-
دخول

عرض كامل الموضوع : قصة الشوفيرية...........

رايح عاليسار شوي
17/05/2009, 03:32
هلق يا أخواتي....كل واحد فينا بهالمجتمع العربي السوري.....وأيا كان من أي طبقة أو حزب أو شو ما كان انتماؤا....بيحتاج بيوم من الأيام انو يركب تاكسي وذلك للضرورة القصوى.......وما أن يركب الواحد فينا بالتاكسي حتى ينبض فيه عرق الرأسمالية أو البرجوازية أو حتى اذا بدكم الإقطاعية وبيتطلع على شوفير التاكسي بفوقية....وبقلو: ع الشيخ سعد ((مثلا))((للذين لايعلمون،توضيح:الشيخ سعد منطقة بالمزة))......المهم انو ما بيلحق الواحد يحس حالو رأسمالي صغير ع براس مال شي 200ليرة حتى يدق عرق البروليتاريا بشوفير التاكسي وما يترك مشكلة الا ويحكيلك ياها وبدون قصد برجعك للوضع الطبيعي الك......((البروليتاريا)))....
وكمثال ضروري وتوضيحي:اليوم طلعت مع شوفير تاكسي ومعي 150ليرة سورية...وما أن طلعت فاجأني....يعني كل الشوفيرية لما تطلع بقلولك ولله الجو حلو....أو بشع ....أو زحمة...أو..أو.....الا هاد الشوفير ما خلاني استمتع بالشرش البرجوازي.....وطلعلك طلعية لسا مو سمعان متلها وقال:آآآآآآآآآآآآآآآآآآآآ� �آآآخ....طبعا فورا اتطلعت هيك:shock:وقلت :العما شبو هاد؟؟؟؟
وبلش أخونا يشرح...وأنا بالروح البروليتارية الي عندي عم اسمع فضفتو وهو عم يقلي:
((تصور وصلتو لمحل ما بدو وطلع عدادو 150 ليرة وما عطاني........))
_أنا: ما عطاك؟؟؟
_هو: لا ولله ما عطاني .....طلع شرطي مرور.....
_أنا : اي واذا شرطي مرور؟؟؟
_هو: واذا؟؟؟؟...اتطلع فيي هيك:cry: و قلي :لك يا عمي انتا هلق جاية من المطار شي؟؟؟؟
_أنا : لأ ليش يا عم؟؟؟
_هو : لأن لو بدي قول متلك وآخد منو كانت انحجزت سيارتي بسبب مخالفة غيابية بعد ساعتين...شو مفكر حالك بأوروبا؟؟؟؟
درت وشي وصرت اتطلع بالسيارات......مجتمع دائم الحركة.....ما بيهدا................ضحكت ع حالي .....اتطلعت فيه وقلتلو: لا تواخذني يا عم بس أحيانا بفكر انو نحنا بشي فيلم أميركي أو هندي أو....أو....المهم مو سوري.....أنا هلق بعد ما صحيت يا عم بقلك أنا آسف......ولكل اللي متلك بدي قلن أنا آسف ......نزلني ع اليمين زكاتك......وشكرا .....جدا ..........جزيلا............عطيتو المية وضلت معي الخمسين يتيمة ومتمسك فيها بكل ما أوتيت من........جلمود صخر حطه السيف من عل................وأنا متأكد اني ما رح انسى انتمائي بعد اليوم......
رايح عاليسار شوي
17/05/2009, 03:55
آآآآآآآآآآآآآآآآآآآآآآآخ.. ..
طبعا أنا اتطلعت فورا هيك وقلت: العما شبو هاد....؟؟؟؟
وبدأ الأخ يشرح..........قائلا :تصور وصلتو وبعد ما طلع عدادو 150 ليرة ما عطاني....
_أنا:ما عطاك؟؟؟ليش يعني؟؟؟
_هو: لأنو شرطي مرور...
أنا : واذا شرطي مرور؟؟؟
هو: واذا.....؟؟؟؟تطلع فيي وكأنو رح يبكي وقلي عمي انتا جايي من المطار لعندي فورا؟؟؟؟شو وين عايش انتا؟؟؟عم قلك شرطي .....يعني اذا بفتح تمي بحرف بتنحجز سيارتي تاني يوم
رايح عاليسار شوي
17/05/2009, 03:56
درت وشي وتطلعت ع السيارات اللي جنبنا ....مجتمع دائم الحركة ....ما بيهدا......
اتطلعت فيه وقلتلو : ولله يا عم أنا أحيانا بفكر انو نحنا بشي فيلم أميركي أو هندي...أو..أو...بس هلق لما صحيت فيي قلك اني آسف ...الك ولكل اللي متلك بقلك أنا آسف......نزلني عاليمين زكاتك......وشكرا .....جدا ........جزيلا.......
عطيتو ال100وضلت ال50 يتيمة ومتمسك فيها بكل ما أوتيت من..... جلمود صخر حطه السيف من عل....
ووعدت حالي اني ما بقى انسى حالي..................
رايح عاليسار شوي
17/05/2009, 23:02
أيوااااااااااااااااا:shock:... .ليش هيك؟؟؟؟
haedoora
18/05/2009, 01:05
ههههههههههههههههههههههههه ههههههههههههههههه

ملعوبة ابو شريك شفت خيو خلينا عالسرافيس احسن شي

مرة كنت طالع مع شوفير لسا ما قلتلو عال..... راح مقاطعني الاخ وفتحلك جبهة معارك
حسيت حالي بمعركة التحرير عم نعبر القناة
ما ترك لهالبلد شي من البلدية وانت طالع
قسما باالله ما وصلت لمحل ما بدي لكان واصل هو معاركو عاحدود أثيوبيا
الله سترني... وانا لا من تمي ولا من كمي.... ساكت يمكن اختمت القرأن شي عشر مرات..
وهو الأخ مو عاجبو شي بهالبلد
سيدي بتصير

مشكور ..... ابو شريك الغالي
butterfly
18/05/2009, 01:29
من الخواطر والخربشات
:D
butterfly
18/05/2009, 01:36
من الخواطر والخربشات
:D
The morning
18/05/2009, 05:47
:lol::lol::lol: ..
ابو نجبو
18/05/2009, 06:17
هادا ياسيدي مرة بالليل ....
وقفت تاكسي وطلعت فيه ....
وئلتلو على فلان منطقة ...قللي تكرم ياابني..
وعلى أول دعسة بانزين بلّش "العم" بخطبة رنانة عن الدين و الاخلاق ....
ويقرالي بهالايات و يبجبلي احاديث شي بعرفو وشي ماسمعت فيو من قبل...
والحق يقال انو أنا كنت بغاية الانشراح و الانبساط من كلام الرجّال هيك حسيتو انو متل ملاك جايني من السما ...
المهم وصلنا على المنطقة الفلانية ....
طلعت من السيارة و مديت جيبي اعطيه المصاري وعيني عالعداد ...عدادو للاخ طلع شي 53 ليرة
عطيتو 200 ...واز بيقللي "الله يرزقك ياابني و يبعتلك مراد ئلبك يااااااارب".......وبيروح.


طبعاً أنا :? "هاد السمايلي ما بيعبر الا عن جزء كتير صغير من انذهالي"

فتأملو .....
saman
18/05/2009, 09:47
:lol:

حلوة :D


انو صارت معي هالقصة وقت طلعت ع حلب
ركبت تكسي من كراج هنانو القديم ع السليمانية ...
طبعاً الزلمي كان طول الوق عم بيسبسب عالعالم .. بس انا ما عم افهم عليه :lol:
المهم يا سيدي وبلا طول سيرة وصلت عالسليمانية وبيطلع ع العداد 28 ليرة ...:gem:
تطلعت بجيبتي ما لقيت فراطة غير 50 ليرة ..(قلت لحالي العمى على هالعقلة هلأ بيلطشها كلها كالعادة ) :sick:
بس الصدفة الغربية هون انو رجعلي 20 ليرة !:shock:

العمى بحياتهن سواقين التكسي باللشام ما عملوها ...:?
يمكن لو عطيتها هالخمسين لشوفير تكسي شامي وكان ع العداد 28 ليرة كمان ... كان طلب مني 10 ليرات زيادة ... بسبب الفقر ولأنو عندو عشر ولاد يا حرام .. وما عم بيلحق ع سعر البنزين ! :frown:
فا من وقتها وانا حبيت حلب :sosweet:

:gem:
jovia
18/05/2009, 10:00
هادا ياسيدي مرة بالليل ....
وقفت تاكسي وطلعت فيه ....
وئلتلو على فلان منطقة ...قللي تكرم ياابني..
وعلى أول دعسة بانزين بلّش "العم" بخطبة رنانة عن الدين و الاخلاق ....
ويقرالي بهالايات و يبجبلي احاديث شي بعرفو وشي ماسمعت فيو من قبل...
والحق يقال انو أنا كنت بغاية الانشراح و الانبساط من كلام الرجّال هيك حسيتو انو متل ملاك جايني من السما ...
المهم وصلنا على المنطقة الفلانية ....
طلعت من السيارة و مديت جيبي اعطيه المصاري وعيني عالعداد ...عدادو للاخ طلع شي 53 ليرة
عطيتو 200 ...واز بيقللي "الله يرزقك ياابني و يبعتلك مراد ئلبك يااااااارب".......وبيروح.


طبعاً أنا :? "هاد السمايلي ما بيعبر الا عن جزء كتير صغير من انذهالي"

فتأملو .....
يعني كان لازم تعرف انو كل هالدروس الاخلاق وضرب الامثال والى اخره كانت بداية لهيك نهاية :lol:
بعدين الله يصلحك ما كان معك فراطة وعطيتو شي (75)ل س حاكم بالشام ازا العداد طلع كسور بيصير بكل عين وقحة بدو ياخد زيادة بحجة اشارات المرور والعجئة وشو بيعرفني :frown:
xxlarge
18/05/2009, 17:52
وكمثال ضروري وتوضيحي:اليوم طلعت مع شوفير تاكسي ومعي 150ليرة سورية...وما أن طلعت فاجأني....يعني كل الشوفيرية لما تطلع بقلولك ولله الجو حلو....أو بشع ....أو زحمة...أو..أو.....الا هاد الشوفير ما خلاني استمتع بالشرش البرجوازي.....وطلعلك طلعية لسا مو سمعان متلها وقال:آآآآآآآآآآآآآآآآآآآآ





حبيب القلب موضوع حساس وكتير عمنعيشو
بس نيالك الشوفير عالقليله عربي
بقى شوف لوكنت بالخليج والدريويل أي (كربونة الشوفيرالعربي) باكستاني يباه وعربيتو مكسرة وسماع وطريق مسافة شو بدي أحكيلك والله تلهي حالي أتذكرت التري هندرد كلو بأحداثو الصاخبه

ولما وصلت لمكان عملي كان الفلم بزهني خلص وبعقتلو بمليان حنكي (سبارتااااااااااااااااااا� �اااااااااااااااااااااااا� �ااا) بللقلك هالعيون وبالعربيه الفصعه قلي سائلا (انتا في أرباب ) يعني هل أنت مدير

صدقني نزلت وما دفعت الأجرة مع أنها عادة من نعومة أظافر غربتي نسيانا بس شو بتعمل لو محلي

بروليتاريا ولا قليلي الزهايمر


وروق حبيبي رووق .....شوبدك فيي انساني أتركني بحالي حبيبي روق أنا كنت نسيتك شوالي جابك عبالي

وشكرا
رايح عاليسار شوي
18/05/2009, 20:32
معانااااااااااااااااااااا ااااااااااااااااة جماعية...............:lol:
شكرا عالمرور:D
jovia
18/05/2009, 20:45
بقى شوف لوكنت بالخليج والدريويل أي (كربونة الشوفيرالعربي) باكستاني يباه وعربيتو مكسرة وسماع وطريق مسافة شو بدي أحكيلك والله تلهي حالي أتذكرت التري هندرد كلو بأحداثو الصاخبه

اي واللهه كلامك صحيح يعني تخيل متلا باكستاني او هندي عم تشرحلو ساعتين وين بدك تروح وازا بدك تدلو بالخطوة وين بو يروح بتقلو يمين بياخدك شمال بقى احمدو ربكون على هالنعمة اللي انتو فيها :lol: وبالاخير بيقلك الطشم بكل بساطة " انا مافي معلوم عن انت يريد:sick:"
رايح عاليسار شوي
19/05/2009, 03:06
بقى احمدو ربكون على هالنعمة اللي انتو فيها
اي ..................الحمد له...............هو;)
leonardo_dicabreo
19/05/2009, 05:40
:lol::lol::lol::lol:

بتصير كتير . . . ! !
رايح عاليسار شوي
19/05/2009, 23:00
:lol::lol::lol::lol:



بتصير كتير . . . ! !

صارت .............;)
mhsen77
20/05/2009, 01:47
شو رأيكن شباب تعملو العكس مع الشوفيرية

متل هي القصة مثلا:
مرة كنت بالشام مع شب صاحبي طلعنا مع شوفير قلنا لوين الشباب
قلنالو امشي.............
كان وقتها العداد يبلش بتلت ليرات و لما وصل حسابو للخمسة قلنالو نزلنا هون
almurtaja
20/05/2009, 02:12
eza bdkon tnbsto u testehjo be rekbet eltksi ro7o 3la ellad2ye ... :yahoo: