموا فيها الحكم .. وصلى الله وبارك .. لحتى يطالعوالك كل الخمير والفطير .
انت وقعت في اغلوطة التعميم المتسرع عم بتعطي حكم غيابي على هوا روايات انحكت الك من مقربين او مقالات او كتب معينه

وهلق إذا بدنا نتعاطى مع مسألة الإخوان المسلمين وعودتهم وعدمها وإنو هنن ضحايا الظلم والتشويه فأنا مع مجنون يحكي وعاقل يسمع بأن يتفضل أحد الزملاء المدافعين عن فكر وتوجهات الاخوان ويطلعنا على أهدافهم وأفكارهم وغايتهم من العودة.


يعني حتى لو حدا شرحلك توجهاتن و اهدافن رح تغير رايك فين؟؟ ما هو واضح من تعليقاتك بهالموضوع انو عندك فكرة مسبقة وثابتة عنن و خلص

ومتل ماقالت الصديقة ناي هني مو تيار واحد بل تيارات كان فين ناس مثقفين و متحضرين ورفضوا العنف بعز الاحداث متل عصام العطار اللي كان زعيمن و تنحى بعز الازمة ببداية الثمانينات لانو شاف انو ما عد يقدر يمنع جماعتو من الانجراف للعنف الطائفي, وطبعا النظام كافؤا على موقفو انو بعتلو ناس تقتلوا بالمانيا ولما ما لقوا قتلوا زوجتو, بتعرف ليش؟ لانو كل التطرف والعنف الطائفي اللي مارسوا الاخوان استفاد منو النظام لاقصى حد مشان هيك ما كان بدن اصوات معتدلة بالطرف الاخر

اهدافن تطبيق الديمقراطية لمرة واحد .. بيستلموا فيها الحكم .. وصلى الله وبارك .. لحتى يطالعوالك كل الخمير والفطير .


انا بتفهم تخوفك كشخص لاديني من انو يجي نظام يفرض عليك طريقة حياة ما بدك ياها

بس كانك لما عم تقول انو بدن يطبقوا الديمقراطية لمرة واحدة ويستلموا فيها الحكم عم تجزم انو لو صار في ديقمراطية في سوريا وسمح للاخوان بالترشح رح يفوزوا, وعلى فرض هالحكي صحيح هل برأيك هدا مبرر انو نبقى ندافع عن نظام ديكتاتوري بحجة انو عم يحمي البلد من وصول الاسلاميين للحكم؟؟

انا بتفهم تخوفك كشخص لاديني من انو يجي نظام يفرض عليك طريقة حياة ما بدك ياها

بس كانك لما عم تقول انو بدن يطبقوا الديمقراطية لمرة واحدة ويستلموا فيها الحكم عم تجزم انو لو صار في ديقمراطية في سوريا وسمح للاخوان بالترشح رح يفوزوا, وعلى فرض هالحكي صحيح هل برأيك هدا مبرر انو نبقى ندافع عن نظام ديكتاتوري بحجة انو عم يحمي البلد من وصول الاسلاميين للحكم؟؟
بقصد بأن ديمقراطية الاخوان فعل تنتهي ممارسته مع وصول حزب الاخوان للرئاسة
اكيد فوقت حزب الاخوان بنادي بقيمة الديمقراطية ما عما ينادي انطلاقا من ايمانه بضرورة ممارسة الديمقراطية وضرورة مشاركة الشعب باتخاذ القرار ... عما ينادي فيها لأن بشوفا وسيلة للوصول إلى الحكم او شبه وسيلة ..

الدفاع عن النظام غير مرتبط بالحكي اللي انا حكيته .. يمكن شعبنا غير واعي لفكر الديمقراطية والأغلبية في مجال السياسة بيحملوا فكر طفولي وتحليل ساذج كتير .. هلشي ما بيعني اني ارفض وجود الديمقراطية ، رفضي كان عن الديمقراطية الاخونجية المنادة فيها لا اكتر ولا اقل .

