ثلاث جهات في سوريا تدفع باتجاه فكرة مؤدّاها أن الديمقراطية وصندوق الاقتراع الحر سيجلبان الأصوليين والإخوان المسلمين إلى الحكم. أولى هذه الجهات هي الأصوليون والإخوان أنفسهم، وثانيها علمانيون وحداثويون، وثالثها المستفيد الرئيس من هذه الأسطورة أي الحكم. هذه الفكرة الأسطورة لن تصمد أمام نظرة فاحصة. فالأرقام وتاريخ سورية يقولان غير ذلك. إذ أن تعداد سكان سورية للعام 2007 بلغ 19,405 مليون نسمة. الناس في سورية، كما هو معلوم، خليط من طوائف وقوميات. نعم العرب السنة أكثرية، لكن من يجرؤ على القول أن أكثرية العرب السنة أصوليون.

لنأت إلى محافظات الجزيرة الثلاث والتي يبلغ تعداد سكانها على التوالي، الحسكة 1,377 مليون، دير الزور1,049 مليون، والرقة 854 ألف. أي ما مجموعه 3,280 مليون نسمة. كم عدد الأصوليين بين أولاء؟ من المعروف أن تركيبة السكان هناك عشائرية بالأساس، ولذلك فإن أي تصويت حر سيجلب أبناء شيوخ أو متعلمين مهنيين أو وجهاء، وليس بين هؤلاء إخوان. ولا ننسى أن في هذه المحافظات وجوداً كردياً ذا تطلعات قومية لا تصب بحال من الأحوال في أصولية إسلامية. إضافة إلى تواجد آشوري وسرياني.

وفي محافظتي اللاذقية وطرطوس أكثرية علوية لن تصوت لصالح أصولية سنية بالطبع، حيث يبلغ عدد السكان حسب الإحصاء ذاته في اللاذقية 943 ألف، وفي طرطوس 750 ألف. أي ما مجموعه1,693 مليون. وفي السويداء 346 ألف نسمة من بني معروف "دروز". بالمناسبة كم هو عدد الدروز والعلويين في العاصمة؟ لا أحد يعلم. لكنهم كثر، كما هو معروف.

وماذا عن محافظة حمص التي يبلغ عدد سكانها 1,647 خليط من مسيحيين وعلويين وسنة، وقد تكون المثالثة، مع ترجيح سنيّ، أو ما يقاربها هي أرجح النسب. ومن السنة هنا عدد لا يستهان به من ذوي الأصول البدوية البعيدين عن التفكير الأصولي بطبيعة الحال.

دمشق وريفها أكثرية عربية سنية، لكن وكما أسلفنا فإنهما تضمان سكاناً من مختلف المناطق حيث عدد السكان 4,236 مليون، إضافة إلى أن تاريخها ينزع إلى الانحياز لدولة "مدنية" منذ الأمويين وإلى حاضرنا هذا.

أما حلب وريفها فوصل عدد السكان إلى 4,393 . هنا يمكن للأصوليين أن يحصلوا نصر انتخابي ما، ولكن علينا أن لا ننسى التدقيق في التركيبة السكانية، فهناك عشائر وارستقراطية قديمة وفئات حداثية التكوين تحن إلى أيام حزب الشعب، وإلى النشاط اليساري والقومي، وإلى دور حلب الاقتصادي والعمالي والثقافي الهام في أربعينيات وخمسينيات وستينيات القرن الماضي.

في حماة 1,491 مليون، وإدلب 1,359 مليون يمكن للأصوليين أن يحققوا إختراقاً أيضاً، لكن ما عدد العلويين والاسماعليين والمسيحيين في ريفهما؟ ليسوا قليلين. إنهم الأكثرية في الريف.

وليس من تاريخ أصولي إخواني ذي بال في درعا ذات الـ 916 ألف نسمة، ولا هو كذلك في القنيطرة ذات الـ 79 ألف نسمة.

تكلمنا بلغة خشنة، وتسميات فاقعة بهدف وحيد، هو إظهار زيف هذه الفكرة الخرافة، ولأن الغول المرشح للفوز والمتهم به، ذو تركيبة طائفية سنية، الأمر الذي يسهّل تثبيت هذه الخرافة، وأيضاً لأن هذا الغول المتهم يستمرئ الحالة ويتظاهر بأنه فعلاً قادرعلى تحقيق نصر حازم، إذا ما أجريت انتخابات حرة. إنه الوهم. وإنه الجهل بالعمل السياسي الذي يضع بيد الخصوم الذريعة لتخويف الطوائف الأخرى، و لتخويف العلمانيين والحداثيين وكل من يريد أن يمارس حرية اجتماعية. الأمر الذي اكتوت بنتائجه سورية منذ سبعينيات القرن الماضي.

ولإعادة شيء من الإنصاف للنخب من ذوي الأصول العربية السنيّة في زحمة الادعاءات العلمانوية والحداثوية، نذكر أنهم كانوا في أساس الانحياز لدولة مدنية تحت الاستعمار الفرنسي، وفي العهد الوطني، وأيام الوحدة، وهم النخبة المدنية العلمانية الوازنة الآن. لذلك فإن أي تجيير متعسف للسنة العرب لصالح الأصولية والإخوان، هو محض هراء، أي أنه غير واقعي. نعم، للإخوان ملعب ضمن الأكثرية السنية، لكنهم ليسوا اللاعبون الوحيدون، ولن يكونوا. في رأينا يمكن أن يحصل الأصوليون على نسبة ما بين 20 و 30 في المائة في الوسط السني تزيد قليلاً أو تنقص كثيراً، أسوة بإخوتهم في الأردن والكويت. ومن المحتمل أن تزداد النسبة إذا ما ازداد التأزم الطائفي، وإذا ما فشلت المعارضة المدنية في إبراز هوية سورية مدنية مناوئة للديكتاتورية، وللطائفية أياً كان مصدرها، وبآن معاً.

ولذلك فإن بعض العلمانيين والحداثيين المتوجسين من صندوق الاقتراع، بسبب خوفهم من وصول الإصولية والإخوان إلى الحكم عبر الانتخاب والآليات الديمقراطية، إنما يتبعون منطقاً خرافياً لا أصل له من اجتماع أو علم. إنهم يتبعون هوى الكراهية. وينحازون إلى استراتيجية الحكم في التخويف من الغول الأصولي. إنهم يساهمون في أن يجعلوا الحكم يضحك في عبّه.



محمد حاج صالح -نشرة كلنا شركاء

ولذلك فإن بعض العلمانيين والحداثيين المتوجسين من صندوق الاقتراع، بسبب خوفهم من وصول الإصولية والإخوان إلى الحكم عبر الانتخاب والآليات الديمقراطية، إنما يتبعون منطقاً خرافياً لا أصل له من اجتماع أو علم. إنهم يتبعون هوى الكراهية. وينحازون إلى استراتيجية الحكم في التخويف من الغول الأصولي. إنهم يساهمون في أن يجعلوا الحكم يضحك في عبّه.


أعتقد والعلم عند الله لو كان الكاتب فعلا مقتنع ان وصول الاخوان عبر صندوق الاقتراع اسطورة لما انشغل بالرد على اسطورة وافراد مقال بلغة الارقام لها (ولي بعض ملاحظات على تحليل الكاتب على تلك الارقام ربما ساذكرها اذا عدت للموضوع وسنحت فرصة )

عملية التخويف من المستقبل في حال تغير الوضع بسوريا و راح النظام هي انتاج خيالنا يلي غذتو مخابراتنا بالخوف و القلق طول السنين الماضية....مو بس من الأخوان ,,لأ كمان من امريكا و غيرها ..العمل المضني يلي قامو فيه الشباب كان كلو مشان ما يكون بسوريا شي اسمو البديل او الأحتمال التاني ...او حتى على الأقل الرجل التاني ! ...يعني غير مسموح لأحزاب او افكار انها تعمل بسوريا و تمد جذورها بالتربة السورية ..و ما انسمح حتى لأفراد ضمن المنظمة الحاكمة انو يصيرو الرجل رقم اتنين بالنظام ...لهيك دايما شفنا اغتيالات لرؤساء اجهز امنية او رؤساء وزارات ..حتى نائب الرئيس تم تحجيبو و كلنا شفنا انو كيف راح من سوريا و ما الو اي وزن ....و هون المشكلة ...ما في حدا بسوريا الو وزن و قادر انو يشكل بديل ..ال حدا هاد لنفترض انو رجل او جماعة او حزب ,,,بالحالات كلها النتيجة نفسها ,,, ",يا انا ,,,يا الرعب و الحرب الأهلية ,,شوفو شو بتختارو"

مع انو النظام السوري و سياستو هي اكبر مدمر للشعب السوري و ا كبر محرض للكراهية بين افرادو ...بس وصلنا لمرحلة الكتير ما بدو النظام يتغير ..بس مشان ما نشوف اثارو و نتيجة سياساتو يلي رح تطفو عالسطح بعد زوالو تماما ...الأثار هي يلي ممكن تكون عنف او فوضى او وصول الأخوان للسلطة ... طبعا الفكرة هي مبررة للبعض ..بس من جهتي انا بحمل النظام السوري مسؤولية اي شي سيء بصير بسوريا حتى بعد رحيلو ..لأنو هو كان المغذي لكتير امور سلبية يلي ممكن تسبب كتير من المشاكل بمجتمعنا السوري ,,,و واحد من المشاكل ...هي وصول الأخون للسلطة ..هلئ انا مقتنع انو شعبنا ممكن يرفض وصول الأخوان ,,بس كمان ما فينا نقول انو على الأقل بدو يحقق كتير اختراقات و بأسؤ الأحوال اذا ما انفرد بالحكم ,,,فبدو يكون القائد لتحالف بيضم عدة تيارات لتحكم سوريا ...لأنو ما فينا نعزل سوريا عن محيطها الأقليمي يلي عم يشهد ازدهار للحركات الأسلامية متل ايران و تركيا و بنسبة اقل بالأردن و مصر مع العلم انو اخر مثالين كان من الممكن انو يحصل الأسلاميين على تقدم اكبر في حال الغاء القيود عليون من قبل الحكومات ...

التغيير ضروري جدا جدا ,,,و الواضح انو اذا صار تغيير الأمور ما رح تكون مثالية كتير ,,,بس معنا معنا .منتعلم من الأخطاء و قدرتنا على اختيار حكامنا بتصير افضل من جهة الغاء العامل الديني و العشائري و القومي يلي بتساهم باتخاذ قراراتنا لصالح نظرة ابعد و شمولية اكتر و بتراعي فيه مصلحتنا النهائية بسوريا لكل السوريين من دون تمييز

عملية التخويف من المستقبل في حال تغير الوضع بسوريا و راح النظام هي انتاج خيالنا يلي غذتو مخابراتنا بالخوف و القلق طول السنين الماضية....مو بس من الأخوان ,,لأ كمان من امريكا و غيرها ..العمل المضني يلي قامو فيه الشباب كان كلو مشان ما يكون بسوريا شي اسمو البديل او الأحتمال التاني ...او حتى على الأقل الرجل التاني ! ...يعني غير مسموح لأحزاب او افكار انها تعمل بسوريا و تمد جذورها بالتربة السورية ..و ما انسمح حتى لأفراد ضمن المنظمة الحاكمة انو يصيرو الرجل رقم اتنين بالنظام ...لهيك دايما شفنا اغتيالات لرؤساء اجهز امنية او رؤساء وزارات ..حتى نائب الرئيس تم تحجيبو و كلنا شفنا انو كيف راح من سوريا و ما الو اي وزن ....و هون المشكلة ...ما في حدا بسوريا الو وزن و قادر انو يشكل بديل ..ال حدا هاد لنفترض انو رجل او جماعة او حزب ,,,بالحالات كلها النتيجة نفسها ,,, ",يا انا ,,,يا الرعب و الحرب الأهلية ,,شوفو شو بتختارو"



كلام سليم تماما, حتى ضمن النظام ممنوع يكون في اي شخصية تقارن برأس النظام واي واحد مهما كان دورو واهميتو مجرد يصير اسمو الرجل الثاني بطير بلحظة , أسلوب شيطاني قائم على حرق كافة قوارب النجاة مشان يضلو هني بس بالحكم, تماما متل اسلوب النازيين اللي فضلوا يدمروا بلدن ويرجعوها للعصر الحجري على انو يتنازلوا عن الحكم لغيرن.


مع انو النظام السوري و سياستو هي اكبر مدمر للشعب السوري و ا كبر محرض للكراهية بين افرادو ...بس وصلنا لمرحلة الكتير ما بدو النظام يتغير ..بس مشان ما نشوف اثارو و نتيجة سياساتو يلي رح تطفو عالسطح بعد زوالو تماما ...الأثار هي يلي ممكن تكون عنف او فوضى او وصول الأخوان للسلطة ... طبعا الفكرة هي مبررة للبعض ..بس من جهتي انا بحمل النظام السوري مسؤولية اي شي سيء بصير بسوريا حتى بعد رحيلو ..لأنو هو كان المغذي لكتير امور سلبية يلي ممكن تسبب كتير من المشاكل بمجتمعنا السوري ,,,و واحد من المشاكل ...هي وصول الأخون للسلطة ..هلئ انا مقتنع انو شعبنا ممكن يرفض وصول الأخوان ,,بس كمان ما فينا نقول انو على الأقل بدو يحقق كتير اختراقات و بأسؤ الأحوال اذا ما انفرد بالحكم ,,,فبدو يكون القائد لتحالف بيضم عدة تيارات لتحكم سوريا ...لأنو ما فينا نعزل سوريا عن محيطها الأقليمي يلي عم يشهد ازدهار للحركات الأسلامية متل ايران و تركيا و بنسبة اقل بالأردن و مصر مع العلم انو اخر مثالين كان من الممكن انو يحصل الأسلاميين على تقدم اكبر في حال الغاء القيود عليون من قبل الحكومات ...



احد اهم افرازات الديماغوجية الاسدية في سوريا هي انو صرنا نحط كل اللي بيتبنى فكر اسلامي بسلة وحدة وهي الاخوان , يعني سلفي ,صوفي , جند الشام , اسلامي ديمقراطي , حزب التحرير , ما منعذب حالنا لنعرف الفرق بيناتن , كلو عنا اسمو اخوان.

انا بشوف انو في بسوريا بتقدر تصنف التيارات الاسلامية على الشكل التالي :

التيار الاسلامي الحديث اللي بضم بمعظمو الطبقة المثقفة المهمشة من اي دور , وهدول كتير منن يؤمن بالديمقراطية والتداول السلمي للسلطة, وفي حتى الن ممثل باعلان دمشق.

التيار السلفي المتشدد واللي هو نتيجة طبيعية للتأثيرات اللي عم تجي من برا, بس انا بشوف انو هدول أقلية عم تحاول اجهزة السلطة تكبر فين و تضخم من خطرن, وهني بنفس الوقت مخترفين للعظم من المخابرات اللي عم تحاول تلعب فين وتوجهن على حسب مصالح النظام و اخر مثال كان ابو القعقاع اللي كان مسؤول عن تجنيد الشباب تحت مسمى السلفية والجهاد و ارسالن للعراق , وبالنهاية هو كان مخبر صغير قتلو لما خلصت مهمتو.

في كمان الاخوان أكيد, بس ياترى الجيل الجديد بيعرف الاخوان؟ اكيد لاء بالاضافة كمان لشغلة مهمة , شو كان حجم الاخوان المسلمين بالشارع السوري قبل المواجهة الدموية مع النظام بالسبعينات والتمانينات؟؟
كان برايي حجم ضئيل والدليل انو اغلبية الشعب وقفت على الحياد لانو حسو انو النظام والاخوان اضرب من بعض, و التاييد اللي حصلوا علي من بعض المناطق كان نوع من الاحتجاج على سياسات النظام الاقتصادية والطائفية.

أنا بشوف انو التيار الاول هو الغالب لانو الشعب السوري معروف بتاريخو انو بعيد عن التطرف.




التغيير ضروري جدا جدا ,,,و الواضح انو اذا صار تغيير الأمور ما رح تكون مثالية كتير ,,,بس معنا معنا .منتعلم من الأخطاء و قدرتنا على اختيار حكامنا بتصير افضل من جهة الغاء العامل الديني و العشائري و القومي يلي بتساهم باتخاذ قراراتنا لصالح نظرة ابعد و شمولية اكتر و بتراعي فيه مصلحتنا النهائية بسوريا لكل السوريين من دون تمييز

أكيد التغيير ضروري, مهما كانت المخاطر و الا غير الله ما بيعرف بظل هالانحدار اللي عايشينو لوين رح نوصل.

وشكرا لمشاركتك :D

أعتقد والعلم عند الله لو كان الكاتب فعلا مقتنع ان وصول الاخوان عبر صندوق الاقتراع اسطورة لما انشغل بالرد على اسطورة وافراد مقال بلغة الارقام لها (ولي بعض ملاحظات على تحليل الكاتب على تلك الارقام ربما ساذكرها اذا عدت للموضوع وسنحت فرصة )

ما هو يا صاحبي لانو شعبنا عايش على الاساطير و ما بيصدق غيرها.

بانتظار عودتك للموضوع :D

تحياتى شباب أنا بالصدفه دخلت عالموضوع وأنا مثلكم سابقا مواطن سورى لأننى أعانى كما تعنانون ,عقوله أبوحاتم وسوف (جورج) ربا عمرى بالمصايب وربعين شقى و تعتير و الباقى عذاب -لقد عشت فى دمشق فتره الإغتيالات شبه اليوميه إبان نشاط ماسمى بحركه الإخوان المتحدين (;))ياشباب خلينا واقعين الموضوع أنو الأقليه اللى عم نحكى عنها حكمتنا ولكن بالتفرقه و الترهيب و التعذيب و نحنا بطيعتنا الشعب إذا واحد مواطن بحلب أكل (سحسوح )من أخو ه الشرطى بتصل للشام أنه راح 15 قتيل علقو مع الشرطه والمخابرات يعنى نحنا بتاع دعايه -اليوم أصبحت الهويه القوميه لواطن السورى اللى أصوله سوريه بحته بتنعد على الأصابع لأنو صار فى دمج للهويه و طمس العراقه السوريه صار فى عالم بتقول (أخى مالنا علاقه فخار يكسر بعضه )فاعرف فورا إنو متنو سورى مهما كان موقعه الجغرافى سواء ريف أو مدينه أو محله لتغير عجله النظام أو خلينا نقول تطويرها منشان ماحدا يزعل لازم تكاتف ومناقشه الموضوع وبشكل سلمى يتماشا مع المفهاهيم الحليه التى طرأعليها تغير ديموغرافى بالسلطه اليوم صرنا من اللهجه نقول درزى و علوى و جنوبى و حلبى و حمصى و إسماعيلىووووووإلخ ما عاد إلنا من الضيعه الفلانيه أو المينه الفلانيه يعنى صارت عالسان الجميع أنا بأيى الذى يريد تولى السلطه أو الجهه التى تطالب بالتغير أن يجردوا من الأديان و المذاهب قبل و صولهم للسلطه حتى مايصير أيى تحيز لأحد يعنى أنا بفضل و هذا رأى الخاص وماحدا الرجاء يزعل (الماسونيه )نجحت لعدم تطرفها أو تسيسها للدين ولو كانت سريه بس ناجحه لأنو اللى عم يصير فينا والله حرام و إجرام أخى بدى إسأل الجميع دون إستثناء نحنا اليهود بيشو أذونا وشو أخدو مننا (اوعى تألى مسلسل الجولان والقنيطره واللى هيك فهمونا إياه) هى اليوم طالبين الصلح و حبه بركه معه ليعم الإستقرار لازم سلام خارجى و داخلى من ثم يأتى التغير الباطنى اليوم صرنا مضحكه بين بعض الدول من الإنشقاقات و الإنقسامات الداخليه بالدوله وكأنه نزله بالقرآن أننا سوف نبقى مقيدين الحريه و التابعين معهم بإحسان أو بالإكراه إلى يوم الدين أو فى وثيقه تملك للشعب و حقوقه بس المشكله فينا نحنا يلى عم نحط أسماء و روابط وعلى طول الأخوان بالواجهه من يوم يومها مهنه الرئيس من أجمل المهن ومالا علاقه بحريات المواطنين لأنو فى مجلس نواب و مجلس حكومه ووكماتعلمون إلا عنا المسؤول مسؤول وحتى إذا كان نايم و24 ساعه على مدار السنه التغيير ضروري جدا جدا ,,,و الواضح انو اذا صار تغيير الأمور ما رح تكون مثالية كتير ولكن هذا هو الحل إما الدبن وإما الإضطهاد و العبوديه و الإرهاب الداخلى (الفقر و القهر و الفساد) ورحم الله القبانى عندما قال (ياوطنى الطيب ياوطنى قتلتك ألسنه السلاطين )أبوحاتم

شكرا عالموضوع حلو كتير
يا سيدي خلي الجماعة الحاكمة يتركو الحكم وان شاء الله تفوز العفاريت الزرق بالانتخابات
يا شباب انا يلي قاهرني اكتر شي انو معقول الشباب السوري ما ضل فيه حدا يمسك زمام الامور
كل ما حكيت بيقلك الاسد والنمر والسعدان ومدري شو فصيلة الحيوانات
وكانو هو نيقة عن الخليقة عنده تفكير ما حدا جابو
عنده ذكاء اكثر من ذكاء العلماء
عنده فطنة او فتنة خلينا نقول ما حدا عندو ياها
بالنهاية اتمنى انو تسير انتخابات نزيهة ومين ما يفوز يفوز
حليم ابليس بالجنة

مروان باشا -تحياتى الموضوع مو مسأله يتركو الحكم وبس (فوتت الحمام مو متل طلعتو) بتعرف الآيه الكريمه يللى بتقول (وإن تبتم فلكم رؤس أموالكم لا تظليمون ولا تظلمون) يعنى عالهوبهوب بدن يطلعوا والكبير قبل الصغير ويرجعوا علارض و الفلاحه والعمل من أجل الوقوف فى و جه الإستعمار (م-و هى أقوالهم اللى باعونا إياها)40سنه و نحنا متل الغنم بالروح بالدم نفديك أبو حاتم وإنتخابات نزيهه بحياتها ما بتصير إذا ماتمت عن طريق رقابه خارجيه و لا دخل لفرنسا بها لأنهم هم اللى لبسونا الخاطوش وركبو المعلم على الجحش 30سنه (القذافى )يللى كل العالم ينتقده خلا الطليان يعتذرو عن الإحتلال ببلاده و يدفعوا له تعويضات ونحنا اللى عنا ماعامل كرامه لحدا وإلى اليوم بيروح كل يوم بيحلب الحليب بفرنسا و بيجيبه للشعب و بيقبل الأيادى ويتبارك بالأتراك اللى قعدونا على الخازوق وضيعوا نص الثوار الطاهرين يلى خسرو دمهم كرمال الأرض والوطن اللى الجماعه سرقوه ونهبوه وعم بينكبو فيه لسا بدنا نشوف الفصيله الحيوانيه كلها إذا تم الوضع هيك (ابوحاتم)

احد اهم افرازات الديماغوجية الاسدية في سوريا هي انو صرنا نحط كل اللي بيتبنى فكر اسلامي بسلة وحدة وهي الاخوان , يعني سلفي ,صوفي , جند الشام , اسلامي ديمقراطي , حزب التحرير , ما منعذب حالنا لنعرف الفرق بيناتن , كلو عنا اسمو اخوان.

كلامك حلو ومدوزن

بصراحة هي اول مرة بسمع بالديماغوجية, وبحوشت عنها وشفت انها كلمة خطيرةوحبيت اقتبسها في ردي في حال في حدن متلي مو عارف معناها.
مع التنويه والأحاطة بأن كل شباب الأخوية فيها الخير والبركة.

كلمة يونانية الأصل مشتقة من (ديموس) أي الشعب و(غوجية) أي العمل، وكانت تطلق في الماضي على زعماء الحزب الديمقراطي في أثينا الذين كانوا يدعون (العمل من أجل مصلحة الشعب)،



وهي اليوم تدل على مجموعة الأساليب والخطابات والمناورات والحيل السياسية التي يلجأ إليها السياسيون لأغراء الشعب أو الجماهير بوعود كاذبة أو خداعه وذلك ظاهرياً من أجل مصلحة الشعب، وعملياً من أجل الوصول إلى الحكم. وعليه فأنها خداع الجماهير وتضليلها بالشعارات والوعود الكاذبة. والديماغوجية هي أحد الأساليب الأساسية في سياسة الأحزاب البرجوازية. وهي موقف شخص أو جماعة يقوم على إطراء وتملق الطموحات والعواطف الشعبية بهدف الحصول على تأييد الرأي العام استناداً على مصداقيته. والديماغوجي هو الشخص الذي يسعى لاجتذاب الناس إلى جانبه عن طريق الوعود الكاذبة والتملق وتشويه الحقائق ويؤكد كلامه مستنداً إلى شتى فنون الكلام وضروبه وكذلك الأحداث ولكنه لا يلجأ إلى البرهان أو المنطق البرهاني لأن من حق البرهان أن يبعث على التفكير وأن يوقظ الحذر، والكلام الديماغوجي مبسط ومتزندق، يعتمد على جهل سامعيه وسذاجتهم.
المصادر:
- القاموس السياسي / عبد الرزاق الصافي
- موسوعة السياسة / عبد الوهاب الكيالي
- الموسوعة الأشتراكية.

ما هو يا صاحبي لانو شعبنا عايش على الاساطير و ما بيصدق غيرها.

بانتظار عودتك للموضوع :D
معي تقرير للسي اي ايه استخدمو ولا هالمصادر الانبطاحية مارح يمشي حالها هون ؟
رح استخدم بضعة ارقام منو مشان اعمل تحليل لاراء كاتب المقال (يعني مشان ما اتعب حالي وبالاخر العالم لا تعترف عالتقرير )

معي تقرير للسي اي ايه استخدمو ولا هالمصادر الانبطاحية مارح يمشي حالها هون ؟
رح استخدم بضعة ارقام منو مشان اعمل تحليل لاراء كاتب المقال (يعني مشان ما اتعب حالي وبالاخر العالم لا تعترف عالتقرير )

خيو هات لنشوف, اذا ما عجبنا المضمون منتهمك انك عميل للامبريالية والصهيونية :lol: .

ما بيهمني المصدر وانما المعلومات نفسها.

معلم كلامك كله صحيح و معلومتك أكيده و طفشان أكتر مننا الجميع شو رأيك يتم تغير المسميات و الألقاب الحزبيه و الدنيه -هل عندك أيه معلومات عن القانون الجديد يلى رئاسه الوزراء عنا سوف تلبسنا طربوش مرتب فيه بمعيتك عملى نظره على الجوجل ودخول على نساء سوريا و دور على قانون إسمه الأحوال المدنيه وإعطينى رأيك فيه أنا قد كتبت كم رد على الموضوع تحت إسم العيثوب الليث وفى بعض المواضيع كان عندى الضغط القومى مرتفع فحذفوها لأننى شتمت على الديككككك-(منتدى نساء سوريا )أخى شو رأيك إذا ألحدنا بالمذاهب و ألغينا التصوف و التطرف وصربا عواض اللفه تبع الأئممه نلف تنوره أولك بيمشى الحال لأنو اللى جاى ألعن من اللى راح (أبوحاتم)

*نحنا اتفقنا من الاول اذا ما عجبك ما الي دخل ،

هيك كاتبين

The country has an area of 71,498 square miles and a population of 19 million. Sunnis represent 74 percent of the population and are present throughout the country. Other Muslim groups, including Alawi, Ismailis, and Shi'a, together constitute 13 percent of the population. The Druze account for 3 percent of the population. Various Christian denominations comprise the remaining 10 percent.

طبعا الكاتب هون معتمد على احصاء 2007 وهالتقرير صادر ايضا ب2007

نسبة الشيعة والاسماعيلية والعلوية 13% يعني حوالي 2 مليون 470 الف (لاحظ ان شيعة واسماعيلية وعلوية )
الكاتب قال نصا "
وفي محافظتي اللاذقية وطرطوس أكثرية علوية لن تصوت لصالح أصولية سنية بالطبع، حيث يبلغ عدد السكان حسب الإحصاء ذاته في اللاذقية 943 ألف، وفي طرطوس 750 ألف. أي ما مجموعه1,693 مليون."

اقل عدد للاكثرية هو النصف +1 (وطبعا لا اعتقد ان الكاتب يقصد ان العدد هو النصف +1 من المؤكد يقصد اكثر ولكننا سنأخذ على اقل تقدير ) اذا العدد يصبح 846500

ثم قال نصا "وماذا عن محافظة حمص التي يبلغ عدد سكانها 1,647 خليط من مسيحيين وعلويين وسنة، وقد تكون المثالثة، مع ترجيح سنيّ، أو ما يقاربها هي أرجح النسب."

والثلث هو 549000
وهذا معناه ان العلويين في في ثلاث محافظات (اللاذقية طرطوس حمص ) على اقل تقدير هو مليون و400 ال قم بطرحهم من العدد الاجمالي (للشيعة والعلوية والاسماعيلية ) يتبقى لك بحدود مليون وطبعا نحن ناخذ على اقل تقدير وليس كما يريد الكاتب ،
ولو كملنا وتابعنا معو ، مارح يسكت لهون ولاحظ التالي

ثم عاد ليقول "بالمناسبة كم هو عدد الدروز والعلويين في العاصمة؟ لا أحد يعلم. لكنهم كثر، كما هو معروف."
ثم
"في حماة 1,491 مليون، وإدلب 1,359 مليون يمكن للأصوليين أن يحققوا إختراقاً أيضاً، لكن ما عدد العلويين والاسماعليين والمسيحيين في ريفهما؟ ليسوا قليلين. إنهم الأكثرية في الريف "

لازال في اكثرية علوية في العاصمة وريف حماة وادلب !!
أين الشيعة والاسماعيلية ؟ اذا اعتبرنا مايقوله صحيح فان الرقم الاجمالي سيكون كله علوية ولكن اين الشيعة والاسماعيلية ؟ لذلك اعتقد ان ارقامه غير صحيحة ،

المنطقة العربية ومحور الاعتدال يتحدث عن مد شيعي بالمنطقة وتغلغل ايراني شيعي في سوريا ، ولكن حسب ارقام الكاتب وتحليلاته لا ارى وجود للشيعة من الاساس والمقصود الشعية الموجودين بالفعل منذ قرون ! لذلك التحليل الرقمي الذي اورده ليس اكثر من اجتهادات خاطئة للكاتب ،

رأيي الشخصي ان اذا اتيحت فرصة للاخوان في انتخابات قادمة سيكتسحون وينتصرون اذا لم يحدث تلاعب لانهن سيعزفون على الوتر الطائفي وسيفوزون حتما لان هناك من سينتخبهم لانهم يمثلون طائفته التي هي 74% من مجمل السكان وهناك من سينتخبه املا في التغيير او كرها في النظام الحالي وليس حبا لهم وكل مستاء من الحكومة وخدماتها او حزب البعث سينتخبهم ، وربما ستفيق سوريا في يوم على سلطة الاخوان بحكم ديني ودولة دينية تنفذ الحدود الدينية وليس هذا اسطورة من وجهة نظري . الطائفية قد تجلب الاخوان الى السلطة وهذا حصاد اخطاء النظام في عدم القضاء على الطائفية فأحيانا السحر ينقلب على الساحر ، فلايجب ان يستهين احد بالاخوان وضعوا ما حدث في الاردن ومصر وفلسطين أمام اعينكم وضعوا وصول الحركات والاحزاب الدينية الى الحكم في العالم امام اعينكم .

مروان باشا -تحياتى الموضوع مو مسأله يتركو الحكم وبس (فوتت الحمام مو متل طلعتو) بتعرف الآيه الكريمه يللى بتقول (وإن تبتم فلكم رؤس أموالكم لا تظليمون ولا تظلمون) يعنى عالهوبهوب بدن يطلعوا والكبير قبل الصغير ويرجعوا علارض و الفلاحه والعمل من أجل الوقوف فى و جه الإستعمار (م-و هى أقوالهم اللى باعونا إياها)40سنه و نحنا متل الغنم بالروح بالدم نفديك أبو حاتم وإنتخابات نزيهه بحياتها ما بتصير إذا ماتمت عن طريق رقابه خارجيه و لا دخل لفرنسا بها لأنهم هم اللى لبسونا الخاطوش وركبو المعلم على الجحش 30سنه (القذافى )يللى كل العالم ينتقده خلا الطليان يعتذرو عن الإحتلال ببلاده و يدفعوا له تعويضات ونحنا اللى عنا ماعامل كرامه لحدا وإلى اليوم بيروح كل يوم بيحلب الحليب بفرنسا و بيجيبه للشعب و بيقبل الأيادى ويتبارك بالأتراك اللى قعدونا على الخازوق وضيعوا نص الثوار الطاهرين يلى خسرو دمهم كرمال الأرض والوطن اللى الجماعه سرقوه ونهبوه وعم بينكبو فيه لسا بدنا نشوف الفصيله الحيوانيه كلها إذا تم الوضع هيك (ابوحاتم)

يا زلمة حرام عليك خلينا نحلم شوي كل ما سكرنا عيونا بدنا نشوف حلم حلو بيطير دغري
الكل عارف القصة بس نحن عم نحلم شوي مشان نطيع من الكابوس الواقعي

*نحنا اتفقنا من الاول اذا ما عجبك ما الي دخل ،



قلتلي ما دخلك ما, اي راحت عليك خلص كشفنا واحد عميل عم يوهن نفسية الامة في هزا المنتدى ;)



*
The country has an area of 71,498 square miles and a population of 19 million. Sunnis represent 74 percent of the population and are present throughout the country. Other Muslim groups, including Alawi, Ismailis, and Shi'a, together constitute 13 percent of the population. The Druze account for 3 percent of the population. Various Christian denominations comprise the remaining 10 percent.



اول شي , خلينا ما نختلف على الاعداد, لانو من الصعب برايي نحكم اذا كانت الاعداد اللي بالمقال صحيحة او الاعداد اللي انت جبتها بهدا التقرير صحيحة. خلينا نتفق على حقيقة ثابتة انو في بهالبلد أغلبية , بغض النظر 70 بالمية , 75 بالمية ما بيهم.

*

رأيي الشخصي ان اذا اتيحت فرصة للاخوان في انتخابات قادمة سيكتسحون وينتصرون اذا لم يحدث تلاعب لانهن سيعزفون على الوتر الطائفي وسيفوزون حتما لان هناك من سينتخبهم لانهم يمثلون طائفته التي هي 74% من مجمل السكان وهناك من سينتخبه املا في التغيير او كرها في النظام الحالي وليس حبا لهم وكل مستاء من الحكومة وخدماتها او حزب البعث سينتخبهم

في شغلة مهمة هون, انو نحني عم نفترض انتخابات حرة بعد زوال النظام الحالي, لانو يستحيل تحصل انتخابات ديمقراطية بالواقع الحالي , يعني السيناريو اللي صار بغزة انو الناس رح تنتخب الاخوان ليخلصوا من النظام ما بيمشي هون.
طيب ممكن اسألك من تقصد بالاخوان؟؟ جماعة صدر الدين البيانوني مثلا؟؟ برأيك هدا لو عاد لسوريا حاليا رح يكون الو شعبية؟ معقول يحصد الاغلبية باول انتخابات تصير, شو هو صار نيلسون مانديلا مثلا؟ ليش مين بسوريا بيعرفوا؟؟ اه صحيح تعرفوا علي من صورو مع عبد الحليم خدام.

يا أخي السنة في سوريا مو كتلة واحدة متجانسة, فيهم المتدين جدا و الغير متدين ابدا, و العلماني واليساري , و الصوفي ومن المستحيل حزب واحد يقدر يخلي كل هالعالم تصوتلو, طيب لقلك على شي, الاكراد حسب بعض التقديرات بيطلعو فوق المليون ونص وهدول محسوبين طبعا على الاغلبية ومعروفين انن ما الن علاقة بالاخوان طول عمرن.

طيب الاخوان هدول لما كان بسوريا انتخابات عن جد بالخمسينات واوائل الستينات , كم نائب قدروا يوصلوا على البرلمان؟؟ بعمرن حصلوا على الاغلبية؟

*
، الطائفية قد تجلب الاخوان الى السلطة وهذا حصاد اخطاء النظام في عدم القضاء على الطائفية فأحيانا السحر ينقلب على الساحر


النظام مو بس لم يقضي على الطائفية, النظام هو رب الطائفية و راعيها الاول بهالبلد وهو المستفيد منها و من تناحر طوائف الشعب و خوفها من بعضها البعض.

*
فلايجب ان يستهين احد بالاخوان وضعوا ما حدث في الاردن ومصر وفلسطين أمام اعينكم وضعوا وصول الحركات والاحزاب الدينية الى الحكم في العالم امام اعينكم .




ما بقدر قارن المجتمع تبعنا بمجتمعات متل الاردن مثلا, يا اخي هنيك لو بيجي اسامة بن لادن بيرشح حالو بانتخابات بياخد برياحة 80 بالمية.

بمصر النظام عم يعمل نفس الشي, عم يسمح للاخوان يترشحوا ويطالعوا كم نائب بالبرلمان لا بيحلو و لابيربطو بهدف الاستفادة من الفزاعة الاخوانية لاقصى حد . يعني لو بصير في مجال لاحزاب تانية, حتى لاحزاب تانية بتتبنى فكر اسلامي مختلف عن الاخوان , بس الوضع الحالي ما بتقدر تاخدو قاعدة.

يا زلمة حرام عليك خلينا نحلم شوي كل ما سكرنا عيونا بدنا نشوف حلم حلو بيطير دغري
الكل عارف القصة بس نحن عم نحلم شوي مشان نطيع من الكابوس الواقعي


ماشى معلم خلينا نحلم لنشوف سو آخرتها بس نحنا حبينا نهز الياسمين تنشم ريحتو(أبوحاتم):D

ماشى معلم خلينا نحلم لنشوف سو آخرتها بس نحنا حبينا نهز الياسمين تنشم ريحتو(أبوحاتم):D

على راسي بس والله طارت الناعوسة بعدما ذكرتني بالواقع وبطلنا نحلم احسن ما يحاسبونا عليه
:D

انت خدعتني :frown:
قلتلي مابيهمني المصدر وهلئ همشت المصدر (مع ان من الاول خبرتك انو اميركي )
طيب المشكلة ان المصادر الرسمية السورية بتحدد نسبة المسلمين اجمالا ونسبة المسيحيين اجمالا
مافي مجال تطلع ارقام رسمية بنسبة كل طائفة اسلامية . الا اذا حدا من الشباب الواصل بيعرف الارقام ومتكتم عليها :?
قلتلي ما دخلك ما, اي راحت عليك خلص كشفنا واحد عميل عم يوهن نفسية الامة في هزا المنتدى ;)


ورحمة جوز خالتي غرضي الاول والرئيسي هو الانتباه لقوة الاخوان وان احتمال وصولهم للسلطة بظل وجود النظام الحالي هو احتمال قائم ولكنه سياخذ وقت و مراحل .
"وقد يلوح في الافق غدا ما كان بالامس غائبا "
هاد موضوع كبير وبدو موضوع مستقل للحديث عنو
بس القصد ان قد يكون في تغييرات بسيطة رح تصير بالمستقبل القريب في السياسة الداخلية للنظام نتيجة التعاون الذي قد يحدث مع اميركا واوربا .




اول شي , خلينا ما نختلف على الاعداد, لانو من الصعب برايي نحكم اذا كانت الاعداد اللي بالمقال صحيحة او الاعداد اللي انت جبتها بهدا التقرير صحيحة. خلينا نتفق على حقيقة ثابتة انو في بهالبلد أغلبية , بغض النظر 70 بالمية , 75 بالمية ما بيهم. صدقني مارح تشكل فارق 70 من 75% بس الفكرة اني حسيت ان الكاتب بدو يقول ان للاخوان مافي فرصة ، اسمحو الون طالما مافي الون فرصة ، لاء هننى الون فرصة ونص .
فلذلك تحليل الارقام اللي اوردها كانت مبالغ فيها بضد صالح الاخوان ورقيا "نظرا لانها بالمقال" ولكن على ارض الواقع رح تكون مع الاخوان ، شو اسم هاد اذا ماكان حقنة مخدر ؟


في شغلة مهمة هون, انو نحني عم نفترض انتخابات حرة بعد زوال النظام الحالي, لانو يستحيل تحصل انتخابات ديمقراطية بالواقع الحالي , يعني السيناريو اللي صار بغزة انو الناس رح تنتخب الاخوان ليخلصوا من النظام ما بيمشي هون.
طيب ممكن اسألك من تقصد بالاخوان؟؟ جماعة صدر الدين البيانوني مثلا؟؟ برأيك هدا لو عاد لسوريا حاليا رح يكون الو شعبية؟ معقول يحصد الاغلبية باول انتخابات تصير, شو هو صار نيلسون مانديلا مثلا؟ ليش مين بسوريا بيعرفوا؟؟ اه صحيح تعرفوا علي من صورو مع عبد الحليم خدام.

يا أخي السنة في سوريا مو كتلة واحدة متجانسة, فيهم المتدين جدا و الغير متدين ابدا, و العلماني واليساري , و الصوفي ومن المستحيل حزب واحد يقدر يخلي كل هالعالم تصوتلو, طيب لقلك على شي, الاكراد حسب بعض التقديرات بيطلعو فوق المليون ونص وهدول محسوبين طبعا على الاغلبية ومعروفين انن ما الن علاقة بالاخوان طول عمرن.
بخصوص مين الاخوان ، اترك الاشخاص وركز عالفكر ، ممكن باي لحظة يطلع الاخوان كوادر جديدة (ورح تحمل نفس الفكر ) ويدخلو فيهون انتخابات تشريعية ويحققو اغلبية
بتقول الاكراد مارح ينتخبوهن ومدري مين
طيب ما كل قومية او طائفة على اسوأ الحالات بالنسبة للاخوان رح ترشح منها من يمثلها ورح تتفتت قوة هالقوميات او الطوائف
ومارح تنتخب مرشحي النظام يعني الكردي رح ينتخب كردي وهكذا وتبقى بالنهاية امام قوة وحدة كبيرة هي الاخوان ،
المشكلة بوجهة نظري سياسيا هي الموجودة بمصر سياسيا والموجودة بغالبية الدول العربية ،
مافي احزاب قوية مافي احزاب الها قواعد شعبية ومافي احزاب مؤثرة ،
وتكلفة عدم وجود احزاب قوية باي دولة قد يكون تنامي الحركات الدينية سياسيا وتحقيق سيطرة شعبية في بعض المناطق .


طيب الاخوان هدول لما كان بسوريا انتخابات عن جد بالخمسينات واوائل الستينات , كم نائب قدروا يوصلوا على البرلمان؟؟ بعمرن حصلوا على الاغلبية؟
هاد نهاية العصر الذهبي بالسياسة وانظمة الحكم الديموقراطية ومافيك تقارنو باي عصر لاحق ، بهالعصر كان اللي يرشح خالو على اساس ديني مارح يتميز لان معظم الاشخاص بكافة الطوائف كانت تعمل من اجل الوطن وليس من اجل احدى طوائف الوطن او من اجل مصالحه الشخصية ،
يارجل عمرك شفت رئيس عربي ببترك الحكم لرئيس تاني ومن دولة تانية غير دولتو " فقط لانه شايف هاد بصالح دولتو وشعبها !! " وين رح تلاقي متل هالرجل ، اللي بالاصل ماورث الحكم ولكن تم انتخابه بارادة الشعب "يعني محبوب ومرغوب فيه وبيحظى بثقة الشعب " مافيك تقارن ابدا .

انت خدعتني :frown:
قلتلي مابيهمني المصدر وهلئ همشت المصدر (مع ان من الاول خبرتك انو اميركي )
طيب المشكلة ان المصادر الرسمية السورية بتحدد نسبة المسلمين اجمالا ونسبة المسيحيين اجمالا
مافي مجال تطلع ارقام رسمية بنسبة كل طائفة اسلامية . الا اذا حدا من الشباب الواصل بيعرف الارقام ومتكتم عليها :?


له يا معلم, ما همشت المصدر ولاشي , بس قلت انو ما بتقدر تحدد وين الاعداد الصحيحة , بتقريرك ولا بالمقال اللي انا نزلتو, لانو بسوريا متل ما قلت اولا ما في ارقام رسمية , تانيا صعب تقيس عدد الطوائف بدقة.

من شي كم سنة طلعت دراسة باحد المواقع الالكترونية المدعومة مخابراتيا, وكان واضح انها مسربة من قبل المخابرات عم تدعي انو نسبة السنة بسوريا لاتتعدى 55 بالمية ( وقتها حسبو الاكراد طائفة لحالن :o)



ورحمة جوز خالتي غرضي الاول والرئيسي هو الانتباه لقوة الاخوان وان احتمال وصولهم للسلطة بظل وجود النظام الحالي هو احتمال قائم ولكنه سياخذ وقت و مراحل .
"وقد يلوح في الافق غدا ما كان بالامس غائبا "
هاد موضوع كبير وبدو موضوع مستقل للحديث عنو
بس القصد ان قد يكون في تغييرات بسيطة رح تصير بالمستقبل القريب في السياسة الداخلية للنظام نتيجة التعاون الذي قد يحدث مع اميركا واوربا .


لا تحاول تبرر خلص انكشفت والتقرير صدر و بعتنا ومشي الحال :lol:




صدقني مارح تشكل فارق 70 من 75% بس الفكرة اني حسيت ان الكاتب بدو يقول ان للاخوان مافي فرصة ، اسمحو الون طالما مافي الون فرصة ، لاء هننى الون فرصة ونص .


انا ما قلت ما الن فرصة, بس مو انو كل السنة رح يصوتوا الن هيك قشة لفة.


فلذلك تحليل الارقام اللي اوردها كانت مبالغ فيها بضد صالح الاخوان ورقيا "نظرا لانها بالمقال" ولكن على ارض الواقع رح تكون مع الاخوان ، شو اسم هاد اذا ماكان حقنة مخدر ؟


انو مو شايفها هيك, ليش ما تقول الخوض في موضوع ماحدا حابب يناقشو.


بخصوص مين الاخوان ، اترك الاشخاص وركز عالفكر ، ممكن باي لحظة يطلع الاخوان كوادر جديدة (ورح تحمل نفس الفكر ) ويدخلو فيهون انتخابات تشريعية ويحققو اغلبية


انت مفترض انو الاخوان هني الوحيدين بساحة العمل السياسي الاسلامي, بس صدقني في تيارات سياسية تانية غيرن بس حاليا مهمشة ومو معروفة ورح تظهر بمجرد ينرفع الحظر عن العمل السياسي بسوريا.



بتقول الاكراد مارح ينتخبوهن ومدري مين
طيب ما كل قومية او طائفة على اسوأ الحالات بالنسبة للاخوان رح ترشح منها من يمثلها ورح تتفتت قوة هالقوميات او الطوائف
ومارح تنتخب مرشحي النظام يعني الكردي رح ينتخب كردي وهكذا وتبقى بالنهاية امام قوة وحدة كبيرة هي الاخوان ،


بالبداية رح يصير هيك للاسف, نتيجة الشحن الطائفي الموجود و ممارسات النظام الحالية, السني رح يدور على سنى ينتخبوا والعلوي على علوي وهيك... , بس هالمرحلة ما رح تطول برايي لانو بيلزمك بعد هالسبات الطويل اكيد مرحلة انتقالية.

وهون انا برجع بقلك , بالطوائف الصغيرة رح تلاقي ممكن انن رح يصطفوا ورا مرشحين معينين بايديولوجيا محددة , بس مع الطوائف الكبيرة صعب تلاقي كل الطائفة رح تنتخب حزب واحد او شخص واحد , و هي مثال الاكراد لو انتخبوا مرشحين اكراد مو تابعين للاخوان معناها هي اغلبية ال 70 بالمية نقصت.





المشكلة بوجهة نظري سياسيا هي الموجودة بمصر سياسيا والموجودة بغالبية الدول العربية ،
مافي احزاب قوية مافي احزاب الها قواعد شعبية ومافي احزاب مؤثرة ،
وتكلفة عدم وجود احزاب قوية باي دولة قد يكون تنامي الحركات الدينية سياسيا وتحقيق سيطرة شعبية في بعض المناطق .


مظبوط , وهالشي شفنا بالعراق, بس عم يتراجع شوي شوي, هي بالمناطق السنية مثلا اول ما فتحوا جماعة القاعدة فرع الن لقوا ترحيب كبير, طيب بعدين شو صار؟ الناس طفشت منن ومن اساليبن ووصلوا لمرحلة تعاونوا مع الامريكي مشان يخلصوا من الاحزاب الدينية المتطرفة, وعلى الجانب الشيعي بتلاقي تراجع شعبية جماعة عبد العزيز الحكيم.

يعني هالظاهرة الناتجة عن الفراغ في الساحة السياسية هي ظاهرة مؤقتة رح تزول بمجرد نشوء احزاب بتوجهات بديلة.

اذا لماذا لا تجرى انتخابات حرة ونزيهة اذا كان الاصوليون لن يفوزو
الخوف من ماذا يمنع الانتخابات الحرة

اذا لماذا لا تجرى انتخابات حرة ونزيهة اذا كان الاصوليون لن يفوزو
الخوف من ماذا يمنع الانتخابات الحرة

مين بدك يعمل الانتخابات الحرةو يشرف عليها؟؟ فرع فلسطين مثلا؟؟ و لا القيادة القطرية لحزب البعث العربي الاشتراكي؟؟

مابدك بالاول لتتغير معادلة الحكم الحالية اللي عايشينها لنقدر بعدين نحكي بشي اسمو انتخابات حرة.