شو اختصاصك؟؟؟ [الأرشيـــــف]

غيديون

01/08/2009, 01:06

مرحبا....
حابة اتناقش معكم في موضوع انا بشوفو مهم بس للأسف في ناس كثير مو حاسين فيه.....

اكيد في منا كثير بالجامعة وفي ناس متخرجة وفي ناس بالمدرسة ....
بدي اسأل شو اختصاصك او بشو بدك تختص؟؟؟ وليش؟؟

يعني ليش اخترت هالاختصاص وعلى اي اساس.؟؟؟... وياترى هل في اساس معين لازم نختار بناءا عليه؟؟؟.....

وهل عمرك فكرت في انك بدك تقدم شي لمجتمعك من خلال اختصاصك.؟؟؟...
وهل التعليم لساتو مهم ام نحن في زمن اللهت وراء لقمة العيش ....و جمع الاموال ؟؟؟؟

ومع اي هاتين الجملتين انت:
نعيش لنأكل...ام نأكل لنعيش....

الوحش السوري

01/08/2009, 01:19

السلام عليكم و رحمة الله و بركاته

ان شاء الله بعد هل سنة راح افوت على الجامعة و راح يكون اختصاصي هندسة كمبيوتر لأنو:

1- كل شغلة بشوفها او بتعلمها على الكمبيوتر ما بنساها ابدا <<<<الحمد لله
2- بعد ما اخلص دراسة و جامعة راح ارجع للوطن ابنيلي بيت و اعيش بسوريا الحبيبة
لأنو كل شي صار متوفر بسوريا <<<<<< يعني شو الفرق هون و هناك
3- اهلي كلهم عايشين معي (( خوالي - خالاتي-عمامي)) و لاحظت السنة انو خالي انتقل مع اسرتو عشان يعيشو بالوطن <<< سوريا
4- اما عن الجمل مع ولا وحده

و شكرا لطرح الموضوع

و تقبلي مروري

غيديون

01/08/2009, 01:36

السلام عليكم و رحمة الله و بركاته

ان شاء الله بعد هل سنة راح افوت على الجامعة و راح يكون اختصاصي هندسة كمبيوتر لأنو:

1- كل شغلة بشوفها او بتعلمها على الكمبيوتر ما بنساها ابدا <<<<الحمد لله
2- بعد ما اخلص دراسة و جامعة راح ارجع للوطن ابنيلي بيت و اعيش بسوريا الحبيبة
لأنو كل شي صار متوفر بسوريا <<<<<< يعني شو الفرق هون و هناك
3- اهلي كلهم عايشين معي (( خوالي - خالاتي-عمامي)) و لاحظت السنة انو خالي انتقل مع اسرتو عشان يعيشو بالوطن <<< سوريا
4- اما عن الجمل مع ولا وحده

و شكرا لطرح الموضوع

و تقبلي مروري

شكرا كثييير على مرورك.... وبيعجبني كثير انتماءك لوطنك وكونك حابب تقدملو شي
وانشالله ربنا يوفقك بالجامعة:D

محمد اشنيور

01/08/2009, 02:32

انا اختصاصي نظم معلومات لاني بصراحة حبيت هالمجال من زمان و انا في المدرسة والحمد لله كانت النتيجة ايجابية وقدرت ادرس التخصص يلي بحبه
بس انا بدرسه على ارض الوطن يعني ما رح ارجع لبلدي لاني عايش فيها

الوحش السوري

01/08/2009, 02:56

شكرا كثييير على مرورك.... وبيعجبني كثير انتماءك لوطنك وكونك حابب تقدملو شي
وانشالله ربنا يوفقك بالجامعة:D

(((((((آمين)))))))

أإأبو العبد

01/08/2009, 04:05

انا بدي اتخصص بتهريب المخدرات خلي الشعب يعيش:larg:

adon

01/08/2009, 08:25

مرحبا....
حابة اتناقش معكم في موضوع انا بشوفو مهم بس للأسف في ناس كثير مو حاسين فيه.....

اكيد في منا كثير بالجامعة وفي ناس متخرجة وفي ناس بالمدرسة ....
بدي اسأل شو اختصاصك او بشو بدك تختص؟؟؟ وليش؟؟

يعني ليش اخترت هالاختصاص وعلى اي اساس.؟؟؟... وياترى هل في اساس معين لازم نختار بناءا عليه؟؟؟.....

وهل عمرك فكرت في انك بدك تقدم شي لمجتمعك من خلال اختصاصك.؟؟؟...
وهل التعليم لساتو مهم ام نحن في زمن اللهت وراء لقمة العيش ....و جمع الاموال ؟؟؟؟

ومع اي هاتين الجملتين انت:
نعيش لنأكل...ام نأكل لنعيش....

انا شخصيا درست فرع من كلية الاداب بس هلق عم اشتغل باوتيل ام بالنسبة انه شغلنا يكون منشان نخدم مجتمعنا فاي عمل منقوم فيه من قلبنا بيكون لخدمة المجتمع

مو ضروري الواحد يكون تعلم او عم يشتغل باختصاص مع صفات الخدمة المباشرة للمجتمع كالطب والهندسة

لانو ممكن يكون الاختصاص بيخدم المجتمع بس الشخص عم يدور عمصالحو الشخصية بدون اي اهتمام بالانسانية

ويعمل اي شي منشان مصلحتو:adal:

اللي بدي قولو المهم باي نفسية منشتغل وكيف منعيش مو شو عم نعمل :hart:

وشكرا على الموضوع:clap:

DARKNESS

01/08/2009, 08:38

مرحبا....
حابة اتناقش معكم في موضوع انا بشوفو مهم بس للأسف في ناس كثير مو حاسين فيه.....

اكيد في منا كثير بالجامعة وفي ناس متخرجة وفي ناس بالمدرسة ....
بدي اسأل شو اختصاصك او بشو بدك تختص؟؟؟ وليش؟؟

يعني ليش اخترت هالاختصاص وعلى اي اساس.؟؟؟... وياترى هل في اساس معين لازم نختار بناءا عليه؟؟؟.....

وهل عمرك فكرت في انك بدك تقدم شي لمجتمعك من خلال اختصاصك.؟؟؟...
وهل التعليم لساتو مهم ام نحن في زمن اللهت وراء لقمة العيش ....و جمع الاموال ؟؟؟؟

ومع اي هاتين الجملتين انت:
نعيش لنأكل...ام نأكل لنعيش....
موضوع حلو

انا اختصاصي كمبيوتر تحديدا مجال التصميم الأعلاني و حاليا عم عمق تخصصي بمجال التصميم الثلاثي الأبعاد و شغلات تانية بس مو للشغل لمجرد الهواية

اخترت هالأختصاص لأنو أكبر وقتي ورا الكمبيوتر و انا من ال١٨ ساعة اللي بكون فايق فيهون عندي ٩ ساعات ورا الشاشة

لمجتمعي بصراحة مجتمعي ما قدملي شي لحتى اقدملو شي بس بحب اساعد او اطور باي مجال بخص المعلوماتية و التكنلوجيا

التعليم مهم بس للأسف اللي عنا ببلادنا هوي شي متل التعليم و مو تعليم

بالنسبة لعيشتنا انا بعتقد انو افضل شي الواحد يعيش ليأنجز مو انو يعيش ليعيش ترا الحياة ما ألها طعمة اذا كان تفكيرنا منحصر بالزواج و زيلدة العدد فهيك ما منصير نختلف بالشي الكبير عن بقية المخلوقات فأهم شي بالحياة الطموح و الأنجاز

سلام:D

Ichigo

01/08/2009, 14:25

انا ادرس الاقتصاد بالجامعة ....................بوووووووووووووو رينغ

savage garden

01/08/2009, 15:30

انا تخرجت بتخصص هندسة كمبيوتر ودرستو لانو هو احسن شي طلعلي - بعد الطب لانو كان فيني ادرس طب بس ما كان عندي رغبة الو - وكمان اهلي شافوه مناسب الي
انا شخصيا كان عندي ميول للغات الاجنبية بس ما شجعوني ئالولي جمعت هالمعدل منشان تروح تخصص ادبي مش معئول
فرحنا هندسة بطيخ
ولا عمو ، لا درستها منشان افيد المجتمع ولاشي درستها منشان اشتغل على الشهادة
على اساس

غيديون

01/08/2009, 22:31

انا شخصيا درست فرع من كلية الاداب بس هلق عم اشتغل باوتيل ام بالنسبة انه شغلنا يكون منشان نخدم مجتمعنا فاي عمل منقوم فيه من قلبنا بيكون لخدمة المجتمع

مو ضروري الواحد يكون تعلم او عم يشتغل باختصاص مع صفات الخدمة المباشرة للمجتمع كالطب والهندسة

لانو ممكن يكون الاختصاص بيخدم المجتمع بس الشخص عم يدور عمصالحو الشخصية بدون اي اهتمام بالانسانية

ويعمل اي شي منشان مصلحتو:adal:

اللي بدي قولو المهم باي نفسية منشتغل وكيف منعيش مو شو عم نعمل :hart:

وشكرا على الموضوع:clap:

انا معك بكل كلمة قلتها.....:deal:
بس انا طرحت الموضوع من هي الناحية بالذات لأني لاحظت انو في كثير ناس قراب مني.... دخلوا لمجالات مثل الطب والهندسة بس مشان الفشخرة..... وفي ناس دخلت لمجالات ثانية بس لانو هاد اللي بقدر عليه....
حسيت انو مافي كثير ناس بتفكر في ما بعد الشهادة....او شو بدهم يعملوا بهي الشهادة.....
كمان بنفس الوقت انو كل واحد بيفكر بحالوا بس وما بيفكر بالمجتمع وشو بيحتاج.... بس بمجرد ما بيدأ التشكي:jakoush: بتلقاه يقول نحنا دول عالم ثالث ومدري شو والشباب خربان والبلد تعبان وكثير من هاد الحكي المعت:x:x.....
وبينسى انو من هالبلد ولازم يقدملها.....

معليش طولت بحكيي بس انا بحترم فيك اخلاصك لعملك ووطنك:D

..AHMAD

01/08/2009, 22:36

السلام عليكم ورحمة الله وبركاته والصلاة والسلام على سيد المرسلين وامام المتقدمين وخاتم النبيين محمد عبد الله ورسوله إمام الخير وقائد الخير ورسول الرحمة ..

أما بعد

موصل للبكلوريا بس ... لك اي بالله وما بذل عليك / عليكي / عليكن / عليكم / عليكما / عليكنا

بس يعني دارسين فنون جميلة بشكل أكاديمي بمعهد أدهم اسماعيل وهاكزا

ودمتم زخراً لهالوطن

:lol: :D

غيديون

01/08/2009, 22:40

موضوع حلو

انا اختصاصي كمبيوتر تحديدا مجال التصميم الأعلاني و حاليا عم عمق تخصصي بمجال التصميم الثلاثي الأبعاد و شغلات تانية بس مو للشغل لمجرد الهواية

اخترت هالأختصاص لأنو أكبر وقتي ورا الكمبيوتر و انا من ال١٨ ساعة اللي بكون فايق فيهون عندي ٩ ساعات ورا الشاشة

لمجتمعي بصراحة مجتمعي ما قدملي شي لحتى اقدملو شي بس بحب اساعد او اطور باي مجال بخص المعلوماتية و التكنلوجيا

التعليم مهم بس للأسف اللي عنا ببلادنا هوي شي متل التعليم و مو تعليم

بالنسبة لعيشتنا انا بعتقد انو افضل شي الواحد يعيش ليأنجز مو انو يعيش ليعيش ترا الحياة ما ألها طعمة اذا كان تفكيرنا منحصر بالزواج و زيلدة العدد فهيك ما منصير نختلف بالشي الكبير عن بقية المخلوقات فأهم شي بالحياة الطموح و الأنجاز

سلام:D

اسمحلي اني اتفق معك واختلف في نفس الوقت:D
اول شي مو لازم انتظر المجتمع شو يعطيني لحتى اعطيه..... وواضح بكلامك انو في كثير اشياء بالمجتمع منك رضيان عنها فليش ما بتحاول تغيرها .... بعرف ردك حيكون ايد وحدة ما بتصفق وعنا بليبيا مثل بيقول " ما ينفع في البايد ترقيع " ....يعني الهدوم المهرهرة ما بينفع انك تحطلها رقع ....خلاص.....
بس انا ضد هالكلام لانو اي حضارة في العالم كان بيسبقها فترة ركود وانحطاط..... ثم بيكفيه الواحد انو يحاول ويعمل لحتى ما يحس انو عاش ومات متل قلتو.....
وبتفق معك مية بالمية انو الواحد لازم يعيش لينجز .... مشان هيك انا في انتظار انجازاتك:clap:....
وعلى فكرة مجالك حلو الكثير... خصوصا انو الاعلام بهاد الزمن بيأثر بشكل كبير في افكارنا وافكار ولادنا:D

تحياتي:D

غيديون

01/08/2009, 22:56

انا تخرجت بتخصص هندسة كمبيوتر ودرستو لانو هو احسن شي طلعلي - بعد الطب لانو كان فيني ادرس طب بس ما كان عندي رغبة الو - وكمان اهلي شافوه مناسب الي
انا شخصيا كان عندي ميول للغات الاجنبية بس ما شجعوني ئالولي جمعت هالمعدل منشان تروح تخصص ادبي مش معئول
فرحنا هندسة بطيخ
ولا عمو ، لا درستها منشان افيد المجتمع ولاشي درستها منشان اشتغل على الشهادة
على اساس

على فكرة انا مريت بنفس التجربة....
بس انا ما استسلمت لرأي اهلي....
رح احكيلك قصتي اذا بتسمحلي:
طبعا اول شي لازم اعطي نبذة عن مجتمعنا .... نحنا عنا انو يا طب يا هندسة... واي شي ثاني ما بيملا العين..
نظام دراستنا مختلف شوي لانو البكلوريا عنا تخصصات .. يعني لو بدك طب لازم تدرس بثانوية علوم طبية...ولو هندسة... هندسية... وهكذا.... يعني لازم تحدد اختيارك بالمرحلة المتوسطة...
انا وبصراحة ما كان عندي بهديك الفترة اي طموح ولا عندي اي ميول:p:frown:.... جبت مجموع كبير... قالولي : بدك طب والا هندسة؟؟؟ وكأنو مافي اي مجال ثاني:x.... عملت حكرة بكرة ....وفت عالعلوم الطبية... درست ثلاث سنين واخذت البكالوريا... وللاسف جبت مجموع كثير كبير.... بهي الفترة تعرفت على علم حبيتو كثيييييير...
هيدا العلم هو علم الاحصاء..... فيكون تقولوا اني بعشق هاد العلم.... وحسيت انو ما في كثير ناس بيحبوه ولا في كثير متخصصين فيه عنا مع انو مهم فحسيت انو من واجبي تجاهو اني ادرسو ... مشان هيك قررت اني انتقل وفعلا انتقلت..... طبعا ما بحكيلكون شو كانت ردود الفعل.... لك انقلبت الدنيا .... وفي ناس بعد ما كانت بتعتبرني متفوقة صارت اتقول عني كسلانة وغبية.... وفي ناس قالت مجنونة بس مو مهم المهم انو انا حاليا مستمتعة بدراستي.... وفخورة باختصاصي...

اسفة لاني حكيت كثير:p

savage garden لازم تتذكر هي الجملة: اذا لم تعمل ما تحب ...عليك ان تحب ما تعمل

سلاام:D

غيديون

01/08/2009, 23:02

السلام عليكم ورحمة الله وبركاته والصلاة والسلام على سيد المرسلين وامام المتقدمين وخاتم النبيين محمد عبد الله ورسوله إمام الخير وقائد الخير ورسول الرحمة ..

عليه الصلاة والسلام
بس يعني دارسين فنون جميلة بشكل أكاديمي بمعهد أدهم اسماعيل وهاكزا

بس ما جاوبت عالاسئلة ليش وكيف وعلى اي اساس:p

ودمت ذخرا للوطن:D

mblue

02/08/2009, 02:04

هلق بالنسبة للشباب الطيبة هون بسوريا كلهن بيعرفوا انه كل شخص ممكن انه يدخل على الاختصاص او المجال اللي هو بحبه او بلاقي حاله فيه لذلك ما كانت عنا هي المشكلة ، بس تبين فيما بعد انه 90% من الشعب يا اما بده يصير دكتور يا أما بده يصير مهندس !!!!:sick::frown:
لذلك ارتأوا الجماعة اللي فوق انه لازم يكون في نظام المفاضلة والمعدلات المتفاوتة ...هاد الحكي من شي عشرين سنة ...:cry:

وعلى هالأساس وعلى قد ما جبلي مجموعي العظيم بالبكالوريا ( على اعتبار انه درست كتير يومها :p) طلعلي اختصاص اسمه احصاء رياضي ، هو صحيح بالأول انا نزلت على الكلية وما بعرف شو راسه من أساسه لهالاختصاص العظيم ؟ بس بعدين انه مشي حالي تأقلمت معه وصار يعبي بمخي ... وهلق عم كمل دراسات عليا بنفس الأختصاص ... بس يعني انه ماشي الحال ... وحاليا هو مصدر رزقي ومجال عملي المبدئي ... وتكونت عندي مجموعة من الافكار والتطلعات اللي ممكن انه حدا يستفيد منها بالمستقبل وعليه اللي حبه اهلا وسهلا واللي ما حبه كمان اهلا وسهلا ...

ودمتم :D

عدنان13

02/08/2009, 02:30

انا عما ادرس طب بالمانيا لان الوطن العالي الغالي الحبيب.............. مصعبها شوي على الطالب يعني الطالب اذا بدوا يدرس طب لازم يجمع معدل فوق ال 98 % بس مو اكثر
لهيك عما ادرس في المانيا وبيني وبينكم ما مفكر ارجع ابدا لسورية ولا حتى زيارة وبدي اخدم البلد اللي درسني ما اللي كان سبب طلوعي
شي ثاني الصراحة انا ما بدي طب بس هاد اللي طلعلي هون , انا كنت حاب ادرس بحوث علمية لان الي مراق بهيك فروع بس هون كمان بدهم معدل عالي
بس الطب كمان فرع حلو و مابو شي

سلام

ِAbu Alzooz

02/08/2009, 03:34

حقوق ... القانون شي حلو شي رائع

و مهنة المحاماة روق من احلى المهن شغل خفيف نضيف رزقتها حلوة

jovia

02/08/2009, 08:00

انا بدي اتخصص بتهريب المخدرات خلي الشعب يعيش:larg:
معناتو مستقبلك مزهر بازن الله ... لاني انا المصدر بقى حط ايدك بايدي ... بس من هلا ها فيفتي فيفتي :jakoush:

محمد اشنيور

02/08/2009, 08:09

والله انا رأيي انه الواحد بدو شغلانة شريفة بس المهم انه في الآخر ما ينمسك

jovia

02/08/2009, 08:11

بدي اسأل شو اختصاصك او بشو بدك تختص؟؟؟ وليش؟؟

انا اختصيت بشي اسمو بياعة مازوت احسن شي :p

يعني ليش اخترت هالاختصاص وعلى اي اساس.؟؟؟... وياترى هل في اساس معين لازم نختار بناءا عليه؟؟؟.....

خلينا بالجد بالنسبة لسؤالك على اي اساس ... ما بنصحك انك تاخدي براي غيرك بخصوص اي اختصاص بدك تدخلي لانو بدك تكوني عرفانة انتي شو بيستهويكي اكتر وازا ما استهواكي خلينا نقول بتبرعي فيه اكتر .. يعني المسالة مسالة ايمانك بالنجاح باي فرع حتفوتيه

وهل عمرك فكرت في انك بدك تقدم شي لمجتمعك من خلال اختصاصك.؟؟؟...

وهل التعليم لساتو مهم ام نحن في زمن اللهت وراء لقمة العيش ....و جمع الاموال ؟؟؟؟

هلا هاد سؤال صعب ... انا دخلت معهد سكرتارية ليش ؟ لقلك ليش لانو كنت دايما اسمع انو البنت اخرتا لبيت زوجا (هيك بيقولو بالنسبة الك كبنت بمجتمعنا) يعني بيكفيني سنتين دراسة والسلام وبلاقي احلا وظيفة .... معظم الجامعيات لما بيتخرجو بيتغلبو ليلاقو شغل لانو بصراحة برايي الشب أولى من البنت لانو عليه التزامات كتيرة

ومع اي هاتين الجملتين انت:

نعيش لنأكل...ام نأكل لنعيش....

انا مع جملة نعيش لناكل لانو ازا بدي اكل لعيش بدي اتعب كتير بحياتي:larg:

محمد اشنيور

02/08/2009, 08:13

انا مع جملة نعيش لناكل لانو ازا بدي اكل لعيش بدي اتعب كتير بحياتي:larg:
[/right]
بجد انتي اكتر انسانه بتفهم قابلتها بحياتي
هي النظرية الصح
الأنسان بعيش لياكل مو بياكل ليعيش

DARKNESS

02/08/2009, 08:17

اسمحلي اني اتفق معك واختلف في نفس الوقت:D
اول شي مو لازم انتظر المجتمع شو يعطيني لحتى اعطيه..... وواضح بكلامك انو في كثير اشياء بالمجتمع منك رضيان عنها فليش ما بتحاول تغيرها .... بعرف ردك حيكون ايد وحدة ما بتصفق وعنا بليبيا مثل بيقول " ما ينفع في البايد ترقيع " ....يعني الهدوم المهرهرة ما بينفع انك تحطلها رقع ....خلاص.....
بس انا ضد هالكلام لانو اي حضارة في العالم كان بيسبقها فترة ركود وانحطاط..... ثم بيكفيه الواحد انو يحاول ويعمل لحتى ما يحس انو عاش ومات متل قلتو.....
وبتفق معك مية بالمية انو الواحد لازم يعيش لينجز .... مشان هيك انا في انتظار انجازاتك:clap:....
وعلى فكرة مجالك حلو الكثير... خصوصا انو الاعلام بهاد الزمن بيأثر بشكل كبير في افكارنا وافكار ولادنا:D

تحياتي:D

بصراحة في كلمة برددها كل الشعب السوري و هي كلمة عوجا و انا ما كنت اعرف ليش بيقولوها لبين ما اكتشفت انو بالفعل عوجا:frown:
يا عزيزتي شو بدي اقدم لمجتمع يأسان و اخر هم الشباب فيه انو يخطبو و يتجوزو انشا الله بغرفة عالسطوح:shock:
بالفعل اي حضارة كان بيسبقها فترة ركود بس يا عزيزتي نحن لسا ما صار في عنا حضارة ليصير عنا ركود يعني لساتنا بمرحلة ما قبل الحضارة و التمدن:pos:
مجالي حلو بس مو بالبلاد العربية انا مخطط للهجرة لأن بصراحة أبناء بلدي ما بيقدرو الشي اللي بعملو للأسف

و شكرا الك:D

savage garden

02/08/2009, 11:07

savage garden لازم تتذكر هي الجملة: اذا لم تعمل ما تحب ...عليك ان تحب ما تعمل

مش لما يكون في اشي بعملو بالاول حتى احبو

الله يوفئك

محمد اشنيور

02/08/2009, 12:23

يا اخي الكل بيحكي حكم وامثال مع اني شايف انه حياتنا ماشية بشكل طبيعي و عادي من دون ما يكون فيها تدخل كبير من ناحيتنا

غيديون

02/08/2009, 21:58

هلق بالنسبة للشباب الطيبة هون بسوريا كلهن بيعرفوا انه كل شخص ممكن انه يدخل على الاختصاص او المجال اللي هو بحبه او بلاقي حاله فيه لذلك ما كانت عنا هي المشكلة ، بس تبين فيما بعد انه 90% من الشعب يا اما بده يصير دكتور يا أما بده يصير مهندس !!!!:sick::frown:
لذلك ارتأوا الجماعة اللي فوق انه لازم يكون في نظام المفاضلة والمعدلات المتفاوتة ...هاد الحكي من شي عشرين سنة ...:cry:

وعلى هالأساس وعلى قد ما جبلي مجموعي العظيم بالبكالوريا ( على اعتبار انه درست كتير يومها :p) طلعلي اختصاص اسمه احصاء رياضي ، هو صحيح بالأول انا نزلت على الكلية وما بعرف شو راسه من أساسه لهالاختصاص العظيم ؟ بس بعدين انه مشي حالي تأقلمت معه وصار يعبي بمخي ... وهلق عم كمل دراسات عليا بنفس الأختصاص ... بس يعني انه ماشي الحال ... وحاليا هو مصدر رزقي ومجال عملي المبدئي ... وتكونت عندي مجموعة من الافكار والتطلعات اللي ممكن انه حدا يستفيد منها بالمستقبل وعليه اللي حبه اهلا وسهلا واللي ما حبه كمان اهلا وسهلا ...

ودمتم :D

لك اهلا وسهلا بالزميل.....
بس شلون انتو بسوريا بتتخصصوا بأحد فروع الاحصاء من الجامعة؟؟؟
يعني انا هلق بسنة ثانية.... وبدرس الاحصاء بشكل عام وما فيني اختص بالاحصاء الرياضي لبعد الماجستير....
بس عموما بدي قلك انو هالعلم بالنسبة الي احلى علم بالدنيا....

سلامي الك وللتوزيعات الاحتمالية:p

غيديون

02/08/2009, 22:02

انا عما ادرس طب بالمانيا لان الوطن العالي الغالي الحبيب.............. مصعبها شوي على الطالب يعني الطالب اذا بدوا يدرس طب لازم يجمع معدل فوق ال 98 % بس مو اكثر
لهيك عما ادرس في المانيا وبيني وبينكم ما مفكر ارجع ابدا لسورية ولا حتى زيارة وبدي اخدم البلد اللي درسني ما اللي كان سبب طلوعي
شي ثاني الصراحة انا ما بدي طب بس هاد اللي طلعلي هون , انا كنت حاب ادرس بحوث علمية لان الي مراق بهيك فروع بس هون كمان بدهم معدل عالي
بس الطب كمان فرع حلو و مابو شي

سلام

اهلين حكيم.... :deal:

بتمنى انو اتعيد النظر بموضوع الوطن.... لانو مهما كانت المانيا بلد متحضر وبتخدم المغتربين هنيك
مافي زي الوطن....
سلام:D

غيديون

02/08/2009, 22:15

بصراحة في كلمة برددها كل الشعب السوري و هي كلمة عوجا و انا ما كنت اعرف ليش بيقولوها لبين ما اكتشفت انو بالفعل عوجا:frown:
يا عزيزتي شو بدي اقدم لمجتمع يأسان و اخر هم الشباب فيه انو يخطبو و يتجوزو انشا الله بغرفة عالسطوح:shock:
بالفعل اي حضارة كان بيسبقها فترة ركود بس يا عزيزتي نحن لسا ما صار في عنا حضارة ليصير عنا ركود يعني لساتنا بمرحلة ما قبل الحضارة و التمدن:pos:
مجالي حلو بس مو بالبلاد العربية انا مخطط للهجرة لأن بصراحة أبناء بلدي ما بيقدرو الشي اللي بعملو للأسف

و شكرا الك:D

بس انت هيك بضيف للشباب اليأسان واحد.... وبهرجتك رح اضيف للشباب الهربان واحد كمان....
بعدين انا قلت كل حضارة يسبقها ركود... وما قصدي انو نحنا دخلنا عالحضارة... انا بقول انو نحنا بفترة الركود ....لك نحنا بقلب المياه الراكدة.... بس فكرك انو اليأس والهروب بدو يطلعنا .... ولا بدنا نستنى حدى مو يائس لحتى يطلعنا؟؟؟؟ ولا بدنا نستسلم؟؟؟

رح قلك شغلة... انا بعتبر المانيا اكثر بلد ناجح لانو ما دخلو بحدى وبيهتم بالعلوم والفنون... وشعبو منظم وعملي كثييييير.... بس تعرف شو الجملة يللي قائمة عليها هالحضارة.... بيقولوا دايما:" اليأس مو ألماني "

ومو لازم يقدروك ولاد بلدك لحتى تكون ناجح المهم انك تعمل وتجتهد وتحاول ساعتها رح تحصل على اهم تقدير تقديرك لحالك.... وما تنسى انو البرت اينستاين اجتو فترة اتهموه فيها بالجنون بس تعرف شو كان ردو؟؟
رد عليهن بالجملة يللي انا كاتبتا بتوقيعي....بليييز اقراها وتمعن فيها....

تحياتي:D

غيديون

02/08/2009, 22:16

مش لما يكون في اشي بعملو بالاول حتى احبو

الله يوفئك

انا بقول بس.... انو اليأس ما بينفع بشي:D

Sarita

03/08/2009, 01:51

تشريح
بحب شوف العالم عم تتقطع قدامي :larg:

mblue

03/08/2009, 02:24

لك اهلا وسهلا بالزميل.....
بس شلون انتو بسوريا بتتخصصوا بأحد فروع الاحصاء من الجامعة؟؟؟
يعني انا هلق بسنة ثانية.... وبدرس الاحصاء بشكل عام وما فيني اختص بالاحصاء الرياضي لبعد الماجستير....
بس عموما بدي قلك انو هالعلم بالنسبة الي احلى علم بالدنيا....

سلامي الك وللتوزيعات الاحتمالية:p

انه اهلين والله
بالنسبة النا نحن مو فهيمين كتير بقا عالسريع على الاختصاص :p
بس شو بدك بالحكي شغلة دوخة ومناطحة بالحيطان :lol:
وكمان اهلين :D

alaa melhim

03/08/2009, 02:43

يا اخي الكريم الواحد منا لما بيخلص بكالوريا بفكر حالو عمل انجاز كبير بس لما بفكر يروح عالجامعة بقول انا بدي ادرس هاالاختصاص لاني بحبو او طلعي حسب علاماتي بس هون بتبلش المصائب والمحن وبالاخر بينضرب على قلبو وبيخلص وبعدها بيتفاجئ بالواقع المزري وهوي الحصول على وظيفة يعيش منها وبالاخر معاد يهمو شو اختصاصو وصار همو الراتب تحتى يعيش بس بالنسبة الي انا انا اختصاصي على راسي :ss:

DARKNESS

03/08/2009, 08:43

بس انت هيك بضيف للشباب اليأسان واحد.... وبهرجتك رح اضيف للشباب الهربان واحد كمان....
بعدين انا قلت كل حضارة يسبقها ركود... وما قصدي انو نحنا دخلنا عالحضارة... انا بقول انو نحنا بفترة الركود ....لك نحنا بقلب المياه الراكدة.... بس فكرك انو اليأس والهروب بدو يطلعنا .... ولا بدنا نستنى حدى مو يائس لحتى يطلعنا؟؟؟؟ ولا بدنا نستسلم؟؟؟

رح قلك شغلة... انا بعتبر المانيا اكثر بلد ناجح لانو ما دخلو بحدى وبيهتم بالعلوم والفنون... وشعبو منظم وعملي كثييييير.... بس تعرف شو الجملة يللي قائمة عليها هالحضارة.... بيقولوا دايما:" اليأس مو ألماني "

ومو لازم يقدروك ولاد بلدك لحتى تكون ناجح المهم انك تعمل وتجتهد وتحاول ساعتها رح تحصل على اهم تقدير تقديرك لحالك.... وما تنسى انو البرت اينستاين اجتو فترة اتهموه فيها بالجنون بس تعرف شو كان ردو؟؟
رد عليهن بالجملة يللي انا كاتبتا بتوقيعي....بليييز اقراها وتمعن فيها....

تحياتي:D

بي المانيا كان في شعب كامل مو يأسان مو متل هون الكل يأسان بعدين تعي قليلي انت حاليا عم تدرسي احصاء و بتحبي تحللي شخصيات العالم نفرض جدلا بيوم من الايام تخرجت و رحت تخدمي بلدك الوقور:frown:
و اذ بعينوك مدرسة رياضيات بمدرسة ابتدائية براتب ١٠٠٠٠ ليرة و صحلك فرصة برا بشغل الو علاقة بمجالك و بتحبيه بما يوازي ١٠٠٠٠٠ ليرة بتضلي بالبلد عم تناضلي من شان الشعب و عملة التشي غيفارا:shock:ولا بتروحي بتشوفي حياتك برا
هتلر بالزمانات لما بنى المانيا نسقها من كل ما يسبب اعاقة لتطورها بس لسوء حظو نسي ينسق طموحوا و غبائو العسكري و غرورو
من شان هيك سوا شعب متحمس....

بالمناسبة ما في ولا جملة لإينشتاين بتوقيعك:?

سلام:D

غيديون

04/08/2009, 02:01

يا اخي الكريم الواحد منا لما بيخلص بكالوريا بفكر حالو عمل انجاز كبير بس لما بفكر يروح عالجامعة بقول انا بدي ادرس هاالاختصاص لاني بحبو او طلعي حسب علاماتي بس هون بتبلش المصائب والمحن وبالاخر بينضرب على قلبو وبيخلص وبعدها بيتفاجئ بالواقع المزري وهوي الحصول على وظيفة يعيش منها وبالاخر معاد يهمو شو اختصاصو وصار همو الراتب تحتى يعيش بس بالنسبة الي انا انا اختصاصي على راسي :ss:
تحليلك منطقي كثير وبيوصف الوضع الحالي بس ما قلتلي.... شو اختصاصك؟؟؟

mhsen77

04/08/2009, 03:28

ميكانيكي :gem:

jovia

04/08/2009, 07:12

ميكانيكي :gem:
معناتو شغلي مخك شوي محسن وركز تفكيرك بسيارتي العطلانة ... :cry:

غيديون

04/08/2009, 23:36

بي المانيا كان في شعب كامل مو يأسان مو متل هون الكل يأسان بعدين تعي قليلي انت حاليا عم تدرسي احصاء و بتحبي تحللي شخصيات العالم نفرض جدلا بيوم من الايام تخرجت و رحت تخدمي بلدك الوقور:frown:
و اذ بعينوك مدرسة رياضيات بمدرسة ابتدائية براتب ١٠٠٠٠ ليرة و صحلك فرصة برا بشغل الو علاقة بمجالك و بتحبيه بما يوازي ١٠٠٠٠٠ ليرة بتضلي بالبلد عم تناضلي من شان الشعب و عملة التشي غيفارا:shock:ولا بتروحي بتشوفي حياتك برا
هتلر بالزمانات لما بنى المانيا نسقها من كل ما يسبب اعاقة لتطورها بس لسوء حظو نسي ينسق طموحوا و غبائو العسكري و غرورو
من شان هيك سوا شعب متحمس....

بالمناسبة ما في ولا جملة لإينشتاين بتوقيعك:?

سلام:D

اول شي انا بشوف اليأس مشترك مع التفاؤل بشي ...انو الاثنين مثل المرض المعدي بينتشر بسرعة....
بيكفيك تكون متفائل ورح تلائي العدوى انتقلت بسرعة... بس نحنا صايرلنا مثل ما بيقول اينشتاين:
( يستطيع اي احمق ان يجعل الاشياء تبدو اصعب واعقد.. ولكنك تحتاج الى عبقري شجاع لتجعلها تبدو العكس )
.........يا ترى فيك تكون هالعبقري؟؟؟
اما بالنسبة للمستقبل الزاهر يللي حطيتني فيه انا رح جاوبك مع اني متأكدة انو ما ممكن يصير هيك...لاسباب مارح خوض فيها لحتى ما طول واطلع عن الموضوع ... بس رح افترض معك انو صار وتعينت بمدرسة ابتدائي هيك بيكفيني اني حاول ازرع في الولاد الصغار التفاؤل والعزيمة.... واهم شي اني امسح شي اسمو يأس من قواميسهم.... بدي علمهم انو جيفارا كان انسان واي واحد فيهم يقدر يسوي مثلو بس اذا قرر.....
وهيك رح كون عايشة لرسالة وهاد اهم شي.... اما بالنسبة للاحصاء فالحمد لله انه منها من العلوم يللي بتحتاج لامكانيات خاصة بتتوفر برا بس... هي علم لحتى الواحد يبدع فيها بيحتاج لعقلو وورقة وقلم... وثقة كبيييييرة بحالو...

غيديون

05/08/2009, 00:05

اما بالنسبة للاحصاء فالحمد لله انه منها من العلوم يللي بتحتاج لامكانيات خاصة بتتوفر برا بس... هي علم لحتى الواحد يبدع فيها بيحتاج لعقلو وورقة وقلم... وثقة كبيييييرة بحالو...

انا اسفة قصدي : ما بتحتاج...:p

mhsen77

05/08/2009, 01:08

معناتو شغلي مخك شوي محسن وركز تفكيرك بسيارتي العطلانة ... :cry:

ميكانيك صناعي يعني شغل شركات و معامل

ما بفهم بميكانيك السيارات

بس اذا بتحبي بفرطها شقفة شقفة بس التركيب ما بضمنو :larg:

الباحثة عن الحرية

05/08/2009, 01:16

طب ... اعصاب او قلب حسب الوضع
انو هيك بحبو ...

تشريح
بحب شوف العالم عم تتقطع قدامي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

سارا ..... بحبك انا

بنفسجة

05/08/2009, 02:21

هلق انا خلصت طب اسنان
اختصاص متعب كتير كتير
بس بحبو كتير رغم انو مادخلتو عن قناعة كاملة انا كنت حب المعلوماتية
بس بعدين لقيت حالي عم سوح بالمجموعة الطبية ونقيت منا طب الاسنان
شغلو ممتع جدا بالنسبة الي وفيه لمسات فنية
اختصاصي مطلوب كتير وخاصة بمجتمع الشي الاهم عندو الاكل ثم الاكل ثم الاكل مع قلة عناية بالاسنان والصحة بشكل عام
لهيك يخزي العين بتلاقي المرضى كب كب كب على عيادات الاسنان
بيكفيني اني خفف الالم عن شخص متوجع لحس بسعادة مطلقة
بعدين ما بخفيكون سر ياعالم شغلة دهب:lol:
اما بالنسبة للعلم فانا مقتنعة دايما انو اهم شي بحياة الانسان
بيكفي انو بتشغل مخك يلي لولا العلم كان ضمر وراح بخبر كان
ما بتخيل حالي متوقفة عن العلم بكل مجالاتو ضرورة متل ما الاكل ضرورة

mblue

05/08/2009, 02:53

هلق انا خلصت طب اسنان
اختصاص متعب كتير كتير
بس بحبو كتير رغم انو مادخلتو عن قناعة كاملة انا كنت حب المعلوماتية
بس بعدين لقيت حالي عم سوح بالمجموعة الطبية ونقيت منا طب الاسنان
شغلو ممتع جدا بالنسبة الي وفيه لمسات فنية
اختصاصي مطلوب كتير وخاصة بمجتمع الشي الاهم عندو الاكل ثم الاكل ثم الاكل مع قلة عناية بالاسنان والصحة بشكل عام
لهيك يخزي العين بتلاقي المرضى كب كب كب على عيادات الاسنان
بيكفيني اني خفف الالم عن شخص متوجع لحس بسعادة مطلقة
بعدين ما بخفيكون سر ياعالم شغلة دهب:lol:
اما بالنسبة للعلم فانا مقتنعة دايما انو اهم شي بحياة الانسان
بيكفي انو بتشغل مخك يلي لولا العلم كان ضمر وراح بخبر كان
ما بتخيل حالي متوقفة عن العلم بكل مجالاتو ضرورة متل ما الاكل ضرورة

هلق انه مبارك عليكي انه خلصتي بس يعني هيك سؤال لما بتوزوا للبني آدم بهي الشغلة اللي بتوز وبتعمل ونننننننننننننن ، اي بطير عقله من الوجع مشان هيك ما بقى بحس :p
الله يعين كل مين رايح عند دكتور الاسنان :D

كل مره بزعل وبفل

05/08/2009, 09:11

مرحبا....

حابة اتناقش معكم في موضوع انا بشوفو مهم بس للأسف في ناس كثير مو حاسين فيه.....

اكيد في منا كثير بالجامعة وفي ناس متخرجة وفي ناس بالمدرسة ....
بدي اسأل شو اختصاصك او بشو بدك تختص؟؟؟ وليش؟؟

يعني ليش اخترت هالاختصاص وعلى اي اساس.؟؟؟... وياترى هل في اساس معين لازم نختار بناءا عليه؟؟؟.....

وهل عمرك فكرت في انك بدك تقدم شي لمجتمعك من خلال اختصاصك.؟؟؟...
وهل التعليم لساتو مهم ام نحن في زمن اللهت وراء لقمة العيش ....و جمع الاموال ؟؟؟؟

ومع اي هاتين الجملتين انت:

نعيش لنأكل...ام نأكل لنعيش....

انا خلصت من الجامعه صرلي 3سنين وتخصصي ممرض قانوني , وخترتو برغبه من الاهل اولا وبعدا فعلا حبيتو لانها مهنه كتير حلوه كلها تحديات وجد بتخلي الانسان يحس بكل شي .
اكيد نفسي طول عمري قدم شي لبلادي ( فـلـسـطـيـن ) بس المشكلي اني مش بئدر ادخلها والله يلعن اليهود يا رب وياخدهم , وحاولت قدم شي ايام حرب غزه قدمت طلبات من هون من الكويت كرمال يطلعونا لهنيك بس رفضوا .
التعليم باي زمن مهم وومفيد والشهده سلاح ذو حدين للي رح يعرف يستعلمها رح ينبسط ؟

انا طبعا مع مقولة انا عم باكل كرمال عيش وبالذات عم اكل الزيت والزعتر والزيتون ...

مشكوره عيني موضوع حلو

khaliiiil

05/08/2009, 11:21

هندسة ميكانيك هيك بدو البابا كنت احلم من انا و زغير انو بس اكبر بدي صير قبطان سفينة و سافر و روح على بلدان كتير
اخدت البكالوريا و دخلوني هندسة :frown: ما بحبا

بس الحمد لله هلئ مدير صيانة و عم اشتغل

بس لو يفضل بعمري يوم بدي ادرس قبطنة

mary belle

05/08/2009, 13:53

ادارة اعمال و السنة الجاي تخرج:gem:
كنت حابه هندسه معمار و جرافكس بس حسيت انو خليها هوايه احسن:cool:
مم شو رح قدم لبلدي:ما بعرف اصلا انا ماني ببلدي ,والواحد بقدم للبلد يلي عطاه و ساعده:D

marochka

05/08/2009, 14:50

هندسة ميكانيك هيك بدو البابا كنت احلم من انا و زغير انو بس اكبر بدي صير قبطان سفينة و سافر و روح على بلدان كتير
اخدت البكالوريا و دخلوني هندسة :frown: ما بحبا

بس الحمد لله هلئ مدير صيانة و عم اشتغل

بس لو يفضل بعمري يوم بدي ادرس قبطنة

أنا درست هندسة ميكانيك لأنو هيك بدا المفاضلة (البابا كان بدو ياني فوت شي معهد أبو سنتين وبعدين يا أتجوز وحل عن ضهرو يا اشتغل وكمان حل عن ضهرو) بس وقت اشتغلت اشتغلت بشي تاني خالص، (بتعرفو بركات خدمة الدولة الإجبارية، أيام ما كانت اجبارية)، بس أنو إذا بيفكر الواحد مظبوط وين فيك تدرس هندسة وبعدا تتوظف وتدرس 3 لغات وكل هيدول على بعضون بأقل من 1000 دولار (مع العلم أنو بحياتي ما كان عندي واسطة ولا أخدت منحة غير بطلوع الروح وبعد معارك طاحنة) بس بعد كل هدول اتجوزت وقعدت بالبيت (بسبب السفر) بس أنو مرقتلي شوية Part time. هلأ قصة أنو الواحد يخدم بلدو فمو غلط ووين ما كان الواحد فيه يخدم بلدو بطريقة أو بأخرى، لو عالأقل عطى صورة حلوة عنا، وبعدين يللي بيخدم الإنسانية بأي شكل من الأشكال فهو عم يخدم بلدو لأنه جزء من هالإنسانية :D

Sarita

05/08/2009, 16:54

طب ... اعصاب او قلب حسب الوضع
انو هيك بحبو ...

سارا ..... بحبك انا

مي تو بيبي
قلب مفتوح شغلة :gem:
حلو هالاختصاص عرين بنصحك فيه هيك ع القيللة تلمسي قلب وهو بعدو حي:o مو متل حالتي :frown:

بس عم فكر ادرس طب اسنان كنوع من التغيير
:larg:

غيديون

05/08/2009, 22:32

شغلو ممتع جدا بالنسبة الي وفيه لمسات فنية
اختصاصي مطلوب كتير وخاصة بمجتمع الشي الاهم عندو الاكل ثم الاكل ثم الاكل مع قلة عناية بالاسنان والصحة بشكل عام
لهيك يخزي العين بتلاقي المرضى كب كب كب على عيادات الاسنان
بيكفيني اني خفف الالم عن شخص متوجع لحس بسعادة مطلقة
بعدين ما بخفيكون سر ياعالم شغلة دهب:lol:
اما بالنسبة للعلم فانا مقتنعة دايما انو اهم شي بحياة الانسان
بيكفي انو بتشغل مخك يلي لولا العلم كان ضمر وراح بخبر كان
ما بتخيل حالي متوقفة عن العلم بكل مجالاتو ضرورة متل ما الاكل ضرورة

بهنيكي يا بنفسجة والله كلامك مثل البلسم:D.... انا معك بكل كلمة قلتيها:deal:

وخاصة بمجتمع الشي الاهم عندو الاكل ثم الاكل ثم الاكل مع قلة عناية بالاسنان والصحة بشكل عام

والله معك حق:lol:

x52

05/08/2009, 22:51

خلصت هندسة ميكاترونكس وعم اشتغل هلأ والحمدلله

ما بكزب عليكي انا دخلت التخصص وانا بعرف شغلات كتير بسيطو عنو

بس هلأ كتير مبسوط اني دخلتو لأنو مزيج بين هندسة الكهربا والميكانيك بتعلق بأنظمة التحكم وال اوتوميشين كتير كوووووووووول

وانشالله نكمل منيح

khaliiiil

06/08/2009, 00:03

خلصت هندسة ميكاترونكس وعم اشتغل هلأ والحمدلله

ما بكزب عليكي انا دخلت التخصص وانا بعرف شغلات كتير بسيطو عنو

بس هلأ كتير مبسوط اني دخلتو لأنو مزيج بين هندسة الكهربا والميكانيك بتعلق بأنظمة التحكم وال اوتوميشين كتير كوووووووووول

وانشالله نكمل منيح

عفكرة اختصاصك كتيير حلووو بيدخل بمجالات كتيير

بهنيك :D