المثل الأعلى [الأرشيـــــف]

..AHMAD

07/04/2009, 01:53

كل شخص.. أو مو بالضرورة، نسبة كبيرة من هالعالم .. بأخوية وبرا أخوية .. عندها مثل أعلى أو / قدوة / ربّما ..

على الرغم من أني متأثر بكتير شخصيات .. لكنّي ماني من النوع اللي بيتخذ مثل أعلى

هون بدي اسأل .. كل مين عنده مثل أعلى

شو شعورك .. لما مثلك الأعلى .. بيخذلك ، بيخذلك بالقيم والمبادئ والأفكار اللي مشانها اتخذته مثلك الأعلى.. لما هالقيم اللي خلتك تقتدي فيه وتتمثل فيه ... تصبح في الحضيض ..

شو موقفك منّو
شو موقفك من هالشخص الي كان قدوة
شو موقفك من المحيطين فيك كـ الأهل والأصدقاء الي على اطلاع بانو هالشخص مثلك الأعلى
وأخيراً شو شعورك لما هالـ مثل الأعلى يصير حديث الشارع / بالانحطاط/

:D

jovia

07/04/2009, 06:15

The morning

07/04/2009, 06:45

أنـا ما عندي مثـل أعلى , انما عندي فكر أعلى .. يعني بتبنى الأفكار اللي بتعجبني و بـحاول اتبعها و ليـس الأشـخاص أنفـسهم لأنو غالبا ما بتذكر الأشـخاص في ظل تركيزي عالأفكار ..
بس بتوقع الخزيلان من أي شخص (( بغض النظر عن كونه مثل أعلى أو لا )) فهو أمر صـعب و بيجرح :) .. و لكن الحياه بدها تستمر و عقوله مقوله بحبها كتير : Whatever doesnt kill you just makes you . . . STRANGER

jovia

07/04/2009, 07:16

عبارتك كتير حلوة بتفق معك برايك من اول حرف لاخر نقطة:ok:

Nay

07/04/2009, 09:34

كأنو احمد موضوعك كتبتو بعد تجربة شخصية انت مريت فيها ومزعوج منها..
انا ما عندي مثل أعلى في اشخاص انا معجبة فيهون كتير بس فكرة المثل الاعلى فيها قدسية الانسان غير قادر على احتمالها.. لانو الانسان بطبيعة الحال بيخطأ وبيخبص احيانا..
محبتي..:D

leonardo_dicabreo

07/04/2009, 10:07

أنــــــــــا عـــــن نفســــــي , مثلـــــي الأعلـــــــى هـــــوه أنـــــــــا ! !

:larg:

nour333

07/04/2009, 11:51

انا مثلي الاعلى الداية ام عزيز

بصراحه ما عمري حطيت مثل اعلى يعني اكيد في شخصيات مثالية ما بننكرها متل الرسل والصحابه هدول حطوهم عجنب بعد هيك ما في اشخاص منزهيين والافضل ما تجط مثل اعلى بعدين تنصدم فيو وبعد هالشي بيصير الواحد يخون كل البشر
بقى خلينا من دول مثل اعلى احسن من خاف سلم

..Jimy

07/04/2009, 13:16

زكرتي بكتير اشيا هلئ :frown:..
تذكرت شي اسمو "النعيق"..
بعدها تذكرت انسان (بمعنى الكلمي)..

وهلئ منزوع نهاري..

غيديون

07/04/2009, 19:51

الموضوع اكثر من رائع....
بالنسبة لي ..بداية.... انا لدي عيوب اكرهها في شخصي وصفات عامة تعجبني واحب ان اتصف بها
بعد ذلك..انتقلت لمرحلة انضج....اصبحت اكون شخصية في خيالي ارغب ان اكونها....من كافة النواحي وعلى كافة الاصعدة....سواء اخلاقيا...نفسيا...مهنيا....الخ
ثم نضجت اكثر وبدأت الاحظ من حولي...سواء في البيت...المدرسة...الشارح...وح� �ى بالتلفزيون.....
ولاحظت انني صرت اتخذ مثلا اعلى مختلف بالنسبة لكل جانب من جوانب الحياة ( التي ذكرتها )....
ولكن ....ظل هناك جانب فارغ وهو الجانب المهني......اضف الى ذلك انني احسست بالتشتت وكأنني خليط....
الى ان جاء العام الماضي وصرت طالبة جامعية ...وضع القدر امامي مثلي الاعلى.....هو استاذي .....
وجدت ان الشخصية الخيالية التي رسمتها لنفسي في السابق تتمثل امامي ....احسست بالمفاجأة!!!
اعلم انه لكل انسان عيوب ولكن هناك عيوب نتقبلها واخرى لاتطاق ....وفي شخصيتي الخيالية ابتعدت عن مالااطيق.....ورضيت بالباقي....
انا الان اتغير للاحسن وبشهادة من حولي....والفضل في هذا يرجع لله ثم لارادتي ورغبتي في التغير الى الافضل وبفضل استاذي ومثلي الاعلى....((ربنا يطول في عمرو))...
اما بالنسبة لسؤالك وافتراضاتك....لا ادري ما قد يحدث معي ولكن اول شعور سيكون خيبة امل ...ثم احساس باني لا اجيد فهم الناس....ثم لا يأس مع الحياة ولا حياة مع اليأس.....واخيرا وكم من تلميذ غلب استاذه ( رح حاول كون افضل منو)...

اسفة على الاطالة
تجياتي:D

باشق مجروح

07/04/2009, 20:26

باشق مجروح

07/04/2009, 20:36

هلق أنا بعتبر حالي مريت بفترة لما كنت ازغر من هيك كنت متعلق كتير بأشخاص وكانو المثل الاعلى الي . طبعاً الخذلان كتير بشع وصعب . وقديش صعبة المواجهة مع الناس . كتير ناس بيضلو مصرين على انهون يكونو اتباع لهالمثل الاعلى بشكل اعمى وبيبررولو اي تصرف حتى لو كان خذلان . هلق بالنسبة الي شخصياً بهالمرحلة بحياتي في كتير ناس بعتبر نفسي متأثر فيهون وكتير بتابعهون بس مانهون هالمثل الاعلى بكل ما للكلمة من معنى . مجرد اعجاب بالفكر أو اتفاق حول قضية معينة .
هلق كتير ناس صارت تبحبش بالتاريخ عن رموز لأنو الرموز الحقيقية بهالمرحلة الهزيلة كتير نادرة . وبرأيي ما في حدا بيستحق يعملو الانسان مثل اعلى بل ممكن يستفيد بحياتو من مجموعة افكار من ناس مختلفين ليقدر يكون ذاتو المستقلة .

The morning

07/04/2009, 22:55

stranger or stronger ?

stranger ;-)

توم و جيري

07/04/2009, 23:09

اولا ماحدا كامل لذلك مافيك تاخد شخص مثل اعلى

انا برايي انو المثل الاعلى هيي افكار وليس شخصيات

بمعنى شخص عندو فكره منطقيه ومقبوله انا باخدا قاعده بس ماباخد دائما كلام هالشخص كلو انو قاعده

المثل الاعلى افكار وليست شخصيات

وشكرا صديقنا للموضوع الرائع صدسقنا مو عدونا ..:o

لجين مهند قطيش

07/04/2009, 23:33

مثلي الأعلى

حـــــــبـــــيـــــبــــ ــــــي وحـــــــــبـــيــــيـــب الله

محمد صل الله عليه وسلم ,,,

وشكرا للموضوع ,,,

..AHMAD

10/04/2009, 01:39

اول شي موضوعك كتير حلو يسلم ايديك تانيا في اية بالقران الكريم بتقول ( ولله المثل الاعلى) وبالاضافة للاية الكريمة انو الكمال لله وحدو يعني ازا غلط مثلي الاعلى هاد ما بيعني انو هو خالي من الاخطاء والعيوب بدي اتوقع انو هو متلو متل اي شخص بالدنية عندو قابيلة للخطا لكن ازا غلط وكان الغلط شنيع ومبين على عين الناس انو مع سابق الاصرار والترصد لح انصاب بخيبة امل كبيرة لانو كل شي رسمتلو ياه بخاطري طلع من البداية اوهام وتمثيل من شان هيك يا اخ احمد انا بقترح عليك وعلى اي انسان ياخد من اللي حوليه العادات الحلوة ويخلي ببالو انو رب الكون هو مثلو الاعلى على الاطلاق وشكرا:ss:

هلئ مع اني مو من متخذي مبدأ انو الي مثل أعلى ...
لكن هون في نقطة .. أي شخص .. بيتخذ شخص ما مثله الأعلى .
بيحاول قدر الامكان ياخد قدر الامكان صفات وافعال ... من هالشخص
لكن هون ... انا شو ممكن آخد من الله . ؟

انو عفواً منك ... بس مانها زابطة ابداً انو يكون الله مثلي الاعلى ... ما عمتركب معي :lol:

..AHMAD

10/04/2009, 01:49

أنـا ما عندي مثـل أعلى , انما عندي فكر أعلى .. يعني بتبنى الأفكار اللي بتعجبني و بـحاول اتبعها و ليـس الأشـخاص أنفـسهم لأنو غالبا ما بتذكر الأشـخاص في ظل تركيزي عالأفكار ..

بظن هون عمندور بنفس المجال ... حتى باتباع فكر أعلى ... ازا منرجع للجذور .. منلاقي حالنا نحنا متخذين جزء من شخصية كـ مثل أعلى ..

كـ مثال توضيحي .. انا وانتي وفلان وعلّان وكتير أشخاص ... بيتخذو مبدأ انو حرية الانسان ... أو خصوصيتو مثلاً .. من المقدسات ..

طيب هالشي غير معروف مين وايمتا طلع .. لكن فعلياً هوي طلع عن لسان شخص ما بـ زمان ومكان ما .. أطلق هالمقولة اللي بتبتّ بحرية الانسان او خصوصيته ... هون رجعنا لورا كتير واكتشفنا انو نحنا اتخذنا جزء من مبادئ هالشخص هاد كـ فكر أعلى...

طيب بلحظة من اللحظات .. اكتشفتي انو هالشخص هاد ... بلحظة من اللحظات خلّ بهالفكر هاد ..

هون ما رح يكون السؤال شو موقفك من هالشخص بذات نفسه
بيصير السؤال شو موقفك من هالقضية او المبدأ هاد ...
أو شو موقفك بشكل عام من حدا عميبيع مبادئ وقيم ... عالفاضي

ما بعرف ازا قدرت وصل الفكرة ..بس أتمنى على الرغم من انو مافي جملة راكبة عاللي بعدها :sick:

..AHMAD

10/04/2009, 01:54

كأنو احمد موضوعك كتبتو بعد تجربة شخصية انت مريت فيها ومزعوج منها..

يا هلا ... هوي مو تماماً .. قلت مسبقاً ... ما عندي مثل أعلى .. حتى منطق شوش كـ فكر أعلى ما أظن بقدر اتخذو ... عندي بحاول اخلق الفكر الخاص فيني .. بالاستشهاد بأفكار الآخرين .. لا أكتر ولا أقل
لكن اللي صار معي ... شخص ما ... تركني أُعجب بأفكارو ومبادئو .. لاكتشف انها مجرّد ض*** عالبلاط فانو ما احلاني وما انزعج :lol:انا ما عندي مثل أعلى في اشخاص انا معجبة فيهون كتير بس فكرة المثل الاعلى فيها قدسية الانسان غير قادر على احتمالها.. لانو الانسان بطبيعة الحال بيخطأ وبيخبص احيانا..
محبتي..////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب انو هالاشخاص المعجبة فيهن كتير .. بجوز معجبة بشكلو بعيونو بأنفو بجيبة بنطلونو .. :lol:
بس كمان معجبة بفكر شخص ما .. انو هالشخص هاد لو أفكارو الي عميبلورها براسو ... طلعت مجرد علاك .. لإثبات وجود وإظهار ذات ... شو ممكن يكون موقفك منو

..AHMAD

10/04/2009, 01:55

أنــــــــــا عـــــن نفســــــي , مثلـــــي الأعلـــــــى هـــــوه أنـــــــــا ! !

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بهالحالة ... للأسف بتكون بتشبه اللاشيء ..
بمعنى آخر ... اتخاذ مثل أعلى من ذات الشخص .. هوي ما فيني اوصفو الا بالغرور
لما تسعى لانو تكون انت مثل أعلى للآخرين ... بقدر كنلك الاحترام الكامل ..

لكن بهالحالة ... صعب

:D

..AHMAD

10/04/2009, 01:58

بصراحه ما عمري حطيت مثل اعلى يعني اكيد في شخصيات مثالية ما بننكرها متل الرسل والصحابه هدول حطوهم عجنب بعد هيك ما في اشخاص منزهيين والافضل ما تجط مثل اعلى بعدين تنصدم فيو وبعد هالشي بيصير الواحد يخون كل البشر
بقى خلينا من دول مثل اعلى احسن من خاف سلم

من خاف سلم !

هوي مشكلة اتخاذك لـ مثل أعلى مانها متعلقة بأنو هالشخص أهل أو يستاهل انو يكون مثلي الأعلى ..

المشكلة باتخاذك هالمثل الأعلى بأنه يخون .. فـ صفيت مشكلة ثقة

هيك بفهم منك ؟ :?

..AHMAD

10/04/2009, 02:07

زكرتي بكتير اشيا هلئ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
تذكرت شي اسمو "النعيق"..
بعدها تذكرت انسان (بمعنى الكلمي)..

وهلئ منزوع نهاري..منعتذر :D

بس مو غلط التذكّر :)

Abu ToNi

10/04/2009, 02:31

كهامش على الموضوع

حدا لاحظ بأن الكل بيخجل من الاعتراف بوجود مثل اعلى اله بالحياة لهيك بيعتبر نفسه مثل نفسه ؟

..AHMAD

10/04/2009, 02:32

حدا لاحظ بأن الكل بيخجل من الاعتراف بوجود مثل اعلى اله بالحياة لهيك بيعتبر نفسه مثل نفسه ؟

موقضية خجل .. قضية انعدام ثقة بثبات الموقف .. والمبدأ ..

..AHMAD

10/04/2009, 02:35

المثل الاعلى افكار وليست شخصيات

نفس النقطة حكيتا فوق ..

فعلياً .. هالفكر هاد .. هوي بالنهاية نابع عن شخص ما ..

هون ماني بصدد انو مناقرة .. انو لا عمي انت اخد مثل اعلى .. قرّ واعترف ..

بس اللي بدي قولو .. بشكل لا ارادي .. في وجود للمثل الأعلى كـ شخصية ..

جاد81

10/04/2009, 03:16

انا برأي المثل الأعلى شي جميل و نبيل ...و المثل الأعلى هو ليس مجموعة افكار عليا ...هيك صرنا عما نتحدث عن المبادئ..المبادئ هي مجموعة من الأفكار النبيلة يلي الأنسان بيحملها و ما بيقبل يتنازل عنها لرفعتها ...

المثل الأعلى هو إنسان يكون بنظري انسان ناجح يمتلك جوهر النجاح و بالتالي بحاول أني كون مثلوا و أهم شيء بالمثل الأعلى يكون قادر على التطور ...غير جامد...و بالتالي انا فيي اتطور و اتغير حسب معطيات الزمان و المكان

يعني أنا باختصار عندي مثل أعلى لألي بحاول امشي طريق حياتي بنفس اسلوبوا ولكن بشكل يماشي أفكاري و مبادئي ...و بالتالي انا طورت حالي بالاعتماد على أرضية خصبة من الأفكار و المفاهيم...

و شكرا ً على الموضوع

leonardo_dicabreo

10/04/2009, 07:16

بهالحالة ... للأسف بتكون بتشبه اللاشيء ..
بمعنى آخر ... اتخاذ مثل أعلى من ذات الشخص .. هوي ما فيني اوصفو الا بالغرور
لما تسعى لانو تكون انت مثل أعلى للآخرين ... بقدر كنلك الاحترام الكامل ..

لكن بهالحالة ... صعب

:D

وليه سميته "غرور" , ليه ما تسميها ثقه بالنفس أو رغبه بالنجاح والوصول حتى

الناس تاخدني كمثل اعلى ! ! :D

*Marwa*

10/04/2009, 17:09

إسـا المثل الاعلى مفروض نقتدي فيه ونعمل متلو ونتبع اسلوبو وهيك..

وانا بصراحة بقدرش (لحد اسا ما عرفتش كيف!)..
انو اوك في مبادىء في قيم في ثوابت عليا عندي وما بحيد عنها بس هاي اشي تاني..

اما المثل الاعلى او الانسان القدوة..فـ هو قد يكون موجود already بعقلي مين هوي بس بما اني عمليا مش عم اعمل كلشي او حتى نص اعماله فـ بقدرش اقول انو مثلي الاعلى.. وبعرفش ازا رح اقدر اقول عن اي حدا انو مثلي الاعلى.. !!

nour333

11/04/2009, 03:04

من خاف سلم !

هوي مشكلة اتخاذك لـ مثل أعلى مانها متعلقة بأنو هالشخص أهل أو يستاهل انو يكون مثلي الأعلى ..

المشكلة باتخاذك هالمثل الأعلى بأنه يخون .. فـ صفيت مشكلة ثقة

هيك بفهم منك ؟ :?
صحيح لأنو وقت يخون او يعمل شي يسقط صورتو براسي بصير ما صدق حد
يعني انا بحكي عن نفسي لأني ما عندي تسامح بالحياة لهيك بجنب المثل الاعلى
وهاي الك:D