أول شي حابب أكد أنو أنا مو ضد حدا أبداً وبأيّد انو كل واحد يقول رأيو بالمنبر الحر وبصراحة حتى يبقى المنبر الحر " منبر حر " .. بس وقفوا معي شوي وافهموا قصدي تماماً ..
بعض الشباب – لأسباب مختلفة – اجتمعوا على شتم وسب النظام في سوريا ممثلاً برئيس الدولة ونازل , ومتفقين على سب الأمن والمخابرات عالطالعة والنازلة ..
مو دفاعاً عن حدا بس خلونا نوقف مع ذاتنا شوي :
أولاً – السب والشتم واستعمال الألفاظ غير اللائقة ليست وسيلة لتصحيح نهج غلط ولا هيي وسيلة لأخراج البلد مما هي فيه , لأنو صار السوريين قسمين : قسم مستفيد من الوضع الحالي وعم يعبي جيوبو ويطلع على اكتاف الباقيين , وقسم قاعد بالزوايا مو طالع بأيدوا غير " الله يلعن فلان . ويلعن أبو علتان ... " . وبيناتهن أي شخص بدو يحاول يصلح شغلة صغيرة بيروح تفعيس تحت الرجلين .
ثانياً – الناس عم يطالبوا بالحرية بس ما اتفقوا على الحرية اللي بدهن ياها : واحد بدوا حرية الحكي حتى يسب ويلعن ويتفتف بدون ما يشحطوه على بيت خالتو , والتاني بدو حرية إنشاء أحزاب على أسس دينية وطائفية أو على اسس إثنية وعرقية , وماني عارف شو هالتطور اللي راح ينتج عن هالشي , والثالث الحرية عندو أنو ينتخب ولو مرة وحدة بأيدو بدون ما يعطوه ورقة مليانة حتى يرميها بالصندوق وإلا بيرموه رمية الكلاب ... والرابع بدو حرية متل ما بيسمع عنها بأوروبا وأميركا ومقتنع انو هالعشرين مليون يلي بسوريا راح يعرفوا يعيشوها بدون ما ياكلوا بعضهم ...
ثالثاً – انعدام أي بصيص أمل بان البلاد تتجه ولو بشكل بطيء جداً للخروج من التقهقر الذي يسير بخطىً حثيثة نحو الهاوية

بس في شغلة صغيرة حابب ننتبهلها :
شو ناطرين نحنا كسوريين من الدولة – بغض النظر أنو بدها تصلح الوضع او ما بدها - ؟
الدولة فيها تخرب المواطن بس مين قال انو فيها تعيد بناء المواطن اللي خربان ؟
التخريب بيصير بسرعة بس البناء ما بيصير إلا ببطء
السوس نخر العقول وكل واحد بيقول انو البلد ماشية كلها هيك هلق مين انا حتى صلّح البلد ؟ كل موظف بيرتشي وكل شرطي بيبيع تيابو كرمال خمسين ليرة والحرامية الكبار حرقوا دين البلد والشعب , وعم يمشوا البلد متل ما بدهن .
صار العالم بدها أي شي يخلصها من الوضع حتى لو بتجي أميركا .
بلا طول سيرة : في حدا منكن بيحب يشوف سوريا متل العراق كرمال حتى يخلص من الدولة ؟
في حدا بيحب الديمقراطية الأميركية ؟ أو بمعنى آخر في حدا مصدق أنو أميركا تريد لأي بلد بالشرق الأوسط ديمقراطية حقيقية ؟
في حدا حابب يستبدل سجن صيدنايا وعدرا بسجن أبو غريب تاني ؟
في حدا حابب يشوف بكرة شي أبو مصعب أو أبو قتادة أو أبو جهل بالشام عنا ؟ وبتعرفوا قديش راح يسرح دم إذا فرطت سطوة الأمن بهالبلد ؟
راح تقولوا : حاجي بقا قصة أنو الأمن والمخابرات حاميين البلد وأنو هادا بعبع بيخوفونا منو حتى نخرس ونطب على قشاتنا .. بس الحقيقة مو هيك .. يعني شفنا شو صار بغيرنا .
أنا رأيي أنو أنظمة الحكم من بعد الإستقلال هني وصلونا للشي اللي هلق نحنا عايشين فيه .. بالتدريج وكل واحد عمل اللي فيه النصيب , بس هلق بعد ما صار اللي صار , صار النظام المخابراتي البحت هوي الكفيل بلجم أصحاب العقول المريضة بالبلد حتى ما يقوموا من تحت البسطار ويحرقوا دين الأخضر واليابس .. ساعتها غير الله ما بيقدر يضبّهن ..
يعني بقلم نشرح : خفوا شوي شباب عن الرئيس وعن الأمن : مو إذا حمشو بالبرلمان منسب المخابرات ومو اذا أبو الريم شلحكن تيابكن من ورا الموبايلات تسبوا الرئيس , ومو إذا وزير حكا أو طالع قرار بيهوّي نجي ونقول " الله يجيبك يا ماما أمريكا "
يعني شو لحقنا نعرف عن الرئيس بهالخمس سنوات ؟ ومين قال أنو بيقدر يغير شي عمروا خمسين سنة بخمس سنوات ؟ وكمان تحت حصار أمريكي ؟؟ من وين بدو يبدا ومين بدو يحاسب ؟؟ ومطلوب منو كل شي بس ما حدا بيطلب من نفسو أي شي ؟ كل شي مطلوب من الرئيس وما مطلوب من المواطنين شي غير يقعدوا يراقبوه وينشروا عرضو ؟
خلوكن شوي منطقيين .. والله لا يجيب لا أمريكا ولا زباينها ..
لا تواخذونا .. هادا رأيي .. مو هون " الهايد بارك " ؟؟؟ :confo: :confo:
:confo:

في حدا حابب يشوف بكرة شي أبو مصعب أو أبو قتادة أو أبو جهل بالشام عنا ؟
ايييييييه انا رضيان بس من عدا أبو جهل .... خيو و شو فرئت يعني ؟؟ :?

أحسن شي تعشا نواشف :P

أول شي حابب أكد أنو أنا مو ضد حدا أبداً وبأيّد انو كل واحد يقول رأيو بالمنبر الحر وبصراحة حتى يبقى المنبر الحر " منبر حر " .. بس وقفوا معي شوي وافهموا قصدي تماماً ..
بعض الشباب – لأسباب مختلفة – اجتمعوا على شتم وسب النظام في سوريا ممثلاً برئيس الدولة ونازل , ومتفقين على سب الأمن والمخابرات عالطالعة والنازلة ..
مو دفاعاً عن حدا بس خلونا نوقف مع ذاتنا شوي :
أولاً – السب والشتم واستعمال الألفاظ غير اللائقة ليست وسيلة لتصحيح نهج غلط ولا هيي وسيلة لأخراج البلد مما هي فيه , لأنو صار السوريين قسمين : قسم مستفيد من الوضع الحالي وعم يعبي جيوبو ويطلع على اكتاف الباقيين , وقسم قاعد بالزوايا مو طالع بأيدوا غير " الله يلعن فلان . ويلعن أبو علتان ... " . وبيناتهن أي شخص بدو يحاول يصلح شغلة صغيرة بيروح تفعيس تحت الرجلين .
ثانياً – الناس عم يطالبوا بالحرية بس ما اتفقوا على الحرية اللي بدهن ياها : واحد بدوا حرية الحكي حتى يسب ويلعن ويتفتف بدون ما يشحطوه على بيت خالتو , والتاني بدو حرية إنشاء أحزاب على أسس دينية وطائفية أو على اسس إثنية وعرقية , وماني عارف شو هالتطور اللي راح ينتج عن هالشي , والثالث الحرية عندو أنو ينتخب ولو مرة وحدة بأيدو بدون ما يعطوه ورقة مليانة حتى يرميها بالصندوق وإلا بيرموه رمية الكلاب ... والرابع بدو حرية متل ما بيسمع عنها بأوروبا وأميركا ومقتنع انو هالعشرين مليون يلي بسوريا راح يعرفوا يعيشوها بدون ما ياكلوا بعضهم ...
ثالثاً – انعدام أي بصيص أمل بان البلاد تتجه ولو بشكل بطيء جداً للخروج من التقهقر الذي يسير بخطىً حثيثة نحو الهاوية

بس في شغلة صغيرة حابب ننتبهلها :
شو ناطرين نحنا كسوريين من الدولة – بغض النظر أنو بدها تصلح الوضع او ما بدها - ؟
الدولة فيها تخرب المواطن بس مين قال انو فيها تعيد بناء المواطن اللي خربان ؟
التخريب بيصير بسرعة بس البناء ما بيصير إلا ببطء
السوس نخر العقول وكل واحد بيقول انو البلد ماشية كلها هيك هلق مين انا حتى صلّح البلد ؟ كل موظف بيرتشي وكل شرطي بيبيع تيابو كرمال خمسين ليرة والحرامية الكبار حرقوا دين البلد والشعب , وعم يمشوا البلد متل ما بدهن .
صار العالم بدها أي شي يخلصها من الوضع حتى لو بتجي أميركا .
بلا طول سيرة : في حدا منكن بيحب يشوف سوريا متل العراق كرمال حتى يخلص من الدولة ؟
في حدا بيحب الديمقراطية الأميركية ؟ أو بمعنى آخر في حدا مصدق أنو أميركا تريد لأي بلد بالشرق الأوسط ديمقراطية حقيقية ؟
في حدا حابب يستبدل سجن صيدنايا وعدرا بسجن أبو غريب تاني ؟
في حدا حابب يشوف بكرة شي أبو مصعب أو أبو قتادة أو أبو جهل بالشام عنا ؟ وبتعرفوا قديش راح يسرح دم إذا فرطت سطوة الأمن بهالبلد ؟
راح تقولوا : حاجي بقا قصة أنو الأمن والمخابرات حاميين البلد وأنو هادا بعبع بيخوفونا منو حتى نخرس ونطب على قشاتنا .. بس الحقيقة مو هيك .. يعني شفنا شو صار بغيرنا .
أنا رأيي أنو أنظمة الحكم من بعد الإستقلال هني وصلونا للشي اللي هلق نحنا عايشين فيه .. بالتدريج وكل واحد عمل اللي فيه النصيب , بس هلق بعد ما صار اللي صار , صار النظام المخابراتي البحت هوي الكفيل بلجم أصحاب العقول المريضة بالبلد حتى ما يقوموا من تحت البسطار ويحرقوا دين الأخضر واليابس .. ساعتها غير الله ما بيقدر يضبّهن ..
يعني بقلم نشرح : خفوا شوي شباب عن الرئيس وعن الأمن : مو إذا حمشو بالبرلمان منسب المخابرات ومو اذا أبو الريم شلحكن تيابكن من ورا الموبايلات تسبوا الرئيس , ومو إذا وزير حكا أو طالع قرار بيهوّي نجي ونقول " الله يجيبك يا ماما أمريكا "
يعني شو لحقنا نعرف عن الرئيس بهالخمس سنوات ؟ ومين قال أنو بيقدر يغير شي عمروا خمسين سنة بخمس سنوات ؟ وكمان تحت حصار أمريكي ؟؟ من وين بدو يبدا ومين بدو يحاسب ؟؟ ومطلوب منو كل شي بس ما حدا بيطلب من نفسو أي شي ؟ كل شي مطلوب من الرئيس وما مطلوب من المواطنين شي غير يقعدوا يراقبوه وينشروا عرضو ؟
خلوكن شوي منطقيين .. والله لا يجيب لا أمريكا ولا زباينها ..
لا تواخذونا .. هادا رأيي .. مو هون " الهايد بارك " ؟؟؟ :confo: :confo:
:confo:

يا نيقولا انا معك للعضم ... والله عم تحكي درر ...
يعني كتير مبسوطين عالعراق ..هاي عندون الديمقراطية ...شو فوا ما أحلاها ...

وللا قصدكن على ديمقراطية لبنان ....البتهوي ...

هاد كلو مخطط صهيوني واطي ...عم يستغشمونا وقاعدين عم يتسلوا فينا ...
ونحنا متل الجدبان عم نتقاتل بين بعضنا ...
هاد بدل ما نكون ايد وحدة ونقلع عين اميركا واسرائيل .. :aah:

ومشان الحكي على الرئيس ....انا بحبو كتير ولما بشوفكن قاعدين عم تسبو وتحشكوا عليه بتجيني الضحكة ...
يعني متل ما قال نيكولا ..بخمس سنين ما رح يقدر يعمل اي شي ...كلو من هالوسخ اللي حولو (الحرس القديم ) ..وعم يحلقلن واحد ورا التاني ..لأنو اذا كلن راحو دفعة وحدة رح يصير انقلاب ...

مشكور نيقولا على الموضوع وفعلا بوقتو ... :D

الموضوع اللي عم تذكروا حلو كتير ..... بس في ناحية نسيتوها .....
اذا صار وحدا هجم على سوريا .. .. طبعا في مئة سبب لهالفعل الهجومي الاستعماري .........
يا ترا بنظرك .. مين رح يأول لاء أو مين رح يدافع ... هل برأيك كوشة هالحراميه اللي ماصين دم البلد أو الوصوليين واللي المبدأ تبعن مين ما تزوج أمي بأولو عمي ...( بكل سهوله بتأول هدول مافيهن كرامه . واللي مافي كرامه مافي نخوة أو وطنية حقيقية مو كذابه ) .. الموضوع واضح اللي رح يدافع هو نفسو اللي عم ياكل أتل هلأ ....... لأن في كرامه وما عم يمد أيدو ويسرء ... وعم يأول لا حول ولا قوة إلا بالله.. الله يصبرنا ...... هو نفسو رح يدافع عن الشرف تبعوا .. وصابر على هالأساس وعرفان أنو هو اللي رح ياكلها اذا صار ما صار وحدا اجا ......... لأن الباقيين كلن كلاب ... وبدنبوا ورا الكبير... ( بدنبوا : اسم فعل أمر يعني يركدوا ... بتجي بمعنى حشره أو جرثومة كمان )


ولو ما الشعب تبعك فهمان كنت لئيت أو شفت غير هالشوفات ....... بس الشعب حباب وبينشرب مع المي العكره

وللحديث بقية

على راسي الشباب بس افهموا قصدي وخصوصاً saa
أنا ما قلت انو الحرامية راح يدافعوا عن البلد بالعكس , هني راح يحلبوا البقرة حتى اول ما يحسوا بريحة الخطر بيصيروا كلهن برا وبيتركوا البقرة للجزار
هادا الكلام متفقين عليه سوا
بس الفكرة انو البدائل اللي متوفرة او اللي مطروحة هلق بتهوي .. ولك بتعمي عمي كمان
يعني مو لنخلص من **** منجيب لحالنا **** ألعن منها .. بدها الشغلة صبر وعدم انجرار ورا المرسوم إلنا
هوي اكيد انا وانتو مو طالع بايدنا لا نبعّد أميركا عن سوريا ولا نجيبها .. بس بلا ما نحرق قلبنا ونقول انو تجي وتشيل وتحط وبيكون احسن من يلي هلق صاير .. لازم نقولها أنو نحنا بدنا سوريا اللي منحبها واللي منعيش كلنا فيها أيد وحدة وشعب واحد بدون تمييز .. ما بدنا ياها طائفية ولا دينية ولا عرقية ... متل ما عملوا بالعراق . حتى لو ما طلع معنا شي بس لازم يكون ألنا موقف قدام الله وقدام صفحات التاريخ
ولا شو شباب ؟؟؟

ما حدا عم يدافع عن هالحرامية ...

انا قلت انو الرئيس عم يحلقلن ...لأنو هو ما عليه حكي وعم يشتغل كتير منيح ....

:D :D

وبرجع بقول انا بحب الرئيس بشار كتير كتير ..

لازم نقولها أنو نحنا بدنا سوريا اللي منحبها واللي منعيش كلنا فيها أيد وحدة وشعب واحد بدون تمييز

:D :D :D
سوريا يا حبيبتي ...

:hart:

سوريا يا حبيبتي ...


:D :D :D :D

انا قلت انو الرئيس عم يحلقلن ...لأنو هو ما عليه حكي وعم يشتغل كتير منيح ....

:lol: :lol:
اي عم يحلقلون و رح يحلق للشعب بانكي :frown:

:jakoush: :jakoush:

لك حاج بقى يا سيدي ازا اجا و مسحلي سباطي مارح قول علي كلمة منيحة لسبب واحد انو من بيت الأسد :jakoush:

يعني شلون بيجي هيك عينك كنت عينك بيستلم السلطة :shock: مع تعديل و تفصيل الدستور يلي صار بشو فيكون تبررو هل أفعال
أصلا لو هوي متل ما عم تقولو و تمدحو :? ما كان قبل تسلم السلطة بهيك طريقة :jakoush: :jakoush: :jakoush:

بس جاوبوني على هل شغلة :frown:

في حدا حابب يستبدل سجن صيدنايا وعدرا بسجن أبو غريب تاني ؟

:aah:
مو نحنا من عنا طلع ابو غريب شو مشان تدمر و سجن تدمر و مجزرة السجناء تبع تدمر :jakoush: :cry:

يعني شلون بيجي هيك عينك كنت عينك بيستلم السلطة مع تعديل و تفصيل الدستور يلي صار بشو فيكون تبررو هل أفعال

ليش هوة الي اجا واستلم السلطة :shock:
ولا خدام سلموا ياها ..
ولا مين عدل الدستور الدكتور بشار ولا بيت الأسد
ما كان في سلطة تجبرهم على تعديل الدستور .... ولا حدا قلهم يا بتسلموه يا منقوصكم ... حاج بقى ولو

لك حاج بقى يا سيدي ازا اجا و مسحلي سباطي مارح قول علي كلمة منيحة

عيب هالكلام عيب

انا قلت انو الرئيس عم يحلقلن ...لأنو هو ما عليه حكي وعم يشتغل كتير منيح ....



اي عم يحلقلون و رح يحلق للشعب بانكي

اصلاً ما بقى يعرف شو الي بيرضيكم وشوالي بيبسطكم

:shock:
نسيت موضوع سجن تدمر :?


ولا مين عدل الدستور الدكتور بشار ولا بيت الأسد

:? اي يعني أحسن

انا شو حكيت

لك حاج بقى يا سيدي ازا اجا و مسحلي سباطي مارح قول علي كلمة منيحة لسبب واحد انو من بيت الأسد

لا تقص الإقتباس لأنو من بيت الأسد :jakoush:



أو على قولتك يلي حطو بيت الأسد على فرض انو هوي مو أسد

اصلاً ما بقى يعرف شو الي بيرضيكم وشوالي بيبسطكم


انا ما بدي انبسط بدي العالم تكون مرتاحة ماحس برهبة اختراع اسمو رجل امن
لك هي موضة الجديدة يلي دارجة آل تهمة ثرثرة عل نت :?
لك حتى هي طلعولا قانون و صارو يكمشو العالم عليها :frown:

أصلا لو هوي متل ما عم تقولو و تمدحو ما كان قبل تسلم السلطة بهيك طريقة

بس جاوبوني على هل شغلة


أبو السيز روق علينا شوي .. كلنا منعرف كيف مرقت هديك الأيام .. أنا أكدت أنو ما عم دافع عنو بس كمان ما لازم نحملوا اللي ألو دخل فيه ويلي ما ألو كمان .. يعني هالعالم بتتحمل جزء كبير من مسؤلية اللي صاير : غياب المحاسبة والقضاء والشرف والنزاهة نزع كل البشر ببلدنا فصارت المشكلة مو من شخص الرئيس نفسه , صارت مشكلة عند البشر بغض النظر عن مين يلي كان السبب بتشكل هالمشكلة بالأول ..
هلق انو ليش قبل المنصب بهالطريقة ؟ ما بقدر قلك غير انو كان لازم يقبلوا بهالطريقة لأنو ما كان عندو غيرها طريقة :wink:
بس شو البديل الحسن اللي كان مؤهل ومطروح :confo:
ولو ما قبل بالمنصب شو يلي كان راح يصير :cry: .. بفرض عملولنا انتخابات ديمقراطية مية بالمية ؟ كانت هلق المذابح وتصفاية الحسابات وصلت الدم للكتاف مو بس للركب :roll:


مو نحنا من عنا طلع ابو غريب شو مشان تدمر و سجن تدمر و مجزرة السجناء تبع تدمر


يعني معك حق اللي صار بتدمر مجزرة , بس ما بتتذكر شو كانت ظروفها وجذورها :cry:
ليش أبو السيز حبيبي اللي صار بمدرسة المدفعية مو مجزرة ؟
وتفجير الشام وحلب بالتمانينات مو مجازر ؟
وتفجير الباصات سنة ال 1985 الرايحة على ريف طرطوس مو مجازر ؟
كلها افعال وردود افعال .. بس يمكن الدموية اللي استخدمتها الدولة ضد الإرهابيين ريحتنا منهن على الأقل لهلق :shock:
هلق شمم البلد ريحة حرية حقيقية راح تشوف أنو 75 بالمية من هالشعب المعتر بياكل بعضو وبياكل ال 25 بالمية البقيانة 8)

أنا بس كنت بموضوعي ركزت أنو البدائل المطروحة بالوقت الحالي على الأقل هي في قمة السوء للبلد وللشعب
وما قلت أنو نحنا بألف خير وخلص خلونا نايمين على حرير
تحياتي أبو السيز وعلى راسي مشاركتك إلي :D :D :D

أبو السيز روق علينا شوي


تحياتي أبو السيز وعلى راسي مشاركتك إلي

سلام حبيبي ولا يهمك مجرد نقاش هاد :D :D

سلام حبيبي ولا يهمك مجرد نقاش هاد


أكيد أكيد ما تضايقت أبداً بس يمكن حبيت أنو نتروى شوي بحكمنا وبمشاعرنا .. مو دايماً منقدر نعمل اللي بدنا ياه بس لازم نعمل اللي لازم ينعمل :D :D :D