[quote]


طيب والدين مين أوجدو مو الله
والرسل مين بعتون مو الله
وانت مين خلقك مو الله
مافي شي انخلئ عبث
.

هاد بالضبط الخلاف، مو كل العالم مقتنعة أنو الدين الله هو اللي أوجده، حتى اللي مقتنعين أنو الله هو خالق الكون، فموضوع الدين مختلف عن موضوع وجود الله، ومتل ما الإنسان هو المسؤول عن المصايب اللي عم بتصير بأفريقيا وغيرا متل ما عم تقولي، فممكن يكون هو كمان مسؤول عن صياغة الأديان بأشكالا الحالية اللي بتخدم رجال الدين أكتر ما بتخدم الله. والتعمق بالدين وفهمو مانو محصور بأشخاص معيّنين بعد دراساتن بيعتقدو أنو صارو يفهمو الله أكتر من غيرون.
مظبوط يمكن يكون ما في شي انخلق عبث بس تفسير لشو انخلق مانو محصور بإيد أي شخص.

طيب وين المشكلة طالما انو الأديان السماوية قد دعت الى سمو الأخلاق؟؟؟


لأنو سمو الأخلاق موجود بغريزتنا الأنسانية و مانو جاي من الدين

يعني الشي اللي اسمو ضمير هوي اللي بميزنا عن الحيوانات و مو الدين اللي خلا فينا الضمير في ناس ملحدة اخلاقها و ضميرها أفضل من أخلاق شيوخ كبيرة و معروفة من دون الشمل

يا عيوني الدين واحد من أول ما خلئ الله البشرية لليوم
الله قال "ان الدين عند الله الاسلام" وحتى اذا اختلفت مسميات الدين فان مضمونه هو السلام والاسلام...

عا فكرا اذا رجعنا للمراجع التأريخية الدينية فكلها غلط بحسب العلم
و الديانات بشكلها المتطور ما ظهرت الا بالخمسة الاف سنة الأخيرة من حياة الإنسان

[quote]


الشعوب العربية ما صارت كسولة واتكاسلت واتكلت على غيرا الا بعد ما تركت الدين
شو نسيت انو العرب هنن اللي أسهمو في نهضة اوروبا عن طريق الأندلس
شو نسيت مين اخترع الطب والرياضيات والعلوم
الخوارزمي والغزالي والفارابي وابن حيان وغيرهم الكثير...


[.

يعني لازم شو نعيد النظر بهل الحكي
يعني في كتير ناس (وأغلبون عرب) بيشوفو أنو الشعوب العربية تركت كل شي إلا الدين.
وبعدين ليش أوروبا والغرب عموماً بعدو متقدم رغمك أنون تاركين الدين من زمان، وحتى المتدينين منن دينن مو الإسلام

ببساطة ياجماعة هالموضوع مابيخص الناس المتدينة يلي عندها احترام للديانة المتبعها وبيطبقها ومقتنع فيها

خلينا نترك هالموضوع لاصحابه ..

للاشخاص يلي بيتبعوا هالنظريات الافتراضية هي..

انا هون بدعي الناس المتدينة تنسحب من هالموضوع وتتركوا لاصحابه

وشكرا:D

تماما متل الناس يلي بتمارس السحر الأسود ...او الأبيض او اي نوع تاني من السحر ..غرفة مظلمة مزينة بنقوش غريبة الساحر نفسو مو فهمان شو بتعني .بس بتعطي عندو انطباع غريب او يمكن حافز او امل ..و مذبح عليه الأضحية يلي لازم تتقدم للقوة السوبر طبيعية كنوع من دفع الولاء ..و ادوت غريبة بيمسكها ب يمينو و يسارو بتعطي الأحساس انو في نوع من القوة بين ايديه و اهم شي ...هي الطلاسم المكتوب قدامو على ورقة ..بيقراها على ضؤ الشمع مرة و اتنين و تلاتة و اربعة بأمعان رهيب حتى يتحقق التغيير المنشود ...يلي ممكن يكون ظهور القوة السوبر طبيعية ...او مجرد باكيت مارلبورو انرفعت تلات اينشات عن الطاولة..او لعنة بيعتقد الساحر انو ارسلها لشي شخص ...المهم ,,,هون في تجربة بعض العلماء عملوها و اتأكدو انو بالفعل انو الساحر بالشروط المذكورة قبل شوي بكون حول جسمو تيارات كهرومغناطيسية نتجت بمساعدة تحفيز الدماغ من خلال الأدوات و المذبح و الطلاسم ...و التيارات يلي هي عبارة عن احد انواع القوة المعروفة للبشر بأيامنا هي ..ممكن انو تسبب تغيير بالفعل !! ...بس ما قدرو يبرهنو انو التغيير ممكن يتعدى رفع باكيت المارلبورو عن الطاولة ....يعني الفكرة انو وقت بتآمن بشي ..الشي هاد ما بس بيعطيك الطمأنينة و الأحساس بالآمان ..لأ يمكن حتى انو يعطيك قوة اضافية فيزيائيا قادرة انو تخليك تشوف نتائجها بعينك !!...انت هون ما بقى قادر تقول للناس لأ انا ما بعبد الله لأنو ....او انا ما بآمن بوجود الله لأنو ....... و تطلب منون انو يآمنو بكلامك ...لأ ...يعني متل ما نحنا صمٌ بكمٌ عميٌ ما منفقه شي ...هني كمان مٌحاطين بقوى دينية كهرومغناطيسية بتمنعون من انو يتقبلو شي مختلف ...و لو انو القوة هي اقل من القوة تعيت الساحر الأسود يلي ذكرتها من شوي ...بس بيبقى الها تأثير ......

و عيد صعود السيدة العذراء ...و رمضان ..مباركين لكل المؤمنيين ..مسلمين و مسيحيين

انت تطبق مواصفات البشر على الله وهذا غير منطقي فمفهوم العبادة هو مفهوم مفعم بالنرجسية والغرور وجنون العظمة. نعم بالنسبة لعبادة البشر ولكن عبادة الله مختلفة
فكل دين اختص نفسه بالصحة والوكالة الحصرية للله والجنة وماشابه
غير صحيح فالاسلام يشمل المسيحية واليهودية ولم يسبق لاحد ان قال ان المسلمين فقط هم من يدخلون الجنة بل الله وحده من يقرر من يدخل الجنة
من الواضح جدا ان مفهومك لعبادة الله محدود جدا كما انك لا تعرف شئء عن الاسلام
يعتقد العلماء ان الارض يوما كانت بدون حياة وان الحياة هي نتيجة لمزيج مثالي من العناصر في البحار البدائية ولكن لم يستطيعو على الاطلاق ان يعيدو الامر في اي مختبر مما يعني ان الحياة لا يمكن ان توجد الا بمشيئة الله.

اؤمن بسيدنا عيسى كما اؤمن بسيدنا محمد

اؤمن بالانجيل كما اؤمن بالقران

هكذا يوصيني ديني.....دين الله.........الاسلام


:?:?????

انت تطبق مواصفات البشر على الله وهذا غير منطقي فمفهوم العبادة هو مفهوم مفعم بالنرجسية والغرور وجنون العظمة. نعم بالنسبة لعبادة البشر ولكن عبادة الله مختلفة
فكل دين اختص نفسه بالصحة والوكالة الحصرية للله والجنة وماشابه
غير صحيح فالاسلام يشمل المسيحية واليهودية ولم يسبق لاحد ان قال ان المسلمين فقط هم من يدخلون الجنة بل الله وحده من يقرر من يدخل الجنة
من الواضح جدا ان مفهومك لعبادة الله محدود جدا كما انك لا تعرف شئء عن الاسلام
يعتقد العلماء ان الارض يوما كانت بدون حياة وان الحياة هي نتيجة لمزيج مثالي من العناصر في البحار البدائية ولكن لم يستطيعو على الاطلاق ان يعيدو الامر في اي مختبر مما يعني ان الحياة لا يمكن ان توجد الا بمشيئة الله.


يعني بدك تقلنا أنو الإسلام بيعترف بالدين المسيحي والدين اليهودي كأديان صحيحة؟ ما فهمت شو يعني بيشمل المسيحية واليهودية، يعني إذا بيعترف أنو اليهود هني شعب الله المختار، والمسيحيين هني أبناء الله، فكيف بيطلع المسلمون خير أمة أخرجت للناس.
ما في شي اسمو دين بيعترف بدين تاني ، كل دين مبدأو أنو يقنع العالم أنو الطريق الصحيح للجنة بيمر من خلاله، أما الباقي فهو حكي منمق هدفو ترطيب الأجواء بين الأديان والظهور بمظهر المتسامح، ومشان هيك في بكل دين طقوس معينة بيتم التشديد على أنو اللي ما بيمارسا ما بينال الجنة.

هلأ مو ك انو الموضوع مانو عن الاسلام والمسيحية واليهود؟ عن الله بس ...

ما تزيحوا كتير .... خليكن ضمن محور النقاش الاولاني ومتل ما قالت نسرين :

ببساطة ياجماعة هالموضوع مابيخص الناس المتدينة يلي عندها احترام للديانة المتبعها وبيطبقها ومقتنع فيها

خلينا نترك هالموضوع لاصحابه ..

للاشخاص يلي بيتبعوا هالنظريات الافتراضية هي..

انا هون بدعي الناس المتدينة تنسحب من هالموضوع وتتركوا لاصحابه

وشكرا////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني رجاء محدا يحط ايات من القران ومحدا يفوتنا بمتاهات مالنا فيها
وبدكن تناقشو للزلمة ناقشو من غير ما تستشهدوا بايات من القران أو أحاديث للنبي

حلو, خلينا نبدأ من انو نقطة ذكرتها باول مقالتك وهي وجود الله ( هيك وفرنا كتير نقاش) .

أول شي يا معلم انا بلاحظ انو فكرتك عن الله و كأنو هو شيشبيه بالبشر, يعني بدك الاله يكون منطقي حسب منطق البشر, بدك يكون عادل حسب ما انت بتشوف العدل, بدك ياه رحيم حسب ما انت بتشوف الرحمة, بدك ياه يمشي الدنيا متل ما انت بتشوفها صح حسب التفكير والعقل والمنهج اللي انت بتؤمن في و اذا ما صار هيك بتصير بدك تعمل اضراب, يعني كأنك عم تحتج على سياسات الحكومة و عم تعمل اسقاط لعلاقتك مع الحكومة على علاقتك مع الله.

.

عمي ايهم انا بدي ياه يكون منطقي بناءً على المنطق يلي هو اختاره.. مقاييس الصح والغلط هو يلي حددها "فرضياً" بالديانات.. خليني اعطيك مثال:
وقت يقول الله بكل الديانات انو قتل الانسان بدون جه حق حرام وجريمة ومدري شوي.. ويجيك اعصار "من عند الله حسب وجهة نظر الدين" ويقتل 30 الف بني ادم شو اسمو هاد بالمنطق الالهي يلي هو حددو بالديانات؟؟ في شي غلط هون يا اما هو مادخلو بهالاعصار وبناءً عليه بيطلع انو عوامل الطبيعة ماشية ضمن منظومة الله مادخلو فيها يا اما بيكون الله بيتحمل المسؤولية عن هالجريمة يلي هو حدد انها جريمة لاتغتفر..

مابعرف اذا وصلتك النقطة بس الفكرة انو في مفاهيم خاطئة للاديان عن الله وعن مسؤولياتو.. وهالشي من مصلحة الخالق وليس ضدو... مو معقول كل واحد غني الله رزقو وكل واحد فقير الله مادخلو فيه... كل بلد غني الله رازقو وكل مجاعة او تصحر او مصيبة الله مادخلو فيها.. هي الفكرة من الصبح عم احكي فيها واذا وصلنا لقناعة مشتركة عنها بتتوضح كتير امور....

طريقة التفكير والعقل مثالية لما بدك تحكي عن تنظيم علاقات البشر بين بعضن, بس تفكير ومنطق بعلاقتك مع الاله!!! طيب ما بدك بالاول معطيات لتستعمل العقل, يعني قضية متل قضية التعرف على الله شلون ممكن تستخدم عقلك فيها؟؟ اشرحلي؟؟

هاد السؤال إلك مو إلي... لانو الاديان هي يلي بتقول انو فيك تتعرف على الله من خلال العقل وسير الكواكب والشمس والقمر.. انا يلي عم قولو بالعكس مستحيل التعرف على الله بالعقل مشان هيك فيني شوف الله ووظائفه ومسؤولياته متل مابدي بحكم انو مافي رؤية واضحة متفق عليها ومثبة لهالخالق...

الله كفكرة مابنكر انها فكرة جميلة ورايقة وبتساعد كتير الناس على ازاحة الهموم ورمي مشاكلون على طاقة اكبر حتى لو هالخالق مادخلو بهالأمور بتضل فكرة مريحة... لكن المشكل الاساس انو صار في خلل خطير بطريقة التعاطي مع هالفكرة من خلال الاديان...

يازلمة لسا كل شيخ او خوري او حاخام بيجدبها على كيفو وبيلون الله متل مابدو... لك وصلت لمرحلة الحكومات صارت عم تستغل فكرة الله "تبع الادبان" للانتفاع الشخصي نتيجة الموروثات عند هالشعوب عن الله واختصاصاته وكيانه..


ماهية الاله , شلون ممكن لحالك تعرفها؟؟
أنت عم تحكي عن من خلق كل شئ من العدم, ونحني البشر مستحيل نقدر نستوعب فكرة انو شئ يطلع هيك من لاشئ, تفكيرنا مهما كان كبير بيضل محدود بحدود معروفة.


يعني انت ماعندك اثبات بالعقل على هالاشياء وبيبقى فكرك قناعة شخصية ناتجة عن موروثات معينة قد تصيب وقد تخطأ لكنك تتمنى ان تصيب... صح؟

من ناحية تانية, هالاله اللي خلق البشر على الارض, طيب بعد ما خلق الارض و جعلها مكان للبشر و حط فيها كتير امثلة على انو في يد عظيمة انجزت هالشي كلو , ورغم هيك صاروا البشر يعبدوا احجار , يعبدوا الشمس والقمر والرعد والبقرة وغيرو , لانو في حاجة داخلية عند الانسان للبحث عن شئ مقدس.

كلامك هون ماعليه غبار.. بس برجع بشوف تناقض بقصة الامثلة على وجود الخالق... معلم هيك منرجع لقصة في اثبات علمي او منطقي هلأ اتفقنا انو مانو موجود...
اذا بدنا نحكي بالاثباتات منفتح باب الاحتمالات يلي بتعرف أديش كبيرة... باعتبار مافي ولا اثبات عليه توقيع الله او ماشابه.. ممكن تكون هالايد العظيمة غير الله يلي انت بتعرفو او بتعبدو... ممكن يكون اي احتمال تاني مهما بلغت غرابتو...
ومهما بلغت غرابتو بيبقى اقل غرابة من الله كما صورته الاديان بس بحكم اجيال ورا اجيال اتعودت عالفكرة ماعد لقيتوها غريبة... والدليل اول ماطرح محمد الفكرة على قريش أديش لاقى استهجان واتهام وتكذيب... فاذاً كمان فكرة الله الحالي كانت كتير غريبة اول ما طرحت...

طيب يعني معقول هالاله اللي خلق كل شي بالاخير الناس تعبد جمادات هو خلقها وتترك صاحب الفضل وهو عم يتفرج؟؟

لاء طبعاً بس هل عندك اثبات انو انت عم تعبد الجهة الصحيحة؟؟ منطقياً بعيداً عن نصوص الاديان؟؟ مابتصور

يعني كان لازم يصير في توضيح لهالبشر, تذكير انو اذا بدن يعبدو فلازم يعبدو الله مو اي شي تاني .

ياعيني عليك كان ريحنا كتير لو وضح لهالبشر بشكل مباشر شوي انو لازم يعبدوه وشو الوضع بالضبط... وماترك القصة لرسل "مفترضين" ولازم يكون عرفان انو بدنا نوصل لمرحلة متل اليوم كم تافه وكم مرتزق يصيرو مسؤولين عن الله بالأرض... معون حق على فكرة باعتبار الله من وجهة نظر الاديان "جسمو لبيس" يعني اي حدا بياخد وكالته واي حدا بيقدر يحكي باسمو...


اسلوب التواصل بين الله والبشر هو اللي علي الاختلاف الهائل بين البشر, في ناس ادعت انها هي الله وانو الله حل فيها, في ناس ادعت انو الله هو اللي أرسلها برسالة معينة, في ناس ادعت انن هني نواب الله على الارض و منفذين للي بدو ياه.

هلق رح تسالني اكيد مين لازم نصدق منن و كيف رح نعرف الصح من الغلط؟

بقلك هون بقى بتجي شغلة الاختيار, الديمقراطية اذا حبيت تسميها, كل واحد عندو عقل ومعطيات وفلسفة مختلفة بيقدر يفكر بحكي كل فريق ويشوف شو هو الصح بالنسبة الو.


اخي اي ديموقراطية بالعالم الها اسس.. عطيني الاسس يلي على اساسها بدي اختار الله يلي بدو يعجبني.. اذا كل دين عنده تحبيصات الله مابيحملها وكل دين بيتدعي انو هو الدين المختار وكل دين بدو يسحب البساط لعندو.. وين المعطيات؟؟
بتقلي شوف الصح بالنسبة الي؟ بدي جيب القرآن والانجيل والتوراة ولامانع من مفردات بوذا واقعد قارن... بيطلع معي انو الكل متفقين على كيان الخالق اللامرئي والغير مثبت بالعقل بس مختلفين على التطبيق... بتطلع معك النتيجة انو كل هالتطبيقات بشرية وما الها علاقة بالله...
بمعنى الله او الخالق او مهندس الكون او المؤسس موجود... بس ماحدد او فرض اي طريقة للتواصل وماحدد اي مسؤوليات لإلو عن هالبشرية وماقرر اي تدخل... القصص الاضافية كلها بشرية..

مابخفيك انو بتصيبني حالة من التشتت بناءً على هالحكي... بس مافيني مشان ما اتشتت حس حالي اجدب وماشي ورا حدا بدون اقتناع مطلق... صعبة عليي

المشكلة عم تصير عند البشر انو بيتم الحكم على أي دين من مظاهرو الخارجية فقط, من خلال سلوك المتحكمين بالدين والمحتكرين لهذا الدين و هدا اللي بيخلي كتيرين يتمردوا ويحاولوا يلاقوا طريقة منفصلة للتعرف على الله .

1000% كلام منطقي... وبفكر احياناً انو الله هيك بدو انو كل واحد يرتبط فيه بشكل مستقل وقصة الاديان كلها خرافات وتسالي.. اعذرني يعني بس هيك بحس


مشان هيك البعض بيقلك , الله هو المحبة, الله هو كل شي حلو بحياتنا , الله هو ...... وما بعرف شو كمان في ابداعات بهذا المجال, بس بالنهاية هدا كلو تخمينات لانو الله لو كان بدو يكون متل ما نحني منتمنى يعني على هالحالة صار بدنا شي مليار اله


معناها الله مو متل ما منتخيل ولامتل ماقالت الاديان ولامتل اي شي متفق عليه بين أي جماعة.. اذاً اي فرضية شخصية عن الله قد تكون هي الصحيحة والديانات كلها غلط... باعتبار الاحتمالات مفتوحة

هلا ايهم :D

كل واحد مو عاجبو الإله يفصل إله على كيفو, بيرتاح وبيريح
هاد هوه اللي حاصل, مشان هيك في كتير أديان!

لما كنت بصف العاشر بذكر.. قررت حدد موقفي من الله ومن الدين.. وانو لازم فكر بالموضوع منيح..
وبذكر لما اخذت قراري وحددت مكاني مزبوط كتبت شي بيشبه كتير اللي كتبتو انت..
ووقتها سميت الخاطرة " اتفاقي مع الله" ..
:D



قصدك انو يلي انا هلأ بلشت فكر فيه انتي فكرتي فيه من وانتي عمرك 16 سنة :frown: ماشي الحال حمرقها :p

شوقتيني اعرف شو كانت بنود هالاتفاق :D

بالنهاية, بدي أكد على موضوع أنو الدين هو واحدة من أدوات السيطرة على وحشية الإنسان, يمكن القانون الوضعي (المدني) هو كمان أداة, وبيعامل الناس على مبدأ العقاب, يعني إذا غلطت بتنحبس, بس نحنا ببلادنا, وبالشرق كلو عموما, بتلاحظ أنو الدين إلو تأثير أكبر بكتير من القانون, لأنو الدين بيعامل بمدأ الثواب والعقاب, مو بس العقاب, وبما أنو الدين هو مجرد فرضية لا دليل ملموس على صحتها, فمن الطبيعي أن يكون الثواب والعقاب فيه فرضية أيضا, لأنو لهلأ, ماحاد مات, ورجع خبرنا إذا في جنة ونار ولا لأ!

:D:D

خلخول حكيك يلي بالمشاركة كتير حلو وماعندي عليه تعليق :D



أنا ما رح رد عليك لأنو بالآخر هي حريه شخصيه و أنا بالآخر بحترم رأيك


و بتمنى إنو انت كمان تحترم رأيي

موضوعك بالمره مو حلو لأنو لو فكرت بالقدرات الموجوده بهاد الكون اللي مو عاجبك
و فكرت أكتر قبل ما تطرح هيك موضوع كنت لقيت الجواب لوحدك

و نحنا بالصلاة و العباده اللي ملزمين فيها مرتاحين نفسيا و جسديا و روحيا

ما بدي كتر بالحكي بس بالآخر ان شاء الله تعالى تلاقي الجواب بالروابط اللي فوق

:?



عيني مين قلك اذا رديت عليي وناقشتني بتكون ماعم تحترم حريتي؟؟ بالعكس احترام الرأي الآخر بيكمن بالنقاش...
بالنسبة لموضوع العبادة والصلاة بتريح نفسياً فهاد الشي عم قولو من اول الموضوع انو الله فكرة جميلة ومريحة جداً وهيك يعني بتريح الانسان انو في شي كبير كتير عم يساعدو ويحللو امورو.. مع العلم انو الهندوسي يلي مابيتبع اي من الديانات السماوية كمان امورو بتنحل وبينجح بحياتو..
شكراً عالروابط يلي مالقيت فيها الاجوبة على شي غير حكي عمرو 1500 سنة وعقلياً ومنطقياً غير قابل للاثبات الا لمن شاء ان يؤمن بقلبه

الله كما أريده

كما أريده بيبقى أحسن بألف مرة من كما أرادوه أو يريدوه وأنا ماشي على عماها... هع :sly:

مشاركة مقتبسة عن I_LOVE_SYRIA نشرت اليوم بقسم العلوم يمكن تكون مفيدة للحوار:




كاتب النص الأصلي : I_Love_Syria ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
تمكن علماء أميركيون من اكتشاف آثار تدل على أن الحياة على كوكب الأرض نشأت من مادة سقطت من الفضاء الكوني.
فقد أظهرت تحاليل جديدة أجريت على ذرات غبار التقطها المسبار "ستاردست" للمرة الأولى وجود آثار لحمض أميني يطلق عليه اسم "غلايسين", وهو أحد المكونات الأساسية للبروتينات التي بدونها لم يكن للحياة التي نعرفها وجود.
وقد اكتشف علماء بمركز غودارد لرحلات الفضاء بولاية ميريلاند القريبة من واشنطن دي سي –وهو أحد المراكز التابعة لوكالة أبحاث الفضاء والطيران الأميركية (ناسا)- آثارا لحمض غلايسين في عينة لذرات غبار من المذنب "وايلد2" التقطها المسبار ستاردست وأسقطها في صحراء يوتاه الأميركية عام 2006.
وقال جيمي إلسيلا -الباحث في مركز غودارد وأحد الذين أعدوا التقرير بشأن هذا الكشف لدورية "علوم النيازك والكواكب"- إنهم تمكنوا بعد التحقق من وجود الغلايسين من معرفة أن المذنبات ربما تكون أطلقت منذ القدم أحماضا أمينية إلى الأرض, ما أسهم في إيجاد العناصر الأساسية التي انبثقت منها الحياة.
وقد ظلت الفكرة القائلة بأن مكونات الحياة الرئيسة انتقلت إلى الأرض من الفضاء ولم تنبجس من مواد الأرض الكيماوية الأصلية قائمة لسنوات.
وسبق أن اكتشفت أحماض أمينية في الشهب, لكنها المرة الأولى التي يقف فيها العلماء على حمض أميني في مادة لأحد المذنبات.
وأشار كارل بيلشر -مدير معهد بيولوجيا الفضاء التابع لناسا الذي أسهم في تمويل البحث- في هذا الصدد إلى أن الاكتشاف يمثل دليلا آخر على أن عناصر الحياة الأساسية موجودة في كل مكان.
ويعد هذا الاكتشاف الأحدث من نوعه في إنجازات المسبار ستاردست غير المأهول الذي أطلق في 2 يناير/كانون الثاني 2004 ليتعقب غلالة الغبار والركام الصخري الذي ينفثه المذنب وايلد 2 وراءه.


الجزيرة




ياريت لو يريحوا لي حاااهلم !
ياللي خلق هالكون قال ( وتلك أمم أمثالكم ) يعني فيه كتير انواع من الحياة التي لايعرفها البشر
ولايستطيعون ادراكها بعقولهم المحدودة .
مثلنا يحييون مثل حياتنا ..فيها حياة وموت ورزق وووو
ولو كان الغرب اكتشفوا أثر لشي .. فهالأمر يعتبر نقطة في بحر !!!
من الآآآآخر مو بس عالم واحد غيرنا ..
عوااااالم كثيرة لانعرفها .. خلقها الله ..وهي خارج نطاق حدود فهمنا كبشر!
وهو من اخبرنا بها
لكن مين بدو يفهم؟؟؟
ومين بدو يختصر على نفسو المشوار؟
الله كريم ..
ههههههه

باعتقد فتنا بنقاش عقيم بعيد عن الموضوع الأساسي، أنا بضم صوتي لمريومة، لأنو الموضوع رح يتحول لمشكلة


ليش عم تحكي هيك؟؟
بالعكس الموضوع مانو عقيم ولا شي وانا عن نفسي
استفدت منو كثير وعرفت كيف عم يفكر غيري
وشو هي وجهة نظره ..
الموضوع كثير حلوو ومافيه أي مشكلة ..
وهي آراء ومعتقدات نطرحا ونناقشها بكل شفافية ..
ريح حالك بس والأمور بتضلها حلووووة ..:D:D

[quote=وردة حماة;1320244]



ملاحظة: بس تناقشو حدا ملحد, أو غير مسلم, لاتجيبوا أدلة من القرآن, لأنو هاد الشخص مابيكون معترف أصلن بالقرآن كمرجع موثوق!



كلامك صحيح أخي بس أحنا كل ردودنا ماخذينها من القرآن الكريم ..
لأن السابقون والأولون طرحوا مثل هذه التساؤلات فرد عليهم الله بكتابه ..
وأثبتت الأيام صحة كل ماقاله الله في كتابه ..
وكمان في أغلب الأوقات . .يكون أثر الآيات القرآنية على النفس البشرية كبير ..
بعض الناس الغير مسلم لما يقرأ تلك الآيات بعين المتأمل والمتفكر خاصة لما يكون وااعي ويبحث عن
شيء في نفسه ..
يتأثر بها كثيرا..

لكن برجع واقول لك .. فعلا . في مثل هالحالات الكلام العقلي بيكون أثره أقوى من الآيات .
لذلك عندما أرسل الله الأنبياء أيدهم بالمعجزات التي يراها العقل ويصدقها ويؤمن بها..
شكرا لك ..:D
(( ولك شو هالتوقيع يبعت لك حمة !!) هههههههههههه

غير صحيح فالاسلام يشمل المسيحية واليهودية


هوه بيحاول يشملهون, ليحط نفسو بمرتبة الدين الوحيد!


من الواضح جدا ان مفهومك لعبادة الله محدود جدا كما انك لا تعرف شئء عن الاسلام
يعتقد العلماء ان الارض يوما كانت بدون حياة وان الحياة هي نتيجة لمزيج مثالي من العناصر في البحار البدائية ولكن لم يستطيعو على الاطلاق ان يعيدو الامر في اي مختبر مما يعني ان الحياة لا يمكن ان توجد الا بمشيئة الله.


فشل محاولة واحدة أو عدة محاولات لايعني فشل التجربة أو النظرية, متل ما كتي ناس حاولو يخترعو المصباح, وفشلو, بالآخر نجح واحد فيهون, ممكن كمان يحصل نفس الشي بهاد المجال!

كل واحد مو عاجبو الإله يفصل إله على كيفو, بيرتاح وبيريح

ماهو ياصديقي هاد يلي صار... فيك تثبت علمياً انو مو كل واحد من الرسل فصل الله على قياسو... وكل واحد لقى لحالو ميزة مع الله؟ واحد الله اختصه بانو حكا معو مباشر والتاني من روحو او ابنو والتالت قلك انا خاتم الانبياء واشرف الخلق... مع احترامي الون جميعاً بس احتمال تفصيلون للاله متل مابدون وارد جداً


أجيت بدي رد لقيت كلامك كلو مغالطات ومناقد لبعضو . فأختصرتلك ردي بكلمة ( تتهنا :lol:)



وأنا اجيت بدي رد عليك فلقيتك مو رادد فاختصرتلك ردي بـكلمين "الله يهنيك:p"

ليش عم تحكي هيك؟؟
بالعكس الموضوع مانو عقيم ولا شي وانا عن نفسي
استفدت منو كثير وعرفت كيف عم يفكر غيري
وشو هي وجهة نظره ..
الموضوع كثير حلوو ومافيه أي مشكلة ..
وهي آراء ومعتقدات نطرحا ونناقشها بكل شفافية ..
ريح حالك بس والأمور بتضلها حلووووة ..:D:D

عم أحكي هيك لأنو إذا بدنا نرد على الكلام المكتوب بدنا نُعتبر عم نسيء للإسلام (وإن كان خلخول كتب جزء كبير من اللي ممكن كنت قوله بردّي). لأنو صرنا رح ندخل بتفاصيل الدين الإسلامي والمسيحي واليهودي، وهاد الدخول خارج الموضوع الأصلي اللي هو تساؤلات مشروعة عن ماهية الله بعيداً عن تعاليم أي دين

الحيرانة كنت كاتب رد طويل عليكي بس طار للاسف :pos: المهم بناءً على اسلوبك اللطبف بدي رد بالمجمل بس الي عندك طلبين بشكل اخوي... ياريت تغيري طريقة الاقتباس لانها متعبة ليلي بدو يرد عليكي والتاني تصغري الخط شوي بس لانو الردود عم يطلعو كتير طوال

تعليق أول:

[

اما الأسس التي توافقت عليها الأديان وحتى غير الأديان التي تدعى "بالسماوية" منها كالبوذية والهندوسية
البوذية والهندوسية لاتدعو لعبادة الله .. بل تدعو لعبادة النار والحجر والشجر والدواب يعني البقر
وماشابه .. وهذه ليست رسالات سماوية وما أنزل الله بها من سلطان ..
بل هم من اخترعوها وافتروها ..فلاتخلتط عليك الأمور .. دعنا نتحدث فقط حول الرسالات
الماوية التي ارسلها الله تعالى .



بتصور واضحة كلمة حتى الاديان غير "السماوية" عندما تكلمت عن البوذية والهندوسية يعني انتي يلي اختلطت عليكي الامور مو أنا :D

بالنسبة للمشاركة بالمجمل وتحديكي حول خلق بعوضة هاد كلام مردود عليكي صديقتي بحكم انو انا بتحداكي تثبتيلي انو الله "كما تعرفيه" هو من خلق هذه البعوضة او الذبابة...
نحن متفقون على وجود قوة خارقة مؤسسة لهذه الدنيا... بل هذه القوة الخالقة هي نفسها التي تعرفين وتعبدين؟؟ هون بيصير عنا احتمالات كتير ومافي حدا بيصير يقول انا صح اكيد... بحكم انو الموضوع بيصير نسبي وقناعات شخصية..

إلي رجعة لكمل الرد بس بعدني مزعوج انو اول رد طار بسبب الاكسبلورر الغبي بعد ساعة كتابة :pos:

شبيبة رجاءً خلونا بعيد عن تفاصيل الأديان لأنو كل واحد فيه ينظر لأي دين متل مابدو وكل الأديان فيها نقاط ضعف قابلة للنقد ومن خلالها التكذيب..

يعني يا جماعة طالما عم نحكي بالله ما بعتقد رح نوصل لنتيجة خلينا نفكر بوضعنا و بحالنا قبل ما نفكر بي الله

هاد اللي وصلتلو في كلمة ل الله بعتقد انها شملت كل الأجوبة و هي وما ظلمناهم بل كانو انفسهم يظلمون

يعني الله ما بيظلم حدا لا المؤمن فيه و لا الكافر فيه هوي اللي بيظلم حالو و بيسيء لنفسو
المؤمن بيسيء لحالو بطرقو الخاصة و ايمانو ل الله مو للعباد
و الملحد بيظلم حالو بتصرفاتو و الله ما دخلو فيه لأنو الله هوي اللي خلقلو العقل لتوصل لنظرياته فيه و هد الشي البديهي

بس والله انو بدنا نضل بمعركة انو نخلي الكل يعبدو الله و يحطو الله بالمرصاد عا طول صا ما في غيرنا حدا خسران
فالله اذا موجود مانو سأل علينا ان اعترفنا فيه و ان ما اعترفنا فيه ما هوي بالغني عن العباد

و العباد اذا ضلت مو شايفة شي قدامها غير الله ظلمت حالها لأنها تركت حالها و لحقت شي مو سائل عنها و هالشي موضح بكل الكتب

الغلط اللي عم يصير عنا انو عم نترك الله و نلحق الدين الله موجود بكل مكان ما هيك و يسمع مين مان كان
فليش بدنا نحصر التواصل معو بالبوابات اللي اسمها الدين و ليش لنتبنى اراء ناس بتعرف بالدين بس ما بتعرف بي الله
خلونا نفكر شوي و نعزل الدين عن الله و نقيم فكرة انو نحن موجودين بس من شان نتناعر لهدف لا طائل منو

اطلعو من هالقوقعة عاد

سلام:D

اشراف:

حذفت 22 مشاركة حول التشكيك بالديانات سببها اقحام الاحاديث الدينية ونصوص كتب الاديان بالنقاش.. للعلم النقاش مانو ديني انما فكري فيلي بدو يناقش يلاقي طريقة للنقاش والحوار غير الاحاديث والايات مشان ماترجع تصير المشكلة يلي صارت



الحيرانة: ياريت تصغري الخط لانو الكل نظرون منيح بالقراءة وحجم الخط مانو وسيلة اقناع او ضغط على يلي عم يناقشك..

اشراف:

حذفت 22 مشاركة حول التشكيك بالديانات سببها اقحام الاحاديث الدينية ونصوص كتب الاديان بالنقاش.. للعلم النقاش مانو ديني انما فكري فيلي بدو يناقش يلاقي طريقة للنقاش والحوار غير الاحاديث والايات مشان ماترجع تصير المشكلة يلي صارت



الحيرانة: ياريت تصغري الخط لانو الكل نظرون منيح بالقراءة وحجم الخط مانو وسيلة اقناع او ضغط على يلي عم يناقشك..


يأختي مين حكا لك إنو عم كبر خطي كوسيلة للإقناع؟؟
شو هالنظرة الضيقة ؟؟
على كل حال اوك بنصغر الخط ..
مابيصير شي.
شكرا

اشراف:

حذفت 22 مشاركة حول التشكيك بالديانات سببها اقحام الاحاديث الدينية ونصوص كتب الاديان بالنقاش.. للعلم النقاش مانو ديني انما فكري فيلي بدو يناقش يلاقي طريقة للنقاش والحوار غير الاحاديث والايات مشان ماترجع تصير المشكلة يلي صارت



الحيرانة: ياريت تصغري الخط لانو الكل نظرون منيح بالقراءة وحجم الخط مانو وسيلة اقناع او ضغط على يلي عم يناقشك..


بما انو انحذفت مشاركاتي, ورجع النقاش لنقطة البدء, فأنا خارج من الموضوع.

مشكورة Reemi!

يعني بدك تقلنا أنو الإسلام بيعترف بالدين المسيحي والدين اليهودي كأديان صحيحة؟ ما فهمت شو يعني بيشمل المسيحية واليهودية، يعني إذا بيعترف أنو اليهود هني شعب الله المختار، والمسيحيين هني أبناء الله، فكيف بيطلع المسلمون خير أمة أخرجت للناس.
ما في شي اسمو دين بيعترف بدين تاني ، كل دين مبدأو أنو يقنع العالم أنو الطريق الصحيح للجنة بيمر من خلاله، أما الباقي فهو حكي منمق هدفو ترطيب الأجواء بين الأديان والظهور بمظهر المتسامح، ومشان هيك في بكل دين طقوس معينة بيتم التشديد على أنو اللي ما بيمارسا ما بينال الجنة.

لا الاسلام جاء ليكمل الشريعتين المسيحية واليهودية اللتين ارسلهما عبر رسله عيسى وموسى ولا يصح الاسلام ان لم نؤمن بهما ولكن عبر مرور السنين حرف الانسان هاتين الشريعتين وزور كثيرا من الحقائق لدى فنحن لا نؤمن ان اليهود شعب الله المختار والمسيحيين هني أبناء الله فهذه من الامور التي اضافها البشر ولمن يريد ان يفهم اكثر بامكانكم ان تبحثو في مواقع اسلامية عن الموضوع. واستغرب كيف لا يعرف البعض ان المسلمين يؤمنون بعيسى وموسى مما يدل انكم لا تعرفون شيء عن الاسلام.

لا الاسلام جاء ليكمل الشريعتين المسيحية واليهودية اللتين ارسلهما عبر رسله عيسى وموسى ولا يصح الاسلام ان لم نؤمن بهما ولكن عبر مرور السنين حرف الانسان هاتين الشريعتين وزور كثيرا من الحقائق لدى فنحن لا نؤمن ان اليهود شعب الله المختار والمسيحيين هني أبناء الله فهذه من الامور التي اضافها البشر ولمن يريد ان يفهم اكثر بامكانكم ان تبحثو في مواقع اسلامية عن الموضوع. واستغرب كيف لا يعرف البعض ان المسلمين يؤمنون بعيسى وموسى مما يدل انكم لا تعرفون شيء عن الاسلام.

لا كلنا منعرف أنو الإسلام بيؤمن بعيسى وموسى، بس المشكلة أنو عيسى وموسى هيدول غير عيسى وموسى اللي بيؤمن فيهن المسيحيين واليهود، وكمان موسى اللي بيؤمن فيه اليهود غير موسى اللي بيؤمن في المسيحيين واليهود أصلاًَ ما بيؤمنو بعيسى.
على العموم الردود اللي انحزفت كانت بترد على هاد الحكي مشان هيك ما رح أقول شي لأنو بتوقع أنو هالحكي كمان لازم ينحذف

لا أنكر و لا أثبت وجود الله

لكن إن كان موجود فهو في حالة نوم عميق و سـُبات طوووووووووووووووووويل الأمد

قال المعرّي من شي ألف سنة: (قلتم لنا خالقٌ حكيمٌ___قلنا صدقتم كذا نقولُ ....... زعمتموهُ بلا زمانٍ___ولا مكانٍ ألا فقولوا ......... هذا كلامٌ له خبيءٌ___معناهُ أن ليست لنا عقولُ)

ضعاف إستغنوا عن قوى يطعمهم ويسقيهم و لا يستطيعون حتى منع قضاءه فى موتهم , فمن الخاسر يا أصحاب العقول , لاينكرون قصص التاريخ المسجل , وينكرون قصص القرآن , فإن قلتم لا ننكره فإسترجعوا قصة فرعون يا أولى الألباب , وفى القرآن معجزات لغويه وعلميه قد نعذر غير العرب فى عدم دراستها , فما بالكم ياعرب , إن الله غالب على أمره , والقرآن بالتأكيد أكثر إقناعا من من طروحاتكم الغير موضوعيه والغير مقنعه لأولى الألباب وهم الغالبيه والحمد لله , والحمد لله الذى هدانا , ومن يهده الله فهوى المهتد , وما كنا لنهتدى لولا أن هدانا الله .

من غير الله يستحق العباده ؟
لاحول ولاقوة الا بالله لهالدرجه وصلت فيك الافكار
مااقول غير ظلمت روحك واظلمت دنياك واصبحت تتخبط اعمى وتقذف كل ذي نعمه وتنكر فضل مكرم
وتتهجم ع حكمته وبعد نظره بانها اللا وجوديه له
بدأ الاسلام غريبا وسيعود غريبا

من كل قلبي اتمنى ان لاتكون ممن يقود تغريبه
اتمنى من اعماق روحي ان تجد السلام الروحي
اعطي نفســك فرصه لاتظلمها وتجعلها جاحده وتعذبها
تأمل وابتعد عن كل فكــر وابحث بفطرتك وستجد الجواب :hart:

كل الخير والهداية اتمناهما لك في رمضان والى آخر العمر

طيب يا اخونا هيدا شي بيخصك لو وحدك يعني انكرت ولا آمنت !!لشو هالضجة يللي عاملها منشان هالموضوع ؟؟؟ضروري الناس يعني يعرفو عنك هيك شي؟شو راح نستفيد وانت شو رح تستفيد؟:sick:

كل واحد منا حر بطريقة تفكيره
واللي بيبحث بيوصل للحقيقة وان طال الامر
فشو اللي زاعجكم
قال المعرّي من شي ألف سنة: (قلتم لنا خالقٌ حكيمٌ___قلنا صدقتم كذا نقولُ ....... زعمتموهُ بلا زمانٍ___ولا مكانٍ ألا فقولوا ......... هذا كلامٌ له خبيءٌ___معناهُ أن ليست لنا عقولُ)
تاني مرة اقرا رد من ردودك بما معناه ان الانسان يا بيكون دو عقل او يتدين ويبقى بلا عقل
اسفة بس نظرية غريبة عجيبة لايحتاج نفيها لاكثر من مثال واحد عن انسان متدين باي دين كان وبنفس الوقت ذو عقل
:D

بصراحة موضوع شيق ...

عارف بستغرب في كيفية رسم الإسلام أو المسيحية للإله , يعني هو شخص إلوا كتلة ووزن ويخضع لقانون الجاذبية السمائية ! , يجلس على كرسي( عرش) , يخلق الناس لكي يعبدوه ويعيشيوا ويموتوا من أجله! , وغير ذلك كله لا يأكل ولا يشرب ولا ينام مع النساء , فماذا يفعل في حياته غير مراقبتنا ! , غير ذلك خلق الكثير من الأديان , وخلق الأفكار الملحدة والعلمانية والماركسية وغيرها , فمن وجدها غيره , ومن يحاربها غيره , ومن يخطأ بحق نفسه غيره! , ومن كتب للملحدين أن يلغوه غيره ( في اللوح المحفوظ ) , وبعدها يعمل بقصة الجنة والنار , وكل إنسان بعمله , طيب ما إنت يلي كتبت هالشي يا رب العرش العظيم يا خير الماكرين ! , وهل هذا يستحق لقب إله , هل هكذا يكون الإله ! , غير عدم معرفة كيف أتى , ليجعل من يفكر بذلك قد كفر ! , من أصعب وجود كل هذا الكون بصفاته الرائعة وبتشكيلاته الجميلة وبحركته الدقيقة ( لا يسوى جناح بعوضة عند الله) , ولا وجود الله يلي إلوا 99! , بكامل القدرة الموجودة من خلق فهو من اخترع الكون , في 600000يوم فاليوم عند الله بمية ألف يوم :pos:


وتحياتي , فالعقل أكبر من ذلك

تاني مرة اقرا رد من ردودك بما معناه ان الانسان يا بيكون دو عقل او يتدين ويبقى بلا عقل
اسفة بس نظرية غريبة عجيبة لايحتاج نفيها لاكثر من مثال واحد عن انسان متدين باي دين كان وبنفس الوقت ذو عقل
:D

مرحبا

أظن إني شرحت قصدي (أو قصد أبو العلاء) بالرد التاني اللي عم تحكي عنو..
وقتها كان البيت بيقول:

هفَت الحنيفةُ والنصارى ما اهتدت........ويهودُ حارت والمجوس مضللة

اثنانِ أهل الأرضِ ذو عقل بلا........دين، وآخرُ ديّنٌ لا عقلَ له

الفكرة يا سيدتي.. هي التالية:

الإيمان هو عماد الدين..
الإيمان يقتضي التسليم بأمور بعيدة عن الإثبات العقلي أو العلمي المنهجي

بالمقابل.. لا يصح العلم بالإيمان.. فلا وجود -في العلم- لمسلّمات غير معرّفة أو غير مبرهنة
عندما نعمل في العلم.. نترك الإيمان جانباً


أما عن البيت المذكور هنا:
قلتم لنا خالقٌ حكيمٌ........قلنا صدقتم كذا نقول

زعمتموهُ بلا زمانٍ ولا........مكانٍ ألا فقولوا

هذا كلامٌ له خبيء........معناهُ أن ليست لنا عقول

الفكرة هنا هي -كما أظن- صلب فكرة هذا الموضوع.. أي وجود الله.. أو ما هية وجود الله

إنو شو هو الله اللي عم تحكوا عنو؟

فكرة المعرّي.. إنو خالق الكون هو غير ما يتحدثون عنه

هو كان عم بيفكّر بخالق للكون.. وقال إي في خالق.. بس ما ركبت بعقلو صورة الله اللي عم يحكوا عنها المتدينين

بس

:D

قال ..

يهوذا يا أخي لا تحزن ,أنظر كَيفَ تخرجُ الحنطة مِن الأرض

وَ كيفَ يرسلُ الربُ المطر , وَ كيفَ تحبلُ الأرض

وَ ترتفعُ سَـنابلُ القمحِ فوقَ التربة المُزبدة لِتطعمَ بني البشَـر

فلو لم تمتْ حَبة ُ القمح

فهل كانتِ السَـنابلُ نبتتُ مِن جديد ؟

الأمر نفسه ُ يحدثُ لابن الإنسـان

لم يُدرك يهوذا وَ واصلَ صعودهُ دونَ أن يتكلم

غربتِ الشمس خلفَ الجبال وَ تصاعدَ الليلُ خلفَ التربة

خفقت أوائلُ المَصابيحِ المُشـتعلة فوقَ التل

قالَ له ( تذكر .... )

لكنَ يهوذا شَـعرَ بالتقزز وَ خـَفَّ في سَـيره وَ هُوَ يبصق !

لم يتبادلا الحديث

كانَ كلاهما يفهمُ تماما ً

أنَ الكلمات لا يُمكنها أبدا ً أن تخففَ عما في قلبِ الإنسـان وَ تريحه

الصمّتُ وحدهُ قادرُ على فعل ِ ذلك

فلزما الصَمت !





نيكوس كازانتزاكيـس *

الإغواء الأخير للمسـيح

عزيزي فيفا... أعزائي المتحاورين

ليسَ اللهُ تماماً كما بيّنه الإنسان، فهذا الأخير أظهرَ الله عبر الزّمان والمكان بحسب ثقافته وبيئته، ولهذا ترى "الله" هذا غير "الله" ذاك، وكلاهما لا يوجزان الحقيقة، فالحقيقة في عالم البشر تبقى ناقصة ما دام الإنسان لم يبلغ كمالَه على هذه الأرض، وما دامت قوى الإنسان هذا محدودة نظراً إلى طبيعة الكون ونظامه السّائر!

إذا استطاع الإنسان أن يحدّد الله تحديداً وافياً كما فعلت الأديان جميعاً، لبطل الله أن يكون إلهاً وخالقاً، فإدراك المخلوقِ خالقَه ضمن حيّز العقل يؤدّي إلى القول بقدرة المخلوق على حدّ الخالق، وهذه النتيجة خاطئة بحسب المنطق والواقع.

عبثاً يبحث الإنسان عن إدراك الحياة والموت ومفاهيم الوجود وطبائع الأحياء وشرائع الأخلاق وما وراء المحسوس وتلك القوى أو الحوادث التي يشعر الإنسان بها ولا يدرك سببها أو علتها... لأنَّ الإنسان جزءٌ منها والجزء لا يُدرك الكلّ.

لكلّ تسمياته وأوصافه ونعوته وكلٌّ بحسب بيئته وثقافته فليسَ صحيحاً أن يدّعي الواحد الحقيقة، وليسَ صحيحاً أن نضع الله ضمن أطر مرسومة من قبل البشر! جلّ ما يُمكن الإنسان فعله أن يحاول قدر الإمكان وبحسب طاقاته المحدودة أن يسعى نحو فهم "الله" أو ما يُمكن أن يكون "القوّة" التي يسير بموجبها هذا الكون وأنظمته... ستبقى أسئلتنا دون أجوبة، لأنَّ الأجوبة هذه ندركها رويداً رويداً باختبارٍ شخصيّ لا يُمكن نقله أو تسليمه عبر الحواس (الإرث).

ولأنّ اختبارات البشر مختلفة فإنّ إدراكنا لله مختلفٌ... أمّا الذين شاؤوا أن يتبعوا تلك النصوص وتلك التسميات والشرائع الجامدة الثابتة أبداً فلا يُمكنهم الحديث عن علاقة بين الإنسان والله، بين الإنسان ونظام الكون الواحد. كلّ ما يُمكنهم أن يفعلوه هو تحديد مقاييس الطاعة لمثل هذه الشرائع ومدى تفاعل الإنسان معها لا أكثر.

بالنتيجة فأنا أعبدُ اللهَ لا صنعَ البشر!

أنا أحبُّ الله في حياتي واختباراتي... في آلامي وأفراحي... في نجاحي وفشلي... في يأسي وأملي...

أنا أعرفُ اللهَ من اختباري إيّاه لا مثلما صوّره الآخرون مع احترامي وإفادتي من اختباراتهم!

قد أستفيد من نصوص الأديان بعد تشذيبها، وقد أبحث فيها عن معنى الخير المطلق، وقد أجول فيها وأتأمل في شخصيّاتها الكثيرة، قد أصادف فيها جزءاً من الحقيقة؛ لكنّي لا أكتفي أبداً بها، ولا أحدُّ نفسي والآخرين في جمودها... فالإنسان أسمى موجود على الأرض وعليه أن يثبت أنّه كذلك!!!

كلام رائع، بعتقد كتير من يللي شاركو بالحوار كانو عم يجربو يوصلو هالفكرة، بس ما كان عندون هالأسلوب المتقن

الله كما أعرفه أسس هذا الكون بطريقة ما وترك هذه الحياة لتأخذ مجراها دون تدخل منه.. لأنه لو تدخل مرة لوجب عليه التدخل كل مرة أو على الأقل أن يتدخل بكل حدث على تفس الشكل...


هلا برايك كل هالنظام الكوني الموجود من وقت الله اسس هالكون ولهلا جاي من فراغ .. او صدفه ؟

أوافقك يا قرصان في جميع ما ذهبت إليه..

ولكن.. قولك: عبثاً يبحث الإنسان عن إدراك الحياة والموت ومفاهيم الوجود وطبائع الأحياء وشرائع الأخلاق وما وراء المحسوس وتلك القوى أو الحوادث التي يشعر الإنسان بها ولا يدرك سببها أو علتها... لأنَّ الإنسان جزءٌ منها والجزء لا يُدرك الكلّ.

هذه مقررة سلفاً.. لا أستطيع الأخذ بها

نعم أدرك أنه "من أصعب الأمور على الفهم.. أن هذا الكون وهذا الوجود قابل للفهم"

ولكن.. الوعي أو العقل أثبت موجوديته أو فعاليته حتى الآن..

ربما مازال الطريق أمامه طويلاً.. لكنه -أي الطريق- موجود.. ويستطيع الوعيُ السيرَ فيه إلى النهاية


تحية

فليسَ صحيحاً أن يدّعي الواحد الحقيقة، وليسَ صحيحاً أن نضع الله ضمن أطر مرسومة من قبل البشر! جلّ ما يُمكن الإنسان فعله أن يحاول قدر الإمكان وبحسب طاقاته المحدودة أن يسعى نحو فهم "الله" أو ما يُمكن أن يكون "القوّة" التي يسير بموجبها هذا الكون وأنظمته... ستبقى أسئلتنا دون أجوبة، لأنَّ الأجوبة هذه ندركها رويداً رويداً باختبارٍ شخصيّ لا يُمكن نقله أو تسليمه عبر الحواس (الإرث).








إنهُ لمِنَ المؤسف أنهم لا يستطيعونَ أن يفكروا علانية أمامهم

وَ إن فكروا في الخفاء تطاردهم بعضُ الهواجس المُخيفة اللا شعورية

التي تم غرسَها في أعماقهم مُنذ البدء ..

لقد حُرِمَ عليهم التفكيرُ الحر .. وَ كأنهم ولدوا ليلجموا عقولهم ..عقولهم التي هيَ أبجدية الإنسان فيهم

إنهم ليحرمون التفكير عن هذا الإنسان .. الذي ولِدَ مفكراً

وَ إنهم ليتساءلونَ صبحاً وَ ليلاً " أؤلئكَ الأحرار منهم "

لماذا تمَ إجادهم في هذا الوجود الشاسع وَ الغامض إن لم يكن لديهم حقُ التفكير المُطلق فيه ؟

لماذا ولدوا مُفكرين ؟ إن كانَ التفكير خطيئة يقترفونها بلا إرادةٍ منهم .. وَ تقترفها طبيعتهم الإنسـانية

إنه لمِنَ الغريب أن هذا الشيء اللا متناهي في عظمته

أن يمنعنا نحنُ الذرات الضئيلة المُترامية على أطرافه مِن أن نفكرَ فيهِ بـِ حُرية .

إنه لمِنَ المُضحك أن يحرموا ذلكَ بسم الإله وَ أن يجعلوا هذا الشيء يبدو خائفاً مِن زحفِ تفكيرهم ..





" لم يتبادلا الحَديث

كانَ كلاهُما يفهمُ تماما ً

أنَ الكلمات لا يُمكنها أبدا ً أن تخففَ عما في قلبِ الإنسـان وَ تريحه

الصمّتُ وحدهُ قادرُ على فعل ِ ذلك

فلزما الصَمت ! "

لا أفسر العلاقة بين الله والبشر على أنها علاقة عبادة... لأنني لم أستطع فهم أن كياناً مؤسساً للكون أوجد كل هذه البشرية لعبادته

يا ريت لو تخبرنا لم أوجد الله الذى لا تعبده البشرية ؟ يجب أن يكون هناك سبب . ما هو برأيك ؟

اعتقد ان من حق اي كان ان يحدد علاقته بالخالق الذي يؤمن به بطريقة او اخرى ف(الله)لم يضع سيفا على رقبة احد لاجباره على الايمان بطريقة معينة .انما من وضع هذا السيف على الرقاب هم القائمين على الدين من البشر(مهما كان هذا الدين)ولكن (الله)في اي ديانة هو الذي وضع القوانين التي يجب على المنضوي تحت لواء هذا الدين ان يتبعها سواء التعامل اليومي من ممنوع ومباح الى طريقة العبادة واقصد طقوس العبادة وبما انه الاقوىبالاطلاق تبعا لاي معتقد ديني فالواجب هو الطاعة والا فالعقاب في النهاية الا ماذكر هنا وهناك من عقاب جماعي دنيوي لاقوام وجماعات معروفة في بعض الديانات هذا هو مفهوم العبادة المتعارف عليه لمن لا ينكر وجود الاله اما ان لا انكر وجوده لكني لا اعبده ولا اعرفه حسب ما عرّف به نفسه فهذا بكل بساطة انكار لوجوده ومن حقك كبشر ان تعترف او تنكر مع تحمل النتيجة لكلا الاختيارين وتحياتي

الايمان الاينشتايني ؟

Pantheism كما يقول ريتشارد داوكينز

سأعود لاينشتاين قليلا ... عرف عن اينشتاين ... انه كان عالما ذو اصل يهودي الماني ... اينشتاين اخترع نوعه الخاص من الايمان ... ان كان الايمان بالآلهة يمكن تسميته بالـ Theism ... والالحاد بالـ Atheism ... فان اينشتاين اوجد ما يمكن تسميته بنوعية جديدة هي الـ Pan-Theism ... يقول اينشتاين ... انه لا بد من وجود قوة ما في فترة بداية تكون الكون ... تلك القوة هي من اوجدت قوانين الفيزياء ... ثم استقالت ... ولم تتدخل ... وتركت القوانين تنتج العوالم والمجرات والانسجة ... لكن في الواقع لا يستطيع اينشتاين اثبات ذلك ... ولا يستطيع اغلى مغالي الاديان اثبات وجود الهه مهما يكن ذاك الاله ... ولا يستطيع مغالي الالحاد اثبات عدم وجود الآلهة ... فعدم رؤيتك لشيء لا يعني بالضرورة عدم وجوده ... كالفوتون مثلا ... لكنك تستطيع الاستدلال على الفوتون من خلال الضوء ، وقدرتك على البصار لارتداد فوتون الضوء إلى عينك ... لكنك لا تستطيع اثبات وجود الآلهة ... هل يقودنا هذا لشيء ؟

أقول دائما ... ان بعض الفوضى قد ينتج عنها بعض النظام ... وتبقى العقدة ما لها حلال ... عالقة في المنشار ... لهذا ساريح رأسي ... ولن افكر في هذه الاشياء ... وربما ساعتنق الباستافارييه ... ديانة المكرونة والجبن ...

بغض النظر عن مقولة داوكينز ... فكرة اله خالق لكل هذا الكون ... هي في الحقيقة ... تقزيم وتقليل من شأنه " اي الكون" ...

الايمان الاينشتايني ؟

Pantheism كما يقول ريتشارد داوكينز

سأعود لاينشتاين قليلا ... عرف عن اينشتاين ... انه كان عالما ذو اصل يهودي الماني ... اينشتاين اخترع نوعه الخاص من الايمان ... ان كان الايمان بالآلهة يمكن تسميته بالـ Theism ... والالحاد بالـ Atheism ... فان اينشتاين اوجد ما يمكن تسميته بنوعية جديدة هي الـ Pan-Theism ... يقول اينشتاين ... انه لا بد من وجود قوة ما في فترة بداية تكون الكون ... تلك القوة هي من اوجدت قوانين الفيزياء ... ثم استقالت ... ولم تتدخل ... وتركت القوانين تنتج العوالم والمجرات والانسجة ... لكن في الواقع لا يستطيع اينشتاين اثبات ذلك ... ولا يستطيع اغلى مغالي الاديان اثبات وجود الهه مهما يكن ذاك الاله ... ولا يستطيع مغالي الالحاد اثبات عدم وجود الآلهة ... فعدم رؤيتك لشيء لا يعني بالضرورة عدم وجوده ... كالفوتون مثلا ... لكنك تستطيع الاستدلال على الفوتون من خلال الضوء ، وقدرتك على البصار لارتداد فوتون الضوء إلى عينك ... لكنك لا تستطيع اثبات وجود الآلهة ... هل يقودنا هذا لشيء ؟

أقول دائما ... ان بعض الفوضى قد ينتج عنها بعض النظام ... وتبقى العقدة ما لها حلال ... عالقة في المنشار ... لهذا ساريح رأسي ... ولن افكر في هذه الاشياء ... وربما ساعتنق الباستافارييه ... ديانة المكرونة والجبن ...

بغض النظر عن مقولة داوكينز ... فكرة اله خالق لكل هذا الكون ... هي في الحقيقة ... تقزيم وتقليل من شأنه " اي الكون" ...

الحقيقة يقودنا الى شيء ...و مع احترامي العميق و مشاعري الفياضة تجاه الباستافرييه , ما بقدر وافقك الرأي بأنو الإلحاد غير قادر على اثبات عدم وجود آلهة , خصوصاً بأنك ربتطها بعدم القدرة على رؤية شيء !!
ما بحق لحدا أنو يدعي بوجود شيء و بعدين يطالبني باني اثبت عدم وجودو !! , هاي اسمها فنيسة اذا بدك يعني :lol: , المفروض أنو اذا في حدا عم يدعي وجود شيء و خاصة شيء مهم متل الاآلهة يعني أنو يجيب معو الدليل , أو شهادة المنشاً مثلاً ..أما أنو كل ما اجاني واحد و قال أنو عندو إله بدو بدي صدقو لأنو ما عندي دليل على عدم وجودو فهاي بدك تسمحلي يعني ...ما زابطة منوب ..منوب ...منوب.

الحقيقة ببساطة أنو ما حدا بتاريخ البشرية جاب دليل على وجود اي نوع آلهة , و كل الحكي اللي بينحكا بهالصدد بيتراوح بين التحشيش و أكل الهوا , مروراً بالتخبيص و المسبات !!!
هلأ أنا ما بهمني من كل هالحكي غير شغلة وحدة , أنو يا عمي الناس اللي بآمنو بآلهة مثلاً , ليش ما بحلو عن آلهتي ؟؟ ي أخي فهمنا ...انت زلمي مؤمن بشي معين , على راصي من فوق . بس أنا شو خصني يعني ؟ليش بدك تدخل آلهتك بتفاصيل حياتي ؟ ليش بتاخدها معك وين ما رحت يعني ؟ ليش ما بتخلي اللي بينك و بين الهتك منفصل عن اللي بينك و بيني مثلاً ؟ ضروري كل ما بدي احكي معك أو شوفك تكون آلهتك موجودة !!!:shock:

هلأ أنا ما بهمني من كل هالحكي غير شغلة وحدة , أنو يا عمي الناس اللي بآمنو بآلهة مثلاً , ليش ما بحلو عن آلهتي ؟؟ ي أخي فهمنا ...انت زلمي مؤمن بشي معين , على راصي من فوق . بس أنا شو خصني يعني ؟ليش بدك تدخل آلهتك بتفاصيل حياتي ؟ ليش بتاخدها معك وين ما رحت يعني ؟ ليش ما بتخلي اللي بينك و بين الهتك منفصل عن اللي بينك و بيني مثلاً ؟ ضروري كل ما بدي احكي معك أو شوفك تكون آلهتك موجودة !!!
تماماً..

غير المتدين (إلا إذا كان عدم تديّنو جاية عن كدشنة!) ما بيكون عندو مشكلة مع الآخر المتدين

بس العكس.. غير صحيح للأسف

اشراف:

حذفت 22 مشاركة حول التشكيك بالديانات سببها اقحام الاحاديث الدينية ونصوص كتب الاديان بالنقاش.. للعلم النقاش مانو ديني انما فكري فيلي بدو يناقش يلاقي طريقة للنقاش والحوار غير الاحاديث والايات مشان ماترجع تصير المشكلة يلي صارت



الحيرانة: ياريت تصغري الخط لانو الكل نظرون منيح بالقراءة وحجم الخط مانو وسيلة اقناع او ضغط على يلي عم يناقشك..


بالإذن من ريمي بس الأخ yassermas يبدو ما شاف هالرد قبل ما يكتب ردو، فياريت يقراه منيح قبل ما يكمل الرد تبعو متل مانو قايل

قرأت الموضوع من بدايتو وشفت كثير ردود
بس ما بعرف شو الحاجة من الحدة في النقاش واندخل الديانات ونكفر وكل واحد فينا بدو يقنع الثاني وكانو فكرتو هي الصح
علاقتي بالله علاقة خاصة انا بحددها أو بقبل بإطار جاهز (ديانة) تحدد هالعلاقة في النهاية انا حر باختياري
لكن ما في حدا عاقل بيختلف على انو اهم نقطة بتدل على إنسانيتا وبتركز عليها كل الاديان الأخلاق
فانا متى ما حفظت حالي وحفظت حق الناس عندي بقناعة كاملة انتهت المشكلة ووقتها مش بحاجة لعقاب وثواب وجنة ونار او شوي عبارات مقتبسة احفظها واهاجم فيها غيري واكنو انا الصح وهو الغلط كلنا صح وغلط بس ما في واحد منا من حقو يفرض قناعاتو خاصة لو ما كانت تسمن ولا تغني على الاخر بإدعاء انو هو الصح فقط

كلام رائع، بعتقد كتير من يللي شاركو بالحوار كانو عم يجربو يوصلو هالفكرة، بس ما كان عندون هالأسلوب المتقن
مرّوشكا شكراً على هيك إطراء... حسيت حالي "الزيّات" بعد ما قريت كلمتك :p.

أوافقك يا قرصان في جميع ما ذهبت إليه..
ولكن.. قولك: ....
هذه مقررة سلفاً.. لا أستطيع الأخذ بها
نعم أدرك أنه "من أصعب الأمور على الفهم.. أن هذا الكون وهذا الوجود قابل للفهم"
ولكن.. الوعي أو العقل أثبت موجوديته أو فعاليته حتى الآن..
ربما مازال الطريق أمامه طويلاً.. لكنه -أي الطريق- موجود.. ويستطيع الوعيُ السيرَ فيه إلى النهاية
تحية
هلا بيك خال...
بس شو قصدك بأنها "مقررة سلفاً"؟! هل تعني أنّو هي أمور الدين حاكي فيها سابقاً ومقررها؟ إذا هيك قصدك معناها ما قريت ردّي منيح لأن ما بيهمني شو حاكي عنها الدّين! أما إذا مو هيك قصدك فبتمنى تشرح أكتر!

أمّا لقولك أنّو الوعي أو العقل أثبت موجوديته وفعاليته حتى الآن، فصحيح بالنسبة للأمور التجريبيّة وغير صحيح بالنسبة للتجريديّة، يعني الإنسان في صراع مع التقدم العلمي والتطور الصناعي وفعلاً هو في نموّ بهيك أمور... بس للأسف هالشي ما بينطبق على الأمور الميتافيزيقيّة أو ما تُسمّى الماورائيّات!
حتّى الأخلاق في اختلاف بين البشر حول مصادرها ومعاييرها برغم مسيرة الارتقاء يلي عم يعيشها الإنسان!
وحتّى لو سار الوعي أو العقل للنهاية بهيك أمور فهو عم يسير في طريق الحياة يعني في طريق مادّي وغير قادر (ما دام بهيك طريق) أنّو يفسّر ما خارج الطريق... بيكتفي بقراءتها والبحث فيها وتفسيرها على ضوء تجاربو واختباراتو...

منذ وجود الإنسان وهو عم يبحث فيها وحتى اليوم ما قدر يعطي تفسير عقلاني واحد لأي شيء من الميتافيزيق!
وهاي ألك :D.


إنهُ لمِنَ المؤسف أنهم لا يستطيعونَ أن يفكروا علانية أمامهم
وَ إن فكروا في الخفاء تطاردهم بعضُ الهواجس المُخيفة اللا شعورية
التي تم غرسُها في أعماقهم مُنذ البدء ..
لقد حُرِمَ عليهم التفكيرُ الحر .. وَ كأنهم ولدوا ليلجموا عقولهم ..عقولهم التي هيَ أبجدية الإنسان فيهم
إنهم ليحرمون التفكير عن هذا الإنسان .. الذي ولِدَ مفكراً
وَ إنهم ليتساءلونَ صبحاً وَ ليلاً " أؤلئكَ الأحرار منهم "
لماذا تمَ إجادهم في هذا الوجود الشاسع وَ الغامض إن لم يكن لديهم حقُ التفكير المُطلق فيه ؟
لماذا ولدوا مُفكرين ؟ إن كانَ التفكير خطيئة يقترفونها بلا إرادةٍ منهم .. وَ تقترفها طبيعتهم الإنسـانية
إنه لمِنَ الغريب أن هذا الشيء اللا متناهي في عظمته
أن يمنعنا نحنُ الذرات الضئيلة المُترامية على أطرافه مِن أن نفكرَ فيهِ بـِ حُرية .
إنه لمِنَ المُضحك أن يحرموا ذلكَ بسم الإله وَ أن يجعلوا هذا الشيء يبدو خائفاً مِن زحفِ تفكيرهم ..
" لم يتبادلا الحَديث
كانَ كلاهُما يفهمُ تماما ً
أنَ الكلمات لا يُمكنها أبدا ً أن تخففَ عما في قلبِ الإنسـان وَ تريحه
الصمّتُ وحدهُ قادرُ على فعل ِ ذلك
فلزما الصَمت ! "

وإن كانَ الكلامُ فيه عبثاً فلنترك له مكاناً!
:D.