تزويج الفتاة من مغتصبها ... [الأرشيـــــف] - صفحة 2

The morning

15/05/2009, 08:53

لك حبيبتي...وحدة حتكون مريضة نفسيا كيف حتقدر تربي ولادها تربية سليمة؟؟

بعدين من مين بدها تنذل؟؟ من امها وابوها واخواتها؟؟

عفوا :shock: !

مريضه نفسيا ً ؟؟ .. أنا اعترض على اعتبار المغتصبه مريضه نفسيا ً تحت اي ظرف من الظروف .. و بعتقد هيك انت ناقدتي نفسك وقت قلتي انو في مليون واحد بياخدها و انها مريضه نفسيا .. لأنو ما بتخيل في مليون واحد رح يرضو يتزوجو وحده مريضه نفسيا .. المغتصبه ممكن تكون محطمه نفسيا ً لكنها مش مريضه نفسيا ؟؟

و المغتصبه برأي عندها قدره تربي ولادها .. يعني ما بشوف انو موضوع تربايه الولاد مشكله كبيره بحياه المغتصبه .. لأنو وقت بتكون وصلت لأنها تختار تأنجب بتكون قطعت شوط كبير ..

و بتنزل من قبل امها و ابوها و اخواتها اي نعم احتمال وارد جدّا بمجتمعنا الغير افلاطوني .. اضافه لأنو بتنزل من السمان اب صبحي و جارتهم ام سعيد و بياع الغاز ابو عبدو و مصلح البسكليتات (( وينك يا غوسي :p)) و و و .. المجتمع بدو دف ليرقص عكتاف النساء خاصه .. و خليني قول و اكد اني مش مع تزويج المغتصبه من المغتصب ..

يعني حكي كلو ما بيعني اني انا مع او ضد بالمطلق .. أنا مع النظر بكل حاله لانو كل حاله رح بتختلف عن التانيه و في اوقات ممكن الزواج يكون حل مناسب بالنسبه للطرفين و في اوقات ممكن يكون السجن هو الحل و اوقات تانيه بتختلف فيها الحلول .. أنا ما بشوف في شي مطلق بالأحوال الشخصيه حيث انو لكل حاله وضعها الخاص اللي لازم يـُراعى .. لكني ضد ضد ضد ضد ضد اي شي بصير بعدم موافقه الفتاه أولا ثم الشريك - او اللي رح يصير شريك - و ضد ايجاد حلول مؤقته كي يتم لفلفه الموضوع او غيره ..

في كاتبه أميركيه - نسيانه شو اسمها - تم اغتصابها وقت كانت مراهقه و كتبت تلات كتب - على ما اذكر - عن الموضوع بعدها .. هنن مش حلوين و أنا شخصيا ما حبيتهم و لكنهم بيحكو عن الاغتصاب و المجتمع .. للي مهتم بالموضوع واحد منهم هو The lovely bones بهالكتاب الفتاه بتغتصب من قبل استاذ عندها بالمدرسه و بيقتلها بعدين و كيف اهلها بيتلقو الخبر و بدورو عالقاتل و كيف بأثر هالشي عالعيله و هيك .. و الراوي بالقصه هو الفتاه نفسها

sweetbaby

15/05/2009, 09:14

عفوا :shock: !

مريضه نفسيا ً ؟؟ .. أنا اعترض على اعتبار المغتصبه مريضه نفسيا ً تحت اي ظرف من الظروف .. و بعتقد هيك انت ناقدتي نفسك وقت قلتي انو في مليون واحد بياخدها و انها مريضه نفسيا .. لأنو ما بتخيل في مليون واحد رح يرضو يتزوجو وحده مريضه نفسيا .. المغتصبه ممكن تكون محطمه نفسيا ً لكنها مش مريضه نفسيا ؟؟

اللي قصدتو بكلمة مريضة نفسية بانها بحاجة لمساعدة ومو متل ماانفهمت ومتل مابتعطي الكلمة من معنى...بس للمعلومات انو في كتيير نساء بتصيبون امراض نفسية من ورا الاغتصاب...بس يمكن لغتي العربية ماساعدتني كتير لوضح فكرتي..بس المغتصبة حتكوون محطمة نفسية بعتقد لدرجات كتييير سيئة...ولما بينحكى انو مين يرضى يتزوجها...فهي لما بدها تقرر تتزوج (مو متل وضع الاصة اللي عم نحكي عليها) فهي اكيد بتكون تخطت هالمرحلة من حياتا يللي هي محطمة فيا

Sun Shine Art

15/05/2009, 09:34

انا ما قريت الردود ...بس بحب رد ع موضوعك مريومه بطريقه معينه يمكن ما كتير ناس بتوافق عليها ..
بس اعتمادا ع هل المجتمع النشح الي نحنا عايشين فيه ..والي ما بيرحم ربها لهل البنت ...فا اانا بقول ناخد الموضوع بطريقه واقعيه وتستفيد البنت منها ..بالاخير ..محدا اكلها غير هي ..والشاب عنا ..طلع نزل ..محدا بيحاسبو ....
التاثير النفسي والاخلاقي ..والاجتماعي لح يكون ع البنت ان كان ذنبها ولا لا ....

وانا ابدا ماني مع تتزوج البنت من مغتصبها ..لان بالاخير زواج قائم ع اسسس غلط ولح ينتهي بالطلاق ....او القتل ...

BL@CK

15/05/2009, 09:55

مافي دخان بلا نار!! في متل عنا بيقول " الي ما بتمد ايديا ماحدا بيسلقاها" ..

اي مزبوط!!

ينصر دينك !

بس كنت حاب نوّه لشي زكروه طبيب فهمان عنا هون بالأخوية "أبي الحروف" أنا على قناعة تامة بهالحديث أدناه .

لا يمكن إغتصاب إمرأة قسراً(نقطة انتهى السطر) بدون منوم/مخدر او ما اليه ..

عمليّا - طبيّا .. فيها تحول دون ذلك ، ما بدي فوت بالتفاصيل (مع العلم ان لا حياء بالعلم ) بس في ناس ما كتير ممكن تتفهم هال النقطة ..

بس هوي هيك ، الموضوع عضلات بالمهبل ، فيها البنت تحول دون حدوث الإغتصاب.. متى أرادت فلها في ذلك سبيل ..
في عضلات بتقليصها ولا في قوة بالدنيا بتخليه يغتصبها ..

بقا معظم الإحيان تبدأ القصة غصبا ً و بتنتهي برضا الطرف المـُغتصب , بس نوع من التراجيديا معظم قصص الإغتصاب ..

من الآخر من الآخر متل ما قال وائل "الي ما بتمد ايديا ماحدا بيسلقاها"

Sun Shine Art

15/05/2009, 10:06

بقا معظم الإحيان تبدأ القصة غصبا ً و بتنتهي برضا الطرف المـُغتصب , بس نوع من التراجيديا معظم قصص الإغتصاب ..

من الآخر من الآخر متل ما قال وائل "الي ما بتمد ايديا ماحدا بيسلقاها"

مافيك تقول معظم الحالات بهل الطريقه ...ولما بينحكى ع الاغتصاب ..عواقب صحيه بتصيب الفتاه مما بدل ع الحاله الي اتعرضت عليها ..وبتصور عم ينحكى هون ع الفتاه الي بتتعرض ع الاغتصاب بكل معناه وبكل المه ..
وما بتصور فيه بنت بالعالم لح ترضى بهل الشي ..بتعرف ليش ..لان الانثى بطبيعتها تنظر للعلاقه من منطلق حب وليس من منطلق حاجه كا معظم الرجال ...والي بيخيله يوصل لمرحله الوحشيه ويغتصب الفتاه ...

وهدا المتل الي بقول الي ما بتمد ايدا ما حدا بيسلقاها ...بيحكي عن حالات مختلفه تمام عن الاغتصاب ...

ويسعدلي صباحك :D

أم الجود

15/05/2009, 10:16

ينصر دينك !

بس كنت حاب نوّه لشي زكروه طبيب فهمان عنا هون بالأخوية "أبي الحروف" أنا على قناعة تامة بهالحديث أدناه .

بقا معظم الإحيان تبدأ القصة غصبا ً و بتنتهي برضا الطرف المـُغتصب , بس نوع من التراجيديا معظم قصص الإغتصاب ..

من الآخر من الآخر متل ما قال وائل "الي ما بتمد ايديا ماحدا بيسلقاها"

هاد الكلام صحيح نظرياً .. بينما اللي بيصير على أرض الواقع مختلف .. يعني المغتصب ما بيجي بيقول لضحيتو : يلا يا حبابة و فرديلي عضلاتك لحتى أغتصبك ..
الشغلة بتصير مع كم هائل من العنف و الأذى الجسدي و كتير مرات الضحية بيغمى عليها و بالأخير بتستسلم أو من التعب أو من الخوف من التعرض للمزيد من الضرب ..

BL@CK

15/05/2009, 10:29

مافيك تقول معظم الحالات بهل الطريقه ...ولما بينحكى ع الاغتصاب ..عواقب صحيه بتصيب الفتاه مما بدل ع الحاله الي اتعرضت عليها ..وبتصور عم ينحكى هون ع الفتاه الي بتتعرض ع الاغتصاب بكل معناه وبكل المه ..
وما بتصور فيه بنت بالعالم لح ترضى بهل الشي ..بتعرف ليش ..لان الانثى بطبيعتها تنظر للعلاقه من منطلق حب وليس من منطلق حاجه كا معظم الرجال ...والي بيخيله يوصل لمرحله الوحشيه ويغتصب الفتاه ...

وهدا المتل الي بقول الي ما بتمد ايدا ما حدا بيسلقاها ...بيحكي عن حالات مختلفه تمام عن الاغتصاب ...

ويسعدلي صباحك :D

و صباحك أول شي

للأسف بمجتمعنا برأيي فيني قول معظم الحالات

عموما ً الحالة اللي عم تقولي عليا أنو الإغتصاب بكل معناه و بكل ألمه , قصدت أنو طبيا ً فيّا الأأنثى تمانع و ترفض و فيّـا ما تسمح للوحش اللي عم يغتصبا يوصل للي بدو ياه . فمشان نكون واضحين و ما ننفهم غلط ماني عم حط الحق عليا أكيد لأ , بس القصد بالإمكان طبيا ً أو منطقيا ً أو ألاويا ً أو ما بعرف كيف دبريا بمعيتك :lol: أنو ما يصير هالشي لو الموضوع من الصعوبة بدرجة ..

بيخصوص المتل يا عزيزتي فا حاليا ً الشي اللي عم نشوفوه أنو اللي ما بمد زنبيلو ما حدا بعبيلو و لنرجع نكرر في بعض الحالات ( ما فينا نقول بعض أو معظم بصراحة بدا إحصاء هاي القصة ) فعلا ً ممكن تكون اغتصاب بمعنى الكلمة و ممكن يكون متل ما سلف و ذكرت بالبداية غصبا ً و بالنهاية بناءا ً على رضا و رغبة مشتركة من الطرفين

عياش

15/05/2009, 12:22

قصدت أنو طبيا ً فيّا الأأنثى تمانع و ترفض و فيّـا ما تسمح للوحش اللي عم يغتصبا يوصل للي بدو ياه . فمشان نكون واضحين و ما ننفهم غلط ماني عم حط الحق عليا أكيد لأ , بس القصد بالإمكان طبيا ً أو منطقيا ً أو ألاويا ً أو ما بعرف كيف دبريا بمعيتك :lol: أنو ما يصير هالشي لو الموضوع من الصعوبة بدرجة ..

بيخصوص المتل يا عزيزتي فا حاليا ً الشي اللي عم نشوفوه أنو اللي ما بمد زنبيلو ما حدا بعبيلو و لنرجع نكرر في بعض الحالات ( ما فينا نقول بعض أو معظم بصراحة بدا إحصاء هاي القصة ) فعلا ً ممكن تكون اغتصاب بمعنى الكلمة و ممكن يكون متل ما سلف و ذكرت بالبداية غصبا ً و بالنهاية بناءا ً على رضا و رغبة مشتركة من الطرفين

بموضوع الاغتصاب طبيا ومثبتة بالطب الشرعي من الصعوبة بمكان اغتصاب أنثى بالغة في كامل وعيها وصحتها من قبل رجل واحد وبالتالي:

إما الرجل المغتصب أوجد الظروف والوسائل المساعدة (مخدر - سلاح - أشخاص مساعدين- ...)

أو أن الضحية ساعدت المغتصب قد يكون الدافع عاطفي ولم يكن هدفها الجماع بشكل مباشر أو أنها تتهمه بقيامه بالأمر دون رضاها.

ولذلك نرى أكثر حالات الاغتصاب تتم على الأطفال.

..Jimy

15/05/2009, 12:47

مريضه نفسيا ً ؟؟ .. أنا اعترض على اعتبار المغتصبه مريضه نفسيا ً تحت اي ظرف من الظروف .. و بعتقد هيك انت ناقدتي نفسك وقت قلتي انو في مليون واحد بياخدها و انها مريضه نفسيا .. لأنو ما بتخيل في مليون واحد رح يرضو يتزوجو وحده مريضه نفسيا .. المغتصبه ممكن تكون محطمه نفسيا ً لكنها مش مريضه نفسيا ؟؟

اي عزيزتي بس وقت تصير تحت رحمة مغتصبها.. رح تصير مريضة نفسيا..
بس تعيش مع يلي اعتدى عليها بشكل عادي.. رح تصير مريضة نفسيا..
بس تتطلع بابنها وتتذكر ابوه المجرم.. رح تصير مريضة نفسيا..

و في اوقات ممكن الزواج يكون حل مناسب بالنسبه للطرفين و في اوقات ممكن يكون السجن هو الحل و اوقات تانيه بتختلف فيها الحلول ..
لا انا ما بظن انو ممكن الزواج يكون حل مهما كانت الظروف:pos:..

شغلي لازم نتذكرا..

المغتصبة=ضحية=برئية ما إلها ذنب
المغتصب=جاني=مجرم=لا انساني=حيوان

المجرم لازم يتعاقب عجريمتو..
فحسب اي منطق بيتم تسليم الضحية للمجرم ..ليكفر عن فعلتو!!!

بس هوي هيك ، الموضوع عضلات بالمهبل ، فيها البنت تحول دون حدوث الإغتصاب.. متى أرادت فلها في ذلك سبيل ..
في عضلات بتقليصها ولا في قوة بالدنيا بتخليه يغتصبها .. ايواه..يعني عدم المؤاخذي من جاري العزيز..
بعد تالت كف هوي بيرضى..

بموضوع الاغتصاب طبيا ومثبتة بالطب الشرعي من الصعوبة بمكان اغتصاب أنثى بالغة في كامل وعيها وصحتها من قبل رجل واحد وبالتالي:

إما الرجل المغتصب أوجد الظروف والوسائل المساعدة (مخدر - سلاح - أشخاص مساعدين- ...)
عياش عزيزي والضرب المبرح إلو مفعولو..متل ما قالت ام الجود"الخوف من التعرض للمزيد من الضرب ..":pos:

Elephant And Castle

15/05/2009, 12:57

و صباحك أول شي

للأسف بمجتمعنا برأيي فيني قول معظم الحالات

عموما ً الحالة اللي عم تقولي عليا أنو الإغتصاب بكل معناه و بكل ألمه , قصدت أنو طبيا ً فيّا الأأنثى تمانع و ترفض و فيّـا ما تسمح للوحش اللي عم يغتصبا يوصل للي بدو ياه . فمشان نكون واضحين و ما ننفهم غلط ماني عم حط الحق عليا أكيد لأ , بس القصد بالإمكان طبيا ً أو منطقيا ً أو ألاويا ً أو ما بعرف كيف دبريا بمعيتك :lol: أنو ما يصير هالشي لو الموضوع من الصعوبة بدرجة ..

بيخصوص المتل يا عزيزتي فا حاليا ً الشي اللي عم نشوفوه أنو اللي ما بمد زنبيلو ما حدا بعبيلو و لنرجع نكرر في بعض الحالات ( ما فينا نقول بعض أو معظم بصراحة بدا إحصاء هاي القصة ) فعلا ً ممكن تكون اغتصاب بمعنى الكلمة و ممكن يكون متل ما سلف و ذكرت بالبداية غصبا ً و بالنهاية بناءا ً على رضا و رغبة مشتركة من الطرفين

يا رجل ..مقدر انتي تأثير الخوف و الصدمة على البنت ..

بسمع انو في رجال بعمر الأربعيين عم يبولو بتيابون اول ما يدخلو على فرع مخابرات !.اسف بس عم احكي هيك لتشوفو انو الخوف شي مو قليل

شو بتتوقعو من بنت عم تتعرض لضرب و رفس من حيوان بقصد اغتصابها ...من الطبيعي انو تنهار ...

جنائيا من الممكن انو يشكو في حال البنت كانت صاحبة بنية جسدية قوية و شب نحيل او حبتو ناعمة ..
.بس لما بكون الشب بغل او تور ..والله ارجل بنت مو قادرة توقف قدام همجيتو ..

شمس سوريا

15/05/2009, 13:04

طيب يعني يا جمااااااااااعه بالاخير شو الحل ؟؟؟ رضيانين انها تتزوجو لهالذئب البشري ..
وتعيش تحت رحمتووو :x

البنت رح تضل طول عمرها مظلووومه بمجتمعنا هااد:frown:

nour333

15/05/2009, 13:10

هلا يا جماعه لكون صريحه معكم وهاد حكي مو من عندي من دكتور طب شرعي
اغلب قصص الاغتصاب فبركة يعني انا الحالات اللي بصدق انو بنت اغتصبت اما حرب او السجن او انتهك بيتها او عملها او اي مكان غير مشبوه متواجده فيه تحت تهديد السلاح او بوجود اكتر من رجال غير هيك سلامة تسلمكم لونو الرجال بوزن الفيل قيها ادافع عن نفسها وتمزيع الاواعي ع كام رضة هدول مو اثبات اغتصاب اغبى بنت بتعرف كيف طريقة تصد الرجال ازا اعتدى عليها بقا بهيك حالة تتجوزو وبلا ما تفضح حالها
ع العموم الطب الشرعي بقدر بالفحص يعرف كزابه اما لا لما يتم معاينتها مباشرة

أم الجود

15/05/2009, 13:11

يا رجل ..مقدر انتي تأثير الخوف و الصدمة على البنت ..

بسمع انو في رجال بعمر الأربعيين عم يبولو بتيابون اول ما يدخلو على فرع مخابرات !.اسف بس عم احكي هيك لتشوفو انو الخوف شي مو قليل

شو بتتوقعو من بنت عم تتعرض لضرب و رفس من حيوان بقصد اغتصابها ...من الطبيعي انو تنهار ...

جنائيا من الممكن انو يشكو في حال البنت كانت صاحبة بنية جسدية قوية و شب نحيل او حبتو ناعمة ..
.بس لما بكون الشب بغل او تور ..والله ارجل بنت مو قادرة توقف قدام همجيتو ..

لأول مرة منتفق على شغلة :o
أنا في مشهدين اغتصاب هزوني كتير و ما بيروحوا من بالي .. الأول من مسلسل قضية رأي عام ليسرا و التاني من فلم حين ميسرة .. بالمسلسل كان المشهد عنيف بس المخرج راعى نوعاً ما ضوابط التلفزيون و حساسيتو لهيك قدرت شوف المشهد كلو بصعوبة .. بينما بحين ميسرة صابتني حالة غثيان و طفيت التلفزيون و ما كمّلت فرجة عالفلم ...

sandra

15/05/2009, 13:11

بالدول يلي بتهتم بمواطنيها في جمعيات ومؤسسات لمساعدة البنت المغتصبة لحتى تقدر ترجع وتكفي حياتها العاطفية بدون عقد ورواسب الاغتصاب
يا عمي شو هاد... مو عرفانين أنو الاغتصاب بيتم برضى البنت :?

أم الجود

15/05/2009, 13:14

ع العموم الطب الشرعي بقدر بالفحص يعرف كزابه اما لا لما يتم معاينتها مباشرة

طيب .. و عاينوها و ما طلعت كذابة .. فوق حقو دقو ؟؟
يعني من بعد كل الألم النفسي و الجسدي اللي وقع عليها .. منقلها استري حالك و تزوجي هالحيوان ؟!!؟
لأ الفضيحة و العنوسة أهون ..!!!

Elephant And Castle

15/05/2009, 13:19

لك اي ..بصير شك في حال شب حبتو ناعمة و البنت صاحبة بنية قوية ... بس سبحان الله ,,يعني كل يلي بيغتصبو بكونو وحوش بشرية ...

ثانيا مو كل شي منشوفو بأفلام البورنوغرافي لازم نصدقوا !

صرلي سنتين عم حاول اتودد من بنت و ما عم يمشي الحال ...بفهم من كلام الشبيبة انو لازم روح اسفأها كفين ,,,بتحبني فورا ..

suryoyo

15/05/2009, 13:19

بموضوع الاغتصاب طبيا ومثبتة بالطب الشرعي من الصعوبة بمكان اغتصاب أنثى بالغة في كامل وعيها وصحتها من قبل رجل واحد وبالتالي:

إما الرجل المغتصب أوجد الظروف والوسائل المساعدة (مخدر - سلاح - أشخاص مساعدين- ...)

أو أن الضحية ساعدت المغتصب قد يكون الدافع عاطفي ولم يكن هدفها الجماع بشكل مباشر أو أنها تتهمه بقيامه بالأمر دون رضاها.

ولذلك نرى أكثر حالات الاغتصاب تتم على الأطفال.

فلنفترض بلا سلاح ...

هددها انو يقتل اخوها .. ابنها .. امها .... و قدر يسطير عليها نفسيا بعد كم كف ...

هذا الموقف ... الطب البشرعي رح يسيمه علاقة زنا ... ؟؟؟؟ :sly:

بقا معظم الإحيان تبدأ القصة غصبا ً و بتنتهي برضا الطرف المـُغتصب , بس نوع من التراجيديا معظم قصص الإغتصاب ..

من الآخر من الآخر متل ما قال وائل "الي ما بتمد ايديا ماحدا بيسلقاها"

و طبعا هي الها دور ... يعني مثلا بنت حلوة و قد تلبس لبس مو كثير محتشم و هو شاب مكبوت ...

بس مو ذنبها هي طلعت بنت حلوة و لا ذنبها ليست لبس قد يكون موضة !

يا رجل ..مقدر انتي تأثير الخوف و الصدمة على البنت ..
من الممكن انو يشكو في حال البنت كانت صاحبة بنية جسدية قوية و شب نحيل او حبتو ناعمة ..

.بس لما بكون الشب بغل او تور ..والله ارجل بنت مو قادرة توقف قدام همجيتو ..

كأنك قاعد بدماغي ...!

فعلا التنظير شي ... و الواقع شي آخر بعيد كل البعد عنه

مغرم سوريا

15/05/2009, 13:41

اكيد انا ضد الخيار انو يتزوجها!!!

لانو هيك حسيت عم يحفظو حقوق المغتصب ههههه مو البنت

وكانو البنت ما بتتعوض .. أنو خلص مشي الحال عرفتو كيف؟

الله يعينا على الجاي وميرسي علموضوع

nour333

15/05/2009, 14:05

طيب .. و عاينوها و ما طلعت كذابة .. فوق حقو دقو ؟؟
يعني من بعد كل الألم النفسي و الجسدي اللي وقع عليها .. منقلها استري حالك و تزوجي هالحيوان ؟!!؟
لأ الفضيحة و العنوسة أهون ..!!!
انا بقلك شو الحل برأيي
طبعا ما تتزوج واحد متل هيك بس لازم الدولة تعاقب هالشخص انا برأيي لازم يخصوه
لأنو السجن ما بربيه
تاني شي لازم يدفع مبلغ مالي كبير الها
بالنسبة للفتاة بحاجة لتأهيل نفسي واهم شي يتم التأكد انو ما في حمل واذا فيه التخلص منو وبعدين ازا بكر انا برأيي حتى لو عارضو لشيوخ يعملولها ترميم لأنها مو مذنبه بضياع عذريتها بقلولك هاد غش بقلهم ما شي لو راحت هاي البنت وصارحت شب بدو يتزوجها باللي صار معها ما رح بس يتركها رح يخرب سمعتها احنا مو بالمدينه الفاضلة لهيك ترميم الغشاء مو غش بالعكس بيحفظ سمعة هالانسانه

butterfly

15/05/2009, 14:06

والله النقاش حامي
طالما رح يضل ما عنا "قيمة فرد " خارج عن نظرة المجتمع لألو .. رح تضل كل مشاكلنا تحل
أحسن ما يحكو علي الناس ، شو بدا تقول جارتنا ، فلانة شو بدا تحكي علي ّ ، ليقوم ما حدا يحبني ،...

وطالما ما منقدر نشوف المرأة خارج إطار انها زوجة حدا ، يعني ملحق بـ رجل
كمان رح تضل أكبر مشاكلنا ، : مين بيتجوزا ، مين بيحمل هما عن أهلا ؟ مين بيصرف عليها ( هي يعني اللي ما منصرح فيه ) :lol:

ما رح أحكي عن بنت الجيران بتتجوزو أو لأ " لأنو يمكن بنت الجيران وقتا تختار ووقتا تخرج من نظري من صورة الضحية ، هي إذا كان خيار حر "يعني ما حدا جبرها تتجوزو "
إذا اختارت تتجوزو لتساير المجتمع ، تصطفل يعني هي اللي رح تعيش مع مغتصبها وتتحملو كل يوم مشان ما تتحمل حكي الناس

رح أحكي عن حالي ، هادا اللي بقدر أحكي عنو بارتياح أكبر ، انا ما بتجوز مغتصبي لو الله منزلها بالأنجيل . :lol: والدنيا كلها بدا تلعي علي ّ .
وبخصوص موضوع الزواج " إذا ما أجى بعمرو " :gem::gem:
بس هادا ما بيمنع أني افهم مبررات
البنت اللي صغيرة وتم اغتصابا واهلا ما ساندوها
البنت اللي تم اغتصابا وحصل حمل
البنت اللي تم اغتصابا وما قادرة تجابه المجتمع
وكتير حالات ..

فينا نقول ما لازم لبعد بكرة .. بس الواقع ما بيمشي بال لازم وال ما لازم
في ناس أضعف من أنها تواجه لحالا مجتمع بأكمله ، في ناس ما فيها تعيش مستقلة لسى ، وكتير كتير

أما بخصوص المغتصب ، فأنا أملك وجهة نظر تانية
أنو خمس سنين بيكفي + تأهيل نفسي
اللي اغتصبها ضحية هو كمان ، إنسان هو كمان .. وجزء من المجتمع نفسو
بحاجة لحدا يمسك إيدو .. ويعيد تأهيلو

إذا كل واحد عندو ميول عدوانية ، او .. أو .. أو .. بدنا نسجنو عشرين سنة وما نعيد تأهيلو ويطلع من السجن متل ما فات
هالمجتمع بيفضى ..

( ميمو اكتشفت انو بدا واحد متل جيمي ع كبير :gem::gem: :lol: )

butterfly

15/05/2009, 14:12

صحي نسيت قلكن أني بأخوية وقت منقول كلمة مجتمع كتير بتضحك
انو مين يعني مجتمع ؟ مو نحنا اللي عم نناقش
الشب اللي شايف الحق عليها ، او اللي شايف انها عطتو وش
او .. البنت اللي مستحيل تجوزا أبنها أو أو ..
نحنا المجتمع ، ونحنا أول مين بيرجم الضحية
:D

باشق مجروح

15/05/2009, 14:52

لو كان هالقانون موجود باحد دساتير قبائل افريقيا بالعصور القديمة كنا قدرنا نتفهم شوي .
بس انو وجودو هلق بقانون دولة بالقرن الـ 21 هوي قمة بالعار و العيب . تفو على هيك قانون .
مكافأة للمجرم منعطيه الضحية و منسقط عنو العقوبة مع التجاهل الكامل لانسانية هالضحية والعبئ النفسي الي تشكل عندها اثناء عملية الاغتصاب و الارتباط فيه مجبورة ( بدافع الاهل وستر الفضائح ) .
الي بشوف هيك قوانين . وهيك عادات وتقاليد مدعومة بالقانون . وعدم وجود توعية لا بالمدرسة ولا بوسائل الاعلام . بيضل في عندو استغراب من الامراض النفسية المزمنة الي بيعاني منها الشعب ؟

باشق مجروح

15/05/2009, 15:00

في كتير بنات صغار بالعمر بيتم خداعهون من قبل بعض المريضين نفسياً و اغتصابهون . و تزويجهون لهيك مجرمين هو قمة الاجرام والمساعدة بالاجرام .
لك حتى لو البنت راحت مع الشب على بيتو وكانت بتحبو .مجرد اعتدائو القسري عليها بدون موافقتها المبدئية ( حسب تعبير الشباب ) هو اغتصاب الها . والاغتصاب بيحمل غالباً معو آثار نفسية صعبة ( و خصوصي مع التعذيب ) غير عبئ نظرة الناس والاهل . وعلى فرض يا سيدي هالبنت كانت عم تتسلى كمان و تم اغتصابها مرغمة و بحكم بعض العادات تم تزويجها من شخص ما بتحبو .
نحنا بصدد الكلام عن القانون الجائر شو ما كانت الطريقة وكيف ما كانت . اسقاط العقوبة بمجرد تزويج الضحية للجاني هو خلل قانوني معيب .

Sun Shine Art

15/05/2009, 15:24

Marooshe

15/05/2009, 15:54

اجبار الفتاة على التزوج من مغتصبها
جريمة اكبر من الاغتصاب بذاتو
انها تعيش مع منتهك جسدها وحقها بالاختيار
اقبح ما يمكن ان يكون من جرائم

مافي دخان بلا نار!! في متل عنا بيقول " الي ما بتمد ايديا ماحدا بيسلقاها" ..

اي مزبوط!!

ينصر دينك !

بقا معظم الإحيان تبدأ القصة غصبا ً و بتنتهي برضا الطرف المـُغتصب , بس نوع من التراجيديا معظم قصص الإغتصاب ..

من الآخر من الآخر متل ما قال وائل "الي ما بتمد ايديا ماحدا بيسلقاها"

لاء .. عنجد ؟

وكيف بتفسرو اغتصاب الأطفال ؟ كمان برضاهم ؟
واغتصاب العجزة ؟
واغتصاب الأب لبنتو والأخ لأختو .. والعم والخال والجد وزوج الأم ؟
كمان برضى الضحية!

معظم حالات الأغتصاب بتصير من ناس معروفين للضحايا .. يعني مش وحدة لابسة قصير وماشية بالشارع بنص الليل وعم تتدلع للشباب وتقلهن ، انو ما بدي ، بس تعو !

انكو تلقو اللوم على الضحية بتكونو عم تعطو شرعيه لهالجريمة ،
ما في اغتصاب بيتم غصب .. يعني كلو بيتم برضى .. يعني علاقة جنسية سليمة برضى الطرفين ..

حتى لو كان بدون مخدر او تهديد بالسلاح .. الاغتصاب الجماعي كيف بيتفسر ؟ كمان برضى ؟ وكيف فيها البنت تقاوم تلات او اربع وحوش ؟

بحالات الاغتصاب ردة الفعل بتكون وحدة من تنين ،
يا اما البنت بتصرخ وبتقاوم وبرضو هالشي ما بيمنع من انها تغتصب
يا اما بيصير عندها حالة جمود تام وبهالحالة ما بتكون قادرة لا على الحركة ولا على المقاومة ولا على الصراخ ولا حتى على الحكي .. وبهالحالة قمة الجهل انو يتسمى رد هالفعل بـ الرضى !

عياش

15/05/2009, 16:06

بينما بحين ميسرة صابتني حالة غثيان و طفيت التلفزيون و ما كمّلت فرجة عالفلم ...

الحقيقة المشهد كتير كان عنيف وأظهر المغتصبين كوحوش فعلا.

فلنفترض بلا سلاح ...

هددها انو يقتل اخوها .. ابنها .. امها .... و قدر يسطير عليها نفسيا بعد كم كف ...

هذا الموقف ... الطب البشرعي رح يسيمه علاقة زنا ... ؟؟؟؟

صحيح 100% ورح يعطيه للمغتصب عذر مخفف لأنو رح يعتبر إنو الضحية وفرتلو الاختلاء فيها وبالتالي تعتبر مشاركة معو بالفعل.

هلا يا جماعه لكون صريحه معكم وهاد حكي مو من عندي من دكتور طب شرعي
اغلب قصص الاغتصاب فبركة
كلام سليم بالمية مية...

عياش عزيزي والضرب المبرح إلو مفعولو..متل ما قالت ام الجود"الخوف من التعرض للمزيد من الضرب
كلامك سليم 100% بس بيبقى موضوع إنو البنت دخلت لمكان مع هاد الشب برضاها ولا لأ إذا كان الموضوع خطف ومثبت رح تكون عقوبة المغتصب قوية بس لو كان خدعها وأخدها ع مكان منعزل بيقدر يضربها وما ينسمع صوتها وبرضاها ممكن كتير ما يتم اعتبار الجريمة اغتصاب

ملاحظة: نسبة كبيرة كتير من العائلات بتنتقم من البنت المغتصبة ولو الموضوع ما كان بإيدها وبتقوم بتصفيتها وهالشي شائع على الأقل بريف حلب وفي قصص كتيرة بتشهد على هاد الأمر

sandra

15/05/2009, 16:16

ملاحظة: نسبة كبيرة كتير من العائلات بتنتقم من البنت المغتصبة ولو الموضوع ما كان بإيدها وبتقوم بتصفيتها وهالشي شائع على الأقل بريف حلب وفي قصص كتيرة بتشهد على هاد الأمر

أنا عم لاحظ أنو هالشي شائع عند الأغلبية بمجتمعنا
ما قصدي عالتصفية وإنما عالانتقام ... الانتقام مش بالضرورة يكون بصورة فاضحة.. بيكفي النظرة يلي عم تلاحقها من أهلها وإحساسها أنهم عم يمننو عليها لأن ساكتين :?
لأن بنظرهم جابت العار للعائلة الكريمة

برجع بقول
يا حرام عالبنت بمجتمعا شو بتنظلم والذنب بيلاحقها حتى لو مش مذنبة

suryoyo

15/05/2009, 18:56

صحيح 100% ورح يعطيه للمغتصب عذر مخفف لأنو رح يعتبر إنو الضحية وفرتلو الاختلاء فيها وبالتالي تعتبر مشاركة معو بالفعل.

اي الحكم المخفف .. ما يعني الشغلة ما كانت اغتصاب ... و لو معنويا

يعني ما دام هناك قوة جبر على الفعل ... يعني الشغلة اغتصاب ...

Nay

16/05/2009, 01:16

nour333

16/05/2009, 01:24

بصراحة انا حسيت انو صار كتير خلط بالامور برأيي يا ريت نفصل هون اغتصاب الفتاة الصغيرة عن البنت الناضجة لأنو الاول بجميع اشكالو واماكنو جريمة ما حد بقدر يلاقيلها اسم او حجم

اما النوع الثاني كل حالة تدرس على حدى وخلونا نكون واقعيين يعني انتو ما بترضو الظلم وبتخيل فيو ظلم انو وحده ادعت انها اغتصبت وبعدين يحاكمو الشب عشر سنين سجن؟
تاني شي ركزولي على المكان البنت الناضجه بتعرف متى المفروض يكون مكانها مع اي رجل غير آمن
تاني شي انا -واي بنت بتخيل - دايما بخلي مسافة امان بيني وبين اي رجل هاد بمكان عملي فكيف بمكان مغلق ممكن بنت توصلو مع رجل شو بتتوقع يفرجيها على حوض السمك في بيتو ولا يلفلها ساندويشة يا ريت ما ندعي السذاجه لأنو وصلنا لمرحلة اكبر من اقتنائها

Elephant And Castle

16/05/2009, 01:31

قصة حققية احسن شي..
صبية عايشة بنفس البناية اللي انا فيها.. اهلها سافرو على الضيعة.. نزل شب من المنور ودخل على البيت ونطرها لحتى رجعت الساعة 7 على البيت .. نطرها بغرفة النوم ولما دخلت على الغرفة هجم عليها وحاول يغتصبها.. هلق مرت الشغلة على خير وما قدر يغتصبها..
الشب عمرو 15 سنة مبطل من صف التاسع قصير وسحنوك لأبعد درجة.. الصبية طولها 170 تقريبا وضخمة شوي بنيتها قوية ..
المنظر اللي انا شفتو لما شفتها بعد الحادثة بيخليك تفكر انو مغتصبها رجال قد الحيط.. "الخرمشة والدم واثار العض والاواعي المشقوقة"
يا جماعة القدرة العضلية للشب دايما اكبر بكتير من قدرة البنت..
المهم.. انو الموضوع اتلفلف وما اشتكو للشرطة مشان الفضايح.. الصبية تركت الجامعة بالشام وتركت شغلها ورجعت على الضيعة ..وخبرتني اختها انو كل يوم بتفيق من كابوس..

طبعا ..الكلام صحيح ...القوة العضلية عند الشب و الخوف والصدمة عند البنت كلها بتجعلها تستسلم ..بس ما يعني انو الشي كان بأرادتها ...ثانيا ..في رجال عم يتلبسلها تهم تحت التعذيب او التهديد ..
هلئ انشالله تكون البنت شو ما لابسة ..ما حدا عندو الحق حتى يتطلع عليها ...لكن حسب كلامكون ..لازم كل بنات اوروبا يتعرضوا لأغتصاب ...لأنو بتفشوفوهون نصف عراة بالبارك يوم الأحد
كلام كتيير غريب عم اسمعو هون ...يعني لازم نكون متل الحيوانات بس شفنا بنت لابسة قصير //لازم نغتصبها !!

nour333

16/05/2009, 01:42

شمس سوريا

16/05/2009, 01:58

لك يعني شو رح تغيرو شو رح تعملو ؟؟؟؟؟؟؟
رح نضل هيك عقليتنا وعاداتنا من زماااااااان هيك

يعني لا تئولولي انو هيك لله في الله بدو يغتصبها هالشب
بتكون عاملتلها شي حركه بجسمها او شي كلمة منها
خلت هالشب يميل لالها او انها تلفت نظرو
ويا سيدي حتى لو ما حكيت نص حرف جسمها لحالو جسم المراه فتنه
تستر حالها وتمشي بامان الله ........
يعني مو دايما حضرة البنت لازم تكون مظلومه ;)
كل وحده اذا بتعرف الله منيح ما بيصير عليها شي
متلها متل بائي هالبنات اللي عايشين بس من صان حالو الله صانو ...:larg:
ولا شووووووووو ؟؟؟؟؟؟؟؟

وهاد بالنسبه للبنت البالغه راشده يعني اللي فوق 14 سنه
اما بالنسبه للاصغر من هيك ف رح يكون الحق على الاهل هنن ما حافظو منيح على بناتهن :x

suryoyo

16/05/2009, 02:10

قصة حققية احسن شي..
صبية عايشة بنفس البناية اللي انا فيها.. اهلها سافرو على الضيعة.. نزل شب من المنور ودخل على البيت ونطرها لحتى رجعت الساعة 7 على البيت .. نطرها بغرفة النوم ولما دخلت على الغرفة هجم عليها وحاول يغتصبها.. هلق مرت الشغلة على خير وما قدر يغتصبها..
الشب عمرو 15 سنة مبطل من صف التاسع قصير وسحنوك لأبعد درجة.. الصبية طولها 170 تقريبا وضخمة شوي بنيتها قوية ..
المنظر اللي انا شفتو لما شفتها بعد الحادثة بيخليك تفكر انو مغتصبها رجال قد الحيط.. "الخرمشة والدم واثار العض والاواعي المشقوقة"
يا جماعة القدرة العضلية للشب دايما اكبر بكتير من قدرة البنت..
المهم.. انو الموضوع اتلفلف وما اشتكو للشرطة مشان الفضايح.. الصبية تركت الجامعة بالشام وتركت شغلها ورجعت على الضيعة ..وخبرتني اختها انو كل يوم بتفيق من كابوس..

طبعا هي مظلومة من المجتمع و لذلك راحت سافرت ... و لولا الخوف على سمعتها كانوا اشتكوا و الولد اخذ العقاب اللازم ... اللي يستحقه

بس هذا مجتمعنا المريض .. و هي ضريبة العيش فيه .. و الولد اكيد عايش حياة حلوة !!

المنظر اللي انا شفتو لما شفتها بعد الحادثة بيخليك تفكر انو مغتصبها رجال قد الحيط.. "الخرمشة والدم واثار العض والاواعي المشقوقة"

و طبعا لو اشتكت عليه ... يجوز يقلك سيادة الضابط او الناس العامة ...
يجوز خلتو يفوت البيت باعتبارو جارها .. و لذلك لا تحتسب جريمة اغتصاب ... لان ما اخذت حذرها منو و دخلتو البيت
و لذلك يعطوه حكم مخفف ...

مثل .. مثال فتاة القطيف !!

لا تستغربي من تفكير كثيرين من العرب ..

suryoyo

16/05/2009, 02:16

تذكرت قصة صارت مؤخرا ...

مرة انخطفت بنت من باب بيتها .. مع انو من الصعب عملية الخطف بمنطقة سكنية ... بس صارت العملية

طلعت قصص غريبة عجيبة .. واحد يقول البنت متفقة معه ... واحد يقول اخوها يعرف هي تريد تهرب ... و واحد يقول دق لها بالموبايل و طلعت ..

و نشكر الله البنت تحررت من الخاطفين بعد ما قبضت الشرطة على العصابة ...

بس اللي عجبني .. اراء الناس العاطلة اللي حكوا قصص و تفاصيل متناقضة ... كانه هم العصابة نفسها !!

مع الاسف !

..Jimy

16/05/2009, 02:34

بتخيل - دايما بخلي مسافة امان بيني وبين اي رجل هاد بمكان عملي فكيف بمكان مغلق ممكن بنت توصلو مع رجل شو بتتوقع يفرجيها على حوض السمك في بيتو ولا يلفلها ساندويشة

اهاا هيك..انو اي بنت بتتفوت عبيت رجل..رح يغتصبا!:shock:..
لأنو حيوانات نحنا :pos:..

( ميمو اكتشفت انو بدا واحد متل جيمي ع كبير ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3N5cmlhX2dlbS5naWY%3D////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3N5cmlhX2dlbS5naWY%3D :lol: ) لأنو علبة نيدو انا :lol:..

Marooshe

16/05/2009, 02:50

بصراحة انا حسيت انو صار كتير خلط بالامور برأيي يا ريت نفصل هون اغتصاب الفتاة الصغيرة عن البنت الناضجة لأنو الاول بجميع اشكالو واماكنو جريمة ما حد بقدر يلاقيلها اسم او حجم

لما بيصير في حكي معمم شامل وبتتوجه احكام مسبقة وأصابع اتهام لكل النساء ،
بيصير التفصيل ضروري تحديدا لعدم الخلط !

اما النوع الثاني كل حالة تدرس على حدى
تماما .. هو هيك ..

تاني شي انا -واي بنت بتخيل - دايما بخلي مسافة امان بيني وبين اي رجل هاد بمكان عملي فكيف بمكان مغلق ممكن بنت توصلو مع رجل شو بتتوقع يفرجيها على حوض السمك في بيتو ولا يلفلها ساندويشة يا ريت ما ندعي السذاجه لأنو وصلنا لمرحلة اكبر من اقتنائها
برضو عم تعممي وتطلقي احكام بحق ناس ما بتعرفي لا شو كانت ظروفها ولا شو كانت حالتها الخاصة
وللتوضيح ، معظم حالات الاعتداءات الجنسية بتصير من شخص معروف وهالشي ما بيمنع انو تكون الضحية معو بمكان واحد مغلق ..

بس بتعرفي شو اقبح شي وصلنالو بالمجتمع؟

قمع المرأة للمرأة

mhsen77

16/05/2009, 02:54

يعني لا تئولولي انو هيك لله في الله بدو يغتصبها هالشب
بتكون عاملتلها شي حركه بجسمها او شي كلمة منها
خلت هالشب يميل لالها او انها تلفت نظرو
ويا سيدي حتى لو ما حكيت نص حرف جسمها لحالو جسم المراه فتنه
تستر حالها وتمشي بامان الله ........
يعني مو دايما حضرة البنت لازم تكون مظلومه ;)
كل وحده اذا بتعرف الله منيح ما بيصير عليها شي
متلها متل بائي هالبنات اللي عايشين بس من صان حالو الله صانو ...:larg:
ولا شووووووووو ؟؟؟؟؟؟؟؟
وهاد بالنسبه للبنت البالغه راشده يعني اللي فوق 14 سنه
اما بالنسبه للاصغر من هيك ف رح يكون الحق على الاهل هنن ما حافظو منيح على بناتهن :x

ولا شو .....
طبع احيان بتكون البنت من باب غنج او دلع او بتحب تشوف حالها تعمل حركات بتغري شخص ضعيف النفس باغتصابها بس هي مش قاعدة
انا بعرف شخص كان يفوت على بيوت اهلها نايمين فيها يهجم على بنت او مرا نايمة بحضن جوزها شو ممكن تكون هيي عاملتلو ؟ قولتك غامزتو؟ على فكرة من سنتين هالشخص كان بحقو 12 قضية من هالشكل و انحكم تلت شهور سجن بعد اثبات واقعة من هدول
و مشان الفتنة انتي هيك بتنظري لنفسك؟ وهيك اخوكي وابوكي و ابن عمك بينظرولك:shock:
و في كتير ناس بيصونو حالون بس بتوقع عليهن شغلات مو بالحسبان يلي تغتصب ويلي بينسرق ويلي بينصب عليه؟ يعني الحق عالرب يلي ما صانو؟
والله عجب:jakoush:

هلئ انشالله تكون البنت شو ما لابسة ..ما حدا عندو الحق حتى يتطلع عليها ...لكن حسب كلامكون ..لازم كل بنات اوروبا يتعرضوا لأغتصاب ...لأنو بتفشوفوهون نصف عراة بالبارك يوم الأحد
كلام كتيير غريب عم اسمعو هون ...يعني لازم نكون متل الحيوانات بس شفنا بنت لابسة قصير //لازم نغتصبها !!

بالنسبة لاوربا ما في مجال للمقارنة بيناتنا و بينون لانو الجماعة هيك عايشين ومتعودين على هالوضع الشب بتكون امو واختو وصديقتو و حبيبتو بيلبسو هيك
بس كمان في حوادث اغتصاب باوربا و كتير بس ما بتوقع السبب من اللبس

sandra

16/05/2009, 02:57

كل وحده اذا بتعرف الله منيح ما بيصير عليها شي
متلها متل بائي هالبنات اللي عايشين بس من صان حالو الله صانو ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اتركي الله بحالو :lol: كأن المصايب بهالدنيا بتجي بس عالناس يلي ما بتعرف الله :?

ويا سيدي حتى لو ما حكيت نص حرف جسمها لحالو جسم المراه فتنه
تستر حالها وتمشي بامان الله ........
اي بهي معك حق لأننا عايشين مع حيوانات على هيئة بشر
الحيوان بس شاف حيوان أضعف منو .. الاستجابة هي الافتراس
وهدول بس شافو منظر مغري .. الاستجابة هي الاغتصاب
مافي مخ وعقل يفكر فيهم
عني مو دايما حضرة البنت لازم تكون مظلومه ;)
اي ومو دايماً نحط الحق عالبنت ;)

sandra

16/05/2009, 02:59

ل
بس بتعرفي شو اقبح شي وصلنالو بالمجتمع؟

قمع المرأة للمرأة

يا ستي بمجتمعنا عدو المرأة هي المرأة :deal:

Abu ToNi

16/05/2009, 03:09

بس بتعرفي شو اقبح شي وصلنالو بالمجتمع؟

قمع المرأة للمرأة

هانت .. خطوة كمان ومنصير بنص مزبلة التاريخ

Marooshe

16/05/2009, 03:11

ويا سيدي حتى لو ما حكيت نص حرف جسمها لحالو جسم المراه فتنه
تستر حالها وتمشي بامان الله ........

كل وحده اذا بتعرف الله منيح ما بيصير عليها شي
متلها متل بائي هالبنات اللي عايشين بس من صان حالو الله صانو ...:larg:
ولا شووووووووو ؟؟؟؟؟؟؟؟

ويا ترى رح تحكي هالحكي الغير موزون على بنت محجبة او منقبة مغتصبة؟

والحالات عندهن كتيرة يعني !

بقى يا ريت تحكيلك شي منطقي بدل صف هالحكي ..

Nay

16/05/2009, 03:16

انا بحيي هالبنت ع شجاعتها وصراحه وقت الرجال يكون ناوي ع هيك فعل بصير متل الوحش بجوز يعض ويخرمش ويأزي بس ما بيقدر يوصل لأكتر من هيك
نور انا ذكرت اوصاف البنت واوصاف الشب و لو ماكان هاد الفرق الهائل بالحجم بيناتهون ما كانت البنت قدرت تنفد من بين ايديه..
لو كان شب بحجم الشب الطبيعي كان اكيد اغتصبها.. البنت فقدت وعيها من كتر ما ضربها الشب وهوي اللي استسلم وآخر شي اخد منها المصاري اللي كانت حاملتون وموبايلها..

Nay

16/05/2009, 03:18

يا ستي بمجتمعنا عدو المرأة هي المرأة :deal:

مروش وساندرا وابو طوني:D

Nay

16/05/2009, 03:38

جريمة الاغتصاب هي من الجرائم التي يجوز للمجني عليها أن تتنازل عن الادعاء الشخصي ولا يوجد في هذه الجريمة حق عام كما في جرائم القتل والشروع القتل والايذاء المفضي الى تعطيل عن العمل او عاهة دائمة او السرقة الموصوفة
بمعنى اخر اذا لم تتقدم المغتصبة بشكوى رسمية او تقدمت ثم تنازلت عن الشكوى يتم قفل القضية

المادة المنقذة 508 من قانون العقوبات تقول :

إذا عقد زواج صحيح بين مرتكب إحدى الجرائم الواردة في هذا الفصل وبين المعتدى عليها أوقفت الملاحقة، وإذا كان قد صدر حكم بالقضية علق تنفيذ العقاب الذي فرض عليه .

(والمقصود بالجرائم الواردة في هذا الفصل : الاغتصاب ، الفحشاء، الخطف ،الإغواء، التهتك).

وهكذا يصبح هذا النص أشبه بتشجيع على الاعتداء على الفتيات قصد الزواج منهن رغم إرادتهن، مع أن المفروض اعتبار هذا الزواج باطلاً قانوناً لأنه مشوب بالإكراه. لأن الضحية غالباً ما توافق على الزواج من المعتدي ستراً للفضيحة حسب المفهوم المعروف للشرف في المجتمع الذكوري.
لذلك لا بد من إلغاء هذه المادة وعقاب المجرم، أسوة بمصر التي ألغت المادة 291 المقابلة للمادة 508 في القانون السوري، وعاقبت الفاعل عقوبة المجرم المغتصب.

ritka

16/05/2009, 03:39

ايه معك حق لازم نحط حواجز بيننا و بين الرجال لانو احنا بغابة عايشين
و ما منتعامل مع بشر... منتعامل مع حيوانات :pos:

يعني لا تئولولي انو هيك لله في الله بدو يغتصبها هالشب
بتكون عاملتلها شي حركه بجسمها او شي كلمة منها
خلت هالشب يميل لالها او انها تلفت نظرو
ويا سيدي حتى لو ما حكيت نص حرف جسمها لحالو جسم المراه فتنه
تستر حالها وتمشي بامان الله ........

شو تستر حالها و تمشي بامان الله؟
يا اختي انت من انو عصر طالعة؟
ناقص تحكيلي البسي جلباب و ما تطلعي الا بمحرم :pos:

يعني مو دايما حضرة البنت لازم تكون مظلومه ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي مبلا حضرة البنت دايما مظلومة
لانو لما تكون مش مظلومة ما بكون اسمو اغتصاب
بتكون علاقة قائمة ع حب :pos:

كل وحده اذا بتعرف الله منيح ما بيصير عليها شي
متلها متل بائي هالبنات اللي عايشين بس من صان حالو الله صانو ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ولا شووووووووو ؟؟؟؟؟؟؟؟

لا شووووو..لانو حاج تحطو الله بالنص
يعني البنت المحجبة ما بيغتصبوها متلا؟

وهاد بالنسبه للبنت البالغه راشده يعني اللي فوق 14 سنه
اما بالنسبه للاصغر من هيك ف رح يكون الحق على الاهل هنن ما حافظو منيح على بناتهن ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلا البت اللي عمرا 14 سنة صارت بالغة و راشدة و ممكن تكون مش دايما مظلومة؟
والله عجب !!!:shock:

عمار فيكا

16/05/2009, 03:43

يعني والله هدا ماهو إنسان يعني ماعندو عقل يفكر فإذا تزوجها ممكن يضل عم يمارس الجنس مع غيرها كمان وبالحالة ممكن يتعرض للإيدز وممكن يكون سبب العدوى لزوجته ف كيف رح تكون سمعتها رح تتحول أمورها من سيئ لأسؤ صح ولا أنا غلطان انا جديد ع المنتدى وبشكر كل المنتسبين وإدارة المنتدى

Nay

16/05/2009, 03:49

-الاعتداء الجنسي بشكل عام على الأطفال في سورية نسبته 48% من جرائم الاعتداء الجنسي بشكل مجمل
-ودرجة القرابة من معارف الطفل 49%
-ونسبة الذكور المعتدى عليهم 66%
أ-ما الإناث فنسبتهن 43%
وهذه مؤشرات تم أخذها من مخافر الشرطة في دمشق والطب الشرعي.
مع التأكيد على أن الأرقام ليست دقيقة، فهي عبارة عن شكاوى وليست إحصائيات حقيقية حيث لا يوجد مراكز للإحصاء لعدم الاعتراف بالمشكلة أساساً في مجتمع يعتبر محافظاً ولا توجد فيه آليات واضحة للشكوى والتبليغ

حسب مصدر وزارة الشؤون الاجتماعية والعمل أن عدد الأحداث الذين تم وضعهم في معاهد إصلاح الأحداث ومراكز الملاحظة عام 2000م أنه من بين (9227) طفلاً كانت أسباب الإيداع لـ(1068) منهم الاغتصاب
و(604 )الفحشاء
و(325) دعارة...
وفي عام 2002م من أصل (11576) طفلاً كانت الأسباب لـ(934) منهم اغتصاب
و(903) فحشاء و(407) دعارة.

المصدر: ورقة عمل مقدمة الى المؤتمر الوطني للطفولة بسوريا

Nay

16/05/2009, 03:55

المسخرة الكبرى يا شباب
ان القانون فرّق بين الاغتصاب والسفاح حيث عاقب على الاغتصاب بعقوبة جنائية من (15-21 سنة) سجن، بينما السفاح "يعني المغتصب يكون احد المحارم الاخ او الا او الع او الخال"فقد عاقب عليه عقوبة جنحية بـ(3 سنوات) حبس
مع أن عقوبة السفاح يجب أن تكون أكثر تشديداً كونها تصدر عمن له سلطة ولائية على الآخر كالأب أوالأم أوالأخ، فالغريب أن عقوبة القتل بين الأصول والفروع مشددة بينما السفاح مخففة وهذا ناجم عن الثقافة الذكورية والبعيدة عن ثقافتنا حيث إن القانون قديم، من القوانين الرومانية القديمة التي تعتبر أن العائلة ملك لرب العائلة والذكور فيها.

mhsen77

16/05/2009, 03:56

اي مبلا حضرة البنت دايما مظلومة
لانو لما تكون مش مظلومة ما بكون اسمو اغتصاب
بتكون علاقة قائمة ع حب

اسف بس احيان بتكون البنت هيي يلي بتخط حالها بمواقف ممكن تعرضها للاغتصاب و حتى بهالحالة اكيد مظلومة بس بتكون هيي ساهمت بظلم نفسها
تانيا اذا كان علاقة بين شب وبنت \مو اغتصاب \ مو بالضرورة تكون عن حب ممكن تكون بقصد التسلية و اشباع لغريزة اكتر من كونها علاقة حب