اعتبر استطلاع بريطاني دولي شمل 143 دولة حول العالم أن المواطن السوري هو ثالث أسعد مواطن عربي بعد المواطن المصري والسعودي، واضعاً إياه في المرتبة 38 في مؤشر سعادة الكوكب العالمي.

ولفت الاستطلاع البريطاني الذي أجرته "مؤسسة الاقتصاد الحديث" The New Economic Foundation البريطانية، ونشر على موقعها الإلكتروني، إلى أن مبعث سعادة الفرد وتمتعه بحياة مديدة وأفضل نمط معيشي وصداقته للبيئة لا يقترن البتة بموطن إقامته في دول متقدمة أو غنية، حيث كشف "مؤشر الكوكب السعيد"، أن أسعد "خلق الله" من دول فقيرة في أمريكا اللاتينية، وآسيا ودول الكاريبي.
وحصلت الجزائر على الترتيب الرابع عربياً تلتها اليمن وفلسطين ولبنان والسودان والامارات فالكويت.

وجاءت كوستاريكا على رأس قائمة أفضل دول العالم سعادة حيث يتسنى للفرد التمتع بحياة ملؤها الصحة والسعادة والحياة المستدامة، وأعقبها على التوالي: جمهورية الدومنيكان، جاميكا، غواتيمالا، فيتنام، كولومبيا، كوبا، السلفادور، البرازيل، وهندوراس

وبشكل مفاجئ جاء تقييم الدول الغنية والمتقدمة ضعيفاً للغاية، حيث احتلت أفضل الدول الأوروبية - هولندا في هذه الحالة - المرتبة الـ43 من قوائم الدول البالغة 143 دولة.

وتفوقت جورجيا وسلوفاكيا على بريطانيا، التي احتلت المرتبة الـ74، بعد ألمانيا، وإيطاليا، وفرنسا، بذات الترتيب، إلا أنها جاءت في تقييم متقدم على اليابان وأيرلندا.وفي المقابل، احتلت الولايات المتحدة المرتبة الـ114، وكندا 89، وأستراليا 102.

ويعتمد مؤشر البحث (happyplanetindex) على رفاهة الفرد من حيث التمتع بحياة سعيدة وطويلة وذات مغزى وصديقة للبيئة. ويعتمد الاستطلاع كذلك على قضايا ذات شأن بكوكب الأرض - وهي معدل استهلاكنا للموارد الطبيعية.
وبرر اقتصاديون احتلال الدول الغنية والمتقدمة المراتب الدنيا نظراً لمخلفات الكربون العالية المنتجة هناك، بقياس كم الموارد المستهلكة للفرد.
ومعدلات الرضا عن النفس يجري حسبانها من استبيان عالمي، ولا يعني ذلك بالضرورة ارتفاع هذا الشعور بين مواطني الدول الغنية والمتقدمة، حيث لا يزال العنف والتفرقة من سمات تلك المجتمعات.


كلنا شركاء

أول نكته تبع انو السوري تالت أسعد واحد بالعرب مقبولة عند نكتة مين الأول والتاني:


المواطن السوري هو ثالث أسعد مواطن عربي بعد المواطن المصري والسعودي،


والنكتة الأكبر هي هدول:


وجاءت كوستاريكا على رأس قائمة أفضل دول العالم سعادة حيث يتسنى للفرد التمتع بحياة ملؤها الصحة والسعادة والحياة المستدامة، وأعقبها على التوالي: جمهورية الدومنيكان، جاميكا، غواتيمالا، فيتنام، كولومبيا، كوبا، السلفادور، البرازيل، وهندوراس


أول ماقريت التقرير وشفت المواقع السورية بلشت تتطبل وتزمر فيه كفرت 100 كفرية بس وقت رقت شوي اكتشفت انو معتمدين على مقاييس بتتعلق بالتلوت وبمدري شو... يعني والله مافهمت لانو ماقدرت ركز...

معقولة المقياس على الفرحة كان عدد المسيرات والأعراس الجماهيرية العفوية بالمناسبات الوطنية :?

صحيح مين أسعد؟ :?

مافهمت شي
قلتلي على اي اساس اعتمدو هالتصنيفات؟

هههه

إذات مصر أسعد دوله , معناها احنا ماكلين هوا . . ! !

العمى

من وين بتجيبو هالحكي . . . :frown:

شو هالاستغباء ؟ جد حرئو دمي ،
كيف بيصير هيك !! اكيد في خطأ بالترجمة او خطأ بالدراسة . كيف المواطن المصري أسعد مواطن على مشتوى الدول العربية !! كيف يسبق قطر والامارات ودول الخليج الغنية اللي عندها كل شيئ ، بشرفي المواطن بغزة المحاصرة المدمرة متوسط دخلو اعلى من متوسط دخل المواطن المصري . جد هالموضوع بدو وقفة .

كلها ع بعضا هالاحصائيه ما الها عازه
:pos:

ولفت الاستطلاع البريطاني الذي أجرته "مؤسسة الاقتصاد الحديث" The New Economic Foundation البريطانية، ونشر على موقعها الإلكتروني، إلى أن مبعث سعادة الفرد وتمتعه بحياة مديدة وأفضل نمط معيشي وصداقته للبيئة لا يقترن البتة بموطن إقامته في دول متقدمة أو غنية، حيث كشف "مؤشر الكوكب السعيد"، أن أسعد "خلق الله" من دول فقيرة في أمريكا اللاتينية، وآسيا ودول الكاريبي.






من وين ما الواحد دار هالتقرير ما بلاقي ظابط

يعني السعادة والحياة المديدة والصداقة مع البيئة منين بدن يجو مع الفقر و معدلات التلوث القياسية بالدول الفقيرة , اي نحني عنا البني ادم اذا بيقطع ال 65 بكون محظوظ :?

يا جماعة في كتير ناس ما معون مصاري بس عايشين أحلا عيش يعني المصاري ما دخلها بالموضوع

:shock:هيك انا حالين بعد هل الاستطلاع..........طلعنا تلت اسعدن شي بهل الوطن العربي الظريف........أكيد في تحشيشة بل الئصة

ههههههههههههههههههه ظريف هالتقرير . قلتلي بيئة لك انو بيئة

ممكن تجبلي مين داعم المؤسسة يلي مطلعة هالتقرير التسالي

روحوا انسعدوا لكن..

:dabeek: :dabeek: :dabeek: :dabeek: :dabeek: :dabeek: :dabeek: :dabeek: :dabeek: :dabeek: :dabeek: :dabeek:


يا سلام نحن تالت أسعد شعب عربي

:yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo:


و لكل الأخوان العرب بقلهون

:tomtom: :tomtom: :tomtom: :tomtom: :tomtom: :tomtom: :tomtom: :tomtom: :tomtom: :tomtom: :tomtom: :tomtom:

طلع عنا مخزون سعادة استراتيجي؟ يا حيالله! بكرا بيعملو الشباب الطيبة شركة "السعادة" القابضة :p

طلع عنا مخزون سعادة استراتيجي؟ يا حيالله! بكرا بيعملو الشباب الطيبة شركة "السعادة" القابضة :p





ها1111111111111111

لا يكون ترتيبون من تحت لفوق

هههه
هي عجبتني
دخيل السعادة انا لما بتعلق مع البئة
رح يدحشوها بكلشي وما عم يقدرو يطلعو قرار دولي من شان حمايتها

عالم اخر زمن والله

هلأ شيلو المزح... حطو مسخرة

أنا بتوقّع صحيح قصة البيئة... يعني غالباً هدول عاملين استمارات انو شقد مدى قلقك من التغيرات البيئية و كل هالأمور, أي بكتير من دول العالم هالشغلة هاجس, و ربما أحياناً يصل حد الرعب

بس عنا شو بيئة ما بيئة؟ مين سائل هون عن البيئة؟ أكيد رح يسألو قديه من واحد لعشرة قلقك من التغيرات البيئية و الرد بيكون مليون صفر... أحلى مصنع هو اللي مدخنتو تنفث بشكل أغزر دخان هيك أسود متل عيونا :lol:

طلع عنا مخزون سعادة استراتيجي؟ يا حيالله! بكرا بيعملو الشباب الطيبة شركة "السعادة" القابضة :p
و يصير في ضرائب على الابتسام و التمتع بالسعاده :lol:

غريبة ...
البارحة كنت عمبحكي مع أهلي بسوريا و قال الوضع بيكفّر ولاشغلة ولا عملة ...


رح أسألن اليوم ازا الاستطلاع شملون ولا لا.......






عاشت سوريّة............

وعاش الشعب السعيد.......

غريبة ...
البارحة كنت عمبحكي مع أهلي بسوريا و قال الوضع بيكفّر ولاشغلة ولا عملة ...


رح أسألن اليوم ازا الاستطلاع شملون ولا لا.......


:lol: :lol: :lol:

للاسف الدراسة حقيقية فعلا وتقع بحوالي 64 صفحة باللغة الانجليزية ،

ولكن في شيئ غير اخلاقي تم من الموقع اللي نقل الخبر او ترجمه او كلاهما ،
سوريا ترتيبها الخامس عربيا - الترتيب الدولي 38

الاردن الرابع عربيا - الترتيب الدولي 26

المغرب الثالث عربيا - الرتتيب الدولي 21

المملكة السعودية الثاني عربيا - الترتيب الدولي 13

مصر الترتيب الاول عربيا - الترتيب الدولي 12

اذا ما عندهم مترجمين جيدين فهي مواقع تخجل واذا متعمدين الترجمة المزورة فهاد شيئ يوصل لاقصى درجات الخجل

نحنا الرابعه نحنا
لك شو بدي قول

لا تعليق

كما حصل انا مروان ((انا شخصيا)) على المرتبة الاولى في ترتيب اسعد الناس بعد استطلاع لمنطقة الراس لباقي اعضاء الجسم حيث اشار الى امكانية استعمال العنف في الاستطلاع اي ((العض)) اذا لم يصوتوا بشكل يرضي الراس تماما

بالنهاية راسي هدد جسمي المجروح وقالوا يا بتحكي يا بعضك
:larg::larg::larg::larg::larg::larg::larg::larg::l arg::larg::larg:

ذو العقل يشقى في النعيم بعقله
وأخو الشقاوة في الجهالة ينعم
إذا كان المقياس بالإحاصئية الخرنكعية بيت الشعر أعلاه معناه هالحكي صح وميت صح والدليل الثاني كتر أعراسنا الوطنية والقومية

للاسف الدراسة حقيقية فعلا وتقع بحوالي 64 صفحة باللغة الانجليزية ،

ولكن في شيئ غير اخلاقي تم من الموقع اللي نقل الخبر او ترجمه او كلاهما ،
سوريا ترتيبها الخامس عربيا - الترتيب الدولي 38

الاردن الرابع عربيا - الترتيب الدولي 26

المغرب الثالث عربيا - الرتتيب الدولي 21

المملكة السعودية الثاني عربيا - الترتيب الدولي 13

مصر الترتيب الاول عربيا - الترتيب الدولي 12

اذا ما عندهم مترجمين جيدين فهي مواقع تخجل واذا متعمدين الترجمة المزورة فهاد شيئ يوصل لاقصى درجات الخجل

هاد الكلام صحيح 100% واليوم قريت التقرير كامل وفيه مفارقات غريبة... بس أغرب شي إنو المنظمة المذكورة مو تابعة للأمم المتحدة ولا لأي منظمة دولية...

المشكلة بهيك قصص.. انو مثلاً السعادة كيف بتنقاس؟ قصدي مافي شي ملموس! هنن بتوّقع بيعملو استبيان بمجموعة شغلات و بيسألوك عن مدى قلقك أو تخوّفك منها, او هيك شي...

ع كل حال وحدة من مزايا (خلينا نقول كمان تناقضات) الجنس البشري هو انو سعادتو أو راحتو أو شو ما كان لا تتعلّق -بشكل عام- برفاهيتو المادية... يعني شخصياً مسافر كتير, و ما شفت شعب سعيد بحياتي متل الشعب الكوبي.. رغم انو فقراء بشكل مدقع, بس سعداء! مبسوطين كل نهارون.. عالسبعة و نص تنقطع الكهربا بيطالعو الكراسي عالشارع و يبلشو رقص و غنى و شرب.. و اخت الدنيا ع أخت اللي فيها (و تشوف السائح اللي يفترض جاي يتفسّح و مرفّه... بتلاقيه ضارب بوز متر اذا بتقارنو مع أي كوبي)


في عوامل فيزيولوجية تساهم بالسعادة (اذا اعتبرنا السعادة هي شعور بالراحة أو النشوة) وحدة منهون هي الطقس, التانية هي النظام الغذائي (متل الزيتون و مشتقاتو) الثالثة هي حتى جينية... و أكيد الرابعة و يمكن الأهم هي الفلسفة الحياتية.. يعني نحنا الشعب اللي اخترع "طنّش تعش تنتعش" أو "لا تدقق" أو غيرها....


و الله يديم البسط و السعادة :lol:

ناس فاضية .... وشو الفايدة ؟؟

بعد بكير ع هيك احصائيات ...

يعني إذا بتروحو شي يوم جمعة على حلب وبتطلعوا عالمحلق بتعرفو ساعتها ليش نحنا تالت اسعد شعب
يازلمة بتلاقي كل واحد عندو مصايب الدنيا ومع ذلك قاعد وعميضحك ويمزح ويتسلى بجوز نحنا شعب ماعندو وسائل الرفاهية بس بيعرف يبسط حالو يعني مابصدق يشوف شجرتين ليجيب المنقل لجنبون ويعمل سيران:o

اما بالعكس مثلا هون بتلاقي حدايق بتاخد العقل وكلها مخدمة وبس بدون ياك تطلع وتنبسط ومع ذلك بتحس العالم قرفانة حالها:pos:

لو اعطوا اصحاب هذا التقرير الجنسية العربية ولو ليوم واحد وجربوا الحياة اليومية للمواطن العربي راح تتغير كلمة

أسعدددد ............الى ...........أسعررررررر مواطن....لكن ما عسانا نقول الا ان التقرير فكاهي وطالع من فكهاني

انا عندي نتائج دراسة تانية (على حق ربنا عن السعادة ) هما بيقولو مصر ترتيبها11 على العالم هنا ، بالدراسة التانية ترتيبها يمكن 150 او 160 (انا اعترف بالدراسة التانية ) لان الدراسة الاولى بتعتمد على 3 مؤشرات ، اغلبنا مابيعتبرهم مؤشرات عالسعادة ، وهنا الفكرة .

مصر الاولى عربيا فى السعادة

ليه لأ؟

كل الشعب بيغنى انا شارب سيجارة بنى

ليهم كل الحق وشكرا ع دقة التقييم:frown:

هاد الكلام صحيح 100% واليوم قريت التقرير كامل وفيه مفارقات غريبة... بس أغرب شي إنو المنظمة المذكورة مو تابعة للأمم المتحدة ولا لأي منظمة دولية...
مين دافعلا؟؟؟؟
اكيد حدا دافع واكيد مو انا :o
قال بيئة قال يجو ويشوفو البيئة ببانياس يقبشو عضامي
طلع عندي سرطان من البيئة النظيفة:o:o:sly:

الاردن راابعا ..؟؟ :?

في غلط بالموضوع بلكي قصدهم رابعا بعد ال100 هيك بتكون معقولة ...:larg:

لك صحيح ممكن يكون صحيح هالحكي بس يمكن في عند الغرب بلدان تانية اسمها على اسماء الدول العربية ..؟ :?