السيد المخرج بسام الملا المحترم،،،تحية طيبة وبعد

تعودنا في رمضان من كل عام أن تطالعنا بمسلسل عن البيئة الدمشقية، إبتداءً بأيام شامية ووصولاً الى باب الحارة (4)، أما اكتفيت ؟
عندما تابعنا أيام شامية وقصة شوارب محمود، كان المسلسل مسلياً، خيالي لكنه يسلي ويعني تابعناه لموسم واحد والسلام، لكن على مايبدو أن هذا النوع من الأعمال قد تحول الى اختصاص لديك فأصبح عادةً رمضانية عاماً بعد عام، الى أن وصلنا الى باب الحارة.
الجزء الأول من باب الحارة كان أكثر اتقاناً من العمل الريادي أيام شامية بحكم تراكم الخبرة وتوفر إمكانيات أفضل للإنتاج، لكنه لم يكن مختلفاً من حيث انعدام الدقة التاريخية والقصص والشخصيات الخيالية وردح النسوان، والقيم التي حاربها المجتمع على مر عقود من الزمن منذ بدايات القرن العشرين وحتى الساعة.
لقد كرستم ياسيدي منطق غياب القانون والحق الذي يؤخذ بالذراع والدور الريادي للعكيد (أو العقيد لا أعلم) في امتلاكه الوسيلتان المتناقضتان اللتان لاتجتمعا عادةً لرجلٍ وهما القوة والحكمة (العضلات والمخ)، العكيد بقوته القاهرة يتغلب على رجال الحارات المعادية وعناصر المخفر والجيش البريطاني، وبنفس الوقت يملك من الحكمة ما يؤهله قيادة مجتمع الحارة وحل جميع الخلافات المعقد منها والسخيف على حدٍ سواء ، أما المخفر فهو مقر لعصابة يحميها القانون والاستعمار (هل هذه هي القيم التي تريدها لشعبٍ متحضر ؟؟) مع العلم أن مانعرفه عن العكيد في الحارات القديمة هو أنه البلطجي الذي يتقاضى الخوات من الأهالي لقاء اتقاء شره (الفتوة لدى أشقائنا المصريين).
مجلس وجهاء الحارة يتألف من الخباز والحلاق والخضري وصاحب الحمام وصاحب القهوة بقيادة العكيد السابق الذكر، الطب والعلاج من اختصاص الحلاق (الحكيم والمتمول) الى أن استدركتم ذلك بإدخال طبيب الى الحارة المجيدة في الجزء الماضي من المسلسل وذلك بعد استشهاد الحلاق الحكيم المتمول المحارب البطل الوجيه (الذي كشف راس الحريم) أبو عصام بسب خلاف مع الممثل عباس النوري صاحب الشخصية كما نمي الينا من وسائل الاعلام والتراشق، هذا طبعاً ناهيك عن الدور المحوري والجوهري لأبو حاتم (أبو البنات ياحرام) قائد المقاومة الوطنية المحلية لحارة الضبع العظمى أثناء الحصار المفروض عليها في هذه الأيام.
إي شو هاد ؟
أولاً- يا سيدي فحسب ما نقرأ من كتب التاريخ عن هذه الحقبة الزمنية، فإن الوعي الفكري والثقافي كان في أوج تشكله والأحزاب الوطنية المقاومة بشتى الأشكال كانت موجودة، الوعي السياسي لم يكن ليستهان به من الثورة السورية الكبرى وقائدها العظيم سلطان باشا الى الكتلة الوطنية وزعمائها (الوجهاء) الى الدكتور عبد الرحمن الشهبندر، ولم تكن الثورة السورية حملة عرب للدفاع عن الحارة أو أي حارة أخرى.

ثانياً- رغم أننا شعب يفتخر بأنه قاوم الاحتلال الفرنسي وقدم الغالي والنفيس في مقاومته من ميسلون وحتى موقعة البرلمان في 29 أيار، إلا أن هذا لايعني أن الدولة كانت غائبة وأن سلطة القانون كانت معطلة، عناصر المخفر (أي مخفر في دمشق) كانت من أبناء البلد منهم الطيب ومنهم السئ لكن الشرطة (أو الدرك في حينها) كانت جهازاً فعالاً في حفظ الأمن والأمان للمواطنين وغالباً ما كان رؤساء المخافر يعينون من أبناء الحي نفسه ليعملو على حفظ الأمن دون الحاجة للقسوة، باستخدام معرفتهم وعلاقاتهم بالسكان أبناء حارتهم، الدرك عملو تحت سلطة الاستعمار لكنهم أبناء البلد وليسوا أشرار بالمطلق وقد قاوموه (الاستعمار) في موقعة البرلمان الشهيرة ومنهم شهداء أعزاء على قلوب جميع السوريين.

ثالثاً- الشخصية الأساسية في المسلسل (أي باب الحارة نفسه)، على علمنا أن أبواب الحارات كانت تغلق في بعض مراحل حكم الدولة العثمانية أما في أيام الفرنسيين فلا، وبالتالي فإن هذه الشخصية بحاجة لإعادة نظر.

رابعاً- قدسية الرجل في المسلسل جامحة لدرجة أن الحريم لايستطيعون أن ينبسوا ببنت شفة أمام رجالهم (عدا شخصية أبو بدر التي تحاول أن تكون فكاهية)، هل هذه القيم التي يحاول المسلسل أن يكرسها ؟ هل هذا ما نحتاجه؟

وخامساً وسادساً ........ شو بدنا نعد لنعد.

ياسيدي إنك تتكلم عن فترة زمنية ليست بالبعيدة وبعض من عاشوها لايزالون بيننا، وعندما نسألهم نجد أجوبة مغايرة لما تحاول أن تصوره في مسلسلك.
نعلم أن مسلسل باب الحارة قد أصبح شركة مساهمة رابحة لجميع من يعمل فيه من أصغر فني الى أكبر ممثل وطبعاً المخرج والكاتب (والصراع الذي نشأ بين نجوم المسلسل وكاتبه وبين بعض زملائهم النجوم والمخرج دليل على ذلك)، وبالتالي فإننا لا نستطيع أن نلومك فيما تقوم به من أجزاء وأجزاء لانعلم متى تنتهي خصوصاً بعد أن أصبحت أموال الـ MBC تتدفق على المسلسل، ولكن:
هل نستطيع أن نقول لك كفى افتراءً على دمشق؟
هل نستطيع أن نقول لك كفى بيعاً لدمشق في بازار المسلسلات الرمضانية؟
هل لك أن تكتفي ؟؟؟؟؟؟؟
ملاحظة: إذا أردنا أن نتعامل بنفس المنطق المناطقي والحاراتي الذي يكرسه المسلسل (والذي يتعارض كلياً مع أخلاقياتي ولا أوافق عليه) فإننا نقول للمخرج والكاتب والكاتب الجديد (دعوا لأهل الشام الأصليين أن يتحدثوا عن مدينتهم) وفهمكم كفاية.


سيريانيوز

برأيي ..
المشكلة الوحيد بالمسلسل .. هو انو حطو حقبتو الزمنية بأيام الاحتلال الفرنسي



لو حطوها ببداية الاحتلال العثماني .. كان المسلسل أقرب للواقع





و عالقليلة .. كنا لزقنا أي تخلف بيظهر بالمسلسل ..... بالعثمانيين

المسلسل صار تجارة اكتو مانو تراث و الشغلة واضحة


.:D

والدور الريادي للعكيد (أو العقيد لا أعلم)
لا تعلم ؟. اي والله بيطلعلك تحكي وتنتقد !!!!!!!

و عالقليلة .. كنا لزقنا أي تخلف بيظهر بالمسلسل ..... بالعثمانيين
أي في كتير ناس متلك . فيك تلزق بباب الحارة او بدونو

يمكن إستمرارية أجزاء هالمسلسل هي يلي خلت الكل ينتقدو .. لأنو لحد هلأ ما شفت حدا إلا وانتقد هالمسلسل .. إبتداءا من أخي الصغير ..
مع إنو في مسلسلات تانية كمان.. فيك تقول .. ابتعدت شوي عن الواقع .. بس ما حدا انتقدها بهالشدة
والسبب إنو الناس عم تابعها .. للتسلاية .. بس هلا .. بحس انو في الناس صارت عم تابع باب الحارة للإنتقاد (متل حالة الإستاذ عبد الحميد شاكر )مثلا .. بس بحالات تانية الناس عم تابع باب الحارة أو غيرو بس لحتى يصير عندها متل خلفية للماضي .. لانو صار الناس بس بدها شي يذكرها بالأيام الخوالي .. وبمحبة الناس لبعضهم .. ولهالروح يلي انفقدت بهالأيام .. حتى لو كانت هالخلفية غير واقعية نوعا ما ..
بس عنجد حسيت إنو إستاذ بسام الملا . لازم يغير اللحن بقا .. وينتقل لغير فكرة ولغير حكاية ولغير زمن ولغير أبطال .. لحتى يوقف الناس عن انتقادو .. وانتقاد أعمالو ..
وشكرا عالنقل :D

أي في كتير ناس متلك . فيك تلزق بباب الحارة او بدونو
كيف خيو ..؟

يمكن إستمرارية أجزاء هالمسلسل هي يلي خلت الكل ينتقدو .. لأنو لحد هلأ ما شفت حدا إلا وانتقد هالمسلسل .. إبتداءا من أخي الصغير ..
مع إنو في مسلسلات تانية كمان.. فيك تقول .. ابتعدت شوي عن الواقع .. بس ما حدا انتقدها بهالشدة
والسبب إنو الناس عم تابعها .. للتسلاية .. بس هلا .. بحس انو في الناس صارت عم تابع باب الحارة للإنتقاد (متل حالة الإستاذ عبد الحميد شاكر )مثلا .. بس بحالات تانية الناس عم تابع باب الحارة أو غيرو بس لحتى يصير عندها متل خلفية للماضي .. لانو صار الناس بس بدها شي يذكرها بالأيام الخوالي .. وبمحبة الناس لبعضهم .. ولهالروح يلي انفقدت بهالأيام .. حتى لو كانت هالخلفية غير واقعية نوعا ما ..
بس عنجد حسيت إنو إستاذ بسام الملا . لازم يغير اللحن بقا .. وينتقل لغير فكرة ولغير حكاية ولغير زمن ولغير أبطال .. لحتى يوقف الناس عن انتقادو .. وانتقاد أعمالو ..
وشكرا عالنقل :D
الناس حبيتو بالبداية .. لأنو ما كان يتعدى كونو قصة تسالي .... متلو متل قصص عنتر و الزير



بس ... لما صاروا القائمين عالمسلسل يدّعو أنو بيرمز لتاريخ الشام ...

و انو بمثل الواقع الدمشقي بفترة العشرينات و التلاتينات

هون أكيد ناس كتير رح تنتقدهم

طيب ممكن نفهم منكم ملخص بسيط عن اشياء مو راضيين عنها .؟؟؟

اكاد اجزم الناس هون بالعراق الكل متابع باب الحاره وانا منهم

ولهلا ماشفت شيء مسيء (على حد علمي ) مافي شيء يسيء لقيم واخلاقيات اهل الشام

بالعكس فيه دعوه واضحه للعوده الى التكاتف والمحبه وحسن الجوار والتراحم .

طيب ممكن نفهم منكم ملخص بسيط عن اشياء مو راضيين عنها .؟؟؟

اكاد اجزم الناس هون بالعراق الكل متابع باب الحاره وانا منهم

ولهلا ماشفت شيء مسيء (على حد علمي ) مافي شيء يسيء لقيم واخلاقيات اهل الشام

بالعكس فيه دعوه واضحه للعوده الى التكاتف والمحبه وحسن الجوار والتراحم .
قمع المرأة..غياب القانون(صار العـgـيد هوي الآمر الناهي)..تكريس مفاهيم الزعرنة القتال بين الحارات..الخ

لما صاروا القائمين عالمسلسل يدّعو أنو بيرمز لتاريخ الشام ...

و انو بمثل الواقع الدمشقي بفترة العشرينات و التلاتينات


سوري .. بس مين هم هالقائمين عالمسلسل ..
لأنو شكلو صاير شي أنا ماني دريانة فيه .. إلا إذا كان هالإحساس صابك وصاب غيرك من كتر حكي الناس ؟؟؟؟؟

:D

سوري .. بس مين هم هالقائمين عالمسلسل ..

أول واحد بسام الملا


و الاحلى هو ادخال التحديثات بشكل مضحك بالاجزاء التالت و الرابع
متل الدكتور .. يللي مبين أنو دخيل عالقصة أو ضافوه عالنص بعد ما انكتب



أو ذكر الكتلة الوطنية بالحوار ... بدون ما نشوف شي عنها





لأنو شكلو صاير شي أنا ماني دريانة فيه


عادي بتصير

فعلاً .. مسلسل باب الحارة صار مقرف .. لك اسمو صار كتير مستهلك ... :sick:
ولأ فوق هيك بيجوا ناس بيتدعوا نو هالمسلسل بيديعي لقيم حميدة وحسنة وما بعرف شو .. هل القيم الحميدة ... انو يتخانقوا الحارات الدمشقية بين بعضها على شغلات تافهة ؟ ولا القيم الحسنة انو تضل " دلال " عم تنوح وتسوح على طول 3 اجزاء من المسلسل !!!! :sick:

آخ بس لو كان مسلسل لاحصرم الشامي ما عم ينعرض على قناة مشفرة ...
يا عم يهاد مسلسل بيحكي عن تاريخ دمشق وبيحكي تفاصيل حقيقية صايرة .. مو باب الزفت :frown:

حكيت مع رفيقي يلي حضر المسلسل ... بجزءو الاول .. قللي يا زلمي شو ام في شي منيح صاير بهداك العصر (ايام العثمانيين وآل العظم).. كلو ظلم بظلم :cry:

بالعكس حسيت إدخالو لهالطبيب (الحكيم) كان شي حلو .. إدلالا عالتطور يلي عم يمرو فيه أهالي هالحارة بهداك الزمن .. وحتى الشخصية الجديدة يلي هي إم جوزيف .. و بحلقة اليوم إنو في صيدلية .. كانت خطوة حلوة .. المسلسل لحد هلا ما بيشكي من عيب .. إلا إذا كان بدون يحطوا دابهم من داب هالمسلسل ليفصلو ويشرحو ويتأكدو من صحتوه .. فهادا الحكي بعيد عن تفكير المشاهدين العاديين .. أو هيك حسيت المتابعين بيفكرو
صح ولا لأ حكي ؟؟
:lol:

انا برايي يسمو بدل باب الحارة باب الجارة لانو كلو صاير حكي نسوان هاد طلق وهي حبلة والتانية مابعرف شو
الله يرحم ايام الادعشري

ولييييه .. شو حاسة انو عندكم حقد وكره لهالمسلسل ..
لك حرام عليكم .. اذا كل هالقد كرهانينو لبقا تابعو وتابعو اخبارو وقصصو ...

ولييييه .. شو حاسة انو عندكم حقد وكره لهالمسلسل ..
لك حرام عليكم .. اذا كل هالقد كرهانينو لبقا تابعو وتابعو اخبارو وقصصو ...
انا عني وعليي ماتابعت غير الجزء الاول والتاني
اما التالت من اول حلقتين اجاني تلبك معوي:sick:

بالعكس حسيت إدخالو لهالطبيب (الحكيم) كان شي حلو .. إدلالا عالتطور يلي عم يمرو فيه أهالي هالحارة بهداك الزمن .. وحتى الشخصية الجديدة يلي هي إم جوزيف .. و بحلقة اليوم إنو في صيدلية .. كانت خطوة حلوة .. المسلسل لحد هلا ما بيشكي من عيب .. إلا إذا كان بدون يحطوا دابهم من داب هالمسلسل ليفصلو ويشرحو ويتأكدو من صحتوه .. فهادا الحكي بعيد عن تفكير المشاهدين العاديين .. أو هيك حسيت المتابعين بيفكرو
صح ولا لأ حكي ؟؟
:lol:
لك يا عمي وين رايحين بهالزحمة ....
فترة التلاتينات هي .. .... مو العصر الحجري



بالتلاتينات كانت سوريا مليانة أطباء و مهندسين

كانت مليانة مدارس ....

كان عنا جامعة مهمة



لك كلية الطب .. تأسست عام 1903

المرأة شاركت بكل الثورات يللي صارت بسوريا


كنا السباقين بسوريا بتأسيس الاحزاب التقدمية

كانت سوريا مليانة أدباء و مفكرين




بفترة التلاتينات .. بضيعتنا كان في سيارات ... معقول بالشام ما كان في غير الطنابر ..!!

انا عني وعليي ماتابعت غير الجزء الاول والتاني
اما التالت من اول حلقتين اجاني تلبك معوي:sick:
me too :sick:
وخصيصاً على تبديل الشخصيات :frown:
لكان بدال ديمة قندلفت ... حطو هديك المعاقة يلي بيسموها ربيع الشاشة (امارات رزق ) :mrgreen:
ولا بدال تاج حيدر (تقبر قلبي :sosweet:) ... حطو وحدة ما منعرف قرعة ابوها منين :jakoush:

ولييييه .. شو حاسة انو عندكم حقد وكره لهالمسلسل ..
لك حرام عليكم .. اذا كل هالقد كرهانينو لبقا تابعو وتابعو اخبارو وقصصو ...
مع اني ضد باب الحارة 4 بس كل المسلسلات الشامية تعرضت للنقد وحتى بعزو يلي هو الجزء التاني . كان في انتقادات ضدو . حتى على سيريانيوز حطو وقتها مقال أنو العالم عم تحضر باب الحارة بدل ماتروح تحرر القدس .:lol:
والاحلى انو كلهم موشوام و بس بيعرفو تاريخ الشام وعاداتها اكتر من أهلها :lol:

كيف خيو ..؟
في كتير ناس متلك بتلزق كل تخلف سوريا بالعثمانيين ولحد هلاء .مع انهم طلعو من أكتر من 100 سن بس تخلفنا يلي لحنا فيه هلاء هنن سببو :lol: . بئال لزيق فيهم لزيق

في كتير ناس متلك بتلزق كل تخلف سوريا بالعثمانيين ولحد هلاء .مع انهم طلعو من أكتر من 100 سن بس تخلفنا يلي لحنا فيه هلاء هنن سببو :lol: . بئال لزيق فيهم لزيق
نلزق التخلف بفترة العثمانيين . .... يللي بدت من 500 سنة


أحسن ما نأكد أنو نحنا متخلفين .. ...... بأعمال فنية متل باب الحارة

مسلسلات البيئة الشامية إذا صح التعبير هي عبارة عن حقائق بنسبة 10% والباقي إضافات من الكاتب والمخرج هدفها الأول والأخير الربح..
يعني باب الحارة والشام العدية التنين كاتبهن قاووق التنين بتحس إنو في شغلات ما بتدخل بالعقل بالمرة يعني عبارة عن شوية كذب مع بهارات بطريقة يخلو هالعالم تتعلق بالمسلسل وبالتالي زيادة الإعلانات ومصاري أكتر
عم يستغبو العالم عم يألفو روايات وأساطير من هالمسلسلات المنطق غايب عنها بشكل كبير
يعني وين مسلسل أيام شامية وليالي الصالحية ووين الخوالي ووين هلأ باب الحارة قديش في فرق بين هالمسلسلات هي
بس خلص بسام الملا عمل عقد مع المسلسلات من هالنوع وحالف يمين ما يتركها لحتى يطلع كلشي إمكانيات بالخرط والتأليف بهالنوع من المسلسلات

مبارح شفت حلقة من مسلسل إسمو الحصرم الشامي هاد المسلسل حصري لأوربت ولسا ما نعرض منو ولا حلقة على أي قناة تانية حسب ما فهمت...
المسلسل هاد بيحكي عن فترة الأغاوات بالشام والجماعات الي كانت موجودة بهديك الفترة إلي هي الوالي العثماني وجماعتو و العسكر والأغاوات للصراحة في أشياء شفتها بالحلقة الأولى قاري عنها قبل بكتاب بيحكي عن الشام يعني في شيء من الواقعية هالمسلسل
إلي بيحب بعطي الموقع إلي نازل فيه حلقات المسلسل هاد

واحلى شي معتز شلون صاير جعاري انو اذا عيط كتير بصير ابضاي :lol:

أنا ضد فكرت إنو العثمانيين هنن سبب تخلفنا حتى لو طلعنا عن الموضوع
العثمانيين خربت أحوالهن بآخر إيامهن وأي إمبراطورية بالعالم ما بتضل ماشية على نفس الوتيرة طول عمرها يعني رح يجي يوم ويبلش السوس ينخر فيها لحتى ياكلها كلها
ليش ما شفنا ولا مسلسل بيحكي عن الدولة العثمانية بأيام عزها ليش دائماً المسلسلات لما تحكي عن العثمانيين بتحكي عن آخر فترة بحياة هالدولة يعني ما بيتطرقوا لفترات قبل
وهاد تماماً إلي صار بفترة العثمانيين فينا نقول إنو بآخر 50 سنة من حكمهن بلشت تنهار هالإمبراطورية وبالتالي من الطبيعي يبلش الخوف عندهن ويلجئوا لأساليب القتل لحتى يضلوا محافظين على حالهن
لهيك أنا ما بحب إحكي إنها إحتلال عثماني متل ما البعض بيسميها
:D

لك يا عمي وين رايحين بهالزحمة ....
فترة التلاتينات هي .. .... مو العصر الحجري



بالتلاتينات كانت سوريا مليانة أطباء و مهندسين

كانت مليانة مدارس ....

كان عنا جامعة مهمة



لك كلية الطب .. تأسست عام 1903

المرأة شاركت بكل الثورات يللي صارت بسوريا


كنا السباقين بسوريا بتأسيس الاحزاب التقدمية

كانت سوريا مليانة أدباء و مفكرين




بفترة التلاتينات .. بضيعتنا كان في سيارات ... معقول بالشام ما كان في غير الطنابر ..!!
فيك تقول متل هيك :
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
طريق الربوة .. وفي سيارات وكهربا :pos:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

جامعة دمشق وفيها بنات ... وفيها بنات مو محجبات كمان :pos:


:D

يكفي انه يطرح مباديء وعادات نظيفه وراقيه
يستاهل المتابعه موشايفه عليه شي ..بالعكس جدا رائع

نلزق التخلف بفترة العثمانيين . .... يللي بدت من 500 سنة


أحسن ما نأكد أنو نحنا متخلفين .. ...... بأعمال فنية متل باب الحارة
مع انو باب الحارة بهاد الفكر ومتل ماطرحو المخرج . لسا متقدم اكتر بمليون مرة من ضيع عنا . بئال بعتقد في تنقضو فنيا . اما تنقضو تأريخيا وكيف كانت العيشة صعبة عليك شوي

مع انو باب الحارة بهاد الفكر ومتل ماطرحو المخرج . لسا متقدم اكتر بمليون مرة من ضيع عنا . بئال بعتقد في تنقضو فنيا . اما تنقضو تأريخيا وكيف كانت العيشة صعبة عليك شوي
العاصمة .... لازم تكون متقدمة ... أكتر من كل مدن الوطن .. فما بالك بالريف




بس حسب باب الحارة ..... أنأى قرية بافريقيا متقدمة كتير عالشام






هامش
بستغرب من أهل الشام .. يللي بدافعوا عن هيك صورة ...


هادا في حال كان رأي كل أهل الشام هيك

العاصمة .... لازم تكون متقدمة ... أكتر من كل مدن الوطن .. فما بالك بالريف




بس حسب باب الحارة ..... أنأى قرية بافريقيا متقدمة كتير عالشام






هامش
بستغرب من أهل الشام .. يللي بدافعوا عن هيك صورة ...


هادا في حال كان رأي كل أهل الشام هيك
متقدم قلتلي . حبيب أنا سافرت لعدة بلدان عربية . وكل يلي جابو سيرة باب الحارة . جابو سيرة مجموعة القيم والمبادئ يلي طرحها . اذا مابينت معك فأكيد عندك مشكلة فيها . لا تستغرب هيك رأي اغلب اهل الشام
وحتى منشوف أنو الشام بايامها كانت أفضل من الشام هلاء

هامش
بستغرب من أهل الشام .. يللي بدافعوا عن هيك صورة ...


هادا في حال كان رأي كل أهل الشام هيك

من وجهة نظري هالمسلسلات بكل الكذب يلي فيها بس فيها شي بيحبوا أهل الشام وبيحبو يضل متذكرينو إلي هو العلاقات جوات العيلة الوحدة, العلاقات بين الجيران طريقة التعاطي بين الأب والأولاد, الأب وإخواتو وبين الأولاد مع بعضن
يعني بما إني واحد من أهل الشام فحياتي جوا البيت وعلاقتي بأهلي ما بتختلف كتير عن يلي مطروح بهيك نوعية من المسلسلات حتى علاقاتنا مع جيرانا ما بتختلف كتير

بصراحة مش بحب هاد المسلسل
تابعته مرتين
بس شخصية العقيد مو مريحة

يعني يمكن لو كان هاد الممثل بادوار اجتماعية وحديثة بلبقلو
بس عقيد ما حبيته

من وجهة نظري هالمسلسلات بكل الكذب يلي فيها بس فيها شي بيحبوا أهل الشام وبيحبو يضل متذكرينو إلي هو العلاقات جوات العيلة الوحدة, العلاقات بين الجيران طريقة التعاطي بين الأب والأولاد, الأب وإخواتو وبين الأولاد مع بعضن
يعني بما إني واحد من أهل الشام فحياتي جوا البيت وعلاقتي بأهلي ما بتختلف كتير عن يلي مطروح بهيك نوعية من المسلسلات حتى علاقاتنا مع جيرانا ما بتختلف كتير

أنا معك تماما

لك شفت لبنانية وامارتية وسعودية واردنية . كلهم مدحو بهاد الشي وأكدو أنو كمان كان موجودعندهم . وانو لحنا بحاجة نستنهضوا بمجتمعاتنا . بالوقت يلي بتلاقي فيه ناس من قلب سورية . بتهاجم هاد الشي . بس لأنو بيحكي عن الشام

أنا معك تماما

لك شفت لبنانية وامارتية وسعودية واردنية . كلهم مدحو بهاد الشي وأكدو أنو كمان كان موجودعندهم . وانو لحنا بحاجة نستنهضوا بمجتمعاتنا . بالوقت يلي بتلاقي فيه ناس من قلب سورية . بتهاجم هاد الشي . بس لأنو بيحكي عن الشام

في كتير ناس بعرفها عم يحاولوا يحافظوا على هالنمط من العلاقات وهالنمط من العادات ومو بس من أهل الميدان إلي كتير ناس هلأ بتنتقضهن على إنهن كتير منغلقين على حالهن وكتير متمسكين بعاداتهن لحد الآن وماعم يغيروا فيها متلهن متل أهالي الشاغور وشوي من أهالي الصالحية بالعكس في ناس من برّا حارات الشام في أكتر من عيلة بعرفها من تل منين عايشين نفس هالنمط من الحياة ومتمسكين فيه كتير

المسلسل فعلاً اللي نجّحو هو حنين الناس للعلاقات الاجتماعية اللي كانت موجودة بالماضي، ومشان هيك الجزئين الأول والناي كانو حلوين لأنو ركزو على هالنواحي وكانت الخلفية التاريخية كتير خفيفة، بس المشكلة أنو الأجزاء الباقية أو اللي مبين منها لهلأ صارت عم تركز على حوادث تاريخية مهمة، بس عم تحاول تركبا على الشخصيات الموجودة أصلاً بالمسلسل وهون المشكلة، يعني إذا صارت القصة عن تاريخ الشام، فالمسلسل عم يغفل أشيا كتيرة صعب الواحد يبلع تجاهلا، وإذا بدو يستمر بشغلة العلاقات الاجتماعية فهي استهلكت بالأجزاء التلاتة الأولى، مشان هيك مبين في شوية ضياع بالموضوع، بس اللي مخلي المسلسل هو القدرات الإخراجية المميزة عند بسام الملا واللي صعب الواحد ينكرا، وخصوصاً قدرتو على اختيار الممثلين المناسبين، وواضح أنو اللجوء لمنى واصف، هو لإنقاذ المسلسل من نقص القدرات التمثيلية القوية اللي أصابه بعد خروج كتير من نجومو.

[quote=I_Love_Syria;1324683]أنا ضد فكرت إنو العثمانيين هنن سبب تخلفنا
يعني كانو سبب تقدمنا.....انت شو عم تحكي.
لهيك أنا ما بحب إحكي إنها إحتلال عثماني متل ما البعض بيسميها
شو بتحب تسميهن مثلا (الاخت الفاضله عثمانيا):sly:

بحلقة البارح او اول البارح
اندكر اسم ديغول
يعنس المسلسل صايرة احداثو بالخمسينات او الستينات
كتير واضح ان الاحداث مختلقة مو معقول تكون هي الاحداث اللي من وراها اتحررت سوريا

يعني كانو سبب تقدمنا.....انت شو عم تحكي.



إنت شو عندك دلائل على إنهن سبب تخلفنا غير آخر 50 سنة شو تغير فينا من وقت ما طلعوا لهلأ
عطيني شي العرب فالحين فيه غير الأكل والشرب وال ...
شوفي شي عملناه بعد ماطلعوا لإبصملك بالعشرة وقلك مزبوط هنن سبب تخلفنا والدليل إنهن بس طلعوا من عنا بلشت الإنجازات تطلع والعالم عم ياخد من علمنا والدنيا كلها بدها رضانا

شغلة تانية مو معقول نحكم على دولة استمرت 400 سنة بس من آخر خمسين سنة
مابتوقع في دولة بتقتل الناس وبتكون سبب لتراجعهن وخلافو وبتضل حاكمة 400 سنة خصوصي دولة بهالحجم هاد لهيك حسب رأيي من الغلط نعمم آخر 50 سنة عال 350 سنة التانيات...

