سلام يا جماعة
هلأ صحيح انا صارلي فترة في أخوية بس هي أول مرة بشارك فيها بهالقسم فأرجوا أن تتقبلوني بصدر رحب

انو في شغلة مالي فادر أستوعبها و هي على الشكل التالي :o

هل يموت حق إسترجاع الأرض بمرور الزمن أم لا يموت و يبقى حق مشروع إلى أن يحبن الوقت مهما طال الزمان ؟؟ :shock:
إن كان يموت فما هي المدة المحددة لهذا الموت :angel:

هلأ هو سؤال بسيط بس لما أشوف وجهات النظر ممكن أكون فكرة و أشرح وجهة نظري


إعذروني إن كان أسلوبي ركيكاً في الطروحات السياسة فهو ليس من تخصصي

الله يستر
تحياتي

إعذروني إن كان أسلوبي ركيكاً في الطروحات السياسة فهو ليس من تخصصي


لا تفكر انو ما احد بيعذرك كلنا منخربط باليوم شي الفين مرة و موضوعك في وجهت نظر
:D :D

لا تفكر انو ما احد بيعذرك كلنا منخربط باليوم شي الفين مرة و موضوعك في وجهت نظر
:D :D

مشكورة بس ممكن تحطي إجابة
نعم أم لا فقط
لنرى رأي الأغلبية
:D

بعتذر منك مرة تانية انا اخدني الحديث و نسيت حط انا من راي اذا العالم ما تحرك على السريع فسوف يموت الحق
:cry: :cry: :cry: :cry: :cry: :cry:

أنا برأيي أنو الشغلي بإيد الشعب لأنو متل ما بتعرف
إذا الشعب يوما أراد الحياة..............فلا بد أن يستجيب القدر
:D :D :D

والله كلامكون عالراس و العين

بس انا أريد جواباً شافياً
هل يموت أو لا يموت

تحياتي :D

لا يموت الحق مهما لطمت............عارضيه قبضة المغتصب

هاي ألكسي : أنا رأيي بتواضع أنو الحق لا يموت
الذي يفتر وقد يموت وينتهي هو المطالبة بهذا الحق .. يعني الحق يبقى ولكن المطالبين به قد يستمروا بذلك حتى يحصلوا عليه أو يتراخوا أو يملوا أو يتخلوا عنه ..
آمل ان اكون اوضحت :D مية السلامة :wink:

مرحبا

موضوع ممتاز اليكسي ، مشكور عليه :D

اي شباب ( طبعا رح يكون" الحق" عليكم اذا قريتو الجريدة يللي رح اكتبها :P )

هل يموت حق إسترجاع الأرض بمرور الزمن أم لا يموت و يبقى حق مشروع إلى أن يحبن الوقت مهما طال الزمان ؟؟
إن كان يموت فما هي المدة المحددة لهذا الموت

هممممممممممممم
كلام خطير

طيب وين " حق " الهنود الحمر باميركا؟؟ ... هدول يللي عايشين بمحميات تماما متل محميات الفيلة بافريقيا
وين " حق " سكان اوستراليا الاصليين يللي صاروا بيعتبروا " عالة " على الاوستراليين ؟؟؟

الحق اخواتي بيموت ... و باعتبار انو الاعمار بيد الله :P فما في وقت محدد لموت الحق
يعني حق المانيا بالالزاس و اللورين مات بسبع سنين
بينما حق الكاتوليك الايرلنديين بحكم بلادهم صرلو الف سنة عم يحتضر و مع ذلك لسا ما مات و ممكن بيوم يتجسد على ارض الواقع

هلأ طالما الحق " بيموت " معناتا اكيد بدو يكون بيوم " عايش"
و متل كل شي عايش لازم يتغذى

هلأ المطالبة بالحق هوي جزء من غذاءو لكن ما بيكفي
يعني نحنا صرلنا 57 سنة عم نعوي و نطالب بحقنا بفلسطين و 85 سنة عم نطالب بحقنا باسكندرونا و مع ذلك يوم ورا يوم عم نتنازل عن جزء من حقوقنا
في جملة كتير حلوة قالها العلامة " انطوان سعادة " : لا يكون الحق حقا إلا بقدر ما يدعم من قوة
يعني لحتى نرجع حقوقنا باراضينا لازم ندعمها بالقوة ، بالجيش ، بالعسكر ، بالسلاح و الحديد و النار
شو هي طاولة المفاوضات :jakoush:

لك يا جماعة ... اليهود توهموا انو الهم حق بفلسطين ... قاموا من كتر ما دعموا " وهمهم " بالقوة تحول لحقيقة :jakoush:

شو رأيكم .... معي حأ ... و اللا لأ ؟؟؟

و دمتم :D

هاي ألكسي : أنا رأيي بتواضع أنو الحق لا يموت
الذي يفتر وقد يموت وينتهي هو المطالبة بهذا الحق .. يعني الحق يبقى ولكن المطالبين به قد يستمروا بذلك حتى يحصلوا عليه أو يتراخوا أو يملوا أو يتخلوا عنه ..

مرحبا نقولا

طيب ...
ممكن اسألك سؤال ؟
اليس من حق فرنسا ان تدافع عن ارضها و تسترجعها ازا احتلتها المانيا؟؟؟
بالتأكيد باعتبار انو الحق لا يموت ( من وجهة نظرك ) فمن حق فرنسا انو تسترجع اراضيها

خليني كون واضح اكتر

اليس من حق " اليابان" انو تسترجع اراضيها ازا احتلتها سويسرا؟؟؟
بالتأكيد من حقها

طيب اذا فرضنا انو الحق " لا يموت " متل ما عم تقول
اليس من حق سوريا التي عاصمتها دمشق ... ان تسترجع افغانستان يللي احتلتها اميركا؟؟؟
كيف زبطت معي ؟
لأنو افغانستان كانت بيوم من الايام جزء من اراضي الدولة الاموية يللي كانت عاصمتها دمشق

ابدا ابدا
الحق هوي اللي بيموت و ليس المطالبة به
المطالبة مجرد تعواية .... غذاء للحق ... مو اكتر
الحق هوي يللي بيموت

من كام سنة رفعت الصين دعوى ضد اليابان عم تطالبها بتعويضات لأنو الجيش الياباني استأجر خدمات ( عاهرات صينيات ) لترفيه الجنود اليابانيين ايام الحرب العالمية التانية و ما دفعولهم

الجنود اليابانيين ماتوا ...و العاهرات الصينيات ماتوا
و مع ذلك طلع واحد صيني و عوا و طالب :lol:

الحق بيموت

حق المسيحيين السوريين بحكم بلادهم يللي انتشرت منها المسيحية مات تحت اقدام الجيش الاسلامي الفاتح ... و صار حق المسلمين بحكم البلاد مدعوم بالدستور السوري
و كذلك حق الاقباط بحكم بلادهم مات ... الاقباط يللي اسمهم مشتق من اسم مصر الحقيقي ، مصر اسمها بالاجنبي " ايجبت" بس المصريين يا عيني بيقولوا عن حرف الـ ج حرف الـ ق( متل ما بيلفظوها الخليجية) فكان بينقال عن المصريين " جبت " و بالعربي " قبط " يعني اسمهم بيعني انهم " مصريين حقيقيين ) و ليسوا قبائل عربية مسلمة دخيلة

و دمتم :D

هلأ حكي نيقولا حلو ... وحكي كيمبو كمان حلو ...
صار في عنا رأيين حلوين ..
الأول... انو الحق ما بيموت بس المطالبة فيه هي اللي بتموت مع الزمن ونسيان صاحبين هادا الحق لحقهن .
التاني .. انو الحق بيموت بس المطالبة فيه ما بتموت ..

أنا بقول .. الحق بموت متى ما ماتت المطالبة بهادا الحق ..
ومتى ما مات هادا الحق مات معو حق المطالبة فيه .. :D

أنا بقول .. الحق بموت متى ما ماتت المطالبة بهادا الحق ..

عفوا منك توت
المطالبة تعواية ... ضرورية للدفاع عن الحق و ضرورية اكتر لاحياء الحق ( هلأ بشرحلك ياها) .... بس بتبقى تعواية
بيقول ماريو بيزو برائعتو العراب " ذا غود فاذر" ( الفلم تبع ال باتشينو و روبرت دينيرو و مارلون براندو)
بيقول : اركض تحت الرعد ... فالصوت لا يؤذي

الحق بيموت متى ما ماتت القوة يللي بتدعمو


ومتى ما مات هادا الحق مات معو حق المطالبة فيه ..

من 3000 سنة يهوه وعد اليهود بارض فلسطين ( يهوه هوي رب اليهود ) و صارت حق مقدس الهم ( حسب معتقداتهم)
مات حقهم لما نيرون حرق روما سنة 70 م ( لأنو وصلوا لأضعف لحظاتهم)
و نسيوا القصة كلها و عاشوا بشتاتهم لوقت ما طلع هرتزل و عوا و طالب بوطن لليهود
من شي 60 سنة رجع حقهم ( حسب زعمهم ) للحياة

لأنو اندعم بالقوة الكافية ليرجع و لأنو اجا مين طالب فيه

ما قلنالكم الاعمار بيد الله :jakoush: :lol:

و دمتم :D

خيي كريمبو مسا الفل :D
شو حبيبي صارلك شهر ما حكيت شايفك ما عاد تتهدا :lol:
أنا كنت عم اعوي .. عفواً عم طالب بحقوقي بغير منتدى وهلق رجعتلك ( شو هالمصطلحات الي جبتلنا ياها يعوي وما يعوي ؟ ) :(
خوش حكيك حلو وفيه شي من الحقيقة بس ما وضحلك قصدي عالمظبوط يمكن :)
الحق هوي اللي بيموت و ليس المطالبة به
المطالبة مجرد تعواية .... غذاء للحق ... مو اكتر
الحق هوي يللي بيموت
وأنا كان رأيي أنو المطالبة لما بتفتر بيبلش الحق يحتضر .. ولما بتنقطع وما عاد حدا يعوي على قولتك بيكون الحق خمد يعني اندكن .. هلق شو بدك سميه أنو بيموت مثلاً .. بس اذا رجع شي حدا وعوا بيرجع هالحق اللي عطاك عمرو بيفز وبيقوم وبينتعش على قد ما منعويلو ..

" انطوان سعادة " : لا يكون الحق حقا إلا بقدر ما يدعم من قوة
لا غبار على هالكلام والنار ما بتتأجج غير بالحطب وبلا الحطب بتنطفي بس اذا رجعت حطيت حطب بترجع بتشعل وهيك

من هيك قلت الحق ما بيموت بيخمد وبيرجع بيتأجج .. هلق الخمدة بتسميها موتة .. هادا بيرجع الك .. بس اللي بيموت ما بيعيش تاني ..

هلق مفكر حالك خلصت مني .. لا وحياتك تعا لقلك :
في حقوق انقصف عمرها قصف .ز يعني ما ماتت موتة طبيعية , بل موتة مقصودة : حق الشام بأفغانستان !! ولا حق الشام بالأندلس !! ولا حق فرنسا بسوريا !! ولا ... شو بدك نعد ؟
هلق لو منضل نعوي لحتى تموت كل كلاب الحارة ما راح نشوف شي من هاد
أما العوي منشان حقوقنا بفلسطين فتم استبدالها بالعوي على فلسطين وأهلها .. لأنو راحت وشبعت روحة .. هلق عم نعوي عليها وعلى حالنا وعم ننبح حتى ما نروح معها .. :cry:

حبيبي توت تكعيب :
أنا بقول .. الحق بموت متى ما ماتت المطالبة بهادا الحق ..
ومتى ما مات هادا الحق مات معو حق المطالبة فيه ..
ماشي كلامك اذا هيك بتقول لشو حتى نعوي بقا .. عفواً نحكي .. نحكي .. والله كريمبو عوجلي لساني :lol:

بعتذر معلم اذا فهمت اني عم اعنيك بكلمة تعواية فبأكد انو ما عم اعني حدا

و اخدتها من ناحية المزح مو اكتر ( و بعتذر ازا مزحي كان تقيل)

و بأكد انو ما عنيت حدا فيها

و نحنا هون حاشا انو نكون عم نعوي

يعني منحكي منكتب منلعي منعلك ....... بس ما منعوي

ارجو المعذرة

و دمتم :D

سلامات يا جماعة

يعني الكل عدا المعارض krimbow :razz: متفقين أن الحق لا يموت

طيب سؤال ل krimbow

أنت إذاً مؤمن أن لواء اسكندرون لم يعد من حقنا لأن الحق قد مات ودفناه و أصبح في التاريخ فقط

تحياتي

ايمتى رفعوه.........

أنا بعرفوه عميد اسكندرون.............

بدنا التحلاية جنرال اسكندرون.........

:jakoush: :jakoush: :jakoush:

مرحبا

أنت إذاً مؤمن أن لواء اسكندرون لم يعد من حقنا لأن الحق قد مات ودفناه و أصبح في التاريخ فقط

كيفك حبيب

تمام كلامك

تركيا دافعت عن ما تعتبره حقها باللواء و قدرت تاخدو
نحنا بكينا ع الاطلال ( مشان ما حدا يزعل من كلمة تعواية ) و ولولنا

لما نبطل لطم و ولولة و نرجع نشتغل متل الزلم ساعتها منقول انو في النا حق باللواء

بس من هون لوقتها ..... الله يرحمو و يحسن اليه

و دمتم :grin:

اذا قصدي عليي كريم انا ما زعلت ابدا من كلمتك وبعرف انها مزح؟؟ ولو