-
دخول

عرض كامل الموضوع : ماذا كنا نشاهد قبل وجود الدش في سوريا

mazen400
08/07/2009, 01:33
-أرضنا الخضراء:ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده


-الايدي الماهرة: و من اعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!


معالعمال:و وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية....
-

نحن الطلبة:كلو رقص و دبك و انشطة اجتماعية و محاضرات و سيارين و شك نصبات شجر....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هيدي شغلات ثانوية...وعلى مهرجانات خطابية!!انا بفضل يتسمى مع الدبيكة و رقيصة العربي!
-

أطفال هواة: يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-

الطلائع:برنامجي المفضل!بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!".... اسم الله عليه!!بدو طابة زرقا مو خرزة!!
saman
08/07/2009, 01:36
أطفال هواة: يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-

الطلائع:برنامجي المفضل!بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!".... اسم الله عليه!!بدو طابة زرقا مو خرزة!!




ولي على هيك برامج قديشها معتة .. كنت اقرف حالي يوم السبت او يوم التلاتا وقت ارجع من المدرسة ولاقيهن طالعين :sick:

مشكور مع انو مكرر :pos:
jovia
08/07/2009, 02:04
زكرتني باطفال هوات بديني ما بنساها والانكى من كل للي زكرتو بالبرنامج انو لما بتسال مامي فاتنة شو بدك تصير بالمستقبل كلون حيصيرو يا دكاترة يا مهندسين يا لطيييييييف شو ازكيا ......

بتزكر مرة قال واحد انو بيتمنى يطلع زبال نسيت شو تعليلو للامية المستقبل :?
zeenaa
08/07/2009, 02:07
شو بحب هالذكريات المعتة
وخضرة يابلادي خضرة آآآآآآآآآآآآآه:Dمشكورة
cornholio
08/07/2009, 02:14
-أرضنا الخضراء:ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده



لأ و اذا كنت بتزكر التسجيل اللي الله بيكرهو ل غنية وديع الصافي خضرا يا بلادي خضرا

اييييييييييه ع ايام زمان :jakoush:
MadMax
08/07/2009, 02:47
ماذا كنا نشاهد قبل وجود الدش في سوريا


كنا نشاهد الـ sigma




حدا بيذكر هالمحطة ..؟؟ :larg:
Black Orchid
08/07/2009, 09:30
ياالله, عم دور بالارشيف على مسرحيه غنائيه الماما شاركت فيها وهي صغيره وما عم لاقيها ..............
حابه اهديها بعيد ميلادها...
Lolitta747
08/07/2009, 10:56
كنا نشاهد الـ sigma




حدا بيذكر هالمحطة ..؟؟ :larg:

وخود على مكسيكي.....:p
عياش
08/07/2009, 12:36
إنو كيف بتنسى برنامجحماة الديار : رفاقي المقاتلين أعزائي المشاهدين والرفيق المقاتل فلان وبدونرتبة أو كنية وبيطلبو كلون غنية وحدة وبالآخر بيطلع فهد بلان لو شو ما طلبو
رجل من ورق
08/07/2009, 12:57
شو هي السيجما
انا لما كنت بالشام المستقبل والال بي سي
وبديرالزور العراق طبعا
بس نسيتو ما يطلبه الجمهور و مجلة التلفزيون
MadMax
08/07/2009, 13:12
شو هي السيجما
هي يا سيدي محطة قبرصية .. كانت تغطي كل الساحل السوري ..
بالليل كانت تنقل برامج محطة playboy الشهيرة


يعني الساعة 12.45 يبلش حظر التجول بكل الساحل السوري ..... و غرب المنطقة الوسطى كمان ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
..Jimy
08/07/2009, 14:55
هي يا سيدي محطة قبرصية .. كانت تغطي كل الساحل السوري ..
بالليل كانت تنقل برامج محطة playboy الشهيرة


يعني الساعة 12.45 يبلش حظر التجول بكل الساحل السوري ..... و غرب المنطقة الوسطى كمان ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

آآآآآآآآآآآه هي اسمها سغما.... اي كانت توصل لعنا عالوادي بس كتير مغبشي:pos:!
على ما يبدو راح عليي شي مدسم :larg:..
Genifer
08/07/2009, 16:10
هي يا سيدي محطة قبرصية .. كانت تغطي كل الساحل السوري ..
بالليل كانت تنقل برامج محطة playboy الشهيرة


يعني الساعة 12.45 يبلش حظر التجول بكل الساحل السوري ..... و غرب المنطقة الوسطى كمان ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


نحن بحلب كانت تسحب عندنا تركيا..في ناس كانت تسحب عندهن كمان star & show & Cine5


بالنسبة شو كنا نشاهد ..في برامج كتير ناسينا

أكثر برنامج محبوب تلفزيون والناس..
بس هاد البرنامج يعني كان من أفضل البرامج هديك الأيام ومناسب بجميع الفئات العمرية
المقدم: مروان صواف..

برنامجي المفضل...طرائف من العالم
وكان يطلع فيه عروض أزياء معتة
المقدم: محمد توفيق البجيرمي....فتأمل يارعاك الله

برنامج من الألف إلى الياء
كانت تطلع بالشارة طيارة مع صوت مرعب كنت خاف منهن ..وبعدين يطلع وردات عم يتفتحوا
البرنامج ما كنت افهمه بس بظن كان ع اللغة العربية

هدول تذكرتهن مبدئياً
cornholio
08/07/2009, 16:41
كنا نشاهد الـ sigma


ولك اي اي

السيغما ما غيرها

انا كنت شوفها هيي و ال ال تي في :larg:
kosayka2
08/07/2009, 17:02
و الأحلى من هيك

إذا بتتذكروا الشارة تبع برامج الأطفال

يعني فعلا كانت رهيبة

بتتذكروها ؟؟؟؟؟؟

لك تبع الولد يلي بينزل من السيارة و مدري شو
:lol:
MadMax
08/07/2009, 18:03
ولك اي اي

السيغما ما غيرها

انا كنت شوفها هيي و ال ال تي في :larg:
يللي كان يسهر عالـ LTV كان يفيق الصبح متل المحشش .......




يعني كنت تطلّع بوجوه الطلاب الصبح .. تعرف كل واحد على محطة كان سهران ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
Government
08/07/2009, 18:24
برنامجي المفضل...طرائف من العالم
وكان يطلع فيه عروض أزياء معتة
المقدم: محمد توفيق البجيرمي....فتأمل يارعاك الله

:lol:

هالبرنامج شغلة كبيرة وخاصة صوتوا وعبارتو الشهيرة
هادا اكتر برنامج كنت اوعالو .. لانو ماكتير عاصرت فترة قبل الدش بحكي انو ربينا ع العز رأسا ع الدش :gem:
وهادا البرنامج الوحيد اللي علقان بزهني من وقتا
Government
08/07/2009, 18:25
يللي كان يسهر عالـ LTV كان يفيق الصبح متل المحشش .......




يعني كنت تطلّع بوجوه الطلاب الصبح .. تعرف كل واحد على محطة كان سهران ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


يازلمة نحنا لما كنت نروح ع دريكيش من شي سبع تمن سنين او اكتر شوي كانو الام تي في اللبنانية والابي سي كلن يطلعو ع الارضي بلادش بتزكر وخصوي الام تي في
MadMax
08/07/2009, 18:37
يازلمة نحنا لما كنت نروح ع دريكيش من شي سبع تمن سنين او اكتر شوي كانو الام تي في اللبنانية والابي سي كلن يطلعو ع الارضي بلادش بتزكر وخصوي الام تي في
إذا بترجع شوي لبداية التسعينات .... كانت تطلع عنا أكتر من 60 محطة أرضية ( بين لبنانية و مصرية و قبرصية و تركية ..)
بس لحد الآن الارضية السورية بتطلع عنا مشفرة .. و القناة التانية بحياتي ما شفتا
سيجارة
08/07/2009, 19:34
معلوووووووووووووووووووووو م
سهرات للصبح على تحريك وفتل للأنتيل
والله أيام بس كنت تحس باللذة ليش في تعب أما حاليا صار عندك مخزون على جوالك بتشوفو ايمتا ما بدك
الله الله الله أبو الغيث