مين اللي قال انو الاخوان المسلمين هنن تمثيل لحكم الاسلام وانهم ممثلين لكل المسلمين ؟؟ .. وانهم هنن الطريقة والاسلوب الوحيد اللي خيكون عليه حكم الاسلام اوا استلم امنور الدولة ؟

الاخوان تيار قائم عالاسلام (سواء كان فعليا او نظريا) ... لكن ممارساته وادبياته وافكاره مو بالضرورة (او فعليا) تمثيل فعلي لطريقة الاسلام بالحكم !!!


الاسلام كدستور حياتي ماكان ولاحيكون بيدعي لالغاء وجود الاخر شو ماكان ... أما الاخوان المسلمين فهدول حكاية تانية !!


بالمختصر ... الاخوان المسلمين مو تمثيل للاسلام ... متل ما الصهيونية واسرائيل مانهم تمثيل لكل اليهود بالعالم ...


وشخصيا.. بعتبر الفكر الاخونجي "غبي" ... والا ماكان عملو اللي عملوه وقلبو قلوب الناس عليهم ..




على الهامش : ياريت حدا من الشبيبة يحطلنا روابط لمواضيع قديمة هون بالاخوية ناقشت تاريخ الاخوان وافعالهم


وتحية لكل شب سوري خايف على وطنو وعلى ارضو ... :D

انا ماعندي اي ثقة بأي حزب مبني على أساس ديني أنو يحكم بلد لانو البلد فيها تنوع كبير جدا وأكيد البلد اذا حكموها راح تنحكم بطريقة دينية واللي شاف حقلة بالعربي مع مرشد جماعة الاخوان بسوريا البيانوني بيعرف انو غايتو يطبق الحكم الاسلامي بسوريا وبعدين بالدول المجاورة
:D

كل مرة نسأل نفس السؤال ...

بس طالما تسائلنا عن الفكر الاخواني على مدى العالم العربي ...


ما هو دستور الاحزاب الاسلامية او حركة الاخوان المسلمين ؟؟ زو كيف نتعامل مع ناس لا يؤمنون بالدولة كدولة حقيقية طالما هي قوانينها وضعية و لا تطبق القانون الديني (ما رح اقول القانون الالهي) ...

يعني ممكن يتجاوز كل القوانين المدنية و الجنائية ... طالما انها ليست دينية او شرعية ... اي اسم حط ببالك


عن تجربة مع ايديولوجيات عدة احزاب اسلامية ببلدي

الاخوان بيسيئوا لسمعة كل انسان مسلم مؤمن بالله واحداً وبالرسول محمد..

الرسول عليه الصلاة والسلام حذر اكثر من مرة بأن يعطي المقاتل ذمة الله في حربه..فلو هجم مثلاً,فلا يدخل الله بالنص ويقول احنا عملنا كذا علشان رب العالمين !..

هالاخوان حاطين على نفسهم حصانة,وهي انهم جنود الله..فنبلقاهم زي كنيسة القرون الوسطى في اوروبا,بتقتل وتنهب وتسرق وتقول هذا امر الله..فبالتالي لابد ان الشعب يثور عليهم ان عاجلاً او آجلاً..واظن انه ثائر عليهم بالاساس..

وزي ماقالوا الاخوان,دول سياسيين وعايزين الحكم.....بيستعملوا الدين فقط كمجرد وسيلة لتخدير الجماهير وضمهم

مشان الله شباب ما تنخدعوا بالاسم، الإخوان المسلمين جماعة مادية سياسية بحتة، بس بيعرفوا نقطة ضعف شعبنا العربي، واستغلوها.
آسف ما قدرت اقرأ ولا رد، لأن بس حبيت علق عالموضوع الأساسي.

شوف انا رح قلك بس بأكد انا لا مع ولا ضد الاخوان
هلا الاخوان فكر معين وبشكل جزء من النسيج السوري ما في مشكلة انو يتبنى الاسلام ويكونو ملتزمين على انن ما يتركو تنمية البلد والعمل لمصلحتو ويبلشو تكفير وتخوين بناس يعملو بجد ويوقفو بوش اي حد بيعادي البلد هون رح يضيفو شي لتنمية الوطنية
وما لازم من تجارب صارت في السبعينات نحكم على ناس هن ولاد ال2009
يعني اللي نولد هديك الايام صار عمرو بالتلاتين انسان بمتلك فكر قائم بذاتو وبرضو الاخوان ما يفوتو ع البلد وملف السبعينات قدام وشن وشايفين مواطنين الهم نفس الحقوق الدستورة اعداء
آخر شي لازم يكون عندن شعار سوريا اولا يعني هن بنهاية خاضعين لقيادة سورية مو لأي قيادة تانية وحتى لو كانت تحت مسمى الدين




انا عندي تساؤلات محددة على مشروع الاخوان السياسي ما بعرف إذا بامكانك تساعديني بالاجابة عنها:

أولاً: موقفهم من تطبيق أحكام الشريعة الإسلامية المدنية والجزائية.

ثانياً: موقفهم من الأقليات غير السنية ودورها في المشاركة بصنع القرار وتولي المناصب (أَيُّهَا الَّذِينَ آَمَنُوا لَا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لَا يَهْدِي الْقَوْمَ الظَّالِمِينَ )
ثالثا: موقفهم من الديمقراطية وفي حال صوت مجلس الشعب مثلا لقانون يتعارض مع الشريعة الاسلامية أو السنة النبوية الشريفة.

رابعا: موقفهم من القوى والأحزاب الأخرى وخصوصا العلمانية منها وهل يقبلون بتأسيس أحزاب وقوى دينية غير سنية أو غير اسلامية.

يعني حتى لو حدا شرحلك توجهاتن و اهدافن رح تغير رايك فين؟؟ ما هو واضح من تعليقاتك بهالموضوع انو عندك فكرة مسبقة وثابتة عنن و خلص

معناها إذا ما بتنسبني ما بتشرحلي يعني طالما مامني أمل لشو تعذب قلبك.
بعدين نحنا ما شفنا لهلق من مشروع الاخوان غير المجازر والاغتيالات وبظن من حقنا ناخد هالفكرة الاجرامية عنهم خصوصا إذا كان عندك بالعيلة مشوه أو شهيد مدني ما كان إلو علاقة غير إنو حظو التعيس وكونو لا يملك سيارة سياحية خلو يسافر بالقطار.
ليس الهدف من النقاش أن تقنعني أو أقنعك وإنما الارتقاء بمستوى الأفكار والحوار والتعرف على الآخر.

اذا طلّعنا على اللوحة الأكبر او الاسم الأعلى اللي بتم ادراج الاخوان فيه كحزب .. الاسلام السياسي

في شي تجربة ناجحة للإسلام السياسي ؟!

وبالأصل هل مطلوب من الاسلام كدين تأدية مهام سياسية ؟


هامش : ما كانت حتتغير صيغة السؤال لو في احزاب سياسية بتعتمد على الديانة المسيحية كواضع لخطوط الحزب الرئيسية .. هي قبل ما يتم اتهامي بالطائفية :pos:

انت وقعت في اغلوطة التعميم المتسرع عم بتعطي حكم غيابي على هوا روايات انحكت الك من مقربين او مقالات او كتب معينه

في ظل الاحداث والوقائع والتاريخ لسع في احكام متسرعة ومغلوطة :?

بكل الاحوال اذا في تصحيح للأفكار اللي انا كتبتا فبكون كتير ممنون ان قدرتي تساعديني بتصحيح معلوماتي واكتساب ثقافة جديدة ووجهة نظر جديدة .. اما بس نعت الرد بالمغلوط والمعمم والمتسرعة فما بعتقد بده يفيدني او يفيد القارئ بشي .

في شي تجربة ناجحة للإسلام السياسي ؟!




ما بعرف شو هية المعايير الممكن نتبعها لنقيم نجاح تجربة سياسية بس ايران ع سبيل المثال دولة خاضت تجربة سياسية اسلامية وتمكنت تصير دولة ذات نفوذ اقليمي وحراك عالمي.

على الهامش : ياريت حدا من الشبيبة يحطلنا روابط لمواضيع قديمة هون بالاخوية ناقشت تاريخ الاخوان وافعالهم


وتحية لكل شب سوري خايف على وطنو وعلى ارضو ... :D
أنا بشوف انو جيل الشباب الجديد . مقتنع تماما بانو الاخوان اسوء مافي الوجود مع أنهم المفروض من طبقة عمرية ماشافو افعالهم . متل مافي مواضيع كتير هاجمت الاخوان في باخوية وخارجها كتب كتير شرحت كيف انو الاخوان اخطأو لكن ايضا غرر بهم وجبرو ( متل ماصار بمسلسل أعترافات فتح الاسلام ) على الاعتراف باشياء حصلت وبأشياء قامت بها المخابرات السورية لتشويه صورتهم ( واحدها مذكور بكتاب تاريخ الصراع على السلطة في سورية الموجود بمكتبة اخوية ويلي كاتبو شخصية محايدة ) . فما نقعد نتهمهم بما يحملو وبما لا يحملو . ونحكم عليهم سلفا بالموت وبأنهم لا يتغيرو . أو على الأقل نعتبر الشعب السوري مجموعة من الأغبياء ( بانو الاخوان حيكونوا سيئيين للغاية ولكن رح يضل ينتخبهم )

ما بعرف كيف شخص بيدعو لألغاء الأخوان ,,و بنفس الوقت بيطالب انو ما يتهمش !! ...

شئنا او ابينا ,,,بيبقوا جزء من المجتمع السوري ..و في معون جزء كبير من السوريين ,,,,ثانيا حسب ما بسمع من الأخوان ما عندون اي شي بأدبياتون بيدعي لتهميش الأخر ...

مشان هدون يلي مزعوجيين من حكم ديني ,,,,سوريا صرلها اربعين سنة من حكم ديني عسكري !! ,,,,بالحقيقة مزعوجيين بسبب نظرة طائفية بحتة ,,,,,,,,,,,,,ولأقليات بحب قول ,,مو من مصلحة اي اقلية انو تضع نفسا بموقع المعادي للسنة ..

.انا مو مع هدون و لا هدون ,,و يلي صدف و قرالي شي رد من قبل بيعرف انو انا ما بأمن حتى بشي اسمو سوريا ,,,لأنو هي كذبة كبيرة ...لأ والشباب عابتحتفل بعيد الأستقلال ,,,,و كأنو امورنا زبطت و عين الله علينا ,,,يا محلا الفرنسي ...

بكتاب تاريخ الصراع على السلطة في سورية الموجود بمكتبة اخوية ويلي كاتبو شخصية محايدة

قصدك كتاب الصراع على الشرق الأوسط .؟

باتريك سيل كان لا يفترق عن حافظ الأسد ... والكتاب تم أخد المعلومات منو من الأشخاص التاليين :
ابتداءً من بشرى وباسل الأسد مروراً بمصطفى طلاس وعبد الرؤوف الكسم وفاروق الشرع واحمد اسكندر وزير الاعلام ونجاح العطار وبديع الكسم وراتب الشلاح وأنطوان توما... بالإضافة لمقابلاته مع حافظ الأسد ..

فـ ما بقدر شوف أي حيادية بالكتاب ... إنما فيه سرد للوقائع حسب وجهة نظر الحكم آنذاك ... والحكم يعني حافظ الأسد قولاً ومضموناً ...

:D

قصدك كتاب الصراع على الشرق الأوسط .؟

باتريك سيل كان لا يفترق عن حافظ الأسد ... والكتاب تم أخد المعلومات منو من الأشخاص التاليين :
ابتداءً من بشرى وباسل الأسد مروراً بمصطفى طلاس وعبد الرؤوف الكسم وفاروق الشرع واحمد اسكندر وزير الاعلام ونجاح العطار وبديع الكسم وراتب الشلاح وأنطوان توما... بالإضافة لمقابلاته مع حافظ الأسد ..

فـ ما بقدر شوف أي حيادية بالكتاب ... إنما فيه سرد للوقائع حسب وجهة نظر الحكم آنذاك ... والحكم يعني حافظ الأسد قولاً ومضموناً ...

:D
أنا معك....بس فيك تقللي انو لو كان مع النظام ليش ضل ممنوع و كان يجي تهريب من لبنان....!!!
على الاقل كان دار "طلاس" طبعتو ....مو شركة المطبوعات للتوزيع و النشر ببيروت..
:D

أنا معك....بس فيك تقللي انو لو كان مع النظام ليش ضل ممنوع و كان يجي تهريب من لبنان....!!!
على الاقل كان دار "طلاس" طبعتو ....مو شركة المطبوعات للتوزيع و النشر ببيروت..
:D

تمام ...

بالنسبة لـ منعه

الكتاب تم طباعتو عام 1999 بيحكي عن حقبة معينة ..
بفترة حكم حافظ ... فيك تقلي شو كانت الكتب المتوفرة ؟
مثال صغير .. محمد الماغوط
الأرجوحة 74
كاسك يا وطن 79
خارج السرب 99
الحدود 84

ازا شلنا كاسك يا وطن والحدود 84 على اعتبارهم سياسيين ..

الأرجوحة عام 1974 ... تم منعها ... لآخر نفس ..
خارج السرب أيضاً مسرحية بعيدة عن السياسةو و و والخ ... تم منعها

مافينا ننكر بفترة حافظ الأسد كان في تضييق ثقافي - فكري عالشعب ...

مو بس بالنسبة لحافظ الأسد

بأي دولة .. بأي نظام حكم ..

النظام ... دايما بيتحاشى المواجه ومجابهة المثقفين والمفكرين / الفعليين /

لهيك دايماً بالأنظمة الدكتاتورية .. في تضييق خناق بمجال الثقافة ..
بيهم النظام دائماً الشعب يقرا ويتثقف لحد معين ..

لهيك هالكتاب .. كان ناشر اشياء على الرغم من انها عن لسان حافظ الأسد ذاته ... لكنه ما كان راضي عن نشرها بوقتها .. او مو قصة ما كان راضي .. ما كان مخطط او متوقع ليتم نشرها بهالسرعة


وبعتذر عن الخروج عن الموضوع... ازا بتحب منفتح موضوع منفصل فيما يخص التضييق الفكري مثلاً

قصدك كتاب الصراع على الشرق الأوسط .؟

باتريك سيل كان لا يفترق عن حافظ الأسد ... والكتاب تم أخد المعلومات منو من الأشخاص التاليين :
ابتداءً من بشرى وباسل الأسد مروراً بمصطفى طلاس وعبد الرؤوف الكسم وفاروق الشرع واحمد اسكندر وزير الاعلام ونجاح العطار وبديع الكسم وراتب الشلاح وأنطوان توما... بالإضافة لمقابلاته مع حافظ الأسد ..

فـ ما بقدر شوف أي حيادية بالكتاب ... إنما فيه سرد للوقائع حسب وجهة نظر الحكم آنذاك ... والحكم يعني حافظ الأسد قولاً ومضموناً ...

:D
لأ الكتاب أسمو تاريخ الصراع على السلطة في سورية

ويلي كاتبو كان سفير هولندا في سوريا على ما أذكر وهي رابط الكتاب
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الكتاب تم طباعتو عام 1999 بيحكي عن حقبة معينة

اذا عم تحكي على كتاب الاسد والصراع على الشرق الاوسط فانو مطبوع من قبل هيك بكتير..

لأ الكتاب أسمو تاريخ الصراع على السلطة في سورية


ويلي كاتبو كان سفير هولندا في سوريا على ما أذكر وهي رابط الكتاب
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اللي كاتبه إسمو فان دام بس إنكتب قبل 1999 بكتير الكتاب وللصراحة يعني إعتمد كتير على التقسيم الطائفي مما أفقده المصداقية ..
يعني رؤية للخلافات من منظور طائفي خليته يفقد منظور منطقي للأمور وهيدا الشي وضح بعدم قدرته على تقديم تفسير منطقي للخلاف الأهم يمكن " الأسد-جديد"
مع ذلك كتاب في كمية من المعلومات
تحياتي الحارة
ظل جيفارا

اللي كاتبه إسمو فان دام بس إنكتب قبل 1999 بكتير الكتاب وللصراحة يعني إعتمد كتير على التقسيم الطائفي مما أفقده المصداقية ..
يعني رؤية للخلافات من منظور طائفي خليته يفقد منظور منطقي للأمور وهيدا الشي وضح بعدم قدرته على تقديم تفسير منطقي للخلاف الأهم يمكن " الأسد-جديد"
مع ذلك كتاب في كمية من المعلومات
تحياتي الحارة
ظل جيفارا
هو ما أعتمد تقسيم طائفي . هو شخصية محايدة . لا يمت لأي طائفة . وعندو معلومات أكيدة ومنها شي سري . ويروي الاحداث كما حدثت دون أن يدعم بوجهة نظره طرف ضد طرف

لاحظت معظم الردود جأت تهاجم جماعة الأخوان المسلمين وتصفهم بالوحشيين وكل واحد عم يذكر اسباب معينة وتتشابه في معظمها
ولكن السبب الحقيقي يكمن بكلمة المسلميين وانا متأكد واقسم بالله العظيم لو طلعت جماعة تانية اسمها جماعة الأخوان المسيحيين واهدافها عنصرية بحته ودموية ووحشية حنشوف أن معظم الأعضاء حيكونو متعاطفين معها بل ويدعموها اذا يا حبايبي انزعوا اقنعتكم وقولوا أن السبب بكلمة مسلمين

لاحظت معظم الردود جأت تهاجم جماعة الأخوان المسلمين وتصفهم بالوحشيين وكل واحد عم يذكر اسباب معينة وتتشابه في معظمها
ولكن السبب الحقيقي يكمن بكلمة المسلميين وانا متأكد واقسم بالله العظيم لو طلعت جماعة تانية اسمها جماعة الأخوان المسيحيين واهدافها عنصرية بحته ودموية ووحشية حنشوف أن معظم الأعضاء حيكونو متعاطفين معها بل ويدعموها اذا يا حبايبي انزعوا اقنعتكم وقولوا أن السبب بكلمة مسلمين
أولاً : القسم بعد كلمة لو بأكد بأنك متفق معنا بأن حزب الأخوان المسلمين بتنطبق عليه الصفات اللي انت ذكرتها ( اهدافه عنصرية بحته ودموية ووحشية )

ثانيا : في جزء كبير من الأعضاء المشاركين بالموضوع والمعترضين على حزب الأخوان مسلمين في الديانة وهلشي ما من حقك تشكك فيه


ثالثا : حزب الأخوان مُعترض عليه من فئات كتيرة وكان في اعتراضات داخلية لسياسته الدموية ، فقلب المشهد لمحاولة معارضة وجد الإسلام في المضمار السياسي يهين بالدرجة الأولى الاسلام نفسه بسبب الممارسات اللي تمت داخل الحزب واللي بحالتك هي عم تنسبها للإسلام نفسه


وأخيرا : في حال ظهور حزب سياسي مسيحي العقيدة والارتكاز وباني توجهاته على تعاليم الانجيل وكان تاريخه مشبع بالأحداث الدموية وما شفت نقض موضوعي بيبقى بحقلك تتهمنا وتقسم بإتهامك

ويا هلا

أولاً : القسم بعد كلمة لو بأكد بأنك متفق معنا بأن حزب الأخوان المسلمين بتنطبق عليه الصفات اللي انت ذكرتها ( اهدافه عنصرية بحته ودموية ووحشية )

ثانيا : في جزء كبير من الأعضاء المشاركين بالموضوع والمعترضين على حزب الأخوان مسلمين في الديانة وهلشي ما من حقك تشكك فيه


ثالثا : حزب الأخوان مُعترض عليه من فئات كتيرة وكان في اعتراضات داخلية لسياسته الدموية ، فقلب المشهد لمحاولة معارضة وجد الإسلام في المضمار السياسي يهين بالدرجة الأولى الاسلام نفسه بسبب الممارسات اللي تمت داخل الحزب واللي بحالتك هي عم تنسبها للإسلام نفسه


وأخيرا : في حال ظهور حزب سياسي مسيحي العقيدة والارتكاز وباني توجهاته على تعاليم الانجيل وكان تاريخه مشبع بالأحداث الدموية وما شفت نقض موضوعي بيبقى بحقلك تتهمنا وتقسم بإتهامك

ويا هلا

اولا بالنسبة للأعضاء المسلمين اللي انتقدوا الأخوان المسلمين فبأكد لك أن الخوف يا استاذ اللي دفعهم لقول متل هيك كلام والدليل على كلامي أنو لو فعلا هنن او حتى الأعضاء المسيحين بينتقدوا دموية الأخوان على حد كلامكم فمن الأولى أن ينتقدوا الدموية والوحشية اللي صارت في حماة وحلب في سنة الواحد وثمانين وما اظن على واحد مثلك مثقف بتخفى عنه شو صار في حماه وحلب

ثانيا اكيد ما رح يظهر حزب مسيحي دموي لأنه اصلا مو قادر ينشأ في دولة متل سورية والأغلبية العظمى هم المسلمين ولو كانت الأغلبية هي المسيحين يمكن لشفنا هلشي صار وظهر بدل التيار عشرين تيار يميني متشدد

ثالثا مافيك تقول انو كتير من فئات المجتمع انتقدت الأخوان المسلمين لأن مجتمعك يا حبيبي مافيه ديمقراطية واللي بدو يدافع عن الأخوان المسلمين او حتى يتعاطف معه ولو بكلمة رح يروح ورا الشمس منشان هيك متل هيك مجتمع مالو اي مصداقية ولا ممكن تستند بأقوال اي اديب او مفكر او قسيس او حتى شيخ مشايخة المسلمين.

ومية الف هلا

اولا بالنسبة للأعضاء المسلمين اللي انتقدوا الأخوان المسلمين فبأكد لك أن الخوف يا استاذ اللي دفعهم لقول متل هيك كلام

ومن شو بدنا نخاف مافهمت عليك

ومن شو بدنا نخاف مافهمت عليك

بالله ما فهمت علي؟؟:lol:
معلش يا سيدي بدي افهمك واطعميك ياها بالمعلقة بيخافو ما يصير فيهم متل ما صار مع كريمبو .... بالمناسبة بتعرف كريمبو؟
الله يرحمك يا كريمبو كنت زلمة طيب

اي اهلين
هون الكل عم يناقش ويطرح ومو خايف وانت عممت

ياسيدي لقلك شي طلع بهالبشر من حواليك

بتلاقي الاخويه الوحيده اللي مافيها خوف لانها من يوم يومها ماعرفت الخوف

ياصاحبي اللي بخاف بيسكت او بيهرب مابينتقد متل ماحضرتك ذكرت

واهلين

اخويه دوله مستقله عن الدنيا كلها

اي اهلين
هون الكل عم يناقش ويطرح ومو خايف وانت عممت

ياسيدي لقلك شي طلع بهالبشر من حواليك

بتلاقي الاخويه الوحيده اللي مافيها خوف لانها من يوم يومها ماعرفت الخوف

ياصاحبي اللي بخاف بيسكت او بيهرب مابينتقد متل ماحضرتك ذكرت

واهلين

اخويه دوله مستقله عن الدنيا كلها


اي لكن منشان الله اكتبولنا شي موضوع عن مجازر حماه وحلب
ولا هدول ولاد كلب ومو بشر لأنهم مسلمين
عم تنتقدو الأخوان المسلمين على دمويتهم وما انتقدوا المجازر اللي راح ضحيتها الاف الأبرياء وانتهكت فيه أعراض بنات حماه الشريفات من كلاب الجيش المسعوريين اللي جايين من المزابل.

اي لكن منشان الله اكتبولنا شي موضوع عن مجازر حماه وحلب
ولا هدول ولاد كلب ومو بشر لأنهم مسلمين
عم تنتقدو الأخوان المسلمين على دمويتهم وما انتقدوا المجازر اللي راح ضحيتها الاف الأبرياء وانتهكت فيه أعراض بنات حماه الشريفات من كلاب الجيش المسعوريين اللي جايين من المزابل.
انت عم تبرر مجازر بمجازر
الموضوع مطروح للنقاش وفيك تناقش بها الشي بلا اتهامات لاي طرف



واقسم بالله العظيم لو طلعت جماعة تانية اسمها جماعة الأخوان المسيحيين واهدافها عنصرية بحته ودموية ووحشية حنشوف أن معظم الأعضاء حيكونو متعاطفين معها بل ويدعموها اذا يا حبايبي انزعوا اقنعتكم وقولوا أن السبب بكلمة مسلمين


اخويه موقع سوري سوري سوري لكل السوريين ومش لدين محدد والاعضاء عم يتناقشو ا بأرائهم وافكارهم
وكل شخص عندو تفكير او وجهة نظر على حسب معرفته او اطلاعه والحوار مبني على هالشي
وبأكدلك مافي تحيز لاي دين او حزب

لاحظت معظم الردود جأت تهاجم جماعة الأخوان المسلمين وتصفهم بالوحشيين وكل واحد عم يذكر اسباب معينة وتتشابه في معظمها
ولكن السبب الحقيقي يكمن بكلمة المسلميين وانا متأكد واقسم بالله العظيم لو طلعت جماعة تانية اسمها جماعة الأخوان المسيحيين واهدافها عنصرية بحته ودموية ووحشية حنشوف أن معظم الأعضاء حيكونو متعاطفين معها بل ويدعموها اذا يا حبايبي انزعوا اقنعتكم وقولوا أن السبب بكلمة مسلمين
لا ابو الوليد عم تظلمنا..
الموضوع عم بناقش حالة خاصة كتير وهوي عودة حزب الاخوان الى الساحة السورية ام لا..
وفي مواضيع كتير من قبل ناقشت مسألة المجازر.. ومسألة ردة فعل النظام.. وما كان في داعي للتطرق للموضوع هون لانو مو محلو.. ولانو محكي فيه كتير..
على كل حال اذا بتحب ممكن تفتح موضوع خاص بهي المسألة وتحكي فيه مرة تانية..
بس انا بتمنى منك انو ما تحكي بطريقة فيها توتر .. وما تهاجم الاخرين .. وروووووق مشان تقدر تجمع افكارك وترتبها واذا بدك تفتحلنا موضوع عن المسألة اللي بدك ياها..
:D

طالما حضرتك بتعرف كريم-الله يرجعلنا يا بالسلامة ومنشوفو بيننا مرة تانية عن قريب-
ومتل مو مكتوب تحت اسمك انك نورتنا ب 2006
فيفترض انو بتعرف -ولو شي بسيط شو هي اخوية-
بالتالي مستغرب منك هيك حكي
انا مسلم ومعترض على وجود شي اسمو اخوان..ومالي خايف يا سيدي وكلامي مو من خوف او اي شي
ومتل ما قال ساتو ما بيصير تبرر مجزرة بمجزرة
والموضوع كلو مفتوح حول عودة الاخوان..وشو موقفنا منو كشعب بدولة يفترض من حيث المبدا انها علمانية

اي لكن منشان الله اكتبولنا شي موضوع عن مجازر حماه وحلب
ولا هدول ولاد كلب ومو بشر لأنهم مسلمين
عم تنتقدو الأخوان المسلمين على دمويتهم وما انتقدوا المجازر اللي راح ضحيتها الاف الأبرياء وانتهكت فيه أعراض بنات حماه الشريفات من كلاب الجيش المسعوريين اللي جايين من المزابل.
الأخون المسلمين بذات نفسون نسيو مجازر حماة ..يعني شو منفهم من تعليق الأخوان للمعارضة ..غير انو يالله منغض الطرف على ممارسات النظام و مندخل بالجبهة التقدمية ....

اي لكن منشان الله اكتبولنا شي موضوع عن مجازر حماه وحلب
ولا هدول ولاد كلب ومو بشر لأنهم مسلمين
عم تنتقدو الأخوان المسلمين على دمويتهم وما انتقدوا المجازر اللي راح ضحيتها الاف الأبرياء وانتهكت فيه أعراض بنات حماه الشريفات من كلاب الجيش المسعوريين اللي جايين من المزابل.
لك الله محيي أصلك الطيب
ايه هاد الحكي اللي بنسمع
مو هديك المرة حكينا كلمتين قام حضروا عضويتنا
وكمان هديك المرة نزلت موضوع عن مجازر حماة قام حذفوا الموضوع
يعني اخوية بنفسو مو مع الأخوان المسلمين
بس هوا موقع بيدعم " خدام "
لكن ياعمي من المواقع الصديقة