هون حابب اكتب عن شي خاص . شايفو أو ملاحظو بالشام

يمكن يكون خفي ويمكن أغلبنا شايفينو

بس هو أثر فيني وحابب أكتب عنو

ممكن يكون ليلي وممكن يكون نهاري . مع انو اغلب الخفايا بتكون ليلا

ومتل مابقناة المشرق عملو برنامج عن خفايا الليل . وحكو عن عاملي النظافة (جنود الليل بدمشق ) وحكوا والملاهي الليلة وغيرها . أنا بدي اكتب عن شي انا شفتو . وهو يستحق التوقف عندو من وجهة نظري

رح حط هلاء اول رؤية وببقى بكمل بعدين . بتمنى ماكون ممل فيهم .وتشاركوني :D

عندما تنام دمشق . تبدأ حياة ويوم جديد لأشخاص كثر . كتب لهم أن يكون الليل غطاء لهم ولعملهم ونشاطهم . فتستمر الحياة في مدينة الياسمين ليل نهار . في توازن وديناميكية غريبة . وتطور بطيء . يعكس خاصية الشام وأن ليس لها مثيل في العالم
أبو حيدر هو بطل ما سأرويه عليكم اليوم من مشاهداتي الخاصة لمدينة الياسمين وخفاياها
ابو حيدر . رجل بمنتصف الاربعينيات من العمر . متوسط القامة . اصلع . بشارب مميز . وابتسامة لا تفارق وجهه أبدا
تربطني بأبو حيدر علاقة من نوع خاص . وهذه العلاقة جعلتني مقربا منه بشكل جيد . وهذه العلاقة جعلته أحد الابطال بنظري وربما بنظر غيري ( كل واحد بطريقته )
يوم أبو حيدر يبدأ معكوسا . فهو يبدأ بحوالي الحادية عشرة ليلا . وربما أكثر قليلا . حيث يقوم أبو حيدر بفرد بسطته الغريبة الشكل ( تصميمها يمنع الرياح من أطفاء الغاز . وبحيث تكون كالسلاح الفردي . سهلة الفك والتركيب . ويمكن ركنها وربطها بسهولة وبأي مكان ) . فتبدو كمحل متنقل صغير جدا . أو كمملكة لصاحبها يعمل فيها كل يوم . ليبيع عليها المشروبات الساخنة من شاي وقهوة وغيره
مع بداية العمل عند أبو حيدر يبدأ فصل جديد لكثير من الأشخاص ( من بينهم أنا لفترة طويلة ) . حيث يبدأ تجمع العديد من سائقي التاكسي ( الزبائن المفضلين ) . رغبة في أحتساء الشاي والقهوة تارة . وتارة لأصطياد الركاب دون التعب في البحث عنهم في الشوارع الليلية المنهكة وشبه الفارغة . ولأجتذاب أطراف الحديث والكلام عن كل ماحدث طوال النهار من قصص وحكايات ومشاكل طورا أخرى
طبعا مع العديد من ساهري دمشق ومرتادي طرقاتها . الذين يأخذون استراحة صغيرة في مملكته . فيأخذون مشروبهم ويمضون بعد ذلك
وكم من ساهر او عامل يكدح ليلا . أو عاشق أدمن الليل والمشي في الشوارع . فيكون فنجان القهوة مع مكالمة الهاتف الجوال بطعم خاص لأن الحبيبة تشترك فيه بشكل ما . فيسمعها ويناقشها ويضايقها ويراضيها ويغازلها وهو يرتشف القهوة من فنجانه . دون أن يهتم حتى لكمية السكر . وكأن أبو حيدر أصبح عندهم أحد الطقوس الخاصة . يشترون ويستمرون
أبو حيدر لم تنل هموم ومشاغل الحياة منه . فهو يملأ ليل من يسهر معه أو يصادفه ضحك وسخرية غريبة جدا لمن يعلم أحواله عن قرب . وأبتسامته اللطيفة وحركته النشطة الدائمة أستطاعت حقا أن تخفي ورائها هموما كبيرة تثقل كاهل أي أنسان
يستمر الليل عند ابو حيدر . ويستمر العمل حتى ساعات الصباح الاولى . حيث يبدأ شروق الشمس فوق دمشق العظيمة . وحين يبدأ نهار جديد . يكون على ابو حيدر متابعة نهاره الذي أبتدأ قبل حوالي الثمان ساعات . فهو موظف !!! . نعم موظف . ومكان عمله يبتعد عن مكان سكنه وعمله الليلي حوالي الساعة في باصين مختلفين . ليتابع يومه بعمل أخر كي يستطيع مواجهة الحياة ومصاعبها ومتطلباتها . ويستطيع تامين حياة عادية لعائلته
في داخل مدينتي أختصرنا الحياة على صنفين من البشر ( أغنياء وفقراء ) . وحاربنا الطبقى الوسطى بكل ما أوتينا من شعارات براقة وقوانيين تكرس الطبقية والفساد وكل أمراض الامم
تدق الساعة الثالثة . لينتهي الأن عمل أبو حيدر . الذي أستمر لحوالي الستة عشر ساعة فقط لاغير .
يعود أبو حيدر لبيته ليتناول طعام الغداء . ليسألهم عن دراستهم ويلاعبهم ويسليهم
ورغم محاولات اقناعي له بأن النوم أهم بالنسبة له ولصحته كي يستمر في هذا الجهاد اليومي . إلا أنه لا ينفك يذكرني بأنهم أبنائه وأنه يحبهم . وهذا هو الوقت الوحيد الذي يراهم فيه . وأنه يشعر حين يلاعبهم بمتعة غريبة وفرح كبير ( ربما لا يشعرها الكثير من الأباء ) . فيكون حقا نعم الأب ونعم الرفيق
ثم ينام لبضعة ساعات لاتتجاوز في احسن حالاتها الخمس . ليعود مرة أخرى ويكرر يومه من جديد
أبو حيدر بطل حقيقي من وجهة نظري . فرغم كل صعوبات الحياة ورغم قساوتها . الا أنه يواجهها دون كلل أو ملل . ولا تفارق أبتسامته وجهه أبدا
لطالما وقفت قربا منه . أتأمله وأتأمل حركاته . وأتسائل كيف يستطيع !!؟ . وكيف يضحك . وكيف وكيف
ولطالما كان بالنسبة لي . في سهرات الصيف . وفي الشتاء القارص . طعمة الليل الدمشقي . الذي يحمل في ثناياه . كل أشكال الحياة وكل أشكال المحاربيين المجهوليين

ممكن يكون ليلي وممكن يكون نهاري . مع انو اغلب الخفايا بتكون ليلا


ماشالله عنك كل الفضل لنشاطك الليلي:p ... طيب معناتو انت كنت من احد زباينو لابو حيدر لحتى بتعرفو كل هالقد وعدد ساعات عملو "بالوظيفة" وكم ساعة بينام وعم توصف حركاتو وابتساماتو صحيح كلامي ولا لأ؟؟؟؟:pos:

اجينا للجد ابو عمير ...
بالنسبة للكلام للي قلتو في كتير ناس بيعانو اكتر منو لابو حيدر بس هاد ما بيعني انو مالو بطل بالعكس انا بحييه وبدعيلو بسعة الرزق من قلبي الو ولكل الفقراء يلي الله كتب عليون يعيشو مظلومين ومهمومين ...

ازا بتتفتل بحارات الشام القديمة لح بتلاقي شي بيقسي القلب .. ناس عم تشتغل ورغم الركد متل الوحوش ماعم بيطلعو قوت يومهون ...
متلون متل كتير ناس فقراء عايشين بسوريا بشكل عام ... مكتوب على هالشعب يعيش فقير ومغضوب عليه ببلدو عزو ومرباه ... عن جد يؤسفني رؤية هالكم الهائل من الدراويش المناضلين بسوريا ومقارنتون بالمواطن الخليجي اديشو معزوز ومكرم ومميز عنصريا ببلدو .. بس شو بدنا نحكي كمان الحياة كتير معقدة بسوريا بكل اشكالها يمكن لانو الحكومة هيك بدها يلي انشالله بدهون بد وسيف الحد

شكرا عالموضوع الحلو ابو عمير :D

ابو عمير الغالي متابع معك :D

عمير .. أبو حيدر .. الخميس الجاية لح كون انا وياك عندو عم نشرب شي فنجان قهوة .. وندردش معو شويات بازن الله .. :D تحيّة الو مني من هون صعب شوي انو توصل ..

كلام حلو كتير .. وقصص بتنحكى ليوم الدين .. حكايات وقصص معباية شوارع دمشق الللي ما بتنام ..
دمشق اللي عم تتعب معنا .. واللي عم ناكل وتتحملنا .. اللي عم نضغط عليها .. وكابسين عليها .. وهيّة مانا مطالبتنا الا بابتسامة .. وفشّة قلب .. تريحك من هالدنيا ..

يسلمو هالانامل .. ويسلّم البطن الدمشقي اللي حملك .. ويسلملنا الشام من الانهيار .. لاني بعرف شو هية الشام .. وقديش .. لو بيوم من الايام اعتازت واحد فينا حتلاقيه موجود .. ليرجعو يسندوها وتطلع فينا لفوق ..

:D

*
متلون متل كتير ناس فقراء عايشين بسوريا بشكل عام ... مكتوب على هالشعب يعيش فقير ومغضوب عليه ببلدو عزو ومرباه

المكتوب ما منو مهروب .. ولكن في اله حلول وهيكه .. زاروقة بينتفد منها .. بحياتي ما شفت .. معتّر .. وحامل جبال الهم عكتافو .. وضحكتو بس هيك .. تعقد معو بتفرفش القلب متل .. شعبنا السوري ..
الله يخفف علينا جميعا .. وبازن الله .. اليأس مالو محل عنّا ابدا ..
يحميكي الله .. شام :D

عمير .. أبو حيدر .. الخميس الجاية لح كون انا وياك عندو عم نشرب شي فنجان قهوة .. وندردش معو شويات بازن الله .. :D تحيّة الو مني من هون صعب شوي انو توصل ..

طلعت بتعرفو انت كمان ... معناتو سلملي عليه امانة برقبتك يمانو ها :lol:... صحي بدي اسالك عالرغم من سفئ المخالفات شلون قدمت المادة نشالله بتسود الوش ومابتاخد فوق المعدل:p

طلعت بتعرفو انت كمان ... معناتو سلملي عليه امانة برقبتك يمانو ها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// صحي بدي اسالك عالرغم من سفئ المخالفات شلون قدمت المادة نشالله بتسود الوش ومابتاخد فوق المعدل////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

والله يا جوفيا ما بعرفو انا .. بس بما انو .. هانت .. والخميس ان شا الله .. حتبدا اجازتي ونازل عالشام .. ف هيكه شي اسبوع ولازم شوف .. اب حرب الورد .. ونطلع عند عمنا بو حيدر .. بس نكوون عم نتمشى ..

** منشان المادة ما تاكلي هم .. :gem:

هيدي هي الشام الغاليه بكل التفاصيل الصغيره الحلوه :D

دمشق دمشق.......حكايها طولية.....لا تكاد ان تنتهي......متابع بشغف إلى حد الجنون.......معك من هون لنهاية العمر....مادم القصة حكاية دمشقية........بلكي بترتاح شوي روحي المشتاقة
محارب هي إلك:D

متابعه لهالقصص الحلوه:D

الشام كنز بكلشي فيها
كنز بحاراتها
كنز بناسها
كنز بحكاياها
الله يديم الشام


بدي روح عالشام :cry:

لكل الشباب يلي مرئوا صوب الموضوع .مشكورين وكلكم زوء :D

بصراحة بعد ماقريت الردود . وأنبسطت بمداخلاتكم . فكرت بيني وبين حالي وأتسألت . ياترى كان من الصح اني حكيت عن شخص موجود ويمكن يكون معروف . بدون ما أستأذنو .

ومابعرف شو ممكن تكون ردة فعل شخص ممكن يكون قرا الخاطرة وصادف ابوحيدر . بس بكل الأحوال حبيت أحكي عنو . يمكن لأني مشتاء لكاسة الشاي كل يوم بلليل من عندو . ويمكن لأني بشكل ما حبيت أحكي عن مفارقة التعب والأبتسامة عندو . طبعا من بعد ماكنت عم فكر من كم يوم . قديش في شغلات مميزة ممكن تصادف الواحد . وقديش مكن تكون هالاشيا مجهولة مع أنها مميزة


هامش
الموضوع بيحمل شي بيخص الشام . بس لا يختصر على الشام والشوام . هية شي صادفني ويمكن يكون في شي بيماثلو بكتير من الاماكن . وأنا هون مابدي أختصر الموضوع على الشوام بس . بالعكس بتمنى أنو يصل لبرات الشام والشوام ويعكس الحالة يلي أردت أيصالها

هامش تاني
يمون الخميس طالعيين أنا وشباب العيلة ( قرايبيني من طرف الميمة ) ننام بمزرعة قرايبنا . ونقضي تاني يوم مسبح ومشاوي وقصص . بيشرفني اذا بتشاركنا المشوار . خاصة انو رمضان قرب وهيك مشاوير صار لازم نلحقها :D

لكل الشباب يلي مرئوا صوب الموضوع .مشكورين وكلكم زوء :D

بصراحة بعد ماقريت الردود . وأنبسطت بمداخلاتكم . فكرت بيني وبين حالي وأتسألت . ياترى كان من الصح اني حكيت عن شخص موجود ويمكن يكون معروف . بدون ما أستأذنو .

ومابعرف شو ممكن تكون ردة فعل شخص ممكن يكون قرا الخاطرة وصادف ابوحيدر . بس بكل الأحوال حبيت أحكي عنو . يمكن لأني مشتاء لكاسة الشاي كل يوم بلليل من عندو . ويمكن لأني بشكل ما حبيت أحكي عن مفارقة التعب والأبتسامة عندو . طبعا من بعد ماكنت عم فكر من كم يوم . قديش في شغلات مميزة ممكن تصادف الواحد . وقديش مكن تكون هالاشيا مجهولة مع أنها مميزة


هامش
الموضوع بيحمل شي بيخص الشام . بس لا يختصر على الشام والشوام . هية شي صادفني ويمكن يكون في شي بيماثلو بكتير من الاماكن . وأنا هون مابدي أختصر الموضوع على الشوام بس . بالعكس بتمنى أنو يصل لبرات الشام والشوام ويعكس الحالة يلي أردت أيصالها

هامش تاني






يمون الخميس طالعيين أنا وشباب العيلة ( قرايبيني من طرف الميمة ) ننام بمزرعة قرايبنا . ونقضي تاني يوم مسبح ومشاوي وقصص . بيشرفني اذا بتشاركنا المشوار . خاصة انو رمضان قرب وهيك مشاوير صار لازم نلحقها :D


تتهنوا , اوعا تلقطوا جريب اللي بيعمل باربكيو لحالو بيجرب:sick::sick:

هامش تاني
يمون الخميس طالعيين أنا وشباب العيلة ( قرايبيني من طرف الميمة ) ننام بمزرعة قرايبنا . ونقضي تاني يوم مسبح ومشاوي وقصص . بيشرفني اذا بتشاركنا المشوار . خاصة انو رمضان قرب وهيك مشاوير صار لازم نلحقها :D

شو يعني ما بيطلعلي هامش تالت تعزمني فيه انا التانية بس يمان يعني شو هالحيادية والعنصرية :xولي عليك شو بخيل ومأنشح:pos: خاب فيك الرجا :cry::p