النقاب أو البرقع...صدام بين العلمانية & الدين.! [الأرشيـــــف]

Fady007

19/07/2009, 20:56

انا مع الحرّية الشخصية :shock:

بلا فلسفة...

يعني ممكن تقبل علي نفسك انك تمشي في الشارع عريان
وان سألك حد : عامل في نفسك كدا ليه؟
تقوله: انا مع الحرية الشخصية
هيرد عليك ويقولك: اوكي حبيبي وانا كمان بس لازم تيجي معي لمكانين:
1-قسم الشرطة...هيعملك محضر فعل فاضح في الطريق العام
2-مستشفي المجانين او عيادة دكتور امراض نفسية: هيعملولك كشف ع العقل
بغض النظر انا مش اقصد انتا بالذات , انا اقصد لو حد عمل كدا يعني ولمؤاخذه

يعني حرية شخصية ايه دي التي تطمس شخصية المرأة ويبقي مافيش شخصية من اساسو علشان يبقي فيه حرية...

مش صح كلامي بردو يا معلم؟:D

bacteria

19/07/2009, 20:59

انا مع النقاب بالدول الغربيه كزي واجباري كمان والعربيه طبعا للرجال قبل النساء :jakoush:

Maher 4x4

19/07/2009, 21:00

Fady007

19/07/2009, 21:09

عكلن بكرا منشوف واللي بيعيش بيزكّر التاني :deal:

بيزكر التاني ب ايه؟!

Maher 4x4

19/07/2009, 21:17

رح قرّبلك ياها أكتر شوي ... بس مارح بعّد كتير :lol:

يا حبيبي لكل زمن تفكيره و لكل زمن قوانينه

انت بتقللي بيشوفك ماشي بلا ملابس و يعملك محضر ولاّ بياخدك على مشفى المجانين ...

مين الزّكي اللّي قلك هالشي ممكن يكون مطبّق على البشر بعد عشر أو عشرين سنة أو أكتر ؟؟؟

العلم عم يتطوّر و المفاهيم عم تتغيّر معو والقوانين كذلك

وما تصدّق أنو في شي بيتغيّر غير مع العلم و التطوّر العلمي

أنا ما عم قلك أنو البشر مارح يلبسو شي ... صحّيا مو واردة ولا رح تصير ع المدى البعيد نسبيّا

بس كمان هيه حرّية شخصية و معتقدات ، وهالمعتقدات تغيرات من زمان ورح تتغير وزمانك هاد فيه معتقدات رح

تصير قديمة بعدين و تتغيّر ع حسب التطوّر العلمي

لذلك اللي رح يعيش للزمان اللي جاي رح يذكّر التانيين

هاد المقصد .. وبرضو حريتك الشّخصية يكون عندك رأي تاني ... :deal:

Black Orchid

19/07/2009, 21:19

كل واحد حر بحاله , اللي بده يلبس أو لا وانا لامع ولاضد...............

Black Orchid

19/07/2009, 21:23

[quote=Fady007;1300072]بلا فلسفة...با

يعني ممكن تقبل علي نفسك انك تمشي في الشارع عريان
وان سألك حد : عامل في نفسك كدا ليه؟
تقوله: انا مع الحرية الشخصيةو
هيرد عليك ويقولك: اوكي حبيبي وانا كمان بس لازم تيجي معي لمكانين:
1-قسم الشرطة...هيعملك محضر فعل فاضح في الطريق العام
2-مستشفي المجانين او عيادة دكتور امراض نفسية: هيعملولك كشف ع العقل
بغض النظر انا مش اقصد انتا بالذات , انا اقصد لو حد عمل كدا يعني ولمؤاخذه

هو ماقال انه بده يشلح ويدور بالشارع, بس اذا شاف واحد شالح وماشي بالشارع ما بيهمه ليش هيك عامل.

Sarita

19/07/2009, 21:32

انا صوتت بلا
لانو بالاسلام ما مذكور البرقع او النقاب حجاب عادي مو ضروري النقاب
بالنسبة للبلدان الغريبة
نحنا منقبل شي واحد بيلبس الصليب ويعمل تبشير مسيحي؟
هون بستثني البلدان اللي فيا مسبة معينة من المسيحيين كمصر وسوريا ولبنان و....

اكيد لاءا
مشان هيك رزم نحترم منعون هاد بالنسبة للبرقع او النقاب
اما بالنسبة للحجاب العادي ما عندون حق يمنعوه لانو رمز من رموز التدين
متلو متل نجمة داوود والصليب

وبعدين انا ما بفضل النقاب ابدا لانو العالم شهولو صورتي هيك عم يمسحو فيو الاراضي كانو شي خرقة او منشفة
وطوييل كتيير
شو الفايدة؟
ليش المانطو مانو حجاب؟

موضوع يستحق النقاش
بحييك فادي :D

Fady007

19/07/2009, 21:33

انا مع النقاب بالدول الغربيه كزي واجباري كمان والعربيه طبعا للرجال قبل النساء :jakoush:

والهي...!!!???

تقدري تحلفي ب وحيات أغلي حاجة عندك ؟
علي كلامك العظيم

Maher 4x4

19/07/2009, 21:35

هو ماقال انه بده يشلح ويدور بالشارع, بس اذا شاف واحد شالح وماشي بالشارع ما بيهمه ليش هيك عامل.

تماما :deal:

ليش تيهمني ؟؟؟؟!

بلكي الزلمة مشوّب ، وأزا بوقتنا الحاضر " يعني بهالثانية وبهاللحظة " بلكي مجنون :o يعني بهالحياة " اللي نحنا فيها هلأ "في كتير اشيا بتجنن ...

ومن ناحيتي بدّي ضل لابس بنطلون جينز أو شورت أو بيجاما رياضة أو طقم وأزا بتنزل السما ع الأرض و تتطربق فوقاني تحتاني ما بلبس جلابية أو برقع متل اللي قالتو الآنسة فوق :jakoush:

شو بدكون ترجعونا لعصور البداوة و الصحرا ولا كيف ؟ :frown:

Fady007

19/07/2009, 21:38

هو ماقال انه بده يشلح ويدور بالشارع, بس اذا شاف واحد شالح وماشي بالشارع ما بيهمه ليش هيك عامل.

لو أنا اللي شفت واحد قالع و ماشي بالشارع
مش هأعمل زي ما انتي بتقولي كدا

عاوزة تعرفي هأعمل ايه !

هأصوره بكاميرا الموبيل و هأجيب الصورة دي هنا
واشترك في المسابقة التصويرية بأخوية بقسم(رسم و تصوير)

و أنا متأكد اني هأخد المركز الاول بلا منافس باجماع آراء لجنة التحكيم وبالتصويت من جميع الاعضاء:ss:
و أغلب الاعضاء اللي هيصوتولي هن بنات لو الصورة لشاب
وهم شباب لو الصورة لفتاه حسناء

امل ما في

19/07/2009, 21:42

انا بفضل انو البنت المسلمة تلبس حجاب

Maher 4x4

19/07/2009, 21:43

لو أنا اللي شفت واحد قالع و ماشي بالشارع
مش هأعمل زي ما انتي بتقولي كدا

عاوزة تعرفي هأعمل ايه !

هأصوره بكاميرا الموبيل و هأجيب الصورة دي هنا
واشترك في المسابقة التصويرية بأخوية بقسم(رسم و تصوير)

و أنا متأكد اني هأخد المركز الاول بلا منافس باجماع آراء لجنة التحكيم وبالتصويت من جميع الاعضاء:ss:
و أغلب الاعضاء اللي هيصوتولي هن بنات لو الصورة لشاب
وهم شباب لو الصورة لفتاه حسناء

امّا أنا مش فاضي أعمل هيك لأنّو أزا كنت ماشي بالشارع بكون رايح ع مكان معيّن ومخصص وقت ألو وما عندي استعداد انسف هالوقت و ضيعو بتصوير وكلام فاضي ... و بالتالي خرّب مشواري أو شغلي و روّح وقت ع حساب وقت تاني .. الخ

هاد رأيي ;)

Black Orchid

19/07/2009, 21:45

لو أنا اللي شفت واحد قالع و ماشي بالشارع
مش هأعمل زي ما انتي بتقولي كدا

عاوزة تعرفي هأعمل ايه !

هأصوره بكاميرا الموبيل و هأجيب الصورة دي هنا
واشترك في المسابقة التصويرية بأخوية بقسم(رسم و تصوير)

و أنا متأكد اني هأخد المركز الاول بلا منافس باجماع آراء لجنة التحكيم وبالتصويت من جميع الاعضاء:ss:
و أغلب الاعضاء اللي هيصوتولي هن بنات لو الصورة لشاب
وهم شباب لو الصورة لفتاه حسناء

اللي متأكده منو , انك انت حر و كمان انت وذوأك ......

رجل من ورق

19/07/2009, 21:46

لك حبيب من الاخر هات لوين بدك توصل

Fady007

19/07/2009, 21:51

انا صوتت بلا

نحنا منقبل شي واحد بيلبس الصليب ويعمل تبشير مسيحي؟
هون بستثني البلدان اللي فيا مسبة معينة من المسيحيين كمصر وسوريا ولبنان و....
اكيد لاء

اما بالنسبة للحجاب العادي ما عندون حق يمنعوه لانو رمز من رموز التدين
متلو متل نجمة داوود والصليب

وبعدين انا ما بفضل النقاب ابدا لانو العالم شهولو صورتي هيك عم يمسحو فيو الاراضي كانو شي خرقة او منشفة
وطوييل كتيير
شو الفايدة؟
ليش المانطو مانو حجاب؟

موضوع يستحق النقاش
بحييك فادي :D

بحترمك ساريتا ع آرائك وفكرك المعتدل
ياريت كل الناس متلك بيفكروا بهالوسطية :D

adon

19/07/2009, 21:51

يا جماعة انا بعرف ان ما يسمى بالبرقع هوي لباس صحراوي بحت وهوي من عادات كان موجودة حتى قبل الاسلام
واعتمديته بعدين بعض الفرق الاسلامية وطبعا هوي موضوع اختلاف عند المسلمين .
اما بالنسبة للحرية الشخصية فهي مبدأ اساسي بالحياة بس في فرق بالبداية بين كون الانسان يختار طريق معينة
او انه يكون واقع تحت تأثير مجتمع وأقربأه وفرضهم لعادة معينة وغير قادر على تغييرها وبنفس الوقت يكون الشخص ما مستعد يتخلى عن هالجماعة
بس بعتقد ان اللي ما بيحمل الشك انه اخفاء الوجه بالكمامل بيحمل الغاء للشخصية الانسانية وبعتقد هيدا بيتناقض مع روح الانسانية نفسها كما انه اختزال المرأة بكونها شيئ مغري هو الغاء تاني لوجودها الانساني

bacteria

19/07/2009, 21:53

والهي...!!!???

تقدري تحلفي ب وحيات أغلي حاجة عندك ؟
علي كلامك العظيم

كلامي عظيم ما في شك ونصيحه اعظم الك عنجد لازمك نقاب سارع في لبسو يا ابني وان شا الله الله بيرضى عنك :cry:

Fady007

19/07/2009, 21:55

لك حبيب من الاخر هات لوين بدك توصل

هوا التعليق ده تبع الموضوع
ولا كان قصدك تكتبو في موضوع تاني
بس لخطأ ما , جه هنا...!:lol:

علي كلن اهلا بيك رجل من ورق
واهلا برأيك لو كان ده رأي ...:D

Fady007

19/07/2009, 22:01

نصيحه اعظم الك عنجد لازمك نقاب
سارع في لبسو يا ابني وان شا الله الله بيرضى عنك :cry:

شكلك كدا بتهرجي
او النيسكافيه اللي بتشربيه لازم تغيريه
وتجربي: الكابتشينو ...

Maher 4x4

19/07/2009, 22:03

بحترمك ساريتا ع آرائك وفكرك المعتدل
ياريت كل الناس متلك بيفكروا بهالوسطية :D

طيب يا أخي يا حبيبي هامش ع حب النبي

نعم أو لا ...

هلأ أنت عطيت مجال للوسطيّة بخياراتك فوق ؟ :lol: :da7ook:

Fady007

19/07/2009, 22:09

طيب يا أخي يا حبيبي هامش ع حب النبي

نعم أو لا ...

هلأ أنت عطيت مجال للوسطيّة بخياراتك فوق ؟ :lol: :da7ook:

الوسطية تقرأ من بين السطور (بضم التاء)
وهي لا تحتاج لأضافة خيار ثالث
لانو احنا مش في مسابقة المفتش كرومبو...بتعرفها؟;)

Maher 4x4

19/07/2009, 22:13

الوسطية تقرأ من بين السطور (بضم التاء)
وهي لا تحتاج لأضافة خيار ثالث
لانو احنا مش في مسابقة المفتش كرومبو...بتعرفها؟;)

لا باللاااه عليك بئا هي هيي الفلسفة بحد زاتا :da7ook:

بتزكرني بالسيّد مكاوي بتعرفو ؟ ;)

Fady007

19/07/2009, 22:17

لا باللاااه عليك بئا هي هيي الفلسفة بحد زاتا :da7ook:

بتزكرني بالسيّد مكاوي بتعرفو ؟ ;)

بيبيع ايه ده؟

Black Orchid

19/07/2009, 22:21

بيبيع ايه ده؟

ترمسسسس ........

Fady007

19/07/2009, 22:31

أول مرة بشوف ترمس احمر...

ولا؟

ممكن تقصدي ترمس الشاي (بضم التاء)بردو:lol:

بنفسجة

19/07/2009, 22:46

هلق هنن يسطفلو
بس انا بفزع منون
والدين ما قال النقاب شي فرض واصلا انا بعرف انو تغطاية الوجه حرام

zen

19/07/2009, 22:55

انو الحلو اللي كاتب الموضوع هي طارح سؤال ع اساس كل انو يعني كل حدا بيحط رائيو
بس اول واحد حط رائيوو قلو بلا فلسفة
وهوي قاعد يتفلسف ع ربنا

Fady007

19/07/2009, 23:14

انو الحلو اللي كاتب الموضوع هي طارح سؤال ع اساس كل انو يعني كل حدا بيحط رائيو
بس اول واحد حط رائيوو قلو بلا فلسفة
وهوي قاعد يتفلسف ع ربنا

و انو الغريب انك ما حطيت رائيك
انتا بتعليقك ده كنت ناقد لأسلوبي وليس رأي في صميم الموضوع

وبلا مبررات ...

عندما ذكرت ( بلا فلسفة ) لم اهمل وجهة نظرو
بالعكس ناقشتو بشكل موضوعي يا ريس

لامار رمز الدمار

19/07/2009, 23:39

هيدا موضوع بيتعلق بالحرية الشخصية يعني الواحد شو ما بدو يعمل وكل مين على دينو الله يعينوو

يعني لازم احترام العقائد الدنينة كافة
هلئ في شي انا ضددو لما بيكون لبس النقاب عادة موروثة فقط يعني يلي لابستوا مالا علائة بالدين

هلئ لازم صورة الحجاب او النقاب يعكسوا الصورة الصحيحة عن الاسلام
الي عودة:oops:
ومرسي للطرح:D

Fady007

20/07/2009, 00:41

بحترم رأيك كمان , بالرغم انو تحت الوسطيه شويه ...لكن احترامي لوجهة نظرك لا يعني بالضروره إني أتفق معاكي فيما تحدثتي.

لامار رمز الدمار

20/07/2009, 01:03

بحترم رأيك كمان , بالرغم انو تحت الوسطيه شويه ...لكن احترامي لوجهة نظرك لا يعني بالضروره إني أتفق معاكي فيما تحدثتي.

فيني اعرف رايك بكل موضوعية؟؟:?
من فضلك:pos:

المحارب العتيق

20/07/2009, 01:12

فتنا على الموضوع فكرناه موضوع نقاشي

طلع موضوع اقناعي . الكل مجبور يقتنع بفكرتك :?

على فكرة الموضوع مضيع الفكرة :larg:

التقرير الجوال

20/07/2009, 01:42

أنا رح علّق على هالموضوع بعبارة قد ماهي بسيطة .. قد ما تحمل معاني كبيرة .. العبارة طبعاً قالتها صديقة لا متدينة و لا شي قالت :"Why we're talking about covered women in islamic or arab community or even in the U.S, While our Nun's are covered the same way
الغريب بالقصة بأنو العرب هنّ يللي عم يطرحو هيك مواضيع .. و المنع أو محاولته عم يتطبق جزافاً و بأساليب مجردة من أدنى حقوق و حريات البشر .. لك حاج بقى..
بياعة الهوى يللي عم تنشر الانحلال مسموحلها و مرحب فيها بأي مكان .. بين يللي عم تحاول تستر حالها بتعتبر
عم تنشر فكر متطرف!

أي المفروض ترجم العبارة .. " ليش الغرب بيحكي عن الحجاب و النساء المحجبات و كأنهن من كوكب تاني أو شي مختلف .. بينما الراهبات بيغطو شعرهن و كل أجسادهن!

mhsen77

20/07/2009, 01:58

طيب انا شايف بنات بعمر خمس او ست سنوات محجبات

هل هالاولاد اختارو هالنمط او هالاسلوب او شو ما بدكون تسموه او الزمو فيه

هل قادرة هالبنت بعد ما تكبر تختار حياتها بكل حرية

المحارب العتيق

20/07/2009, 02:04

طيب انا شايف بنات بعمر خمس او ست سنوات محجبات

هل هالاولاد اختارو هالنمط او هالاسلوب او شو ما بدكون تسموه او الزمو فيه

هل قادرة هالبنت بعد ما تكبر تختار حياتها بكل حرية
مهو المشكل انو لحنا عم نحكي عن يلي أختارتو بحرية . القانون بدو يمنعها
أنا مع التقرير الجوال بكلامو . صرنا عم ندافع عن المومس ونوجدلها اسباب . وبنفس الوقت عم نهاجم طريقة لبس الواحد أختارها بمزاجو . ومابتضر أو بتسيء لحدا

التقرير الجوال

20/07/2009, 02:09

أنت شايف غير التساؤل يللي طرحتو؟
هل قادرة هالبنت بعد ما تكبر تختار حياتها بكل حرية
يعني إذا تطلّعت عالمجتمع العايش في هلأ أنت رح تلاقي أعداد لاتحصى من العيّنة يللي حكيت عنها.

mhsen77

20/07/2009, 03:01

مهو المشكل انو لحنا عم نحكي عن يلي أختارتو بحرية . القانون بدو يمنعها
أنا مع التقرير الجوال بكلامو . صرنا عم ندافع عن المومس ونوجدلها اسباب . وبنفس الوقت عم نهاجم طريقة لبس الواحد أختارها بمزاجو . ومابتضر أو بتسيء لحدا

اسف يمكن ما شفت الموضوع كامل
انا اكيد مع الحرية الشخصية ضمن حدود الاداب العامة لكل مجتمع
و انا لما انذكر الموضوع بخصوص لبس النقاب في فرنسا قلت انو الرئيس الفرنسي ساركوزي عم يحارب الاسلام بحجة الحرية و دفاع فرنسا عنها و قلت انو كلامو كلام حق يراد به باطل
طبعا هالحكي بغض النظر عن رأيي الشخصي من الحجاب \ انا ضد الحجاب بس يلي بتلاقيه فريضة و مقتنعة بهالشي بنفسها فانا ماني ضدها \
و رحنا وقتها بالموضوع خارج سياقو و قام ياسين بطريقة لبقة بتسكير الموضوع وهون بدي قدمو تحية :D

أنت شايف غير التساؤل يللي طرحتو؟

يعني إذا تطلّعت عالمجتمع العايش في هلأ أنت رح تلاقي أعداد لاتحصى من العيّنة يللي حكيت عنها.
انا شخصيا بمجتمعي ما شايف هالظاهرة ابدا بس شايفها بمجتمعات تانية و كتيرة للاسف و هون المشكلة

MadMax

20/07/2009, 03:29

يعني حرية شخصية ايه دي التي تطمس شخصية المرأة ويبقي مافيش شخصية من اساسو علشان يبقي فيه حرية...

لو كان موضوعك عن فرض النقاب .. أو التنقّب بالإكراه .... كانت فكرتك صحيحة

بس كلامك عن النقاب بالمطلق ما فيه شيء من الصحة

leonardo_dicabreo

20/07/2009, 10:51

ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد ضد

أنا ضد هالخيمه والبطانيه الشرشف يلي بتلبسه (خلينا نحكي المرأه , على اساس انها مراه) يلي بتسمي حالها امرأه متدينه , اذا بدنا ننظر للموضوع من منظور ديني , بانسبه , أنّه الرسول حكى لأسماء أنّه بصير تبيني هذا وهذا , وأشار الرسول على الوجه والكفّين. يعني انتي اشرف من اسماء رضي الله عنها لتيجي تلبسي هالسواليف كلها ! !

قرفتونا يا بهالسّواليف المعته يا ! ! :pos:

Fady007

20/07/2009, 12:20

فيني اعرف رايك بكل موضوعية؟؟:?
من فضلك:pos:

هلئ لازم صورة الحجاب او النقاب يعكسوا الصورة الصحيحة عن الاسلام

بكل صراحة انا غير موافق يا لامار علي هالجملة
لانو ليس بالحجاب او النقاب تسطيع المرأة ان تعكس الصورة الصحيخة عن الاسلام
انما بالمعاملة...

يعني انا اتعلمت من اساتذة ليا مسلمين بردو : انما الدين المعاملة
لو المرأة المسلمة عاوزة صحيح تعكس الصورة الصحيحة لدينها ليس بارتداء النقاب
كلنا بنعرف انو اغلب المنقبات لا يعرفون عن الدين الكثير ,
بل يرتدون هذا الزي كزي رسمي في بيئتهم اللي اتربوا فيها و كعادات و كموروث من الاجداد وليس اقتناعا بفكرة معينة او ثابتة....

Fady007

20/07/2009, 12:32

لو كان موضوعك عن فرض النقاب .. أو التنقّب بالإكراه .... كانت فكرتك صحيحة

بس كلامك عن النقاب بالمطلق ما فيه شيء من الصحة

النقاب بالمطلق كزي ...آه هو ده الموضوع وليس التنقيب بالاكراه
لانو يوجد الكثير من الاشخاص مسلمون ومسحيون في مجتمعنا يشمئزون من المرأة المنقبة
اولا: كيف تعرف انو اللي تحت هااللباس هي امرأة وليس رجل بلطجي؟
ثانيا:ما هي الحكمة في ارتداء النقاب؟ (عفةاو وازع ديني)
ثالثا: كيف تتعامل مع انسانة كل تعابير وجهها مطموسة .؟علي سبيل المثال: في العمل... الخ

اخيرا: انا بشوف اذا المرأة لا تريد ان يري الناس وجهها , فيها تشوه وجهها ب ماء نار مثلا .

لامار رمز الدمار

20/07/2009, 13:18

اخيرا: انا بشوف اذا المرأة لا تريد ان يري الناس وجهها , فيها تشوه وجهها ب ماء نار مثلا .

جد انت هيك بتشوف؟؟؟
هيدا منطق؟؟

Genifer

20/07/2009, 15:42

كل وحدة حرة بتلبس يلي بدها ياه ..ومو ضروري حدا يملي عليها شو ممنوع او مسموح

برأيي اللباس المتوسط هو المحتشم لا زيادة اللبس ولا قلته
يعني الوسط بين عالم تطلع بلا تياب( لابسة من غير هدوم) وعالم بالبرقع والنقاب وعالم تتعاقب كرمال لبست بنطلون

MadMax

20/07/2009, 18:31

النقاب بالمطلق كزي ...آه هو ده الموضوع وليس التنقيب بالاكراه
لانو يوجد الكثير من الاشخاص مسلمون ومسحيون في مجتمعنا يشمئزون من المرأة المنقبة.
يشمئزون ...بفرد مرة ..!!

يعني إذا أنا بشمئز من منظر الصعيدي يللي لابس جلابية .. هادا بيعطيني حق امنعو يلبسها ..؟؟

اولا: كيف تعرف انو اللي تحت هااللباس هي امرأة وليس رجل بلطجي؟

و ليش بدك تعرف جنس كل انسان بتشوفو .؟

ثانيا:ما هي الحكمة في ارتداء النقاب؟ (عفةاو وازع ديني)

أياً تكن الحكمة

بيكفي تكون انسان حابة تتنقب ..... ليكون من حقها هالشي ..

اخيرا: انا بشوف اذا المرأة لا تريد ان يري الناس وجهها , فيها تشوه وجهها ب ماء نار مثلا

و الله ..!!

إذا هيك رأيك ... ماعاد في داعي حدا يناقشك ..

Sarita

20/07/2009, 19:33

أي المفروض ترجم العبارة .. " ليش الغرب بيحكي عن الحجاب و النساء المحجبات و كأنهن من كوكب تاني أو شي مختلف .. بينما الراهبات بيغطو شعرهن و كل أجسادهن!
يا عيني عليك هيدا الحكي المزبوط
بس مو كل بلاد الغرب بيفكرو هيك
لانو نحنا عم نحكي ع النقاب بشكل عام ببلاد برا
يعني حاليا مع ازدياد عامل الارهاب في عالم بتستغل فكرة النقاب ويمكن يكونو رجال حاطينو وبيستغلوه لشي مضر
هي انا معون كليا بمنع النقاب
بس ما فيون يلغو الحجاب انا ضد منع الحجاب العادي
لشو المرأة بدها تشتغل بالنقاب؟
ما هوي كل شي بيعتبر عورة بالنسبة الها عدم مخاطبة الرجال عدم مصافحة رجل أجنبي
مشان هيك انا بالنسبة الي المرأة ازا بدها تتنقب الله معها بس ما يجو يعملو حملات تحريم للي لابسين الحجاب ال شو كاسيات عاريات
كل واحد ع دينو الله يعينو
لانو في عالم هيك وهون متل ما عم شوف بمجتمعاتنا كل اللي بيلبس نقاب او برقع بيكون معصوم من الخطأ واغلبون ذو راي متعصب جدا !!!

أإأبو العبد

21/07/2009, 06:13

بلا فلسفة...

يعني ممكن تقبل علي نفسك انك تمشي في الشارع عريان
وان سألك حد : عامل في نفسك كدا ليه؟
تقوله: انا مع الحرية الشخصية
هيرد عليك ويقولك: اوكي حبيبي وانا كمان بس لازم تيجي معي لمكانين:
1-قسم الشرطة...هيعملك محضر فعل فاضح في الطريق العام
2-مستشفي المجانين او عيادة دكتور امراض نفسية: هيعملولك كشف ع العقل
بغض النظر انا مش اقصد انتا بالذات , انا اقصد لو حد عمل كدا يعني ولمؤاخذه

يعني حرية شخصية ايه دي التي تطمس شخصية المرأة ويبقي مافيش شخصية من اساسو علشان يبقي فيه حرية...

مش صح كلامي بردو يا معلم؟:D

والهي...!!!???

تقدري تحلفي ب وحيات أغلي حاجة عندك ؟
علي كلامك العظيم

هوا التعليق ده تبع الموضوع
ولا كان قصدك تكتبو في موضوع تاني
بس لخطأ ما , جه هنا...!:lol:

علي كلن اهلا بيك رجل من ورق
واهلا برأيك لو كان ده رأي ...:D

الوسطية تقرأ من بين السطور (بضم التاء)
وهي لا تحتاج لأضافة خيار ثالث
لانو احنا مش في مسابقة المفتش كرومبو...بتعرفها؟;)

بحترم رأيك كمان , بالرغم انو تحت الوسطيه شويه ...لكن احترامي لوجهة نظرك لا يعني بالضروره إني أتفق معاكي فيما تحدثتي.

بكل صراحة انا غير موافق يا لامار علي هالجملة
لانو ليس بالحجاب او النقاب تسطيع المرأة ان تعكس الصورة الصحيخة عن الاسلام
انما بالمعاملة...

يعني انا اتعلمت من اساتذة ليا مسلمين بردو : انما الدين المعاملة
لو المرأة المسلمة عاوزة صحيح تعكس الصورة الصحيحة لدينها ليس بارتداء النقاب
كلنا بنعرف انو اغلب المنقبات لا يعرفون عن الدين الكثير ,
بل يرتدون هذا الزي كزي رسمي في بيئتهم اللي اتربوا فيها و كعادات و كموروث من الاجداد وليس اقتناعا بفكرة معينة او ثابتة....

تسااااااااااالي الصبي :lol:

يعني يااخي طالما الموضوع مابيمسك ولا بيمس معتقداتك لا من قريب ولا من بعيد بشي ليش داحش منخيرك بالنص هي اولا ليش محروق هالقد

وتانيا يعني انت على اي اساس جاي تفرض علينا الوسطية مين انت يعني شو كاين بالله طيب يااخي انا مابطيق رب الوسطية بعشق الارهاب والتطرف موبايدي يااخي شو رايك تيجي تعملي كفين:?