نجاح جميع المتقدمين من سجن حلب المركزي في امتحان الشهادة الثانوية [الأرشيـــــف]

عرض كامل الموضوع : نجاح جميع المتقدمين من سجن حلب المركزي في امتحان الشهادة الثانوية

ayhamm26

20/07/2009, 18:12

سادت سجن حلب المركزي الجمعة حالة من الفرح والابتهاج إدارة السجن والنزلاء فيه مع صدور نتائج الشهادة الثانوية ونجاح جميع السجناء الذين تقدموا لنيل هذه الشهادة من الموقوفين فيه وعددهم 21 وحصول بعضهم على معدلات عالية.
وذكر اللواء عبد الحنان حجو قائد شرطة حلب أن خمسة من السجناء الذين تقدموا لنيل الشهادة الثانوية حصلوا على مجموع علامات متفوقة حيث حصل السجين "أحمد ح" على درجة 254 وفق النظام الحديث بينما حصل السجين "علي ا" على درجة 238 تبعه بالترتيب السجين "يحيى س" الذي نال 232 درجة والسجين "ابراهيم ا" بدرجة 230، والسجين "مصطفى م" بدرجة 225.

وبين قائد الشرطة أن إدارة السجن وبالتنسيق مع الجهات المعنية كانت وضعت نظاماً مدروسا لتهيئة الظروف الملائمة أمام السجناء الراغبين بالتقدم لنيل شهادة المرحلة الثانوية حيث تم تخصيص ساعات لتدريسهم المواد التي كانوا يعانون ضعفا فيها من قبل مدرسين داخل وخارج السجن وكذلك خصص لهم جناح هادئ للدراسة إضافة إلى عقد لقاءات دورية معهم للاطلاع على احتياجاتهم مشيرا إلى أن نسبة النجاح هذه التي بلغت 100 بالمئة تعد سابقة من نوعها في سجن حلب المركزي.
وأوضح أن إدارة السجن ستقيم حفلا تكريميا للناجحين تشجيعا لهم لمتابعة تحصيلهم وتحفيزا لباقي السجناء على الاستفادة من الوقت في التعلم والعمل المنتج. يذكر أن سجن حلب المركزي كان شهد خلال الفترة الماضية العديد من النشاطات المتميزة حيث قامت إدارة السجن مطلع العام الجاري بتنظيم معرض فني لمنتوجات السجناء التي تم عرضها في صالة خاصة خارج السجن إضافة إلى انه تم خلال الفترة ذاتها عرض عمل مسرحي من تأليف وإخراج وتمثيل السجناء حضره عدد كبير من الفنانين السوريين من خارج السجن.

المرصد السوري.

يمان Rooooonaldo

20/07/2009, 22:54

sweetbaby

20/07/2009, 23:32

انو مبارك اول شي .. للي نجحو .. وطلعو بهيك انجاز .. بفرح .. لعل وعسى .. يكون .. عدّل شوي من سلوكياتهم .. او غير نظرتهم للحياة .. " ان كانت سئية او دخلو السجن لاسباب مانها منيحة " ..

والله يا معليم من ناحية بقا هيئلوهم .. وعمولهم وجابولهم هي ما كتير بشد ايدي علييها مع اني بتمنى يكون صار في هيك وعي .. بس عالاغلب متل العادة .. بعد ما بينجحو شو ولاك .. بتطلع بتوقل انو عملنالك وهاكاز ..

الله يعطيهم العافية ..

يسلمو ايهم .. :D

بغض النظر انو خلوون يقولو انو عملولن او لاء...
بس مافيك ماتنبسط انو كان عندن القدرة ليتمردو ع واقعون جوا السجن ويحققو شي بمجتمع بينظر للسجين نظرة اقل من البشر...

انا كتير بسطني هالخبر وكتيرعجبني..

شكرا ايهم:D

Abu ToNi

20/07/2009, 23:41

تم تخصيص ساعات لتدريسهم المواد التي كانوا يعانون ضعفا فيها من قبل مدرسين داخل وخارج السجن وكذلك خصص لهم جناح هادئ للدراسة إضافة إلى عقد لقاءات دورية معهم للاطلاع على احتياجاتهم .
بتمنى من كل قلبي يكون الحكي هاد صحيح .

قامت إدارة السجن مطلع العام الجاري بتنظيم معرض فني لمنتوجات السجناء التي تم عرضها في صالة خاصة خارج السجن
صحيح هاد الحكي وعالم حولي تابعوا المعرض .
إضافة إلى انه تم خلال الفترة ذاتها عرض عمل مسرحي من تأليف وإخراج وتمثيل السجناء حضره عدد كبير من الفنانين السوريين من خارج السجن.
منيح طلع في عدد كبير من الفنانين خارج السجن :o صياغة الجملة مضحكة إلى حد ما :lol:

الحلو بالموضوع انه تم الثناء على المساجين ، بالنهاية السجين انسان قد يكون أخطأ بحق المجتمع وبحق القانون بس هاد ما بيعني انه شخص غير سوي او شخص لازم ننبذه .. اصلاح المساجين واجب على الحكومة وشخصيا من خلال هاد المقال عم استبشر خير بأن الحكومة عم تعمل اللي عليها وعم تحاول تأمنلن مستقبلن للمساجين
بس السؤال الأكبر شو مستقبل الناجحين ؟ بحقلن يلتحقوا بالجامعات ولا رح ينتظروا انتهاء فترة المحكومية تبعن ؟

هاموش : اش بدك بالحكي .. حتى المساجين الحليبة مثقفين .. غير شكل :lol:

ayhamm26

21/07/2009, 00:02

انو مبارك اول شي .. للي نجحو .. وطلعو بهيك انجاز .. بفرح .. لعل وعسى .. يكون .. عدّل شوي من سلوكياتهم .. او غير نظرتهم للحياة .. " ان كانت سئية او دخلو السجن لاسباب مانها منيحة " ..

اللي لفت انتباهي لهيك خبر انو مو بس كل المساجين نجحوا, وبعلامات عالية كمان يعني 232 بالبكلوريا لواحد مسجون :shock: اي لو انعملت بشي مسلسل لضلت العالم تتمسخر عليه شهر.

والله يا معليم من ناحية بقا هيئلوهم .. وعمولهم وجابولهم هي ما كتير بشد ايدي علييها مع اني بتمنى يكون صار في هيك وعي .. بس عالاغلب متل العادة .. بعد ما بينجحو شو ولاك .. بتطلع بتوقل انو عملنالك وهاكاز ..

اي هي متعارف عليها, انو لازم الفضل يكون دائما للشباب :lol:

يسلمو ايهم .. :D

الله يسلمك :D

ayhamm26

21/07/2009, 00:07

بغض النظر انو خلوون يقولو انو عملولن او لاء...

بس مافيك ماتنبسط انو كان عندن القدرة ليتمردو ع واقعون جوا السجن ويحققو شي بمجتمع بينظر للسجين نظرة اقل من البشر...

انا كتير بسطني هالخبر وكتيرعجبني..

بالفعل هالشي اللي صار استثنائي, يعني بالدول اللي بتعامل المساجين معاملة فعلا منيحة وبتقدملن كل شي صعب تلاقي هالشي, فشلون عنا ونحن منعرف البير و غطاه ومنعرف اي واحد بيدخل على السجن بغض النظر شو تهمتو شلون بيعاملو , وشلون بيطلع اللي محكوم بجنحة من السجن مجرم محترف.

بس انو وين الاعلام تبعنا؟؟ حدا سمع عن هالموضوع بالتلفزيون؟؟

بس شاطرين يبعتولن لهالمساجين علاء الدين الايوبي ليسألن انتو ندمانين ؟

شكرا ايهم:D

يا هلا :D

mblue

21/07/2009, 01:23

والله يا بلدنا ولسا فيكي خير
مو غلط انه نعطي السجناء فرصة تانية او حتى امل بفرصة تانية بس يخلصوا محكومياتهن بغض النظر عن الجرم اللي ارتكبوه
فكل انسان قابل للوقوع في الخطأ ولكن لازم كل واحد يحاول يتجاوز الخطأ اللي ارتكبه وحتى انه يحاول اصلاحه
مبارك لجميع الناجحين من الاحرار ومن المساجين
ونقطة الك يا وطني لما تحاول انك تصلح النفوس وتحط الامكانات في مكانها الصحيح