شو بتحب تسميهن مثلا (الاخت الفاضله عثمانيا):sly:
بعتقد إني حر بالتسمية إلي بسميها فيها بسميها دولة بسميها إمبراطورية أي إسم بشوفو أنا مناسب من وجهة نظري وقناعاتي
:D

لا ما هني من أد مو تأثيرون قوي ففيك تقول أنو كل شي بيصير بالمنطقة العربية من هون لشي 200 سنة إذا مو أكتر الحق فيه عالعثمانيين.

شوفي شي عملناه بعد ماطلعوا لإبصملك بالعشرة وقلك مزبوط هنن سبب تخلفنا والدليل إنهن بس طلعوا من عنا بلشت الإنجازات تطلع والعالم عم ياخد من علمنا والدنيا كلها بدها رضانا

بعد ما طلعو اجى الاحتلال الفرنسي..بس بتشوف بعد هديك الفترة صار في انقلابات كتير

لا ما هني من أد مو تأثيرون قوي ففيك تقول أنو كل شي بيصير بالمنطقة العربية من هون لشي 200 سنة إذا مو أكتر الحق فيه عالعثمانيين.

والله إذا بنضل عايشين ألف سنة رح تضل ناس تقول الحق عالعثمانيين لأني واثق إنو مالنا رح نتغير ولا بألفين سنة تانيات

بعد ما طلعو اجى الاحتلال الفرنسي..بس بتشوف بعد هديك الفترة صار في انقلابات كتير
لهلأ مافي مبرر واحد بيبرر التخلف إلي عايش فيه الوطن العربي بشكل عام

هلأ يللي قصدتو أنا الظاهر ما حدا عم يحب يفهمو

أنا قلت لو كان المسلسل بفترة العثمانيين .. كانو القائمين على المسلسل لاقوا حجة يتحججو فيها متل العادة .. إذا حدا سألون عن شي مظهر تخلف بالمسلسل

هادا ما بيعني أني مع هالحكي
الو ما كانو العرب متخلفين أكتر من العثمانيين .... ما كانو ضلو تحت الاحتلال 400 سنة
حتى انو في بعضون كان بيرفض يسميه احتلال .... متل ما في ناس بغير محل كانت تسمي الاحتلال الفرنسي انتداب

المسلسل فعلاً اللي نجّحو هو حنين الناس للعلاقات الاجتماعية اللي كانت موجودة بالماضي، ومشان هيك الجزئين الأول والناي كانو حلوين لأنو ركزو على هالنواحي وكانت الخلفية التاريخية كتير خفيفة، بس المشكلة أنو الأجزاء الباقية أو اللي مبين منها لهلأ صارت عم تركز على حوادث تاريخية مهمة، بس عم تحاول تركبا على الشخصيات الموجودة أصلاً بالمسلسل وهون المشكلة، يعني إذا صارت القصة عن تاريخ الشام، فالمسلسل عم يغفل أشيا كتيرة صعب الواحد يبلع تجاهلا، وإذا بدو يستمر بشغلة العلاقات الاجتماعية فهي استهلكت بالأجزاء التلاتة الأولى، مشان هيك مبين في شوية ضياع بالموضوع، بس اللي مخلي المسلسل هو القدرات الإخراجية المميزة عند بسام الملا واللي صعب الواحد ينكرا، وخصوصاً قدرتو على اختيار الممثلين المناسبين، وواضح أنو اللجوء لمنى واصف، هو لإنقاذ المسلسل من نقص القدرات التمثيلية القوية اللي أصابه بعد خروج كتير من نجومو.
معك تماما بهاد الكلام

[quote=I_Love_Syria;1324683]
يعني كانو سبب تقدمنا.....انت شو عم تحكي.

شو بتحب تسميهن مثلا (الاخت الفاضله عثمانيا):sly:
فيكي تتمشي شوي من الحلبوني للجامع الأموي لتشوفي أنو يلي عملوه العثمانيين لهلأ موجود وافضل وأجمل (للأسف ) من يلي عملناه بعد الاستقلال

وفي فرق شاسع بتقبل الناس لعالم عاشو معهم 400 سنة عن عالم استقبلوهممن أول يوم بمعركة ميسلون

هاد غير انو ماعم ندافع عنهم بس عمنفرق بين أنو نلبسهم كلشي . أو أنو نحكي بواقعية ونفرق بين بدايات الدولة وبين نهاياتها

لك هلا كل هالحكي صار .. بس بسبب انتقاد الخيال التاريخي يلي بمسلسل باب الحارة ..
فوق ما تفتخرو بشجاعة اهل الشام و ببطولتهم يلي ظهرت بهالأجزاء الأخيرة.. يلي هلا صعب ويمكن مستحيل نرجع نلاقي متلها لا برجال الشام ولا بشباها حتى .. قاعدين عم تتعمدو انتقاد التفاصيل التاريخية يلي نحنا متأكدين انو عرض هالمسلسلات من هالنوع مو لهدف تغير التاريخ السوري العريق
يعني ما بعرف ليش هيك حاملين السلم بالعرض وماشين .. اي نعم بهداك الوقت كان في سيارات وكان في هالقصص هي كلها .. بس بهالمسلسل ورجونا أبسط الحارات يلي كانت بوقتها
يعني هلا هالحكيم ما كان حيكون اسمو حكيم ولابس هالطقم لو ماكان متعلم بجامعة دمشق وبكلية الطب يعني المسلسل ناجح من كل الجهات إلا جهة وحدة ويلي هي التنسيق التاريخي مابين الفرنسيين أو العثمانين
بس متل ما بيقلو ... لكلن رأيه ...
:D

[quote=ه,Black Orchid;1324866]
يكي تتمشي شوي من الحلبوني للجامع الأموي لتشوفي أنو يلي عملوه العثمانيين لهلأ موجود وافضل وأجمل (للأسف ) من يلي عملناه بعد الاستقلال

وفي فرق شاسع بتقبل الناس لعالم عاشو معهم 400 سنة عن عالم استقبلوهممن أول يوم بمعركة ميسلون

هاد غير انو ماعم ندافع عنهم بس عمنفرق بين أنو نلبسهم كلشي . أو أنو نحكي بواقعية ونفرق تبين بدايات الدولة وبين نهاياتها

كل محتل مرء ببلادنا ترك اثره ورا, و400 سنه عشنامعهون كانوا سنين ذل ,
وفقر وتعتير, ومكره أخاك لابطل ,ولو قدروا أخدوا اللي تركوا من الحلبوني للجامع
الاموي واكتر, بعدين شو قصه عشنا معهن هي ؟؟؟؟؟؟؟في ثوابت مالازم تتبدل أوتتلون
كل واحد عمزاحه , اليوم تركيا مو احتلال وفرنسا انتداب, الله وأعلم ولادنا شو بدهن يسموا
اسرائيل بكرى.:frown:

ما حدا عم يقول أن الاحتلال العثماني كان منيح أو أنو الفرنسيين كانو عم يقدمولنا خدمة هون، بس المشكلة أنو كمان ما فينا نزت كل مشاكلنا الحالية على نتائج الاحتلالات اللي مرت علينا، اليابان تدمرت بشكل كتير كبير بعد الحرب العالمية التانية والقنابل النووية اللي انرمت عليها، وقدروا يطلعو من تحت الصفر، ويعملو دولة متقدمة من كل النواحي. لو بعدون عم يلومو الأميركان وناطرين الفرج، كانو هلأ آخر الدول تقدماً. بس هني حطو كلشي وراهن وركزو على الشغل وبناء بلدن من جديد.

بالزمانات كنت قاعد مع تنين عتائ و كانو عم يحكو عن الإحتلال العثماني و الفرنسي
و يقولو ادي كانت فرنسا احسن من تركيا بالمعاملة و القوانين

و في واحد منن قال نظرية قال العتمانيين ظلو عنا 300 سنة ما حدا قلن وينكن و كانو ظالمين و متعسفين
و الفرنسيين ما قعدولن كم سنة الا و قامت الدنية عليهن ..... ليش لأنن حاولو يرقونا و يحدثو بلدنا
يعني رضينا نعيش ب 300 سنة من التعسف و ما قدرنا عا كم سنة من الألتزام و التطوير

و بالفعل شوفو كل شي مظبوط بالبلد مخطط من قبل فرنسا شوارعنا نظام المجاري عنا الجسور و المتحلقات

لك حتى في أماكن شجروها بزمان عمرنا ما كنا نفكر بالتشجير نحنا

يعني بجوز في منطق بهالنظرية نوعا ما

.:D

مافي احتلال بأي حقبة وبأي دولة بالعالم من مصلحتو انو يكون الشعب المُحتل ( أي اللي تم احتلاله ) عنده انفتاح ان كان ثقافي او سياسي او أي نوع من الانفتاح، وبالتالي كلا الاحتلالين الفرنسي والعثماني أثارهن السلبية لا تعد ولا تُحصى عأرض هالبلد، وإن كان اي شي جيد عملوه مانو مبرر ليتم رمي التهم عالكفة التانية من المحتل ( يعني ازا كان عامل شغلة منيحة العثماني نرميها عالفرنسي والعكس يعني )، ومافي شي بيشفع للاحتلال قد ما كان مساوي منايح لانه بضل اسمو احتلال
بالنسبة لباب الحارة شفت الجزء الأول ، والجزء التاني
التالت ما شفت منو غير مشاهد لا تتعدى الـ 10 مشاهد السنة الماضية ، وكان الأفضل يتم تسميته السنة الماضية بـ أبو البنات مثلاً :lol:
مع احترامي لكل مين بيحب باب الحارة من اول جزء ولآخر جزء ، انو اي قيم واخلاق وعادات وتقاليد ، بس سوريا بهديك الفترة مانها بس الشام ، ومانها هالبيوت المغلقة . يعني فيه ثغرات كتير ومتل ما حكو الشباب فوق بالنسبة للسيارات او للجامعات او او او او .. الخ
باب الحارة برايي حالياً هوي تجسيد للمجتمع المنغلق على نفسه بهديك الحقبة، وهالمجتمع المنغلق مانو سلبي ككل عمقول يعني لحالي انو اي فيه شغلات منيحة ، لكنو عميهمش كتير شغلات منيحة كانت عمتصير
وشوبعرفني
سلطة أمور الدراما التاريخية عنا صايرة ، ما وقفت عباب الحارة :sick: