أي خيو ..........جاوبني بصراحة لشوف

اذا شي مرة كنت رايح لعند جماعة وكانو جراباتك مفتوقين :o

والجماعة ربك ودينك بدك تشلح من رجلك بشان ما ادعس عالسجادة .......شو بتعمل :shurup:



لا تعملي قصص وأفلام انك ما بتلبس جرابات مفتوقة ..:nono: ... أخي اعتبرون انفتقوا وانتي عم تلبسون وكنت مستعجل كتير .........شلوني معك :gem:

اهلين كرومة وقعت و الله وقعك الله يعينك ع اسالتي ها


يلا هلا
مين اعز 3 اشخاص ع قلبك:angel::angel:(بصراحة ها)

يعني هوي أنا كنت ما بدي أسأل حدا ... أو بالأحرى كنت بدي أتغيب عن الموضوع بشكل مقصود منشان أنو ع أساس حدا ينساني و تضيع الطاسة :p :p :p

بس بما أنو في شك :humm: :humm: :humm: ما حدا عم ينسى التاني أنو ياخدو بحنانو بالأسئلة السئيلة

شوف كريمو سؤالي سهل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// كتييييييير و مو محرج :

بما أنك ساكن بالقصاع قريب علي :gem: يا جاري العزيز وهي بوسة:kiss: ...و كنت أنا ماشي في ليلة من ليالي القصاع المزدحمة و عم أعمل برمي بالقصاع بالسيارة أو ماشياً كيف فيك تعرفني من بين كل هالسيارات وهالناس هههههههههه ؟ :p

شايف ع هالسؤال شو سهل مالقيت أسهل من هيك أنا :p

احم


احم


اجيت انا كريميو شو اكتر شغلة بتحب تكون موجودة باميرة احلامك ;-)

هلا ابو الريم شلونك خيو...
انا حابب اسالك نفس السؤال اللي سالتو لليلى انو اذا كنت تطلع مع جماعة من رفقاتك وبعد فترة حست انو معد بدون ياك بس بدون ما ايقولوا بالمشرمحي ابتنسحب؟؟؟;-)

أيوااااا .. كريمبو هلأ .. إي أهلين بربك خيو ..
شو الشغلة الوحيدة اللي ما بتقدر تعيش بلاها ؟؟
عاد بدك تنقي بين رفيقتك أو شغلك أو أخوية أو ما بعرف شو كمان .. المهم الشغلة الوحيدة اللي ما بتعيش بلاها ..
سؤال محرج ما هيك ؟؟

كريمو كيفك ؟؟
خيو سؤالي هو شو أخر أخبار النفط و الأحتياطي العالمي من البيتنجان شو وضعو هلق ؟:p
و السؤال الأهم ...... شو رأيك بهجرة الشباب ؟؟ أنت معاها ؟ :pos:

أول شي بحيي لـــــلـــو "ليلى" عأجوبتها الصريحة و الحلوة ..

مين دورو هلأ..؟؟ كريم.. راحت عليك يا صاحبي ...ههههه

أول شي بحب قول شغلة عن حبيب القلب كريم ..هوي من أفضل الناس بأخوية و من أقرب الأصحاب الي...
تحياتي الك كريم ...
منجي ع سؤالي : وين شربت أطيب فنجان قهوة ..؟؟؟؟؟؟ هههههههههه

كريمبو

اجاك الموت يا تارك الصلاااااااااااااااة

شباب كبلوه مشان ما يهرب



يلا لنبلش مع الاسئلة المعتادة

1.لمحة شخصية عنك.
بما انو الشباب سألوك اسألة عن شغلة الاحراج فأنا ما رح اسال
المهم
2.شو حلمك بهالحياة
3.شو الصفات اللي بتكرهها بالانسان
والصفات اللي بتحبها

حاليا بس هدول لان مو خاطر ببالي غيرهون
بس الي رجعة

:blusted: :blusted: شو مشان انتو كتير لطيفين مع كريم وانا هريتو سمايي :frown: طيب طيب ماشي الحال مارح ازعل 8) خطي كريم مابحب عذبو بنوب انا :angel: :angel:
طيب صهري العزيز جاي على بالي اسئلك كتير اسئلة
يارب لنبلش
1. لمين بتحب تقرا اكتر شي
2.شو بتحب تقرا اكتر شي يعني قصدي ( سياسة, قصص, ادب تاريخ .....)
3. شو اطيب اكلة عندك ( وخاصة نهار الجمعة :p )
يللا حاجة هلأ برجعلك بشوية اسئلة تانيين بعد شوي 8)

له يا ليلى مين قال انو لطيفين معو
بس عم نعطيه شوية وقت

المهم

1.اذا كنت ماشي بالشارع واجا حدا قلك شي كلمة مثلا يعني يا كديش (حاشاك يعني بس مثلا عم نقول) المهم شو بتعمل؟ او شو بتكون ردت فعلك؟
2.شو المواضيع اللي بتقراها بالمنتدى
يعني في شي مميز بيجذبك
مثلا اسم الكاتب
عدد الردود
العنوان
من هالحكي يعني
3.مين اكتر الاعضاء المقربين الك بالمنتدى


حاليا بس هدول

له يا ليلى مين قال انو لطيفين معو
بس عم نعطيه شوية وقت

المهم

1.اذا كنت ماشي بالشارع واجا حدا قلك شي كلمة مثلا يعني يا كديش (حاشاك يعني بس مثلا عم نقول) المهم شو بتعمل؟ او شو بتكون ردت فعلك؟
2.شو المواضيع اللي بتقراها بالمنتدى
يعني في شي مميز بيجذبك
مثلا اسم الكاتب
عدد الردود
العنوان
من هالحكي يعني
3.مين اكتر الاعضاء المقربين الك بالمنتدى


حاليا بس هدول

الله سترني من ويلي عدوري...:(

*** ملاحظة إدارية ***

لقد تم تغير إسم الموضوع من(( الكل على واحد )) إلى (( مقلاية أخوية )) و ذلك على حسب رغبة بعض الأعضاء و إسم المقلاية ملائم أكثر

*** ملاحظة إدارية ***

SABE

*** ملاحظة إدارية ***

لقد تم تغير إسم الموضوع من(( الكل على واحد )) إلى (( مقلاية أخوية )) و ذلك على حسب رغبة بعض الأعضاء و إسم المقلاية ملائم أكثر

*** ملاحظة إدارية ***

SABE

شو شايفنا بطاطا ولا فلافل :lol: :lol: :lol:

لقلك غيرها ع ماكينة بروستد بيكون أحسن :ok:

له يا ماهر.. هلأ هيك فهمتها .. الله يسامحك ..
بس إنو صار في مطالبات يصير الإسم إلو علاقة بالتقلاي .. و خصوصي إنو الشخص اللي عمينسأل عمينقلى قلي .. بقا لقينا إنو الإسم مناسب و ما في إهانة لحدا ... و هيك تم التغيير ..

له يا ماهر.. هلأ هيك فهمتها .. الله يسامحك ..
بس إنو صار في مطالبات يصير الإسم إلو علاقة بالتقلاي .. و خصوصي إنو الشخص اللي عمينسأل عمينقلى قلي .. بقا لقينا إنو الإسم مناسب و ما في إهانة لحدا ... و هيك تم التغيير ..


أي شبك عم نمزح :???: هلأ ماعاد تلقو مزح :frown: أي بطاطا و فلافل ... شبها الفلافل طيبة كتير

الله حيو والله الاسم بجنن ابو سعود عم ننقلي قلي...:o

والله الاسم كول ابو السوس بدنا كريمبو يجاوب مشان نشوف مين بدو ينئلها بعدو:lol:

لك شبكون شباب محدا منكن سألو لكريم شي سؤال متل الخلق يعني معقول بدنا كم سؤال هيك يعني تقال

فارون شو بدنا نساوي كنت اول واحد ما خطر ببالي اسئلة حظك حلو



المهم اسم تقلاي حلو

لنكمل قلي كريم بو
1. لحظة ندمان عليها وبتتمنى انك ترجع بالوقت لتغير كيف صارت.
2. اوصف هالاعضاء و المشرفين:

الحكيم
سيمون
سويت بيبي
بلو ايز
ليلى
صياد الطيور
سييب
فارون
ماهر
طارق
هير اي ام
هنون
كاكا بودو
سيريا مان
وانا ويلي

الاسم كتييييييييييير حلو ابو السوس :gem:
ميرسي

مرحبا كريم
شو مفهوم الحب بنظرك؟
وشو رايك بالحب من طرف واحد؟

مرحبا اخواتي

رح بلش رد ع الشباب و الصبايا ...

الاريشتيكترر ...

اذا شي مرة كنت رايح لعند جماعة وكانو جراباتك مفتوقين :eek:

والجماعة ربك ودينك بدك تشلح من رجلك بشان ما ادعس عالسجادة .......شو بتعمل

يعني شو رح اعمل ما تركتلي شي اعملو غير اني اتشرشح:jakoush: :jakoush: :waa3:

رح اضطر اشلح و فرجيهم البلاوي الزرقا:waa3: و لاقيلي شي كزبة بيضا انو الجرابات بالغسيل اكلتهم الغسالة و ما لحقت اشتري و ما بعرف شو من هالحكي الكزيبي

سويت بيبي ...
مين اعز 3 اشخاص ع قلبك:angel::angel:(بصراحة ها)
يعني اكيد اعز من العيلة ما في
و طالما بدك الصراحة فاعز ناس ع قلبي هنن امي و ابي و اخواتي دانة و زينة

و طبعا انا بجوابي رح اظلم كتير ناس ... رفقاتي بالاخوية و رفقات عمري بالحارة و بالجامعة و بالشغل ... هاد غير ناس كتير كتير عزيزين على قلبي

عموما انا بعتبر كل الناس خير و بركة لحين ثبوت العكس ... في ناس بتعتبر الكل ما بيسووا لحين ثبوت العكس
و ما بعترف بالانطباع الاولي ابدا ... و بآمن بالمتل يللي بيقول ... خود صاحبك بعد خناقة

ماهر ...
بما أنك ساكن بالقصاع قريب علي :gem: يا جاري العزيز وهي بوسة:kiss: ...و كنت أنا ماشي في ليلة من ليالي القصاع المزدحمة و عم أعمل برمي بالقصاع بالسيارة أو ماشياً كيف فيك تعرفني من بين كل هالسيارات وهالناس هههههههههه ؟

بعرفك من سيارة البيجو تبعك :ok: ;-) ;-) بعدين القصاع ما فيها كتير معلمين بالسواقة ... يعني بتبين

هنونة ...
شو اكتر شغلة بتحب تكون موجودة باميرة احلامك :wink:
كتير اشيا بس التفاهم شغلة مبدئية ( من مبدأ) ... يعني لازم تكون فهيمة و تفهمني ع الطاير، لأنو انا عندي مرض الغيرة العميا ... فازا ما فهمتني و عرفت كيف تتعامل مع مرضي رح نوصل لطريق مسدود ... متل كل مرة:(

فارون ...

اذا كنت تطلع مع جماعة من رفقاتك وبعد فترة حست انو معد بدون ياك بس بدون ما ايقولوا بالمشرمحي ابتنسحب؟؟؟

بحاول بالاول اتأكد من الموضوع ... بس ازا تأكدت او زاد احساسي قوة ... اكيد بنسحب ...
لما بكون مع رفقاتي لازم نكون مرتاحين مع بعض ... اما ازا هنن ما عاد بدهم يحاكوني ... معناها ما رح كون مرتاح معهم و لا هنن مرتاحين معي و اشرفلي اني انسحب من اني اتعامل بطريقة غريبة متل انو يحكوا الغاز قدامي و ما يفهموني شو الموضوع ، او اني ادرى انو طلعوا مشاوير من دون ما يخبروني مع انو بكون معهم قبل نص ساعة و هيك احراجات ....

الانسحاب اشرف بكتير بهيك حالات

سعيد ...
شو الشغلة الوحيدة اللي ما بتقدر تعيش بلاها ؟؟

حاليا السيغارة ...بس ممكن اني بطلها و بالتالي الشي الوحيد يللي ما في عيش بلاه هوي الاحترام ... اني كون غير محترم من كل الناس هي شغلة بتدفعني بالتأكيد للانتحار ... ازا ما قدرت غير بنفسي و بالتالي غير نظرة الناس الي

هير اي ام ...
شو أخر أخبار النفط و الأحتياطي العالمي من البيتنجان شو وضعو هلق ؟
بالنسبة للنفظ هبطط اسعارو بالاسبوع الماضي لمعدلات جديدة و استقرت بين 61 و 62.50 نتيجة زيادة المعروض باوبك و ارتفاع المخزون الاحتياطي الاميركي و انخفاض الطلب العالمي ...
اما بالنسبة لاحتياطي البيتنجان ( دوليا عم احكي) ارتفعت اسعارو ببورصة سوق الهال نتيجة لتموين الناس مكدوس و متوقع ينخفض الاحتياطي تبعو نتيجة المسقعة و المتبل


سيمون ... و بتشكرك ع الاطراء يا مزوق
وين شربت اطيب فنجان قهوة

باللادئية بالسوار
يوميتها كنت حاسس حالي ملك
بعد الفنجان قابلت التجار يللي بتعامل معهم هنيك ... كلهم بتعامل معهم ع التلفون و بس يشوفوني ينجلطوا و يقولولي انو متوقعين حدا كبير بالعمر او ع القليلي اربعيني:gem: و بعد ما خلصت تمنيت ارجع اشرب واحد تاني بس ما كان معي وقت لأنو رجعت بالطيارة

سدءني يا سيمون اطيب فنجان قهوة بتشربو لما تشوف نجاحك بعيون غيرك

ويلي ( ويلي منك ويلي ) ...
.لمحة شخصية عنك.

اسمي كريم و عمري 27 سنة و ساكن بالشام بحارة اسمها القصاع ( بحبها كتير) و خريج كلية اقتصاد قسم محاسبة و عندي مكتب تجاري بالشام ...

2.شو حلمك بهالحياة
بعتبر نفسي باحث عن الحقيقة ...
(( وحدها الحقيقة تحررنا ))
حلمي اني لاقي الحقيقة ، لأنو لما لاقيها بتحرر و لما بتحرر بوصل للسعادة .. و الحرية هون ما هيي حرية من الاستعباد او الاستغلال او الاستعمار ...هي كلها امور لحظية مرتبطة بالزمن
3.شو الصفات اللي بتكرهها بالانسان
والصفات اللي بتحبها

بكره يللي بيستغبيني ... متل انو يحاكيني شغلة كأني ولد صغير و بيكون منتظر مني اني سدءو
و بحب الواثق من نفسو .. لأنو بقدر اعتمد عليه

ليلى ( بنت حمايي الغوالي)

1. لمين بتحب تقرا اكتر شي

ما في تحديد ... حاليا مهتم بدان براون .. قريتلو روايتين و هنن شيفرة دافينشي و حقيقة الخديعة و حاليا بين ايديي رواية ملائكة و شياطين
بس اجمالا بحب كتير اسلوب امين معلوف و جبران و تشارلز ديكينز و هوغو و همنغواي و مارك توين بالرواية ، و اسلوب نبيل فياض و فراس سواح و جورجي كنعان بالامور الدينية ، و ابراهيم الفقي بكتب الادارة ... و ما في تحديد ...
.شو بتحب تقرا اكتر شي يعني قصدي ( سياسة, قصص, ادب تاريخ .....)

التاريخ بيستهويني كتير و السياسة كذلك ... و الهم اهمية خاصة ... بس ما بيمنع اني اقرا ادب و خصوصي الروايات العالمية و الكلاسيكية
و مهتم كتير كتير بالكتب يللي بتحكي عن نظريات المؤامرة .. وهي غالبا سياسية و جاسوسية و استخبارية .. و حاليا اكتشفت مجموعة نظريات عن مؤامرة علمية و عم تابع الموضوع باهتمام:dr:
اجمالا كل الاديان بتتحدث عن مؤامرة من الشر ضد الخير و بالتالي هالموضوع كتير مهم:dr:

. شو اطيب اكلة عندك ( وخاصة نهار الجمعة :razz: )

سلطة النوتيللا من عند رامز :eat: :p

ويلي ايضا و ايضا
1.اذا كنت ماشي بالشارع واجا حدا قلك شي كلمة مثلا يعني يا كديش (حاشاك يعني بس مثلا عم نقول) المهم شو بتعمل؟ او شو بتكون ردت فعلك؟

من هالناحية اتطمن لساني مبري ع كيفك ... عايش بسوق الصاغة من صغري و لسان الصياغ ما في ازفر منو و عندي حكي بيخلي الدم يغلي بالراس:p :lala: :lala: :lala:
.شو المواضيع اللي بتقراها بالمنتدى
يعني في شي مميز بيجذبك
مثلا اسم الكاتب
عدد الردود
العنوان
من هالحكي يعني

بقرا مواضيع المنبر كلها و باعتبار انو فتحنا قسم تاريخ فعم اقرا مواضيعو و كمان مواضيع علم النفس و الفلسفة كتير بيهموني
و من الكتاب يللي بيكتبوا بحب مواضيع و ردود الحكيم و حشت نشت
عدد الردود ما بيهمني بالمرة
.مين اكتر الاعضاء المقربين الك بالمنتدى
كتير ناس ... تقريبا الكل و ما في مجال اني ازكر اسماء لأنو في كتير ناس غايبة ...


لحظة ندمان عليها وبتتمنى انك ترجع بالوقت لتغير كيف صارت.


كتير ...
بس لحظة رجعت من دبي .. كان فيي ابقى عشر تيام زيادة و احضر معرض كتير مهم ، بس رجعت و لو بقيت كان كتير امور اتسهلت و انحلت و كتير امور تأجلت او التغت و بالتالي كنت هلأ كتير مرتاح
و لحظة سافرت ع مصر آخر مرة ... أجلت كتير امور كان لازم حلها و كتير اتضررت نفسيا و ماديا و دراسيا من ورا السفرة

2. اوصف هالاعضاء و المشرفين:

الحكيم:
واثق من نفسو ، واضح، منتقارب بافكارنا كتير و هالشي بيخلينا متفاهمين و انشالله ع طول
سيمون:
كتير كول و حباب و مدرس شاطر و بتمنى اتعرف عليه شخصي
سويت بيبي:
بتجنن ، واثقة من حالا ، زكية كتير ، بتفهمني ع الطاير ، و قوية ، يا لطيف شو قوية
بلو ايز:
اشتقنالا كتير و حبابة و رايقة
ليلى:
رائعة و زكية و قلبها اطيب من العسل ، و فوق كل هاد صبورة
صحيح بتعزبني بس على قلبي احلى من العسل
صياد الطيور :
ما بعرفو كتير بس اكيد مخلص لمبادءو و هي ميزة رائعة و مؤدب كتير و عقلو كبير
سعيد:
رايق و فهيم و متلي بدو العنبات ما بدو الناطور و عايش حياتو
ماهر
بدي اتعرف عليك ، يعني بدي نلتقى بشي محل
طارق
يا لطيف الالطاف نجنا مما نخاف ، شو حشرو هاد بالنص ؟؟؟؟:cold: :cold:
لا عم امزح
صديق شخصي الي ... بيعجبني انو زكي كتير بس ما دايما بفهمو ، اصلا هوي ما دايما بيفهم حالو
هير اي ام
من الناس يللي كتير سعيد اني اتعرفت عليهم ، و الاهم انو طموح
هنون:
من جديد صرت اكتشف عنها شغلات اكتر و اكتر بس اجمالا بتعجبني روح النكتة يللي عندها
كاكابودا:
نيالو عن جد ... لأنو روح النكتة عندو حاضرة دايما و بحس انو من الناس يللي بيعتمدوا مبدأ طنش تعش تنتعش
سيريا مان :
حباب كتير و قلبو طيب و بيعجبني تصميمو و ارادتو القوية
ويلي :
هلكتني هلكتني رسمي
عموما بتمنالك التوفيق و عم انبهر من معلوماتك و هي شغلة كتير حلوة ... ثابر
شخصيا بتنبألك بمستقبل كبير


و بعد ما خلصت رح حط بالمقلاية .... سويت بيبي
شباب و صبايا ... على نار هادية و قلوها لتستوي مزبوط

و دمتم :7asheesh:

عفوا مايا ما نتبهت ع سؤالك لا تواخزيني

بالنسبة للحب:
شغلة غامضة كتير ... يللي بعرفو انو كتير صعب اني عيش بلاه
مع انو كتير صعب اني عيش فيه
يللي ما بيحب ما بيعيش
و بنظري الحب هوي الشي الوحيد يللي بيستاهل انو نعيش مشانو

الحب من طرف واحد:
هوي قمة العزاب ... شغلة ما فيكي توقفيها ... بتعزبي حالك ... و ازا كان محبوبك بيعرف بتعزبيه كمان لأنو ازا في شي اصعب من انك تحبي من طرف واحد هوي انك ما تقدري تحبي شخص بيحبك ...

ليلى:
8) ] سترك يارب

رائعة و زكية و قلبها اطيب من العسل ، و فوق كل هاد صبورة
اي مسح جوخ لقللك :p
بس بصراحة خجلتني ميرسي كتير صهري :oops: :oops:
صحيح بتعزبني بس على قلبي احلى من العسل

:angel: :angel: دا قدرك ونصيبك صهري :p بس حبابة ماني حبابة؟ 8)

وبالنسبة ل
سويت بيبي:
و قوية ، يا لطيف شو قوية
اي بعرف بعرف اسألني انا :lol: :lol: :lol:
وشباب متل ماقلكون كريم قلوها على ناااااااااار هادية يعني تسلو فيها اد مابدكون
وطلب خاص من ابو السعود خليلنا الفترة تبع الاجابة اسبوع كامل الله يوفقك مشان تتقلى على ناااار هادية :p

مرسي احلى كريمبو


سويتي كنتي شو عاجبك بابني ممكن افهم ;-)

بعرفك من سيارة البيجو تبعك :ok: :wink: :wink: بعدين القصاع ما فيها كتير معلمين بالسواقة ... يعني بتبين

السيارة اللي معي مو بيجو :???:

القصاع تجمع للشباب الشبيحة ... كلهون معلمين سواقة ... جواب خطأ :lala:


ماهر
بدي اتعرف عليك ، يعني بدي نلتقى بشي محل


يالله هانت .. كلها هالكام يوم وبتتعرف ع هالشخصية ال:notok: بخبرك حبيب:ok:

مشكور ع لهفتك لشوفتي :D :grin: :D وهي أحلى بوسة :kiss:

خط ________________________________

آها سويت بيبي في ماكينا البروستد الآن :o

السؤال تبعي دايماً سهل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// كيفك؟!!

باللادئية بالسوار
يوميتها كنت حاسس حالي ملك
بعد الفنجان قابلت التجار يللي بتعامل معهم هنيك ... كلهم بتعامل معهم ع التلفون و بس يشوفوني ينجلطوا و يقولولي انو متوقعين حدا كبير بالعمر او ع القليلي اربعيني:gem: و بعد ما خلصت تمنيت ارجع اشرب واحد تاني بس ما كان معي وقت لأنو رجعت بالطيارة

سدءني يا سيمون اطيب فنجان قهوة بتشربو لما تشوف نجاحك بعيون غيرك

انشالله كل حياتك بتكون نجاحات أحلى كريم..:grin: :grin:

سيمون:
كتير كول و حباب و مدرس شاطر و بتمنى اتعرف عليه شخصي

و أكيد أنا بتمنى هالشي ..:cool:

حان دورك يا سويتي...يا حرام الله يعينك..!!! الشباب و الصبايا الهيئة رح يهلكوكي...:tears:
سؤالي أكيد سهل :
شو أحلى فلم حضرتيه بحياتك و شو السبب أنو نقيتيه..؟؟؟!!:humm:

تحياتي الك أحلى ريتا..:ok:

ولك كريمبو انسيتني بسيطة انا بورجيك...:notok:

ولك كريمبو انسيتني بسيطة انا بورجيك...:notok:

:shock: :shock: :shock:
انا نسيتك ؟؟؟
جاوبت ع سؤالك حبيب رجاع تأكد حتى اني استفضت بالشرح عنو

ارجاع تأكد الله يخليك معلم

عموما سؤالي لسويت بيبي ....

لو كنتي سنفورة من قرية السنافر ... ايا سنفور بتختاري تتجوزي ؟؟؟:sanfoor: :sanfoor: :sanfoor: :lol:

سلاااام للجميع :sosweet: :D
عجبتني هي شغلة المقلاية :ok:
ورح بلش أسأل سويتي : هل أسمك بالأخوية مطابق لشخصيتك


" تعديل من قبل المشرف "

سلاااام

شو جاوب ع الاسثلة ولا لاء:confo::confo::confo:

اول شغلة الف شكر لكريم بو على الاجابات الكاملة
واسفين لان كترنا عليك الاسئلة


سوييييييييييت بيبي
اجيتي والله جابك

ايمت بدك تجاوبي؟

متل ما بدك اعملي اللي بريحك ما حدا بيسترجي يقلك شي انت
مدعومة


يلا رح ابدا مع السؤال المعتاد

1. لمحة شخصية عن حالك.


وغيرو
2. صفة بتميزك عن غيرك من العالم
3. شو اكتر المواد اللي بتحبيها بالمدرسة؟
واكتر المواد اللي بتكرهيها
4. شو نوع المواضيع اللي بتجذبك اكتر الشي
يعني اللي بتقريها اكتر الشي
5. مين اكتر الاعضاء بالمنتدى بتعزيهون (طبعا غير اختك)


هلق بس هدول والي رجعة

سويت بيبي ( شكيكتي ) :
فيكي تقولي لي شو أسعد لحظة كانتى بحياتك و أحزن لحظة كانت بحياتك ؟؟
و شو حلمك الكبير ؟؟
:D شكيكك here i am
أحطي

شو يا معلم ليش التعديل :notok:
ما حكينا شي غلط :waa3:
بس معليش مأبولة منك أنا روحي رياضية :D

شو جاوب:confo::confo::confo::confo:

اوقفي عندك
لبوكرا بتجاوبي

انت ثو دخلك:jakoush::jakoush::jakoush:

ماشي يا سويتي هاي سويتي هاه مو سويت
انا وعدتك
بدي اهريكي بالاسئلة
وتعجيزية كمان


1. لحظة ندمانة عليها وبتتمني انك ترجعي بالوقت لتغير كيف صارت.
2. اوصفي هالاعضاء و المشرفين:

الحكيم
سيمون
كريمبو
بلو ايز
ليلى
صياد الطيور
سييب
فارون
ماهر
طارق
هير اي ام
هنون
كاكا بودو
سيريا مان
واخيرا وليس اخرا انا اللذي (ويلي)

3.شو المواضيع اللي بتقريها بالمنتدى
4.شو حلمك بهالحياة
5.شو الصفات اللي بتكرهيها بالانسان
والصفات اللي بتحبيها
6.شو حكمتك بالحياة
7. شو هيي صفات رجل احلامك
8.اذا ربحتي مليون دولار, شو بتعملي فيها؟؟
9.انت سعيداني بحياتك
عفوا بقصد سعيدة بحياتك ,ليش
اذا لاء كمان ليش؟
10.اذا فشلتي بتحقيق حلمك شو رح تكون ردت فعلك؟

لك ما خلصت لسى

1. لو كنتي صاحبة سلطة ( مو اللي بتتاكل) يعني على مركز عالي شو اول شي بتعمليه؟
2. شو اسوأ صفة فيكي وبتحبي تتخلصي منها
3. شو افضل صفاتك
4.ليش اخترتي هالاسم بالذات لتسجلي فيه بالمنتدى
5.شو تعريف الصداقة بمفهومك الخاص
6. تعريف الحب بمفهومك الخاص
7.شو حابة تدرسي بس تخلصي هاي سكول
بالنهاي سؤال سهل
8. شو برجك
9. المغني المفضل عندك
10 . اكلتك المفضلة

ما فيني قول غير ..... الله يعينك يا ريتا

مين ريتا؟ (وشو هي عيون عسلية؟)

هنون حماتي
سويتي كنتي شو عاجبك بابني ممكن افهم و الله كل شي عاجبني فيه و بعدين هوي اللي قاتل حالو :angel:


ماهر
السؤال تبعي دايماً سهل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// كيفك؟!
و الله شايفني بالمقلاية شو رايك بدو يكون فيني:tears:

سيمون الغالي
شو أحلى فلم حضرتيه بحياتك و شو السبب أنو نقيتيه..؟؟؟! و الله احلى فيلم هوي titanic
لانو رومنسي و بيبيكي كتير

و hitchلانو احلى فيلم بيضحك شفتو بيحاتي


كرومة اجا دورك:sosweet:
:jakoush:
لو كنتي سنفورة من قرية السنافر ... ايا سنفور بتختاري تتجوزي ؟؟ ؟
اول الشي اكيد مارح اختارك انت:tomtom::tomtom:
بس رح اختار سنفور غيور لانو بحب اللي بيغارو:angel:

عادل
: هل أسمك بالأخوية مطابق لشخصيتك و الله انا بحس اي:gem:
بس بدك تسال الشباب و الصبايا بهالشغلة:angel::dunno:

ويلي افندي:aah::jakoush::blow:
. لمحة شخصية عن حالك اسمي ريتا عمري 16 سنة ساكنة باميركا عم ادرس بكالوريا حسب ما بيقولو و عم خطط للجامعة:)

. صفة بتميزك عن غيرك من العالم اني طيوبة كتير و القط بياكل عشايي:p:angel:

شو اكتر المواد اللي بتحبيها مدرسة؟
واكتر المواد اللي بتكرهيها المواد اللي بحبها هي رياضيات و كيميا
و المواد اللي بكرهها هي تاريخ و غوفيرنمينت وتوابعو:jakoush:

شو نوع المواضيع اللي بتجذبك اكتر الشي
يعني اللي بتقريها اكتر الشي و الله مافي نوع محدد بقرا كل المواضيع :gem:

مين اكتر الاعضاء بالمنتدى بتعزيهون (طبعا غير اختك)
اكيد مو انت:p

لا بعز الكل بصراحة والكل خير وبركة:D

مجوووووووووووووود شكيكي اجا دورك
فيكي تقولي لي شو أسعد لحظة كانتى بحياتك و أحزن لحظة كانت بحياتك ؟؟ و الله اسعد لحظة مابعرف لانو مامتل ما بتعرف مافي اكتر منن:p:tears:
و احزن لحظة كانت وقت وفاة جدو الله يرحمو:tears:

و شو حلمك الكبير ؟؟ و الله حلمي الكبير هلا هوي انو خلص جامعة بعلامات كويسة:gem:
و بعدين ارجع عيش بسوريا:gem::tears:

ويلي افندي اغين:jakoush:
. لحظة ندمانة عليها وبتتمني انك ترجعي بالوقت لتغير كيف صارت و الله مافي لحظة ندمانة عليها لانو انا لمن باخد قراراتي بكون عرفانة انو مارح ارجع و اندم يعني بعرف شو عم اعمل

. اوصفي هالاعضاء و المشرفين:
الحكيم شب مرتب كتير و حابة اتعرف عليه اكتر بصراحة( مع انو بخاف منو مدري ليش:angel:)

سيمون و الله كتير حباب و عم استناه ليبلش دروسي :jakoush: و كمان حابة اتعرف عليه:D

كريمبو و الله هوي شب مافي منو و يمكن من اعز الناس ع قلبي و بحبو و بحترمو كتيرو انشالله نلتقي شي نهار:D

بلو ايز سلفتي سابقا
بتجنن مافي منها طيوبة كتير و رح شوفها عن قريب:gem:

ليلى اختي المصونة شو بدي احكي عنها
بس حدا ياخدها شوي بلكي بشتاقلها:p

صياد الطيور شب حباب كتير و مرتب و بتمنالو حياة حلوة كتير وموفقة

SABE ابن العم حبيب قلبي و الله مافي منو سعيد و الله بينشرب مع المية العكرة
بتمنى شوفو عن قريب بس بسوريا مو بالمانية مشان نطلع شي رحلة:gem:
لك سعيد تعى لهون وين يللي بدو يعلمني الماني:jakoush:

فارون صديق الطفولة :p و الله مافي منو هلا عم بيعاني عني ظلم دلال (مديرة المدرسة يللي انا كنت فيها) لحالو:p
لا بس كتير حباب و طيوب و بيخسر دايما بالسلة

ماهر مابعرفو مزبوط بس شب مبين حباب و مرتب بتمنالو حياة رائعة و انشالله اتعرف عليه عن قريب:D

طارق بيك اكبر مشاغب بالكون:ok::angel: و حباب كتير
و بتعجبني شخصيتو

هير اي ام مجووووووووووووووووود شكيكي
و الله هادا يمكن اكتر شخص بحبو بالكون و بشكر ربي انو تعرفت عليه و بقول بشكرك ياربي انك طعمتني اخ متل مجد و بدي قلو الله يوفقك يارب
:D

هنون حماتي شو بقول عنها فهموني بعدين بتاعلن الحصار عليي
بس يلا مافي منها عنجد طيوبة كتير و الله يوفقها

كاكا بودا كمان بشكر ربي انو تعرفت ع اخ متلو:D
و مابقدر قول اكتر من هيك

سيريا مان كتير حباب و قلبو طيب الله يوفقوا يارب:D


ويلي افندي مارح قول غير الله يعين قلب امك عليك عنجد الله يعينيها و هي عم ابكي عنها:tears::p

3.شو المواضيع اللي بتقريها بالمنتدى هلا جاوبت ع هالسؤال

.شو حلمك بهالحياة كمان هلا جاوبت:D

.شو الصفات اللي بتكرهيها بالانسان
والصفات اللي بتحبيها بكره الحسد كتير
و بحب الوفا

شو حكمتك بالحياة كل شي بيصير حتى الفيل بيطير بس ما بيعلي كتير:D:p

شو هيي صفات رجل احلامك بدكن بصراحة مابعرف :(



.اذا ربحتي مليون دولار, شو بتعملي فيها؟؟
برجع ع سوريا:gem::tears:

انت سعيداني بحياتك
عفوا بقصد سعيدة بحياتك ,ليش
اذا لاء كمان ليش؟ اي الحمدالله مبسوطة
لانو الحمدالله اهلي و اخواتي معي وهدول هنن اغلى شي بالدنيا

10.اذا فشلتي بتحقيق حلمك شو رح تكون ردت فعلك؟ برجع و بلش من اول و جديد

. لو كنتي صاحبة سلطة ( مو اللي بتتاكل) يعني على مركز عالي شو اول شي بتعمليه:king:
بامر باعتقالك و قتلك ويلي:p

. شو اسوأ صفة فيكي وبتحبي تتخلصي منها ماعندي صفة ما حلوة:p:angel:
لا بس انا معجبة بحالي و مابحب غير حالي

. شو افضل صفاتك كل شي:angel:

.ليش اخترتي هالاسم بالذات لتسجلي فيه بالمنتدى و الله مابعرف بس هيك بحب هالاسم و في واحد ختيار بحبو كتير هون دايما بيقلي هيك:):D


.شو تعريف الصداقة بمفهومك الخاص احلى شي بالوجود و لولا الصداقة مافي حياة

. تعريف الحب بمفهومك الخاص احلى شعور بيحس فيه الانسان و هوي الشي يللي بيحسسك بقيمة الحياة:D

.شو حابة تدرسي بس تخلصي هاي سكول بيزنس:D

شو برجك الحوت

9. المغني المفضل عندك مابدها سؤال وائل طبعا:sosweet:

اكلتك المفضلة محشي كوسا:eat::eat:

استاذ حنا
مين ريتا؟ (وشو هي عيون عسلية؟) هلا حسب سؤالك اذا ع الغناية فريتا هي طفلة صغيرة من فلسطين ماتت بطلقة رصاصة
بينما ريتا اللي عم تكتب بنت عربية متلها متل غيرها من البنات اللي عم تدور ع مستقبلها لتلاقي بعلمها و عملها و عم تخطط لبناء عائلة
بينما العيون العسلية فهنن عيون هالبنت يللي عم تحلم و عم تشوف فين مستقبلها و يللي عم تحلم من خلالن لشو رح يصير معها:D


هي واخيرا خلصت المشنقة
و رح زت بالمقلاية
شكيكي العزيز
مجووووووووووووووووووووود
:D

اي الله يوفقك انشالله ;)

مجد سؤالك الاول: ليش لهلأ ISDN؟ جيب ADSL

مارح قول غير الله يعين قلب امك عليك عنجد الله يعينيها و هي عم ابكي عنها

الله يسامحك


ماعندي صفة ما حلوة
لا بس انا معجبة بحالي و مابحب غير حالي

يعني من جوابك بفهم انك مغرورة

اهلييييييييين بهير اي ام

شلونك شو اخبارك

ما رح اسئلك هلق
خليك تستوي شوي بالمقلاي بعدين بسألك

اقتباس:
SABE

ابن العم حبيب قلبي و الله مافي منو سعيد و الله بينشرب مع المية العكرة
بتمنى شوفو عن قريب بس بسوريا مو بالمانية مشان نطلع شي رحلة
لك سعيد تعى لهون وين يللي بدو يعلمني الماني

والله يا بنت العم انت يلي بتنشربي مع المي العكرة .. و خلص لعيونك .. رح كون إستاذك الخاص و إنشالله من هلأ ل{بع أيام بتكوني خاتمة الألماني و عمتغردي فيها متل البلابل ...

أبو شريك ... يعني ما صار إلا وما إجا دورك ...
اي أهلا و سهلا مان ..
عندي كام سؤال إلك ...
بتآمن بالحب عن طريق الإنترنت ...
لوين بدو يوصل مجد ؟
إذا إجا الدكتور قلك معك مرض خطير و لازم تبتعد عن الإنترنت لمدة جمعة ... بعرف رح تنتحر .. بس شو طريقة الإنتحار :(
و سلامات شريك ..

مجود بالمئلاية
ناناانا
نانانا
ناننا
هلاء سؤالي انا شو اكتر شغلة حلمت انك تعملها وماقدرت

انتا غيرت رايك فيها بس بعدك بتحلم

:ok: :ok: :ok: