أغلقت السلطات الأمنية السورية فجر اليوم الأربعاء مكتب قناة المشرق في دمشق. وعلمت (كلنا شركاء) من مصدر اعلامي أن دورية للأمن الداخلي بقيادة عقيد أمني زارت مكتب القناة صباحاً وأمر العقيد جميع الإعلاميين والفنيين والإداريين المتواجدين في مكتب المحطة بمغادرة المكتب كما طلبت الدورية من مدير المكتب السيد جميل سماق ومدير إدارة الإنتاج محمد رامي الجندي، بمراجعة أحد الفروع التابعة للأمن الداخلي صباح اليوم.
وصباح اليوم وإثر المراجعة تم التحقيق مع الجميع من قبل المقدم أ.م.ن في الفرع الأمني المذكور وتم توقيعهم على اقرار بعدم العمل مستقبلاً مع قناة المشرق!

ومن أبرز الموقعين المذيعة سهير الدهبي ومدير المكتب جميل سماق ومدير الانتاج محمد الجندي وماريا شحادة وامل شاهين
ويذكر أن الجندي نفى أمس في تصريحات إعلامية ما تم تسريبه من أنباء عن عزم السلطات إغلاق مكتب دمشق مشيراً إلى ان الإشكال الذي حدث "ناتج عن التصوير في إحدى أسواق دمشق بدون موافقة. الأمر الذي أدى لاستدعائه من السلطات السورية لتحقيق في أسباب عدم الحصول على موافقة قبل التصوير".
إلا أن ما حصل اليوم يبدو أكبر مما توقعه الجندي


وكانت إدارة تلفزيون المشرق أصدرت بياناً توضيحيا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) نفت فيه وجود أي خطط لديها لتصفية أعمالها في سوريا سواء الإخبارية أو الفنية البرامجية أو الدرامية، وقالت أنه على العكس من ذلك تعتزم المحطة تطوير عملها بعد الانتهاء من الحصول على التراخيص اللازمة.
إلا أن ما يلفت في بيان المشرق أنه تضمن الإشارة إلى مقالات وتعليقات وتحليلات حاولت تأليب الجهات الرسمية على قناة المشرق وتحريف وتحريف أو تعديل أو إخراج بعض تصريحات مسؤوليها خارج سياقها, واضاف البيان أنه في بعض الأحيان "كان المصدر واحدا ولكنه عمل باجتهاد للإضرار بقناة المشرق".

وفي ذات السياق أصدر المركز السوري للإعلام وحرية التعبير بياناً اسنكر فيه اقدام السلطات السورية على إغلاق مكتب القناة وقال البيان أن القناة تتعرض منذ فترة لحملة إعلامية من قبل بعض المواقع الإخبارية التي " بشرت " بإغلاق مكتبها في دمشق و روجت أخبار عن مصاعب مالية و إدارية تواجه المحطة وصل الأمر في بعضها إلى حد استعداء السلطات الرسمية السورية على المحطة و على إدارتها...
وأشار بيان المركز إلى أن أكثر من 15 إعلامي من العاملين في المكتب مطلوبين للتحقيق من بينهم مراسلين ومعدي برامج وبعض من العاملين في قسم المونتاج دون إيضاح الأسباب الموجبة لذلك.



نشرة كلنا شركاء.

شباب في حدا كان يتابع هي القناة؟؟ شو كانت تقدم شي يزعج الشباب لحتى هيك عملوا فيها؟

ولا لاتكون القصة كلها تمهيد الساحة لقناة نينار ومتل العادة ممنوع منافسة رامي مخلوف.

هلا عالرغم اني ما بعرف القناة منوب بس الله يعين يلي بيعلئ بايدين الامن السوري لانو كتير شديدين وقت بيحتاج الامر

هذه هي حرية الرأي والتعبير والإعلام في بلادي

شباب في حدا كان يتابع هي القناة؟؟ شو كانت تقدم شي يزعج الشباب لحتى هيك عملوا فيها؟

ولا لاتكون القصة كلها تمهيد الساحة لقناة نينار ومتل العادة ممنوع منافسة رامي مخلوف.
على فكرة المحطة طلع على شاشتها عدة مسؤوليين سوريين . بسالقصة نو بين في فرق كبير بين قناة التفزيون العام وقناة الدنيا . بطريقة ااسلوب والتقديم . ووضح تماما انو عنا قدرات وطاقات شبابية كبيرة كلها مدفونة هونيك . الشي يلي زعج الأموات هونيك فلقو أنو في مين عم يفيقهم من قبرهم . فقامو بحملة اعلامية عبر الشبكة العنكوبوتية بشكل خاص وغيرها بشكل عام لمحاربة وتشويه صورة القناة . الأمر يلي استدعى اقامة ندوة لصاحب القناة بحلب هاجم فيها الأعلام العام المتهالك وأعتمادو على الوجوه الختيارية والعقول المتحجرة . الشي يلي ما أنسكتلو عليه وجاب أخرتو :lol:

السؤال هي عم تبث هلأ؟
لاتقولوا انو وقفت؟؟
لانو عاملين الشباب حركة حلوة برمضان
خسارة يا رامي

الله يعينك يا غسان عبود على هيك علقة بايد الامن
والشغلة واضحة متل عين الشمس :shock:
لانه الاخ رامي مخلوف بده يشاركوا فيها ومارضي صاحبها
لهيك هاي هيي النهاية للقناة
على فكرة القناة كتير حلوة وفيها برامج جريئة بس الصراحة
مابيلبق شي بهيك بلد حرام ينصرف قرش واحد ببلد مو النا وصحابها معروفين ;);)

للأسف يا شباب أنا مو شايف خبر بهالخبر لأنو الحدث الطبيعي ما بيشكل خبر , والخروج عن العادة والطبيعة هوي اللي بيشكل خبر
كنت أتابع هذه القناة أحياناً وهي محترمة ومميزة وهنا الخط الأحمر لا يجوز أن نعطي صورة حضارية عن هذا الوطن وهناك من لا ينامون الليل لتشويهه , ولكنهم لن يستطيعو ا إضفاء الشمس

السؤال هي عم تبث هلأ؟
لاتقولوا انو وقفت؟؟
لانو عاملين الشباب حركة حلوة برمضان
خسارة يا رامي
القناة عم تبث لأنو استديوهاتها الرئيسية بدبي

لانه الاخ رامي مخلوف بده يشاركوا فيها ومارضي صاحبها
لهيك هاي هيي النهاية للقناة


و أنا عم قول هيك من الاول كمان, الشغلة فايحة منها ريحة رامي مخلوف لانو اكيد صاحب القناة ما رح يتهور ويتجاوز الخطوط الحمر اللي مرسومة للاعلام بهالبلد ويعطين حجة يخربولو بيتو.

لاء و شو قال اجبروا العاملين بالقناة يوقعوا على اقرار بعدم العمل مستقبلا معها, شي ناهي تمام !!!!!

هاي الفضائية الوحيدي بسوريا:cry:.. لسا عموقعن الرسمي وعالقناة كل شي طبيعي..

بنستنى بكرا لنشوف نشرة هنا سوريا.. اذا لسى عم يخلوهن يصورا أو لأ..

القناة شفتها مرة وحدة بس
كان البرنامج عن الاعلام السوري حكو حكي شي بيخجل عن الاعلام

كانو الضيوف مسؤول بوزارة الاعلام \ اكل شرشحة مدللة \
و صحفي ما عدت اذكر اسمو بيمثل اذا فينا نقول معارضة للاعلام و اسلوب تعاطيه مع المواطن و حكو عن قانون المطبوعات \ الله يخلصو بخير و سلامة قولو آمين \

بس يلي عجبني اكتر شي ريبورتاج مع صحفي بجريدة تشرين اسمو معن عاقل يا اخي فعلا حكي يلي بقلبو و قلب كل مواطن سوري بدون مجاملة لاي حدا دورتلو على مقالات عالانترنت مالقيتلو

يمكن هي بداية الخلافات مع السلطة و الله اعلم

يا زلمة الموضوع من زمان طالعة ريحتو من وقت ما بلشو الشباب تبعوت المخابرات يعملو عليها هجمة من الشبكة العنكبوتية واتهامها بالخروج عن تقاليد الشعب السوري وتجاوز الخطوط الحمراء متلها متل العربية عاملين عليها هجمة شرسة بس المشكلة انو الزمن تغير واسلوب الهجوم هاد فاشل كتير
قال هجوم الشباب عالمحطة لانو في برنامج بيعرض محلات الديسكو بالشام وهاد مو من طبع الشعب السوري
طيب اذا عم ياخد شريحة من الناس يلي حياتها هنيك شلون لكان مو من طبع الشعب حدا يقلي شو القصة

على قولة صديقي مجنون الحدث الطبيعي ما بيشكل خبر ... الله على كل ظالم ومستبد ... يخرب بيتون البلوعة لما بتشفط كتير مي بتطفطف هنن كانو وما يزالو عم يمصو دم الشعب الدرويش ... الله يعين الشعب السوري شو مضطهد

حدث متوقع.. أصلا أنا كنت مستغربة انو ما اتسكرت لحد الا .. اتأخرو الشباب كتير..
النافذة الاعلامية الوحيدة بسوريا اللي ما بتخجل هي قناة المشرق

حدث متوقع.. أصلا أنا كنت مستغربة انو ما اتسكرت لحد الا .. اتأخرو الشباب كتير..
النافذة الاعلامية الوحيدة بسوريا اللي ما بتخجل هي قناة المشرق

معك حق
بس كل القصص اشاعات ماعدا تسكير المكتب لوقت محدد وراجع يفتح بشكل أقوى
هاد اللي قريتو
لانو كتبو كتير عن انو غسان عبود احب المحطة فلس وما بعرف شو
طلع الزلمة عندو شركات بدبي وهي الوحيدة اللي مانها متأثرة كتير بالوضع الاقتصادي السيء
يعني شغلو ناجع
وقريبا بتشوفر المشرق الرياضية
وقناة المشرق المختصة بالتراث السوري
:gem:

بصراحة الشغلة واضحة و ما في داعي لضيف شي
و بعتقد في تقرير اتقدم للمخابرات عن كل عضو شارك معنا هون و حكا عمكن رامي مخلوف (العصامي):shock:

و الله يجيرنا;)

لك يكسر ايديي طلع تقرير فيني هلئ كمان:cry:

بصراحة الشغلة واضحة و ما في داعي لضيف شي
و بعتقد في تقرير اتقدم للمخابرات عن كل عضو شارك معنا هون و حكا عمكن رامي مخلوف (العصامي):shock:

و الله يجيرنا;)

لك يكسر ايديي طلع تقرير فيني هلئ كمان:cry:


امين يا رب العالمين
بس النهفة مو طالع بايدو شي خليه يطبخ احمض ما عندو

اي اي عم تبث وبلشت تعرض عن مسلسلاتا برمضان

ستطاعت «المشرق» أن تبني لنفسها هويةً تختلف عن هوية الإعلام السوري بوجهيه الرسمي والخاص. إذ ألّفت فريق عمل من الشباب وحاولت التميّز ببرامج تختلف عن المحطات العربية من حيث أسلوب الطرح على الأقل. لكنّ القناة الجديدة بدأت تثير الزوبعة تلو الأخرى. فمن جهة، تكشف بعض المقالات عن نيّة رئيس تحرير المحطة غسان عبود تصفية العمل في سوريا، وإغلاق مكتب دمشق الذي يتولى إنتاج كل برامج المحطة. فيما تصدر القناة بيانات تؤكد فيها عكس ذلك، بل تُعلن عن دورة برامجية رمضانية خاصة، وتستعد لعرض أعمال درامية سورية، بهدف دعم هذه الصناعة.
منذ فترة، لم تمرّ افتتاحية موقع المحطة الإلكتروني مرور الكرام. إذ تناول غسّان عبود المؤسسات الرسمية والنخب الإعلامية والسياسية السورية بالنقد اللاذع... ما تركَ فرصة لتخمين بعضهم، بأنّ صاحب المقال يدفع السلطة إلى إغلاق مكتب دمشق كي يظهر بصورة البطل. وهذا ما حصل فعلاً. إذ تناقلت وكالات الأنباء خبراً أول من أمس عن اقتحام عناصر من الأمن مكتب المحطة في دمشق بعد صدور قرار بإغلاق القناة. كما أبلغوا مدير المكتب ومدير إدارة الإنتاج، بمراجعة الجهات الأمنية، إضافة إلى استدعاء عدد من الموظفين للتحقيق. ويأتي ذلك بعد إيقاف فريق عمل المحطة في سوق الصالحية في دمشق ومنعهم من التصوير بحجة عدم حصولهم على إذن بالتصوير. وفي اتصال مع «الأخبار»، صرّح مدير إدارة الإنتاج في «المشرق» محمد رامي الجندي أنّ «ما حصل أمر طبيعي لا يحمل أي أبعاد كبيرة تحرص بعض الجهات الإعلامية على أن تحمّلها للموضوع». وأضاف أنه تم فعلاً إغلاق مكتب المحطة لأيام معدودة لن تتجاوز أصابع اليد الواحدة، بسبب رغبة الجهات المعنية بأن تحصل المحطة على تراخيص كاملة في ما يخص مكتب القناة. وهو الأمر الذي يعتبره الجندي طبيعياً: «سيتم الحصول على كل تلك التراخيص من وزارة الإعلام السورية، لأنّنا نعمل حتى الآن على أساس ترخيص شركة إنتاج فني».
وعن استدعائه للتحقيق مع مجموعة موظفين على رأسهم مدير المكتب، أجاب الجندي بأنّه «تم استدعائي فقط لإطلاعي على الإجراءات التي يجب اتباعها للحصول على الترخيص وإعادة فتح القناة، وأتمنى مرة أخرى ألا يهوّل الإعلام في هذا الموضوع».
وكانت «المشرق» قد وفّرت على نفسها عناء الدخول في أروقة وزارة الإعلام السورية للحصول على ترخيص للمحطة بالكامل، ظناً منها أنّ رخصة البث من دبي التي حصلت عليها، ستعطيها هامشاً أكبر من الحرية وبأنّ مكتب دمشق الذي يمثّل المحرك الأساسي للمحطة، لن يخضع بهذه الطريقة لقبضة الرقيب السوري الحديدية. لكن يبدو أنّ العمل الإعلامي في سوريا سيظل محفوفاً بالمخاطر ومهدداً بالوصول إلى طريق مسدود.


الاخبار

وعن استدعائه للتحقيق مع مجموعة موظفين على رأسهم مدير المكتب، أجاب الجندي بأنّه «تم استدعائي فقط لإطلاعي على الإجراءات التي يجب اتباعها للحصول على الترخيص وإعادة فتح القناة، وأتمنى مرة أخرى ألا يهوّل الإعلام في هذا الموضوع».
وكانت «المشرق» قد وفّرت على نفسها عناء الدخول في أروقة وزارة الإعلام السورية للحصول على ترخيص للمحطة بالكامل، ظناً منها أنّ رخصة البث من دبي التي حصلت عليها، ستعطيها هامشاً أكبر من الحرية وبأنّ مكتب دمشق الذي يمثّل المحرك الأساسي للمحطة، لن يخضع بهذه الطريقة لقبضة الرقيب السوري الحديدية. لكن يبدو أنّ العمل الإعلامي في سوريا سيظل محفوفاً بالمخاطر ومهدداً بالوصول إلى طريق مسدود.


الاخبار



يعني من ايمتى واحد بيستدعي فرع امن مشان يطلعوا على الإجراءات التي يجب اتباعها للحصول على الترخيص وإعادة فتح القناة, لاء وشو دورية مخابرات برئاسة عقيد راحت سكرتلن المكتب و كل هاد وما لازم ااعلام يهول الموضوع!!

بس بتعرف , اي الله يعينو اذا حكى غير هيك رح يستدعوا مرة تانية استدعاء ما رح نسمع عنو من بعدو.

اليوم سمعت أنو تمت مداهمة مكتب القناة ومصادرة أجهزة الكومبيوتر .واغلاقو بشكل نهائي

والله يا شباب المحطة ظريفة بس يمكن خربطو شوي او فتوا براة الصحن قاموا اكلوها الله يعنن :jakoush::jakoush::jakoush::jakoush: