ياجماعه في أمل انو تبعدونا عن الدين شوي؟ يعني عم نترك النقاش يتفرع ويتشعب بس مو لمرحلة يصير النقاش ديني تماماً

اذا شايفين انو خلصتو نقاش بالموضوع خلونا نسكر الموضوع ونفتح موضوع تاني للفتاوي وعورة المرأة والرجل

بدينا نقر الله يسامحك
انا عم بنطر ثلاثائيات بكرا بلك بتعمل زاوية فيها من النوع اللي بيعجب الشبيبه وبضارب علينا
:D


أي على عيني... بس بدك شي 40 كميون ثلاثائيات لحتى يضارب ع موضوع فيو خرق لإحدى التابوهات (و هاد أمر طبيعي على فكرة ما انو عم اتمسخر, بالعكس يسعدني انو بأخوية يكون في مجال للحديث بما لا يمكن الحديث به بغير مطرح).


بعرف عيب بس ما قريت الموضوع... قريت شوية ردود من الآخرانيات.. و بدون ما أرجع أقراه الموضوع عن خبر بمصر (مزبوط؟؟)

الصحافة المصرية بشكل عام, و لسببين أساسيين رح احكيهون تحت, بتحب هالنوع من الأخبار, شي جنس جماعي, شي جن و عفاريت, شي "لواطة", شي سفن عالنيل للسكر و العربدة, شي صفقات دعارة... الخ الخ الخ , و هالحكي من زماااااان

السبب الأول هو انو هالمواضيع بتبيع أعداد... شعبنا روح قلبو هيك أخبار صفراوية

السبب التاني انو الحكومة بتشجّع ع هالشي باسم حرية الصحافة لأنو الجريدة اللي بتكتب عن شبكة دعارة فنانات ما عم تكتب عن فساد بطانة الحاكم.. و المصري الغلبان اللي عم يتحركو غرائزو على قراءة خبر جنس جماعي ما بيكون عم يستشيط غضب من النهب و السلب...

بما يخص الموضوع.... طيب هو ينحل بانو نتعلم بئا مفهوم الخصوصية... شو دخلني أنا بشو عم يعمل فلان من الناس ببيتو و بغرفة نومو اذا هو و من يشاركه كبار و بالغين؟ حدا جابرني أعمل مثلو؟ لأ... أخلاقي بتسمحلي أتقبّل هالشي؟ كمان لأ... بس بالنهاية شو دخلني فيه؟ يروح يصطفل... شو أنا ما عندي شغل غير اقعد اسمع أخبار فلان من الناس؟


أما بخصوص جماعة الرجم... فيعني رهيبة القصة, يا زلمة لو كل ما نط حدا بدو يرجم حدا ردينا عليه كان صار وحدة من تلاتة:

- يا أما ما يظل حجر نرجمو
- يا أما ما يظل في ناس ينرجمو
-يا أما ما يظل في ناس يرجمو...



و استرو ما شفتو منا...




:D

اذا شايفين انو خلصتو نقاش بالموضوع خلونا نسكر الموضوع ونفتح موضوع تاني للفتاوي وعورة المرأة والرجل
المواضيع الدينية ممنوعة باخوية ولا بدك تاكلي مخالفة :frown:

هاموش::angel:

اول شي بالزواج في الأحكام الدينية يلي بتتطبق و مافي قانون وضعي بيطبق و كل طائفة بيطبق عليها حكم الطائفة تبعها ( المسلمين تابعين للمحاكم الشرعية , المسيحين للمحاكم الروحية و ....)
يعني تعريف قانوني او ادراي على علمي غير موجود و اذا انت بتعرف انو القانون هيك بيعرف الزواج انو هو علاقة شراكة ممكن بس المصدر .


مزبوط ابو وليم بالقانون السوري قانون الاحوال الشخصية مصدرو الاول هوي الشرائع السماوية.. وهوي قانون مانو وضعي ولا مدني بعنب متل ما قلت انت كل طايفة بتمشي حسب تشريعاتها السماوية الخاصة فيها..
يعني فعلا تعريف اداري او مدني مافي.. هادا منين اجا التعريف الاداري ما بعرف.. حت بكلية الحقوق بالسنة لتانية في مادة كاملة اسمها الزواج وما فيها ير تعريف واجد للزواج وهوي التعريف الاسلامي..

ما بظن بتزبط مع الشبيبة انو يناقشو بالجنس ويبعدو عن الدين هي من عاشر المستحيلات

ما بظن بتزبط مع الشبيبة انو يناقشو بالجنس ويبعدو عن الدين هي من عاشر المستحيلات
اش اسكت بكرا بمنعو مناقشة المواضيع الجنسية وبتقطع نصيب الشبيبه

أول شي بعتذر عن التأخير كون الملقم "الله يدبحو" دبحني....


اول شي بالزواج في الأحكام الدينية يلي بتتطبق و مافي قانون وضعي بيطبق و كل طائفة بيطبق عليها حكم الطائفة تبعها ( المسلمين تابعين للمحاكم الشرعية , المسيحين للمحاكم الروحية و ....)
يعني تعريف قانوني او ادراي على علمي غير موجود و اذا انت بتعرف انو القانون هيك بيعرف الزواج انو هو علاقة شراكة ممكن بس المصدر .

معلمي ....
مافي داعي للمصدر لانو بقدر استنتج انو عقد الزواج يماثل عقد الشراكة"طرف أول-طرف تاني-بنود اتفاق-شهو
د" وهاد بالفعل عماد عقد أي شراكة بين أي شخصين....



حلو انا ما بقلك لا بس بتعرف شو الحقوق و الواجبات يلي مفروضة على الرجل و على المرأة بالزواج
هني مقسمين ل 3 أقسام حقوق مشتركة و حقوق للزوج و حقوق للزوجة

1- الحقوق المشتركة هني :
حق الاستمتاع
حسن المعاشرة
حرمة المصاهرة
الميراث
النسب
2- حقوق الزوجة :
المهر
النفقة
حسن معاملة الزوج لزوجته
حماية الزوجة و وقايتها من معصية الله
الغيرة على الزوجة
3- حقوق الزوج :
حق الطاعة
القرار في بيت الزوجية
رعاية الأطفال و شؤون البيت
الاغتسال من الحيض الجنابة
حق القوامة و النصح و التوجيه و الارشاد
السفر بالزوجة
المحافظة على عرضه و ماله
الحرص على كرامة الزوج و شعوره
بر أهل الزوج


هلق الحقوق يلي انا ملونون بالأحمر هني دليل و اثبات على انو الزوج اقوى من الزوجة بالشراكة الزوجية
و هادا ما حكينا عن الطلاق بس يمكن بتحب تعيد تفكيرك بالجملة يلي فوق
:D

هلاء هون الملون بالاحمر دخلنا بمجال أو قضية تانية....
أول شي الملون بالاحمر متأكد انو موجود بالمحاكم المدنية ...يعني "حماية الزوجة و وقايتها من معصية الله"..موجودة بالمحاكم المدنية..يعني لما أنا رح روح أكتب كتابي بالمحكمة رح أشوف هالكلام....؟
تاني شي و على فرض انو ممكن يكون موجود هالحكي.."انا مالي دارس قانون" رح ناقشك بطبيعة الرجل و المرأة يعني سايكولوجية المرأة و الرجل ...:lol:
انا وانته متفقين انو مجتمعنا السوري "والحمد لله" كل مالو عمبيتحرر أكتر و أكتر بمجال المرأة و المرأة السورية قطعت أشواط كبيرة مقارنة مع نظيراتها "الخليجية مثلاً" و دخلت سوق العمل و بقوّة وأبدعت فيه...
بس طبيعة المرأة "مو بس الشرقية" العاطفية بتحتاج ..أحياناً كتيرة....لشعور الطمأنينة و الحماية و الحنان....
عكس الرجل ....اللي ممكن يقضي أكتر أيام حياتو وحيد و أغلب شبابنا المتغرب بيعرف هالشي...
أنت ممكن تقضي 10 أو 15 سنة متغرب و لحالك وممكن تدبر أمورك...لكن كتير من الاوقات بنشوف شي بنت عمتتزوج و قريباً رح تفارق بيت أهلها ...شوف البكا و النوحان و كأنو رايحة على كوكب تاني....:lol:
اخيرأً...رح اسأل حالي سؤال ...هل ياترى تفضيل الذكور على الاناث محصور بمجتمعنا..!!!
أنا مسافر و داير بلاد كتيرة ..وحياتك تقريباً بكل البلاد اللي زرتها الذكر الو الاولوية ..
هل تعلم انو بالصين ..الايكو "تصوير الجنين" ممنوع و اللي بيخالف عقوبتو قاسية جداً ..لانو مسموح ولد واحد بس ولما كان في تصوير ايكو ..اللي عمبشوف انو رح يجي بنت ....بيعمل اجهاض ...لبين مايجيه الصبي...
شكراً لسعة صدرك...
:D

أرى في الموضوع جانبين لا ثالث لهما ,, من وجهة نظري الفردية لا أكثر

فالموضوع يتعلّق بحرّية فردية كما قال البعض ,,

والجانب الآخر هو التبعية في تقليد العالم المتحرّر من كل شيئ



فلنبدأ بالتبعية ,,


برأي الشخصي.. إنني وواثق بأن الإنسان العربي لن يفوق الغرب ولا حتى بالجنس والأفكار المثيرة جنسياً

هذا سلوك لا ينبع وحده أبداً ,, فهناك ماقاد إليه بالتأكيد

كالمواقع الأباحية على الانترنت او الفيديو .. حيث ترى أزواجا يتبادلون الزوجات.. وجنساً جماعياً


الغرب ابتكر هذا النوع من الإثارة وليس نحن العرب!

مانحن إلا تابع ,, وضحية منقادة بلا عقل !


لذا أرى بأن هذين الزوجين قد ملّا الجنس العادي .. ..وأرادا التغيير ,,

هل التغيير حرام؟

كلا ب هو حرّيه شخصية .. ف لمن قال أن الموضوع حرّية شخصية @@ لا ارى سبباً لاجادله


إنه فعلا حريّة شخصية .. ف لكل انسان الحق بالاستمتاع .. ولكن ليس كل استمتاع مقبول .. إجتماعياً !

من يهتم لرأي المجتمع اليوم ياترى ؟

إنك إن أردت شيئاً ستجد من يوافقك على ميولك .. لم يعد المجتمع شريحة واحدة ورأي واحد

بل تعددت الافكار والميول .. والرغبات.. ستجد من يشرب الكوكايين .. وستجد من يتعبد

ستجد الفاجر .. كما ستجد العابد

في زماننا .. لن يفيد أحد أيه عادات شرقية ياصديقتي,,

لن يفيده سوى إيمان داخلي يقوده للصواب ..وثقة ,, بأن الصابر له خير الجزاء في الأخرة والدنيا ربما :D وأن الله يعاقب فعلا الفعل الشاذ

لذا إن غابت الرقابة .. ساد الهرج والمرج .. والفساد


تحيتي

أرى في الموضوع جانبين لا ثالث لهما ,, من وجهة نظري الفردية لا أكثر

فالموضوع يتعلّق بحرّية فردية كما قال البعض ,,

والجانب الآخر هو التبعية في تقليد العالم المتحرّر من كل شيئ



فلنبدأ بالتبعية ,,


برأي الشخصي.. إنني وواثق بأن الإنسان العربي لن يفوق الغرب ولا حتى بالجنس والأفكار المثيرة جنسياً

هذا سلوك لا ينبع وحده أبداً ,, فهناك ماقاد إليه بالتأكيد

كالمواقع الأباحية على الانترنت او الفيديو .. حيث ترى أزواجا يتبادلون الزوجات.. وجنساً جماعياً


الغرب ابتكر هذا النوع من الإثارة وليس نحن العرب!

مانحن إلا تابع ,, وضحية منقادة بلا عقل !


لذا أرى بأن هذين الزوجين قد ملّا الجنس العادي .. ..وأرادا التغيير ,,

هل التغيير حرام؟

كلا ب هو حرّيه شخصية .. ف لمن قال أن الموضوع حرّية شخصية @@ لا ارى سبباً لاجادله


إنه فعلا حريّة شخصية .. ف لكل انسان الحق بالاستمتاع .. ولكن ليس كل استمتاع مقبول .. إجتماعياً !

من يهتم لرأي المجتمع اليوم ياترى ؟

إنك إن أردت شيئاً ستجد من يوافقك على ميولك .. لم يعد المجتمع شريحة واحدة ورأي واحد

بل تعددت الافكار والميول .. والرغبات.. ستجد من يشرب الكوكايين .. وستجد من يتعبد

ستجد الفاجر .. كما ستجد العابد

في زماننا .. لن يفيد أحد أيه عادات شرقية ياصديقتي,,

لن يفيده سوى إيمان داخلي يقوده للصواب ..وثقة ,, بأن الصابر له خير الجزاء في الأخرة والدنيا ربما :D وأن الله يعاقب فعلا الفعل الشاذ

لذا إن غابت الرقابة .. ساد الهرج والمرج .. والفساد


تحيتي
الصناعة الوحيدة اللي ابتكرها العرب هيه تقليد الغرب
شكرا لمرورك

الموضوع أخد حقو من النقاش


مغلق